წელს, პირველად, ღონისძიების პირველ ნაწილში, ხუთშაბათის შეხვედრების სპეციალური სესია გაიმართება და ის სპორტისა და ბიზნესის თემატიკას დაეთმობა. ამჯერად, Setanta Sport-ის აღმასრულებელი დირექტორი, ბაჩა მალაზონია, JBS Academy-ს დამფუძნებელი, ლევან ახვლედიანი და სპორტის ჟურნალისტი, ტატო ბაციკაძე მრგვალი მაგიდის ფორმატში ისაუბრებენ თემაზე - „სპორტი, როგორც ბიზნესი“.სპიკერები საქართველოში სპორტის სფეროს განვითარების პერსპექტივასა და სპორტული განათლების მნიშვნელობაზე ისაუბრებენდა მიმოიხილავენ, თუ როგორ უწყობს ხელს სპორტის პოპულარიზაცია ბიზნესინდუსტრიაში ახალი ბიზნესების აღმოჩენას.ხუთშაბათის შეხვედრების სპეციალურ სესიაზე დასასწრებად, რეგისტრაციის წინასწარ გავლა აუცილებელია ბმულზე: თიბისის ბიზნეს დაჯილდოება 2025. ღონისძიებაზე დამსწრეთა რაოდენობა შეზღუდულია. 

1751350666

კამპანიაში მონაწილეობის მიღება შეუძლიათ: იურიდიულ პირებს, რომლებსაც 23 ივნისამდე არ ჰქონიათ ანგარიში საქართველოს ბანკში და 30 სექტემბრამდე დისტანციური არხების მეშვეობით გახსნიან მას. იურიდიულ პირებს, რომლებიც ბიზნესს (შპს ან ინდ. მეწარმე) საქართველოს ბანკის ფილიალში დაარეგისტრირებენ და ბიზნეს ანგარიშს გახსნიან. იურიდიულ პირებს, რომლებსაც 1 აპრილის შემდეგ არ გამოუყენებიათ საქართველოს ბანკის ბიზნეს მობილბანკი ან ინტერნეტბანკი. კამპანიის ფარგლებში მომხმარებელს შესაძლებლობა აქვს, ბიზნესის ციფრული არხებიდან (ბიზნეს ინტერნეტბანკი ან მობილბანკი) გაააქტიუროს ბიზნეს ნაკრები M პაკეტი საკომისიოს გარეშე 3 თვის განმავლობაში. კამპანიაში მონაწილე ბიზნესები ასევე საჩუქრად მიიღებენ MasterCard ბიზნეს ბარათს რომელზეც კამპანიის პერიოდში ნებისმიერ გადახდაზე 2%-იანი ქეშბექი დაერიცხებათ. (მაქსიმუმ 500 ლარამდე); გარდა ამისა, მომხმარებელს ექნება შესაძლებლობა, ორი სარგებლიდან აირჩიოს ერთ-ერთი: საკომისიოს გარეშე გადარიცხვები ეროვნულ ვალუტაში, მათ შორის სახაზინო გადარიცხვებიც; ან საკომისიოს გარეშე გადარიცხვები უცხოურ ვალუტაში. გარდა აღნიშნული სარგებლისა, ყველა მომხმარებელი ავტომატურად ჩაერთვება კამპანიაში სადაც მინიმუმ 50 ლარიან ტრანზაქციებზე შესაძლებლობა აქვთ, შემდეგი ფულადი პრიზები მიიღონ: ყოველი მე-1000 ტრანზაქცია – 100 ლარი; ყოველი მე-10 000 ტრანზაქცია – 12 500 ლარი. გათამაშებაში მონაწილეობს: გადარიცხვები უცხოურ ვალუტაში; გადარიცხვები ეროვნულ ვალუტაში, (მათ შორის სახაზინო გადარიცხვები). საქართველოს ბანკი აქტიურად აგრძელებს ინოვაციური ციფრული სერვისების განვითარებას და ბიზნეს მომხმარებლებისთვის საბანკო მომსახურებაზე წვდომის გამარტივებას. კამპანიის შესახებ დამატებითი დეტალების მისაღებად ეწვიეთ ბმულს.საქართველოს ბანკის ციფრული პროდუქტებით სარგებლობისა და კამპანიაში ჩართვისთვის ბიზნეს მობილბანკი ან გამოიყენეთ ბიზნეს ინტერნეტბანკი.

