ჯივიპიმ 2025 წლის საქმიანობის შედეგები შეაჯამა

ჯივიპიმ 2025 წლის საქმიანობის შედეგები შეაჯამა

2025 წელს ჯივიპიმ 100 მილიონი ლარის ინვესტიცია განახორციელა.განხორციელებული ინვესტიციის 55%-ზე მეტი წყლისა და წყალარინების ამორტიზებული ქსელების რეაბილიტირება-განახლებაზე დაიხარჯა. ინვესტირება ასევე განხორციელდა მსხვილი ინფრასტრუქტურული პროექტების, ქსელების ზონირების, ტექნიკური და ტექნოლოგიური განახლებებისა და ენერგეტიკული მიმართულებით.2025 წლის განმავლობაში განხორციელებული 400-ზე მეტი პროექტის შედეგად არაერთი საოპერაციო მაჩვენებელი გაუმჯობესდა, მათ შორის:შემცირდა წყალმომარაგების შეზღუდვის სიხშირე თბილისში 10.57%-ით რუსთავში 22.98%-ით შემცირდა წყალმომარაგების შეზღუდვის არეალები თბილისში 15.48%-ით  რუსთავში 12.17%-ით  შემცირდა წყალმომარაგების შეზღუდვის საშუალო დრო თბილისში 6.30 საათამდე რუსთავში 4 საათამდე  შემცირდა წყალმომარაგების ქსელის დაზიანების სიხშირე წყალმომარაგების ქსელზე - 2%-ით წყალარინების ქსელზე - 13%- ით თბილისის კანალიზაციის ქსელში პრევენციული სამუშაოების ფარგლებში გაიწმინდა 55 კმ-ზე მეტრი ქსელი.კრიტიკულ მდგომარეობაში მყოფი ქსელების განახლების მიზნით 2025 წელს არაერთი პროექტი განხორციელდა, მათ შორის ცხელი წერტილების იდენტიფიცირება-რეაბილიტაცია, რომელიც ქსელზე არსებული დაზიანებული მონაკვეთების განახლებას ემსახურება. მიმდინარე წელს ჯივიპიმ თბილისში, რუსთავსა და მცხეთაში წყალსადენისა და წყალარინების ქსელზე 55 მილიონი ლარის ინვესტიცია განახორციელა,100 კმ ქსელი განაახლა, 1650 -ზე მეტი ჩამკეტ-მარეგულირებელი ურდული დაამონტაჟა და 110 სარეაბილიტაციო თუ ინფრასტრუქტურული პროექტი დაასრულა.ქსელის სარეაბილიტაციო პროექტებს შორის აღსანიშნავია: ჭავჭავაძის გამზირის წყალმომარაგების სისტემის რეაბილიტაციის მეორე ეტაპი აწყურის ქუჩის წყალმომარაგებისა და წყალარინების სისტემების რეაბილიტაცია ალექსიძის ქუჩის წყალმომარაგებისა და წყალარინების სისტემების რეაბილიტაცია ევდოშვილის ქუჩის წყალმომარაგების სისტემის რეაბილიტაცია საიათნოვასა და ისპაჰანლის ქუჩების წყალარინების ქსელების რეაბილიტაცია ინოვაციების ქუჩის წყალარინების ქსელის რეაბილიტაცია დიღმის საცდელი მეურნეობის წყალარინების ქსელის  რეაბილიტაცია რუსთავში, ხრამის მაგისტრალის რეაბილიტაციის მეორე ეტაპი რუსთავში, ჭყონდიდელის დასახლების წყალარინების ქსელის რეაბილიტაცია მცხეთაში, აღმაშენებლის ქუჩის მაგისტრალური მილსადენის რეაბილიტაცია რაც შეეხება სტრატეგიულ პროექტებს, კომპანიამ 2025 წელს მსხვილი ინფრასტრუქტურული, ტექნიკური და ტექნოლოგიური განახლებებისა და ენერგეტიკული მიმართულებებით  ჯამში 45  მილიონი ლარის ინვესტიცია განახორციელა.