საქართველოს რეგიონულ ფინტექ ჰაბად ყალიბდება

მედიის ცნობით, ისრაელი „ჰამასს“ მოლაპარაკებებს კიდევ ერთ შანსს მისცემს.ისრაელის მედიის ინფორმაციით, დაუზუსტებელ მოხსენებაში ნათქვამია, რომ ისრაელის პრემიერ-მინისტრმა, ბენიამინ ნეთანიაჰუმ წინადადება მინისტრების მცირე ჯგუფთან შეხვედრისას წარადგინა, რომლებმაც გადაწყვიტეს, ანექსირებული ტერიტორიების ადმინისტრირების სპეციალური ერთეულის შექმნა.ამასთან, ნეთანიაჰუმ წარადგინა გეგმა, რათა ხელი შეუშალოს ფინანსთა მინისტრს, ბეზალელ სმოტრიჩს, მთავრობიდან გაიყვანოს მისი ულტრამემარჯვენე “რელიგიური სიონიზმის” პარტია.23 ივლისს 100-ზე მეტმა ჰუმანიტარულმა და ადამიანის უფლებებზე მომუშავე ორგანიზაციამ საერთო განცხადებით მოუწოდა მთავრობებს, რომ მიიღონ ზომები ღაზაში მასობრივი შიმშილობის შესაჩერებლად. მათ შორის, ორგანიზაციები მოუწოდებენ, შეწყდეს ცეცხლი და ღაზაში თავისუფლად დაუშვან ჰუმანიტარული დახმარება.ორგანიზაციები აცხადებენ, რომ ღაზის სექტორში შიმშილობა მძვინვარებს. არადა, ტონობით საკვები, სუფთა წყალი, სამედიცინო მარაგი და სხვა პირველადი საჭიროების ნივთები ხელუხლებელი რჩება ღაზის გარეთ იმის გამო, რომ ჰუმანიტარულ ორგანიზაციებს ეკრძალებათ მათზე წვდომა ან სექტორის მოსახლეობისთვის მიწოდება.გასული კვირების განმავლობაში 800-ზე მეტი ადამიანი დაიღუპა საკვების მიწოდების მცდელობისას, ძირითადად ღაზის ჰუმანიტარული ფონდის სადისტრიბუციო ცენტრებთან განლაგებული ისრაელელი ჯარისკაცების სროლის შედეგად.2023 წლის 7 ოქტომბერს ჰამასი თავს დაესხა ისრაელის სამხრეთს, იმსხვერპლა 1200 ადამიანი, 250-ზე მეტი მძევლად აიყვანეს.ისრაელის მხრიდან საპასუხო ომის შედეგად ღაზის სექტორი - სადაც ორ მილიონზე მეტი პალესტინელი ცხოვრობს - დიდწილად ნანგრევებადაა გადაქცეული. ჰამასის მიერ მართული ანკლავის ჯანდაცვის სამინისტროს მონაცემებით, დაღუპულია სულ მცირე 59 800 ადამიანი, მათი უმეტესობა სამოქალაქო პირია.ღაზაში მცხოვრებ პირებს სულ მცირე ერთხელ მაინც მოუწიათ სახლ-კარის დატოვება ომის დაწყების შემდეგ, გაეროს სააგენტოები აცხადებენ, რომ მოსახლეობაში მზარდი შიმშილია.