1751030884

ამავე დროს, შკალაზე მოლოდინების გაუარესების მიუხედავად, ანგარიშში ნათქვამია, რომ 2Q25-ში გამოკითხულმა კომპანიებმა “თავიანთი მიმდინარე მდგომარეობა და მომდევნო ექვსი თვის მოლოდინი დადებითად შეაფასეს”.საანგარიშო პერიოდში, BAG ბიზნეს კლიმატის მაჩვენებელმა 31.7 ქულა შეადგინა, -0.2 ქულა q.q.წლიურად, BAG ბიზნეს კლიმატის შედეგები 6.2 ქულით გაუმჯობესდა. კერძოდ, მიმდინარე მდგომარეობის შეფასება 10.3 ქულით გაუარესდა, ხოლო მომდევნო 6 თვის მოლოდინის შეფასება 23.5 ქულით გაუმჯობესდა.„წინა კვარტალთან შედარებით მცირედი გაუარესების მიუხედავად, BAG ბიზნეს კლიმატის მაჩვენებელი ბუმის ფაზაში იმყოფება“, - აღნიშნულია კვლევაში.გამოკითხვა 2025 წლის 13 - 29 მაისის პერიოდში ჩატარდა.ცნობისთვის, BAG ბიზნეს კლიმატის მაჩვენებელი გამოითვლება BAG-ის წევრებისა და მათ ჯგუფში შემავალი კომპანიების გამოკითხვის საფუძველზე.BAG ბიზნეს კლიმატის მაჩვენებელი წარმოადგენს ბიზნესის მიმდინარე მდგომარეობისა და მომდევნო ექვსი თვის მოლოდინის საბალანსო მნიშვნელობების ტრანსფორმირებულ საშუალოს. BAG ბიზნეს კლიმატის მაჩვენებელი შესაძლოა იყოს -100-სა და +100-ს შორის. +100 ნიშნავს, რომ ყველა გამოკითხული ბიზნესი მიმდინარე მდგომარეობას და მოლოდინს აფასებს დადებითად, ხოლო -100 ნიშნავს, რომ ყველა გამოკითხული ბიზნესი მიმდინარე მდგომარეობას და მოლოდინს აფასებს უარყოფითად.

1750953519

„მამუკასთან და ბადრისთან ვმეგობრობ უკვე რამდენიმე ათეული წელია და ეს არ არის მხოლოდ ბიზნეს-ურთიერთობები. ამიტომ ბუნებრივია, ჩემთვისაც, პიროვნულად და ზოგადადაც, ძალიან გულდასაწყვეტია მათი დაკავების ფაქტი. მე ასე ვხედავ, რომ ეს მათი პოლიტიკური პოზიციის და პრინციპულობის შედეგია, თუმცა მგონია, რომ როდესაც არსებობს შესაძლებლობა, სასამართლომ გამოიყენოს უფრო მსუბუქი ღონისძიება, მაგალითად, ჯარიმა, მამუკას და ბადრის შემთხვევაში, ეს უნდა ყოფილიყო გამოყენებული“, - ამბობს ბიზნესმენი.ამასთან, დავით ბეჟუაშვილმა ხაზი გაუსვა იმასაც, რომ მსგავსი ფაქტების მიმართ ბიზნესგარემო ძალიან სენსიტიურია.„როდესაც უცხოელი ინვესტორები უყურებენ ასეთ ფაქტს, მით უმეტეს როდესაც მამუკაც და ბადრიც, არ ვაჭარბებ მსოფლიო მასშტაბით არიან ცნობილი და უამრავ უცხოურ კომპანიასთან ერთად, ძალიან ბევრი კარგი რამ აქვთ გაკეთებული ჩვენი ქვეყნისათვის, მათი დაკავება, რა თქმა უნდა, ცუდად აისახება ქვეყნის საინვესტიციო პოტენციალზეც და ეკონომიკაზეც; იქ უკვე გარჩევა აღარაა, რა გადაცდომა იყო ჩადენილი. თვითონ ფაქტი უკვე დამაზიანებელია“, - განაცხადა ბიზნესმენმა.BMG