მნიშვნელოვან ინფრასტრუქტურულ პროექტებს შორისაა: ჟინვალჰესის წყალგამყვანი გვირაბის დაზიანებული მონაკვეთების ნაწილობრივი რეაბილიტაცია სამგორის სათავე ნაგებობის, ზემო პლატოს სატუმბი სადგურისა და გამწმენდი ნაგებობის ტუმბო-აგრეგატების, ასევე ღრმაღელის გამწმენდი ნაგებობის სალექრების რეაბილიტაცია სამგორის სათავე ნაგებობის პირველი, მეორე და მესამე რიგის ფილტრების რეაბილიტაცია ბახტრიონის სატუმბი სადგურის რებილიტაცია რუსთავში არსებული სატუმბი სადგურების ელექტრო სისტემების რეაბილიტაცია მაგისტრალური მილსადენების სტრატეგიული მნიშვნელობიდან გამომდინარე, ჯივიპიმ 2025 წელს კიდევ უფრო გააძლიერა პრევენციული მონიტორინგის ღონისძიებები - გარე რისკების შეფასებისა და მაგისტრალების ცალკეული მონაკვეთების მდგომარეობის განსაზღვრის მიზნით. დასრულდა 400 კმ სიგრძის მაგისტრალური მილსადენების მდგომარეობისა და რისკების შეფასების კვლევა, ასევე დამონტაჟდა 30 ჰიდროფონი, რომლებიც უზრუნველყოფენ შესაძლო დაზიანების ან რისკის შესახებ წინასწარი შეტყობინების მიღებას.2025 წლის ერთ-ერთ განსაკუთრებულ პროექტს წარმოადგენს წყალმომარაგების სისტემაში წნევის რეგულირების პროგრამა. მის ფარგლებში ქსელზე დამონტაჟდა 15 წნევის რეგულატორი და 33 ჩამკეტ-მარეგულირებელი ურდული. განხორციელდა 192 კმ სიგრძის წყალმომარაგების ქსელში წნევის ოპტიმიზაცია, რამაც საერთო ჯამში 65,758 აბონენტის მომსახურება გააუმჯობესა. წნევის რეგულირების შედეგად მნიშვნელოვნად შემცირდა ქსელის დაზიანებებისა და წყლის დანაკარგების რაოდენობა. დაიზოგა 5.3 მილიონი კუბური მეტრი მოცულობის წყალი. პროექტი უკვე დასრულდა ისანი–სამგორის რაიონში.გარდა უშუალოდ წყალმომარაგების მომსახურებისა, კომპანიისთვის მნიშვნელოვანია მომხმარებელთან კომუნიკაცია და მათთვის თანამედროვე სერვისის შეთავაზება. სწორედ ამ მიზნით 2025 წელს შეიქმნა განახლებული ვებგვერდი მომხმარებლის პერსონალური კაბინეტით, რომელიც ჯივიპის აბონენტებს აძლევს შესაძლებლობას უმოკლეს დროში მიიღონ ინფორმაცია და გამარტივებულად, დისტანციურ რეჟიმში ისარგებლონ კომპანიის სერვისებით.2025 წელს ჯორჯიან უოთერ ენდ ფაუერმა ცნობიერების ასამაღლებელი კამპანიის "ყოველი წვეთი ძვირფასია"-ს საგანმანათლებლო ეტაპი განახორციელა. თბილისის 100 სკოლის 2500-ზე მეტმა მოსწავლემ ინტერაქციული და სახალისო ფორმით მიიღო ინფორმაცია წყლის სრული ციკლის შესახებ.2025 წელს Aqualia-სთან ერთად ჩვენ აქტიურად დავძლიეთ სისტემური გამოწვევები და განვახორციელეთ მნიშვნელოვანი ინვესტიციები მომსახურების ევროპულ სტანდარტებთან კიდევ უფრო დასაახლოებლად. წყალმომარაგება უწყვეტი და რთული პროცესია, რომელიც მოითხოვს მუდმივ განახლებასა და მაღალტექნოლოგიურ მართვას.ჩვენი ვალდებულებაა, მოსახლეობამ მიიღოს გარანტირებული, ხარისხიანი წყალმომარაგება, ხოლო ინფრასტრუქტურა იყოს საიმედო და მდგრადი. 2025 წლის შედეგები ადასტურებს, რომ სწორ გზაზე ვართ. ჩვენი სამომავლო გეგმა ამ მიმართულებით კიდევ უფრო მეტ მასშტაბურ პროექტს მოიცავს, რათა თბილისის, რუსთავისა და მცხეთის წყალმომარაგების სისტემა მოდერნიზდეს.(R)

