ფინანსთა მინისტრის მოადგილემ IDA–ს წლიურ შეხვედრაში მიიღო მონაწილეობა

პროექტის ჯამური ღირებულება $5.5 მლნ-ია, რომელიც სრულად არის დაფინანსებული საქართველოს ბანკის მიერ. პროექტის ფარგლებში გარდაბანში, სოფელ გამარჯვებაში 13,000 კვ.მ ფართობის თანამედროვე სასაწყობე კომპლექსის მშენებლობა და მოწყობა იგეგმება.“Bene Group 2014 წლიდან მომხმარებლებს მაღალი დონის ლოგისტიკურ და სატრანსპორტო მომსახურებას სთავაზობს, რომელიც დაფუძნებულია თანამედროვე ტექნოლოგიებზე, საერთაშორისო გამოცდილებაზე და პროფესიონალთა გუნდზე. 2017 წელს დავაარსეთ პრემიუმ სერვისზე ორიენტირებული ბრენდი - Bene Exclusive,ხოლო 2024 წელს საქმიანობა კიდევ უფრო გავაფართოვეთ და სასაწყობე მეურნეობის სექტორშიც შევედით.  აღნიშნული პროექტის მნიშვნელობა სცდება მხოლოდ Bene Group-ის სტრატეგიულ გეგმებს – იგი წარმოადგენს მნიშვნელოვან ნაბიჯს ქვეყნის ლოგისტიკური ინფრასტრუქტურის განვითარების მიმართულებით. საქართველოში სასაწყობე ფართებზე მოთხოვნა განსაკუთრებით გაიზარდა, თუმცა ხარისხიანი და სტრატეგიულად კარგად მდებარე სივრცის დეფიციტი კვლავ სერიოზულ გამოწვევად რჩება ბევრი კომპანიისთვის. ახალი, თანამედროვე სტანდარტებზე დაფუძნებული სასაწყობე კომპლექსი მნიშვნელოვნად გააუმჯობესებს მიწოდების მხარეს. ამასთან, ობიექტით უკვე დაინტერესებულია რამდენიმე საერთაშორისო მსხვილი კომპანია, რაც პროექტს დამატებით საინვესტიციო ღირებულებას სძენს და ხელს უწყობს ქვეყანაში უცხოური კაპიტალის შემოდინებას. საქართველოს ბანკი კომპანიის განვითარების ყველა ეტაპზე აქტიურად იყო ჩართული და  მრავალწლიანი თანამშრომლობა არა მხოლოდ სტაბილური ფინანსური მხარდაჭერით, არამედ ერთობლივად განხორციელებული მნიშვნელოვანი პროექტებითაც გამოიხატება. სწორედ ამის დასტურია თანამშრომლობის მემორანდუმიც, რომელსაც დღეს მოვაწერეთ ხელი. ვიმედოვნებ, რომ ჩვენი თანამშრომლობა სამომავლოდ ახალ მასშტაბებს შეიძენს და ერთობლივად კიდევ არაერთ საინტერესო პროექტს განვახორციელებთ“, - განაცხადა Bene Group-ის გენერალურმა დირექტორმა და დამფუძნებელმა გიორგი გოგლიძემ“დღეს გაფორმებული მემორანდუმი წარმოადგენს თანამშრომლობის ახალ ეტაპს და შეეხება პარტნიორობას Bene Group-ის ახალ ლოგისტიკურ პროექტზე, რომელიც ითვალისწინებს გარდაბანში, თანამედროვე სასაწყობე კომპლექსის განვითარებას. აღნიშნული ინიციატივა კიდევ ერთი მნიშვნელოვანი ნაბიჯია კომპანიის დივერსიფიცირებული და გრძელვადიანი განვითარების მიმართულებით. მემორანდუმით, საქართველოს ბანკი კიდევ ერთხელ ადასტურებს მზადყოფნას, მხარი დაუჭიროს Bene Group-ს როგორც მიმდინარე პროექტის წარმატებით განხორციელებაში, ასევე მის მასშტაბურ და ამბიციურ გეგმებში.  გვეამაყება ეს გრძელვადიანი, ნდობაზე დაფუძნებული პარტნიორობა, რომელიც მუდმივად შედეგზე ორიენტირებული თანამშრომლობის საუკეთესო მაგალითს წარმოადგენს. გვჯერა, რომ Bene Group-ისა და ჩვენი საერთო წარმატების ყველაზე მნიშვნელოვანი ეტაპები ჯერ კიდევ წინ არის“, - განაცხადა საქართველოს ბანკის კორპორაციული საბანკო მომსახურების დეპარტამენტის დირექტორის მოადგილემ, გიორგი წეროძემ.