1750932868

ნათია ჯანაშიას და დავით ცეცხლაძის ღია წერილს გენერალური პროკურორის გიორგი გვარაკიძისადმი სრულად გთავაზობთ:„ბატონო გიორგი,მოგმართავთ „ბრიტანულ-ქართული აკადემიისა“ და „თბილისის ბრიტანული საერთაშორისო სკოლის“ დამფუძნებელი პარტნიორები, ნათია ჯანაშია და დავით ცეცხლაძე.არაერთი ღია წერილი მივუძღვენით იმას, თუ როგორ ცდილობს სს „საქართველოს კაპიტალის“ ხელმძღვანელი ირაკლი გილაური, მიიტაცოს ჩვენი ბიზნესი, რომლებიც ჩვენ ავაშენეთ და ვაქციეთ საერთაშორისო სტანდარტების, მაღალი რეპუტაციის მქონე ზოგადსაგანმანათლებლო დაწესებულებებად. ირაკლი გილაურმა კი, გარდა იმისა, რომ მოტყუებით მიიღო ჩვენი 100% წილიდან 70% და არ შეასრულა საინვესტიციო ვალდებულებები, განიზრახა მიეტაცებინა ჩვენი ბიზნესი, რის სისრულეში მოსაყვანადაც, ჯერ დირექტორის თანამდებობიდან უკანონოდ გაათავისუფლა ნათია ჯანაშია, ხოლო შემდეგ ბრუტალური გზებით მოახდინა სკოლის ოკუპაცია. რომ არა ირაკლი გილაურის შესაძლო პირადი გავლენები საჯარო რეესტრზე, სამართალდამცავ ორგანოებსა და სასამართლოზე, სამართლებრივად სწორი გზებით ის ვერ შეძლებდა დირექტორის ცვლილებასა და სასამართლოს გადაწყვეტილებებზე  ზემოქმედებას.ირაკლი გილაურის დავალებით, ძალის გამოყენებითა და პოლიციის უკანონო ჩარევით განხორციელდა სკოლის თანამშრომლების დაშინება და გამოყვანა სკოლის შენობიდან. პირადი კავშირების წყალობით, ირაკლი გილაური განაგრძობს სკოლის ოკუპაციასა და უკანონო ქმედებების ჩადენას. ჩვენ, სკოლის დამფუძნებელ პარტნიორებს, გვიკრძალავს ჩვენ მიერ აშენებულ სკოლაში შესვლას. სკოლის შენობაში შესვლა გვეკრძალება არამხოლოდ, როგორც პარტნიორებს, არამედ, როგორც სკოლის მოსწავლეების მშობლებსაც, რითაც ირაკლი გილაური არღვევს ჩვენი ოთხი არასრულწლოვანი შვილის უფლებებს.გვაქვს საფუძველი ვივარაუდოთ, რომ ირაკლი გილაურის დავალებით, შეგნებულად მიმდინარეობს სკოლისათვის დამაზიანებელი ქმედებების განხორციელება, რათა გვაიძულოს, დავუთმოთ ჩვენი წილი და ამით დაასრულოს ჩვენი ბიზნესის მიტაცების პროცესი. სკოლისათვის დამაზიანებელი ქმედებების განხორციელების ვარაუდს გვიმყარებს ის გარემოებაც, რომ არაერთგზის მოთხოვნის მიუხედავად, სკოლის თვითმარქვია მენეჯმენტი არ გვაწვდის სკოლის საქმიანობასთან დაკავშირებულ ინფორმაციას, რომლის მიღების უფლება, მე, ნათია ჯანაშიას, როგორც 30%-ის მესაკუთრე პარტნიორს, კანონით მაქვს მონიჭებული. აღნიშნულ ქმედებებს ირაკლი გილაური სწორედ მისი უფლებამოსილების ბოროტად გამოყენებით ახორციელებს, რაც გამოიხატება ფიქტიური დირექტორის სახელით მასწავლებლების სამსახურიდან განთავისუფლებაში, არაკვალიფიციური კადრების მენეჯერულ თანამდებობაზე დანიშვნაში, ჩვენი სკოლის მასწავლებლების მისი მმართველობის ქვეშ არსებულ სკოლაში გადაყვანით, რამაც იმოქმედა სკოლის რეპუტაციაზე და შეუქცევადი პროცესი გამოიწვია მოსწავლეების სკოლიდან გადინებაში.ჩვენი ბრძოლა ასევე გრძელდება დიდი ბრიტანეთის გაერთიანებულ სამეფოში, სადაც გილაურის მიერ მართული ბრიტანული კომპანიის აქციები დაშვებულია ლონდონის საფონდო ბირჟაზე. მნიშვნელოვანია ის გარემოებაც, რომ ლონდონში რეგისტრირებული Georgia Capital PLC და საქართველოში რეგისტრირებული სს „საქართველოს კაპიტალი“ ერთი მენეჯმენტის მიერ იმართება და ქართული კომპანიით ოპერირების მიზანი შესაძლო სისხლისსამართლებრივი და სხვა უკანონო ქმედებებიდან გამომდინარე შედეგების ბრიტანული კომპანიისათვის თავიდან აცილებაა. იმავდროულად, გილაური მანიპულირებს ბრიტანული კომპანიით, რომ ლონდონის საფონდო ბირჟაზე დაშვებული კომპანიის საქმიანი რეპუტაციით შევიდეს „საინვესტიციო“ გარიგებებში.უკვე რამდენიმე თვეა ირაკლი გილაურის მიმართ ვითხოვთ გამოძიების დაწყებას პროკურატურის მხრიდან და მის მიერ ჩადენილი დანაშაულებრივი ქმედებების გამოძიებას. გთხოვთ, დროულად მიიღოთ შესაბამისი ზომები, დაიწყოთ გამოძიება და გამოვლენილი გარემოებებიდან გამომდინარე მისცეთ პასუხისგებაში დამნაშავე პირები, რომელთა ქმედებებითაც ყოველდღიურად შეუქცევადი ზიანი გვადგება, როგორც ჩვენ, სკოლის დამფუძნებლებს, ასევე სკოლის მოსწავლეებს და მასწავლებლებს, რომლებიც იძულებულნი არიან ირაკლი გილაურის დანაშაულებრივი ქმედებების გამო სხვა სკოლებში გადავიდნენ, მათ შორის ჩვენი ოთხი არასრულწლოვანი შვილიც“.  (R)