1753778675

ბაზრებისა და ბაზრობების ორგანიზებით დაკავებული ეკონომიკური სუბიექტებისათვის ყველაზე გავრცელებული ორგანიზაციულ-სამართლებრივი ფორმა იყო შეზღუდული პასუხისმგებლობის საზოგადოება, რომლის წილად მოდიოდა 2024 წელს მოქმედი ბაზრებისა და ბაზრობების საერთო რაოდენობის 75.1%, ხოლო ინდივიდუალური მეწარმეების წილად მოდიოდა 21.8%. დანარჩენი ბაზრები და ბაზრობები საქმიანობდნენ ან სააქციო საზოგადოების (2.1%) ან კოოპერატივის (1%) ორგანიზაციულ-სამართლებრივი ფორმით.საქსტატის მონაცემებით, 2024 წელს მოქმედი ბაზრებისა და ბაზრობების 95.9% კერძო საკუთრებაში იყო, ხოლო 4.1% – სახელმწიფო საკუთრებაში.2024 წელს საქართველოში მოქმედი ბაზრები და ბაზრობები განთავსებული იყო 2 მილიონ კვ. მეტრ ფართობზე, მათ გააჩნდათ 61 ვეტსანექსპერტიზის ლაბორატორია, 22.1 ათასი კვ. მეტრი ჯამური ფართობის 1059 შემნახველი საკანი (საწყობი) და 0.8 ათასი ტონა ტევადობის 366 მაცივარი.2024 წელს მოქმედი ბაზრობების 36.1% გადახურული იყო (ვაჭრობა შენობაში მიმდინარეობდა), 34.5% იყო ღია ტიპის (ვაჭრობა მიმდინარეობდა შენობის გარეთ), ხოლო 29.4% იყო ნახევრადგადახურული (ვაჭრობა მიმდინარეობდა შენობაშიც და შენობის გარეთაც).2024 წელს საქართველოში მოქმედი ბაზრებისა და ბაზრობების ტერიტორიაზე მოვაჭრე პირების მიერ ხორციელდებოდა როგორც სასურსათო, ისე არასასურსათო საქონლით ვაჭრობა. ბაზრებისა და ბაზრობების 31%-ში ვაჭრობა მიმდინარეობდა მხოლოდ არასასურსათო საქონლით, ერთ ბაზრობაზე – მხოლოდ სასურსათო საქონლით, სამი ბაზრობის ტერიტორიაზე – ავტომობილებითაც, ხოლო სამ ბაზარში იყიდება მხოლოდ ფრინველი და პირუტყვი.საქართველოს ბაზრებისა და ბაზრობების ტერიტორიაზე ეკონომიკური სუბიექტების მიერ ვაჭრობა ორგანიზებული იყო კვირის სხვადასხვა დღეს: ყოველდღიური ვაჭრობა მიმდინარეობდა 151 ბაზარში, საკვირაო ვაჭრობა – 25 ბაზარში, კვირა დღის გარდა ვაჭრობდა 2 ბაზარი, ხოლო დანარჩენი ბაზრებისა და ბაზრობის ტერიტორიაზე მიმდინარეობდა ერთდღიანი, ორდღიანი, სამდღიანი ან ოთხდღიანი ვაჭრობა კვირის სხვადასხვა დღეებში.საქართველოში მოქმედი ბაზრებისა და ბაზრობების ტერიტორიაზე იყო 47.4 ათასი სავაჭრო ადგილი, სადაც მოვაჭრეთა საშუალო დღიურმა რაოდენობამ 36.5 ათასი კაცი შეადგინა.2024 წელს მოქმედ ბაზრებსა და ბაზრობებში სავაჭრო ადგილებს და მოვაჭრეთა რაოდენობას რეგიონების მიხედვით ასახავს შემდეგი დიაგრამა:2024 წელს ბაზრებისა და ბაზრობების ორგანიზებით დაკავებულ ეკონომიკურ სუბიექტებში (ბაზრობების დირექციებში) დასაქმებულთა საშუალო წლიური რაოდენობა 2.7 ათას კაცს შეადგენდა, რომელთაგან 32.4% იყო ქალი. ამასთან, დასაქმებულთა 46.9% მოდიოდა თბილისზე.საქსტატის მონაცემებით, 2024 წელს ბაზრებისა და ბაზრობების ორგანიზებით დაკავებული ეკონომიკური სუბიექტების შემოსავლებმა 194.4 მილიონი ლარი შეადგინა, საიდანაც 12 მილიონი ლარი (6.2%) ვაჭრობის უფლების გაცემიდან (ერთჯერადი გადასახდელის სახით) მიღებული შემოსავალი იყო, 167.6 მილიონი ლარი (86.2%) – სავაჭრო ფართის გაქირავებიდან მიღებული შემოსავალი, ხოლო 14.8 მლნ ლარი (7.6%) – სხვა შემოსავალი.ამავე პერიოდში ბაზრებისა და ბაზრობის ორგანიზებით დაკავებული ეკონომიკური სუბიექტების დანახარჯებმა 115.2 მილიონი ლარი შეადგინა, საიდანაც დასაქმებულ პერსონალზე გაცემული შრომის ანაზღაურება იყო 48.7 მილიონი ლარი.

