ახალი iPhone 16e ქართულ დახლებზე მარტის შუა რიცხვებიდან გამოჩნდება

ტრივია სპეციალურად სკოლის მოსწავლეებისთვის შეიქმნა და მათ ცოდნის გაღრმავებასა და ინტელექტუალური უნარების განვითარებაში ეხმარება. თამაში ორ ასაკობრივ ჯგუფზე - 6-13 და 14-18 წლის მონაწილეებზე არის მორგებული.ტრივიას კითხვები ყოველ კვირას განსხვავებულ თემებს მოიცავს, მათ შორის: ტექნოლოგიებს, STEM, ფინანსური განათლებას, გეოგრაფიასა და პოპ კულტურას. თამაშის განმავლობაში,მონაწილეებმა ყოველდღიურად ხუთ კითხვას უნდა უპასუხონ, რითაც ვარსკვლავებსა და მონეტებს დააგროვებენ. მონეტების გამოყენება შესაძლებელია ტრივიას მარკეტში, სადაც მოსწავლეებს ბიბლუსის, პეპელას, XS toys-ის ვაუჩერები, ასევე საქართველოს ნაკრების ფეხბურთის მაისურები და სხვა საჩუქრები დახვდებათ.ახალ სეზონზე საქართველოს ბანკი მოსწავლეებს შესაძლებლობას აძლევს, საკუთარი სკოლა დაამატონ და კლასელებთან ერთად იასპარეზონ. თამაშის ბოლოს კი, ლიდერბოდზე მთელი ქვეყნის მასშტაბით ტოპ 10 სკოლა გამოჩნდება.გარდა ამისა, მოსწავლეებს შეუძლიათ მეგობრების მოწვევა – თითო მოწვეული მეგობრისთვის კი 5 მონეტას (მაქსიმუმ 25 მონეტა) მიიღებენ.ინფორმაციისთვის, sCoolApp-ს ყოველდღიურად უკვე 185,000-ზე მეტი ბავშვი იყენებს. თუ თქვენს შვილს sCoolApp ჯერ არ აქვს, გადმოწერეთ მარტივად, ჩაერთეთ თამაშში და მიეცით შანსი, ცოდნა ნამდვილ საგანძურად აქციოს!(R)

