888 ათასი პენსიონერი და 130 ათასამდე ოჯახი შემწეობის მოლოდინში – საქსტატის ანგარიში

პრეზიდენტის ადმინისტრაციის განმარტებით, მიხეილ ყაველაშვილი და მაკა ბოჭორიშვილი საერთაშორისო ოლიმპიური კომიტეტის წევრის, კირსტი ქოვენთრის მასპინძლობით გამართულ მიღებას დაესწრნენ. სწორედ აღნიშნული ღონისძიების ფარგლებში შედგა მათი კომუნიკაცია სხვადასხვა ქვეყნის ლიდერებთან, მათ შორის აშშ-ის ადმინისტრაციის მაღალი რანგის წარმომადგენლებთან.ვიზიტის ფარგლებში დაგეგმილია სხვა მაღალი დონის შეხვედრებიც. კერძოდ, მიხეილ ყაველაშვილი დაესწრება საზეიმო ვახშამს, რომელიც იტალიის პრეზიდენტის, სერჯო მატარელას სახელით, ზამთრის XXV ოლიმპიური თამაშების გახსნის ცერემონიაზე დამსწრე უცხო სახელმწიფოების მეთაურების პატივსაცემად გაიმართება.შეგახსენებთ, რომ ზამთრის ოლიმპიური თამაშების მასპინძელი წელს იტალიაა, სადაც მსოფლიო ლიდერები სპორტული ღონისძიების პარალელურად არაოფიციალურ დიპლომატიურ შეხვედრებს მართავენ.