1750926241

თბილისის, მცხეთის და რუსთავის წყალმომარაგების სისტემებისა (gwp) და ენერგეტიკული ობიექტების მმართველმა კომპანიამ Georgian Global Utilities (GGU) EMEA Finance-ის 2024 წლის მიღწევებისა და პროექტების დაფინანსების საერთაშორისო დაჯილდოვებებზე ორ მნიშვნელოვან ნომინაციაში გაიმარჯვა: საუკეთესო მწვანე ობლიგაცია ცენტრალურ და აღმოსავლეთ ევროპაში საუკეთესო გარიგება წყლის სექტორში ცენტრალურ და აღმოსავლეთ ევროპაში ,,Aqualia-სთვის ეს ორი ჯილდო მკაფიო დადასტურებაა იმისა, რომ კომპანია როგორც საერთაშორისო დონეზე, ისე საქართველოში განაგრძობს განვითარებას და ზრდის საინვესტიციო შესაძლებლობებს. განსაკუთრებით მნიშვნელოვანი იყო მწვანე ობლიგაციების გამოშვება, რაც გვაძლევს შესაძლებლობას გავაძლიეროთ მდგრადობისკენ მიმართულ პროექტებზე მუშაობა და უზრუნველვყოთ მათი გრძელვადიანი გაგრძელება.  ჩვენი პროექტი საქართველოში გათვლილია ხანგრძლივ პერიოდზე და მისი წარმატებისთვის აუცილებელია საკმარისი ფინანსური რესურსებისა და ინვესტირების შესაძლებლობების არსებობა. საქართველოს წყალმომარაგების განვითარების გენერალური გეგმა ძალიან მასშტაბურია, და სწორედ ამ სახის დაფინანსება გვიქმნის შესაძლებლობას, რომ მომდევნო წლების განმავლობაში ძირითადი ინდიკატორების კიდევ უფრო გაუმჯობესება შევძლოთ", - სანტიაგო ლაფუენტე პერეს ლუკასი, FCC Aqualia-ს აღმასრულებელი დირექტორი.,ეს არის ჩვენი ერთობლივი შრომის დიდი აღიარება — როგორც საქართველოში, ისე საერთაშორისო დონეზე. ჩვენ დიდი ძალისხმევას ვწევთ, რათა საქართველოს წყალმომარაგების პროექტი წარმატებით განვახორციელოთ და დაგეგმილ მიზნებს მივაღწიოთ. Aqualia-სთვის საქართველოს წყლის სექტორის განვითარება სტრატეგიული მიმართულებაა და ეს ჯილდოც ნათლად ასახავს ჩვენს ძალისხმევას. რაც შეეხება დაფინანსებას, ეს ძალიან მნიშვნელოვანი ინსტრუმენტია ჩვენი საინვესტიციო პროგრამების განსახორციელებლად. მსგავს პროექტებს სოლიდური ფინანსური რესურსები სჭირდება, ხოლო ის ფაქტი, რომ მოვახერხეთ ასეთი მასშტაბური ინვესტიციის მოზიდვა, ჩვენი მადრიდის და თბილისის გუნდების მჭიდრო თანამშრომლობის დამსახურებაა", - ხოსე ენრიკე ბოფილ მაესტრე, FCC Aqualia -ს რეგიონული დირექტორი.GGU ჯგუფმა EMEA Finance-ის პრესტიჟული ჯილდოები 2024 წლის ივლისში 300 მილიონი აშშ დოლარის ღირებულების მწვანე ობლიგაციების წარმატებული გამოშვებასა და განთავსებას უკავშირდება - გარიგებამ მნიშვნელოვანი წვლილი შეიტანა როგორც ქვეყნის კაპიტალის ბაზრების განვითარებაში, ისე წყალმომარაგების სექტორის მდგრად გაუმჯობესებაში.,,მწვანე ობლიგაციებით მოზიდული რესურსები არის ძალიან მნიშვნელოვანი ნაბიჯი და  მყარი საფუძველი მომდევნო წლების გეგმებისათვის. ეს დაფინანსება GGU-ს მისცემს შესაძლებლობას განახორციელოს მასშტაბური ინვესტიციები ინფრასტრუქტურის გაუმჯობესების მიმართულებით — მათ შორის ქსელის ეფექტიანობის ზრდის, სათავე ნაგებობების მოდერნიზებისა და მომსახურების ისეთი ტექნიკური გადაწყვეტების დანერგვაში, რომლებიც ენერგომოხმარების კუთხით უფრო ეფექტიანია. გასაკეთებელი ბევრია — ინვესტიციებიც სოლიდურია — მაგრამ ჩვენი მიზანია GGU ჯგუფის ამჟამინდელი მდგომარეობა დავაახლოოთ იმ სტანდარტებთან, რაც უკვე წარმატებით გვაქვს დანერგილი სხვა ქვეყნებში", - ისიდორო ანტონიო მარბან ფერნანდესი,  FCC Aqualia-ს ფინანსური დირექტორი.,,ეს აღიარება ჩვენთვის, პირველ რიგში, ნიშნავს ჩვენი ობლიგაციების მფლობელების, ფინანსური ინსტიტუტებისა და ინვესტორების მხარდაჭერასა და ნდობას. საერთაშორისო ფინანსური ორგანიზაციები — EBRD, IFC, ADB, DEG და სხვა ინვესტორები, გვეუბნებიან, რომ ისინი ხედავენ პროექტის დიდ პოტენციალს საქართველოში, და, ასევე, აფასებენ კომპანიის ძლიერ მხარეებსა და პროფესიონალურ შესაძლებლობებს. ეს ჯილდოები ხაზს უსვამს მათ მხარდაჭერას ჩვენი ხედვის მიმართ, რაც გულისხმობს მწვანე პროექტების მეშვეობით საქართველოს წყალმომარაგების სისტემის მოდერნიზებას და მდგრადი მოდელის ჩამოყალიბებას", - ხოსე მიგელ სანტოს გონსალესი, gwp-ს გენერალური დირექტორი.დაჯილდოების ღონისძიებას ლონდონში ესწრებოდნენ FCC Aqualia-ს  აღმასრულებელი დირექტორი - სანტიაგო ლაფუენტე პერეზ ლუკას; რეგიონალური  დირექტორი - ხოსე ენრიკე ბოფილ მაესტრე; ფინანსური დირექტორი - ისიდორო ანტონიო მარბან ფერნანდესი; gwp-ს გენერალური დირექტორი ხოსე მიგელ სანტოს გონსალესი; GGU-ს  მრავალწლიანი პარტნიორი და წამყვანი ინვესტორი EBRD და სხვა მოწვეული სტუმრები.

