თურნავა SEPA-ში გაწევრიანების პროცესის დაჩქარებას ელოდება

სიტყვით გამოსვლისას, მან მადლობა გადაუხადა ეროვნულ ბანკს, სსფ-ის მისიის ხელმძღვანელს, მის გუნდსა და ადგილობრივ მისიას ნაყოფიერი თანამშრომლობისთვის, რომელიც მეოთხე მუხლის კონსულტაციების ფარგლებში შედგა.როგორც მინისტრმა აღნიშნა, განხილულ იქნა საქართველოს მაკროეკონომიკური და ფისკალური პოლიტიკის პარამეტრები და პროგნოზები, ასევე ცალკეული სტრუქტურული თემები, რომლებიც გავლენას ახდენენ ქვეყნის განვითარებაზე. მისი თქმით, საგულისხმოა, რომ ფონდის პროგნოზები სრულად თანხვედრაშია საქართველოს ოფიციალურ პროგნოზებთან.„საქართველოს ეკონომიკა ბოლო 5 წლის განმავლობაში საშუალოდ 9,3%-ით იზრდებოდა. 2026 წელიც მაღალი ზრდით დაიწყო - 8.4%-იანი ზრდა არის პირველ ორ თვეში. ჩვენს პროგნოზებშიც, საშუალოვადიან პერიოდში, ნავარაუდევია ეკონომიკური ზრდის პოტენციურ ზრდასთან დაახლოება. ეს არის ჩვენი საბაზისო სცენარი", - განაცხადა ფინანსთა მინისტრმა, ლაშა ხუციშვილმა.როგორც მან აღნიშნა, მომდევნო წლებში შესაძლებელი და მოსალოდნელია უფრო მაღალი ეკონომიკური ზრდა, თუმცა რეგიონში ამ დროისთვის არსებული გეოპოლიტიკური ვითარების გამო, სამინისტრო არ ჩქარობს პროგნოზების გადახედვას. მისი თქმით, აქტიურად ხდება დაკვირვება გეოპოლიტიკურ მოვლენებსა და მასთან დაკავშირებულ შესაძლო რისკებზე.ფისკალურ დისციპლინაზე საუბრისას, ლაშა ხუციშვილმა აღნიშნა, რომ 2025 წლის ბოლოსთვის, ფისკალური დეფიციტი ისტორიულ მინიმუმზეა, ხოლო სახელმწიფო ვალის დონე უსაფრთხო - 35%-ზე დაბალ ნიშნულზე. მისი თქმით, დაგეგმილია ბიუჯეტის დეფიციტის მშპ-სთან 2.5%-ის ფარგლებში შენარჩუნება. როგორც ფინანსთა მინისტრმა აღნიშნა, ეს დამოკიდებული იქნება, როგორც საგადასახადო შემოსავლების, ისე ხარჯების ნაწილზე.„შესაძლებელია დეფიციტი იყოს უფრო დაბალი, ვიდრე 2.5%-ია იმ მოცემულობით, რომ კაპიტალური ხარჯების ნაწილი შენარჩუნდება მშპ-ის 7%-ის ფარგლებში, რაც საშუალებას მოგვცემს განვახორციელოთ მნიშვნელოვანი საინვესტიციო პროექტები, რომელიც უკავშირდება შუა დერეფნის დაკავშირებადობის გაძლიერებას, ენერგეტიკულ უსაფრთხოებასა და დამოუკიდებლობას. ასევე, წყლის, საგანმანათლებლო, ტურისტული, თუ მუნიციპალური ინფრასტრუქტურის შემდგომ მშენებლობა/რეაბილიტაციას", - განაცხადა ფინანსთა მინისტრმა, ლაშა ხუციშვილმა.

