საერთაშორისო არარეზიდენტი მოგზაურების წილი 7.6%-ით გაიზარდა, ვიზიტზე საშუალო ხარჯი 6.8%-ით შემცირდა

აღმასრულებელ განკარგულებაში ტრამპმა განაცხადა, რომ „კუბის მთავრობის პოლიტიკა, პრაქტიკა და ქმედებები წარმოადგენს უჩვეულო და განსაკუთრებულ საფრთხეს“ აშშ-ის ეროვნული უსაფრთხოებისა და საგარეო პოლიტიკისთვის.განკარგულება მოიცავს საპასუხო ტარიფებს აშშ-ში გაყიდულ პროდუქციაზე „ნებისმიერი სხვა ქვეყნიდან, რომელიც პირდაპირ ან ირიბად ყიდის ან სხვაგვარად აწვდის ნავთობს კუბას“.ABC News-ის წერს: ბრძანებაში მკაფიოდ არ არის ნათქვამი, თუ რა მოცულობის ახალი ტარიფები დაწესდება. ნაცვლად ამისა, თუ დადგინდება, რომ ქვეყანა კუბას ნავთობს მიჰყიდის, ვაჭრობის, სახელმწიფო, ხაზინისა და შიდა უსაფრთხოების მდივნები და აშშ-ის სავაჭრო წარმომადგენელი განსაზღვრავენ, უნდა დაწესდეს თუ არა დამატებითი ტარიფები ამ ქვეყნებიდან აშშ-ში შემოსულ საქონელზე. ტარიფების შესახებ საბოლოო გადაწყვეტილებას პრეზიდენტი მიიღებს.ტრამპის განკარგულებაში აღნიშნულია, რომ „კუბის მთავრობამ გადადგა არაორდინარული ნაბიჯები, რომლებიც ზიანს აყენებს და საფრთხეს უქმნის შეერთებულ შტატებს“. ხაზგასმულია მისი ალიანსები რუსეთთან, ჩინეთთან, ირანთან, ჰამასთან და ჰეზბოლასთან.კენედის ცენტრში, დოკუმენტური ფილმის „MELANIA“-ს პრემიერის წინ, წითელ ხალიჩაზე ტრამპმა ABC News-ის ჟურნალისტს განუცხადა, რომ ის არ ცდილობს ქვეყნის ეკონომიკის დახრჩობას.„კუბა წარუმატებელი სახელმწიფოა და კუბის გამო თავს ცუდად უნდა გრძნობდე“, - თქვა მან. „ისინი ხალხს ძალიან ცუდად ეპყრობოდნენ. ჩვენ გვყავს ბევრი კუბელი ამერიკელი, რომლებსაც მართლაც ძალიან ცუდად მოექცნენ და მათ ალბათ კუბაში დაბრუნება სურთ... ვფიქრობ, კუბა გადარჩენას ვერ შეძლებს“. იმავე ღონისძიებაზე ვაჭრობის მდივანმა ჰოვარდ ლატნიკმა განაცხადა, რომ ახალი განკარგულება აშშ-ის საგარეო პოლიტიკის დაცვას ემსახურება.„პრეზიდენტს სურს დარწმუნდეს, რომ მის საგარეო პოლიტიკას ყველა ჩვენი მოკავშირე და მეგობარი იცავს, ამიტომ მას სურს ნათლად აჩვენოს, თუ რა უნდა გააკეთონ ჩვენმა მოკავშირეებმა და მეგობრებმა“, - თქვა ლატნიკმა. „ვფიქრობ, ის ყველაფერს ძალიან ნათლად და ფრთხილად აყალიბებს, რათა ჩვენმა მოკავშირეებმა გაიგონ, რის გაკეთებას აპირებს ის. როგორც მის ყველა ტარიფზე ნახეთ, შედეგები საბოლოოდ გონივრული და ლოგიკურია. ასე რომ, აქაც იმავეს ველოდები - გონივრულსა და ლოგიკურს“.ბოლო რამდენიმე კვირის განმავლობაში ტრამპმა კუბის მთავრობას მრავალი გაფრთხილება მისცა მას შემდეგ, რაც აშშ-მა ვენესუელის ლიდერი ნიკოლას მადურო შეიპყრო.„ახლა მათ ის ფული აღარ შემოუვათ. მათ აღარ ექნებათ შემოსავალი“, - თქვა ტრამპმა 7 იანვარს ვენესუელის რეჟიმსა და კუბას შორის ეკონომიკურ კავშირებზე საუბრისას.მანამდე ტრამპმა თქვა, რომ კუბა „დაცემის პირასაა“.„კუბა ისე გამოიყურება, თითქოს დაცემის პირასაა. არ ვიცი, როგორ აპირებენ ისინი გაძლებას, მაგრამ კუბას ახლა შემოსავალი აღარ აქვს“, - თქვა ტრამპმა 4 იანვარს. „მათ მთელი შემოსავალი ვენესუელიდან, ვენესუელური ნავთობიდან ჰქონდათ. ახლა კი ვერაფერს იღებენ. კუბა სიტყვასიტყვით მზად არის დაცემისთვის. გვეყოლება ბევრი შესანიშნავი კუბელი ამერიკელი, რომელიც ამით ძალიან ბედნიერი იქნება“.

