10 მატარებლის შესყიდვის პროცედურა დაწყებულია

"რუსთაველის გამზირზე წყალმომარაგების ქსელზე  სარეაბილიტაციო სამუშაოების მიმდინარეობისას, ჯივიპის კონტრაქტორი კომპანიის თვითმცლელმა ავტომანქანამ ტრანშიის კიდესთან ახლოს იმოძრავა, რამაც ნიადაგის ჩამოშლა და ტექნიკის მოცურება გამოიწვია. მძღოლის მიერ სატრანსპორტო საშუალების დამოუკიდებლად გამოყვანის მცდელობისას ტრანშიის კიდე დამატებით დაზიანდა და ავტომანქანა გადაბრუნდა.კომპანიის ინფორმაციით, ადგილზე დაფიქსირდა ავტოსაგზაო მოძრაობის წესებისა და სახელშეკრულებო პირობების  დარღვევა - თვითმცლელში იმყოფებოდა მცირეწლოვანი ბავშვი.ინციდენტის შედეგად არავინ დაშავებულა. ობიექტზე სამუშაო პროცესი შეუფერხებლად, ჩვეულ რეჟიმში გრძელდება.ჯორჯიან უოთერ ენდ ფაუერი ხაზგასმით აღნიშნავს, რომ გამოვლინდა შრომის უსაფრთხოების ნორმებისა და სახელშეკრულებო პირობების უხეში დარღვევა - თვითმცლელში იმყოფებოდა მცირეწლოვანი ბავშვი.ჯივიპის შესაბამისი სამსახურები ადგილზე იკვლევენ ფაქტს დეტალურად დაზუსტების მიზნით. მოკვლევის დასრულებისთანავე, კომპანია კონტრაქტორი ორგანიზაციის მიმართ გაატარებს ხელშეკრულებითა და მოქმედი კანონმდებლობით გათვალისწინებულ სამართლებრივ ზომებს", - ვკითხულობთ ჯორჯიან უოთერ ენდ ფაუერის განცხადებაში. 

1786020003

აზერბაიჯანის საელჩოში აცხადებენ, რომ პრობლემა კონტროლზეა აყვანილი და საკითხი საქართველოს უფლებამოსილ სახელმწიფო უწყებებთან ერთად შესწავლის პროცესშია.აზერბაიჯანული საინფორმაციო სააგენტო Report-ის ინფორმაციით, მძღოლები კვირებია ელოდებიან საბაჟო პროცედურების დასრულებას „სარფისა“ და „წითელი ხიდის“ სასაზღვრო-გამშვებ პუნქტებზე, ასევე თბილისის გაფორმების ეკონომიკურ ზონაში (გეზ).გადამზიდავების განცხადებით, მებაჟეები შეჩერების კონკრეტულ მიზეზებს, ეხება ეს ტვირთს, წონას თუ დოკუმენტაციას - არ განუმარტავენ.დაზარალებული მძღოლები აცხადებენ, რომ პროცესი საგრძნობლად გაჭიანურდა და ზოგ შემთხვევაში შეყოვნება თვეზე მეტს შეადგენს: თეიმურ სულთანოვი: აცხადებს, რომ „სარფის“ გამშვებ პუნქტზე 15 დღეა იმყოფება. მას ჩამოართვეს პასპორტი, მართვის მოწმობა და მანქანის საბუთები, პასუხად კი მხოლოდ „დაელოდეთ“-ს ეუბნებიან. ელდენიზ მამედლიევი: საქართველოში უკვე 45 დღეა ყოვნდება. მას ქუთაისში წარმოებული და მეტალურგიისთვის განკუთვნილი ქიმიური ნივთიერება გადაჰქონდა აზერბაიჯანში. მისი თქმით, ავტომობილი საბაჟოზე სრულად დაშალეს, ჩამოართვეს ტელეფონი და დოკუმენტები, პასპორტი კი მხოლოდ 20 დღის შემდეგ დაუბრუნეს. მძღოლის თქმით, ამ ხნის განმავლობაში ავტომობილი დაშლილი იყო, ხოლო თავად ქუჩაში ღამის გათევა უწევდა. ბაჰადურ და იმან ალიევები: უკვე რამდენიმე დღეა ბათუმში საბაჟო გაფორმებას ელოდებიან, თუმცა ოფიციალურ განმარტებებს ვერც ისინი იღებენ. ტვირთის მფლობელ საჰიბ ალიევის განმარტებით, შექმნილი ვითარება, სავარაუდოდ, საბაჟოზე დოკუმენტების არადროული შემოწმებისა და ბიუროკრატიული გაურკვევლობის შედეგია. მისი თქმით, საბაჟოზე მოითხოვეს საქართველოს გარემოს დაცვისა და სოფლის მეურნეობის სამინისტროს სპეციალური ნებართვა და მისი ქართულენოვანი თარგმანი. ალიევი აღნიშნავს, რომ ეს ნებართვა ჯერ კიდევ 2023 წელს არის გაცემული და იგივე დოკუმენტაციით ტვირთი საქართველოს ტერიტორიაზე შარშან ოქტომბერ-დეკემბერში და მიმდინარე წლის მარტ-აპრილში სრულიად შეუფერხებლად გადადიოდა.გარდა პროცედურული შეფერხებებისა, მძღოლები ქართველი მებაჟეების მხრიდან არასათანადო და უხეშ მოპყრობაზეც მიუთითებენ.როგორც აზერბაიჯანული მედია აღნიშნავს, ეს არ არის პირველი შემთხვევა, როდესაც აზერბაიჯანული სატვირთოები საქართველოს საზღვარზე ყოვნდებიან, თუმცა ამჯერად გაურკვევლობა და ლოდინის ხანგრძლივი ვადები გადამზიდავების უკმაყოფილებას განსაკუთრებით ზრდის.ფოტო: Report.az