1753775006

2024 წელს ქვეყანაში იყო 2 288 ამბულატორიულ-პოლიკლინიკური დაწესებულება. აღნიშნულ დაწესებულებებში ექიმთან მიმართვის 15.8 მილიონი შემთხვევა დაფიქსირდა, რაც 2.8%-ით აღემატება 2023 წლის ანალოგიურ მაჩვენებელს.სამედიცინო დაწესებულებებში ექიმების რიცხოვნობამ 24.1 ათასი შეადგინა, ხოლო საექთნო პერსონალის რიცხოვნობამ - 21.3 ათასი.საქსტატის 2024 წლის მონაცემებით, წინა წელთან შედარებით, რეგისტრირებული დაავადებების (პირველად დადგენილი დიაგნოზით) რაოდენობა ყველაზე მეტად გაზრდილია შემდეგ ჯგუფებში: თვალისა და მისი დანამატების ავადმყოფობები (18%), ზოგიერთი ინფექციური და პარაზიტული დაავადებები (15.4%), ძვალ-კუნთოვანი სისტემის და შემადგენელი ქსოვილების დაავადებები (14.8%), ნერვული სისტემის დაავადებები (13.6%), სასუნთქი სისტემის დაავადებები (11.4%).ავადობის ძირითადი ჯგუფებიდან მოსახლეობაში ყველაზე მეტად გავრცელებული იყო სასუნთქი სისტემის, თვალისა და მისი დანამატების, სისხლის მიმოქცევის სისტემის, შარდ სასქესო სისტემის, ძვალ-კუნთოვანი სისტემის და შემადგენელი ქსოვილების დაავადებები.2024 წელს შიდსით დაავადების 615 ახალი შემთხვევა დაფიქსირდა, რაც 3 ერთეულით აღემატება 2023 წლის ანალოგიურ მაჩვენებელს. შიდსით დაავადებულთა კუმულატიური რიცხოვნობა 10 006 ერთეულით განისაზღვრა. 2024 წელს შიდსით 131 პირი გარდაიცვალა.ქვემოთ მოცემულ დიაგრამაზე წარმოდგენილია აივ ინფექციის/შიდსის ახალი შემთხვევების რაოდენობა 2014 - 2024 წლებში.2024 წელს, წინა წელთან შედარებით ტუბერკულოზის ახალი შემთხვევების რაოდენობა 11.7%-ით ნაკლები იყო. ტუბერკულოზით დაავადებული მოსახლეობის რიცხოვნობა 9.2%-ით შემცირდა და 1 311 შეადგინა.ქვემოთ მოცემულ დიაგრამაზე წარმოდგენილია მოსახლეობის ავადობა ტუბერკულოზით 2014 - 2024 წლებში.2024 წელს სასწრაფო დახმარების მეშვეობით პირველადი სამედიცინო დახმარება 1.1 მილიონ ადამიანს გაეწია, საიდანაც შემთხვევების 99% უცაბედ ავად გახდომას უკავშირდებოდა.

