რუსეთს სამშვიდობო მემორანდუმის უკრაინული ვარიანტი გადაეცა

ვერცხლის, ოქროს და სპილენძ-ნიკელის მონეტების გაყიდვა შემდეგი პირობებით მოხდება:ვერცხლის მონეტის შეძენა შესაძლებელი იქნება 2025 წლის 4 ივნისიდან, ოქროს მონეტის - 5 ივნისიდან, სპილენძ-ნიკელის მონეტის შეძენა კი - 6 ივნისიდან.მონეტების გაყიდვა შესაბამისი თარიღების მიხედვით მოხდება საკასო ცენტრისა და ყვარლის ფულის მუზეუმის სალაროებში დილის 10:00 საათიდან, ხოლო ელექტრონული პლატფორმა - www.tkt.ge მეშვეობით, მხოლოდ ერთი დღით, დილის 10:00 საათიდან იმავე დღის ბოლომდე. სალაროებში მონეტის შესაძენად მომხმარებელმა თან უნდა იქონიოს პირადობის დამადასტურებელი დოკუმენტი. www.tkt.ge მეშვეობით მონეტის შეძენასთან დაკავშირებულ ნებისმიერ საკითხზე საკონტაქტო ინფორმაცია: ელ. ფოსტა: support@tkt.ge, ტელ: 032 2 19 55 77. საკასო ცენტრი - მისამართი: ქ. თბილისი, იასონ ლორთქიფანიძის 2 (კახეთის გზატკეცილი 72), ორშაბათიდან პარასკევის ჩათვლით, 10:00-17:00(შესვენება 13:00-14:00). ყვარლის ფულის მუზეუმი - მისამართი: ქ. ყვარელი, შოთა რუსთაველის ქ. 10, სამუშაო დღეები: - ხუთშაბათიდან ორშაბათის ჩათვლით, 10:00-17:00 (შესვენება 13:00-14:00). რეალიზაციის დაწყების დღეს, 4 ივნისს მუზეუმი იმუშავებს სტანდარტულ რეჟიმში. 2025 წლის 9 ივნისიდან, მონეტების შესაბამისი მარაგის არსებობის შემთხვევაში, მათი რეალიზაცია საკასო ცენტრისა და ყვარლის ფულის მუზეუმის სალაროებთან ერთად, გაგრძელდება ასევე, ფულის მუზეუმის ინტერნეტ მაღაზიის მეშვეობითაც - https://moneymuseum.nbg.gov.ge/www.tkt.ge პლატფორმაზე მონეტის შეძენის შემთხვევაში, მის სარეალიზაციო ღირებულებას დაემატება: მიწოდების ღირებულება - თბილისის შემთხვევაში 7 ლარი, რეგიონების შემთხვევაში 20 ლარი; დაზღვევის ღირებულება - მონეტის სარეალიზაციო ფასის 0.4%; ვებგვერდის მომსახურების საკომისიო - ვერცხლის მონეტისთვის - 8 ლარი, ოქროს მონეტისთვის - 85 ლარი, ხოლო სპილენძ-ნიკელის მონეტისთვის - 1. 80 ლარი. იმისათვის, რომ მონეტების შეძენა მაქსიმალურად ბევრმა დაინტერესებულმა პირმა შეძლოს, მათი გაყიდვის დაწყებიდან პირველი ხუთი დღის განმავლობაში თითოეული შემადგენლობის მონეტისთვის დაწესდება შეზღუდვა - ამ პერიოდში ერთ მომხმარებელს შეეძლება შეიძინოს არაუმეტეს: 1 ცალი ოქროს მონეტა; 2 ცალი ვერცხლის მონეტა; 5 ცალი სპილენძ-ნიკელის მონეტა. თუ ერთი მომხმარებლის მიერ tkt.ge-ის ვებგვერდზე მოხდება შეზღუდულ ოდენობაზე მეტი ერთეულის შეძენა, გაუქმდება ამ პლატფორმაზე განთავსებული შესაბამის ოდენობაზე მეტი ყველა შეკვეთა და მომხმარებელს დაუბრუნდება მხოლოდ უშუალოდ მონეტის, გადაზიდვისა და დაზღვევის საფასური. ვებგვერდის მომსახურების საკომისიო უკან დაბრუნებას არ ექვემდებარება.მონეტების დიზაინი ღია კონკურსის წესით შეირჩა და მათი დიზაინერები მარიამ და შორენა ჩაჩანიძეები არიან. მონეტები პოლონეთის ზარაფხანაში მოიჭრა - ოქროს მონეტა - 1500-იანი, ვერცხლის მონეტა - 5000-იანი და სპილენძ-ნიკელის მონეტა - 20000-იანი ტირაჟით. ოქროს მონეტის სარეალიზაციო ფასია 2 500 ლარი; ვერცხლის მონეტის სარეალიზაციო ფასია 130 ლარი; სპილენძ-ნიკელის მონეტის სარეალიზაციო ფასია 30 ლარი. საქართველოს სახელმწიფოებრივი დამოუკიდებლობის აღდგენის შემდეგ, XX-ე საუკუნის 90-იანი წლების დასაწყისში, ქვეყანაში ფულად-საკრედიტო რეფორმებთან ერთად დაიწყო მუშაობა პირველი სრულფასოვანი ეროვნული ვალუტის შესაქმნელად, რაც 1995 წელს ლარის შემოღებით დაგვირგვინდა. სიტყვა "ლარი" ძველი ქართული სიტყვაა და ნიშნავს განძს, ქონებას, ხოლო "თეთრი", რომელიც ლარის მეასედ ნაწილს ეწოდა, ასევე, ძველი ქართული სამონეტო ტერმინია.1995 წლის 25 სექტემბრიდან მიმოქცევაში გავიდა საქართველოს ეროვნული ვალუტა "ლარის" ბანკნოტები და მონეტები, ხოლო ამავე წლის 2 ოქტომბრიდან ლარი გამოცხადდა ერთადერთ კანონიერ საგადამხდელო საშუალებად ქვეყნის მთელ ტერიტორიაზე.ლარის შემოღება მნიშვნელოვანი ნაბიჯი იყო ჩვენი ქვეყნის ისტორიაში, საბაზრო ეკონომიკის პრინციპებზე მართვადი, პოლიტიკურად და ეკონომიკურად დამოუკიდებელი სახელმწიფოს ჩამოყალიბების თვალსაზრისით.მონეტის ავერსის მარჯვენა მხარეს გამოსახულია  ლარის ბანკნოტებზე დატანილი დამცავი ნიშნები ორნამენტების სახით, მარცხენა მხარეს - სტილიზებული წარწერა „30 წელი“ (ვერცხლის მონეტაზე აღნიშნული დეტალი ფერადია), ხოლო შუა ნაწილში - წარწერა „ქართული ლარი“.მონეტის რევერსის ცენტრალურ ნაწილში გამოსახულია ნომინალის აღმნიშვნელი ციფრის „5“ და ლარის სიმბოლოს „₾“ კომბინაცია,  წარწერა „ხუთი ლარი“,  რომელსაც წრიულად გარს ერტყმის მზის სხივების სიმბოლური გამოსახულების სახით წარმოდგენილი ხაზები. ასევე, დატანილია წარწერები: „საქართველო“, „Georgia”, „1995-2025”, რომელთა შორის გამოსახულია თეთრის მონეტების რევერსზე არსებული დეტალი.

