BAG ბიზნეს კლიმატი 48.4 ქულამდე გაიზარდა - კომპანიების 68% ინვესტიციების ზრდას გეგმავს

1. სავიზო პოლიტიკა, მიგრაცია და ვიზების შეჩერების მექანიზმიანგარიშის მიხედვით, საქართველომ ვიზების შეჩერების მექანიზმის მერვე ანგარიშში მოცემული რეკომენდაციებიდან თითქმის არც ერთი არ შეასრულა. ევროკომისია მიუთითებს, რომ საქართველოს სავიზო პოლიტიკა კვლავ მკვეთრად აცდენილია ევროკავშირის სტანდარტებს: უვიზო რეჟიმების უთანხმოება: საქართველოს უვიზო მიმოსვლა დაწესებული აქვს 26 ქვეყანასთან, რომელთა მოქალაქეებსაც ევროკავშირში შესასვლელად ვიზა სჭირდებათ. ამ მიმართულებით ევროკავშირის პოლიტიკასთან დაახლოების ნაბიჯები არ გადადგმულა. მესამე ქვეყნების ვიზების აღიარება: საქართველო 17 ქვეყნის მოქალაქეებს ქვეყანაში შესვლის უფლებას აძლევს სპარსეთის ყურის არაბული ქვეყნების თანამშრომლობის საბჭოს (GCC) წევრი 6 სახელმწიფოს (არაბთა გაერთიანებული საამიროები, ბაჰრეინი, საუდის არაბეთი, კატარი, ქუვეითი, ომანი) მიერ გაცემული ვიზის ან ბინადრობის უფლების საფუძველზე. ამ 17 ქვეყნის მოქალაქეებს ვიზა სჭირდებათ როგორც საქართველოში, ისე ევროკავშირში შესასვლელად. თავშესაფრის მაძიებლები და რეადმისია: 2025 წელს ევროკავშირის წევრ ქვეყნებში თავშესაფარი საქართველოს 15,130-მა მოქალაქემ მოითხოვა, რის გამოც საქართველო კვლავ რჩება იმ უვიზო ქვეყნების სათავეში, რომელთა მოქალაქეებიც ყველაზე ხშირად მიმართავენ თავშესაფრის მოთხოვნით. ამავე პერიოდში ევროკავშირიდან საქართველოს 10,445 მოქალაქე დააბრუნეს (2024 წელს - 12,095). საკუთარი მოქალაქეების დაბრუნების (რეადმისიის) მაჩვენებლით საქართველო ქვეყნებს შორის მეორე ადგილზეა. გასულ წელს შსს-მ Frontex-ის მიერ ორგანიზებულ დაბრუნების 27 ოპერაციაში მიიღო მონაწილეობა. უვიზო რეჟიმის შეჩერება: ევროკომისია ხაზგასმით აღნიშნავს, რომ 2026 წლის 11 ივნისს გამართულ სავიზო დიალოგს პროგრესი არ მოჰყოლია. ვინაიდან საქართველო „მიზანმიმართულად და რეგულარულად არღვევდა“ ვალდებულებებს, 2026 წლის 6 მარტს, 12 თვის ვადით, ამოქმედდა უვიზო მიმოსვლის შეჩერება საქართველოს დიპლომატიური, სამსახურებრივი და ოფიციალური პასპორტების მფლობელებისთვის, რაც ევროკავშირის ყველა წევრ ქვეყანაზე ვრცელდება. 2. სასამართლო სისტემა და კანონის უზენაესობაევროკომისიის შეფასებით, საქართველოში სასამართლო სისტემასა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება, ხოლო სასამართლოს დამოუკიდებლობა, მიუკერძოებლობა და მთლიანობა „სერიოზულად შერყეულია“: შეუსრულებელი რეფორმები: არ განხორციელებულა იუსტიციის უმაღლესი საბჭოსა და უზენაესი სასამართლოს რეფორმა ვენეციის კომისიისა და