ნავსადგურებში ტვირთბრუნვა 33%-ით, ხოლო მგზავრთა ნაკადი 54.5%-ით გაიზარდა

თიბისისთვის განათლება ერთ-ერთი სტრატეგიული მიმართულებაა. ამიტომ, თიბისი ტექსკოლა, თიბისი კამპუსი და თიბისი IT აკადემია მთელი საქართველოს მასშტაბით შლიან როგორც გეოგრაფიულ, ისე ფინანსურ ბარიერებს და ხარისხიან განათლებას ყველასთვის ხელმისაწვდომს ხდიან.ონლაინ სწავლება მხოლოდ მოქნილი ფორმატი აღარ არის – ის რეალურ შესაძლებლობებს ქმნის. მონაწილეები სწავლობენ ინტერაქციული ონლაინ ლექციების ფორმატში, მუდმივ კომუნიკაციაში არიან ლექტორებთან, მენტორებთან და ინდუსტრიის წამყვან სპეციალისტებთან. მათ შეუძლიათ ისწავლონ სახლიდან, არ მოწყდნენ სამსახურს, ოჯახსა და ყოველდღიურ ცხოვრებას, გაიცნონ თანამოაზრეები საქართველოს სხვადასხვა რეგიონიდან და გეოგრაფიული დისტანციის მიუხედავად, ერთად იმუშაონ რეალურ პროექტებზე. ამასთან, ონლაინ ფორმატი ავითარებს დამოუკიდებელი სწავლის, დროის მართვისა და ციფრული თანამშრომლობის უნარებს, რომლებიც თანამედროვე კარიერისთვის აუცილებელია.თიბისი ტექსკოლა უკვე სამი წელია 9-12 კლასის მოსწავლეებს სრულიად უფასოდ აცნობს ყველაზე მოთხოვნად ტექნოლოგიურ პროფესიებს. პროგრამაში 4 500-ზე მეტი უფროსკლასელი ჩაერთო, რომელთა 35% რეგიონებიდანაა. ტექსკოლის კურსდამთავრებულები დღეს უკვე თავადაც აზიარებენ ცოდნას „ტექსკოლის ელჩების“ პროგრამის ფარგლებში.2019 წლიდან თიბისი IT აკადემიამ 5 000-ზე მეტი ადამიანი გადაამზადა, მათ შორის 48% ქალია, ხოლო 500-მდე კურსდამთავრებული დასაქმდა თიბისისა და მისი პარტნიორი კომპანიების ტექნოლოგიურ გუნდებში.უფასო ონლაინ პროგრამაა თიბისი კამპუსიც, რომელიც 18-24 ასაკის ყველა მსურველს მარკეტინგის, პროდუქტის მენეჯმენტის, ბიზნეს ანალიზისა და პროექტების მართვის მიმართულებებს სთავაზობს. კამპუსის მონაწილეთა 57% რეგიონებიდანაა, პროგრამას უკვე 1000-მდე მონაწილე ჰყავს, ხოლო ბოლო ნაკადი 112-მა სტუდენტმა წარმატებით დაასრულა.თიბისისთვის განათლება ქვეყნის გრძელვადიანი განვითარების ერთ-ერთი მთავარი საფუძველია. სწორედ ამიტომ, კომპანია ქმნის შესაძლებლობას, რომ ხარისხიანი თანამედროვე განათლება არ იყოს დამოკიდებული საცხოვრებელ ადგილზე, ფინანსურ შესაძლებლობებზე თუ ასაკზე. თიბისი ტექნოლოგიურ ცოდნაზე ხელმისაწვდომობას განიხილავს, როგორც მომავალი თაობის, ძლიერი ეკონომიკისა და ქვეყნის კონკურენტუნარიანობის განვითარების მნიშვნელოვან წინაპირობას.(R)