1769770592

ორ ნავსადგურს შორის ბლოკ-მატარებელი რეგულარული გრაფიკით იმოძრავებს და დადებით გავლენას მოახდენს კონტეინერების გადაზიდვის პროცესის გამარტივებასა და სატრანზიტო დროის შემცირებაში. კერძოდ, უზრუნველყოფს ფოთიდან ბაქოში მიმავალი და უკან ცარიელი კონტეინერების რკინიგზით ტრანსპორტირებას, რაც არა მხოლოდ განტვირთავს სახმელეთო მაგისტრალებს, ასევე ნაკლებ ზიანს მიაყენებს გარემოს. აღნიშნული ინიციატივა ხელს შეუწყობს ,,შუა დერეფანში“ საკონტეინერო ტვირთების უსაფრთხო და ეფექტურ გადაზიდვებს, რაც მარშრუტს უფრო მიმზიდველსა და მოთხოვნადს გახდის.,,ბლოკმატარებლების მოძრაობის გრაფიკისა და ტარიფების განსაზღვრით ტვირთმფლობელებს წინასწარ ეცოდინებათ მათი კონტეინერის ფოთში ჩასვლისა და უკან დაბრუნების დრო. აღნიშნული სიახლე საქართველოს რკინიგზისთვის ფინანსურადაც მომგებიანი იქნება და მეტ შემოსავალს მოუტანს კომპანიას", - განმარტა საქართველოს რკინიგზის გენერალურმა დირექტორმა, ლაშა აბაშიძემ.ბლოკ-მატარებლის ზუსტი მარშრუტია: ბათუმი-ფოთი-თბილისი-აპშერონი-სუმგაიტი-ალიატი. საქართველო და აზერბაიჯანი ტვირთმფლობელებს გამარტივებულ სერვისს - ,,ტერმინალიდან კარამდე“ სთავაზობენ.