ევროკომისიის რეკომენდაციების შესაბამისად. ასევე არ მოყვანილა ევროპულ სტანდარტებთან შესაბამისობაში „საერთო სასამართლოების შესახებ“ და „გენერალური პროკურატურის შესახებ“ კანონები. სასამართლოს ინსტრუმენტალიზაცია: 2025 წლის დეკემბერში სასამართლო სისტემის სამართლებრივ ჩარჩოში შეტანილმა ცვლილებებმა კიდევ უფრო გაზარდა სასამართლო სისტემის მიტაცების რისკები. ანგარიშში აღნიშნულია, რომ დემონსტრანტების წინააღმდეგ გამოტანილი მკაცრი და არაპროპორციული სასჯელები აჩენს ეჭვს, რომ რეპრესიული სისტემის აღსრულების მიზნით სასამართლო პოლიტიკურ ინსტრუმენტად გამოიყენება. 3. დემოკრატიული ინსტიტუტები და საარჩევნო გარემოდოკუმენტში ხაზგასმულია დემოკრატიის მდგომარეობის შემდგომი გაუარესება, რაც განპირობებულია დემოკრატიული ინსტიტუტების ეროზიით, ძალაუფლების მზარდი კონცენტრაციითა და ევროკავშირის საწინააღმდეგო მტრული რიტორიკით: პოლიტიკური პლურალიზმი: საკონსტიტუციო სასამართლოში ძირითადი ოპოზიციური პარტიების აკრძალვის მცდელობები საფრთხეს უქმნის ქვეყნის დემოკრატიის საფუძვლებს. ოპოზიციის ლიდერთა უმრავლესობას წაყენებული აქვს სისხლისსამართლებრივი ბრალდებები, იმყოფება პატიმრობაში ან ემიგრაციაში. საარჩევნო პროცესი: 2025 წლის ოქტომბერში მუნიციპალური არჩევნები ჩატარდა მკვეთრად პოლარიზებულ და რეპრესიულ გარემოში. პროცესის კონკურენტუნარიანობა და გამჭვირვალობა შეარყია მმართველი პარტიისთვის მორგებულმა საკანონმდებლო ცვლილებებმა, ოპოზიციის ბოიკოტმა, ამომრჩეველთა დაშინებამ, საარჩევნო ადმინისტრაციის მიუკერძოებლობის ნაკლებობამ და ეუთო/ოდირისა და სანდო ადგილობრივი დამკვირვებლების არარსებობამ. 4. სამოქალაქო საზოგადოება და მედია გარემოანგარიშში ცალკე ქვეთავი ეთმობა სამოქალაქო საზოგადოებასა და უფლებადამცველებს, რომლებიც, ევროკომისიის შეფასებით, მზარდი საფრთხის წინაშე დგანან: რეპრესიული გარემო: ცვალებადი საკანონმდებლო ჩარჩო და დაშინების პრაქტიკა საფრთხეს უქმნის დამოუკიდებელი სამოქალაქო საზოგადოების არსებობას და იწვევს სამოქალაქო სივრცის შეზღუდვას. სისხლისსამართლებრივი დევნა: ევროკომისია შეშფოთებას გამოთქვამს სამოქალაქო სექტორის წარმომადგენელთა წინააღმდეგ ისეთი მძიმე ბრალდებებით გამოძიებების წარმოებაზე, როგორებიცაა „საბოტაჟი“, „უცხოური ორგანიზაციებისთვის მტრულ საქმიანობაში დახმარება“, „კონსტიტუციური წესრიგის წინააღმდეგ მიმართული საქმიანობის დაფინანსება“ და „სახელმწიფო ინტერესებისთვის ზიანის მიყენება“. ევროკომისია ასკვნის, რომ აღნიშნული ქმედებები იძულებითი ხასიათისაა, ეწინააღმდეგება დემოკრატიულ პრინციპებს და სრულად შეუთავსებელია ევროკავშირში ინტეგრაციის პროცესთან.

