სავალუტო რეზერვები შეივსო

გიორგი გაბუნია ამბობს, რომ ზაზა ოქუაშვილმა გადაწყვიტა გააკეთოს ის, რაც "დღეს ბიძინა ივანიშვილს ძალიან სჭირდება". კერძოდ, აღნიშნავს, რომ გოგი ქურდაძე, ზაზა ოქუაშვილის დავალებით, ბლოკავს ყველა ფინანსურ ოპერაციას კომპანიაში და უარს ამბობს კომპანიისთვის სასიცოცხლოდ მნიშვნელოვანი კონტრაქტების გაფორმებაზე.გიორგი გაბუნიას ბრიფინგზე არხის სამომავლო გეგმებზე არ უსაუბრია, თუმცა აღნიშნა, რომ "სადამდეც შეძლებენ, იბრძოლებენ და იქნებიან ეთერში"."როდესაც მომიტინგეებზე ღიად ძალადობენ, სასტიკად აწამებენ, ძარცვავენ, უკანონოდ აკავებენ, ასამართლებენ და ციხეებში ყრიან და როდესაც ამ მოვლენების წინა ხაზზე მდგომი ჟურნალისტები მიზანმიმართული ფიზიკური თავდასხმის სამიზნეები არიან, რამდენიმე მათგანი ჩვენს თვალწინ შემთხვევით გადაურჩა სამუდამო დასახიჩრებას ან სიკვდილსაც, აი, ამ დროს, მთავარი არხის ერთ-ერთმა დამფუძნებელმა გადაწყვიტა, ფაქტობრივად, თვითონაც ჩაერთოს ქართული ოცნებისგან წამოწყებულ მასობრივ ძალადობაში და მის ხელთ არსებული საშუალებებით თავადვეც იძალადოს ჩვენს ჟურნალისტებზე, რათა მათი მუშაობა შეუძლებელი გახადოს, ნაცვლად იმისა, რომ ამ ვითარებაში დამფუძნებელი პირიქით, ყველაფერს აკეთებდეს გუნდის დასახმარებლად.ზაზა ოქუაშვილმა გადაწყვიტა გააკეთოს ის, რაც დღეს ბიძინა ივანიშვილს ძალიან სჭირდება. ზაზა ოქუაშვილმა გადაწყვიტა, დახუროს მთავარი არხი. ეს ძალიან მტკივნეულია და ამას ოქუაშვილი აკეთებს რამდენიმე თვის წინ მის მიერ დანიშნული დირექტორის და მისი დავალებების მორჩილი შემსრულებლის, გოგი ქურდაძის ხელით. ქურდაძე სპეციალურად დაინიშნა კომპანიაში, ოქუაშვილის წარდგინებით ერთადერთი ამოცანით, რომ ხსენებულ დამფუძნებელს ჰქონოდა არხზე ქმედითი ბერკეტი პირადი მიზნების მისაღწევად, სხვა მხრივ კი მას არ გააჩნია ტელევიზიის სპეციფიკასთან დაკავშირებული არანაირი კომპეტენცია, არც კი იცნობს თავისი არხის თანამშრომლებს, აიგნორებს მათ თხოვნას, რომ უბრალოდ შეხვდეს მაინც მათ და საერთოდ არც კი დადის სამსახურში.ერთადერთი, რასაც გოგი ქურდაძე ოქუაშვილის დავალებით ნამდვილად აკეთებს არის ის, რომ ბლოკავს ყველა ფინანსურ ოპერაციას კომპანიაში და უარს ამბობს კომპანიისთვის სასიცოცხლოდ მნიშვნელოვანი კონტრაქტების გაფორმებაზე - მისი წყალობით, ჩვენს თანამშრომლებს შეუჩერდათ ჯანმრთელობის დაზღვევა. [...] ზაზა ოქუაშვილის გადაწყვეტილებით და მისი დირექტორის ქმედებებით, მთავარი არხი უკვე დარჩა ფინანსური წყაროების გარეშე და ნელ-ნელა წყდება ჩვენთან გაფორმებული კონტრაქტებიც, რაც საბოლოოდ, არხის მუშაობას უბრალოდ შეუძლებელს გახდის, ეს კი ზუსტად ის არის, რაც დღეს სჭირდება ბიძინა ივანიშვილს.თავისი გადაწყვეტილებების გასამართლებლად, ოქუაშვილი გვიყენებს ჩვენ ისეთ აბსურდულ ბრალდებებს, რომელსაც განხილვის ღირსადაც კი არ ვთვლი მე აქ, იმდენად შორს წავიდნენ თავიანთ სიცრუეში, რომ ამტკიცებენ, რომ ჩვენ ბიძინა ივანიშვილი გვმფარველობს და ოლიგარქთან ვართ გარიგებული. [...] სინამდვილეში, ყველაფერი ნათელია და ზუსტად პირიქით არის, თუ დღეს ვინმე მთავარ არხზე აკეთებს ქართული ოცნების საქმეს, ეს არის ზაზა ოქუაშვილი, რომელსაც მიზანმიმართულად მიჰყავს არხი დახურვამდე და არსებობს საფუძვლიანი ეჭვი, რომ ამას არალეგიტიმურ ხელისუფლებასთან შეთანხმებით ან მასთან სავაჭროდ აკეთებს. [...]ჩვენ, არ გვიბრძოლია ამდენი იმისთვის, რომ საბოლოოდ ეს არხი ზაზა ოქუაშვილის სახით ბიძინა ივანიშვილს ჩავუგდოთ ხელში, ამიტომ, სადამდეც შევძლებთ ისევ ვიბრძოლებთ და ვიქნებით ეთერში ჩვენი მაყურებლისთვის და ქართველი ხალხისთვის და ჩვენთვის მთავარია, ბოლო წუთამდე ვიდგეთ კოლეგებთან ერთად ყველაზე ცხელ წერტილებში და მოგიყვეთ, რა ხდება იქ, სადაც წყდება საქართველოს ბედი. ვერანაირი გოგი, ზაზა და ვერც პუტინის მეგობარი ბიძინა ვერ შეგვაჩერებს, ვიდგებით ბოლომდე", - თქვა გიორგი გაბუნიამ. 