1787127639

2Q26-ში სამუშაო ძალის მონაწილეობის დონე წინა წლის შესაბამის პერიოდთან შედარებით 0.8 პ.პ.-ით შემცირდა და 53.3%-ით განისაზღვრა, ხოლო დასაქმების დონე 0.4 პ.პ.-ით შემცირდა და 46% შეადგინა. სამუშაო ძალის მონაწილეობის დონე ქალაქის ტიპის დასახლებებში 0.8 პ.პ.-ითაა შემცირებული, ხოლო სოფლის ტიპის დასახლებებში - 0.7 პ.პ.-ით. დასაქმების დონე ქალაქის ტიპის დასახლებებში გაზრდილია 0.2 პ.პ.-ით, ხოლო სოფლის ტიპის დასახლებებში შემცირებულია 1.4 პ.პ.-ით და შესაბამისად 46.7%-ს და 45%-ს შეადგენს.2Q26-ში წინა წლის შესაბამის პერიოდთან შედარებით დაქირავებულთა წილი დასაქმებულთა საერთო რაოდენობაში უცვლელი დარჩა და 69% შეადგინა.საქსტატის მონაცემებით, 2Q26-ში, წინა წლის შესაბამის პერიოდთან შედარებით, უმუშევრობის დონე საქალაქო ტიპის დასახლებებში შემცირებულია 1.7 პ.პ.-ით, ხოლო სოფლის ტიპის დასახლებებში გაზრდილია 1.3 პ.პ.-ით.უმუშევრობის დონე ტრადიციულად მაღალია კაცებში, ქალებთან შედარებით. 2Q26-ში, წინა წლის შესაბამის პერიოდთან შედარებით, აღნიშნული მაჩვენებელი ქალებში შემცირებულია 0.9 პ.პ.-ით, ხოლო კაცებში - 0.2 პ.პ.-ით და შესაბამისად 11.3%-ს და 15.7%-ს შეადგენს.სამუშაო ძალის მონაწილეობის დონე ქალებთან შედარებით მაღალია კაცებში. 2Q26-ში აღნიშნული მაჩვენებელი ქალებში 42.2%-ს, ხოლო კაცებში 66.3%-ს შეადგენს. წინა წლის შესაბამის პერიოდთან შედარებით სამუშაო ძალის მონაწილეობის დონე ქალებში შემცირებულია 1.5 პ.პ.-ით, ხოლო კაცებში გაზრდილია 0.1 პ.პ.-ით.2Q26-ში, წინა წლის შესაბამის პერიოდთან შედარებით, დასაქმების დონე ქალებში შემცირებულია 0.9 პ.პ.-ით, ხოლო კაცებში გაზრდილია 0.2 პ.პ.-ით.

1787127206

2026 წლის იანვარ-ივლისში ათი უმსხვილესი ქვეყნის წილმა საქართველოს მთლიან ადგილობრივ ექსპორტში 66.2% შეადგინა. ამ მხრივ, უმსხვილესი საექსპორტო პარტნიორებია: ჩინეთი ($480.2 მლნ), რუსეთი ($409.7 მლნ) და თურქეთი ($279.4 მლნ).საქსტატის მონაცემებით, 2026 წლის იანვარ-ივლისში ადგილობრივი ექსპორტის ათეულში პირველ ადგილზე ნავთობი და ნავთობპროდუქტები  არის წარმოდგენილი $543.2 მლნ-ით, აღნიშნული სასაქონლო ჯგუფის წილი მთლიანი ადგილობრივი ექსპორტის 19%-ს შეადგენს. მეორე ადგილზეა ძვირფასი ლითონის მადნები და კონცენტრატები, $356.3 მლნ-ით (მთლიანი ადგილობრივი ექსპორტის 12.5%), ხოლო მესამე ადგილს იკავებს ფეროშენადნობები $187.1 მლნ-ით (მთლიანი ადგილობრივი ექსპორტის 6.6%).