1793800608

ახალი მექანიზმის ფარგლებში, არამეწარმე ფიზიკური პირისგან საქონლის შესყიდვის შემთხვევაში, შესყიდვის აქტს თავად მყიდველი მხარე გამოწერს შემოსავლების სამსახურის ავტორიზებული მომხმარებლის გვერდიდან -https://eservices.rs.geელექტრონულ დოკუმენტში აისახება იგივე რეკვიზიტები, რასაც ითვალისწინებს არსებული მატერიალური ფორმის დოკუმენტი. მას, ასევე დაემატა ანგარიშსწორების ფორმისა და ანაზღაურების მდგომარეობის მითითების შესაძლებლობა.მნიშვნელოვანი სიახლეა, შესყიდვის აქტის ელექტრონულად დადასტურების მექანიზმიც, რომელიც მონაწილე მხარეს შესყიდვის ოპერაციის დადასტურების სამ ალტერნატიულ საშუალებას სთავაზობს: მობილურ ტელეფონზე მიღებული ერთჯერადი კოდის მყიდველისთვის მიწოდებას და მყიდველის მიერ მისი სისტემაში შეყვანით დოკუმენტის დადასტურებას; გამყიდველის მიერ მობილურ ტელეფონზე მიღებული ბმულის საშუალებით დოკუმენტის დადასტურებას; გამყიდველის მიერ ავტორიზებული მომხმარებლის გვერდიდან დოკუმენტის დადასტურებას. ასევე, სიახლეა ის, რომ გადასახადის გადამხდელს ნებაყოფლობით შეუძლია გამოიყენოს  ელექტრონული შესყიდვის აქტი არამეწარმე ფიზიკური პირისგან მომსახურების შესყიდვის შემთხვევაშიც.ელექტრონული შესყიდვის აქტის გამოწერა შესაძლებელია არაუგვინეს საქონლის შესყიდვის დღის შესაბამისი თვის მომდევნო თვის ბოლო რიცხვისა, ხოლო მისი დადასტურება ან უარყოფა -  ოპერაციის განხორციელების თვიდან მომდევნო ორი თვის განმავლობაში.შესყიდვის აქტის გამოწერა საჭირო არ არის შემდეგ შემთხვევებში: თუ ფიზიკური პირისგან შეიძენთ ისეთ ქონებას, რომლის საკუთრების უფლება შესაბამის მარეგისტრირებელ ორგანოში რეგისტრაციას ექვემდებარება. მაგალითად, ბინას, მიწას ან ავტომობილს; თუ საქონლის გამყიდველს აღნიშნულ ოპერაციაზე უკვე გამოწერილი აქვს სასაქონლო ზედნადები, ნავთობპროდუქტების სპეციალური საგადასახადო ანგარიშ-ფაქტურა ან საგადასახადო დოკუმენტი; თუ ფიზიკური პირისგან შეიძენთ ხე-ტყეს, რომელზეც მოქმედებს ხე-ტყის მოძრაობისა და ნაშთების აღრიცხვის სპეციალური წესი. ახალი ელექტრონული შესყიდვის აქტი მარტივად იქნება ინტეგრირებადი საბუღალტრო პროგრამულ სისტემებში, რაც ხელს შეუწყობს შესყიდვის ოპერაციების აღრიცხვის გამარტივებას, დოკუმენტების გაციფრულებასა და პროცესის გამჭვირვალობის უზრუნველყოფას.განხორციელებული სიახლის შესახებ, შემოსავლების სამსახურის ვებგვერდზე არსებული ელექტრონული პორტალის https://www.rs.ge/Meetingsspace- ,,შეხვედრების სივრცე" დახმარებით, მიზნობრივ ჯგუფებთან შეხვედრები აქტიურ რეჟიმში მიმდინარეობს.სასურველი ინფორმაციის მისაღებად, შეგიძლიათ ისარგებლოთ შემოსავლების სამსახურის  სერვისით -  ,,RS ჩათი"  ან დაუკავშირდეთ საინფორმაციო საკონსულტაციო ცენტრს  2 299 299(R)

1793797714

ტელეკომპანიის თანამშრომლების განცხადებით, სახანძრო-სამაშველო ჯგუფებმა მე-17 სართულზე მყოფ ადამიანებს შენობა ნაწილ-ნაწილ, საევაკუაციო კიბეების გამოყენებით დაატოვებინეს.საგანგებო სიტუაციების მართვის სამსახურის ინფორმაციით, ხანძარი ლოკალიზებულია, თუმცა შენობაში კვლავ ძლიერი დაკვამლიანება რჩება. არსებული ცნობით, დაკვამლიანება ბიზნესცენტრის მე-5 სართულიდან გავრცელდა, რამაც ზედა სართულები, მათ შორის „ფორმულას“ სტუდიები და ნიუსრუმი მოიცვა.ადგილზე რჩებიან საგანგებო სიტუაციების მართვის სამსახურის ეკიპაჟები და მიმდინარეობს შესაბამისი უსაფრთხოების სამუშაოები.