1745849028

წელს საქართველოს ბანკის სტიპენდიის მისაღებად 4000-ზე მეტი სტუდენტი დარეგისტრირდა.· აღსანიშნავია, რომ საქართველოს ბანკის სტიპენდია ერთწლიანია, თუმცა, შესაძლებლობას აძლევს ახალგაზრდებს ყოველწლიურად შეავსონ განაცხადი და კვლავ მოიპოვონ დაფინანსება;· სასტიპენდიო პროგრამაში მონაწილეობა ბაკალავრიატის ნებისმიერ საფეხურზე მყოფ სტუდენტს შეუძლია; მათ შორის მათაც, ვისაც მიღებული აქვს სახელმწიფო გრანტი, თუმცა, კერძო უნივერსიტეტში სწავლის გასაგრძელებლად დამატებითი ფინანსები სჭირდება;· საქართველოს ბანკის სტიპენდიების პროექტის ფარგლებში, სტიპენდიატების შერჩევა მათი აკადემიური მოსწრების (GPA) და სამოტივაციო წერილის  მიხედვით ხდება.· საქართველოს ბანკის სტიპენდიების პროექტში 22 პარტნიორი უნივერსიტეტია ჩართული, რომელთა ნახვა ვებგვერდზე არის შესაძლებელი.ამასთან, საქართველოს ბანკი ახალგაზრდებისთვის განათლებაზე ხელმისაწვდომობის კიდევ უფრო გასაზრდელად, MAC Georgia-სთან ერთად UniGrant-ის სასტიპენდიო პროგრამას ახორციელებს, რომლის ფარგლებშიც, ნებისმიერი უნივერსიტეტის სტუდენტს მიეცა შესაძლებლობა, ინდივიდუალური საჭიროების შესაბამისად, მიიღოს სწავლის სემესტრული გადასახადის 100%-იანი დაფინანსება და გრანტი საცხოვრებელი ხარჯებისთვის.ეს საქართველოს ბანკის მიერ, კორპორაციული სოციალური პასუხისმგებლობის (CSR) ფარგლებში განხორციელებული ინიციატივების მხოლოდ ნაწილია. ფინანსური ინსტიტუტი 40-ზე მეტ საგანმანათლებლო პროექტის ახორციელებს და უჭერს მხარს, რომელთა მეშვეობით 500 000-ზე მეტი მოსწავლისთვის, სტუდენტისა და ახალგაზრდა პროფესიონალისთვის ქმნის განათლების, საკუთარი პოტენციალის გამოვლენისა და განვითარების შესაძლებლობას.საქართველოს ბანკის CSR მიმართულების პორტფელი მოიცავს ისეთ საგანმანათლებლო პროექტებს, როგორებიც არის: საქართველოს ბანკის სტიპენდიები; გიორგი ჩახავას სახელობის სტიპენდია; დიდ ბრიტანეთში, აშშ-სა და გერმანიაში სწავლის სრული დაფინანსება; იდეათეკები – საქართველოს ბანკის ბიბლიოთეკების პროექტი; საქართველოს ბანკისა და კომაროვის ერთობლივი პროექტი - STEM სკოლა; საქართველოს ბანკის ოლიმპიადები მოსწავლეებისთვის: STEM ოლიმპიადა, ეკონომიკის ოლიმპიადა, Kings-ის ფინანსური განათლების ოლიმპიადა, ევერესტი. ამასთან, საჯარო მეტყველების კონკურსი, და სხვა.საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს csr.bog.ge