1786014528

უკრაინული მედიის ცნობით, მხარეებმა ორმხრივი ეკონომიკური, საინვესტიციო და ენერგეტიკული თანამშრომლობის გაღრმავების საკითხები განიხილეს.„ჩვენ მიზნად დავისახეთ ომამდელი პერიოდის დონეზე გასვლა, თუ სავაჭრო ბრუნვაზე ვისაუბრებთ. ახლა დაახლოებით $600 მლნ-ის ნიშნულს მივაღწიეთ. უკრაინულ მხარეს აზერბაიჯანელი პარტნიორებისთვის აქვს წინადადებების პაკეტი და დაინტერესებულია ენერგომატარებლების მიწოდების დივერსიფიკაციით“, - აღნიშნა სიბიგამ.მინისტრის თქმით, აზერბაიჯანის როლი ენერგეტიკული უსაფრთხოების კუთხით სტრატეგიულია არა მხოლოდ უკრაინისთვის, არამედ მთელი ევროპისთვის. ეკონომიკური კავშირების გაძლიერების მიზნით, მხარეები შეთანხმდნენ, რომ იმუშაონ უკრაინა-აზერბაიჯანის ორმხრივი მთავრობათაშორისი კომისიის მორიგი სხდომის ჩატარებაზე.შეხვედრაზე განსაკუთრებული ყურადღება დაეთმო სატრანსპორტო-ლოგისტიკურ მარშრუტებსაც. სიბიგამ ხაზი გაუსვა „შუა დერეფნის“ (Middle Corridor) მნიშვნელობას, რომელიც ჩინეთს, ცენტრალურ აზიას, კასპიის ზღვას, აზერბაიჯანს, საქართველოსა და თურქეთს ევროპასთან აკავშირებს. უკრაინული მხარის შეფასებით, აღნიშნული სატრანზიტო მარშრუტი საკვანძო ელემენტია ევროკავშირთან, სამხრეთ კავკასიასა და ცენტრალურ აზიასთან ვაჭრობის გაფართოებისთვის.აზერბაიჯანული ინვესტიციების მნიშვნელობაზე საუბრისას, უკრაინის საგარეო უწყების ხელმძღვანელმა აღნიშნა, რომ კიევი მიესალმება აზერბაიჯანული ბიზნესის წარმომადგენლობის შემდგომ ზრდასა და ერთობლივი პროექტების განხორციელებას. მან ასევე მადლიერება გამოხატა ოფიციალური ბაქოს მიერ უკრაინის ტერიტორიული მთლიანობის მხარდაჭერისა და გაწეული ჰუმანიტარული თუ ენერგეტიკული დახმარებისთვის.