1787126233

2Q26-ში საერთაშორისო გადაზიდვის რეჟიმში რკინიგზით გადატანილი ტვირთის ჯამური მოცულობის 75.3% მოდიოდა ქვეყანაში შემოტანილ ტვირთზე, 24.7% კი - ქვეყნიდან გატანილზე.2Q26-ში რკინიგზით შემოტანილი ტვირთის მთლიანი მოცულობის 38%-ს გამომგზავნ ქვეყანას რუსეთის ფედერაცია წარმოადგენდა, 22.7%-ს გამომგზავნს - აზერბაიჯანი, თითოეული დანარჩენი გამომგზავნი ქვეყნების წილი კი 10-10%-ზე ნაკლები იყო (ჯამურად 39.3%).2Q26-ში რკინიგზით გატანილი ტვირთის მთლიანი მოცულობის 17.4%-ს დანიშნულების ქვეყანას სომხეთი წარმოადგენდა, 10.1 პროცენტისას - რუსეთის ფედერაცია, 7.1 პროცენტისას - ყაზახეთი, ტვირთის მიმღები თითოეული დანარჩენი ქვეყნების წილი კი შედარებით ნაკლები იყო (ჯამურად 65.4%).2Q26-ში ტრანზიტით გადატანილი ტვირთის მთლიანი მოცულობის განაწილება დანიშნულების ქვეყნის მიხედვით შემდეგნაირი იყო: 8.2% - თურქეთი, 8.1% - ნიდერლანდები, 5.5% - ჩინეთი, 2% - რუმინეთი, 1.8% - იტალია, 1.2% - უკრაინა, დანარჩენი კი სხვა ქვეყნებზე მოდიოდა. ამავე პერიოდში, ტრანზიტით გადატანილი ტვირთის 6.6%-ს გამომგზავნ ქვეყანას ბრაზილია წარმოადგენდა, 2.5 პროცენტისას - თურქეთი, ხოლო დანარჩენი სხვა ქვეყნებზე მოდიოდა.საანგარიშო პერიოდში, რკინიგზით გადატანილი ტვირთის მთლიანი მოცულობის 32.7% მოდიოდა კოქსისა და რაფინირებული ნავთობპროდუქტების სასაქონლო ჯგუფზე; 22.2% - ქიმიკატების, ქიმიური პროდუქტების და ხელოვნური ბოჭკოების; რეზინის და პლასტმასის პროდუქტების სასაქონლო ჯგუფზე, ხოლო 13.7% - საკვებ პროდუქტებზე, სასმელებზე და თამბაქოზე.2Q26-ში სასაქონლო ჯგუფების მიხედვით განაწილება განსხვავებული იყო ადგილობრივი გადაზიდვების შემთხვევაში და 54.5% ლითონის მადანსა და სხვა სამთო და კარიერულ პროდუქტებზე მოდიოდა, 16.6% ეჭირა კოქსსა და რაფინირებულ ნავთობპროდუქტებს, ხოლო 16% - სატრანსპორტო აღჭურვილობის სასაქონლო ჯგუფს.