პაპუაშვილი აშშ-თან ურთიერთობების „გადატვირთვას“ აპრილში ელოდება

"გლობალურ ბაზრებზე განწყობები ცვალებადი რჩება, მხოლოდ ხანმოკლე გაუმჯობესებითა და შემდეგ კვლავ გაუარესებით, რა მხრივაც გამონაკლისი არც ბოლო დღეებია.ამ ეტაპზე, საქართველოს ეკონომიკაზე ზეგავლენის კუთხით, მოვლენათა განვითარება თანხვედრაშია ჩვენს 2 მარტის პუბლიკაციაში წარმოდგენილ შეფასებებთან - ერთი მხრივ, დიდწილად ნეიტრალური ეფექტი ლარზე, ხოლო, მეორე მხრივ, ზომიერად, მაგრამ მიმდინარე პერიოდში მაინც უარყოფითი გავლენა ეკონომიკურ ზრდაზე, თავისთავად, ინფლაციის აჩქარებასთან ერთად.მარტში რეზიდენტების უნაღდო დანახარჯები თვიურ ჭრილში დიდწილად უცვლელია, თუმცა არარეზიდენტების ხარჯებში მნიშვნელოვანი შენელება იკვეთება, რაზეც ფრენების რაოდენობისა - განსაკუთრებით, ბათუმის აეროპორტში - და Google-ის სისტემაში საქართველოსთან დაკავშირებული ძიებათა სიხშირის კლებაც მიუთითებს.ამავდროულად, ლარი, რომელიც მარტის პირველ დღეებში სენტიმენტების გაუარესების ფონზე დეპოზიტების უცხოურ ვალუტაში კონვერტაციების  გამო გაუფასურდა, დღეის მდგომარეობით, თითქმის ომამდე ნიშნულზეა გამყარებული, ჩვენი მოლოდინების შესაბამისად, ვინაიდან დეპოზიტების ლარიზაცია თვის მეორე ნახევარში კვლავ გაიზარდა, კონფლიქტის ესკალაციას კი სავალუტო ბაზარი სიჭარბით შეხვდა.მარტში წლიურმა ინფლაციამ 4.3% შეადგინა - გაწლიურებულ თვიურ ჭრილში, 8.6% - და, ჩვენი წინასწარი პროგნოზით, რომელიც მოვლენათა განვითარების პარალელურად დაზუსტდება, წლის ბოლოსთვის 5%-ს გადააჭარბებს, ნავთობისა და ელექტროენერგიის ტარიფების ზრდის პირდაპირი და არაპირდაპირი ეფექტების, აგრეთვე გლობალურ ბაზრებზე საკვების, სასუქებისა და ტრანსპორტირების ხარჯების ზრდის ფონზე.თუმცა, აღსანიშნავია, რომ გლობალური ფასების ზრდა საქართველოს სასაქონლო პროდუქტების ექსპორტის ზრდის პერსპექტივაზეც მიუთითებს, მიუხედავად ნავთობის იმპორტის გაძვირებისა. ამავდროულად, გასათვალისწინებელია ნავთობის ექსპორტიორი ქვეყნებიდან გაზრდილი მოთხოვნა და მიგრაციის პოტენციური ეფექტიც.სხვა მაჩვენებლების კუთხით, საქსტატის მონაცემებით, თებერვალში ეკონომიკურმა ზრდამ 8.8% შეადგინა. ამავდროულად, მარტში ზრდის შენელებაა მოსალოდნელი, ახლო აღმოსავლეთსა და უკრაინაში ომის დასრულების ვადების ირგვლივ კი კვლავ დიდი გაურკვევლობაა - სავალუტო ნაკადების ნაწილობრივ პოტენციური გადინების გადავადება  საბაზო სცენარის ზრდის არგუმენტია, თუმცა, მეორე მხრივ, ახლო აღმოსავლეთის ესკალაცია ახალ უარყოფით შოკს წარმოადგენს.მიმდინარე ანგარიშის ბალანსი რეინვესტიციის გარეშე 2025 წელს, ჩვენი პროგნოზების შესაბამისად, დადებითი იყო, რაც ნიშნავს, რომ საქართველომ, პირველად, დანარჩენი მსოფლიოსგან მეტი შემოსავალი მიიღო, ვიდრე ჯამურად ქვეყანამ დახარჯა.და ბოლოს, რას ნიშნავს მიმდინარე მოვლენები თიბისი კაპიტალის დაფინანსების ოპტიმალური სავალუტო სტრატეგიის ჭრილში? ვინაიდან, ჩვენი შეფასებით, აშშ დოლარის მიმდინარე გამყარება საშუალო და გრძელვადიანი ფაქტორების ცვლილებას არ ასახავს, რეკომენდაცია, რომელიც გასული კვირის ერთგვერდიან შეჯამებაშია მოცემული, უცვლელი რჩება", - წერს თიბისი კაპიტალი. 