ტარიფები ელექტროენერგიასა და გაზზე უცვლელი კიდევ 3 თვით დარჩება

ნარმანიამ ასევე განაცხადა, რომ "ენერგო-პრო ჯორჯიამ", შესაძლოა, 5-წლიან საინვესტიციო გეგმას გადახედოს და დააკორექტიროს.ნარმანიამ სემეკის სხდომის შემდეგ ჟურნალისტებთან განმარტა, რომ პარასკევს მათ კომპანიისგან მიიღეს ცნობა იმის თაობაზე, რომ შესაძლოა საინვესტიციო გეგმა დააკორექტირონ, სწორედ ეს იყო ერთ-ერთი მიზეზი, რის გამოც მარეგულირებელმა დენის არსებული ტარიფების 3 თვით გახანგრძლივების გადაწყვეტილება მიიღო.დავით ნარმანიას თქმით, გარდა აღნიშნული ფაქტორისა, ტარიფების განახლების გადაწყვეტილება გადავადდა ენერგეტიკის ბალანსის დაზუსტების და მთავრობასთან კონსულტაციის მიზეზით.„სამომხმარებლო ტარიფები შედგება ორი კომპონენტისგან. ერთი, ეს არის ელექტროენერგიის განაწილების ტარიფი და თვითონ უშუალოდ ენერგიის ტარიფი. ამ ყველაფერს საფუძვლად დაედო ის, რომ დაზუსტდება სხვადასხვა გენერაციის ობიექტების მიერ მომდევნო პერიოდში მისაღები ენერგიის მოცულობები, შესაბამისი ღირებულებები, ამიტომაც უფრო ზუსტი რომ ყოფილიყო კომისია შემდგომ გაანგარიშებაში, რა თქმა უნდა, მნიშვნელოვანია რომ ეს პარამეტრები მივიღოთ ჩვენ დაზუსტებული ფორმით. ასევე კომპანია „ენერგო-პროს“ ნაწილში საუბარი იყო იმასთან დაკავშირებით, რომ შესაძლოა, მცირედით დაკორექტირდეს მათი წარმოდგენილი საინვესტიციო გეგმა. ამიტომ ამ მოცემულობებზე დაყრდნობით, ჩვენ გამოვიყენეთ, პარალელურად, ჩვენთვის მინიჭებული უფლებამოსილება და დავტოვეთ დროებით, სამი თვის ვადით, არსებული ტარიფები უცვლელი.სამი თვის მერე რა პროცედურები იქნება, ამასთან დაკავშირებით თქვენ იქნებით პერიოდულად საქმის კურსში, რადგან კომპანიები დააზუსტებენ ცალკეულ მონაცემებს, დაზუსტდება ბალანსიც, შესაბამისად, კომისია ყოველთვის იხელმძღვანელებს იმ მეთოდოლოგიით, რომლითაც ითვლის ტარიფებს და რომლის საფუძველზეც იქნება დაანგარიშებულ ტარიფები“, - განაცხადა დავით ნარმანიამ.ინფორმაციისთვის, თბილისში მცხოვრები აბონენტები, რომლებიც ყოველთვიურად 0-დან 101 კილოვატამდე ელექტროენერგიას მოიხმარენ ერთ კილოვატში 15,041 თეთრს იხდიან.101-301 კილოვატ საათის ჩათვლით მომხმარებლებისთვის ტარიფი 19.053 თეთრია, ხოლო 301 კილოვატზე მეტი ელექტროენერგიის მომხმარებლებისთვის ტარიფი 23.537 თეთრი.რეგიონების რაც შეეხება: "ეპ ჯორჯიას“ მომხმარებლებს, ის აბონენტები, რომლებიც 0-დან 101 კილოვატამდე ელექტროენერგიას მოიხმარენ, ტარიფი 14.731 თეთრს შეადგენს. 101-301 კილოვატ საათის ჩათვლით მომხმარებლებისთვის ტარიფი 18.708 თეთრი, ხოლო 301 კილოვატზე მეტი ელექტროენერგიის მომხმარებლები ერთ კილოვატში 23.227 თეთრს იხდიან.ამ დროისთვის ბუნებრივი აირის სამომხმარებლო ტარიფები თბილისსა და რეგიონებში ასე გამოიყურება: „თბილისის ენერჯი“ - კუბური მეტრის ფასი 53.971 თეთრი; „სოკარ ჯორჯია გაზი“ - კუბური მეტრის ფასი 56.928 თეთრი; „საქორგგაზი“ - კუბური მეტრის ფასი 56.990 თეთრი; „თელავგაზი“ - კუბური მეტრის ფასი 58.863 და ა.შ.

