საბანკო ასოციაცია საწარმოებს აფრთხილებს: რეგისტრაციის განახლების ბოლო ვადა 1 აპრილია

პარლამენტის თავმჯდომარემ ბუდაპეშტში უმაღლესი პოლიტიკური თანამდებობის პირების ვიზიტებზე დასმული კითხვის საპასუხოდ აღნიშნა, რომ უნგრეთთან პარტნიორული ურთიერთობა სწორედ ამ პრინციპს ეფუძნება.„უნგრეთი და უნგრეთის ხელისუფლება ქართველი ხალხის სუვერენიტეტს პატივს სცემს და ამიტომ მათთან პარტნიორული ურთიერთობა გვაქვს, ხოლო ესტონეთის ხელისუფლება ქართველი ხალხის სუვერენიტეტს პატივს არ სცემს და ამიტომ ურთიერთობების გაციებას ვხედავთ“, - განაცხადა შალვა პაპუაშვილმა.მისივე თქმით, საქართველოს მხრიდან პარტნიორობისთვის მოთხოვნები მინიმალურია:„ჩვენ ჩვენი მხრიდან პარტნიორობისთვის ყოველთვის მზად და ღია ვართ. გვაქვს ძალიან მცირე მოთხოვნები - პატივი სცენ ჩვენი ქვეყნის სუვერენიტეტს! ვინც ჩვენს სუვერენიტეტს პატივს არ სცემს, როგორიც არის ესტონეთი, ლიეტუვა და სხვა ქვეყნები, რა თქმა უნდა, ასეთი ქვეყნების ხელისუფლებებთან თბილი ურთიერთობები ვერ გვექნება“.პაპუაშვილმა ხაზგასმით აღნიშნა, რომ აღნიშნულმა ქვეყნებმა უნდა გაიაზრონ საკუთარი დამოკიდებულება საერთაშორისო სამართლისა და ქართველი ხალხის მიმართ.„მეგობრებო, „ტვიტებით“ და წითელი ხალიჩებით არ იზომება. ქვეყნებს შორის მეგობრობა სუვერენიტეტის პატივისცემით იზომება. არ სცემ საქართველოს სუვერენიტეტს პატივს, არ მოგეგება პატივი ქართველი ხალხისგან“, - დასძინა პარლამენტის თავმჯდომარემ.

1774344490

აქვე შეგახსენებთ, რომ მიმდინარე წლის 1-ლი აპრილი ამავე პერიოდის საწარმოს/ორგანიზაციის ქონების გადასახადის წლიური დეკლარაციის წარდგენის და გადახდის თარიღია.საქართველოს საგადასახადო კოდექსით დადგენილი გადასახადების გადახდისას, მიუხედავად იმისა, რომელი ტერიტორიული ერთეულის ბიუჯეტში მიემართებაიგი,მათ შორის ფიზიკური პირის საშემოსავლო გადასახადის და საწარმოთა ქონების/მოგების გადასახადის გადახდისას, საკმარისია მხოლოდ ერთიანი სახაზინო კოდის -10 100 1000 მითითება (საგადასახადო დავალებაში არ აღინიშნება გადასახადის განმსაზღვრელი სხვა კოდი).დეტალური ინფორმაციის მისაღებად, შეგიძლიათ იხელმძღვანელოთ შემდეგი ბმულებით:მიკრო ბიზნესის მიერ 2025 წლის საშემოსავლო გადასახადის წლიური დეკლარაციის წარდგენის ინსტრუქციაhttps://www.youtube.com/watch?v=Xov32Fqpk_A&t=2s მცირე ბიზნესის მიერ 2025 წლის საშემოსავლო გადასახადის წლიური დეკლარაციის წარდგენის ინსტრუქციაhttps://www.youtube.com/watch?v=dSi7m0jJ1Cs ინსტრუქცია საცხოვრებელი ფართის საცხოვრებელი მიზნით გამქირავებელი ფიზიკური პირებისთვისhttps://www.youtube.com/watch?v=lr-BdiYvLcw&t=11s ხშირად დასმული კითხვები:· ფიზიკური პირებისთვისhttps://rs.ge/PersonsTaxFAQ?cat=1&tab=1 · იურიდიული პირებისთვისhttps://rs.ge/LegalEntityTaxFAQ?cat=1&tab=1 სასურველი ინფორმაციის მისაღებად ასევე, შეგიძლიათ ისარგებლოთ შემოსავლების სამსახურის ციფრული სერვისებით - "RS ჩათი" და "RS ბოტი"  ან დაუკავშირდეთ საკონსულტაციო სატელეფონო ცენტრს  2 299 299გადასახადის გადამხდელებს დეკლარაციების  წარდგენისა და შესაბამისად, გადახდის ვადის შესახებ, საინფორმაციო ხასიათის  ტექსტური შეტყობინება უკვე გაეგზავნათ შემოსავლების სამსახურის ავტორიზებულ გვერდებზე. 