1733938296

ოქტობრის მდგომარეობით, 5%-მდეა ადგილობრივ ვალუტაში და 7-7.5%-ია უცხოურში. როცა მთლიან დაბანდებაში უმოქმედო სესხების წილი 1.3%-ს არ აღემატება.კაფე-რესტორნების და სწრაფი კვების ობიექტებისთვის გაცემული 808 მლნ-იდან 47 მლნ-მდე კრედიტებია პრობლემური.მთლიანად, სასტუმრო-რესტორნების (ჰორეკა) დაფინანსება 1.9 მლრდ ლარამდეა. ოქტომბერში 28 მლნ-ის 200-ზე მეტი სესხია გაცემული.სებ-ის ინტერაქტიული სტატისტიკით, მ.შ. ნახევარი, 14 მლნ-ის ექვივალნეტი 60 ერთეული სესხი გაცემულია დოლარსა და ევროში.როგორც იცით, იანრიდან სავალუტო დაკრედიტების ზღვარი 0.5 მლრდ-მდე იზრდება. წელს 2-გზის გაიზარდა 300 000 -მდე და 400 000-მდე.სასტუმრო & რესტორნებისთვის ოქტომბერში გაცემები 4.5-ჯერ შემცირებულია. სექტემბერში 64.6 მლნ ლარის (ექვივალენტი უცხოურ ვალუტაში) იყო, 50 ერთეული სესხი.