რაც შეეხება საერთაშორისო გადაზიდვებს, საანგარიშო პერიოდში რკინიგზის საშუალებით ძირითადად შემოტანილია კოქსი და რაფინირებული ნავთობპროდუქტები (38.6%), სხვა არამეტალური მინერალური პროდუქტები (13.2%), ლითონის მადანი და სხვა სამთო და კარიერული პროდუქტები (12.5%), ქვანახშირი და ლიგნიტი; ნედლი ნავთობი და ბუნებრივი აირი (12.4%), ძირითადი ლითონები (7.9%), საკვები პროდუქტები, სასმელები და თამბაქო (6.8%), ქიმიკატები, ქიმიური პროდუქტები და ხელოვნური ბოჭკოები (2.6%), ხე და ხის კორპის პროდუქტები (2.1%), სოფლის მეურნეობის, ნადირობისა და მეტყევეობის პროდუქტები (1.9%), მანქანები და აღჭურვილობა (1.1%); ხოლო გატანილია ქიმიკატები, ქიმიური პროდუქტები და ხელოვნური ბოჭკოები (34.7%), საკვები პროდუქტები, სასმელები და თამბაქო (27.3%), ძირითადი ლითონები (11.3%) და ლითონის მადანი და სხვა სამთო და კარიერული პროდუქტები (10.8%).2Q26-ში ტრანზიტული ტვირთის მთლიანი მოცულობის 83.6% სამ სასაქონლო ჯგუფზე მოდიოდა, კერძოდ: კოქსი და რაფინირებული ნავთობპროდუქტები (36.2%), ქიმიკატები, ქიმიური პროდუქტები და ხელოვნური ბოჭკოები (31.1%), საკვები პროდუქტები, სასმელები და თამბაქო (16.3%).საქსტატის მონაცემებით, 2Q26-ში საქართველოს რკინიგზის მიერ გადაყვანილია 425.8 ათასი მგზავრი, რაც 0.5%-ით ნაკლებია გასული წლის შესაბამისი პერიოდის მაჩვენებელზე. ამავე პერიოდში მგზავრთბრუნვის მოცულობამ 91.7 მილიონი მგზავრ-კილომეტრი შეადგინა, რაც 2.3%-ით ნაკლებია გასული წლის შესაბამის პერიოდთან შედარებით.2Q26-ში ადგილობრივი მიმოსვლის რეჟიმში გადაყვანილია 408.4 ათასი მგზავრი, რაც რკინიგზით გადაყვანილი მგზავრების მთლიანი რაოდენობის 95.9%-ს შეადგენს და 3.4%-ით ჩამორჩება 2025 წლის შესაბამისი პერიოდის მაჩვენებელს. ამასთან, საერთაშორისო მიმოსვლის რეჟიმში გადაყვანილია 17.4 ათასი მგზავრი, რაც დაახლოებით 3.5-ჯერ აღემატება გასული წლის შესაბამისი პერიოდის მაჩვენებელს. საერთაშორისო მიმოსვლის რეჟიმში გადაყვანილი მგზავრების 33.4% შემოვიდა აზერბაიჯანიდან, 21.4% შემოვიდა სომხეთიდან, 33.7% გავიდა აზერბაიჯანის მიმართულებით, ხოლო 11.5% გავიდა სომხეთის მიმართულებით.