1775213673

ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, უცხო ქვეყნის მოქალაქეების, როგორც მართვის ქვეშ არსებული ავტომობილის, ასევე ფიზიკური და ბარგის დეტალური დათვალიერების შედეგად, მალულად განთავსებული არადეკლარირებული ოქროსა (საერთო წონით 545 გრამი) და ვერცხლის (514 გრამი) ნაკეთობები აღმოაჩინეს.არადეკლარირებული საქონლის საერთო საბაჟო ღირებულებამ 145 639 ლარი შეადგინა.3 სამართალდამრღვევი პირის მიმართ, საქმის მასალები შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეცა, ხოლო 2 კანონდამრღვევი მოქალაქე საბაჟო კოდექსის 168-ე მუხლის I ნაწილის შესაბამისად, საერთო  ჯამში 24 313 ლარით დაჯარიმდა.

1775213553

პარასკევს, 3 აპრილს ჟურნალისტებთან შეხვედრისას სპიკერმა განმარტა ბიძინა ივანიშვილის მიერ წარსულში ნათქვამი ფრაზა - „რა უნდათ ამერიკელებს შავ ზღვაში“. პაპუაშვილის თქმით, ეს გამონათქვამი სწორედ ეკონომიკური ინტერესის არარსებობას ეხებოდა.„მიზანმიმართული მცდელობა იყო, დაგვეინტერესებინა არა მხოლოდ ამერიკელი ინვესტორები, არამედ აშშ-ის ხელისუფლებაც... სამწუხაროდ, ინტერესი ვერ გავუღვივეთ. სწორედ ამას გულისხმობდა განცხადება იმის შესახებ, თუ რამდენად შეიძლება ჰქონოდა აშშ-ს შავ ზღვაში ეკონომიკური ინტერესი“, - განაცხადა პაპუაშვილმა.პარლამენტის თავმჯდომარემ ხაზგასმით აღნიშნა, რომ ნებისმიერი სტრატეგიული პროექტის, მათ შორის ანაკლიის პორტის შემთხვევაში, საქართველოს მთავრობის პრიორიტეტი ეროვნული ინტერესების დაცვაა. მისი თქმით, ყველა შეთანხმება ისე ფორმდება, რომ სახელმწიფო ფლობდეს უმრავლესობას და ჰქონდეს გადამწყვეტი სიტყვა.პაპუაშვილმა ასევე დასძინა, რომ ანაკლიის პორტი „შუა დერეფნის“ უმნიშვნელოვანესი ნაწილია, რაც არა მხოლოდ საქართველოს, არამედ მთელი რეგიონის ინტერესებში შედის ევროპისა და აზიის დაკავშირების კუთხით.სპიკერის განცხადებით, აშშ-ის ახალ ადმინისტრაციასთან დიალოგი პირობების წამოყენების გარეშე, ურთიერთინტერესების საფუძველზე მიმდინარეობს და საქართველო კვლავ ღიაა ამერიკული ინვესტიციებისთვის.