1733936280

ვიცე-პრეზიდენტი ეკატერინე გალდავა კორეის ფინანსური ტელეკომუნიკაციისა და კლირინგის ინსტიტუტის პრეზიდენტს იონგ სეოკ პარკს შეხვდა.მხარეებმა ისაუბრეს საგადახდო სისტემებსა და ცენტრალური ბანკის როლზე ინოვაციებსა და ფინანსურ სტაბილურობაში.KFTC-ში გაიმართა სემინარები. ეროვნული ბანკის საგადახდო სისტემებისა და ფინანსური და საზედამხედველო ტექნოლოგიების განვითარების დეპარტამენტების ხელმძღვანელებმა, ვარლამ ებანოიძემ და ნატალია ჭყოიძემ საქართველოს ფინტექ სტრატეგიისა და საგადახდო სისტემების თაობაზე პრეზენტაციები წარადგინეს.სემინარი კორეის საფინანსო სატელეკომუნიკაციო და საკლირინგო ინსტიტუტის წარმომადგენლებმაც გამართეს, რომელიც კორეის საგადახდო სისტემებს, კრედიტ სქორინგს, ფინტექ პოლიტიკასა და ღია ბანკინგის თემებს მოიცავდა.

1733934720

აზერბაიჯანელები ორ დღიანი სემინარის ფარგლებში გაეცნენ დოკუმენტს, რომელიც არსებითად ევროკავშირში მოქმედ დირექტივას (BRRD) ეფუძნება და წლებია უკვე ძალაშია.აზერბაიჯანელ კოლეგები გაეცნენ რეკალიბრაციის, რეგულაციის მექანიზმებს, სარეზოლუციო ინსტრუმენტებს, MREL-ს (დაშვებული ვალდებულებებისა და კაპიტალის ინსტრუმენტების მინიმალური მოთხოვნა)...ეროვნული ბანკი, მომავალშიც აქტიურად გააგრძელებს აზერბაიჯანელ კოლეგებთან თანამშრომლობას და დახმარებას გაუწევს ჩარჩო რეზოლუციის დანერგვაში.

1733932500

მიზანი კაპიტალის ბაზრის მხარდაჭერაა, რომ გაჩნდეს ახალი შესაძლებლობები, ახალი ემიტენტები.მსგავსი პროგრამა საქართველოში უკვე განხორციელდა, წარმატებით, რაზეც აღნიშნა EBRD -ის წარმომადგენელმა. როგორც ტიგრან ჯრბაშიანმა (ამერიის კონსალტინგური კომპანია) განაცხადა, ფასიანი ქაღალდების ბაზარზე პრობლემებია როგორც ემიტენტებისთვის, ასევე პოტენციური ინვესტორებისთვის.საქართველოს გამოცდილებაზე ისაუბრა გიორგი ახალკაცმა, EBRD-ის ერევნის ოფისის ხელმძღვანელმა.  აღნიშნა, პროგრამის მნიშვნელობაზე მცირე და საშუალო ბიზნესისთვის, რომელიც დაფინანსების ალტერნატიული წყაროების მთავარი მაძიებელია. 