1749017766

საქართველოში გამოკითხვა 2025 წლის 27 მარტიდან 17 აპრილამდე მიმდინარეობდა და მის ფარგლებში 1011 ადამიანი გამოიკითხა.გამოკითხვის თანახმად, ქართველების 49% ენდობა ევროკავშირს, რაც 9%-ით ნაკლებია ვიდრე 2024 შემოდგომაზე (58%) და 17%-ით ნაკლებია, ვიდრე 2024 წლის გაზაფხულზე (66%).გაზრდილია ქართველთა რაოდენობა, რომლებსაც ევროპის კავშირზე ნეგატიური შეხედულება გააჩნიათ - 18%. 2024 წლის შემოდგომაზე ეს მაჩვენებელი 10%-ს შეადგენდა, ხოლო 2024 წლის გაზაფხულზე 7%-ს.შემცირებულია ქართველთა რაოდენობა, რომლებსაც მიაჩნიათ, რომ ქვეყნის ევროკავშირში გაწევრიანება კარგი იქნება - 60%.ინფორმაციისთვის, 2024 წლის შემოდგომაზე ეს მაჩვენებელი 69%-ს შეადგენდა, ხოლო 2024 წლის გაზაფხულზე 74%-ს.ასევე შემცირებულია ქართველთა რაოდენობა, რომლებსაც მიაჩნიათ, რომ ქვეყანა ევროკავშირში გაწევრიანებით სარგებელს მიიღებს - 75%. 2024 წლის შემოდგომაზე ეს მაჩვენებელი 82%-ს შეადგენდა, ხოლო 2024 წლის გაზაფხულზე 86%-ს.ასევე, კვლევის თანახმად, 2025 წლის გაზაფხულისთვის ქართველთა 45% ენდობა საქართველოს პარლამენტს და 51% ენდობა საქართველოს მთავრობას.

1748982660

აღნიშნული შეთავაზება აერთიანებს როგორც ჯანმრთელობის სერვისებს, ისე სიცოცხლის დაზღვევას, უბედური შემთხვევისაგან დაზღვევას და კიბოს რისკისგან დაზღვევას. „მოხარულები ვართ, რომ ლიბერთი ბანკთან ჩვენი თანამშრომლობა ახალ ეტაპზე გადადის. გასული რამდენიმე წლის განმავლობაში, კოლაბორაციის ფარგლებში ქართულ ბაზარზე შემოვიტანეთ  ხელმისაწვდომი და ამასთანავე საზოგადოებისთვის საჭირო ერთობლივი პროდუქტები. ჩვენი პრიორიტეტია, ხელი შევუწყოთ სადაზღვევო სისტემაში მეტი მოქალაქის ჩართვას. ამ მიმართულებით, ლიბერთი ბანკთან პარტნიორობა ძალიან  მნიშვნელოვანია. გვსურს, ჩვენი თანამშრომლობა კიდევ უფრო გავაღრმაოთ და ექსკლუზიურად,  ლიბერთი ბანკისმომხმარებლებს შევთავაზოთ  პროდუქტი, რომელიც ჯანდაცვის სერვისებით სარგებლობას კიდევ უფრო მეტი ადამიანისთვის გახდის ხელმისაწვდომს. რადგან, ბევრს არ მიუწვდება ხელი მაღალი დონის ჯანმრთელობის დაზღვევაზე, ამ ერთობლივი პროექტით, ლიბერთის მომხმარებლები, მინიმალურ ფასად შეძლებენ იზრუნონ საკუთარ ჯანმრთელობაზე. ჩვენი პარტნიორობა გაგრძელდება და  კიდევ ბევრ სიახლეს და ინოვაციურ პროდუქტს შევთავაზებთ ჩვენს მომხმარებლებს“- გურამ მუსხელიშვილი, „ჯიპიაი ჰოლდინგის“ გაყიდვების დირექტორი.,,ლიბერთი აგრძელებს უნივერსალიზაციის სტრატეგიას და მომხმარებელზე ორიენტირებული საბანკო პროდუქტების შეთავაზებას. ამასთანავე, პრიორიტეტულ მიმართულებად რჩება ჩვენს მომხმარებელზე ზრუნვა და სწორედ ამ მიზნით, ჯიპიასთან თანამშრომლობით შეიქმნა  ახალი, ინოვაციური, სადაზღვევო პროდუქტი.