1786013516

გზავნილის გათამაშება 20 ივლისიდან 20 სექტემბრის ჩათვლით მიმდინარეობს. კამპანიის ფარგლებში მომხმარებლებს შესაძლებლობა აქვთ, ყოველდღიურად 1,000 ლარი, ხოლო გათამაშების დასრულებისას სუპერპრიზი - 10,000 ლარი მოიგონ.გათამაშებაში მონაწილეობა შეუძლია საქართველოს ბანკის ყველა სრულწლოვან მომხმარებელს, რომელიც საქართველოს მოქალაქეა, საქართველოს ბანკის თანამშრომლების გარდა. მონაწილეობისთვის საჭიროა, მომხმარებელმა მიღებული გზავნილი საქართველოს ბანკის მობილბანკის ან ინტერნეტბანკის საშუალებით გაანაღდოს. თითოეულ განაღდებულ 150 ლარზე გათამაშების ერთი ბილეთი ენიჭება, რაც მოგების შანსს ზრდის.კამპანიაში მონაწილეობა ემიგრანტებსაც შეუძლიათ. ამისთვის საჭიროა, გზავნილი საკუთარ თავს გამოუგზავნონ, ხოლო თანხა საქართველოს ბანკის მობილბანკის ან ინტერნეტბანკის საშუალებით გაანაღდონ.გზავნილის კამპანიის შესახებ ყველა საჭირო ინფორმაციას გაეცანით ამ ბმულზე.(R)

1786011159

მისი განმარტებით, აქამდე აღნიშნულ მარშრუტზე მგზავრობას 5 საათი და 30 წუთი სჭირდებოდა, დროის შემცირება კი ლიანდაგსა და ინფრასტრუქტურაზე ჩატარებულმა კაპიტალურმა სამუშაოებმა გახადა შესაძლებელი.„ეს საკმაოდ მნიშვნელოვანი გაუმჯობესებაა. ბოლო პერიოდის განმავლობაში, ლიანდაგსა და ინფრასტრუქტურაზე მნიშვნელოვანი კაპიტალური სამუშაოები ჩავატარეთ, რომელმაც საშუალება მოგვცა, გარკვეულ მონაკვეთებზე სიჩქარეები გაგვეზარდა, მოგვეხსნა შეზღუდვები და თბილისიდან ბათუმში უსაფრთხოდ, 4 საათში ვიმგზავროთ“, - აღნიშნა ლაშა აბაშიძემ.„საქართველოს რკინიგზის“ ხელმძღვანელის თქმით, პარალელურად აქტიურად მიმდინარეობს სადგურების ინფრასტრუქტურის განახლებაც. კომპანიის მიზანია, სრულად მოაწესრიგოს როგორც მაგისტრალური, ისე საგარეუბნო სადგურები.„ფაქტობრივად უკვე მიმდინარეობს 5-7 სადგურის რეაბილიტაცია, წელს კიდევ 5 სადგურის დამატებას ვგეგმავთ, ხოლო მომავალ წელს სადგურების რეაბილიტაციის პროცესი სრულად უნდა დავასრულოთ“, - განაცხადა აბაშიძემ.