1750852351

აუქციონი 2025 წლის 18 ივნისს Prozorro.Sale პლატფორმაზე ჩატარდა, რომელშიც მონაწილეობა მიიღო ხუთმა კომპანიამ.ყოფილი დეველოპერისგან - „უკრბუდისგან“ განსხვავებით, სახელმწიფო კონცერნს არ აქვს კავშირი დაუსრულებელ სამშენებლო პროექტებთან და კანონმდებლობით გათვალისწინებული შესაბამისი პროცედურების გავლის შემდეგ ახალ ინვესტორს გადაეცემა როგორც „სუფთა აქტივი“.ახალი მფლობელი, თავის მხრივ, სტრატეგიული გეგმით შემოდის, რაც Ukrbud-ის მოდერნიზაციაში დამატებით ინვესტირებას, მენეჯმენტის თანამედროვე სტანდარტების დანერგვასა და ბიზნეს პროცესების გაციფრულებას გულისხმობს.ამასთან, უკრაინაში კომპანიას უკვე განხორციელებული აქვს ინვესტიციები საპორტო ინფრასტრუქტურაში, ფარმაცევტულ ინდუსტრიაში, ენერგეტიკაში, ასევე საერთაშორისო პარტნიორებთან ერთად - კიევის ამერიკულ უნივერსიტეტში.Ukrbud განიხილება, როგორც პლატფორმა ომის შემდგომი ინფრასტრუქტურის აღსადგენად.„ჩვენთვის ეს არ არის უბრალოდ ინვესტიციები — ეს არის წვლილი უკრაინის მდგრად განვითარებაში“, - აცხადებენ კომპანიაში. 

1750773764

მომხმარებლებისთვის მომსახურების ხარისხის გასაუმჯობესებლად 2025 წელს კომპანია  უპრეცედენტოდ დიდ - 126 მილიონი ლარის  ინვესტიციას განახორციელებს.ინვესტირება განხორციელდება წყლისა და წყალარინების ამორტიზებული ქსელების რეაბილიტირების, მსხვილი ინფრასტრუქტურული პროექტების, ტექნიკური და ტექნოლოგიური განახლებებისა და ენერგეტიკის მიმართულებებით.წყალმომარაგების დარგში არსებული გამოწვევები, როგორიცაა სისტემის სტაბილურობა და ქსელების მდგომარეობა, არაერთი მიმართულებით მასშტაბურ ინვესტიციას საჭიროებს, შესაბამისად, ჯივიპი ახორციელებს პროექტებს, რომლებიც მომხმარებლებისთვის წყალმომარაგების სერვისის ეტაპობრივ გაუმჯობესებას უზრუნველყოფს.ჯივიპის სამოქმედო გეგმის პრიორიტეტი კრიტიკულ მდგომარეობაში მყოფი ქსელების განახლებაა.  სწორედ ამ მიმართულებით  2025 წელს  ჯამში 63 მილიონი ლარი დაიხარჯება და 66 სარეაბილიტაციო პროექტი განხორციელდება. თბილისში, რუსთავსა და მცხეთაში  წყალსადენისა და წყალარინების ქსელზე  უკვე დასრულდა 15 სარეაბილიტაციო პროექტი და განახლდა 11,5 კმ სიგრძის ქსელი, მათ შორის, თბილისში  - ვასაძის, ჩოლოყაშვილი-წერეთლის, ლიახვის, აწყურის, კაპანაძეების ქუჩები, რუსთავში - ხრამის მაგისტრალური წყალსადენის I ეტაპი.2025 წლიდან აქტიურად მიმდინარეობს