ლიბერთი ბანკმა შეისწავლა მომხმარებლების საჭიროებები  და ჩვენს პარტნიორებთან  ერთობლივი მუშაობით, სწორედ მომხმარებლებზე ორიენტირებული და ბაზარზე, ერთ-ერთი ყველაზე გამორჩეული შეთავაზება ჯანმრთელობის დაზღვევის პაკეტი - ,,ზრუნვა +“ შეიქმნა.“ეს არის ერთი ფანჯრის პრინციპზე აგებული სერვისი, რომელიც  ხელმისაწვდომია მთელი საქართველოს მასშტაბით. დღეიდან ლიბერთის მომხმარებლები, მიიღებენ უფასო მომსახურებას ოჯახის ექიმთან, ფასდაკლებებს ლაბორატორიულ და დიაგნოსტიკურ კვლევებზე, ასევე დამატებით შეღავათებს სტომატოლოგიურ მომსახურებასა და სააფთიაქო ქსელებში. ვიმედოვნებთ,  ჩვენი მომხმარებლები, საბანკო სერვისებთან ერთად, სამედიცინო სერვისებით,  კიდევ უფრო მარტივად, ხელმისაწვდომად და ხარისხიანად ისარგებლებენ”- ვაჟა მენაბდე, ლიბერთის მცირე და საშუალო ბიზნესის მიმართულების დირექტორი. „ჯიპიაი ჰოლდინგი“ ქართულ სადაზღვევო ბაზარზე 24 წელია წარმოდგენილია და სტაბილურად ინარჩუნებს მოწინავე პოზიციებს. კომპანია ლიდერია როგორც კორპორაციული, ისე საცალო დაზღვევის მიმართულებით. “ჯიპიაი” პირველი სადაზღვევო  კომპანიაა საქართველოში, რომელმაც მომხმარებელსდ დისტანციური დაზღვევის  სერვისები შესთავაზა. “ჯიპიაი ჰოლდინგი”2006 წლიდან, „ვენის სადაზღვევო ჯგუფის წევრია“. “ვენის სადაზღვევო ჯგუფი” ერთ-ერთი ყველაზე მსხვილი ინვესტორია საქართველოს ბაზარზე. ის ლიდერია ცენტრალურ და აღმოსავლეთ ევროპაში და ევროპის 25 ქვეყნის 50 კომპანიას ფლობს და მართავს.ლიბერთი ბანკი ქვეყნის ერთ-ერთი უმსხვილესი კომერციული ბანკია, რომელიც 1,7 მილიონზე მეტ ფიზიკურ პირს და 50 000-ზე მეტ მცირე და საშუალო ბიზნესს ემსახურება. ბანკის აქტივები 4 მლრდ ლარს შეადგენს და დასაქმებულია 5000 -ზე მეტი თანამშრომელი. ლიბერთი ქვეყნის მასშტაბით წარმოდგენილია ყველაზე ფართო ქსელით - 500-მდე მომსახურების ცენტრით, 632 ბანკომატით, თვითმომსახურების და POS ტერმინალებით საქართველოს ყველა რეგიონსა და მუნიციპალიტეტში. განვითარებული ინფრასტრუქტურის გარდა, როგორც ფიზიკური, ასევე იურიდიული პირებისთვის ხელმისაწვდომია თანამედროვე ციფრული სერვისები და დისტანციური მომსახურება