1770368171

Reuters წერს: მიუხედავად იმისა, რომ ორივე მხარემ გამოხატა მზადყოფნა დიპლომატიის აღსადგენად თეირანის დასავლეთთან ხანგრძლივი ბირთვული დავის გარშემო, ვაშინგტონს სურს, რომ მოლაპარაკებები მოიცავდეს ირანის ბირთვულ პროგრამას, მის ბალისტიკურ რაკეტებს, რეგიონის მასშტაბით შეიარაღებული ჯგუფების მხარდაჭერასა და „საკუთარი ხალხისადმი მოპყრობას“, განაცხადა ოთხშაბათს აშშ-ის სახელმწიფო მდივანმა მარკო რუბიომ. ირანმა კი აღნიშნა, რომ სურს საგარეო საქმეთა მინისტრმა აბას არაღჩიმ და აშშ-ის სპეციალურმა წარმომადგენელმა ახლო აღმოსავლეთში, სტივ უიტკოფმა, მასკატში მხოლოდ ბირთვული საკითხები განიხილონ.„ირანი დიპლომატიაში ღია თვალებითა და გასული წლის მყარი მეხსიერებით ერთვება. ჩვენ კეთილსინდისიერად ვმონაწილეობთ და მტკიცედ ვდგავართ ჩვენს უფლებებზე. ვალდებულებები უნდა შესრულდეს“, - დაწერა მოლაპარაკებების დაწყებამდე არაღჩიმ X-ზე. „თანასწორი პოზიცია, ორმხრივი პატივისცემა და საერთო ინტერესები არა რიტორიკა, არამედ აუცილებლობა და მდგრადი შეთანხმების საყრდენებია“.ივნისში, შეერთებულმა შტატებმა ირანის ბირთვულ ობიექტებზე დარტყმები განახორციელა და ისრაელის 12-დღიანი დაბომბვის დასკვნით ეტაპს შეუერთდა."თეირანმა მას შემდეგ განაცხადა, რომ ურანის გამდიდრების სამუშაოები შეჩერებულია. თეირანის ხელმძღვანელობა კვლავ ღრმად არის შეშფოთებული, რადგან აშშ-ის პრეზიდენტმა დონალდ ტრამპმა შესაძლოა მაინც შეასრულოს მუქარა ირანზე დარტყმის შესახებ, ირანის მახლობლად აშშ-ის სამხედრო-საზღვაო ძალების კონცენტრაციის ფონზე", - წერს Reuters.აშშ-ის საზღვაო ძალების გაძლიერება, რომელსაც ტრამპმა მასშტაბური „არმადა“ უწოდა, მოჰყვა გასულ თვეში ირანში ქვეყნის მასშტაბით მიმდინარე პროტესტების სისხლიან დარბევას, რამაც ვაშინგტონსა და თეირანს შორის დაძაბულობა კიდევ უფრო გაამწვავა.თეთრი სახლის პრესმდივანმა კაროლინ ლივიტმა ხუთშაბათს ჟურნალისტებს განუცხადა, რომ ტრამპს სურს დაადგინოს, არის თუ არა შესაძლებელი გარიგების დადება, თუმცა ირანის რეჟიმი გააფრთხილა: „სანამ ეს მოლაპარაკებები მიმდინარეობს, მინდა შევახსენო ირანის რეჟიმს, რომ პრეზიდენტს, როგორც მსოფლიო ისტორიაში ყველაზე ძლიერი სამხედრო ძალის მთავარსარდალს, დიპლომატიის გარდა მრავალი სხვა ვარიანტი აქვს“.ტრამპმა გააფრთხილა ირანი, რომ თუ შეთანხმება ვერ მოხერხდება, სავარაუდოდ, „ცუდი ამბები“ მოხდება. ამან გაზარდა ზეწოლა ისლამურ რესპუბლიკაზე დაპირისპირებაში, რასაც საჰაერო დარტყმების ორმხრივი მუქარა მოჰყვა. ირანმა პირობა დადო, რომ ნებისმიერ სამხედრო დარტყმაზე მკაცრი პასუხი ექნება და გააფრთხილა მეზობელი ქვეყნები, რომლებიც მასპინძლობენ აშშ-ის ბაზებს, რომ ისინი შესაძლოა ცეცხლის ხაზზე აღმოჩნდნენ, თუ თავდასხმაში ჩაერთვებიან.„ძალიან რთულია იმის დანახვა, რომ მათ ხვალინდელ მოლაპარაკებებზე საკმარის დათმობებზე წავიდნენ იმისთვის, რომ აშშ-მა დამაჯერებლად განაცხადოს გარღვევის შესახებ. სწორედ აქედან გამომდინარე, ვფიქრობ, სამხედრო კონფლიქტი უფრო სავარაუდოა, ვიდრე არა“, - განაცხადა ედმუნდ ფიტონ-ბრაუნმა, ვაშინგტონში მოქმედი ანალიტიკური ცენტრის (FDD) უფროსმა მკვლევარმა.ურანის გამდიდრებაReuters წერს: ომანში მომლაპარაკებლებს მოუწევთ გვერდი აუარონ ირანის „წითელ ხაზს“ სარაკეტო პროგრამის განხილვაზე, რათა მიაღწიონ შეთანხმებას და თავიდან აიცილონ მომავალი სამხედრო მოქმედებები. თეირანმა კატეგორიულად გამორიცხა მოლაპარაკებები მის „თავდაცვის შესაძლებლობებზე, მათ შორის რაკეტებსა და მათ რადიუსზე“.მოლაპარაკებების დაწყებამდე რამდენიმე საათით ადრე, ირანის სახელმწიფო ტელევიზიამ განაცხადა, რომ ქვეყნის ერთ-ერთი ყველაზე მოწინავე შორ მანძილზე მოქმედი ბალისტიკური რაკეტა „ხორამშაჰრ 4“ რევოლუციური გვარდიის ერთ-ერთ ვრცელ მიწისქვეშა სარაკეტო კომპლექსში განათავსეს. თუმცა, გასულ კვირას ირანელმა ოფიციალურმა პირებმა Reuters-ს განუცხადეს, რომ თეირანი მზად არის აჩვენოს „მოქნილობა ურანის გამდიდრებაზე, მათ შორის 400 კგ მაღალგამდიდრებული ურანის (HEU) გადაცემასა და კონსორციუმის ფარგლებში ნულოვანი გამდიდრების მიღებაზე“. ამავდროულად, ირანი დაჟინებით მოითხოვს, რომ ურანის გამდიდრების უფლება არ ექვემდებარება განხილვას.ირანი აცხადებს, რომ მისი ბირთვული საქმიანობა მშვიდობიანი მიზნებისთვისაა და არა სამხედრო, მაშინ როცა აშშ და ისრაელი მას ბირთვული იარაღის შექმნის მცდელობებში ადანაშაულებენ.თეირანის გავლენა რეგიონში საგრძნობლად შესუსტდა მისი რეგიონული მოკავშირეების - ე.წ. „წინააღმდეგობის ღერძის“ (ჰამასი ღაზაში, ჰეზბოლა ლიბანში, ჰუსიტები იემენში და დაჯგუფებები ერაყში) წინააღმდეგ ისრაელის თავდასხმებით, ისევე როგორც ირანის ახლო მოკავშირის, სირიელი დიქტატორის ბაშარ ალ-ასადის დამხობით.