ცხელი წერტილების იდენტიფიცირება-რეაბილიტაციის პროექტი, რომელიც  ქსელზე არსებული დაზიანებული მონაკვეთების განახლებას ემსახურება. პროექტის ფარგლებში უკვე დაიდენტიფიცირდა წყალმომარაგებისა და წყალარინების ქსელის ყველაზე ხშირად დაზიანებადი 100-მდე მონაკვეთი და დაიგეგმა მათი ოპერატიული განახლება. აღნიშნული მიმართულებით წლის განმავლობაში 1.5 მილიონი ლარის ინვესტიცია განხორციელდება.კომპანიაში მიმდინარე პროექტებს შორის აღსანიშნავია წყალმომარაგების ქსელში წყლის წნევების რეგულირების მიმართულება, რომელიც წყლის რესურსების ოპტიმალურ მართვასა და დანაკარგების შემცირებას ემსახურება. პროექტი მნიშვნელოვნად ამცირებს  ქსელების ავარიულად დაზიანების რისკს. განხორციელებული სამუშაოების შედეგად ავლაბრის, ნავთლუღის, სოფელ დიღმისა და ვარკეთილი ზემო პლატოს არეალებში ავარიული დაზიანებების რიცხვი 50%-ით, ხოლო წყლის დანაკარგები 41%-ით შემცირდა.ქსელის ავარიული დაზიანებებისა და წყალმომარაგების შეზღუდვის არეალების შესამცირებლად მნიშვნელოვან სამუშაოებს ატარებს ჯივიპის მოდერნიზებული საოპერაციო ცენტრები. სამუშაოების ფარგლებში წყალმომარაგების ქსელზე დამონტაჟდა 444 ჩამკეტ-მარეგულირებელი ურდული და 30 აკუსტიკური ლოგერი, ამასთანავე ქსელის ავარიული აღდგენის ფარგლებში კაპიტალურად განახლდა 13 კილომეტრამდე სიგრძის ქსელი.მოძველებული ქსელების განახლების პარალელურად,  ჯივიპი აქტიურად მუშაობს წყალმომარაგების სისტემის მართვის თანამედროვე ტექნოლოგიების დანერგვასა და მოდერნიზებაზე. პარალელურად წარმატებით მიმდინარეობს წყალმომარაგების სისტემების გაციფრულება და ავტომატიზაცია.განხორციელებული ინვესტიციებისა და სტრატეგიული პროექტების შედეგად, კომპანიამ მნიშვნელოვან შედეგებს მიაღწია საპილოტე არეალებში, კერძოდ, ქალაქ რუსთავში, თბილისის ზედა ზონებსა და ისანი-სამგორის რაიონში, სადაც მნიშვნელოვნად შემცირდა წყალმომარაგების შეზღუდვის დრო და არეალები, ქსელის ავარიული დაზიანებების რაოდენობა და წყლის დანაკარგები.გარდა უშუალოდ წყალმომარაგების მომსახურებისა, კომპანიისთვის მნიშვნელოვანია მომხმარებელთან კომუნიკაცია და მათთვის თანამედროვე სერვისის შეთავაზება. სწორედ ამ მიზნით დაინერგა განახლებული ვებგვერდი, რომელიც ჯივიპის აბონენტებს მისცემს შესაძლებლობას უმოკლეს დროში მიიღონ ინფორმაცია და გამარტივებულად, დისტანციურ რეჟიმში ისარგებლონ კომპანიის სერვისებით.