1787125844

სამივე კანონდამრღვევი მოქალაქის მიმართ საქმის მასალები შემდგომი რეაგირების მიზნით, შინაგან საქმეთა სამინისტროს გადაეცა.

1787124179

მხარეებმა სამხედრო-ტექნიკური თანამშრომლობის გაფართოებაზე, რეგიონულ და საერთაშორისო უსაფრთხოებაზე იმსჯელეს. ასევე გაფორმდა დოკუმენტი, რომელიც ორი ქვეყნის სამხედრო უწყებებს შორის თანამშრომლობის ახალ ფორმატს განსაზღვრავს. პარალელურად, გაფორმდა მემორანდუმი თავდაცვის ინდუსტრიაში ერთობლივი კვლევების, ინოვაციებისა და წარმოების შესახებ.ინდოეთი სომხეთისთვის რუსეთის ალტერნატივა ხდებაბოლო წლებამდე სომხეთის უსაფრთხოების სფეროში მთავარი პარტნიორი რუსეთი იყო. SIPRI-ის მონაცემებით, 2011-2020 წლებში სომხეთის მიერ შეძენილი სამხედრო პროდუქციის 94% რუსეთიდან მოდიოდა.ვითარება განსაკუთრებით შეიცვალა 2020 და 2023 წლების მოვლენების შემდეგ, როდესაც სომხეთმა აზერბაიჯანთან კონფლიქტში მნიშვნელოვანი დანაკარგები განიცადა და ყარაბაღზე კონტროლი დაკარგა. ამის ფონზე ერევანსა და მოსკოვს შორის ურთიერთობები მკვეთრად გაუარესდა. სომხეთმა შეაჩერა მონაწილეობა კოლექტიური უსაფრთხოების ხელშეკრულების ორგანიზაციაში (კუხო), ხოლო რუსეთის წილი სომხეთის შეიარაღების იმპორტში 10%-მდე შემცირდა.ამავე პერიოდში ინდოეთი სომხეთის ერთ-ერთ მთავარ ახალ სამხედრო პარტნიორად ჩამოყალიბდა. SIPRI-ის მონაცემებით, 2022-2024 წლებში ინდოეთის წილი სომხეთის შეიარაღების იმპორტში უკვე 43% გახდა, მაშინ როდესაც მანამდე ეს მაჩვენებელი ნულის ტოლი იყო.სომხეთმა ინდოეთთან რამდენიმე მსხვილი კონტრაქტი გააფორმა. მათ შორის, 2020 წელს – $40 მილიონის შეთანხმება ოთხი Swathi-ის რადიოლოკაციური სისტემის შესყიდვაზე. 2022 წელს ერევანი გახდა ინდოეთის Akash-ის საჰაერო თავდაცვის სისტემის პირველი უცხოელი მყიდველი — 15 კომპლექსის შესყიდვაზე $720 მილიონიანი კონტრაქტით.მხარეებმა ასევე შეათანხმეს Pinaka-ს ზალპური ცეცხლის რეაქტიული სისტემების, მათ შორის გამშვები დანადგარებისა და რაკეტების, შესყიდვა. ინდური მედიის ცნობით, სომხეთმა ასევე შეიძინა ATAGS-ის საარტილერიო სისტემები $155.5 მილიონად.სტატიის მიხედვით, 2020 წლიდან სომხეთის მიერ ინდოეთიდან შეიარაღების შესყიდვების საერთო მოცულობა დაახლოებით $2 მილიარდს შეადგენს.თანამშრომლობა მხოლოდ იარაღის შესყიდვებს აღარ მოიცავსინდოეთის თავდაცვის მინისტრის ერევანში ვიზიტი აჩვენებს, რომ თანამშრომლობა მხოლოდ შეიარაღებით ვაჭრობის ფარგლებს სცდება. მხარეები საუბრობენ გენშტაბების დონეზე კოორდინაციაზე, სამხედრო ტექნოლოგიების განვითარებაზე, ერთობლივ კვლევებსა და თავდაცვის ინდუსტრიის პროექტებზე.ინდოეთისთვის სომხეთთან ურთიერთობის გაღრმავებას რამდენიმე მიზეზი აქვს. მათ შორისაა ინდოეთის შეშფოთება პაკისტანის, აზერბაიჯანისა და თურქეთის მჭიდრო სამხედრო-პოლიტიკური თანამშრომლობით. ამასთან, ნიუ-დელი დაინტერესებულია სატრანსპორტო მარშრუტების განვითარებით, მათ შორის „ჩრდილოეთი-სამხრეთის“ საერთაშორისო დერეფნით, რომელიც ინდოეთს ირანისა და რუსეთის მიმართულებებთან აკავშირებს.სომხეთ-ინდოეთის სამხედრო თანამშრომლობის გაძლიერება განსაკუთრებით საყურადღებოა რუსეთისთვის, რადგან ერევანი თავდაცვის სფეროში მოსკოვზე დამოკიდებულებას ამცირებს და ინდოეთის სახით ახალ სტრატეგიულ პარტნიორს იძენს.პოლიტოლოგ არტურ ატაევის შეფასებით, ინდოეთი სომხეთისთვის სულ უფრო მნიშვნელოვანი პარტნიორი ხდება. მისი თქმით, თუ ადრე სომხეთი შეიარაღების თითქმის 100%-ს რუსეთისგან ყიდულობდა, დღეს ინდოეთის წილი დაახლოებით 45%-ს შეადგენს. ექსპერტის განცხადებით, მიმდინარე ვიზიტი მიუთითებს, რომ თანამშრომლობა უკვე არა მხოლოდ ახალი შეიარაღების შესყიდვას, არამედ გენშტაბების დონეზე ურთიერთობასა და ახალი ტექნოლოგიების დანერგვასაც მოიცავს.ამასთან, სამხედრო ექსპერტები ინდოეთის მიერ რუსეთის სრული ჩანაცვლების შესაძლებლობას სკეპტიკურად აფასებენ და მიუთითებენ როგორც გეოგრაფიულ დისტანციაზე, ისე ინდური თავდაცვის ინდუსტრიის შესაძლებლობებსა და სომხეთის რთულ, მაღალმთიან პირობებში სხვადასხვა სისტემის გამოყენების საკითხებზე.