1753773902

ჯილდოს ფარგლებში გამარჯვებული კომპანიების შერჩევა ჟიურის მიერ, აპლიკაციისა და ინტერვიუს საფუძველზე მოხდა.როგორც გამოცემა აღნიშნავს, საქართველოს ბანკი გამოირჩევა ინოვაციებისადმი მისწრაფებით, რაც მის მიერ შექმნილ სერვისებსა და პროდუქტებში აისახება. ეს კი განპირობებულია ფინანსური ინსტიტუტის გუნდის მთავარი ღირებულებით -  შექმნას მომხმარებლისთვის მათზე მორგებული, ოპერაციული გამოცდილებები.Euromoney-ს განცხადების თანახმად, სწორედ 2024 წელს საქართველოს ბანკის მიერ დანერგილი ციფრული ინოვაციები ფინანსური ინსტიტუტის მიერ მიღწეული წარმატების საფუძველი გახდა. ასეთ ინოვაციებს შორისაა: AI ჩატ-ბოტი, რომელზეც დღეისათვის ჩატების ინტერაქციების 40%-მდე მოდის, ეს კი ხელს უწყობს მომხმარებელთა კმაყოფილების ზრდას; ასევე, პროდუქტი - ნაწილ-ნაწილ, რომელიც ცვლის მომხმარებელთა გამოცდილებას და ხელს უწყობს ბიზნესების განვითარებას; Ads მენეჯერის პლატფორმა, რომელიც ბიზნესებს აძლევს შესაძლებლობას, ჰქონდეთ წვდომა 1.7 მილიონამდე მომხმარებელზე; მანქანის დაზღვევის სივრცე, ინდ. მეწარმეებისთვის ბიზნეს მობილბანკში შექმნილი საგადასახადო საკითხების მართვის სივრცე და სხვა. “Euromoney ყოველწლიურად ახორციელებს Awards for Excellence-ის ჯილდოს, რომელიც მიზნად ისახავს, საბანკო ინდუსტრიაში საუკეთესო ბანკებისა და ფინანსური ინსტიტუტების გამოვლენას, მათ მიერ შექმნილი სერვისებისა თუ პროდუქტების საფუძველზე. საქართველოს ბანკის მიერ განხორციელებული ინიციატივები ხაზგასმით გვაჩვენებს საქართველოს ბანკის მისწრაფებას, გაზარდოს მომხმარებლის კმაყოფილება და ოპერაციული გამოცდილება. ეს კი განაპირობებს მის მიერ ისეთი პროდუქტებისა და სერვისების შექმნას, რომლებიც მას საქართველოში საუკეთესო ბანკად აქცევს”, - ვკითხულობთ Euromoney-ს განცხადებაში.„საქართველოს ბანკისთვის, Euromoney-ს მიერ მონიჭებული საუკეთესო ბანკის წოდება მნიშვნელოვანი აღიარებაა - ეს არის ჩვენი გუნდის თითოეული წევრის მიერ გაწეული ძალისხმევის დაფასება, რაც ხაზგასმით აჩვენებს, რომ ჩვენ სწორი მიმართულებით ვვითარდებით. ჩვენი გუნდისთვის მომხმარებელი პროცესის ცენტრია, ტექნოლოგიური ინოვაციები მთავარი ინსტრუმენტი, არ გაჩერება კი ის მთავარი კომპონენტი, რომელიც ჩვენს წარმატებას განაპირობებს. ამიტომ, ჩვენ მუდმივად ვმუშაობთ, რათა ფეხი ავუწყოთ მომხმარებლის თანამედროვე მოთხოვნებსა და საჭიროებებს, რათა მათ შევთავაზოთ ინდივიდუალურად მათ ინტერესებზე მორგებული გამოცდილება“, - აღნიშნავენ საქართველოს ბანკის გუნდში.