1745842750

ძმებ მირიანაშვილებს მიწა ანდერძით არ მიუღიათ, 1998 წელს შეიძინეს და საოჯახო ბიზნესი ნაბიჯ-ნაბიჯ განავითარეს. ახლა, ამ ფართობზე სხვადასხვა ჯიშის ხორბალი, ქერი და მზესუმზირა მოჰყავთ.აღმოჩნდა, რომ ნიადაგი და ადამიანი ერთმანეთს ჰგავს - ერთფეროვნება და სიახლეების მიუღებლობა ორივეს თანაბრად ფიტავს.„მცენარეთა მონაცვლეობა აუცილებელია. მაგალითად, მუდმივად ხორბალს ვერ დათეს, ნიადაგს ცუდ მდგომარეობამდე მიიყვან. მემარცვლეობაში თესლთბრუნვა და ახალი ჯიშების შემოტანა აუცილებელია. წელს ფრანგული ჯიშის ხორბალი დავთესე, რომელიც დაავადების მიმართ გამძლეა და ცხობისთვისაა იდეალური.“- გვიხსნის ვასილ მირიანაშვილი.წლებს გამოცდილება თავისით არ მოაქვს. ძმებს ბიზნესში ფუნქციები გაყოფილი არ აქვთ, თუმცა ორივე მუდმივად ყანაში, ან მის ირგვლივ ტრიალებს. აკვირდებიან პროცესებს, ყველა ახალი პრეპარატის ბაზარზე გამოჩენისას სიღრმისეულად იკვლევენ, იძიებენ ინფორმაციას ან კონსულტაციას სხვა სპეციალისტებთან გადიან. მართალია, საკუთარი ხორბლით პურს არ აცხობენ, მაგრამ ერთი თვალის შევლებითაც შეუძლიათ  ხარისხის ამოცნობა.„ივლისში როგორც კი მოსავალს აიღებ, ნიადაგი მაშინვე უნდა  დაამუშავო, რომ სარეველა არ განვითარდეს. შემდეგ გვალვის რისკია, რის დროსაც მიწა გასკდება და ფენას დავკარგავთ. მემარცვლეობა მთელი წლის განმავლობაში მოითხოვს ყურადღებას“, - ამბობს ფერმერი.კახეთში ხორბლის მოყვანას საუკუნოვანი ტრადიცია აქვს. ალაზნის ველის ტერიტორია, სადაც წნორიც მდებარეობს, ნაყოფიერი ნიადაგით გამოირჩევა და იდეალურია მარცლეულის მოსაყვანად. “კარგ შედეგად ერთ ჰექტარზე 5-6 ტონა მოსავლის მიღება ითვლება. ყოფილა შემთხვევა 7 ტონაც აგვიღია. თუ ყველაფერს ზუსტად გავაკეთებთ საქართველოში გვექნება საშუალება რომ მოთხოვნის 45 % დავაკმაყოფილოთ”, - განმარტავს მირიანაშვილი.თუმცა, სიზუსტე წარმატების ფორმულისთვის ამ შემთხვევაში საკმარისი არ არის. ცოდნას, გამოცდილებას, მცენარეებისადმი ზრუნვას და სწორ გადაწყვეტილებებს ამ ბიზნესში ერთი მნიშვნელოვანი კომპონენტი იღბალი- ( ამ შემთხვევაში “ამინდი” ემატება).ვენახისგან განსხვავებით, პურის ყანას უამინდობისგან ვერაფრით დააზღვევ. მსგავსი ტექნოლოგიები ჯერჯერობით არ არსებობს. ასეთ დროს, კი ფერმერისთვის მნიშვნელოვანი საყრდენი სანდო ფინანსური ინსტიტუტია. წლებია მარიანაშვილები თიბისის იაფი აგროსესხით სარგებლობენ.„ბევრჯერ მქონდა შემთხვევა, როდესაც  ყანა დაისეტყვა და მოსავლის მხოლოდ 30 % ამიღია. აქ ბუნებრივია, მოგებაზე საუბარი არ ყოფილა. ნდობა არის ის, რაც მეწარმეს და ბანკს უნდა აკავშირებდეს. თიბისის ასეთ დროსაც გაუგრძელებია ჩემთან თანამშრომლობა, იმიტომ  რომ მენდობა მეც და ჩემს საქმესაც. ეს ურთიერთობა უკვე წლებია გრძელდება, რაც სიმშვიდის, პარალელურად კი განვითარების საშუალებას მაძლევს“, - ამბობს ფერმერი.განვითარების გეგმებში კი სამაცივრე მეურნეობა და ახალი ფართობის ათვისებაა, სადაც სურთ მრავალწლიანი ნარგავები გააშენონ. 