1750683212

კერძოდ, GCCA-ის მიერ შესწავლილი მასალების მიხედვით დადგინდა, რომ:1. მოვაჭრე ყიდის პროდუქციას, რომელიც ვიზუალურად და შეფუთვით Apple Inc.-ის ორიგინალურ პროდუქციას ჰგავს, თუმცა არ არის Apple-ის ნაწარმი, რაც მომხმარებლებს ნივთის შეძენისას არ განემარტება. აღნიშნული ქმედება მაღალი ალბათობით ქმნის მომხმარებელთა ჯგუფის შეცდომაში შეყვანის საფრთხეს, რადგან მომხმარებელი ვერ იღებს სწორ ინფორმაციას პროდუქტის წარმომავლობის შესახებ.2. ასევე, საგარანტიო დოკუმენტაციაში, საქონლის ბრენდისა და დასახელების გრაფაში ფიქსირდება სიტყვა "Apple", თუმცა მოვაჭრის განმარტებით, ის კომპანია Apple Inc.-ის მიერ წარმოებული ორიგინალი პროდუქციით არ ვაჭრობს.კანონმდებლობის შესაბამისად, ზემოაღნიშნული კომერციული საქმიანობა წარმოადგენს კანონით აკრძალულ ქმედებას. მოვაჭრის შესაბამისი ქცევა შესაძლოა იწვევდეს ან სამომავლოდ გამოიწვიოს მომხმარებლის შეცდომაში შეყვანა, მოტყუება.  მნიშვნელოვანია აღინიშნოს, რომ საქონლის მომსახურების შეძენამდე, ინფორმირებული არჩევანის ფარგლებში, მომხმარებლის უფლებაა - შესყიდვის შესახებ მიიღოს სრული, უტყუარი და ამომწურავი ინფორმაცია - სახელმწიფო ენაზე მკაფიოდ და გასაგებად. აღნიშნული უფლების დარღვევა ეწინააღმდეგება სამართლიანი და გამჭვირვალე სავაჭრო პრაქტიკის პრინციპებს.შესაბამისად, სააგენტოს გადაწყვეტილებით, კანონდარღვევის აღმოფხვრის მიზნით, მოვაჭრეს დაევალა - 1 თვის ვადაში,მომხმარებელთა დარღვეული უფლებები აღადგინოს და  თავისი სავაჭრო პოლიტიკა კანონის შესაბამის მუხლებს შეუსაბამოს.