1733924040

პარტიის ცნობით, საუბრისას საფრანგეთის პრეზიდენტმა მართლაც დასვა დაკავებულების გათავისუფლების საკითხი, თუმცა ივანიშვილმა განუმარტა, რომ „საქართველო არის სამართლებრივი სახელმწიფო და ყველა დამნაშავე ჩადენილ დანაშაულზე კანონის მოთხოვნებისა და მტკიცებულების მაღალი სტანდარტის შესაბამისად აგებს პასუხს“.ამასთან, „ქართული ოცნების“ განმარტებით, ივანიშვილმა აღნიშნა ისიც, რომ პოლიცია აქციის მონაწილეთა მასშტაბური ძალადობის წინააღმდეგ ევროპულზე მაღალი სტანდარტით მოქმედებდა.„დაკავებულთა უმრავლესობა არის ადმინისტრაციული წესით დაკავებული და უახლოეს პერიოდში, ყველა მათგანი გათავისუფლდება. რაც შეეხება სისხლის სამართლის ბრალდებით დაკავებულ პირებს, მაკრონს განემარტა, რომ საქართველო არის სამართლებრივი სახელმწიფო და ყველა დამნაშავე ჩადენილ დანაშაულზე კანონის მოთხოვნებისა და მტკიცებულების მაღალი სტანდარტის შესაბამისად აგებს პასუხს. ბიძინა ივანიშვილმა საფრანგეთის პრეზიდენტს ასევე განუმარტა, რომ პოლიცია აქციის მონაწილეთა მასშტაბური ძალადობის წინააღმდეგ ევროპულზე მაღალი სტანდარტით მოქმედებდა. გარდა ამისა, პარტიის საპატიო თავმჯდომარემ საუბრისას აღნიშნა, რომ ცალკეულ გადაცდომებზე გამოძიება დაწყებულია და მიმდინარეობს“, - ნათქვამია „ქართული ოცნების“ მიერ გავრცელებულ დამატებით ინფორმაციაში.ცნობისთვის, „ქართული ოცნების“ საპატიო თავმჯდომარეს, ბიძინა ივანიშვილსა და საფრანგეთის პრეზიდენტ ემანუელ მაკრონს შორის სატელეფონო საუბრის თაობაზე „ქართული ოცნებამ“ პირველი განცხადება გაავრცელა, სადაც აღნიშნული იყო, რომ საუბარი საფრანგეთის პრეზიდენტის ინიციატივით გაიმართა და ერთ საათს გაგრძელდა. აღნიშნულ განცხადებაში ასევე ნათქვამი იყო, რომ საუბარი საქართველოში შექმნილ ვითარებას შეეხო და მხარეები შეთანხმდნენ, რომ მომდევნო დღეებში კონტაქტი ისევ შედგება.„საფრანგეთის პრეზიდენტის ინიციატივით, სატელეფონო საუბარი შედგა „ქართული ოცნების“ საპატიო თავმჯდომარეს, ბიძინა ივანიშვილსა და ემანუელ მაკრონს შორის. მაკრონმა აღნიშნა, რომ წუხს საქართველოში შექმნილი ვითარების გამო და ამ ვითარების სრულად განმუხტვაში თავისი წვლილის შეტანის სურვილი გამოთქვა. თავის მხრივ, ბიძინა ივანიშვილმა საფრანგეთის პრეზიდენტს ინიციატივისათვის მადლობა გადაუხადა და ერთობლივი ძალისხმევის იდეას მიესალმა.ივანიშვილი და მაკრონი შეთანხმდნენ, რომ მომდევნო დღეებში კვლავ შედგება კონტაქტი და შეფასდება მიღწეული პროგრესი. საუბარი ერთ საათს გაგრძელდა“, - ნათქვამია „ქართული ოცნების“ მიერ მანამდე გავრცელებულ ინფორმაციაში.