1774343700

მოსამართლე გიორგი არევაძემ ხოშტარია დამნაშავედ ცნო სხვისი ნივთის დაზიანებაში, რამაც მნიშვნელოვანი ზიანი გამოიწვია. გამოძიების თანახმად, პოლიტიკოსმა სამი ბანერი დააზიანა, რამაც ჯამში 570 ლარის ზარალი შეადგინა.ელენე ხოშტარია 2025 წლის 15 სექტემბერს დააკავეს მას შემდეგ, რაც მან კახა კალაძის საარჩევნო შტაბთან ბანერზე წარწერა „რუსული ოცნება“ გააკეთა. პოლიტიკოსმა თავადვე გაავრცელა ვიდეო სოციალურ ქსელში და განაცხადა, რომ ეს იყო სოლიდარობის აქტი სტუდენტ მეგი დიასამიძის მიმართ, რომელიც ანალოგიური ქმედებისთვის მანამდე დააკავეს.ხოშტარია სასამართლო პროცესებს არ ესწრებოდა და ხელისუფლებას ლეგიტიმაციას არ უცხადებდა. „ის არ აღიარებს ხელისუფლების არცერთ შტოს, მათ შორის არც სასამართლოს“, - ნათქვამია პენიტენციური დაწესებულების ოქმში, რომელიც მოსამართლემ სხდომაზე წაიკითხა.მოსამართლის განმარტებით, დანაშაული დადასტურებულია ვიდეოკადრებითა და ექსპერტიზის დასკვნით, რომლის მიხედვითაც ბანერების აღდგენა შეუძლებელია.არევაძემ ხაზი გაუსვა, რომ სასჯელის დამძიმებაზე გავლენა იქონია იმ ფაქტმა, რომ ხოშტარიას წარსულში 16-ჯერ ჰქონდა ადმინისტრაციული სამართალდარღვევა ჩადენილი და არცერთი ჯარიმა არ ჰქონდა გადახდილი.ასევე, პოლიტიკოსს მანამდე შეფარდებული ჰქონდა 5 000 ლარის ოდენობით საპატიმრო გირაო, რომლის გადახდაზეც მან უარი განაცხადა, რის გამოც განაჩენის გამოცხადებამდე პატიმრობაში იმყოფებოდა.საზოგადოებრივმა ადვოკატმა ელენე მაღლაკელიძემ გადაწყვეტილებას უკანონო უწოდა და აღნიშნა, რომ ეს არის სისტემის მხრიდან კრიტიკული ხმების ჩახშობის მცდელობა.„ეს გადაწყვეტილება არ ეხება მხოლოდ ელენე ხოშტარიას, ეს ეხება სრულიად საზოგადოებას. დღეს სისტემამ კიდევ ერთხელ დაგვანახვა, როგორ ექცევა ის კრიტიკულ ხმებს“, - განაცხადა ადვოკატმა სხდომის დასრულების შემდეგ.ხოშტარია სასჯელაღსრულების დაწესებულებას დაახლოებით ერთ წელიწადში დატოვებს, რადგან მას პატიმრობის ვადაში ჩაეთვალა განაჩენამდე წინასწარ პატიმრობაში გატარებული დრო.