1775561488

ბექა ციცქიშვილი, „თეგეტა ჰოლდინგის“ უფროსი ტექნოლოგიების ოფიცერი: „თუ წარსულში კონკურენცია პროდუქტის ხარისხსა და ფასზე მიმდინარეობდა, ახლა თამაშის წესებს მონაცემებზე დაფუძნებული გადაწყვეტილებები, მომხმარებლის პერსონალიზებული ციფრული გამოცდილება, პროგნოზირებადი სერვისი და სრულად ინტეგრირებული ციფრული ეკოსისტემები განსაზღვრავს. წარმატებას აღწევს ის ორგანიზაცია, რომელიც ტექნოლოგიას არ განიხილავს, როგორც მხარდამჭერ ფუნქციას, არამედ იყენებს მას, როგორც ზრდის, ეფექტიანობისა და ახალი ბიზნესმოდელების მთავარ მამოძრავებელს. ჩვენ ამ ტრანსფორმაციის ტალღას კი არ მივყვებით, არამედ ხშირ შემთხვევაში მას თავად ვქმნით“.აღნიშნულ გზაზე „თეგეტა ჰოლდინგის“ ერთ-ერთი ყველაზე მასშტაბური პროექტი 2026 წლისთვის SAP S/4HANA-ზე სრულად გადასვლაა. როგორც კომპანიაში განმარტავენ, ეს მხოლოდ სისტემის განახლება ან ტექნიკური მიგრაცია კი არ არის, არამედ ოპერაციული ხერხემლის გაძლიერებაა, რომელსაც „თეგეტას“ ყველა სხვა ციფრული პროდუქტი და ინიციატივა ეყრდნობა.„ჩვენ შეგნებულად ავირჩიეთ განსხვავებული მიდგომა ტიპური „ტექნიკური მიგრაციისგან“. ჩვენი მთავარი პრიორიტეტი არ ყოფილა მხოლოდ სწრაფი გადატანა, ჩვენი პრიორიტეტია ბიზნესპროცესების საფუძვლიანი რესტრუქტურიზაცია და მათი შესაბამისობაში მოყვანა საუკეთესო საერთაშორისო პრაქტიკებთან“, - განმარტავს ბექა ციცქიშვილი.პროექტის ფარგლებში, ჰოლდინგმა აქცენტი ბიზნესპროცესების საფუძვლიან გადახედვასა და მათ საერთაშორისო საუკეთესო პრაქტიკებთან შესაბამისობაში მოყვანაზე გააკეთა. უკვე რესტრუქტურიზებულია, დაახლოებით, 130 ბიზნესპროცესი, რაც იმას ნიშნავს, რომ ახალ სისტემაში ისტორიულად დაგროვილი მოდელები ავტომატურად არ გადადის, პირიქით, ყალიბდება ოპტიმიზებული, სტანდარტიზებული და მასშტაბირებადი ოპერაციული არქიტექტურა, რომელიც კომპანიის გრძელვადიან ზრდას უნდა დაედოს საფუძვლად.„თეგეტას“ ციფრული ტრანსფორმაციის ერთ-ერთი ყველაზე თვალსაჩინო შედეგი Tegeta App-ია, რომელიც მომხმარებლისთვის ავტომობილზე ზრუნვის სრულ ციფრულ გამოცდილებას ქმნის. ამ პლატფორმიდან შესაძლებელია ავტომობილის სერვისის ისტორიის, დაგეგმილი თუ პროაქტიური საჭიროებების ნახვა, ნაწილების შეკვეთა, სერვისცენტრში ვიზიტის დაჯავშნა და ავტომობილის მდგომარეობის კონტროლი.„ეს არ არის უბრალოდ აპლიკაცია. ეს არის ჩვენი ყველა სერვისის ერთიანი ციფრული შეხების წერტილი. მანქანის მოვლასთან დაკავშირებული საკითხები, პერსონალიზებული შეთავაზებები, ლოიალობის პროგრამა - ეს ყველაფერი App-ის მეშვეობით ერთიან ციფრულ გამოცდილებას ქმნის. მომდევნო ეტაპზე იგეგმება Tegeta App-ის ინტელექტუალიზაცია, რაც AI-ზე დაფუძნებული ვირტუალური ასისტენტის დახმარებით მომხმარებლისთვის ავტომობილის საჭიროებებსა და შესაბამის შეთავაზებებზე ინფორმაციის პროაქტიურად მიწოდებას უზრუნველყოფს“, - განმარტავს ბექა ციცქიშვილი.