1769768343

ასევე, საელჩოს განცხადებაში მოყვანილია გერმანული მხარის მიერ გაეროს ადამიანის უფლებათა საბჭოს სხდომაზე, 26 იანვარს გაკეთებული განცხადებაც, სადაც ბერლინი თბილისს რეკომენდაციებით მიმართავს. კერძოდ, გერმანია საქართველოს რეკომენდაციას უწევს რიგი კანონების გაუქმების ან ცვლილებების შესახებ.„საერთაშორისო ორგანიზაციაში წევრობა ვალდებულებებს მოიცავს. გაეროს ადამიანის უფლებათა საბჭო ახორციელებს შემოწმების პროცედურას - ე.წ. Universal Periodic Review (UPR), რომელიც ყველა წევრმა სახელმწიფომ პერიოდულად უნდა გაიაროს. ეს პროცედურა ეფუძნება გაეროს ქარტიას, ადამიანის უფლებათა საყოველთაო დეკლარაციას, ადამიანის უფლებათა კონვენციებს და შესაბამის შემთხვევაში საერთაშორისო ჰუმანიტარულ სამართალს.საქართველოს შემოწმება ახლახან განხორციელდა. გერმანიამ განცხადება გააკეთა საქართველოში ადამიანის უფლებათა მდგომარეობის სწრაფად გაუარესებასთან დაკავშირებით. საქართველო არღვევს თავის საერთაშორისო ვალდებულებებს და ჩვენდა სამწუხაროდ სულ უფრო მეტად შორდება თავის ევროპულ მისწრაფებას.ჟენევა, 2026 წლის 26 იანვარი:გერმანია ძალიან შეშფოთებულია საქართველოში ადამიანის უფლებების სწრაფად გაუარესებული მდგომარეობის გამო, შეკრების, გაერთიანების, გამოხატვისა და სიტყვის თავისუფლების სერიოზული შეზღუდვების ჩათვლით, მათ შორის რეპრესიული კანონმდებლობისა და ადმინისტრაციული და სისხლის სამართლის წარმოების ბოროტად გამოყენების გზით.გერმანია წუხილს გამოთქვამს, რომ არ არსებობს ანგარიშვალდებულება დემონსტრანტებსა და ჟურნალისტებზე ძალადობრივ თავდასხმებთან დაკავშირებით.გერმანია რეკომენდაციებს უწევს საქართველოს, გამოიძიოს დემონსტრანტების წინააღმდეგ ძალის გადაჭარბებული გამოყენების შესახებ ცნობები, მათ შორის პოლიციის მიერ წამებისა და არასათანადო მოპყრობის ფაქტები, და უზრუნველყოს მსხვერპლთათვის მართლმსაჯულებაზე, კომპენსაციასა და რეაბილიტაციაზე წვდომა;მოხსნას სამოქალაქო საზოგადოების საქმიანობისთვის დაბრკოლებები, მათ შორის გააუქმოს ან შეცვალოს ე.წ. „უცხოური გავლენის გამჭვირვალობის შესახებ“ კანონი, „უცხოელი აგენტების რეგისტრაციის შესახებ“ კანონი და „გრანტების შესახებ“ კანონში შეტანილი ცვლილებები;გადახედოს „შეკრებებისა და მანიფესტაციების შესახებ“ კანონში, ადმინისტრაციულ სამართალდარღვევათა და სისხლის სამართლის კოდექსებში შეტანილ ცვლილებებს, რომლებიც ამჟამად ზღუდავს შეკრების თავისუფლებას, რათა ისინი შესაბამისობაში მოიყვანოს საერთაშორისო სამართალთან, ვენეციის კომისიის რეკომენდაციებთან და ევროკავშირის გაფართოების 2025 წლის ანგარიშთან;გააუქმოს ან ძირეულად შეცვალოს „მაუწყებლობის შესახებ“ კანონსა და „სიტყვისა და გამოხატვის თავისუფლების“ შესახებ კანონში შეტანილი ცვლილებები“, - ნათქვამია საქართველოში გერმანიის საელჩოს მიერ გავრცელებულ ინფორმაციაში.