1793797421

თურქეთში ვიზიტისას, ჰან ჟენგი ჩინეთის პრეზიდენტის, სი ძინპინის განსაკუთრებული წარმომადგენლის რანგში, მონაწილეობას მიიღებს კლიმატის ცვლილების შესახებ გაერო-ს ჩარჩოკონვენციის მხარეთა 31-ე კონფერენციის (COP31) ფარგლებში დაგეგმილ ანტალიის ლიდერთა სამიტში. ჩინეთის საგარეო უწყების ცნობით, პეკინი მზადაა, საერთაშორისო პარტნიორებთან ერთად დაიცვას მრავალმხრივობის პრინციპი და ხელი შეუწყოს სამიტის წარმატებით ჩატარებას.თურქეთის შემდეგ ჩინეთის ვიცე-პრეზიდენტი თბილისს ეწვევა. საქართველოსთან ურთიერთობაზე საუბრისას მაო ნინგმა ხაზი გაუსვა ორ ქვეყანას შორის არსებულ ყოვლისმომცველ სტრატეგიულ პარტნიორობას.„ბოლო წლებში, ორი ქვეყნის ლიდერების მიერ დასახული გეგმის შესაბამისად, ორმხრივი ურთიერთობები სწრაფად განვითარდა, ხელი შეუწყო ნდობის გამყარებას და თანამშრომლობამ სხვადასხვა სფეროში კონკრეტული შედეგები გამოიღო“, - აღნიშნა მაო ნინგმა.ვიზიტის ფარგლებში ჰან ჟენგი საქართველოს მაღალი რანგის ოფიციალურ პირებთან ორმხრივ ურთიერთობებსა და საერთო ინტერესის შემცველ საერთაშორისო თუ რეგიონულ საკითხებს განიხილავს.ჩინეთის საგარეო საქმეთა სამინისტროს განცხადებით, ჩინური მხარე მზადაა, ქართულ მხარესთან მჭიდრო თანამშრომლობით შეასრულოს უმაღლეს დონეზე მიღწეული შეთანხმებები, გააღრმავოს ორმხრივად სასარგებლო ეკონომიკური და პოლიტიკური კავშირები და ხელი შეუწყოს ურთიერთობების მდგრად განვითარებას.

1793797107

„ფორმულას“ შენობაში ხანძარია. ყველა უწყებას გთხოვთ დაგვეხმაროთ!! მაუწყებლობა შევწვიტეთ. ჩვენი გუნდის ნაწილი გამოსვლას ვერ ახერხებს დაკვამლიანების გამო“, - წერს ჟიჟილაშვილი.მანამდე „ფორმულას დღის“ წამყვანმა ირაკლი კიკნაველიძემ ეთერი პირდაპირ რეჟიმში შეაჩერა. „საგანგებო რეჟიმია, კვამლია ჩვენს შენობაში“, - განაცხადა მან ეთერის გათიშვამდე.არსებული ინფორმაციით, ცეცხლი იმ შენობის მე-12 სართულზე გაჩნდა, სადაც ტელეკომპანია ოპერირებს. თავად „ფორმულა“ მე-17 და მე-18 სართულებზეა განთავსებული. ამ დროისთვის თანამშრომლები შენობიდან ევაკუირებას ვერ ახერხებენ, რადგან საევაკუაციო კიბეები ძლიერადაა დაკვამლიანებული.დელისის მეტროს მიმდებარედ, ადგილზე მობილიზებულნი არიან საგანგებო სიტუაციების მართვის სამსახურისა და საპატრულო პოლიციის ეკიპაჟები. მიმდინარეობს სამაშველო ოპერაცია.