1775485322

500 Global in Eurasia-ს მეათე ნაკადის ფარგლებში შერჩეული სტარტაპები 12-კვირიან ინტენსიურ აქსელერაციის პროგრამას გაივლიან, რომლის განმავლობაშიც ისინი იმუშავებენ საერთაშორისო გამოცდილების მქონე მენტორებთან. მონაწილეები მიიღებენ როგორც თეორიულ ცოდნას, ისე პრაქტიკულ გამოცდილებას, გაეცნობიან ინსტრუმენტებს საკუთარი სტარტაპების სწრაფი ზრდის, მარკეტინგის, პროდუქტის დიზაინის, გაყიდვებისა და მასშტაბირებისთვის საჭირო საკითხების შესახებ. ამასთანავე, მონაწილეებს ექნებათ წვდომა 500 Global-ის საერთაშორისო ქსელთან, რაც ხელს შეუწყობს მათ სწრაფ ზრდასა და განვითარებას.მეათე ნაკადში მონაწილეობას 6 ქვეყნის 10 სტარტაპი მიიღებს. მათ შორის არიან:Cerberus - კიბერუსაფრთხოების სფეროს ინოვაციური ტექნოლოგია, რომელიც შესაძლებლობას აძლევს კომპანიებს, აღმოაჩინონ კიბერ დაცვაში სუსტი მხარეები 100-ჯერ უფრო სწრაფად.Clinovas - ჯანდაცვის სფეროსთვის შექმნილი ხელსაწყო, რომელიც ხელოვნური ინტელექტის გამოყენებით ავტომატიზაციას უწევს კლინიკურ კვლევებში პაციენტების რეკრუტირებას. ამასთან, პაციენტების კვლევებთან შესაბამისობის დადგენას თვეების ნაცვლად რამდენიმე წუთში ახდენს.ComplyBridge Inc. - ხელოვნურ ინტელექტზე დაფუძნებული პლატფორმა, რომელიც ახდენს  ფინანსური შესაბამისობის (compliance), ლიცენზირების, მომხმარებელთა ონბორდინგისა და იდენტობის ვერიფიკაციის ავტომატიზებას.MaiCall - MaiCall არის ხმოვანი AI აგენტი და ვერტიკალური SaaS პლატფორმა სესხების მართვისთვის, რომელიც ავტომატიზაციას უწევს ადამიანის-მსგავს კომუნიკაციას, რათა პროცესი გახდეს უფრო სწრაფი და ეთიკური.Mybots.pro - Mybots ქმნის ინტელექტუალური AI აგენტების პლატფორმას - გაყიდვების წარმომადგენლებს, კონსულტანტებს, ანალიტიკოსებს და სხვა ტიპის AI აგენტებს - რომლებიც მორგებულია სხვადასხვა ბიზნესის - მცირე კომპანიებიდან მსხვილ კორპორაციულ კლიენტებამდე - ამოცანებსა და საჭიროებებზე.Resti - ხელოვნურ ინტელექტზე დაფუძნებული პლატფორმა, რომელიც ეხმარება რესტორნებსა და კაფეებს ოპერაციების გამართულად მართვაში - HR-იდან და სახელფასო სისტემიდან დაწყებული, ფინანსებითა და ყოველდღიური ოპერაციებით დამთავრებული.Whisperr - ავტონომიური AI პლატფორმა, რომელიც პროგნოზირებს მომხმარებლის გადინებას და მართავს პერსონალიზებულ ჩარევებს, რათა მაქსიმალურად გაზარდოს მომხმარებლის შენარჩუნება SaaS, ელექტრონული კომერციისა და სააბონენტო ბიზნესებისთვის.CaseLens - ავტომატიზაციას უწევს ქეისების ანალიზს დოკუმენტებით დატვირთული არბიტრაჟისა და სამართალწარმოების პროცესებისთვის.Evermuse - ეხმარება სწრაფად მზარდ SaaS გუნდებს პროდუქტის გადაწყვეტილებების „ბოთლნეკის“ გადალახვაში, მომხმარებელზე დაფუძნებული მიგნებების დროული მიწოდებით Slack-ში, Cursor-ში, Claude Code-ში, GitHub-ში და ყველა იმ სივრცეში, სადაც გუნდი მუშაობს.Karpatia Benefits - საერთაშორისო თანამშრომლებისგან დაკომპლექტებული გუნდებისთვის შექმნილი ბენეფიტების პლატფორმა, რომელშიც ჩაშენებულია ონლაინ სავაჭრო სივრცე,  რომელიც ზრდის ჩართულობას.ინფორმაციისთვის, 500 Global in Eurasia საქართველოში 2020 წლიდან 500 Global-ის მიერ, საქართველოს ბანკთან და საქართველოს ინოვაციების და ტექნოლოგიების სააგენტოსთან (GITA) თანამშრომლობით ხორციელდება. 2022 წელს ორგანიზაციებს შორის გაფორმდა ოთხწლიანი თანამშრომლობის ხელშეკრულება, რომლის ფარგლებშიც, ინტენსიური გადამზადების კურსი საქართველოში წელიწადში ორჯერ იმართება.მასში მონაწილეობის მიღება შეუძლიათ სტარტაპებს აღმოსავლეთ ევროპის, კავკასიის და ცენტრალური აზიის ქვეყნებიდან, რომლებსაც აქვთ სურვილი, მიიღონ ცოდნა დარგის ექსპერტებისგან და მოახდინონ ბაზარზე სწრაფი მასშტაბირება. ინიციატივის ფარგლებში, უკვე გადამზადდა 15-ზე მეტი ქვეყნის 100-ზე მეტი სტარტაპი.დამატებითი ინფორმაციის მისაღებად ეწვიეთ ვებგვერდს 500 Global in Eurasia.500 Global-ის შესახებ:500 Global არის გლობალური ვენჩურული საინვესტიციო კომპანია, რომელიც, 2.4 მილიარდიან აქტივებს მართავს. იგი ინვესტიციას ახორციელებს სწრაფად მზარდ ტექნოლოგიურ სტარტაპებში. 500 Global მჭიდროდ თანამშრომლობს ეკოსისტემის მთავარ მონაწილეებთან და კონსულტაციას უწევს გადაწყვეტილების მიმღებ მხარეებს, შექმნან ისეთი სამეწარმეო ეკოსისტემა, რომელშიც სტარტაპებს ექნებათ სწრაფი განვითარების შესაძლებლობა. დღემდე 500 Global-მა მხარი დაუჭირა 5000-ზე მეტ დამფუძნებელს და 2 900-ზე მეტ კომპანიას, 80+ ქვეყნიდან. მისი პორტფოლიო მოიცავს 35-ზე მეტ კომპანიას, რომელთა ღირებულება 1 მილიარდ დოლარზე მეტია და 160+ კომპანიას, რომელთა ღირებულება 100 მილიონ დოლარს აღემატება (მათ შორის არის კერძო, საჯარო და “exited” კომპანიები). 500 Global-ის გუნდი 25 ქვეყნიდან, 150+ წევრს აერთიანებს, რომლებსაც წამყვან ტექნოლოგიურ კომპანიებში მუშაობის გამოცდილება აქვთ.(R)