გერმანია, იმ 24 ქვეყნებს შორისაა, რომლებმაც გუშინ, 29 იანვარს, აამოქმედა ეუთოს (OSCE) "მოსკოვის მექანიზმი" საქართველოში ადამიანის უფლებების გაუარესებული მდგომარეობის შემსწავლელი ექსპერტთა მისიის დასაწყებად.კერძოდ, განცხადებაში აღნიშნულია, რომ 24-მა ქვეყანამ ეუთოს “მოსკოვის მექანიზმი” გაააქტიურა, რათა საქართველოში ადამიანის უფლებების მხრივ ვითარების გაუარესების გამო ექსპერტული მისია შეიქმნას.ასევე, განცხადებაში ისინი მოუწოდებენ საქართველოს, ითანამშრომლოს და ხელი შეუწყოს მისიის მუშაობას.“როგორც ეუთოს წევრმა ქვეყანამ, საქართველომ ადამიანის უფლებებისა და ფუნდამენტური თავისუფლებების დაცვის ვალდებულებები აიღო. მან ასევე აღიარა, რომ ადამიანის უფლებებისა და ფუნდამენტური თავისუფლებების პატივისცემა საკვანძო ფაქტორია მშვიდობის, სამართლიანობისა და კეთილდღეობისთვის, რაც საჭიროა ქვეყნებს შორის მეგობრული ურთიერთობებისა და თანამშრომლობის უზრუნველსაყოფად”, - ნათქვამია განცხადებაში.ასევე, განცხადებაში ვკითხულობთ: "2024 წლის დეკემბერში ეუთოს 38-მა ქვეყანამ საქართველოსთან მიმართებაში “ვენის მექანიზმი” გაააქტიურა, რათა საქართველოში მიმდინარე მოვლენებზე შეშფოთება გამოეხატათ და მეტი ინფორმაცია მოეთხოვათ, თუმცა, განცხადებაში აღინიშნება, რომ მას შემდეგ საქართველოს მთავრობის მიერ ადამიანური მიმართულებით საერთო ვალდებულებებისა და ადამიანის უფლებების საერთაშორისო ვალდებულებების დაცვის მხრივ მათი შეშფოთება მხოლოდ გაიზარდა”.“ვადასტურებთ 2025 წლის განმავლობაში ჩვენს დელეგაციებთან საქართველოს ჩართულობას, კონსტრუქციული მიდგომის სულისკვეთებით ჩვენმა დელეგაციებმა დღეს ოდირის დირექტორს მისწერეს. ხაზს ვუსვამთ, 2024 წლის “ვენის მექანიზმში” დაყენებულ კითხვებზე საქართველოს პასუხს და საქართველოს მოვუწოდებთ, ითანამშრომლოს და ხელი შეუწყოს მისიის მუშაობას, “მოსკოვის დოკუმენტის” მე-6 პარაგრაფის შესაბამისად. ასეთი ჩართულობა კონსტრუქციული და ღია დიალოგისთვის კეთილი ნებისა და მზაობის დემონსტრირება იქნება.სხვა ყველაფერთან ერთად მისი მიზანი იქნება: საქართველოს ადამიანის უფლებებისა და ფუნდამენტური თავისუფლებების მხრივ ბოლო მოვლენების დოკუმენტირება; ამ მოვლენების ზეგავლენის შეფასება მათ შორის საქართველოს სამოქალაქო საზოგადოებაზე, მედიის თავისუფლებაზე, კანონის უზენაესობასა და სასამართლო სისტემის დამოუკიდებლობაზე, პოლიტიკურ პლურალიზმსა და დემოკრატიული საზოგადოების სხვა სტრუქტურულ კომპონენტებზე, რომლებიც საფუძვლად უდევს უსაფრთხოების ეუთოს ყოვლისმომცველ განმარტებას; მოგვცეს რეკომენდაციები თუ როგორი რეაგირება უნდა მოხდეს შემაშფოთებელ საკითხებზე”, - ნათქვამია დელეგაციების მიერ ეუთოს დირექტორისადმი გაგზავნილ წერილში.