1774343044

„ამერიკელები ვერ ხედავენ, სად შეიძლება შევთანხმდეთ მთავარ საკითხზე. ამან შესაძლოა აიძულოს ისინი საერთოდ გავიდნენ პროცესიდან, გადაერთონ ირანზე, თავიანთ არჩევნებზე და ა.შ. ისინი მზად არიან ჩვენთვის უსაფრთხოების რეალური გარანტიებიც კი გასცენ, თუ დონბასიდან გამოვალთ. მაგრამ როგორ უნდა განხორციელდეს ეს უკრაინაში, უბრალოდ ვერ წარმომიდგენია“, - ამბობს ზელენსკის გუნდის ერთ-ერთი წევრი, რომელსაც საშუალება ჰქონდა გასცნობოდა 21–22 მარტის მოლაპარაკებების ბოლო რაუნდის შედეგებს.Українська правда წერს, აღინიშნება, რომ სამოლაპარაკო პროცესს რეალური სტარტი ტრამპისა და პუტინის საზაფხულო შეხვედრაზე, ანკორიჯში მიეცა. ამჟამად რუსეთი მუდმივად უბრუნდება აშშ-ის პრეზიდენტთან ანკორიჯში მიღწეულ „შეთანხმებებს“, რაც ბლოკავს უკრაინასთან რეალური სამოლაპარაკო პროცესის განვითარებას.„შეხვედრებზე თითქოს სამი მხარე ზის, მაგრამ უკრაინა მუდმივად ამ ანკორიჯზე კამათობს. ანუ, რაზეც არ უნდა ვსაუბრობდეთ, ყველაფერი იქამდე მიდის, რომ ამერიკელები გვეუბნებიან: ‚გამოდით დონბასიდან და ჩვენ აგიშენებთ სამოთხეს, როგორც ალასკაზე შევთანხმდით‘. სამოლაპარაკო პროცესის მთავარი პუნქტი დონეცკის ოლქში უკრაინული ძალების საკითხია", - ამბობს ზელენსკის გუნდის წევრი და იქვე დასძენს, - „ჩვენები დიდ დროს ხარჯავენ იმაზე, რომ ამერიკელები როგორმე ჯარების გაყვანის იდეიდან ეკონომიკური ზონების შექმნის ან სხვა რამისკენ გადაიყვანონ. მაგრამ რაღაც მომენტში კვლავ ყველაფრის უარყოფა გვესმის: "უნდა გამოხვიდეთ", და ასე, წრეზე“.გარდა ამისა, უკრაინა დამოკიდებულია მოკავშირეების ფინანსურ მხარდაჭერაზე.„ევროპელები იფიცებიან, რომ ფული იქნება და უნგრეთის წინააღმდეგობას როგორმე გვერდს აუვლიან. ჩვენ ჯერჯერობით საკუთარ ბიუჯეტს ვიყენებთ, მაგრამ თუ ევროკავშირი ვერაფერს მოიფიქრებს, წლის მეორე ნახევარში შეიძლება აღმოჩნდეს, რომ არმიისთვის ფული კიდევ ცოტა გვაქვს, სოციალური გასაცემლებისთვის კი - აღარ. და ამ დროს საერთოდ გაურკვეველი იქნება, რა უნდა ვქნათ... ამიტომ, ცხადია, რომ ბუდანოვი და არახამია უნდა დადიოდნენ, უნდა ლაპარაკობდნენ, ეძებდნენ ფორმულირებებს. იმდენ ხანს, რამდენიც საჭირო იქნება. წინააღმდეგ შემთხვევაში, წინ კიდევ რამდენიმეწლიანი ომია და უკვე აშშ-ის გარეშე. არიან კი ადამიანები ამისთვის მზად? - მეშინია, რომ არა“, - ამბობს ზელენსკის გუნდის ერთ-ერთი წარმომადგენელი.22 მარტს, უკრაინისა და აშშ-ის მომლაპარაკებლების შეხვედრების შემდეგ, პრეზიდენტმა ვოლოდიმირ ზელენსკიმ განაცხადა, რომ არის სიგნალები უკრაინასა და რუსეთს შორის გაცვლების შესაძლო გაგრძელების შესახებ.21 მარტს უმეროვმა განაცხადა, რომ უკრაინისა და აშშ-ის წარმომადგენლებმა ფლორიდაში გააგრძელეს შემდგომი ნაბიჯების განხილვა სამოლაპარაკო ტრეკის ფარგლებში, ხოლო ვიტკოფმა უკრაინული და ამერიკული დელეგაციების შეხვედრას, რომელიც „გადაუჭრელი საკითხების წრის შევიწროებას“ ეხებოდა, კონსტრუქციული უწოდა.პრეზიდენტის ოფისის ხელმძღვანელმა და რუსებთან უკრაინის სამოლაპარაკო ჯგუფის წევრმა, კირილო ბუდანოვმა განაცხადა, რომ რუსული მხარე დათანხმდა უკრაინისთვის აშშ-ისგან უსაფრთხოების გარანტიების მიღებას. მან ასევე ისაუბრა სამხედრო ქვეჯგუფში მოლაპარაკებების პროგრესზე.

