საქონლით საგარეო ვაჭრობის უარყოფითი სალდო 60%–ს აღწევს

„ძალიან კარგი შეხვედრა შედგა, განვიხილეთ ორმხრივი ეკონომიკური ურთიერთობები და ის სფეროები, რომლებიც ორივე ქვეყნის ინტერესში შედის - რომ განვავითაროთ ისეთი მნიშვნელოვანი მიმართულებები, როგორიცაა ვაჭრობის, ენერგეტიკის, ტურიზმის, ტრანსპორტის სფეროები. ასევე განვიხილეთ პროექტები, რომლებიც რეგიონში ჩვენი ქვეყნის სტრატეგიულ მნიშვნელობას კიდევ უფრო გააძლიერებს, ესენია შავი ზღვის წყალქვეშა ელექტროკაბელი, ასევე ციფრული კაბელი, რომლებიც ხელს შეუწყობს საქართველოს, როგორც რეგიონალური ჰაბის ფუნქციის კიდევ უფრო გაძლიერებას. მნიშვნელოვანია, რომ ავსტრია ჩვენი ქვეყნისთვის მნიშვნელოვანი კონტრიბუტორია ეკონომიკის სხვადასხვა სფეროს რეფორმირების და გამოცდილების გაზიარების კუთხით“, - აღნიშნა გენადი არველაძემ.შეხვედრის მონაწილეთა მხრიდან აქცენტი გაკეთდა საქართველოსა და ავსტრიას შორის მთავრობათაშორისი ეკონომიკური კომისიის მნიშვნელობაზე, რომლის მორიგი სხდომის ჩატარება 2025 წლის ოქტომბერში იგეგმება. ასევე გათვალისწინებულია ბიზნეს ფორუმის ჩატარება, რომელშიც მონაწილეობას ორივე ქვეყნის კომპანიები მიიღებენ. ხაზგასმით აღინიშნა ავსტრიელი ინვესტორების მზარდი ინტერესი საქართველოს მიმართ, კერძოდ, ავსტრიული კაპიტალის მონაწილეობით აქტიურად ხორციელდება საინვესტიციო პროექტები ლოგისტიკის, ენერგეტიკის, სურსათის წარმოების, ტურიზმისა და სხვა სექტორებში.„დღეს ძალიან კარგი შეხვედრა გვქონდა საქართველოს ეკონომიკისა და მდგრადი განვითარების მინისტრის მოადგილესთან. ვისაუბრეთ ორმხრივ პოლიტიკურ და ეკონომიკურ ურთიერთობებზე, გვქონდა დისკუსია ევროკავშირის ინტეგრაციის პროცესზე და ასევე სხვადასხვა პოტენციურ პროექტზე ავსტრიაში და საქართველოში, სადაც ჩვენი კომპანიები შეძლებდნენ თანამშრომლობას. ჩვენ ვხედავთ დიდ პოტენციალს, მაგალითად, ინფრასტრუქტურის სფეროში, ასევე ენერგეტიკის სფეროში. ჩვენი ქვეყნები დიდ ინვესტიციას ახორციელებენ მწვანე ენერგიაში და ჩვენ გვინდა ვითანამშრომლოთ ამ სფეროში. მოუთმენლად ველი, რომ წლის მეორე ნახევარში ჩამოვალ საქართველოში და თან ჩამოვიყვან ბიზნეს დელეგაციას, რათა გავაძლიეროთ ჩვენი ორმხრივი ეკონომიკური და პოლიტიკური ურთიერთობები“, - აღნიშნა ფლორიან ფრაუშერმა.შეხვედრაზე ასევე დადებითად შეფასდა ქვეყნებს შორის თანამშრომლობა ტურიზმის სექტორში. ხაზი გაესვა საქართველოში ავსტრიელი მოგზაურების მზარდ დინამიკას ბოლო წლებში, კერძოდ, ავსტრიიდან საქართველოს 2023 წელს 48%-ით მეტი მოგზაური  ეწვია, 2024 წელს კი - 14%-ით მეტი. როგორც მხარეებმა აღნიშნეს, მოგზაურების დინამიკის ზრდას ხელი შეუწყო კიდევ ერთი პირდაპირი ფრენის დამატებამ და საქართველოს სამოქალაქო ავიაციის ბაზარზე ავსტრიის ავიახაზების შემოსვლამ. ასევე ხაზი გაესვა ავსტრიული მხარის ჩართულობის მნიშვნელობას სამთო ტურიზმის განვითარების მიმართულებით.შეხვედრაზე ეკონომიკისა და მდგრადი განვითარების მინისტრის მოადგილემ ავსტრიელ კოლეგას მადლობა გადაუხადა ავსტრიის მხრიდან საქართველოს სუვერენიტეტისა და ტერიტორიული მთლიანობის მხარდაჭერისთვის. ამასთან, როგორც მან აღნიშნა, ევროინტეგრაციის კუთხით ავსტრიამ წლების განმავლობაში სერიოზული დახმარება გაუწია საქართველოს და მნიშვნელოვანია მისი როლი ევროინტეგრაციის გზაზე, რომ დიალოგის პროცესში ეს როლი კიდევ უფრო გაძლიერდეს.