1748958377

500 / 100 / 20 ლარი თიბისისგან; Playstation; 40%-იანი ფასდაკლების ვაუჩერი GPC-სგან; 50, 30 და 10 ლარის ოდენობის სასაჩუქრე ვაუჩერები GPC-სგან; 50 ლარიანი სასაჩუქრე ბარათი დრესაპისგან. საჩუქრის მიღების შემთხვევაში, ინფორმაციას SMS სახით მიიღებთ. “განაწილება” თიბისის გამორჩეული პროდუქტია, რომელიც ყველანაირი ინტერესისა და საჭიროებების მქონე მომხმარებლების სურვილების ასრულების გასამარტივებლად შეიქმნა.თიბისი განაწილებით სარგებლობის შემთხვევაში, მომხმარებლები პროდუქტის საფასურს არა ერთიანად, არამედ 4 თვეზე განაწილებით იხდიან. რაც მთავარია, გაძვირების გარეშე, ეფექტური 0%-ით. რაც იმას ნიშნავს, რომ იხდიან ზუსტად იმდენს, რამდენიც ნივთი ღირს.არ გამოტოვო თიბისის ორმაგი თარიღის შეთავაზება, გაანაწილე 06.06-ში და აისრულე ჩაფიქრებული სურვილები.შეთავაზების დამატებითი დეტალები იხილეთ ბმულზე.