1774342089

თიბისი კამპუსი ახალი საგანმანათლებლო ნაკადით ბრუნდება და 18-24 წლის ახალგაზრდებს ტექნოლოგიებისა და მონაცემთა ანალიზის მიმართულებით განვითარების შესაძლებლობას სთავაზობს.თიბისი კამპუსი მონაწილეებს, საქართველოს ნებისმიერი რეგიონიდან, სრულიად უფასოდ აძლევს შესაძლებლობას ონლაინ დაეუფლონ თანამედროვე, მოთხოვნად პროფესიებს, გაიღრმაონ ცოდნა, განივითარონ პრაქტიკული უნარები და შექმნან საკუთარი კარიერული გზა.კამპუსის წლევანდელი სიახლეა, რომ სასწავლო პროგრამა ოთხ დამოუკიდებელ მოდულს აერთიანებს, მათ შორისაა ახალი კურსი - ტექნოლოგიებისა და Data, რომელზეც რეგისტრაცია უკვე ღიაა და 1 აპრილის ჩათვლით გაგრძელდება.ტექნოლოგიები & Data-ს მოდულის ფარგლებში მონაწილეები გაიგებენ, როგორ მუშაობს ტექნოლოგიური პროდუქტები და შეისწავლიან მონაცემთა დამუშავებას. გაეცანი კურსებს და შეარჩიე სასურველი: მონაცემთა ანალიზი ტექნოლოგიური პროექტების მართვის საფუძვლები IT ბიზნეს ანალიზი SQL, როგორც მონაცემთა დამუშავების ერთ-ერთი მთავარი ინსტრუმენტი თიბისი კამპუსის პროგრამის განსაკუთრებული უპირატესობა პრაქტიკულ გამოცდილებაზე ორიენტაციაა. მონაწილეები იმუშავებენ რეალურ ამოცანებზე და პროფესიონალი ლექტორების მხარდაჭერით შეძლებენ მიღებული ცოდნის პრაქტიკაში გამოყენებას.მთავარია გჯეროდეს საკუთარი მიზნების, ინტერესების და შესაძლებლობების - სწორედ ეს რწმენა ხდება პირველი ნაბიჯი წარმატებისკენ. თიბისის უფასო საგანმანათლებლო პროგრამების ფარგლებში - თიბისი ტექსკოლა, კამპუსი, IT აკადემია, ტექ ოლიმპიადების ჰაბი, AI სტუდენტური კლუბი და სხვა ინიციატივები - მიიღებ ცოდნას, შექმნი პირველ ციფრულ პროექტებს, აღმოაჩენ საკუთარ ძლიერ მხარეებს და ტექნოლოგიურ სამყაროში საკუთარ ისტორიას თავად დაწერ.(R)