1745842506

თიბისი კამპუსის გაზაფხულის ნაკადზე, მთელი საქართველოდან, 3562 ახალგაზრდა დარეგისტრირდა, ონლაინ სწავლება კი მაისიდან დაიწყება.კამპუსის სტუდენტები 3 თვის განმავლობაში უფასოდ შეისწავლიან: ტექნოლოგიური პროექტების მართვის საფუძვლებს, მონაცემთა ანალიზს, UI/UX დიზაინს, მეწარმეობას და ბიზნესის დაგეგმარებას, IT ბიზნეს ანალიზსა და ბაზრის კვლევას, ციფრულ მარკეტინგს, სარეკლამო კონტენტის შექმნასა და საძიებო სისტემების ოპტიმიზაცია - SEO.თიბისი კამპუსის პარტნიორია „კოლაბი“.თიბისი კამპუსში სწავლა სრულიად უფასოა. კურსებზე მიღებული ცოდნა ახალგაზრდებს, არჩეული მიმართულებით, კონკურენტულ ბაზარზე დასაქმებაში ან საკუთარი ბიზნესის წარმატებით მართვაში დაეხმარება. გასულ წელს, კამპუსის პირველი ნაკადი 202-მა მონაწილემ წარმატებით დაასრულა, მათი ნაწილი კი სწორედ თიბისი კამპუსის კურსების გავლის შემდეგ დასაქმდა და მიღებულ ცოდნას პრაქტიკულ საქმიანობაში იყენებს.მთავარია გჯეროდეს შენი მიზნების, თიბისის განათლების პროგრამები კი გაძლევს შესაძლებლობას ისწავლო იქ, სადაც ხარ და სიახლეების მუდმივ ძიებაში გაიღრმაო ინტერესები და ცოდნა.

1745838112

ბიზნესესხით სარგებლობის პროცესი ძალიან მარტივია. ამისათვის, მომხმარებელმა ბიზნეს ინტერნეტ ან მობაილბანკში, შეთავაზებების კატეგორიაში, საკრედიტო ლიმიტის თანხა და სესხის პირობების შესახებ ინფორმაცია უნდა გადაამოწმოს. პროდუქტით სარგებლობის სურვილის შემთხვევაში, მომხმარებელმა განაცხადი ონლაინ უნდა შეავსოს და დაელოდოს სესხის დამტკიცების შესახებ ბანკის გადაწყვეტილებას, რომლის ნახვა განაცხადის შევსებიდან 2 წუთში, ბიზნეს ინტერნეტ/მობაილბანკშივეა შესაძლებელი.ბიზნესესხით სარგებლობა მიკრო, მცირე და საშუალო ბიზნესების წარმომადგენლებს, ასევე იურიდიულ და ინდ. მეწარმეებს შეუძლიათ. სესხის მაქსიმალური მოცულობა 7 მლნ ლარს შეადგენს. დაფარვის მაქსიმალური ვადა- 180 თვეს, ხოლო სესხის ეფექტური საპროცენტო განაკვეთი - 14.54% -დან იწყება.იმ შემთხვევაში, თუ ბიზნესმომხმარებელს საკრედიტო ლიმიტი წინასწარ არ აქვს დამტკიცებული, ღილაკზე - „ზარის მოთხოვნა“ დაჭერით, შესაძლებლობა აქვს, თიბისის კონტაქტ ცენტრს დაუკავშირდეს. ადგილზე ვიზიტისა და ბიზნესის ფინანსური ანალიზის შემდეგ, მომხმარებელს შესაძლებლობა ექნება, ისარგებლოს პროდუქტით.ბიზნესესხისა და მისი პირობების შესახებ დეტალური ინფორმაციის მიღება შესაძლებელია თიბისი ბიზნესის ცხელ ხაზზე:  2 27 27*3