1739948170

reuters -ის წყაროს თქმით, მიწვეულ ქვეყნებს შორის არიან: ნორვეგია, კანადა, ჩეხეთი, საბერძნეთი, ფინეთი, რუმინეთი, შვედეთი, ბელგია და ბალტიისპირეთის ქვეყნები.17 თებერვალს პარიზში გამართულ შეხვედრას რვა ქვეყნის ლიდერი ესწრებოდა, მათ შორის დიდი ბრიტანეთის პრემიერ-მინისტრი - კირ სტარმერი, გერმანიის კანცლერი - ოლაფ შოლცი, ასევე ევროკომისიის პრეზიდენტი - ურსულა ფონ დერ ლაიენი.სამიტის შემდეგ საფრანგეთის პრეზიდენტმა, ემანუელ მაკრონმა განაცხადა, რომ ქვეყნები უკრაინის მხარდაჭერასა და თავდაცვაში ინვესტიციების განხორციელებაზე შეთანხმდნენ.

1739947285

ზელენსკიმ აღნიშნა, რომ უკრაინის ბედს მის ზურგს უკან არავინ უნდა წყვეტდეს. ეს სიტყვები მან ანკარაში, თურქეთის პრეზიდენტ ერდოღანთან ერთობლივ პრეს–კონფერენციაზე წარმოთქვა.ზელენსკის ჟურნალისტმა ერ–რიადში ამერიკისა და რუსეთის დელეგაციების მოლაპარაკებების შეფასება სთხოვა, რაზეც მან უპასუხა: „ეს წუთია გადავდე ჩემი ვიზიტი საუდის არაბეთში, იქ არ წავალ. გამგზავრება 10 მარტისთვის გადავდე“.„ჩვენს ზურგს უკან არავინ არაფერი არ უნდა გადაგვიწყვიტოს. მგონი, ეს სამართლიანია. ნებისმიერ ქვეყანას აქვს უფლება ორმხრივი დიალოგის სხვა ქვეყნებთან. კი ბატონო, რაც გინდათ, ის განიხილეთ. მაგრამ არ შეიძლება უკრაინის გარეშე გადაწყვეტილებების მიღება იმაზე, თუ როგორ უნდა დასრულდეს ომი ჩვენ ტერიტორიაზე. თან ჩვენ არ მიუწვევივართ საუდის არაბეთში რუსეთისა და ამერიკის დელეგაციების შეხვედრაზე. ეს ჩვენთვის სიურპრიზი იყო და ვფიქრობ, არა მხოლოდ ჩვენთვის“, – განაცხადა ზელენსკიმ.მანვე დასძინა, რომ აშშ–ის და რუსეთის დელეგაციების შეხვედრის შესახებ მედიიდან შეიტყო და რომ არ აპირებს 19 თებერვალს ერ–რიადში ამერიკელებთან შესახვედრად გამგზავრებას.ზელენსკის თქმით, მას ძალიან კარგი ურთიერთობები აქვს მის სამეფო უდიდებულესობასთან მუჰამედთან: „ცოტა ხნის წინ ვისაუბრეთ და შევთანხმდით, რომ ოფიციალური ვიზიტით 10 მარტს ჩავალ“.ზელენსკიმ ისიც თქვა, რომ კიევში ამერიკელების დელეგაციის ვიზიტს ელოდება. 