1770366636

მათ შორის: საცხოვრებელი სეგმენტის ინდექსი წინა თვესთან შედარებით გაიზარდა 2.5%-ით, ხოლო წინა წლის შესაბამის თვესთან შედარებით 6.3%-ით არასაცხოვრებელი სეგმენტის ინდექსი წინა თვესთან შედარებით გაიზარდა 1.8%-ით, ხოლო წინა წლის შესაბამის თვესთან შედარებით 8.8%-ით სამოქალაქო სეგმენტის ინდექსი წინა თვესთან შედარებით გაიზარდა 3.3%-ით, ხოლო გასული წლის შესაბამის თვესთან შედარებით 2.9%-ით საქსტატის მონაცემებით, 2025 წლის დეკემბერში მშენებლობის ღირებულების ინდექსი წინა თვესთან შედარებით 2.7%-ით გაიზარდა. აღნიშნული ცვლილება, ძირითადად, განპირობებული იყო მშენებლობის დარგში დაქირავებით დასაქმებულთა საშუალო თვიური ნომინალური ხელფასის 15.3%-იანი ზრდით, რამაც 2.78 პ.პ. შეიტანა ჯამური ინდექსის ცვლილებაში.წინა წლის შესაბამის თვესთან შედარებით მშენებლობის ღირებულების ინდექსი გაიზარდა 5.2%-ით. ინდექსის ზრდა, უმეტესწილად, გამოწვეული იყო მშენებლობის დარგში დაქირავებით დასაქმებულთა საშუალო თვიური ნომინალური ხელფასის 23.9%-იანი მატებით და სხვა ხარჯების კატეგორიის 4%-იანი ზრდით, რამაც შესაბამისად, 5.09 და 0.24 პ.პ. შეიტანა ჯამური ინდექსის ცვლილებაში. ამასთან, 2022 წლის თებერვალთან შედარებით მშენებლობის ღირებულების ინდექსი გაიზარდა 29.2%-ით.

1770361924

ღვინის ეროვნული სააგენტოს თავმჯდომარის, ლევან მეხუზლას განცხადებით, 2026 წლის რთველის დროს ყურძნის სამი განსხვავებული ფასი დაწესდება. ფასი პირდაპირ იქნება მიბმული ყურძნის კონდიციურობაზე, რადგან მაღალი ხარისხის ღვინის მისაღებად კრიტიკულად მნიშვნელოვანია ნედლეულის სათანადო სიმწიფე.„ყურძენი, რომლითაც ღვინო მზადდება, არ უნდა იყოს 17%-ზე დაბალი შაქრიანობის. ხარისხიანი ღვინის მისაღებად აუცილებელია, ყურძენი მივიდეს საჭირო სიმწიფემდე“, - აღნიშნა ლევან მეხუზლამ.საკანონმდებლო ცვლილებები და ვენახების კონტროლირეფორმის ფარგლებში იგეგმება ცვლილებები „ვაზისა და ღვინის შესახებ“ საქართველოს კანონში. ერთ-ერთი მთავარი სიახლე სამეწარმეო ვენახების გაშენებაზე ნებართვის შემოღებაა. მიმდინარე წლიდან, კომერციული მიზნით ვენახის გაშენებისთვის აუცილებელი იქნება ღვინის ეროვნული სააგენტოს თანხმობა.სააგენტოს თავმჯდომარის განმარტებით, აღნიშნული გადაწყვეტილება ბაზარზე არსებულმა მაღალმა კონკურენციამ და გლობალურად ღვინის მოხმარების შემცირებამ განაპირობა. კონტროლი დაწესდება შემდეგ პარამეტრებზე: ნიადაგის ვარგისიანობა ნაკვეთის ექსპოზიცია და მდებარეობა ვაზის ნერგების ხარისხი და სტანდარტებთან შესაბამისობა ვინ შეეხება ცვლილებები?ახალი რეგულაციები მხოლოდ ახალ, სამეწარმეო ვენახებს შეეხება და არ გავრცელდება უკვე გაშენებულ ფართობებზე. ლევან მეხუზლას თქმით, რადგან ახლა ვენახების ფორმირების პერიოდია, მევენახეებმა დაგეგმილი ცვლილებები სამუშაოების დაწყებამდე უნდა გაითვალისწინონ.„ჩვენი რეფორმები გათვლილია დარგის მომავალსა და განვითარებაზე. ბოლო ათწლეულში ვენახების ფართობები სპონტანურად გაიზარდა, ახლა კი პრიორიტეტი ხარისხია, რაც საშუალებას მოგვცემს, საერთაშორისო ბაზარზე კონკურენტუნარიანი პროდუქცია წარვადგინოთ“, - განაცხადეს სააგენტოში.