1748957182

ქუთაისის საერთაშორისო აეროპორტიდან ლიონის მიმართულებით საინაუგურაციო ფრენას საქართველოს აეროპორტების გაერთიანების გენერალური დირექტორი ლევან მოსეშვილი და ავიაკომპანია Wizz Air-ის კორპორაციული კომუნიკაციების მენეჯერი სალვატორე გაბრიელე იმპერიალე დაესწრნენ.საქართველოს აეროპორტების გაერთიანების გენერალური დირექტორის, ლევან მოსეშვილის განცხადებით, ახალი მიმართულება საშუალებას იძლევა გაზარდოს მოგზაურობის შესაძლებლობა საქართველოს მოქალაქეებისთვის და განამტკიცოს როგორც ეკონომიკური, ისე კულტურული კავშირები საქართველოსა და საფრანგეთს შორის.,,დღეიდან, ქუთაისის საერთაშორისო აეროპორტის მგზავრებს კიდევ ერთ სასიამოვნო სიახლეს ვთავაზობთ. ლიონი, არის საფრანგეთის მესამე ქალაქი, რომელიც პარიზისა და ნიცას შემდეგ, საქართველოს პირდაპირი საჰაერო გზით უკავშირდება. ახალი მიმართულება უზრუნველყოფს კომფორტულ მგზავრობას ქუთაისსა და საფრანგეთის ერთ-ერთ უმნიშვნელოვანეს კულტურულ-ეკონომიკურ ცენტრს შორის, ასევე, ეს იქნება სასიამოვნო სიახლე ქართველი ქომაგებისთვის, მარტივად შეძლონ დასწრება ლიონის ოლიმპიკში მოთამაშე საქართველოს საფეხბურთო ეროვნული ნაკრების თავდამსხმელის, გიორგი მიქაუტაძის საკლუბო მატჩებზე და იხილონ ის ევროპული ფეხბურთის ყველაზე პრესტიჟულ ტურნირზე - ჩემპიონთა ლიგაზე.იმედი გვაქვს, რომ ლიონის მიმართულება ხელს შეუწყობს ახალი ტურისტული ნაკადების განვითარებას საქართველოში. ველოდებით, რომ მივიღებთ და მოვემსახურებით უფრო მეტ ტურისტს საფრანგეთიდან და მეტი კმაყოფილი მგზავრი გაემგზავრება საქართველოდან საფრანგეთში, -‘’განაცხადა ლევან მოსეშვილმა.ამ ეტაპზე,Wizz Air ქუთაისის საერთაშორისო აეროპორტიდან ფრენებს ევროპისა და ახლო აღმოსავლეთის 14 ქვეყნის 24 მიმართულებით ასრულებს.

1748954728

პრემიერ-მინისტრმა ირაკლი კობახიძემ თბილისის მშრალი პორტის გახსნის ღონისძიებაზე სიტყვით გამოსვლისას განაცხადა: „ოფიციალურად იხსნება და სრულფასოვან ფუნქციონირებას იწყებს თბილისის მშრალი პორტი - რეგიონში პირველი თანამედროვე სარკინიგზო საკონტეინერო და სატვირთო ტერმინალი“.მთავრობის მეთაურის თქმით, ეს არის  უმნიშვნელოვანესი სტრატეგიული ობიექტი, რომელიც საკვანძო როლს შეასრულებს კავკასიისა და ცენტრალური აზიის რეგიონის სავაჭრო ნაკადების გაძლიერებაში.„თბილისის მშრალი პორტი 28.5 ჰექტარ  ტერიტორიაზე 3 ფაზად შენდება; უკვე ამოქმედდა  პირველი ფაზა, რაშიც ჩაიდო 21 მილიონი აშშ დოლარის ინვესტიცია  და ამ პირველი ფაზის დასრულების შემდეგ შესაძლებელია წელიწადში 100 000 კონტეინერის დამუშავება. დარჩენილი ფაზების დასრულების შემდეგ მისი სიმძლავრე 200 000 კონტეინერამდე გაიზრდება. ეს არის  უმნიშვნელოვანესი სტრატეგიული ობიექტი, რომელიც შეემატა ჩვენს ქვეყანას და ეს ობიექტი ჩვენს  საზღვაო პორტებთან ერთად, როგორიც არის  ფოთის, ბათუმის და შემდეგ უკვე ანაკლიის პორტები, საკვანძო როლს შეასრულებს კავკასიისა და ცენტრალური აზიის რეგიონის სავაჭრო ნაკადების გაძლიერებაში", - განაცხადა პრემიერმა.2024 წელს არაბული „აბუ-დაბი პორტს გრუპი“ (AD Ports Group) „თბილისის მშრალი პორტის“ 60%-იანი წილის მფლობელი და მთავარი პარტნიორი გახდა.