1739947113

გენადი არველაძემ საქართველოს ენერგეტიკის სექტორში არსებული ტენდენციები, საინვესტიციო გარემო და უცხოური კაპიტალის დაცვის მექანიზმები გააცნო. არველაძის ინფორმაციით, კომპანია საქართველოს ბაზრის შესწავლითაა დაინტერესებული.„ ყურადღება გავამახვილეთ სტრატეგიული პროექტებზე:  შავი ზღვის წყალქვეშა ელექტრო კაბელი, დამაკავშირებელი ხაზი რეგიონში წარმოებული მწვანე ელექტროენერგიის ევროკავშირის ბაზარზე ტრანზიტისთვის",   - აღნიშნა ეკონომიკის და მდგრადი განვითარების მინისტრის მოადგილემ.საქართველოს ენერგოსექტორის შესაძლებლობების შესწავლის დაინტერესება გაზაფხულზეც გამოითქვა. .კომპანიის  სამეთვალყურეო საბჭოს წევრის, ახიმ კასპარის შეფასებით, კომპანიამ იცის  ჰიდრორესურსებით ქვეყნის სიმდიდრეზე და საქართველოში ავსტრიული ტექნოლოგიების დანერგვის პერსპექტვას ხედავს.. „ ავსტრიაში Verbund-ისგან 8000 მეგავატი დადგმული სიმძლავრე გვაქვს, ამიტომ, ძალიან დაინტერესებული ვართ საქართველოსთან ნაყოფიერი დისკუსიებით. შესაძლოა, მომავალში ვითანამშრომლოთ ჰიდრო-ენერგეტიკის მიმართულებით კონსულტირების ნაწილში. ჩვენ მსოფლიო მასშტაბით ვაგეგმარებთ როგორც წყალსაცავის, ისე მდინარის ტიპის ელექტროსადგურებს, ასე რომ, ეს შეიძლება იყოს ძალიან კარგი პარტნიორობა ავსტრიული ტექნოლოგიების საქართველოში დასანერგად“, - განაცხადა ახიმ კასპარმა.

1739890646

ღონისძიების ფარგლებში სტუმრებმა განიხილეს ქვეყნების ეკონომიკაზე გეოპოლიტიკური შოკების გავლენა, გეოეკონომიკური გამოწვევები და მათზე რეაგირების სტრატეგიები.კონფერენციაში მონაწილეობდნენ ნიდერლანდის ბანკის პრეზიდენტი კლაას ნოტი, საერთაშორისო სავალუტო ფონდის აღმასრულებელი დირექტორი იერონ კლიკი, სსფ-ის ევროპის დეპარტამენტის დირექტორი ალფრედ კამერი, ევროკომისიის გენერალური დირექტორი სამეზობლო პოლიტიკისა და გაფართოებაზე მოლაპარაკებათა საკითხებში - გერტ იან კოპმანი და ცენტრალური ბანკების წარმომადგენლები.სსფ ნიდერლანდის, ბელგიისა და ლუქსემბურგის ჯგუფი საქართველოს, მონტენეგროს, ბოსნია და ჰერცოგოვინას, ბულგარეთს, ხორვატიას, ანდორას, სომხეთს, კვიპროსს, ისრაელს, ჩრდილოეთ მაკედონიას, რუმინეთს, მოლდოვასა და უკრაინას აერთიანებს.ნათია თურნავა  IMF-ის აღმასრულებელ დირექტორს იერონ კლიკსა და ალტერნატიულ დირექტორს მარნიქს ვან რეისსაც შეხვდა, რომლებთანაც მიმდინარე საკითხები და სამომავლო თანამშრომლობა განიხილა.

1739889499

ბექა დოჭვირი იურისტია, 2021-2023 წლებში მუშაობდა „საქპატენტის“ თავმჯდომარის მოადგილის  პოზიციაზე.  2019-2021 წლებში იყო საქართველოს მთავრობის საპარლამენტო მდივანი და ადმინისტრაციის უფროსის მოადგილე. სხვადასხვა წლებში ხელმძღვანელობდა იურიდიულ დეპარტამენტს შინაგან საქმეთა სამინისტროსა და ეკონომიკისა და მდგრადი განვითარების სამინისტროში. იყო ეკონომიკური საბჭოს აპარატის იურიდიული სამსახურის უფროსი, მუშაობდა ბიზნესომბუდსმენის აპარატში ექსპერტის პოზიციაზე სამართლებრივ საკითხებში. კარიერის დასაწყისში, 2009-2013 წლებში იყო საქართველოს ახალგაზრდა იურისტთა ასოციაციის იურიდიული დახმარების ცენტრისა და მედიაცენტრის იურისტი.როგორც იცით, თებერვალში ნათია თურნავა სებ-ის პრეზიდენტად დაინიშნა. ასევე სებ-ის საბჭო  4 წევრით, 9-მდე შეივსო. სებ-ის I ვიცეპრეზიდენტი ეკატერინე მიქაბაძეა, ვიცე-პრეზიცენტია საბჭოს ახლად არჩეული წევრი ნინო ჯელაძე. 