ციფრული ეკოსისტემის საფუძველი მონაცემთა ცენტრალიზაციაა. „თეგეტამ“ შექმნა Data Warehouse, რომელიც სხვადასხვა სისტემაში მიმოფანტულ მონაცემებს ერთ პლატფორმაზე აერთიანებს და მათ ოპერაციულ გამოყენებას უზრუნველყოფს. შედეგად, თანამშრომელს შეუძლია, ანალიტიკური კითხვა AI აგენტს სიტყვიერად დაუსვას და პასუხი წამებში მიიღოს - პროცესი, რასაც ადრე რამდენიმე დღე სჭირდებოდა.კომპანიის ციფრული ევოლუციის გზაზე მნიშვნელოვანი ადგილი უკავია ხელოვნურ ინტელექტს, რომელიც „თეგეტას“ ოპერაციული მოდელის ნაწილია. კომპანიამ უკვე დანერგა AI პროდუქტები, რომლებიც თანამშრომლებისთვის ოპერაციებს ამარტივებს, მომხმარებლებისთვის კი სწრაფ უკუკავშირსა და პერსონალიზებულ მიდგომას უზრუნველყოფს.„თეგეტაში“ გვჯერა, რომ მონაცემებზე დაფუძნებული გადაწყვეტილებები არის ჩვენი მომავალი. ეს არის კომპანიის პირველი, თუმცა ფუნდამენტური ნაბიჯი სრულფასოვანი Data-Driven ორგანიზაციისკენ. მომდევნო წლებში კონკურენტული უპირატესობა აღარ განისაზღვრება მხოლოდ იმით, ვინ იყენებს AI-ს, არამედ იმით - ვინ იყენებს მას უკეთესი ბიზნესშედეგებით. ჩვენთვის AI არის არა ჰაიპი, არამედ გადაწყვეტილებების დაჩქარების, ოპერაციული ეფექტიანობის ზრდისა და მომხმარებლის გამოცდილების რადიკალური გაუმჯობესების ინსტრუმენტი.ჩვენი ხედვის ცენტრში დგას პრინციპი - ტექნოლოგია უნდა აგვარებდეს რეალურ ბიზნესგამოწვევებს, როგორც კლიენტებისთვის, ისე თანამშრომლებისთვის.მისი ღირებულება განისაზღვრება მხოლოდ იმ შედეგით, რომელსაც ქმნის.ჩვენ ვისწრაფვით ავტობიზნესის ლიდერობისკენ - ტექნოლოგიით გაძლიერებული გადაწყვეტილებებით და მონაცემებზე დაფუძნებული მართვით“, - აღნიშნავს „თეგეტა ჰოლდინგის“ უფროსი ტექნოლოგიების ოფიცერი.„თეგეტაში“ ფიქრობენ, რომ ამ გზაზე გადადგმული თითოეული ნაბიჯი მომხმარებლებისთვის ნიშნავს უფრო სწრაფ სერვისს, ნაკლებ ლოდინს, პერსონალიზებულ კომუნიკაციასა და მარტივ, გამჭვირვალე პროცესებს, რაც სწორ დროს სწორ მომსახურებას უზრუნველყოფს. თანამშრომლებისთვის კი მთავარი შედეგი ოპერაციების გამარტივება და გადაწყვეტილებების დაჩქარებაა - ხელით ნაკლები სამუშაო, მეტი ავტომატიზაცია და ანალიტიკურ მონაცემებზე სწრაფი წვდომა, რაც ზრდის პროდუქტიულობას და ამცირებს საოპერაციო ხარჯებს.--„თეგეტა ჰოლდინგის” შესახებ: უმსხვილესი საავტომობილო კომპანია კავკასიასა და ცენტრალურ აზიაში მომხმარებელს საავტომობილო ეკოსისტემის სრულ სპექტრს სთავაზობს, რაც მსუბუქ, სატვირთო და სამშენებლო, ასევე კომერციულ, სამგზავრო და ინდუსტრიულ ტრანსპორტს მოიცავს. მთელი ქვეყნის მასშტაბით „თეგეტას” 28 სერვისცენტრი აქვს. „თეგეტა“ ექსკლუზიურად წარმოადგენს ცნობილ ბრენდებს Porsche, Lamborghini, Bentley, Volvo, Toyota, Mazda, Geely, Zeekr. სატვირთო და სპეცტექნიკის მიმართულებით ჰოლდინგის პარტნიორები არიან ისეთი დიდი ბრენდები, როგორებიცაა: MAN, JCB, HINO, LIEBHERR, BOMAG და სხვები. „თეგეტა” მსოფლიოს 300-ზე მეტი წამყვანი საავტომობილო ბრენდის იმპორტიორია საქართველოში. „თეგეტა ჰოლდინგი”, 3 000-მდე თანამშრომლით, დღეს საქართველოში ერთ-ერთი უმსხვილესი დამსაქმებელია.