1745831883

რა დაგხვდებათ ევროპის დღისადმი მიძღვნილ ღონისძიებაზე?პავილიონი 6 - ევროპის გუნდიშეხვდით ევროკავშირის წევრი სახელმწიფოების წარმომადგენლებს, აღმოაჩინეთ მათი კულტურა, გაეცანით ევროკავშირის სადამკვირვებლო მისიის საქმიანობას და გაიგეთ, როგორ უწყობს ხელს ევროპის საინვესტიციო ბანკი ქვეყნის განვითარებას.პავილიონი 11 - ევროკავშირის პროექტების სივრცეგაეცანით ევროკავშირის მიერ დაფინანსებულ ინიციატივებს და ნახეთ როგორ უწყობენ ისინი ხელს ცხოვრების გაუმჯობესებას მთელი საქართველოს მასშტაბით.პავილიონის მიმდებარე ეზოში დააგემოვნეთ ფერმერების მიერ წარმოებული პროდუქცია საქართველოს რეგიონებიდან. შეხვდით ადგილობრივ ოსტატებს, და აღმოაჩინეთ მათი გამორჩეული ნამუშევრები.პავილიონი 4 - EU საუბრები #ertadმოუსმინეთ გამორჩეულ მომხსენებლებს საქართველოდან და ევროპიდან, რომლებიც იმსჯელებენ ევროპული ღირებულებების პრაქტიკულ მნიშვნელობაზეპავილიონი 3 ფოტო გამოფენა - „10 წელი ფოკუსში“ - ვიზუალური მოგზაურობა და ბოლო ათწლეულში საქართველოში მიმდინარე ცვლილებები – კონკურსში „ევროკავშირის პრიზი ჟურნალისტიკაში“ გამარჯვებული დოკუმენტურ ფოტოების გამოფენა. აუდიო-ვიზუალური გამოფენა - „ეს ქვეყანა შენია“ საგანმანათლებლო თამაში: წიგნების თარო პავილიონის მიმდებარე ეზოში შეუერთდით შეფ ქეთი ბაქრაძეს და ევროპელ დიპლომატებს კულინარიის სპეციალურ სესიაზე, სადაც წარმოდგენილია ავთენტიკური ევროპული კერძები. ევროპის დღის შესახებ:ევროპის დღე, რომელიც ყოველწლიურად, 9 მაისს აღინიშნება, საფრანგეთის საგარეო საქმეთა მინისტრის, რობერტ შუმანის 1950 წლის დეკლარაციის პატივსაცემად დაწესდა. სწორედ 75 წლის წინ წარადგინა შუმანმა იდეა ევროპაში პოლიტიკური თანამშრომლობის ახალი ფორმის შესახებ, რომელიც ევროპის ქვეყნებს შორის ქვანახშირისა და ფოლადის მარაგების გაზიარებას ითვალისწინებდა და ევროპაში ომს წარმოუდგენელს ხდიდა. რეალობად ქცეული იდეა, რომელსაც დღეს ევროკავშირი ჰქვია, ვითარდება, წარმატებით მუშაობს, მშვიდობასა და კეთილდღეობას ემსახურება და 27 ქვეყნის მასშტაბით, 447 მილიონამდე ადამიანს აერთიანებს.

1745829235

პროექტის ჯამური ღირებულება  2 000 000 ლარს შეადგენს, რომელიც სრულად ბანკის ფინანსურ ინვესტიციას წარმოადგენს.ახალი პროექტის დახმარებით, ზუგდიდში  დამატებითი სამუშაო ადგილები შეიქმნა — საწარმოში  50 ადამიანი დასაქმდა.ინფორმაციისთვის, ცერერა 2004 წლიდან ხორბლის გადამამუშავებელ საწარმოს ავითარებს და ქართულ ბაზარზე სხვადასხვა სახის ფქვილისა და ქატოს რეალიზაციას ახდენს. ამჟამად იგი ყოველთვიურად 2500-3000 ტონა ხორბალს ამუშავებს. კომპანია 2011 წლიდან საქართველოს ბანკის პარტნიორია.„საქართველოს ბანკის მხრიდან ყოველთვის გულისხმიერ პარტნიორულ დამოკიდებულებას ვიღებდით და ვიღებთ. ძალიან მნიშვნელოვანია არაპროგნოზირებად ბაზარზე ისეთი სწორი, სანდო პარტნიორის ყოლა, როგორიც საქართველოს ბანკია. მიგვაჩნია, რომ ფინანსური ინსტიტუტების მხარდაჭერა ბიზნესის სექტორისთვის აუცილებელი და მნიშვნელოვანია“, — აცხადებს ცერერას კომერციული დირექტორი ირაკლი ხაინდრავა.„მოხარული ვართ, რომ საქართველოს ბანკის მხარდაჭერით, ზუგდიდში ახალი საწარმო — ცერერას საცხობი გაიხსნა. ჩვენ კომპანიასთან მრავალწლიანი მჭიდრო პარტნიორობა გვაკავშირებს. ვაკვირდებით საწარმოს  მუდმივ განვითარებასა და ზრდას და მოხარული ვართ, რომ ამაში ჩვენი მოკრძალებული წვლილიც შევიტანეთ.  ჩვენთვის განსაკუთრებით პრიორიტეტულია რეგიონებში ახალი პროექტების მხარდაჭერა და მათ შორის ერთ-ერთი მაგალითი სწორედ ცერერას საწარმოა. რაც მთავარია, არ ვჩერდებით და ვაგრძელებთ სხვადასხვა მიმართულებით ბიზნესის ხელშეწყობას“, ­— აცხადებს ზაზა ფიფია, საქართველოს ბანკის კორპორაციული გაყიდვების სექტორის უფროსი.