1753772985

„საქართველოს ტურიზმის ეროვნული ადმინისტრაცია წარმოდგენილი იყო ლონდონში The National Geographic Traveller Food Festival-ზე. ჩვენ ძალიან კარგ ადგილას გვქონდა სტენდი წარმოდგენილი. ჩვენთან ერთად ღვინის ეროვნულმა სააგენტომ ქართული ღვინის პრეზენტაცია მოაწყო. ორი დღის განმავლობაში ერთობლივად გვქონდა ჩვენი ქვეყნის, ასევე ქართული კერძებისა და ღვინის პრეზენტაცია. ეს პროდუქტები ტურიზმისთვის ერთ-ერთი ყველაზე პოპულარულია. ბრიტანეთი ჩვენთვის სამიზნე ბაზარია. ჩვენ ბევრად გავააქტიურეთ მარკეტინგული კამპანიები, რაც პირდაპირი ფრენების დანიშვნის შემდეგ დაიწყო და აღსანიშნავია, რომ პირველ ორ კვარტალში 25%-იანი მატება გვაქვს ბრიტანეთის ბაზრიდან. მსგავსი ტიპის აქტივობები ხელს უწყობს ცნობადობის გაზრდას და ინფორმაციის მიწოდებას ტურისტული პროდუქტის შესახებ, ასევე საქართველოში ბევრად მეტი ტურისტის მოწვევას“, - განაცხადა მაია ომიაძემ.ტურიზმის ეროვნულ ადმინისტრაციასთან ერთად ფესტივალში მონაწილეობდა ღვინის ეროვნული სააგენტო.„ამ გამოფენაზე ძირითადად მოგზაურობის, სამზარეულოსა და ღვინის მოყვარულები მოდიან, რომლებსაც აინტერესებთ სხვადასხვა ქვეყნებში მოგზაურობა. ჩვენი სტენდი ძალიან პოპულარული იყო. ჩვენ გვქონდა ორი მასტერკლასი ქართული ღვინის – სადაც გავაცანით სტუმრებს ღვინის ისტორია, ჩვენი ტრადიციები, ქვევრის მეთოდით ღვინის დაყენება. ძალიან დიდი იყო დაინტერესება, მოეწონათ კლასიკური მეთოდით დაყენებული ღვინო. ეს ფესტივალი ძალიან კარგი პლატფორმაა, რომ გავზარდოთ ჩვენი ცნობადობა“, – განაცხადა ღვინის ეროვნული სააგენტოს თავმჯდომარის მრჩეველმა ირაკლი ჩოლობარგიამ.The National Geographic Traveller Food Festival-ზე შეფმზარეულმა გურამ ბაღდოშვილმა ყველის ვარიაციები, ხინკალი, ლობიანი და სხვა კერძები წარადგინა, ხოლო შეფმზარეულმა ვახტანგ გობეჯიშვილმა ფესტივალის მონაწილეებს ხაჭაპური და გებჟალია გააცნო. ქართველმა შეფმზარეულებმა ფესტივალზე ერთობლივად მომზადებული კერძებიც წარადგინეს.The National Geographic Traveller Food Festival-ზე ქართული კერძებისა და ღვინის მასტერკლასები ჩატარდა.გასტრო ფესტივალს მსოფლიოს სხვადასხვა ქვეყნიდან 6 000-ზე მეტი ვიზიტორი დაესწრო.„ძალიან მნიშვნელოვანია საქართველოს მონაწილეობა ამ ფესტივალზე, რადგან საქართველოს აქვს საოცარი ისტორია. სამზარეულო ქართული კულტურის განუყოფელი ნაწილია – სუფრა, სადღეგრძელოები, სხვადასხვა სახის კერძები როგორც მთაში, ასევე ქალაქში – ამ ყველაფერს ქვეყნის კულტურაში მნიშვნელოვანი ადგილი უჭირავს. ეს იმას ნიშნავს, რომ თქვენ გაქვთ შესანიშნავი ამბავი მოსაყოლი. საქართველო ისეთი ტიპის ტურისტული მიმართულებაა, რომელზეც ჩვენს მკითხველს უკვე აქვს გარკვეული წარმოდგენა, მაგრამ სურს მეტი გაიგოს“, – აცხადებს The National Geographic Traveller-ის კულინარიული რედაქტორი გლენ მათლი.„ქართული სამზარეულო მართლაც საოცარია, გამოირჩევა გემრიელი კერძებით. ძალიან მომეწონა თბილისი. საქართველოში დავესწარი ხინკლისა და ხაჭაპურის მომზადების მასტერკლასებს, შემდეგ ლონდონში დავბრუნდი და მე თვითონ მოვამზადე – მართლაც შესანიშნავი კერძებია. აუცილებლად დავბრუნდები საქართველოში – თბილისში, ბათუმში და სხვა ლამაზ ადგილებში“, – ამბობს ფესტივალის მონაწილე შაი.