1775560125

ბოდორნა-ღრმაღელის გვირაბი წარმოადგენს თბილისის წყალმომარაგების სისტემის უმნიშვნელოვანეს ინფრასტრუქტურას. სწორედ მისი მეშვეობით ივსება თბილისის წყალსაცავი, რაც ღრმაღელისა და სამგორის საფილტრე სადგურების გამართული მუშაობის აუცილებელი პირობაა.სარეაბილიტაციო სამუშაოების ძირითადი ნაწილი საგურამოდან ზაჰესის დასახლებამდე არსებულ 8-კილომეტრიან მონაკვეთზე განხორციელდა. ეს სეგმენტი საკმაოდ რთული გეოლოგიური რელიეფით გამოირჩევა - ცალკეულ ადგილებში გვირაბი მიწის ზედაპირიდან 120 მეტრის სიღრმეში გადის, რაც პროექტის შესრულებისას დამატებით ტექნიკურ გამოწვევებს ქმნიდა.აღსანიშნავია, რომ პროექტის ფარგლებში კომპანიამ 600 000 ლარის ინვესტიცია განახორციელა. სამუშაოების მასშტაბურობიდან გამომდინარე, რეაბილიტაციის პროცესი ერთდროულად რამდენიმელოკაციაზე მიმდინარეობდა, რაც პროცესის მაქსიმალურ ეფექტურობას უზრუნველყოფდა.პროექტი 6 მარტს დაიწყო და ზუსტად ერთ თვეში 6 აპრილს დასრულდა. სამუშაოების ასეთ მჭიდრო ვადებში შესრულება გადამწყვეტია მსგავსი ტიპის სტრატეგიული ობიექტებისთვის, რათა მინიმალურ დროში მოხდეს სისტემის სრული აღდგენა და გარანტირებული იყოს ქალაქის სტაბილური წყალმომარაგება.,,სარეაბილიტაციო პროცესს წინ უძღოდა 2025 წელს ჩატარებული კომპლექსური კვლევა, რომლის დროსაც გამოვლინდა დაზიანების კერები. სამომავლო ინციდენტებისა და არაგეგმიური დაზიანებების თავიდან ასაცილებლად კომპანიამ  დაგეგმა და ჩაატარა პრევენციული სამუშაოები. კრიტიკული ინფრასტრუქტურის მონიტორინგი და დროული რეაბილიტაცია აუცილებელი პირობაა სისტემის მდგრადობისთვის. პროექტი „აქუალიას" საერთაშორისო სტანდარტების სრული დაცვით განხორციელდა, რაც გულისხმობს სამუშაოების მაღალ ხარისხსა და უსაფრთხოებას. ჩვენი გუნდის მიერ გაწეული ძალისხმევა მიმართულია თბილისის მოსახლეობისთვის სტაბილური და საიმედო მომსახურების უზრუნველსაყოფად", - გიგა ნადირაძე,ჯივიპის  ტექნიკური დირექტორი.აღნიშნული პროექტის დასრულება კიდევ ერთხელ ადასტურებს „ჯორჯიან უოთერ ენდ ფაუერისა" და „აქუალიას" პასუხისმგებლობას - მართონ წყლის რესურსები ეფექტურად  და უზრუნველყონ ქალაქის კრიტიკული ინფრასტრუქტურის მდგრადობა საერთაშორისო სტანდარტების დაცვით.(R)