1770355080

ადგილობრივ ვალუტაში იპოთეკა გაიაფებულია.სებ-ის თვის მიმოხილვით, ეროვნული ვალუტით გაცემული იპოთეკური სესხების საპროცენტო განაკვეთი 0.2 %პ-ით, 12.1%-მდე შემცირდა. კლებაა გასულ წელთან შედარებითაც,  შარშან 12,6% იყო.ბანკების იპოთეკური სესხების პორტფელი, 01.01/2026-ის მდგომარეობით, 13.4 მლრდ ლარია და მათ შორის ლარში გაცემულია 9.3 მლრდ ლარი.დეკემბერში გაზრდილია არარეზიდენტების დაკრედიტება. უცხოურ ვალუტაში გაცემულია 40 მლნ -მდე ლარის ეკვივალენტი. 220 იპოთეკური სესხი. ლარში კი 55, სულ, 8 მილიონის.

1770312129

ევრობანკი კვლავ ადასტურებს, საშუალოვადიან პერსპექტივაში ინფლაციის 2%-იან მიზნობრივ ნიშნულთან სიახლოვეს დასტაბილურებას.ბანკის შეფასებით, ევროზონის ეკონომიკა მდგრადობას ინარჩუნებს, დაბალი უმუშევრობის, კერძო სექტორის ჯანსაღი ბალანსის ხარჯზე. ასევე საპროცენტო განაკვეთების წინა შემცირებით გამოწვეული დადებითი ეფექტებით.ამასთან, აღნიშნავს, რომ პერსპექტივა კვლავ გაურკვეველი რჩება, განსაკუთრებით გლობალური სავაჭრო პოლიტიკით გამოწვეული რისკებისა და მიმდინარე გეოპოლიტიკური დაძაბულობის გამო.(BRG)