1769767320

ასეთი პასუხისმგებლობა და სანქცია “ადმინისტრაციულ სამართალდარღვევათა კოდექსში“ დაგეგმილი ცვლილებების პროექტის ფარგლებში შემოდის.კოდექსს ემატება ახალი მუხლი - “მეწარმე იურიდიული პირის პოლიტიკური აქტივობის“ შესახებ. აღნიშნული მუხლის თანახმად, მეწარმე იურიდიული პირის მიერ საჯაროდ ისეთი პოლიტიკური აქტივობის განხორციელება, რომელიც არ არის დაკავშირებული მის ძირითად სამეწარმეო საქმიანობასთან, გამოიწვევს პირის დაჯარიმებას − 20 000 ლარის ოდენობით. აღნიშნული ქმედების განმეორების შემთხვევაში კი ჯარიმის ოდენობა 40 000 ლარი იქნება.პროექტის თანახმად, ადმინისტრაციულ სამართალდარღვევის საქმის განხილვისა და ადმინისტრაციული სახდელების დადების უფლება სახელმწიფო აუდიტის სამსახურს ექნება.საკანონმდებლო ცვლილებათა პაკეტი პარლამენტში ფრაქცია “ქართულმა ოცნებამ“ წარადგინა. უმრავლესობის განმარტებით, რეგულაცია არ ზღუდავს მეწარმე იურიდიული პირის თავისუფლებას განახორციელოს ეკონომიკური საქმიანობა ან გამოხატოს მოსაზრება მის საქმიანობასთან პირდაპირ დაკავშირებულ საკითხებზე. “ქართული ოცნების“ განცხადებით, შეზღუდვა მხოლოდ იმ პოლიტიკურ აქტივობაზე ვრცელდება, რომელიც ფუნქციურად მის სამეწარმეო მიზნებს არ უკავშირდება და ფაქტობრივად, პოლიტიკური პროცესების დასაფინანსებლად გამოიყენება.“საქართველოს კონსტიტუციის მე-3 მუხლის მე-4 პუნქტის მიხედვით, ხალხის პოლიტიკური ნების ჩამოყალიბებასა და განხორციელებაში პოლიტიკური პარტიები მონაწილეობენ.“მოქალაქეთა პოლიტიკური გაერთიანებების შესახებ“ კანონის 26-ე მუხლის პირველი პუნქტის ბ) ქვეპუნქტის თანახმად, პოლიტიკური პარტიისთვის დაუშვებელია შემოწირულების მიღება საქართველოში ან საქართველოს ფარგლების გარეთ რეგისტრირებული იურიდიული პირისგან ან/და პირთა სხვა სახის გაერთიანებისგან. ამის გათვალისწინებით, აღნიშნული საკანონმდებლო ცვლილება მიზნად ისახავს მეწარმე იურიდიული პირის მიერ მათი ეკონომიკური საქმიანობის ფარგლებს მიღმა პოლიტიკური პროცესებზე არაპროპორციული გავლენის პრევენციასა და პოლიტიკური პროცესების სამართლიანობის, გამჭვირვალობისა და თანასწორი მონაწილეობის უზრუნველყოფას.საგულისხმოა ის ფაქტი, რომ მეწარმე იურიდიული პირები, როგორც ეკონომიკური ძალაუფლების მქონე პირები მნიშვნელოვან ფინანსურ, ორგანიზაციულ და საკომუნიკაციო რესურსებს ფლობენ, რომელთა პოლიტიკური მიზნებისთვის გამოყენება ქმნის რისკს, რომ პოლიტიკური გადაწყვეტილებების ფორმირება არა საზოგადოებრივი ინტერესების, არამედ კერძო ეკონომიკური ინტერესების გავლენით განხორციელდება.რეგულაცია არ ზღუდავს მეწარმე იურიდიული პირის თავისუფლებას განახორციელოს ეკონომიკური საქმიანობა ან გამოხატოს მოსაზრება მის საქმიანობასთან პირდაპირ დაკავშირებულ საკითხებზე. შეზღუდვა მხოლოდ იმ პოლიტიკურ აქტივობაზე ვრცელდება, რომელიც ფუნქციურად მის სამეწარმეო მიზნებს არ უკავშირდება და ფაქტობრივად პოლიტიკური პროცესების დასაფინანსებლად გამოიყენება.კანონპროექტით გათვალისწინებული ცვლილებებით განისაზღვრება პასუხისმგებლობა იმ ქმედებებისთვის, რომლებითაც პოლიტიკური აქტივობა არ არის დაკავშირებული სუბიექტის ძირითად სამეწარმეო საქმიანობასთან და მისი პროფესიული ან დარგობრივი ინტერესების დაცვას სცდება“, - აცხადებს “ქართული ოცნება“.

