Reuters-ის ცნობით, რაკეტა Long March 10B სამხრეთ ჩინეთში მდებარე ჰაინანის კომერციული კოსმოდრომიდან აფრინდა. ძირითადი ამაჩქარებლისა (booster) და ზედა საფეხურის განცალკევებიდან დაახლოებით ექვს წუთში, ამაჩქარებელი ვერტიკალურად დაბრუნდა და ღია ზღვაში განთავსებულ პლატფორმაზე დაეშვა. ეს ტესტი ჩინეთისთვის ორბიტალური კლასის რაკეტის პირველი წარმატებული დაბრუნებაა. სიახლის ფონზე, ჩინური აეროკოსმოსური კომპანიების (China Spacesat და China Satellite Communications) აქციების ფასი ბირჟაზე მკვეთრად, ყოველდღიურ მაქსიმალურ ლიმიტამდე გაიზარდა.ახალი ჩინური რაკეტა Long March 10B თავისი მახასიათებლებით ამერიკული SpaceX-ის Falcon 9-ს ჰგავს და დაბალ ორბიტაზე სულ მცირე 16 ტონა ტვირთის ატანა შეუძლია. თუმცა, Falcon 9-სგან განსხვავებით, რომელიც გასაშლელ საყრდენ ფეხებზე ჯდება, ჩინური მოდელი სპეციალურ „დასაჯდომ კაუჭებს“ იყენებს, რომლებითაც საზღვაო პლატფორმის ბადეს ეჭიდება.როგორც სააგენტო აღნიშნავს, ჩინეთი თითქმის ათწლეულია მუშაობს ამ ტექნოლოგიაზე, რათა შეამციროს საკუთარი თანამგზავრების კოსმოსში გაშვების ხარჯები. გლობალური კონკურენციის ფონზე, ჩინეთის ხელისუფლებამ კერძო კოსმოსური ფირმებისთვის ბირჟაზე გასვლის (IPO) წესებიც კი შეამსუბუქა, რათა მათ ინვესტიციების მოზიდვა გაუადვილდეთ. Long March 10B-ის წარმატებული გამოცდა უმნიშვნელოვანეს მონაცემებს მიაწვდის ჩინეთის ფართომასშტაბიან მთვარის პროგრამას, რომელიც 2030 წლამდე პილოტირებულ მისიას ითვალისწინებს. ჩინეთი ამავე ამაჩქარებელი საფეხურის ხელახლა გამოყენებას მიმდინარე წლის ბოლომდე გეგმავს.

1783669624

PLUS-ის გაორმაგების დღე ყოველწლიურად სულ უფრო მეტ მომხმარებელს აერთიანებს. წელს შეთავაზებით 120,000-მდე მომხმარებელმა ისარგებლა, PLUS ქულებით კი 200,000-ზე მეტი გადახდა განხორციელდა. გაორმაგების დღის ფარგლებში მომხმარებლებმა ₾30 მლნ-ზე მეტი მოცულობის სარგებელი მიიღეს, რაც კიდევ ერთხელ ადასტურებს, რომ PLUS-ის დაბადების დღე მომხმარებლებისთვის წლის ერთ-ერთ ყველაზე მასშტაბური შოპინგის დღეა.„გაორმაგების დღე ყოველწლიურად სულ უფრო მასშტაბური ხდება და მოხარულები ვართ, რომ წლევანდელმა კამპანიამაც მოლოდინს გადააჭარბა. მომხმარებლების მაღალი აქტივობა და პარტნიორთა მზარდი ჩართულობა კიდევ ერთხელ ადასტურებს, რომ PLUS მომხმარებლებისთვის ყოველდღიური ცხოვრების მნიშვნელოვანი ნაწილი და რეალური სარგებლის მიღების შესაძლებლობაა. სწორედ ეს გვაძლევს მოტივაციას, ყოველწლიურად ჩვენს ლოიალურ მომხმარებლებს კიდევ უფრო მასშტაბური და მრავალფეროვანი შეთავაზებები მოვუმზადოთ“, - განაცხადა საქართველოს ბანკის ფიზიკური პირების მარკეტინგის გუნდის უფროსმა, თამარ ნოზაძემ.თუ წელს გაორმაგების დღით ვერ ისარგებლეთ, თვალი ადევნეთ PLUS-ის მიმდინარე შეთავაზებებს, დააგროვეთ PLUS ქულები და მომდევნო გაორმაგების დღეს თქვენც შეუერთდით.(R)