1786006393

ანგარიშის მიხედვით, 2Q26-ის ბოლოსთვის TBC Uzbekistan-ის მთლიანმა საკრედიტო პორტფელმა $879 მლნ-ს (10.48 ტრილიონ სუმი) მიაღწია, ხოლო ეკოსისტემის ყოველთვიურად აქტიური მომხმარებლების (MAU) რაოდენობა 5.8 მილიონამდე გაიზარდა.ამასთან, კომპანიის საგადახდო ოპერაციების მოცულობა 2Q26-ში წლიურად 45%-ით გაიზარდა და $3.25 მლრდ-ს (38.8 ტრილიონ სუმი) გადააჭარბა, რაც უზბეკეთის მთლიანი საგადახდო ბაზრის 20%-ზე მეტს შეადგენს.2Q26-ში TBC Uzbekistan-ის წმინდა საკომისიო შემოსავალმა $15 მლნ (179.2 მილიარდი სუმი) შეადგინა, რაც წინა წლის ანალოგიურ პერიოდთან შედარებით 5%-იან, ხოლო წინა კვარტალთან შედარებით 15%-იან ზრდას ასახავს. ამავე პერიოდში TBC Bank-ის სადეპოზიტო პორტფელმა $545 მლნ-ს (6.5 ტრილიონ სუმი) გადააჭარბა.საანგარიშო პერიოდის შემდეგ, 24 ივლისს, TBC Group-მა დაასრულა OLX Uzbekistan-ის საკონტროლო პაკეტის შეძენის გარიგება, რაც ეკოსისტემის ფინანსური სერვისების მიღმა გაფართოების სტრატეგიული ნაბიჯია.2Q26-ში კომპანიამ ასევე გააფართოვა პროდუქტების ხაზი: მცირე და საშუალო ბიზნესისთვის ჩაუშვა უზრუნველყოფილი სესხები და სახელფასო პროექტი, ხოლო ფიზიკური პირებისთვის - ავტოდაკრედიტების ციფრული პროდუქტი.„TBC Uzbekistan-ს ჰქონდა წარმატებული კვარტალი: ჩვენ განვაგრძეთ მდგრადი ზრდის დემონსტრირება მთელ ეკოსისტემაში და ვუშვებდით ახალ პროდუქტებს, ხოლო უშუალოდ საანგარიშო პერიოდის დასრულების შემდეგ დავხურეთ რამდენიმე გარიგება მნიშვნელოვანი ახალი აქტივების შეძენაზე.ჩვენმა საგადახდო გადაწყვეტილებებმა მნიშვნელოვანი ზრდა აჩვენა: ბაზრის მთლიანმა წილმა 20%-ს გადააჭარბა, ხოლო ჩვენი ფლაგმანური სადებეტო პროდუქტი TBC Salom ორჯერ მეტად გაიზარდა და რჩება ჩვენს ეკოსისტემაში კლიენტების შემოსვლის საკვანძო წერტილად. პარალელურად, განვაგრძეთ საკრედიტო პორტფელის დივერსიფიკაცია.განვითარება მსბ (მცირე და საშუალო ბიზნესი) სეგმენტში იმპულსს აიღებს TBC Biznes-ის მასშტაბირებისა და უზრუნველყოფილი დაკრედიტების სეგმენტში ჩვენი ყოფნის გაფართოების კვალდაკვალ. ერთდროულად, ვავითარებთ საკრედიტო ბარათების TBC Osmon-ის მიმართულებას, რომელსაც პორტფელში სულ უფრო შესამჩნევი ადგილი უკავია. ცალკე მინდა აღვნიშნო OLX UZ-ის ინტეგრაცია TBC Uzbekistan-ის სტრუქტურაში. მოხარულები ვართ ერთობლივი მუშაობით და განვაგრძობთ სერვისების სრულყოფას როგორც ფიზიკური პირებისთვის, ისე ბიზნესისთვის უზბეკეთში“, - განაცხადა TBC Uzbekistan-ის გენერალურმა დირექტორმა (CEO) ნიკა ქურდიანმა.TBC Bank Group-ის აქციები ლონდონის საფონდო ბირჟაზე (LSE) ივაჭრება. 2026 წლის ივლისში TBC Uzbekistan Euromoney Awards for Excellence-ის ოთხი ნომინაციის გამარჯვებული გახდა, მათ შორის დასახელდა „ცენტრალური აზიის საუკეთესო ციფრულ ბანკად“.