1774341182

კომპანიის მკვლევარები განმარტავენ, რომ სესხის ოპტიმალური სტრუქტურის განსაზღვრისას, უპირველეს ყოვლისა, უნდა დადგინდეს, თუ რა ვალუტაშია ბიზნესი ჰეჯირებული. მათი თქმით, ჰეჯირება ნიშნავს, რომ „გაცვლითი კურსის ცვლილება კომპანიის ფინანსურ მაჩვენებლებზე მატერიალურ გავლენას არ ახდენს“. ამ კონტექსტში, „თიბისი კაპიტალი“ ხაზს უსვამს, რომ ჰეჯირების მაჩვენებლები სექტორების მიხედვით განსხვავდება: თუ ავტომობილების ფასი უცხოურ ვალუტაზეა მიბმული, საცხოვრებელი უძრავი ქონების ფასები, დომინანტური შეხედულების საპირისპიროდ, „მეტწილად ლარშია დენომინირებული“.სავალუტო სტრატეგიის საკვანძო ფაქტორები:საინვესტიციო კომპანიის მიერ მომზადებულ ერთგვერდიან შეჯამებაში ბიზნესისთვის რამდენიმე პრაქტიკული რეკომენდაციაა გამოყოფილი: მულტისავალუტო კალათა: კვლევის მიხედვით, დოლარი-ევრო-იუანის კალათა „40%-ით რეალური ლარის ეკვივალენტია, გაცილებით დაბალი ხარჯებით“. ბიზნესის ციკლურობა: მკვლევრები მიიჩნევენ, რომ „მიმდინარე პრაქტიკისგან განსხვავებით, ციკლურ სექტორებში ლარის წილი მეტი უნდა იყოს“. საპროცენტო განაკვეთები: მიუხედავად მნიშვნელობისა, დიფერენციალი არ უნდა იყოს „ერთადერთი და გადაჭარბებული მნიშვნელობის ფაქტორი, როგორც ეს ხშირ შემთხვევაშია“. მომგებიანობა: სწორად ჰეჯირებული სტრუქტურა იძლევა მეტი სესხის აღების შესაძლებლობას „სტრესული სცენარის გარეშეც“. გლობალური კონტექსტი და პროგნოზები:კომპანიის მკვლევარები ყურადღებას ამახვილებენ ლარისა და ევრო/დოლარის წონასწორული ნიშნულების შეფასებაზე. პუბლიკაციაში დასმულია საკითხი, რამდენად მიზანშეწონილია იმ ვალუტაში სესხება, რომელიც სტრესულ ეპიზოდებში მყარდება და რამდენად რელევანტურია დღეს ე.წ. „დოლარის ღიმილი“. აქვე გაანალიზებულია ახლო აღმოსავლეთში ესკალაციის გავლენა დოლარზე, როგორც „უსაფრთხო აქტივის სტატუსის გაძლიერებაზე“.„თიბისი კაპიტალში“ აღნიშნავენ, რომ ჩარჩო, რომლის იდეაც ჯერ კიდევ 2019 წელს გამოქვეყნდა, სულ უფრო ფართო გავრცელებას იძენს. „გრძელდება მუშაობა ინდივიდუალურ, კომპანიებზე მორგებულ მიდგომებზე“, - აცხადებენ საინვესტიციო კომპანიაში და პარტნიორებს მზადყოფნას უცხადებენ შემდგომი თანამშრომლობისთვის.