1769766843

კონტროლის ღონისძიების ფარგლებში, გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის წარმომადგენლებთან კოორდინაციით, ინვენტარიზაცია ჩატარდა 130 მეწარმე სუბიექტთან, 3 ქალაქში - თბილისში, ქუთაისსა და ბათუმში. აღსანიშნავია, რომ კონტროლის პროცედურები ხორციელდება გადასახადის გადამხდელების სამუშაო საათების გათვალისწინებით და ამასთან, არ ხდება  მათი საქმიანობის პროცესის შეფერხება.საგადასახადო მონიტორინგის დეპარტამენტის თანამშრომლები ქვეყნის მასშტაბით, მომავალშიც განახორციელებენ მიმდინარე საგადასახადო კონტროლის ღონისძიებებს. შემოსავლების სამსახური გადასახადის გადამხდელებს მოუწოდებს დაიცვან საქართველოს საგადასახადო კანონმდებლობით დადგენილი ვალდებულებები. 

1769766267

აღნიშნული რაოდენობიდან საერთაშორისო ვიზიტორების მიერ განხორციელებული ვიზიტების რაოდენობამ 6.9 მილიონი შეადგინა, რაც 6.2%-ით მეტია 2024 წლის მაჩვენებელზე.2025 წელს საერთაშორისო ვიზიტორების რაოდენობამ 5.8 მილიონს მიაღწია, რაც 7%-ით მეტია წინა წლის მაჩვენებელზე.საანგარიშო პერიოდში, საერთაშორისო ვიზიტორების მიერ განხორციელდა 5.5 მილიონი ტურისტული ტიპის ვიზიტი, რაც 8.4%-ით მეტია წინა წლის მაჩვენებელზე. საერთაშორისო ვიზიტორების 80.6% მხოლოდ ტურისტები იყვნენ, მხოლოდ ექსკურსანტების წილმა 15.4% შეადგინა, ხოლო ვიზიტორების 3.9% იყო როგორც ტურისტი, ასევე ექსკურსანტი.2025 წელს ვიზიტორების ყველაზე დიდი რაოდენობა, 1.3 მილიონი, დაფიქსირდა რუსეთის ფედერაციიდან, რაც ვიზიტორების ჯამური რაოდენობის 23.2%-ს შეადგენს. მეორე ადგილზეა თურქეთი 16.9%-იანი წილით, ხოლო მესამეზე - სომხეთი 11.9%-იანი წილით. შესაბამისად, ვიზიტების ყველაზე დიდი რაოდენობა განხორციელდა: რუსეთის ფედერაციის (1.6 მილიონი) თურქეთისა (1.2 მილიონი) სომხეთის (0.9 მილიონი) მოქალაქეების მიერ ვიზიტორების უმრავლესობა, 46.4%, მიეკუთვნებოდა 31-50 წლამდე ასაკობრივ კატეგორიას, ქალების რაოდენობა კი მთლიანი ვიზიტორების რაოდენობის 43%-ს შეადგენდა.2025 წელს ყველაზე მეტი ვიზიტი, 50.3%, განხორციელდა დასვენების, გართობისა და რეკრეაციის მიზნით.ვიზიტების უმრავლესობა განხორციელდა თბილისსა და აჭარის ა/რ-ში, შესაბამისად, 3.8 მილიონი და 2.7 მილიონი ვიზიტი.საქსტატის მონაცემებით, 2025 წელს განხორციელებული ვიზიტებისას გათეული ღამეების საშუალო რაოდენობამ 5.6 ღამე შეადგინა, რაც წინა წლის მაჩვენებელზე (5.5 ღამე) 1.6%-ით მეტია. განხორციელებული ვიზიტების 78.4% წარმოადგენდა განმეორებითი ხასიათის ვიზიტს. 2025 წელს განხორციელებული ვიზიტებისას გაწეული ხარჯები 15 მილიარდ ლარს გაუტოლდა, რაც 5.1%-ით მეტია წინა წლის მაჩვენებელზე. ვიზიტზე საშუალო ხარჯი 2024 წელთან შედარებით 1.1%-ით შემცირდა და 2 187.3 ლარი შეადგინა.