1733922821

არასამთავრობო ორგანიზაციებს ცხელ ხაზზე მუდმივად ატყობინებენ, რომ „პოლიცია საპროცესო კანონმდებლობასა და მოქალაქეთა უფლებებს ხელყოფს“.„კერძოდ, პოლიციელები აქციაში მონაწილე მოქალაქეების მისამართზე მიდიან, მათ ან მათი ოჯახის წევრებს ეუბნებიან, თითქოს უწყების ჩაბარება სურთ და ითხოვენ ბინაში შეშვებას, შემდგომ კი იძულებით, მოქალაქეთა ნების საწინააღმდეგოდ და საფუძვლის განმარტების გარეშე, გადაჰყავთ ისინი შსს ცენტრალური კრიმინალური პოლიციის დეპარტამენტში. მათი გამოკითხვაც იძულებით მიმდინარეობს. ადვოკატებს არ ეძლევათ მოქალაქეებთან შეხვედრისა და წარმომადგენლობის გაწევის შესაძლებლობა. ადვოკატებმა გასული დღეების განმავლობაში რამდენჯერმე სცადეს იძულებით გადაყვანილ პირებთან შესვლა, თუმცა, უშედეგოდ.სისხლის სამართლის საპროცესო კოდექსი ცალსახად უთითებს, რომ გამოკითხვის ჩამტარებელი მხარე ვალდებულია, გამოსაკითხ პირს თავიდანვე განუმარტოს, რომ გამოკითხვა ნებაყოფლობითია და რომ მას ასევე უფლება აქვს, ისარგებლოს ადვოკატის მომსახურებით. ჩვენების მიცემა სავალდებულო მხოლოდ მაგისტრატ მოსამართლესთან დაბარების დროსაა, რაც პოლიციის ზემოაღნიშნულ ქმედებებს უკანონოს ხდის.ამრიგად, პოლიციის მიერ მოქალაქეთა უკანონო დაკავება, გამოკითხვაზე იძულებით გადაყვანა, იძულებით გამოკითხვა და ადვოკატებისთვის წარმომადგენლობის უფლების შეზღუდვა საქართველოს კონსტიტუციისა და კანონმდებლობის უხეში დარღვევაა, რაც დაუყოვნებლივ უნდა შეწყდეს“, – წერია განცხადებაში.ხელმომწერი ორგანიზაციები: საქართველოს ახალგაზრდა იურისტთა ასოციაცია სამოქალაქო საზოგადოების ფონდი საერთაშორისო გამჭვირვალობა – საქართველო ქალთა ინიციატივების მხარდამჭერი ჯგუფი უფლებები საქართველო დემოკრატიის კვლევის ინსტიტუტი საქართველოს დემოკრატიული ინიციატივა უფლებადამცველთა გაერთიანება – ადამიანის უფლებათა ცენტრი

1733920247

„მან მოუწოდა ინკლუზიური დიალოგისკენ ყველა პოლიტიკურ პარტიასა და სამოქალაქო საზოგადოების წარმომადგენელთან, ქართველი ხალხის ევროპული და დემოკრატიული მისწრაფებების პატივისცემის შესაბამისად, რასაც კიდევ ერთხელ მიესალმა“, - წერს საფრანგეთის პრეზიდენტის ადმინისტრაცია.ამასთან, განცხადების თანახმად, ემანუელ მაკრონმა კიდევ ერთხელ სინანული გამოხატა იმის გამო, რომ საქართველომ ევროპულ გზას გადაუხვია.„მან კიდევ ერთხელ სინანული გამოხატა იმის გამო, რომ საქართველომ ევროპულ გზას გადაუხვია და დაადასტურა მისი რწმენა, რომ ევროკავშირსა და საქართველოს შორის ურთიერთობები აუცილებლად იქნება დამოკიდებული იმ მიმართულებებზე, რომლებიც აქამდე იქნა მიღებული ან მიღებული იქნება“, - აღნიშნულია განცხადებაში.გარდა ამისა, საფრანგეთის პრეზიდენტის ადმინისტრაციის ცნობით, „პრეზიდენტმა სამოქალაქო საზოგადოებისა და ოპოზიციის წარმომადგენლების დაშინება, ასევე უსაფრთხოების ძალების მიერ მშვიდობიანი მომიტინგეებისა და ჟურნალისტების წინააღმდეგ ძალადობა დაგმო“.მათივე ინფორმაციით, მაკრონმა ივანიშვილს ყველა დაკავებულის გათავისუფლებისა და გამოხატვისა და შეკრების თავისუფლების პატივისცემისკენ მოუწოდა.ბიძინა ივანიშვილისა და ემანუელ მაკრონის სატელეფონო საუბრის შესახებ ინფორმაცია პირველად "ქართულმა ოცნებამ" გაავრცელა.პარტიის განცხადებით, საუბარი ერთ საათს გაგრძელდა და „ივანიშვილი და მაკრონი შეთანხმდნენ, რომ მომდევნო დღეებში კვლავ შედგება კონტაქტი და შეფასდება მიღწეული პროგრესი“.

1733917080