1775483925

საქართველოს ბანკის იდეათეკები ქვეყნის მასშტაბით უკვე 11 რეგიონის 27 სკოლაში ფუნქციონირებს და 20 000-ზე მეტი მოსწავლისთვის ქმნის განათლების შესაძლებლობებს.თანამედროვე იდეათეკები აღჭურვილია მრავალფეროვანი ბიბლიოთეკით, ზოგადი და სასკოლო საგანმანათლებლო რესურსით, კომპიუტერებით, პროექტორით და STEM კუთხით, სადაც ახალგაზრდებს აქვთ შესაძლებლობა, გაეცნონ საბუნებისმეტყველო მეცნიერებების საფუძვლებს, ჩაატარონ მარტივი, სახალისო ექსპერიმენტები და თეორიული ცოდნა პრაქტიკულ გამოცდილებად აქციონ, რაც დაეხმარება მათ, გადადგან პირველი ნაბიჯები დიდი აღმოჩენებისკენ.ინფორმაციისთვის, იდეათეკების პროექტი საქართველოს ბანკის ინიციატივით და ქართული წიგნის ინსტიტუტთან პარტნიორობით, 2019 წლიდან ხორციელდება. ამჯერად, გორის N3 საჯარო სკოლაში თანამედროვე ბიბლიოთეკა კომპანია Bolero & Co-სთან თანამშრომლობით გაიხსნა.ახალგაზრდების მხარდაჭერის მიზნით, საქართველოს ბანკის CSR მიმართულებისთვის უკვე 5 წელზე მეტია განათლება პრიორიტეტია. სწორედ ამიტომ, ბანკი 40-ზე მეტ საგანმანათლებლო პროექტს ახორციელებს და უჭერს მხარს, რითაც 500 000-ზე მეტი მოსწავლისთვის, სტუდენტისა და ახალგაზრდა პროფესიონალისთვის ქმნის განათლების შესაძლებლობას. ბანკის CSR მიმართულების პორტფელი მოიცავს ისეთ საგანმანათლებლო პროექტებს, როგორებიც არის: საქართველოს ბანკის სტიპენდიები; გიორგი ჩახავას სახელობის სტიპენდია; დიდ ბრიტანეთში, აშშ-სა და გერმანიაში სწავლის სრული დაფინანსება; იდეათეკები – საქართველოს ბანკის ბიბლიოთეკების პროექტი; საქართველოს ბანკისა და კომაროვის ერთობლივი პროექტი – STEM სკოლა; საქართველოს ბანკის ოლიმპიადები მოსწავლეებისთვის: STEM ოლიმპიადა, ეკონომიკის ოლიმპიადა, Kings-ის ფინანსური განათლების ოლიმპიადა, ევერესტი. ამასთან, საჯარო მეტყველების კონკურსი, და სხვა.საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს csr.bog.ge(R)

1775478690

მთავარი მოთხოვნა IT სფეროში მინიმუმ 2-წლიანი შრომითი ან ეკონომიკური საქმიანობის გამოცდილების დადასტურებაა. გარდა ამისა, დაწესდა მინიმალური სახელფასო ზღვარიც - პირი ბოლო 1 წლის განმავლობაში ამავე სექტორში მიღებული შემოსავლით უნდა ადასტურებდეს, რომ მისი წლიური ანაზღაურება 25 000 აშშ დოლარზე (ეკვივალენტი ლარში) ნაკლები არ არის.ამასთან, წარდგენილი დოკუმენტაციით უნდა დასტურდებოდეს ანაზღაურების მიღება ბოლო 1 წლის განმავლობაში არანაკლებ ორჯერ, სულ მცირე, 30-დღიანი ინტერვალით.ბინადრობის ნებართვის მისაღებად საჭირო დოკუმენტაციის სრული ჩამონათვალი ასეთია: განცხადება: დადგენილი ფორმის განცხადება, სადაც მითითებული უნდა იყოს დასაქმების ხელშეწყობის სახელმწიფო სააგენტოს მიერ მინიჭებული უნიკალური კოდი პირადობის დამადასტურებელი საბუთები: უცხოელის სამგზავრო დოკუმენტისა და საქართველოში კანონიერად ყოფნის დამადასტურებელი საბუთის ასლები გამოცდილებისა და შემოსავლის ცნობები: IT სფეროში მუშაობის 2-წლიანი სტაჟისა და წლიური 25 000-დოლარიანი შემოსავლის დამადასტურებელი დოკუმენტები სამუშაო ნებართვა: გადაწყვეტილება შრომითი საქმიანობის უფლების გაცემის თაობაზე ტექნიკური დეტალები: ფერადი ფოტოსურათი (3/4, ელექტრონული ფორმით) და მომსახურების საფასურის გადახდის ქვითარი