1769765003

ამ სიახლით ბიზნესებს გადახდებთან და ფინანსების მართვასთან დაკავშირებული პროცესები შეუძლიათ ერთ სივრცეში მოაქციონ.რას მოიცავს ახალი ფუნქციონალი? ჩარიცხული თანხების ავტომატური დაკავშირება შესაბამის ინვოისებთან, რაც უზრუნველყოფს სტატუსების ავტომატურ განახლებას - ეს იმას ნიშნავს, რომ ჩარიცხვების იდენტიფიცირება ავტომატური ხდება, ტრანზაქცია კონკრეტულ ინვოისს თავისით მიებმევა, მექანიკურად მონიტორინგი კი საჭირო აღარ იქნება ინვოისების შექმნა და გაგზავნა როგორც იურიდიულ, ისე ფიზიკურ პირებთან ბიზნეს ინტერნეტბანკის და ელექტრონული ფოსტის საშუალებით ინვოისზე კომპანიის ლოგოს, ხელმოწერის დამატების შესაძლებლობა დღგ-ისა და ფასდაკლების მითითება ინვოისის შექმნისას ინვოისის მონახაზის შექმნა და მისი ჩამოტვირთვა PDF ფორმატში გაგზავნილი და მიღებული ინვოისების მართვა ერთ სივრცეში – ყველა ინვოისი ხელმისაწვდომია ბიზნეს ინტერნეტბანკში ინვოისების სტატუსების კონტროლი – გადახდილი, ნაწილობრივ გადახდილი, გადასახდელი ან ვადაგასული ინვოისების შემოწმება გარდა ამისა, ბიზნეს ინტერნეტბანკს ცოტა ხნის წინ დაემატა კიდევ ერთი ინოვაციური ფუნქციონალი დაემატა. მომხმარებელს შეუძლია ინვოისის ფოტოს ატვირთვა, რომელსაც სისტემა AI ტექნოლოგიის მეშვეობით კითხულობს და გადარიცხვის ფორმას ავტომატურად ავსებს. აღნიშნული ფუნქცია მნიშვნელოვნად ამცირებს შეცდომების რისკს და ზოგავს ბიზნესის დროს.გარდა ამისა, ბიზნეს ინტერნეტბანკში ხელმისაწვდომია თანხის მოთხოვნის ფუნქციონალი, რომლითაც ბიზნესს შესაძლებლობა აქვს, გადაამოწმოს მიიღო თუ არა გაწეული მომსახურების საფასური და ნახოს, თანხის რა ნაწილია ჩარიცხული. პროდუქტის  უპირატესობას ასევე  წარმოადგენს  ის რომ, აღარ არის საჭირო ინვოისის ელფოსტაზე გაგზავნა.  კიდევ უფრო გამარტივებულია მიმღების ანგარიშის ნომერთან დაკავშირებული პროცედურა, რადგან  მიმღები მოთხოვნისას თავად უთითებს, რომელ ანგარიშზე სურს განხორციელდეს ჩარიცხვა და გადარიცხვის დავალების ცალკე აკრეფაც აღარ არის საჭირო.აღმოაჩინეთ ბიზნეს ინტერნეტბანკის შესაძლებლობები და მართეთ თქვენი ბიზნესი მარტივად.(R)