1748948238

ლოგისტიკის სექტორის მზარდი განვითარების პასუხია საერთაშორისო გამოფენა და ფორუმი, რომელიც აერთიანებს ყველა მნიშვნელოვან მიმართულებას: საზღვაო, სახმელეთო, საჰაერო და სარკინიგზო ლოგისტიკას, ასევე საწყობების ინფრასტრუქტურას, ციფრულ ტრანსფორმაციასა და ფინანსურ მექანიზმებს. ღონისძიება წარმოადგენს უნიკალურ პლატფორმას, სადაც ერთმანეთთან შეხვედრას შეძლებენ ადგილობრივი და საერთაშორისო ლოგისტიკური კომპანიები, პორტების და სარკინიგზო უწყებების წარმომადგენლები, საჰაერო გადამზიდავები, საინვესტიციო და საფინანსო ინსტიტუტები და რაც მთავარია ყველა ის კომპანია რომელიც იმპორტ/ექსპორტით არის დაკავებული და ეძებს საუკეთესო ბიზნეს პარტნიორს. თიბისი ლიზინგი 19 ივნისს გასამართ თემატურ პანელზე, დამსწრე აუდიტორიას გააცნობს ინფორმაციას გადაზიდვებისა და ლოგისტიკის მიმართულებით არსებულ ალტერნატიულ დაფინანსების ინსტრუმენტებსა და პროდუქტებზე. სრული ინფორმაცია ღონისძიებაზე 