1775478070

თეირანმა ტრამპს მას შემდეგ უპასუხა, რაც მან პირობა დადო, რომ დაარტყამდა ირანის სამოქალაქო ინფრასტრუქტურას, მათ შორის ელექტროსადგურებსა და ხიდებს, თუკი არ იქნება მიღწეული შეთანხმება სტრატეგიულად მნიშვნელოვანი საზღვაო გზის გახსნის შესახებ. პოსტი პრეზიდენტმა საკუთარ პლატფორმა Truth Social-ზე გამოაქვეყნა.„სამშაბათი ირანში იქნება ელექტროსადგურების დღე და ხიდების დღე, ყველაფერი ერთად“, - დაწერა მან. „ამის მსგავსი არაფერი გინახავთ! გახსენით ეს დაწყევლილი სრუტე, თქვე გიჟო ნაბიჭვრებო, თორემ ჯოჯოხეთში იცხოვრებთ - უბრალოდ უყურეთ!“ტაილანდში ირანის საელჩომ პრეზიდენტს მიანიშნა, რომ საკუთარი „ენისთვის“ მიეხედა, ხოლო ავსტრიაში თეირანის საელჩომ დაწერა: „როდესაც მას უსმენთ, თვალები დახუჭეთ... თქვენ თითქმის შეგიძლიათ დაინახოთ ქვის ხანის პირველყოფილი ადამიანი ზებრის ტყავში, რომელიც კომბალს იქნევს და სიველურეს ყოველდღიურობასავით ეპყრობა“.ინდოეთში ირანის საელჩომ განაცხადა: „გინება და შეურაცხყოფის მიყენება ისეა, როგორც წაგებული და გათამამებული ბავშვები იქცევიან“. ფინეთში თეირანის საელჩომ კი აღნიშნა, რომ ტრამპის პოსტმა აჩვენა მისი „უცოდინარობა სოციალური მედიის სათანადო ეტიკეტსა და მორალში“.X-ის კიდევ რამდენიმე სხვა ანგარიში, რომლებიც თავს სხვადასხვა ქვეყანაში ირანის საელჩოებად ასაღებდნენ, ასევე შეუერთდნენ ამ ტროლინგს. თუმცა, მაშინ როცა ავსტრიის, ინდოეთისა და ფინეთის საელჩოებს ჰქონდათ ნაცრისფერი ნიშნები (grey ticks), რაც მათ ოფიციალურ სტატუსზე მიუთითებს, სხვების დაუყოვნებლივ ვერიფიცირება ვერ მოხერხდა.Politico-ს ცნობით, ვაშინგტონი და ისრაელი უკვე ხუთი კვირაა ირანის წინააღმდეგ ომს აწარმოებენ, რაც ქვეყნის ხელმძღვანელობის მკვლელობებსა და სამხედრო ინფრასტრუქტურის განადგურებას გულისხმობს.კონფლიქტმა, რომელმაც თეირანის მიერ ჰორმუზის სრუტეში ნავთობის გადაზიდვის კრიტიკული გზების ჩაკეტვის გამო გლობალური ენერგეტიკული ბაზრები შეარყია, ჯერჯერობით დასასრული არ უჩანს, მიუხედავად იმისა, რომ ტრამპმა მიანიშნა ირანის რეჟიმთან შეთანხმების მოახლოებაზე.