1775211312

თბილისი (GBC) - აშშ-ის პრეზიდენტმა დონალდ ტრამპმა ხუთშაბათს გვიან საღამოს ირანის მიმართ ახალი მუქარა გააჟღერა და გააფრთხილა თეირანი, რომ ამერიკული არმია დარტყმებს სამოქალაქო ინფრასტრუქტურაზე, მათ შორის ხიდებსა და ელექტროსადგურებზე განახორციელებს.„ჩვენს სამხედრო ძალებს, რომლებიც ყველაზე დიდია და ძლიერი (ბევრად!) მსოფლიოში, ჯერ არც კი დაუწყიათ იმის განადგურება, რაც ირანში დარჩა. შემდეგი ხიდებია, მერე კი ელექტროსადგურები! რეჟიმის ახალმა ხელმძღვანელობამ იცის, რაც უნდა გაკეთდეს და ეს უნდა გაკეთდეს სწრაფად“, - დაწერა ტრამპმა Truth Social-ზე.როგორც Politico იუწყება, პენტაგონს ირანში დასარტყმელი სტრატეგიულად მნიშვნელოვანი სამიზნეები ეწურება, მიუხედავად იმისა, რომ ტრამპი დაჟინებით მოითხოვს თეირანის დაბომბვის გაგრძელებას კიდევ სამი კვირის განმავლობაში. ხუთშაბათს დილით ტრამპმა გამოაქვეყნა ავიაიერიშის შედეგად ხიდის განადგურების ვიდეო წარწერით: „ირანის უდიდესი ხიდი ინგრევა და მას ვეღარასდროს გამოიყენებენ - ბევრი სხვა რამ ჯერ კიდევ წინაა“.აშშ-ისრაელის ირანთან ომის ხუთი კვირის განმავლობაში, ტრამპი არაერთხელ დაიმუქრა სამოქალაქო ინფრასტრუქტურის, მათ შორის ელექტროსადგურებისა და წყლის გამამტკნარებელი ნაგებობების განადგურებით, რითაც ის ირანის რეჟიმის გატეხვას ცდილობს.აღსანიშნავია, რომ 1949 წლის ჟენევის კონვენცია კრძალავს თავდასხმას იმ ობიექტებსა და ინფრასტრუქტურაზე, რომლებიც „აუცილებელია სამოქალაქო მოსახლეობის გადარჩენისთვის“.Politico წერს, მასირებული დაბომბვის მიუხედავად, თეირანი კვლავ უწევს წინააღმდეგობას ამერიკულ და ისრაელის ზეწოლას და იყენებს საკუთარ ბერკეტებს ჰორმუზის სრუტის - კრიტიკული საზღვაო გზის ფაქტობრივად ჩასაკეტად, რათა მთელ მსოფლიოში ენერგორესურსებზე ფასები გაზარდოს.ირანმა ასევე მიიტანა დარტყმები ყურის რეგიონში არსებულ ნავთობისა და გაზის ობიექტებზე, რამაც ხელი შეუწყო გლობალური ენერგეტიკული კრიზისის ესკალაციას.

1775206469

ქრთამის აღების ფაქტზე დაკავებულია სსიპ „გიორგი აბრამიშვილის სახელობის საქართველოს თავდაცვის სამინისტროს სამხედრო ჰოსპიტლის“ ქუთაისის სამედიცინო ცენტრის განყოფილების უფროსი.გამოძიებით დადგენილია, რომ ბრალდებულმა, წვევამდელთა ეროვნული სამხედრო სამსახურისთვის თავის არიდების მიზნით, 3 000 ლარის სანაცვლოდ, წვევამდელ პირზე ყალბი მონაცემების შემცველი სამედიცინო დასკვნის გაცემა უზრუნველყო, რის საფუძველზეც ეს უკანასკნელი სამხედრო ვალდებულებისგან გათავისუფლებას შეძლებდა.გამოძიების ფარგლებში, სასამართლოს განჩინებების საფუძველზე განხორციელებული ფარული საგამოძიებო მოქმედებების შედეგად, მოპოვებულია აღნიშნული დანაშაულებრივი ქმედების ამსახველი აუდიო და ვიდეომტკიცებულებები.გამოძიება მიმდინარეობს საქართველოს სისხლის სამართლის კოდექსის 338-ე მუხლის პირველი ნაწილით, რაც სასჯელის სახით ითვალისწინებს თავისუფლების აღკვეთას 6-დან 9 წლამდე ვადით.ფინანსთა სამინისტროს საგამოძიებო სამსახური მოუწოდებს საჯარო მოხელეებსა და მათთან დანაშაულებრივ გარიგებაში შესვლის მსურველ პირებს, თავი შეიკავონ მსგავსი უკანონო ქმედებებისგან. სამსახურის რეაგირება ნებისმიერ შემთხვევაში იქნება მკაცრი.