1787118582

რუსთაველის გამზირის წყალმომარაგების ქსელების რეაბილიტაციის მასშტაბური პროექტი ოთხ ეტაპად არის დაყოფილი, რომლის პირველი ეტაპის ფარგლებში უკვე მოეწყო წყალმომარაგების 2.3 კმ და წყალარინების  0.5 კმ სიგრძის განახლებული ქსელი, დამონტაჟდა 52 ერთეული ჩამკეტ-მარეგულირებელი ურდული და მოეწყო 8 სახანძრო ჰიდრანტი.განახლებული ქსელების ექსპლუატაციაში გასაშვებად, კომპანიის ტექნიკური ჯგუფები ახალ ქსელზე გადაერთების მასშტაბურ სამუშაოებს, ხვალ, 20 აგვისტოს, დილის 10:00 საათიდან დაიწყებენ და 6 ლოკაციაზე პარალელურად მთელი დღის განმავლობაში ინტენსიურ რეჟიმში შეასრულებენ.აღნიშნულთან დაკავშირებით აუცილებელია მაგისტრალური ქსელის წყლისგან დაცლა, რის გამოც, ხვალ, 20 აგვისტოს, დილის 10:00 საათიდან 21 აგვისტოს  დილის 10:00 საათამდე წყალმომარაგება შეეზღუდება:აღნიშნული სამუშაოების მიმდინარეობისას აუცილებელია წყალმომარაგების მაგისტრალური ქსელის წყლისგან დაცლა, რის გამოც:მთაწმინდის რაიონში: რუსთაველის გამზირს, გუდიაშვილის, ფურცელაძის, ვაჩნაძის, გრ. აბაშიძის, ჯორჯაძის, ვ. აბაშიძის, ლაღიძის, ზანდუკელის, გაბაშვილის, ძმები კაკაბაძეების, ბოცვაძის, ჯავახიშვილის, ზუბალაშვილების, გრიბოედოვის, ბესიკის, ჟორდანიას, ზალდასტანიშვილის, სარაჯიშვილის, ჭავჭავაძის, ქიქოძის, ჟღენტის, შევჩენკოს, ლესია უკრაინკას, ჩხეიძის, სობჩაკის, ჭანტურიას, ბროსეს, ვირსალაძისა და მიმდებარე ქუჩებს; თაბუკაშვილის, ნიკო ნიკოლაძის, რიწის და  არსენას ქუჩების ნაწილს.კრწანისის რაიონში: აბჟანდაძის, დიდი ხეივნის, I ხეივნის, II ხეივნის, III ხეივნის, ახალი ხეივნის, საბატონოს, ცოლიკაურის, გულუას,  კრწანისის ქუჩას,შესახვევებს და ჩიხებს, ერეკლე II-ის, ვერცხლის, ნაკაშიძის, შარდენის, ბამბის რიგს, რკინის რიგს, ცინცაძის, ოქრომჭედლების, სიონის, იეთიმ გურჯის, ანტონ კატალიკოსის, ყავლაშვილის, ილია და ნინო ნაკაშიძეების, ნიშნიანიძის, ჩახრუხაძის და დიუმას ქუჩებს; გორგასლის და კოტე აფხაზის ქუჩების ნაწილს.ჩუღურეთის რაიონში: უშანგი ჩხეიძის ქუჩასა და მარჯანიშვილის ქუჩის ნაწილს. ჯორჯიან უოთერ ენდ ფაუერი ბოდიშს უხდის მომხმარებლებს დისკომფორტისთვის.წყალმომარაგების შეზღუდვისა და აღდგენის შესახებ ინფორმაციას, ჯორჯიან უოთერ ენდ ფაუერი აბონენტებს წინასწარ, SMS-შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუკისა და ვებგვერდის მეშვეობით http://www.gwp.ge.

1787116847

„საზოგადოებას მინდა ვუთხრა სიმართლე, თუ რატომ ვზივარ ციხეში“, – წერს ღარიბაშვილი სამშაბათს საღამოს გავრცელებულ წერილში და აცხადებს, რომ გასულ წელს დაწყებული კამპანიის ფარგლებში მან უარი თქვა სამართლებრივ ბრძოლაზე, რათა გუნდთან და მისთვის ძვირფას ადამიანებთან დაპირისპირება აერიდებინა.მისი თქმით, ამის სანაცვლოდ მიიღო „დადგმული ბინძური პროვოკაცია“, ტყუილი და უსამართლობა, თუმცა მთელი ამ პერიოდის განმავლობაში საჯაროდ არ უსაუბრია.ღარიბაშვილი ასევე საუბრობს მის მიერ გუშინ გამოქვეყნებულ წერილზე, რომელიც, მისი თქმით, მამუკა მდინარაძემ გაუგზავნა. როგორც ყოფილი პრემიერი აცხადებს, მან მდინარაძეს აცნობა, რომ პოლიტიკაში დაბრუნებას არ აპირებდა და ამ საკითხთან დაკავშირებით საკუთარი ხედვაც შესთავაზა.მისივე განცხადებით, საპასუხოდ უთხრეს, რომ მაინც არსებობდა „1%-იანი რისკი“, რომ ის პოლიტიკაში დაბრუნდებოდა და ამ რისკის დასაზღვევად საჭირო იყო მისთვის კორუფციული ბრალის წარდგენა და ბრალის აღიარება.ღარიბაშვილის შეფასებით, ეს მისთვის „წითელი ხაზი“ აღმოჩნდა.„შესაბამისად, რადგან სხვა გამოსავალი აღარ მაქვს, იძულებულს მხდიან, დავიწყო ბრძოლა“, – წერს ირაკლი ღარიბაშვილი.

1787069596