1775476502

აზერბაიჯანის პრეზიდენტმა მიულოცა საქართველოს მთავრობას „თვალსაჩინო ეკონომიკური მიღწევები“ და აღნიშნა, რომ ქვეყანაში შექმნილია მიმზიდველი გარემო უცხოური კაპიტალისთვის. ალიევის განცხადებით, აზერბაიჯანული ინვესტიციების ჯამურმა მოცულობამ საქართველოს ეკონომიკაში უკვე 3.6 მლრდ დოლარს მიაღწია. მხარეებმა განიხილეს ახალი საინვესტიციო პროექტები და მესამე ქვეყნებში ერთობლივი ინვესტირების შესაძლებლობაც.ენერგეტიკის მიმართულებით, პრეზიდენტმა ალიევმა საქართველო დაახასიათა, როგორც აზერბაიჯანული ენერგორესურსების ექსპორტის „პირველი და უმნიშვნელოვანესი“ რგოლი. მან ხაზი გაუსვა ბაქო-თბილისი-ჯეიჰანისა და სამხრეთის გაზის დერეფნის შეუფერხებელ მუშაობას და აღნიშნა, რომ აზერბაიჯანული ბუნებრივი აირი ამჟამად 16 ქვეყანას მიეწოდება, რომელთა უმრავლესობისთვის მარშრუტი სწორედ საქართველოზე გადის. ასევე, მხარეები შეთანხმდნენ „შუა დერეფნის“ (Middle Corridor) შემდგომ გაძლიერებაზე.ილჰამ ალიევმა ვრცლად ისაუბრა სამხრეთ კავკასიაში შექმნილ „ახალ რეალობაზე“ და მშვიდობის შენარჩუნების აუცილებლობაზე. აზერბაიჯანის ლიდერმა მადლობა გადაუხადა საქართველოს მთავრობას სომხეთთან ურთიერთობის მოგვარების პროცესში გაწეული მედიაციისა და ხელშეწყობისთვის. „ჩვენ დავიწყეთ სომხეთთან ურთიერთობა საქართველოს გავლით“, - განაცხადა მან. პრეზიდენტმა კიდევ ერთხელ დაადასტურა მხარდაჭერა საქართველოს ტერიტორიული მთლიანობისა და საზღვრების დაურღვევლობის მიმართ.„საქართველოსა და აზერბაიჯანის ურთიერთობები შეიძლება მაგალითად გამოდგეს ყველა მეზობელი სახელმწიფოსთვის, რადგან ის ეფუძნება ურთიერთპატივისცემასა და ნდობას. ჩვენ ვართ მშვიდობის, სტაბილურობისა და თანამშრომლობის რეგიონი,“ - აღნიშნა ილჰამ ალიევმა.

1775473491

შეხვედრის ერთ-ერთი მთავარი თემა ეკონომიკური კავშირების გაღრმავება იყო. ამ კონტექსტში ყურადღება გამახვილდა საქართველო-აზერბაიჯანის ეკონომიკური თანამშრომლობის მთავრობათაშორისი კომისიის როლზე. ცნობილი გახდა, რომ კომისიის მორიგი სხდომა უახლოეს მომავალში საქართველოში გაიმართება.განსაკუთრებული აქცენტი გაკეთდა რეგიონულ უსაფრთხოებასა და მშვიდობის მნიშვნელობაზე. მთავრობის მეთაურმა აღნიშნა, რომ საქართველო მიესალმება აზერბაიჯანსა და სომხეთს შორის მიმდინარე დიალოგს, რაც რეგიონული სტაბილურობისა და განვითარებისთვის გადამწყვეტი ნაბიჯია.მხარეებმა ასევე მიმოიხილეს ახლო აღმოსავლეთში შექმნილი ვითარება. ხაზი გაესვა დიპლომატიური ძალისხმევის აუცილებლობას მდგომარეობის დეესკალაციისა და მშვიდობის აღდგენის მიზნით.