1775202108

საქსტატის მონაცემებით, ყოველთვიური ინფლაციის მაჩვენებლის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე: ტრანსპორტი: ჯგუფში ფასები გაიზარდა 2.9%-ით, რაც თვის ინფლაციაზე 0.33 პ.პ.-ით აისახა. ფასები, ძირითადად, მომატებულია პირადი სატრანსპორტო საშუალებების ექსპლუატაციაზე (4%) და სატრანსპორტო მომსახურებაზე (1.9%);სურსათი და უალკოჰოლო სასმელები: ჯგუფში ფასები გაიზარდა 0.9%-ით, რაც თვის ინფლაციაზე 0.32 პ.პ.-ით აისახა. ფასები გაიზარდა ქვეჯგუფებზე: ხილი და ყურძენი (3.1%), ბოსტნეული და ბაღჩეული (2.2%), შაქარი, ჯემი და სხვა ტკბილეული (2.1%), ზეთი და ცხიმი (1.7%), პური და პურპროდუქტები (1%), ხორცი და ხორცის პროდუქტები (0.7%), მინერალური და წყაროს წყალი, უალკოჰოლო სასმელები და ნატურალური წვენები (0.4%), ყავა, ჩაი და კაკაო (0.3%), თევზეული (0.2%). ამასთან, ფასები შემცირდა რძის, ყველის და კვერცხის ქვეჯგუფზე (-1%);ალკოჰოლური სასმელები, თამბაქო: ფასები გაიზარდა 1.4%-ით. შესაბამისად, ჯგუფის წვლილმა თვის ინდექსში 0.09 პ.პ. შეადგინა. ფასები გაიზარდა როგორც ალკოჰოლურ სასმელებზე (2.6%), ისე თამბაქოს ნაწარმზე (0.6%).წლიური ინფლაციის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე:სურსათი და უალკოჰოლო სასმელები: ჯგუფში ფასები გაიზარდა 7.5%-ით, რაც წლიურ ინფლაციაზე 2.57 პ.პ.-ით აისახა. ფასები მომატებულია ქვეჯგუფებზე: თევზეული (21.2%), ხილი და ყურძენი (13.4%), პური და პურპროდუქტები (9.6%), ხორცი და ხორცის პროდუქტები (9.6%), ზეთი და ცხიმი (7.7%), შაქარი, ჯემი და სხვა ტკბილეული (5.3%), ბოსტნეული და ბაღჩეული (4.9%), რძე, ყველი და კვერცხი (4.5%), ყავა, ჩაი და კაკაო (3.8%), მინერალური და წყაროს წყალი, უალკოჰოლო სასმელები და ნატურალური წვენები (2.1%);ტრანსპორტი: ჯგუფში ფასები გაიზარდა 4%-ით, რაც წლიურ ინფლაციაზე 0.49 პ.პ.-ით აისახა. ფასები გაიზარდა სატრანსპორტო მომსახურებაზე (7.3%) და პირადი სატრანსპორტო საშუალებების ექსპლუატაციაზე (5.7%); სხვადასხვა საქონელი და მომსახურება: ჯგუფში ფასები გაიზარდა 9.8%-ით, რაც 0.48 პ.პ.-ით აისახა მთლიან ინდექსზე. ფასები, ძირითადად, მომატებულია ქვეჯგუფებზე: პირადი ნივთები, სხვა კატეგორიებში ჩაურთველი (58.1%), დაზღვევა (8.5%), პირადი ჰიგიენა (4.3%);ალკოჰოლური სასმელები, თამბაქო: ჯგუფში ფასები გაიზარდა 6.2%-ით, რაც 0.39 პ.პ.-ით აისახა მთლიან ინდექსზე. მოცემულ პერიოდში ფასები გაზრდილია როგორც თამბაქოს ნაწარმზე  (8%), ისე ალკოჰოლურ სასმელებზე (4.6%).