1793794757

შემთხვევის ადგილზე ამ წუთებში საგანგებო სიტუაციების მართვის სამსახურისა და საპატრულო პოლიციის ეკიპაჟები არიან მობილიზებულნი.კვამლის გაჩენის მიზეზები და დაშავებულთა შესახებ ცნობები ჯერჯერობით უცნობია. ტელეკომპანიას მომხდართან დაკავშირებით ოფიციალური ინფორმაცია ამ დრომდე არ გაუვრცელებია.მასალა განახლდება დეტალების დაზუსტებისთანავე.განახლება „ფორმულას დღის“ წამყვანმა ირაკლი კიკნაველიძემ პირდაპირი ეთერი შენობაში გაჩენილი ძლიერი დაკვამლიანების გამო შეაჩერა: „საგანგებო რეჟიმია, კვამლია ჩვენს შენობაში“, - განაცხადა კიკნაველიძემ გათიშვამდე.არსებული ცნობით, ხანძარი შენობის მე-12 სართულზე გაჩნდა. ტელეკომპანია „ფორმულა“ მე-17 და მე-18 სართულებზეა განთავსებული. ამ ეტაპზე თანამშრომლები შენობიდან ევაკუირებას ვერ ახერხებენ, რადგან საევაკუაციო კიბეები ძლიერადაა დაკვამლიანებული. 

1793794073

გაცნობითი ხასიათის შეხვედრაზე ლაშა ხუციშვილმა ამერიკელ დიპლომატს თანამდებობაზე დანიშვნა მიულოცა და წარმატებები უსურვა საქმიანობაში.მხარეებმა განიხილეს ორ ქვეყანას შორის ურთიერთობები. ფინანსთა მინისტრმა სტუმარს გააცნო ქვეყნის ეკონომიკური ვითარება და საშუალოვადიანი პროგნოზები.საუბარი შეეხო აშშ-ის მხარდაჭერით საერთაშორისო პროგრამებისა და უწყებათაშორისი თანამშრომლობის, ასევე, მატერიალურ-ტექნიკური ბაზის,ინფრასტრუქტურის გაძლიერებისა და კადრების გადამზადების მიმართულებით განხორციელებულ ღონისძიებებს.შეხვედრის დასასრულს მხარეებმა დაადასტურეს თანამშრომლობის გაგრძელების მზაობა. შეხვედრას დაესწრო საელჩოს ეკონომიკისა და კომერციის ოფიცერი ამირ ალავი.

1793792792

როგორც კაკაურიძემ პარლამენტის საგარეო ურთიერთობათა და ევროინტეგრაციის კომიტეტების გაერთიანებულ სხდომაზე აღნიშნა, ბიუჯეტის ჯამურ ზრდასთან ერთად, განხორციელდება ასიგნებების შიდა გადანაწილებაც.„2026 წლის სახელმწიფო ბიუჯეტის ცვლილებებით, ბიუჯეტი ჯამურად იზრდება. ამ გაზრდილ ბიუჯეტში იქნება გარკვეული გადანაწილებები, რომლებიც დიდ პროექტებს მოხმარდება - სადაც უფრო მაღალია ათვისება. ასევე, რიგ შემთხვევებში დაფინანსდება ისეთი პროექტები, რომლებიც 2027 წლის ბიუჯეტის პროექტით სრულყოფილად არ იყო უზრუნველყოფილი“, - განაცხადა ფინანსთა მინისტრის მოადგილემ.მისივე განმარტებით, რიგი მიმართულებებით დამატებითი თანხების გამოყოფა გახდა საჭირო. ამასთან, იმ პროექტებიდან, სადაც ეკონომია ან აუთვისებლობა დაფიქსირდა, რესურსები მაღალი ათვისების მქონე პრიორიტეტულ ინფრასტრუქტურულ და სოციალურ ინიციატივებზე გადამისამართდება.2027 წლის სახელმწიფო ბიუჯეტის პირველადი პროექტისაქართველოს 2027 წლის ნაერთი ბიუჯეტის შემოსულობები 37.5 მლრდ ლარით, ხოლო ხარჯვითი ნაწილი 37.56 მლრდ ლარით არის დაგეგმილი. სახელმწიფო ბიუჯეტის პროექტით, შემოსულობები 32.17 მლრდ ლარს, ასიგნებები კი 32.07 მლრდ ლარს შეადგენს.მთავრობა 2027 წელს ეკონომიკის 5%-იან ზრდას, ნომინალური მშპ-ის 126.4 მლრდ ლარამდე გაზრდასა და ინფლაციის 3%-იან მიზნობრივ მაჩვენებელზე დაბრუნებას პროგნოზირებს. ბიუჯეტის დეფიციტი მშპ-ის 2.5%, მთავრობის ვალი კი 31.6% იქნება.

1793790343