1748946332

"ობიექტურად, დღეს საქართველოს უკეთესი რეიტინგი უნდა ჰქონდეს იმ ეკონომიკური მონაცემებიდან გამომდინარე, რომელიც გვაქვს - პასუხისმგებლობა საზოგადოების სხვადასხვა ჯგუფს, მათ შორის პოლიტიკურ ჯგუფებს ასევე გააჩნიათ ქვეყნის მიმართ. განსაკუთრებით, ეკონომიკური პროცესების მიმართ", - თქვა ვიცე-პრემიერმა.ჟურნალისტებთან საუბრისას დავითაშვილმა დასძინა, რომ "ხელისუფლება თავის პასუხისმგებლობას ყოველთვის ადასტურებს"."ჩვენ გვექნება მდგრადი განვითარება, იმიტომ, რომ ძირითადი ფუნდამენტური ფაქტორები საკმაოდ ჯანსაღია საქართველოს ეკონომიკაში. საქართველოს ეკონომიკას გარკვეული მდგრადობა გააჩნია და ეს რეიტინგებშიცაა აღნიშნული", - ამბობს დავითაშვილი.მისივე თქმით, გარდა შიდაპოლიტიკური რისკებისა, ასევე არსებობს გარე პოლიტიკური რისკები და რეგიონული პოლიტიკური რისკები."ამას თვალი უნდა გავუსწოროთ. ბევრი რამ დამოკიდებულია საერთაშორისო პროცესებზე. საქართველო გახსნილი ეკონომიკაა. ამის მიუხედავად ჩვენ ვფიქრობთ, რომ სარეიტინგო კომპანიებთან უფრო მჭიდრო მუშაობით უნდა შევძლოთ რეიტინგების გაუმჯობესება, იმიტომ, რომ ობიექტურად საქართველოს კიდევ უკეთესი რეიტინგი უნდა ჰქონდეს“, - განაცხადა ლევან დავითაშვილმა.ეკონომისტი გიორგი ხიშტოვანი დღეს სოციალურ ქსელში წერს, რომ "2025 წლის პირველი ხუთი თვის მონაცემებით, საქართველოს სახელმწიფო ფინანსების მდგომარეობა მნიშვნელოვნად გაუარესებულია. საგადასახადო შემოსავლების ზრდის ტემპი მკვეთრად შენელდა, რაც სერიოზულ საფრთხეს უქმნის ბიუჯეტის შესრულებას და აჩენს კითხვებს ეკონომიკური გუნდის კომპეტენციასთან დაკავშირებით".„2025 წელს სახელმწიფო ფინანსების მდგომარეობა მნიშვნელოვნად გაუარესებულია ხუთი თვის მიხედვით, ნაერთ ბიუჯეტში აკრეფილი გადასახადების ზრდის ტემპი შარშანდელთან შედარებით შემცირდა თითქმის 5-ჯერ (5 თვე, 2025: 4,7%; 5 თვე, 2024: 22,3%); შარშანწინდელთან შედარებით - 4-ჯერ (5 თვე, 2025: 4,7%; 5 თვე, 2023: 20,1%); ხოლო 2022 წელთან შედარებით - 7,5-ჯერ!!! (5 თვე, 2025: 4,7%; 5 თვე, 2022: 35,6%). არსებული ტრენდის მიხედვით, წლის ბოლოს ნაერთ ბიუჯეტს საგადასახადო ნაწილში დაახლოებით 925 მილიონი ლარის დაგეგმილი შემოსავალი დააკლდება: პირველ 5 თვეში ზრდის ტემპის არის 4,7%; ამ ზრდის ტემპის შენარჩუნებით ხაზინა წელს აკრეფს ჯამში 24,38 მილიარდ ლარს; ხოლო საბიუჯეტო გეგმა ითვალისწინებს საგადასახადო შემოსავლების 8,6%-იან ზრდას, ანუ 25,31 მილიარდი ლარის აკრეფას). არსებული ტრენდის მიხედვით, ვერ მოხდება 6 თვის საგადასახადო გეგმის შესრულება: 6 თვის გეგმა ითვალისწინებს 6,4%-იან ზრდას, როცა 5 თვის მიხედვით ზრდის ტემპი არის მხოლოდ 4,7% (შესაბამისად, ასაკრეფია 12,28 მილიარდი ლარი; ხოლო არსებული ზრდის ტემპით აიკრიფება მხოლოდ 12,08 მილიარდი ლარი). ბოლოს, სერიოზული კითხვები, რომლებზეც, წესით, ნორმალურ სახელმწიფოში მყისიერად უნდა ვიღებდეთ მთავრობის პასუხს: თუ ეკონომიკა, რეალურად (ანუ, ინფლაციის გათვალისწინებით) იზრდება 8,8%-ით, რა მიზეზით კრეფს სახელმწიფო წელს ასე ცოტა გადასახადებს? საიდან ვაპირებთ თითქმის ერთი მილიარდი ლარის საგადასახადო შემოსავლის დანაკლისის ანაზღაურებას? o სესხით? თუ კი, მაშინ, ვისგან და რა პირობებით? o თუ ბიუჯეტის სეკვესტრი იგეგმება მილიარდი ლარით? თუ კი, რა ხარჯების სექკვესტეი იგეგმება და როდის გვეცოდინება ეს? ბოლოს, ვინმე აგებს ამ ჩავარდნაზე პასუხს? მაგ: "ქართულ ოცნების" პრემიერ-მინისტრი? ან, პრემიერ-მინისტრი და მთლიანი ეკონომიკური გუნდი? ან, თუნდაც შემოსავლების სამსახური, რომელიც წესით პასუხისმგებელია გადასახადების აკრეფაზე?", - წერს ხიშტოვანი და ნაერთ ბიუჯეტში აკრეფილი გადასახადების მაჩვენებლებს ურთავს.

1748944962