1753772568

„ეს პატარა მოცულობაა, თუმცა სტრატეგიულად მნიშვნელოვანი ნაბიჯია, რომელიც გრძელვადიან თანამშრომლობას გზას უხსნის და მიწოდების წყაროების დივერსიფიკაციის კიდევ ერთი მაგალითია“, - წერს კორეცკი.უკრაინის ენერგეტიკისა და კომუნალური მომსახურების სახელმწიფო რეგულირების ეროვნულმა კომისიამ ტრანსბალკანური დერეფნის მეშვეობით, ანუ საბერძნეთი-ბულგარეთი-რუმინეთი-მოლდოვას მარშრუტით გაზის იმპორტის დაწყების პროცედურა 27 მაისს დაამტკიცა.ეს მას შემდეგ მოხდა, რაც 1-ლი იანვრიდან კიევმა „გაზპრომთან“ დადებული შეთანხმება აღარ გააგრძელა და უკრაინის გავლით რუსული გაზის ევროპაში ტრანზიტი მთლიანად შეჩერდა. ტრანზიტის შეჩერებამ ტექნიკურ გაზზე უკრაინის საჭიროება გაზარდა, რათა მილსადენში წნევა შეენარჩუნებინა. იანვრის ბოლოდან „ნაფტოგაზმა“ გაზის იმპორტი დაიწყო და მას შემდეგ შესყიდვის მოცულობას მუდმივად ზრდის.ახალ, უფრო სწორად, გაცოცხლებულ ტრანსბალკანურ მარშრუტს უკრაინა ზამთარში გაზის დეფიციტის თავიდან ასაცილებლად ხსნის.რა არის ტრანსბალკანური დერეფანი?რამდენიმე წლის წინ ტრანსბალკანური გაზსადენი, ძირითადად, წარსულ დროში განიხილებოდა. ბალკანეთში უკრაინის, მოლდოვასა და რუმინეთის გავლით რუსული გაზის მიწოდების წინა მარშრუტმა აქტუალობა მას შემდეგ დაკარგა, რაც რუსებმა 2020 წელს „თურქული ნაკადი” ჩაუშვეს. ბოლო წლებში ტრანსბალკანური მილსადენი აღარ გამოიყენებოდა. თუმცა უკრაინის წინააღმდეგ რუსეთის ომმა ევროპის ენერგეტიკულ ბაზარზე თამაშის წესები შეცვალა და საბჭოთა დროს აშენებულ ამ ინფრასტრუქტურას მეორე შანსი მიეცა.ამჟამად, გაზის ტრანსბალკანური დერეფანი არა მხოლოდ ტექნიკურ შესაძლებლობად, არამედ გეოპოლიტიკურ ინსტრუმენტად ითვლება, რომელსაც რეგიონის ენერგეტიკული უსაფრთხოების კონფიგურაციის შეცვლა შეუძლია. უკრაინა, მოლდოვა, რუმინეთი, ბულგარეთი და საბერძნეთი ამ მარშრუტისთვის ახალი სიცოცხლის მიცემით დაინტერესებული არიან, თუმცა ამჯერად აგრესორი სახელმწიფოს, რუსეთის მონაწილეობის გარეშე. მათ მილსადენის უკურეჟიმში გაშვება სურთ, რომ ბერძნული თხევადი ბუნებრივი აირის (LNG) ტერმინალ „რევიტუსიდან“ უკრაინის საზღვრამდე გაზის, მათ შორის, ამერიკული საწვავის მიწოდება დაიწყოს.აღსანიშნავია, რომ ადრე ტრანსბალკანური გაზსადენით სატესტო მიწოდება ხდებოდა, ამიტომ ტექნიკური თვალსაზრისით ინფრასტრუქტურა ექსპლუატაციისთვის სრულად მზად არის.მარშრუტის მთავარი პრობლემა ტრანსპორტირების ღირებულებაა. ტარიფს ხუთი ქვეყანა ადგენს, რაც მას საიმპორტო მარშრუტებს შორის ყველაზე ძვირადღირებულს ხდის. მაგალითად, პოლონეთის ან ხორვატიის LNG-ტერმინალებიდან მიწოდებასთან შედარებით საბერძნეთიდან მიწოდების სტანდარტული ტარიფი ოთხჯერ მეტია. სწორედ ამიტომ უკრაინა დიდი ხნის განმავლობაში ამ მილსადენით იმპორტს არ ახორციელებდა.ამჟამად უკრაინა გაზს პოლონეთისგან, სლოვაკეთისგან და უნგრეთისგან ყიდულობს. ამდენად, ტრანსბალკანური დერეფანი ერთ-ერთია იმ მცირერიცხოვან ალტერნატიულ მარშრუტებს შორის, რომელიც მომარაგების დივერსიფიკაციის საშუალებას იძლევა, რომ უკრაინა მხოლოდ ამ ქვეყნებიდან იმპორტზე დამოკიდებული არ იყოს.ეს განსაკუთრებით მნიშვნელოვანია სლოვაკეთისა და უნგრეთის მთავრობების არასტაბილური პოზიციის, ასევე, რუსების მიერ უკრაინის საცავებისა და წარმოების ობიექტებზე შესაძლო ახალი თავდასხმების ფონზე, რის გამოც უკრაინა საკუთარი გაზის, თითქმის, 40%-ს დროებით კარგავს.BPN