1775471681

ტრანსატლანტიკურმა სავაჭრო ჯგუფმა, BritishAmerican Business-მა, გააფრთხილა ლონდონი, რომ ტრამპის სავაჭრო გამოძიებები, სავარაუდოდ, გაერთიანებულ სამეფოზე ახალი ტარიფების დაწესებით დასრულდება.The Telegraph-ის ცნობით, თეთრი სახლის სავაჭრო წარმომადგენელი იკვლევს ქვეყნებს, მათ შორის დიდ ბრიტანეთს, იმის დასადგენად, რამდენად ეფექტურად ასრულებენ ისინი იძულებითი შრომით დამზადებული საქონლის იმპორტის აკრძალვას.გამოძიება, რომელიც სულ 60 ქვეყანას მოიცავს, განიხილება როგორც ჩინეთიდან იმპორტზე ზეწოლის საშუალება. მას შემდეგ, რაც აშშ-ის უზენაესმა სასამართლომ არსებული ტარიფები უკანონოდ ცნო, ტრამპი მათ დასაწესებლად ახალ გზებს ეძებს. ტრამპის ადმინისტრაციის გამოძიება კონკრეტულ ქვეყნებს იძულებითი შრომის ჰაბებად არ ასახელებს, თუმცა აშშ-ის სავაჭრო წარმომადგენელმა წარსულში ამ საკითხთან დაკავშირებით ჩინეთი და მისი სინძიანის რეგიონი გამოყო. The Telegraph-ში გამოქვეყნებულ სტატიაში, BritishAmerican Business-ის აღმასრულებელმა დირექტორმა, დანკან ედვარდსმა აღნიშნა, რომ ეს გამოძიებები, სავარაუდოდ, ბრიტანულ იმპორტზე აშშ-ის ახალ ტარიფებს გამოიწვევს.„301-ე და 232-ე სექციების ფარგლებში მიმდინარე რამდენიმე ახალი სატარიფო გამოძიების ანგარიში ამ ზაფხულს გამოქვეყნდება და, სავარაუდოდ, მომდევნო თვეებში დამატებითი ან განახლებული ტარიფებით დასრულდება. ეს მოიცავს იმის შესწავლასაც, აქვთ თუ არა ქვეყნებს, მათ შორის დიდ ბრიტანეთს, იძულებითი შრომით წარმოებული საქონლის იმპორტის ეფექტური აკრძალვა“, - წერს ის.ედვარდსის თქმით, ტარიფები ახლა უკვე აშშ-ის სავაჭრო პოლიტიკის „მუდმივ მახასიათებლად“ უნდა მივიჩნიოთ და კომპანიებმა უნდა იფიქრონ, ხომ არ სჯობს პროდუქციის წარმოება უშუალოდ ამერიკაში.მან აღნიშნა: „უნდა დავუშვათ, რომ ტარიფები აღარ არის დროებითი შეფერხება, არამედ აშშ-ის სავაჭრო პოლიტიკის განუყოფელი ნაწილია. მომავალში ბიზნესებმა აშშ-ში ექსპორტის გეგმებში ტარიფების ხარჯი უნდა გაითვალისწინონ და შესაბამისი კორექტირება მოახდინონ; ასევე შეაფასონ, რა არის მათთვის საუკეთესო ვარიანტი - ექსპორტი თუ ადგილობრივი წარმოება“. თუმცა, მისივე თქმით, ჯერჯერობით არ არსებობს მტკიცებულება იმისა, რომ ბრიტანული კომპანიები აშშ-ის ბაზრიდან გასვლას (de-risking) ცდილობენ.აშშ-ის სავაჭრო წარმომადგენელმა, ჯეიმისონ გრირმა, გამოძიება გასულ თვეში დაიწყო და განაცხადა: „ძალიან დიდხანს ამერიკელი მუშები და ფირმები იძულებულნი იყვნენ კონკურენცია გაეწიათ უცხოელ მწარმოებლებთან, რომლებსაც ჰქონდათ ხელოვნური საფასო უპირატესობა, მოპოვებული იძულებითი შრომის საშინელების ხარჯზე“. მიუხედავად იმისა, რომ ბრიტანეთის „თანამედროვე მონობის შესახებ აქტი“ (Modern Slavery Act) დიდ კომპანიებს ავალდებულებს ანგარიშგებას იძულებით შრომასთან ბრძოლის შესახებ, ის პირდაპირ არ კრძალავს მას.