1786006097

„საგანძურის მარათონი“ ერთჯერადი თამაში არ არის - ეს არის თავგადასავალი, სადაც ყოველი ახალი თვე მონაწილეებს თავიდან აძლევს შესაძლებლობას, ჩაერთონ კონკურენციაში, შეასრულონ ახალი მისიები და იბრძოლონ როგორც ყოველდღიური, ყოველკვირეული და ყოველთვიური პრიზებისთვის, ისე მთავარი საპრიზო ფონდისთვის.თამაშის ჯამური საპრიზო ფონდი 250 000 ლარს შეადგენს. ამ ეტაპზე, უკვე 160 გამარჯვებული გამოვლინდა და ჯამში 94 000 ლარი გათამაშდა. თუმცა, მთავარი ბრძოლა ჯერ კიდევ წინ არის - ოთხი საგვარეულო მონეტების დაგროვებას აგრძელებს, რათა ფინალში მოხვდეს და მთავარი პრიზისთვის იბრძოლოს.თუ აქამდე ფიქრობდი, რომ თამაშში ჩართვა დაგაგვიანდა, ახლა ამისთვის საუკეთესო დროა. ახალი თვე ნიშნავს ახალ შესაძლებლობას, რადგან გამარჯვებულები ყოველთვიურად ვლინდებიან, ლიდერბორდები ახლდება და თითოეულ მონაწილეს აქვს შანსი საკუთარი აქტიურობით გაიუმჯობესოს პოზიციები. „საგანძურის მარათონში“ წარმატებას მხოლოდ ის არ განსაზღვრავს, ვინ დაიწყო თამაში ადრე - მთავარი ყოველდღიური ჩართულობა, სტრატეგია და მონეტების დაგროვებაა.ყოველდღიური და ყოველკვირეული მისიების შესრულების პარალელურად, მონაწილეები მობაილბანკის სხვადასხვა ფუნქციასაც აღმოაჩენენ და ყოველდღიურ ციფრულ ცხოვრებაში კიდევ უფრო აქტიურად იყენებენ. თითოეული შესრულებული მისია არა მხოლოდ მონეტებს, არამედ ახალ გამოცდილებასაც გაძლევს.თამაშში გუნდურობას განსაკუთრებული მნიშვნელობა აქვს. თითოეული დაგროვილი მონეტა შენს პირად შედეგთან ერთად შენი საგვარეულოს საერთო ანგარიშსაც ემატება. ამიტომ, საბოლოო გამარჯვებისთვის ბრძოლა მხოლოდ ინდივიდუალური არ არის - ძლიერი საგვარეულო ნიშნავს უფრო დიდ შანსს, რომ ფინალში მოხვდე და 50 000-ლარიანი მთავარი საპრიზო ფონდისთვის იბრძოლო.„საგანძურის მარათონი“ გრძელდება და ყოველ ახალ თვეს მონაწილეებს ახალ შესაძლებლობებს სთავაზობს. თუ უკვე თამაშობ, ახლა საუკეთესო დროა კიდევ უფრო წინ წაიწიო ლიდერბორდზე; ხოლო თუ ჯერ არ ჩართულხარ, ახალი ციკლი, სწორედ, შენთვის იწყება.გახსენი მობაილბანკი, შეუერთდი შენს საგვარეულოს და დაიწყე ახალი თვე ახალი შესაძლებლობებით - „საგანძურის მარათონში“ ყველაზე საინტერესო თავგადასავალი ჯერ კიდევ წინ არის. (R)

1786002252

მათ შორის: საცხოვრებელი სეგმენტის ინდექსი წინა თვესთან შედარებით გაიზარდა 2.6%-ით, ხოლო წინა წლის შესაბამის თვესთან შედარებით 3.5%-ით არასაცხოვრებელი სეგმენტის ინდექსი წინა თვესთან შედარებით გაიზარდა 0.6%-ით, ხოლო წინა წლის შესაბამის თვესთან შედარებით შემცირდა 0.1%-ით სამოქალაქო სეგმენტის ინდექსი წინა თვესთან შედარებით შემცირდა 0.5%-ით, ხოლო გასული წლის შესაბამის თვესთან შედარებით გაიზარდა 5.8%-ით 2026 წლის ივნისში მშენებლობის ღირებულების ინდექსი წინა თვესთან შედარებით 0.9%-ით გაიზარდა. აღნიშნული ცვლილება, ძირითადად, განპირობებული იყო მშენებლობის დარგში დაქირავებით დასაქმებულთა საშუალო თვიური ნომინალური ხელფასის 5.4%-იანი ზრდით, რამაც 1.01 პ.პ. შეიტანა ჯამური ინდექსის ცვლილებაში.საქსტატის მონაცემებით, წინა წლის შესაბამის თვესთან შედარებით მშენებლობის ღირებულების ინდექსი გაიზარდა 3.9%-ით. ინდექსის ზრდა, უმეტესწილად, გამოწვეული იყო მშენებლობის დარგში ტრანსპორტირების, საწვავისა და ელქტროენერგიის ხარჯების კატეგორიის 16.6%-იანი მატებით და დაქირავებით დასაქმებულთა საშუალო თვიური ნომინალური ხელფასის 1.8%-იანი ზრდით, რამაც შესაბამისად 1.9 და 1.01 პ.პ. შეიტანა ჯამური ინდექსის ცვლილებაში. ამასთან, 2022 წლის თებერვალთან შედარებით მშენებლობის ღირებულების ინდექსი გაიზარდა 29.3%-ით.

1786000208