1775559780

როგორც ბრიფინგზე სიტყვით გამოსვლისას ნათია თურნავამ აღნიშნა, მოხარულია, რომ სსფ-ის მისიის მხრიდან დადებითად შეფასდა საქართველოს მონეტარული და ფისკალური პოლიტიკა.„სსფ-ის მხრიდან აღინიშნა, რომ სების მონეტარული პოლიტიკა გონივრულია, რაც ყველაზე მეტად მნიშვნელოვანია გამოწვევებით სავსე გლობალურ გარემოში. ასევე ხაზი გაესვა საქართველოს მაღალ ეკონომიკურ აქტივობას და გაუმჯობესებულ საგარეო პოზიციას. მოგეხსენებათ, მიმდინარე ანგარიშის დეფიციტი ისტორიულად დაბალი იყო, 2025 წელს მშპ-სთან მიმართებაში 2.6% შეადგინა. ჩვენთვის, ეროვნული ბანკისთვის, ეს ნიშნავს, რომ კვლავ ხელსაყრელი პირობებია საერთაშორისო რეზერვების აკუმულირების გაგრძელებისთვის. ასევე შეინიშნება ძლიერი სავალუტო შემოდინებები სხვადასხვა, მათ შორის ვაჭრობის არხებით. სავალუტო ფონდმაც თავის მიმოხილვაში აღნიშნა, რომ გასულ წელს სავალუტო რეზერვებმა რეკორდულ მაქსიმუმს მიაღწია და 2022 წლის შემდეგ პირველად, გასულ წელს საერთაშორისო რეზერვების მოცულობა ადეკვატურობის  100%-იან ზღვარს გადასცდა", - აღნიშნა ნათია თურნავა.მან ასევე ისაუბრა ინფლაციურ მოლოდინებზე და ხაზი გაუსვა, რომ ინფლაციური მოლოდინების თვალსაზრისით, სენტიმენტები კარგად არის მართული. მისივე თქმით, ამავდროულად გასათვალისწინებელია, ახლო აღმოსავლეთში მიმდინარე საომარი მოქმედებები, რამაც საერთაშორისო სასაქონლო ბაზრებზე, მათ შორის საქართველოს ბაზარზე მაღალი მერყეობა და ლოგისტიკური ჯაჭვების შეფერხება გამოიწვია, რაც ფასებზე დამატებითი ზეწოლაა.„ეს არის დამატებითი ინფლაციური შოკი, რომლის სიძლიერე დამოკიდებული იქნება კონფლიქტის ხანგრძლივობაზე და საერთაშორისო ბაზარზე ნავთობის ფასების დასტაბილურებაზე. აქედან გამომდინარე, ეს არის ის გამოწვევა, რომელსაც უნდა ვუპასუხოთ ფრთხილი და ეფექტური მონეტარული პოლიტიკის ნაბიჯებით, რისთვისაც ვართ მზად", - დასძინა სების პრეზიდენტმა.ნათია თურნავას თქმით, სსფ-ის მისიის ვიზიტის ფარგლებში განხილვის  ერთ-ერთი საკითხი ეროვნული ბანკის მმართველობის გაუმჯობესება იყო. მისი განმარტებით, სსფ-ის შეფასებით სების მხრიდან მმართველობის გაუმჯოსებების კუთხით სავალუტო ფონდის რეკომენდაციები ნაწილობრივ შესრულებულია, ხოლო დანარჩენზე მიდის მუშაობა.„ამიტომ, უნდა ითქვას, რომ ამ თვალსაზრისითაც, კარგი პროგრესი გვაქვს", - აღნიშნა ნათია თურნავამ.