1783666927

მეტროს მგზავრებს უკვე ყველა ბაქანზე შეუძლიათ მიიღონ მაღალი ხარისხის კავშირი და ისარგებლონ მეხუთე თაობის მობილური ინტერნეტით, საშუალოდ 2 გიგაბიტ წამამდე სიჩქარით.მეტროს ყველა ბაქანზე 5G-ის ხელმისაწვდომობა მაგთიკომის უწყვეტი ინვესტირების შედეგია, რომელსაც მუდმივად ახორციელებს თანამედროვე სატელეკომუნიკაციო ინფრასტრუქტურის გასავითარებლად.მაგთიკომი მომავალშიც გააგრძელებს უახლესი ტექნოლოგიების დანერგვას და ქსელის განვითარებას.(R)

1783666660

ამ ეტაპზე, უკვე 40 გამარჯვებული დაჯილდოვდა - 36-მა მონაწილემ დღის ლიდერის პრიზი დაიმსახურა; ხოლო თითო საგვარეულოდან 4 კვირის ლიდერი გამოვლინდა და 2000–2000 ლარით დასაჩუქრდა. თუმცა, ეს მხოლოდ დასაწყისია.თუ ჯერ კიდევ არ ჩართულხარ „საგანძურის მარათონში“, თამაშის დაწყება ნებისმიერ დროს შეგიძლია. მარათონი აგვისტოს ბოლომდე გაგრძელდება; ხოლო დღის, კვირისა და თვის ლიდერბორდები ყოველ ახალ პერიოდთან ერთად ახლდება; რაც იმას ნიშნავს, რომ ნებისმიერ მონაწილეს თანაბარი შესაძლებლობა აქვს, ფულადი პრიზებისთვის იბრძოლოს.მთავარია, არ დაგავიწყდეს - ყველა დაგროვილი მონეტა მხოლოდ პირად წარმატებას არ ემსახურება. თითოეული მათგანი საგვარეულოს საერთო შედეგსაც ემატება და ზრდის შანსს, რომ სწორედ შენი გუნდი გადავიდეს ფინალში და მთავარი საპრიზო ფონდისთვის იბრძოლოს.„საგანძურის მარათონის“ ენერგიამ მობაილბანკიდან რეალურ სივრცეშიც გადაინაცვლა. წელს, Tbilisi Open Air-ზე სტუმრებს „საგანძურის მარათონის“ სპეციალური კუთხე დახვდათ, სადაც დღის მისიის შესრულების შემდეგ, ბრენდირებულ საჩუქრებს იღებდნენ. ასე რომ, მარათონი ციფრულ სივრცეს გასცდა და ფესტივალის გამოცდილების საინტერესო ნაწილიც გახდა.წინ კიდევ ბევრი მისია, ყოველდღიური და ყოველკვირეული გამარჯვებული და უამრავი მონეტაა. გახსენი თიბისის მობაილბანკი, შეუერთდი შენს საგვარეულოს და გაარკვიე, ვინ მიაღწევს საგანძურამდე პირველი. (R)