1775200203

საქართველოში ტექნოლოგიური ოლიმპიადები ჯერ კიდევ 1990-იანი წლებიდან ტარდება. მიუხედავად იმ პერიოდის სირთულეებისა, ქართველი მოსწავლეები საერთაშორისო ასპარეზზე მნიშვნელოვან წარმატებებს აღწევდნენ. ამ დრომდე ქვეყანამ 11 ოქროს, 21 ვერცხლისა და 66 ბრინჯაოს მედალი მოიპოვა. ოლიმპიადებში მონაწილე ახალგაზრდები მსოფლიოს წამყვან უნივერსიტეტებსა და ტექნოლოგიურ კომპანიებში აგრძელებენ კარიერას.თიბისი, როგორც ტექნოლოგიური კომპანია და განათლების მხარდამჭერი ბრენდი საქართველოში, აქტიურად ქმნის შესაძლებლობებს ახალი თაობისთვის. სწორედ ამ ხედვის გაგრძელებაა ტექნოლოგიური ოლიმპიადების ჰაბის დაარსება, რომლის ფარგლებშიც, თიბისი ახალი თაობის საერთაშორისო წარმატების მთავარი მხარდამჭერია.ჰაბი დღეს აერთიანებს როგორც ეროვნულ, ისე საერთაშორისო ოლიმპიადებს. მათ შორის ინფორმატიკის მსოფლიო ოლიმპიადას (IOI), ხელოვნური ინტელექტის საერთაშორისო ოლიმპიადას (IOAI), ევროპის გოგოების (EGOI) და ახალგაზრდულ (EJOI) ოლიმპიადებს, ასევე საქართველოს მოსწავლეთა ოლიმპიადას ინფორმატიკაში.ტექ ოლიმპიადების ჰაბის შექმნა მრავალწლიანი გამოცდილების გაგრძელებაა, რომლის უკან დგას არაერთი პროფესიონალი და ენთუზიასტი, მათ შორისაა გიორგი მანდარია, რომელიც უკვე სამი ათწლეულია საქართველოს ტექნოლოგიური ტალანტების აღზრდას ემსახურება.“იმ წლებში, როდესაც საქართველოში შესაძლებლობები ფაქტობრივად არ არსებობდა, მაინც მჯეროდა, რომ საქართველო თავის სათქმელს იტყოდა საერთაშორისო ასპარეზზე.“ - გიორგი მანდარია, საქართველოს ტექ ოლიმპიადების ჰაბის ხელმძღვანელი.ჰაბის შექმნით, ოლიმპიადების ორგანიზების, ნაკრების მომზადებისა და საერთაშორისო ასპარეზზე გამგზავრების პროცესი უფრო სტრუქტურირებული და ხელმისაწვდომი გახდა. პროექტი ასევე მიზნად ისახავს ტექნოლოგიური განათლების პოპულარიზაციას და წარმატების ისტორიების ფართო საზოგადოებისთვის გაცნობას.„განათლებაა ის ძალა, რომელიც მომავალს ქმნის, სწორედ ამიტომ ვქმნით და მხარს ვუჭერთ ინიციატივებს, რომლებიც ახალ თაობას რეალურ შესაძლებლობებს აძლევს. ტექნოლოგიური ოლიმპიადების ჰაბი არის პლატფორმა, რომელიც აერთიანებს გამოცდილებას, ცოდნას და ახალ შესაძლებლობებს,  რათა საქართველოდან კიდევ უფრო მეტი წარმატებული ისტორია დაიწეროს გლობალურ ტექნოლოგიურ სივრცეში“ - მარიამ თევზაძე, თიბისის საგანმანათლებლო პროექტების ლიდი.მთავარია გჯეროდეს საკუთარი მიზნების, ინტერესების და შესაძლებლობების - სწორედ ეს რწმენა ხდება პირველი ნაბიჯი წარმატებისკენ. თიბისის უფასო საგანმანათლებლო პროგრამებზე მიღებული ცოდნით, იქნება ეს - თიბისი ტექსკოლა, კამპუსი, IT აკადემია, ტექ ოლიმპიადების ჰაბი, AI სტუდენტური კლუბი თუ განათლების სხვა შესაძლებლობები - შექმნი პირველ ციფრული პროექტებს, აღმოაჩენ საკუთარ ძლიერ მხარეებს და ტექნოლოგიურ სამყაროში საკუთარ ისტორია თავად დაწერ.(R)

1775198977

ვაჭრობის შედეგების თანახმად, Brent–ის მარკის ნავთობის ფასმა, ივნისში მიწოდების პირობით, ბარელზე $141,37 შეადგინა.აზერბაიჯანული ნავთობის ფასი თურქეთის ჯეიჰანის პორტში, FOB პირობებით, 11,07 დოლარით ანუ 8,92%-ით გაიზარდა და ბარელზე 135,15 დოლარი შეადგინა.აზერბაიჯანის სახელმწიფო ბიუჯეტში მიმდინარე წლისთვის ნავთობის ფასი 65 დოლარის დონეზეა გათვლილი.Azeri Light-ის მინიმალური ფასი 2020 წლის 21 აპრილს დაფიქსირდა ($15,81 ბარელზე), ხოლო მაქსიმალური – 2008 წლის ივლისში ($149,66 ბარელზე).

1775197743