1775559426

IMF-ის განცხადებით, ინფლაციური წნეხი ახლო აღმოსავლეთში კონფლიქტის დაწყების შემდეგ გაიზარდა, თუმცა საბაზო ინფლაცია კვლავ დაბალია. 2025 წლის ბოლოს ინფლაცია 4% იყო, ხოლო 2026 წლის მარტში 4.3%-ს მიაღწია, რაც ასახავს იმპორტირებული საკვები პროდუქტებისა და ნავთობის ფასების ზრდას, ნაწილობრივ ახლო აღმოსავლეთში მიმდინარე ომის გამო. ამავე დროს, საბაზო ინფლაცია კვლავ საქართველოს ეროვნული ბანკის (NBG) 3%-იან მიზნობრივ მაჩვენებელზე დაბლა რჩება.სავალუტო ფონდის პროგნოზის მიხედვით, ინფლაცია 2026 წლის პირველ ნახევარში კვლავ მაღალი იქნება, რაც გამოწვეული იქნება საწვავისა და ელექტროენერგიის ფასების ზრდით, ხოლო 2027 წლის შუა პერიოდში მიზნობრივ მაჩვენებელს დაუბრუნდება, რადგან საკვები პროდუქტებისა და ენერგიის ფასების ერთჯერადი ზრდის ეფექტები განეიტრალდება, მოთხოვნა ზომიერად შემცირდება და წარმოების გაპი დაიხურება.IMF-ის რეკომენდაციის შესაბამისად, მონეტარული და გაცვლითი კურსის პოლიტიკა უნდა დარჩეს ორიენტირებული იმაზე, რომ ინფლაცია მდგრადად დაუბრუნდეს მიზნობრივ მაჩვენებელს. „მიუხედავად იმისა, რომ მიმდინარე პოლიტიკა ითვალისწინებს მიწოდების მხარის დროებით შოკებს, საქართველოს ეროვნულმა ბანკმა მართებულად მიანიშნა მზადყოფნაზე, გაამკაცროს პოლიტიკა იმ შემთხვევაში, თუ ინფლაციური წნეხი გაგრძელდება, გაჩნდება მეორე რაუნდის ეფექტები ან ინფლაციური მოლოდინები გახდება ფიქსირებული“.სავალუტო ფონდი ინტერვენციებსაც ეხმაურება და აღნიშნავს, რომ გაცვლითი კურსის მოქნილობა უნდა შენარჩუნდეს და სავალუტო ინტერვენციები უნდა შემოიფარგლოს მხოლოდ ზედმეტი ვოლატილობის ეპიზოდების შემსუბუქებით. ამასთან, მათივე თქმით, შესაძლებლობის შემთხვევაში საერთაშორისო რეზერვების დაგროვების გაგრძელება კიდევ უფრო გააძლიერებს პრევენციულ ბუფერებს საქართველოს მაღალი დოლარიზაციის პირობებში.საქართველოს ეროვნული ბანკის მმართველობის რეფორმის წინსვლა კვლავ მნიშვნელოვანია ინსტიტუციური გარანტიების გასაძლიერებლად. საფინანსო ინსტიტუტის თქმით, IMF-ის 2022 წლის უსაფრთხოების შეფასების რეკომენდაციების უმეტესობა უკვე განხორციელებულია, მათ შორის მთავრობისთვის დისკრეციული გადარიცხვების შესაძლებლობის გაუქმება, ხოლო IMF-ის ტექნიკურმა დახმარებამ ხელი შეუწყო შემდგომ პროგრესს.„უკვე გადაიდგა ნაბიჯები, მათ შორის აღმასრულებელ წევრებს შორის პასუხისმგებლობების გადანაწილება და ეროვნული ბანკის პრეზიდენტის მემკვიდრეობის სისტემის გაძლიერება, რაც დადებითად ფასდება. ხელისუფლება ასევე გეგმავს კოლეგიური გადაწყვეტილების მიღების მექანიზმებისა და საბჭოს წევრების კვალიფიკაციის მოთხოვნების რეფორმებს. საბჭოს ზედამხედველობის მექანიზმების შემდგომი გაძლიერება მნიშვნელოვანია, რათა ეროვნული ბანკის მმართველობის ჩარჩო სრულად შეესაბამებოდეს საერთაშორისო საუკეთესო პრაქტიკას“, - აცხადებს სავალუტო ფონდი.შეგახსენებთ, რომ მონეტარული პოლიტიკა, ეროვნული ბანკის წინა პრეზიდენტის, კობა გვენეტაძის დროს, 2024 წლის მაისში განისაზღვრა 8%-ზე და მას შემდგომ, მოქმედი პრეზიდენტის, ნათია თურნავას მმართველობისას, კომიტეტს გადაწყვეტილება არ შეუცვლია. 

1775557351

აღნიშნული შეთავაზება მოქმედებს tktfly.ge-ზე - მომხმარებლებს შეუძლიათ ბილეთები დღესვე შეიძინონ, ხოლო გადახდა მომდევნო თვიდან დაიწყონ.ინფორმაციისთვის, ნაწილ-ნაწილ საქართველოს ბანკის გადახდის მეთოდია, რომელიც გაძლევთ შესაძლებლობას სასურველი ნივთი ან მომსახურება დღესვე მიიღოთ და მისი ღირებულება 4 თვეზე გადაანაწილოთ ისე, რომ ჯამური ღირებულება არ გაგიძვირდეთ (ეფექტური 0%). სურვილის შემთხვევაში, ნაწილს გადაიხდით ახლა, დანარჩენს კი გადაანაწილებთ.ამრიგად, ნაწილ-ნაწილ გადახდისას იხდით ზუსტად იმ თანხას, რაც ბილეთის ღირებულებაა.(R)