1769763821

ტექსასიდან ტენესის შტატამდე სამაშველო ჯგუფები მუშაობენ ელექტროენერგიის აღსადგენად, მაშინ, როდესაც მოსალოდნელი „ნორისტერი“ (nor-easter) სამხრეთ-აღმოსავლეთს კიდევ ერთი არქტიკული ნაკადითა და ქარბუქით ემუქრება.Associated Press-ის ცნობით, რამდენიმე შტატში სულ მცირე 85 ადამიანი დაიღუპა. უამინდობით გამოწვეული ფატალური შემთხვევების მიზეზი გახდა ჰიპოთერმია (გაყინვა), ნახშირბადის მონოქსიდით (CO) შესაძლო მოწამვლა და ავტოსაგზაო შემთხვევები, მათ შორის ინციდენტები ციგებითა და თოვლმწმენდი ტექნიკით.ხუთშაბათს მისისიპის შტატში დაღუპვის ოთხი შემთხვევა დაფიქსირდა, რითაც მკაცრი ზამთრის გამო გარდაცვლილთა საერთო რაოდენობამ შტატში 14-ს მიაღწია. ამის შესახებ ინფორმაციას გუბერნატორის ადმინისტრაცია ავრცელებს. შტატში 95 000-ზე მეტი მომხმარებელი ელექტროენერგიის გარეშეა დარჩენილი, პროგნოზის მიხედვით კი უკიდურესად დაბალი ტემპერატურა შაბათ-კვირასაც შენარჩუნდება.ტენესის ჯანდაცვის დეპარტამენტმა ოთხშაბათის მონაცემებით უამინდობასთან დაკავშირებული 13 ფატალური შემთხვევა დაადასტურა. შტატში ელექტროენერგიის მასობრივი გათიშვის ფონზე ხანგრძლივი ყინვებია. 93 000-ზე მეტი აბონენტი დენის გარეშეა დარჩენილი. ნეშვილის ოფიციალური პირების განცხადებით, ენერგომომარაგების სრულად აღდგენა შესაძლოა შაბათ-კვირამდე ან უფრო მეტხანს ვერ მოხერხდეს.ლუიზიანამ ხუთშაბათს ზამთრის ქარიშხალთან დაკავშირებული მეცხრე გარდაცვალების შესახებ განაცხადა: 74 წლის მამაკაცი საკუთარ სახლში ჰიპოთერმიით გარდაიცვალა „ელექტროენერგიის ხანგრძლივი გათიშვის შემდეგ“.ტექსასშიც დაფიქსირდა რამდენიმე ფატალური შემთხვევა, მათ შორის სამი ძმა, რომლებიც ტბორზე ყინულის ჩატეხვის შედეგად წყალში ჩავარდნენ და დაიღუპნენ. ასევე, ორი მოზარდი გოგონა, რომლებიც მას შემდეგ დაიღუპნენ, რაც მათი ციგა ხეს შეეჯახა.ნიუ-იორკში სულ მცირე 10 ადამიანი იპოვეს გარდაცვლილი ღია ცის ქვეშ, აცხადებენ ოფიციალური პირები.სანამ შტატები აგრძელებენ მუშაობას ელექტროენერგიის აღსადგენად და გზების თოვლისა და ყინულისგან გასაწმენდად, ამ უქმეებზე სამხრეთ-აღმოსავლეთისკენ ახალი ქარბუქი მიემართება, რომელიც, სავარაუდოდ, კაროლინას, ჯორჯიას, ვირჯინიასა და ტენესის შტატებს დაატყდება თავს.

1769763520