ბიზნესისა და ვაჭრობის დეპარტამენტის წარმომადგენელმა განაცხადა: „ჩვენ ვებრძვით იძულებით შრომას დიდ ბრიტანეთსა და გლობალურ მიწოდების ჯაჭვებში, რათა დავრწმუნდეთ, რომ ბრიტანული ბიზნესი ამაში თანამონაწილე არ არის. ჩვენ ვაგრძელებთ რეგულარულ ურთიერთობას აშშ-ის ადმინისტრაციასთან მოლაპარაკებების ფარგლებში და მკაფიოდ ვაჩვენებთ იმ ქმედებებს, რომლებსაც ამ მიმართულებით ვახორციელებთ“.პრესსპიკერმა დაამატა: „თანამედროვე მონობის შესახებ აქტის ფარგლებში, მსხვილ ბიზნესებს, რომლებიც დიდ ბრიტანეთში ოპერირებენ, მოეთხოვებათ ყოველწლიური ანგარიშგება იმ ნაბიჯების შესახებ, რომლებიც მათ გადადგეს თავიანთ ოპერაციებსა და მიწოდების ჯაჭვებში თანამედროვე მონობის თავიდან ასაცილებლად“.ზუსტად ერთი წლის წინ, აშშ-ის პრეზიდენტი დონალდ ტრამპი თეთრი სახლის ვარდების ბაღში იდგა და „გათავისუფლების დღე“ გამოაცხადა, რითაც აშშ-ის იმპორტზე მასშტაბური ახალი ტარიფები დააწესა. ზომები მოიცავდა 10%-იან საბაზისო ტარიფს იმპორტზე, რასაც დიდი გავლენა ჰქონდა მთავარ სავაჭრო პარტნიორებზე, მათ შორის დიდ ბრიტანეთზე. ატლანტის ოკეანის ორივე მხარეს ბიზნესის რეაქცია მყისიერი იყო: დაბნეულობა, შეფერხება და ადაპტაციის მცდელობა.გაერთიანებული სამეფოს საქონლის ექსპორტმა აშშ-ში დარტყმა მაშინვე იგრძნო და პირველსავე თვეში თითქმის 2 მილიარდი ფუნტით შემცირდა. ექსპორტი კლებას განაგრძობდა და დაახლოებით 3.9 მილიარდ ფუნტამდე დაეცა, სანამ წლის ბოლოს თვეში 4.5 მილიარდ ფუნტზე არ დასტაბილურდა, რადგან ბიზნესებმა მიწოდების ჯაჭვები დააკორექტირეს და ხარჯები აითვისეს.The Telegraph წერს, ბიზნესისა და პოლიტიკის შემქმნელებისთვის გასული წელი ხმაურითა და გაურკვევლობით იყო აღნიშნული. საბაზისო ტარიფებთან ერთად - რომლებიც უფრო მაღალია ავტომობილების, ფოლადისა და ალუმინის შემთხვევაში - ბიზნესებს მოუხდათ გამკლავება დამატებით სატარიფო მუქარებთან, სამართლებრივ გამოწვევებთან და მუდმივ კითხვებთან იმის შესახებ, თუ საით წავა აშშ-ის სავაჭრო პოლიტიკა.ამავდროულად, აშშ-ისა და გაერთიანებული სამეფოს მთავრობებმა შეათანხმეს და აგრძელებენ მოლაპარაკებებს რამდენიმე ჩარჩო ხელშეკრულებაზე, მათ შორის ეკონომიკური კეთილდღეობის შეთანხმებაზე, ტექნოლოგიური კეთილდღეობის შეთანხმებასა და ფარმაცევტული პროდუქტების ფასწარმოქმნის შეთანხმებაზე.ტარიფებმა გაზარდა ხარჯები, გაართულა მიწოდების ჯაჭვები და ახალი გაურკვევლობა შეიტანა ტრანსატლანტიკურ ვაჭრობაში. თუმცა, The Telegraph-ის ცნობით, გასული წლის ყველაზე მნიშვნელოვანი გაკვეთილი ისაა, რომ ყველაზე დიდი ტვირთი ხშირად თავად ტარიფი კი არა, მის გარშემო არსებული არაპროგნოზირებადობაა. ბიზნესს შეუძლია ხარჯის დათვლა, მაგრამ ბევრად რთულია ცვალებადობის გათვლა.მიუხედავად ამისა, კომპანიებმა ადაპტაცია შეძლეს. მათ შეცვალეს მიწოდების ჯაჭვები, გადახედეს კონტრაქტებს და განაგრძეს გრძელვადიანი ინვესტიციები. ტრანსატლანტიკური კომერციული ურთიერთობა იმაზე მდგრადი აღმოჩნდა, ვიდრე ბევრი ელოდა.The Telegraph წერს, ეს მდგრადობა მნიშვნელოვანია, რადგან ბრიტანეთ-ამერიკის ეკონომიკური ურთიერთობა ბევრად მეტია, ვიდრე მხოლოდ საზღვარზე გადატანილი საქონელი. ის დაფუძნებულია ინვესტიციებზე, მომსახურებაზე, სამუშაო ადგილებზე, ინოვაციებზე, საერთო კაპიტალსა და ღრმად ფესვგადგმულ კომერციულ კავშირებზე.