1750667308

1Q25 -ში გამოკითხული კომპანიების უმეტესობას მომდევნო 3 თვეში დასაქმების მიმართულებით დადებითი მოლოდინები აქვს, თუმცა დასაქმების ბარომეტრი შემცირებულია როგორც წინა კვარტალთან, ასევე წინა წლის შესაბამის კვარტალთან შედარებით.ბიზნესის მოლოდინები ხელფასებისა და დასაქმებულთა რაოდენობის შესახებ: გამოკითხული კომპანიების 40%-მა 1Q25 -ში ხელფასები გაზარდა (92%-მა - 0-20%-ით, ხოლო 8%-მა - 20-40%-ით), თუმცა მხოლოდ 18%-მა განაცხადა, რომ გეგმავს ხელფასების გაზრდას მომდევნო კვარტალში. აღსანიშნავია ისიც, რომ გამოკითხულ კომპანიათა 23%-ში დასაქმებულთა რაოდენობა გაიზარდა, ხოლო 29% ელის დასაქმებულთა რაოდენობის ზრდას მომდევნო კვარტალში.შრომის ბაზრის სრულფასოვანი ანალიზისთვის მნიშვნელოვანია ბიზნესის დასაქმებასთან დაკავშირებული მოლოდინების გათვალისწინებაც. 1Q25 -ში გამოკითხულ ბიზნესებს მომდევნო სამ თვეში დასაქმების მიმართულებით დადებითი მოლოდინები აქვთ, თუმცა BAG-ის დასაქმების ბარომეტრი შემცირდა როგორც 4Q24 -თან (4.0 ქულით), ასევე 1Q24- -თან შედარებით (20.3 ქულით).BAG-ის დასაქმების ბარომეტრის მაჩვენებელი 1Q25 -ში ყველა სექტორში დადებითია, თუმცა წინა კვარტალთან შედარებით მშენებლობის (14.1 ქულით), მრეწველობისა (6.5 ქულით) და ვაჭრობის (5.5 ქულით) სექტორებში გაუარესდა, ხოლო მომსახურების სექტორში მცირედით (1.3 ქულით) გაიზარდა.გამოკითხული კომპანიების 40%-მა 1Q25 -ში თანამშრომლების ხელფასი გაზარდა, რაც წინა კვარტალთან შედარებით მნიშვნელოვნად გაზრდილი მაჩვენებელია, თუმცა 1Q24 -თან შედარებით ნაკლებია. მათგან 92%-მა ხელფასები 0-20%-ით გაზარდა, ხოლო 8%-მა - 20-40%-ით. 2Q25 -ში კი კომპანიების 18% გეგმავს თანამშრომლების ხელფასების გაზრდას.შეგახსენებთ, BAG დასაქმების ბარომეტრი გამოითვლება BAG-ის წევრებისა და მათ ჯგუფში შემავალი კომპანიების გამოკითხვის საფუძველზე. იგი ასახავს კომპანიების მოლოდინს მომავალ სამ თვეში დასაქმების სავარაუდო ცვლილების შესახებ. კომპანიებს შეუძლიათ დასაქმებულთა რაოდენობის შესახებ მომდევნო სამი თვის გეგმები აღწერონ, როგორც „მზარდი“, „სტაბილური“ ან „კლებადი“. ამ გეგმების საბალანსო მნიშვნელობა გამოითვლება პასუხების – „მზარდისა“ და „კლებადის“ – წილებს შორის სხვაობითა და სექტორების მიხედვით შეწონვით. BAG ბარომეტრის მნიშვნელობა მერყეობს -100-დან +100-მდე. -100 ნიშნავს, რომ ყველა კომპანია მოელის დასაქმებულთა რაოდენობის შემცირებას, ხოლო +100 ნიშნავს, რომ ყველა კომპანია მოელის - ზრდას.

1750429759