1770305820

განახლებული ციფრული ყულაბა მოსწავლეებს შესაძლებლობას აძლევს, თანხის დაზოგვა მარტივად, უსაფრთხოდ და სახალისოდ დაიწყონ და აქციონ ის ყოველდღიურ ჩვევად, რაც დამოუკიდებელი ფინანსური გადაწყვეტილებების მიღებაში დაეხმარებათ.მისი მეშვეობით, მოსწავლეებს ახლა უკვე აქვთ შესაძლებლობა, დაამატონ კონკრეტული მიზნები და რეალურ დროში დააკვირდნენ, თუ როგორ აგროვებენ თანხას სასურველი ნივთისთვის. ეს პროცესი თანხის შეგროვებას მოტივაციის მიმცემ გამოცდილებად აქცევს და ფინანსური პასუხისმგებლობის განვითარებას უწყობს ხელს.გოჭი-ყულაბით თანხის დაგროვება ორი გზით არის შესაძლებელი: ავტომატური დაზოგვა - მოსწავლე აპლიკაციაში  უთითებს მცირე თანხას (25 თეთრიდან 10 ლარამდე), რომელიც ბარათით ყოველი გადახდისას ავტომატურად გადადის ყულაბაში. დანაკლისი შეუმჩნეველია, თანხა კი სტაბილურად გროვდება; ერთჯერადი შევსება - ყულაბაში სასურველი თანხის ერთჯერადად გადარიცხვაც შესაძლებელია ნებისმიერ დროს, რაც იდეალურია დაბადების დღეზე ნაჩუქარი თანხის ან ჯიბის ფულის გადასანახად. sCoolApp-ის ახალი ფუნქციონალი მშობლებისთვისაც მნიშვნელოვანი ინსტრუმენტია. აპლიკაცია მათ შესაძლებლობას აძლევს, ბავშვებთან ერთად მარტივად და ბუნებრივად დაიწყონ საუბარი თანხის შეგროვებაზე, მის მართვაზე, მიზნების დაგეგმვასა და დაზოგვის მნიშვნელობაზე.გოჭი ყულაბის ახალი ფუნქციონალით სარგებლობისთვის, საჭიროა თქვენს შვილს განუახლოთ sCoolApp. თუ sCoolApp ჯერ არ გადმოგიწერიათ, გადადით ბმულზე, გაეცანით დეტალებს და მიჰყევით ინსტრუქციას.(R)

1770302100

სახელმწიფო კომპანიის მიერ გავრცელებულ ინფორმაციაში ნათქვამია, რომ შეთანხმება ითვალისწინებს თანამშრომლობის ჩარჩოს ჩამოყალიბებას, რომელიც მიმართული იქნება მხარეების კოორდინირებულ მუშაობაზე პროექტის მომზადებისა და განვითარების მიმართულებით."მემორანდუმის ფარგლებში, მხარეები თანხმდებიან, რომ ითანამშრომლებენ პროექტისთვის საჭირო სხვადასხვა ტიპის კვლევების, მათ შორის შავი ზღვის ფსკერის გეოტექნიკური და გეოფიზიკური, ფინანსური, სამართლებრივი/მარეგულირებელი, გარემოსდაცვითი და სოციალური ზემოქმედების კვლევების ჩატარების კუთხით. შეთანხმება ასევე ითვალისწინებს შესაბამის საერთაშორისო ორგანიზაციებში ინსტიტუციური წარმომადგენლობის კოორდინირებულ უზრუნველყოფას", - აცხადებენ სახელმწიფო სისტემაში.მათივე ცნობით, წელს იტალიური საკონსულტაციო კომპანია CESI-ს მიერ განხორციელებულმა კვლევამ დაადასტურა, რომ პროექტი ტექნიკურად და ეკონომიკურად განხორციელებადია. პროექტი შეტანილია ელექტროენერგიის გადამცემი სისტემის ოპერატორების ევროპული ქსელის (ENTSO-E) 2022 და 2024 წლების ათწლიანი ქსელის განვითარების გეგმაში (TYNDP) და წარდგენილია ENTSO-E TYNDP 2026 გეგმაში შეტანის მიზნით. 2025 წლის ევროკომისიამ პროექტი ორმხრივი ინტერესის პროექტების (PMI) სტატუსის მისაღებ სიაში შეიტანა.შავი ზღვის წყალქვეშა კაბელის პროექტი ითვალისწინებს მაღალი ძაბვის წყალქვეშა გადამცემი ქსელის მოწყობას, რომელმაც ერთმანეთთან უნდა დააკავშიროს საქართველოსა და ევროპის ელექტროენერგეტიკული სისტემები. კერძოდ, 1155 კილომეტრი სიგრძის კაბელი საქართველოდან შავი ზღვის გავლით რუმინეთს დაუკავშირდება. შავი ზღვის კაბელის შესახებ მემორანდუმი 2022 წლის 17 დეკემბერს გაფორმდა და მის ხელმომწერებს შორის არიან: საქართველო, აზერბაიჯანი, უნგრეთი და რუმინეთი.

1770292841