აშშ კვლავ რჩება მიმზიდველ ბაზრად ბრიტანელი ექსპორტიორებისთვის და გასული წლის განმავლობაში, The Telegraph-მა BritishAmerican Business-ში, ვერ ნახა მტკიცებულება იმისა, რომ კომპანიები აშშ-ის ბაზრიდან გასვლას ცდილობენ.მიუხედავად გამოწვევებისა ისეთ სექტორებში, როგორიცაა თავდაცვა, ფარმაცევტიკა და ენერგოტევადი ინდუსტრიები, გაერთიანებული სამეფო რჩება მაღალმიმზიდველ ადგილად ამერიკული კაპიტალისთვის. მთავრობამ უნდა გააგრძელოს ფოკუსირება საოპერაციო გარემოს ფუნდამენტებზე, რათა ქვეყანამ ეს ფარდობითი უპირატესობა შეინარჩუნოს.მიუხედავად იმისა, რომ კომპანიებმა მდგრადობა გამოიჩინეს, სამომავლო სატარიფო რისკები, მზარდი ხარჯები და უფრო ფართო გეოპოლიტიკური ძვრები კვლავ გამოცდის წინაშე აყენებს ტრანსატლანტიკურ ვაჭრობას. The Telegraph წერს, ჩვენ უნდა ვივარაუდოთ, რომ ტარიფები აღარ არის დროებითი შეფერხება, არამედ აშშ-ის სავაჭრო პოლიტიკის მუდმივი მახასიათებელია. მომავალში ბიზნესებმა ექსპორტის გეგმებში ტარიფების ხარჯი უნდა გაითვალისწინონ და შეაფასონ, ექსპორტი სჯობს თუ ადგილობრივი წარმოება.301-ე და 232-ე სექციების ფარგლებში მიმდინარე რამდენიმე სატარიფო გამოძიების ანგარიში ამ ზაფხულს გამოქვეყნდება. ეს მოიცავს გამოძიებას იმის შესახებ, აქვთ თუ არა ქვეყნებს, მათ შორის დიდ ბრიტანეთს, იძულებითი შრომით წარმოებული საქონლის იმპორტის ეფექტური აკრძალვა.ივნისში ასევე აქტუალური ხდება ძველი დავები, მათ შორის მსხვილი სამოქალაქო ავიახომალდების საქმე, რომელიც ხუთწლიან მორატორიუმზე იყო. ამ დავამ აშშ-ს, ევროკავშირსა და ბრიტანეთს შორის Airbus-ისა და Boeing-ისთვის გამოყოფილი სუბსიდიების გამო, წარსულში გამოიწვია კომპენსატორული ტარიფები სრულიად არადაკავშირებულ ინდუსტრიებზე, განსაკუთრებით ალკოჰოლური სასმელების მწარმოებლებზე და არსებობს რისკი, რომ ეს საკითხი ამ ზაფხულს კვლავ წამოიჭრას."ბიზნესი ასევე ყურადღებით დააკვირდება პოლიტიკურ სიგნალებს. მნიშვნელოვანი იქნება პერსონალური დინამიკა კირ სტარმერსა და ტრამპს შორის. ასევე - ორივე მხარის სურვილი, გააგრძელონ პრაქტიკული ეკონომიკური თანამშრომლობა.შესაძლოა ტარიფები არც აღმოჩნდეს ყველაზე დიდი პრობლემა. ახლო აღმოსავლეთში გაჭიანურებულ კრიზისს და ენერგეტიკისა და ნაოსნობის შემდგომ შეფერხებებს ბევრად უფრო მძიმე შედეგები ექნება სავაჭრო ნაკადებსა და ბიზნესის ნდობაზე. ტრანსატლანტიკურმა ბიზნეს-ურთიერთობამ ბევრ პოლიტიკურ ციკლს გაუძლო. ის ამასაც გაუძლებს. პოლიტიკის შემქმნელებმა კომპანიების მდგრადობას უნდა უპასუხონ და უზრუნველყონ, რომ ატლანტის ოკეანის მიღმა ვაჭრობა განისაზღვროს არა ტარიფებით, ვოლატილობითა და გაურკვევლობით, არამედ შესაძლებლობებითა და ზრდით", - წერს The Telegraph. 

1775470961