1753771503

გამოძიებით დადგინდა, რომ ბრალდებულებმა, 2020-2021 წლებში, მცხეთა-მთიანეთის რეგიონში, ყალბი დოკუმენტების გამოყენებით, მოტყუებით დაირეგისტრირეს საერთო ჯამში 496 000 ლარის ღირებულების 8 041 მ² ფართობის სამი მიწის ნაკვეთი.გამოძიების პროცესში დაყადაღებულ იქნა მართლსაწინააღმდეგო მისაკუთრების მიზნით დაუფლებული მიწის ნაკვეთები. მიმდინარეობს შესაბამისი სამართლებრივი პროცედურები მათი სახელმწიფო საკუთრებაში დაბრუნების მიზნით.საქმეზე გამოძიება გრძელდება საქართველოს სისხლის სამართლის კოდექსის 362-ე და 180-ე მუხლებით, რაც სასჯელის სახედ და ზომად ითვალისწინებს თავისუფლების აღკვეთას ექვსიდან ცხრა წლამდე ვადით.

1753770171

საქართველოს ბანკის სტიპენდიების შესახებ დეტალური ინფორმაცია ხელმისაწვდომია ვებგვერდზე stipendia.bog.geგახდი საქართველოს ბანკის სტიპენდიატისტუდენტების მხარდაჭერის მიზნით, საქართველოს ბანკი სასტიპენდიო პროგრამას ახორციელებს, რომლის ფარგლებშიც, ახალგაზრდებს აძლევს შესაძლებლობას, მიიღონ სწავლის სრული ან ნაწილობრივი დაფინანსება 22 პარტნიორ უნივერსიტეტში.სტიპენდიატების შერჩევა მათი მაღალი აკადემიური მოსწრების, ლიდერული პოტენციალის და პარტნიორი უნივერსიტეტების მიერ ინდივიდუალურად შემუშავებული კრიტერიუმების მიხედვით ხორციელდება.საქართველოს ბანკის 350-ზე მეტი სტიპენდიატი უკვე გამოვლინდა. პროგრამის შესახებ დეტალური ინფორმაციის მისაღებად ეწვიეთ ვებგვერდს.გახდი გიორგი ჩახავას სახელობის სტიპენდიატისაქართველოს ბანკის სტიპენდიების პროგრამის ფარგლებში ასევე შეიქმნა გიორგი ჩახავას სახელობის სტიპენდია მომავალი არქიტექტორებისთვის, რომელიც არქიტექტურის სტუდენტებისთვის ქმნის სწავლის სრული და ნაწილობრივი დაფინანსების მოპოვების შესაძლებლობას. პროგრამის შესახებ დეტალური ინფორმაცია ხელმისაწვდომია ვებგვერდზე.