1745828517

ცენტრალური საარჩევნო კომისია პოლიტიკურ პარტიებს, რომლებსაც სურთ მუნიციპალიტეტის ორგანოთა არჩევნებში მონაწილეობა, მოუწოდებს, დროულად განახორციელონ აღნიშნული უფლების მოსაპოვებლად ყველა საჭირო პროცედურა.საქართველოს ორგანული კანონის „საქართველოს საარჩევნო კოდექსი“ 142-ე მუხლის პირველი პუნქტის შესაბამისად, არჩევნებში მონაწილეობის უფლების მისაღებად, პარტიის ხელმძღვანელმა პირმა (პირებმა), განცხადებით უნდა მიმართოს ცენტრალური საარჩევნო კომისიის (ცესკოს) თავმჯდომარეს:ა) საკრებულოს არჩევნების დანიშვნის შემდეგ, არჩევნების დღემდე არაუგვიანეს 57-ე დღისა, თუ აკმაყოფილებს ერთ-ერთ შემდეგ პირობას:ა.ა) რეგისტრირებული იყო ბოლო საპარლამენტო არჩევნებისას;ა.ბ) არჩევნების დანიშვნის დღისთვის ჰყავს წარმომადგენელი საქართველოს პარლამენტში;ბ) მუნიციპალიტეტის ორგანოთა არჩევნების წლის 1 იანვრიდან 14 ივლისის ჩათვლით, თუ ვერ აკმაყოფილებს ზემოაღნიშნულ ვერცერთ პირობას.პარტიას, რომელიც ვერ აკმაყოფილებს საარჩევნო კოდექსის 142-ე მუხლის პირველი პუნქტის „ა“ ქვეპუნქტით დადგენილ ვერცერთ პირობას, განცხადების წარდგენისთანავე გადაეცემა მხარდამჭერთა სიის ნიმუში. პარტია ვალდებულია პარტიის მხარდამჭერთა სიის ნიმუშის მიღებიდან 60 დღის ვადაში, მაგრამ არაუგვიანეს 1 აგვისტოსი, ცესკოს წარუდგინოს მუნიციპალიტეტის წარმომადგენლობითი ორგანოს - საკრებულოს არჩევნებში პარტიის მონაწილეობის მხარდამჭერი არანაკლებ 25 000 ამომრჩევლის სია. მხარდამჭერთა სიას ცესკოს სათანადო სამსახური ამოწმებს საარჩევნო კოდექსის 38-ე მუხლით დადგენილი წესით და დადგენილ ვადაში. საარჩევნო პერიოდში ცესკოს სათანადო სამსახური წარდგენიდან 2 დღის ვადაში ამოწმებს მხარდამჭერთა სიებს და დასკვნას წარუდგენს ცესკოს თავმჯდომარეს.განცხადებას უნდა დაერთოს საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის − საჯარო რეესტრის ეროვნული სააგენტოს მიერ, ცესკოსთვის განცხადების წარდგენამდე, ბოლო 10 დღის ვადაში გაცემული ამონაწერი მოქალაქეთა პოლიტიკური გაერთიანებების (პარტიების) რეესტრიდან, პარტიის ხელმძღვანელობის/ წარმომადგენლობის უფლებამოსილების მქონე პირის (პირების) მითითებით.დამატებითი ინფორმაციის საჭიროების შემთხვევაში დაგვიკავშირდით: 2 51 00 51.

1745828053