1739889120

როგორ მიმდინარეობს მხარეებს შორის სამართლებრივი დავა და რა პერსპექტივა აქვს ამ პროცესს, ამ საკითხებზე ნათია ჯანაშიას სამართლებრივ წარმომადგენელს იმედა დვალიძეს ვესაუბრეთ. მისი თქმით, „საქართველოს კაპიტალი“ იყო ის სუბიექტი, ვინც აიღო ინვესტიციების განხორციელების ვალდებულება, შემდეგ ის პარტნიორის რანგში მისმა შვილობილმა კომპანიამ „საქართველოს განათლების ჯგუფმა“ ჩაანაცვლა, თუმცა ეს ერთი ჯგუფია, რომელსაც ამ წლების განმავლობაში ვალდებულებები არ შეუსრულებია.„ინვესტიციები იქნება ეს, თუ აკადემიის საბოლოოდ მიტაცების მცდელობა, სკოლის მენეჯმენტის ძალმომრეობით შეცვლა, ცხადია, საბოლოო ჯამში ყველაფერი უკავშირდება გილაურის სახელს“, – ამბობს იურისტი.იმედა დვალიძე ასევე აცხადებს: „ისე გავიდა 6 წელი, რომ ინვესტორს სკოლის განვითარებაში ინვესტიციის სახით არც ერთი თეთრი არ დაუხარჯავს. ამის შემდეგ დაიწყო მენეჯმენტის ცვლილების მცდელობა და ეს საკმაოდ უხეში ფორმებით ხორციელდება. არ დაიცვეს პროცედურები, მათ შორის დირექტორის შერჩევის, არ ჩაატარეს ეს პროცედურები კობისის საერთაშორისო სტანდარტების მოთხოვნების შესაბამისად“.მისივე თქმით, არშემდგარი კრების კანონდარღვეთის დარეგისტრირების მცდელობის შედეგი იყო, რომ საჯარო რეესტრმა არ ასახა ცვლილებები რეესტრში, ინვესტორის განაცხადი დაახარვეზა. იმედა დვალიძის თქმით, სკოლის დამფუძნებლები დიდ ბრიტანეთშიც აპირებენ საქმის წარმოებას.შპს „ბრიტანულ-ქართული აკადემია“ 2006 წელს დააფუძნეს ნათია ჯანაშიამ და მისმა მეუღლემ დავით ცეცხლაძემ. 2011 წელს მათ შვილობილი სკოლაც დააარსეს – „თბილისის ბრიტანული საერთაშორისო სკოლა“ (BIST). ორივე კომპანია განათლების მაღალი ხარისხით გამოირჩევა და იყენებს კემბრიჯის პროგრამებს. ორივე ბრიტანეთის საერთაშორისო სკოლების საბჭოს წევრია (COBIS), სადაც BIST სრულ აკრედიტაციას ფლობს. 2018-2019 წლებში ნათია ჯანაშიას „საქართველოს კაპიტალის“  წარმომადგენელმა ირაკლი გილაურმა კომპანიაში ინვესტიციის განხორციელების და გაფართოების დაფინანსების წინადადებით მიმართა. ურთიერთგაგების მემორანდუმი 2019 წლის 6 მაისს გაფორმდა.საბოლოოდ აღმოჩნდა, რომ ინვესტორ კომპანიას თავისი ვალდებულებები საერთოდ არ შეუსრულებია და მისი მხრიდან სკოლის განვითარებაში ინვესტირება დღემდე ნულოვანია.

1739888964

ამის შესახებ აზერბაიჯანული მედია საქართველოს ეკონომიკის სამინისტროზე დაყრდნობით წერს.ეს საკითხი თბილისში ეკონომიკის მინისტრ ლევან დავითაშვილსა და აზერბაიჯანის ციფრული განვითარებისა და ტრანსპორტის მინისტრს რაშად ნაბიევს შორის სამშაბათს გამართულ შეხვედრაზე განიხილეს.აზერბაიჯანმა საქართველოსთან სამგზავრო სარკინიგზო მიმოსვლა კორონავირუსის პანდემიის გამო გამოცხადებული საყოველთაო კარანტინის ფონზე შეაჩერა და დღემდე არ განუახლებია. აზერბაიჯანში კარანტინი ქვეყნის ყველა სახმელეთო სასაზღვრო გადასასვლელზე ამ დრომდე მოქმედებს. 

1739880677