გახდი საქართველოს ბანკის და MAC Georgia-ს სტიპენდიატისაქართველოს ბანკი, MAC Georgia-სთან ერთად UniGrant-ის სასტიპენდიო პროგრამას ახორციელებს, რომლის ფარგლებშიც შესაძლებლობას აძლევს ყველა უნივერსიტეტის საბაკალავრო საფეხურის სტუდენტს, მიიღონ ერთი წლის სწავლის საფასურის დაფინანსება.გახდი საქართველოს ბანკის სტიპენდიატი CHEVENING-ის პროგრამაში2013 წლიდან საქართველოს ბანკი CHEVENING-ის მხარდამჭერია. რაც იმას ნიშნავს, რომ ბანკი ყოველწლიურად საკუთარ გამარჯვებულს ასახელებს და დიდი ბრიტანეთის წამყვან უნივერსიტეტებში ერთწლიან სამაგისტრო საფეხურზე სწავლისა და ცხოვრების ხარჯებს სრულად უფინანსებს.CHEVENING-ის პროგრამის ფარგლებში უკვე გამოვლინდა საქართველოს ბანკის 34 სტიპენდიატი და მათი რაოდენობა ყოველწლიურად იზრდება.გახდი საქართველოს ბანკის სტიპენდიატი Fulbright-ის პროგრამაში2014 წლიდან საქართველოს ბანკი Fulbright-ის სასტიპენდიო პროგრამის მხარდამჭერია. პროექტის ფარგლებში, ბანკი ყოველწლიურად ერთ სტიპენდიატს ასახელებს და აშშ-ს წამყვან უნივერსიტეტებში, ორწლიან სამაგისტრო პროგრამაზე როგორც სწავლის, ასევე ცხოვრების ხარჯებს სრულად უფინანსებს.Fulbright-ის სასტიპენდიო პროგრამის ფარგლებში უკვე გამოვლინდა საქართველოს ბანკის 16 სტიპენდიატი.გახდი ნიკა გუჯეჯიანის სახელობის სტიპენდიატისაქართველოს ბანკისა და MASE-ს თანამშრომლობით 2019 წელს ნიკა გუჯეჯიანის სახელობის სტიპენდია შეიქმნა. რომლის ფარგლებშიც, ყოველწლიურად, ერთი გამარჯვებული ვლინდება, რომელსაც შესაძლებლობა აქვს, ბერლინში, Miami Ad School Europe-ში,  Art Direction-ისა თუ Copywriting-ის ერთწლიან პროგრამაზე 100%-იანი დაფინანსებით ისწავლოს.საქართველოს ბანკმა და MASE-მ პარტნიორობის ფარგლებში უკვე გამოავლინა 5 სტიპენდიატი, 2025-2026 წლის გამარჯვებული კი აგვისტოში გახდება ცნობილი. 

1753710965