1775556083

კამპანიის ფარგლებში, ლიბერთის მობაილ და ინტერნეტ ბანკის საშუალებით 6 აპრილიდან 1 ივლისამდე განაღდებულ საერთაშორისო ფულად გზავნილებზე მომხმარებლებს აქვთ შესაძლებლობა მიიღონ შემდეგი საჩუქრები: ყოველი მე-500 გზავნილი იქნება მომგებიანი - მომხმარებელი გაიორმაგებს განაღდებულ გზავნილს მაქსიმუმ 5,000 ლარის ოდენობით. კამპანიის დასრულებისას გამოვლინდება მთავარი გამარჯვებული - მომხმარებელი, რომელიც კამპანიის განმავლობაში ყველაზე მეტჯერ გაანაღდებს საერთაშორისო ფულად გზავნილს, მიიღებს სუპერ პრიზს - 7,000 ლარს. კამპანიის დეტალურ პირობებს ბანკი ოფიციალურ ვებგვერდზე აქვეყნებს: https://shorturl.at/kZSql(R)

1775555484

ფინანსთა მინისტრის თქმით, ბანკის წოდება ამ ინსტრუმენტისთვის არასწორი დეფინიციაა. მისივე თქმით, ამ სტრუქტურის პრეზენტაციაზე გაირკვევა, თუ რა მანდატი ექნება ამ ფონდს და რა ფუნქციური დატვირთვა ექნება.საერთაშორისო სავალუტო ფონდის მისიის ხელმძღვანელმა ალეხანდრო ჰაჟდენბერგმა აღნიშნულ ინსტიტუციასთან დაკავშირებით დღევანდელ შემაჯამებელ ბრიფინგზე განაცხადა, რომ „ბევრ ქვეყანაში არსებობს ასეთი ინსტიტუტი, ძალიან ცუდი მაგალითებიც არსებობს მსოფლიოში და მნიშვნელოვანია, რომ სწორად გაკეთდეს, თუ გაკეთდება. ლოგიკა უნდა არსებობდეს განვითარების ინსტიტუტის არსებობაში - ამ ბანკის გამჭვირვალობა იქნება მნიშვნელოვანი“.განვითარების ბანკი წარმოადგენს სახელმწიფო ან სახელმწიფოს მონაწილეობით შექმნილ საფინანსო ინსტიტუტს, რომლის მიზანია გრძელვადიანი და შეღავათიანი ფინანსური რესურსის მიწოდება სტრატეგიული სექტორებისთვის — ინფრასტრუქტურა, მრეწველობა, ექსპორტი, ენერგეტიკა, აგრობიზნესი და მცირე და საშუალო ბიზნესი.მსოფლიო პრაქტიკაში მსგავსი ინსტიტუტები მნიშვნელოვან როლს ასრულებენ ეკონომიკური ზრდის სტიმულირებაში. მაგალითისთვის, გერმანიაში ფუნქციონირებს KfW, რომელიც მეორე მსოფლიო ომის შემდეგ ქვეყნის აღდგენის ერთ-ერთი მთავარი ფინანსური ინსტრუმენტი გახდა. ბრაზილიაში მოქმედებს BNDES, რომელიც მრეწველობისა და მსხვილი ინფრასტრუქტურული პროექტების დაფინანსებაში წამყვან როლს ასრულებს.საქართველოში განვითარების ბანკის შექმნის იდეა წლების განმავლობაში პერიოდულად განიხილებოდა ეკონომიკური პოლიტიკის დონეზე, განსაკუთრებით მაშინ, როცა კერძო საბანკო სექტორი გრძელვადიანი და დაბალპროცენტიანი რესურსის დეფიციტზე საუბრობდა. საკითხი აქტიურდება ეკონომიკური შენელების, რეგიონული გამოწვევების ან მსხვილი ინფრასტრუქტურული პროექტების დაფინანსების საჭიროების პერიოდში.ინიციატივის მხარდამჭერები აცხადებენ, რომ განვითარების ბანკი ხელს შეუწყობს: გრძელვადიანი საინვესტიციო პროექტების დაფინანსებას ექსპორტის ზრდას ადგილობრივი წარმოების მხარდაჭერას სტრატეგიული ინფრასტრუქტურის განვითარებას მიუხედავად ამისა, კრიტიკოსები ყურადღებას ამახვილებენ რისკებზე, მათ შორის — პოლიტიზაციის, არაეფექტიანი მენეჯმენტის და სახელმწიფო ვალის ზრდის შესაძლებლობაზე. საერთაშორისო გამოცდილება აჩვენებს, რომ მსგავსი ინსტიტუტის წარმატება დიდწილად დამოკიდებულია გამჭვირვალე მართვაზე, მკაფიო მანდატზე და ძლიერი ზედამხედველობის მექანიზმებზე.

1775555109