1774338025

კაპიტალის ბაზრების საერთაშორისო კონფერენციაზე გამოსვლისას, პრემიერმა ხაზი გაუსვა, რომ ფიზიკურ ინფრასტრუქტურასთან ერთად, ქვეყანას სჭირდება გამჭვირვალე და ეფექტური ფინანსური ბაზარი გრძელვადიანი ინვესტიციების მოსაზიდად.კობახიძის განცხადებით, საქართველო რეგიონში ეკონომიკური ზრდის ლიდერობას ინარჩუნებს. მშპ-ის ზრდა: 2021-2025 წლებში საშუალო წლიურმა ზრდამ 9.3% შეადგინა, ხოლო 2026 წლის იანვარში მაჩვენებელი 7.9%-ს გაუტოლდა. საერთაშორისო პროგნოზი: IMF-ის მონაცემებით, მომდევნო 5 წელიწადში საქართველო ევროპაში ყველაზე მაღალ საშუალო ზრდას (5.1%) აჩვენებს. ბიზნეს გარემო: მსოფლიო ბანკის 2025 წლის რეიტინგში საქართველო ბიზნესის კეთებისთვის მზაობით მსოფლიოს ტოპ-4 ქვეყანას შორისაა. პრემიერმა განსაკუთრებული ყურადღება დათმო ადგილობრივი რესურსების მობილიზებას. მისი თქმით, დაგროვებითი საპენსიო სისტემის ფარგლებში მართვის ქვეშ არსებული აქტივები 9 მილიარდ ლარს უახლოვდება, რაც ბაზრისთვის „გრძელვადიანი ინვესტორების ძლიერ ბაზას“ ქმნის.„ლარის მიმართ ნდობა ისტორიულ მაქსიმუმზეა. ეს ნათლად გამოჩნდა ევროობლიგაციების გამოშვებისას, როდესაც ინვესტორთა მოთხოვნა შეთავაზებაზე 5.5-ჯერ მეტი იყო“, - აღნიშნა კობახიძემ.2025 წელი საქართველოს შიდა კაპიტალის ბაზრისთვის გარდამტეხი აღმოჩნდა. პრემიერის მონაცემებით, საჯარო კორპორატიული ობლიგაციების ბაზარი 33.3%-ით გაიზარდა. კობახიძის თქმით, ეს მიუთითებს „მომწიფებულ ეკოსისტემაზე“, სადაც ქართული ბიზნესი მზადაა გლობალური პარტნიორობისთვის.„ჩვენ არ ვთავაზობთ მხოლოდ ბაზარს, ჩვენ ვთავაზობთ პროგნოზირებად პარტნიორობას“, - დასძინა პრემიერმა.

1774337356

შედეგად, საქართველოს ბანკი, როგორც Lion Finance Group-ში შემავალი ფინანსური ინსტიტუტი, გახდა პირველი კომპანია საქართველოდან, რომელმაც ლონდონის საფონდო ბირჟის 100 წამყვან კომპანიას შორის დაიკავა ადგილი. ინდექსში ბანკი ისეთი გლობალური კომპანიების გვერდით არის, როგორებიცაა: HSBC, BP, Unilever, ROLLS-ROYCE, SHELL, BARCLAYS და სხვა.Lion Finance Group ინდექსში ოფიციალურად 2026 წლის 20 მარტს, საფონდო ბირჟის დახურვის შემდეგ გაწევრიანდა, ხოლო ცვლილება ძალაში ოფიციალურად 23 მარტს შევიდა.ინფორმაციისთვის, Lion Finance Group ლონდონის საფონდო ბირჟაზე დალისტული საბანკო ჯგუფია, რომელიც აერთიანებს წამყვან, მომხმარებელზე ორიენტირებულ და ციფრულად ხელმისაწვდომ უნივერსალურ ბანკებს, რომელთა შორის არის საქართველოს ბანკი და ამერიაბანკი, რომელიც სომხეთის ბაზარზე ოპერირებს და ქვეყნის უმსხვილესი საფინანსო ინსტიტუტია.აღსანიშნავია, რომ ჯგუფი ლონდონის საფონდო ბირჟაზე პირველად 2006 წელს დაილისტა, 2012 წელს კი FTSE 250-ის ინდექსის წევრი გახდა. 

1774335329