1783666434

გამოცემის თანახმად, სამიტის შედეგად მიღებული ერთგვერდიანი „ანკარის დეკლარაცია“ მხოლოდ ფორმალურ, შაბლონურ ხასიათს ატარებდა. POLITICO ხაზს უსვამს, რომ მიუხედავად იმისა, რომ კულუარებში აშშ-ის პრეზიდენტი დონალდ ტრამპი მოკავშირეებს თავდაცვის ხარჯების ზრდის გამო აქებდა, მედიასთან მან NATO-ს წამყვანი წევრები (ბრიტანეთი, საფრანგეთი, გერმანია, ბელგია და ესპანეთი) მწვავედ გააკრიტიკა ირანის კონფლიქტში არასაკმარისი ჩართულობისა და სავაჭრო პოლიტიკის გამო.სტატიაში აღნიშნულია, რომ NATO-ს გენერალური მდივნის, მარკ რუტეს უდიდესი ძალისხმევა, შეენარჩუნებინა ვაშინგტონის კეთილგანწყობა და სამიტს „მშვიდობიანად“ ჩაევლო - საბოლოოდ რეალური სტრატეგიული გადაწყვეტილებების მიღების ხარჯზე განხორციელდა.განსხვავებით 2022 წლის მადრიდის, 2023 წლის ვილნიუსისა და 2025 წლის ჰააგის სამიტებისგან, სადაც რუსული საფრთხის საპასუხოდ უმნიშვნელოვანესი სამხედრო გეგმები და თავდაცვის ხარჯების მშპ-ის 5%-მდე გაზრდის ინიციატივები დამტკიცდა, ანკარის შეხვედრაზე ახალი დღის წესრიგი არ დასახულა.POLITICO-ს მიმომხილველი მიიჩნევს, რომ ევროპულ ლიდერებს ტრამპის დაშოშმინებაზე ენერგიის ხარჯვის ნაცვლად, უნდა განესაზღვრათ გეგმა, თუ როგორ ჩაანაცვლებს ევროპა ამერიკულ საჰაერო, საზღვაო და სახმელეთო ძალებს, ასევე სადაზვერვო სისტემებს. ვინაიდან აშშ-მა ჯარების გაყვანის პროცესი უკვე დაიწყო, ევროპის წინაშე დგას ახალი რეალობა - ალიანსის მართვის სადავეები ეტაპობრივად საკუთარ თავზე აიღოს და ნაკლებად იყოს დამოკიდებული ვაშინგტონის პოლიტიკურ ციკლებზე.

1783665920

გიორგი შარაბიძემ პრეზენტაციის - „საქართველოს საარჩევნო გამოცდილება - ინსტიტუციური და ტექნოლოგიური განვითარება, ინსტიტუციის წინაშე არსებული გამოწვევები" წარდგენისას საარჩევნო ელექტრონული ტექნოლოგიების დანერგვის წარმატებულ პრაქტიკაზე ისაუბრა. როგორც მან სიტყვით გამოსვლისას აღნიშნა საარჩევნო ადმინისტრაციამ ბოლო ორ საერთო არჩევნებზე ფართო მასშტაბით გამოიყენა ელექტრონული ტექნოლოგიები და ორივე არჩევნების ადმინისტრირება მაღალ პროფესიულ დონეზე, კანონმდებლობისა და საერთაშორისო სტანდარტების შესაბამისად განხორციელდა.მან ასევე ვრცლად ისაუბრა ამომრჩეველთა ინფორმირების, განხორციელებული და დაგეგმილი პროექტების, არჩევნებში ჩართულ მხარეებთან თანამშრომლობისა და ყველა იმ მნიშვნელოვან მიმართულებაზე, რომელსაც ადმინისტრაცია საარჩევნო ელექტრონული ტექნოლოგიების დანერგვის პარალელურად ახორციელებდა.გიორგი შარაბიძის გამოსვლის შემდეგ აქტიური დისკუსია გაიმართა, რომლის ფარგლებშიც მან მონაწილეების კითხვებს ამომწურავად უპასუხა.საერთაშორისო კონფერენციის ფარგლებში სხვადასხვა ქვეყნების საარჩევნო ადმინისტრაციებისა და საერთაშორისო ორგანიზაციების წარმომადგენლებმა სხვა მნიშვნელოვანი საკითხებიც განიხილეს, მათ შორის: საარჩევნო მთლიანობა კენჭისყრის პროცესში, საარჩევნო ადმინისტრაციის მდგრადობა: დამოუკიდებლობა პრაქტიკაში, ამომრჩეველთა ნდობის გაღრმავება საარჩევნო პროცესის მიმართ, ინკლუზიური საარჩევნო გარემო და მისი ხელმისაწვდომობა და ა.შ.საარჩევნო მთლიანობის პროექტის (The Electoral Integrity Project) მიზანია ინოვაციური და საარჩევნო კვლევების ჩატარება მსოფლიოს სხვადასხვა ქვეყნისთვის, რომელსაც ხელმძღვანელობენ კანადისა და ავსტრალიის კვლევითი ორგანიზაციებისა და უნივერსიტეტის სამეცნიერო წრეების წარმომადგენლები.მე-6 ყოველწლიური ვირტუალური საარჩევნო კონფერენცია 6-9 ივლისს გაიმართა.(R)

1783604940