მანქანის განბაჟება თუ 1-4 იანვარს გიწევთ, ჯარიმა 5-მდე არ დაგეკისრებათ

შსს-ს მომსახურების სააგენტოს სტრუქტურული ერთეულები 2026 წლის 1-ელი იანვრიდან 4 იანვრის ჩათვლით არ იმუშავებენ.დასვენების დღეების გამო, იმ პირებს, რომლებსაც შენახული/დაჯავშნილი აქვთ სატრანსპორტო საშუალების სახელმწიფო სანომრე ნიშნები და აღნიშნულ პერიოდში ეწურებათ შენახვის/დაჯავშნის დრო, ვადა გაუხანგრძლივდებათ 5 იანვრის ჩათვლით.ასევე, იმ პირებს, რომლებსაც მართვის უფლების მისაღები პრაქტიკული გამოცდის პირველ ეტაპზე (მოედანი) გასვლის 30-ე დღე 2026 წლის 1-ელი იანვრიდან 4 იანვრის ჩათვლით უწევდათ, მხოლოდ ერთი გასვლის უფლება მიეცემათ 5 იანვრიდან 9 იანვრის ჩათვლით.ხოლო ის პირები, რომლებსაც ცნობის (აპოსტილი/ლეგალიზაცია) გატანა უწევთ 2026 წლის 1-ელ, 2 ან 3 იანვარს, ცნობის გატანას შეძლებენ 5 იანვარს. სხვა შემთხვევაში ცნობების დამზადების ვადა აითვლება კანონით განსაზღვრულ ვადებში.ცნობისთვის, გამოცხადებულ უქმე დღეებში - 5 და 6 იანვარს სააგენტოს ყველა სტრუქტურული ერთეული ჩვეულ რეჟიმში, 09:30 საათიდან 17:00 საათამდე იმუშავებს.

GCC–საქართველოს შორის თავისუფალი ვაჭრობის შეთანხმებაზე კონსულტაციები გ...

კონსულტაციებზე ქართულ მხარეს ხელმძღვანელობდა ეკონომიკისა და მდგრადი განვითარების მინისტრის მოადგილე გენადი არველაძე, ყურის თანამშრომლობის საბჭოს დელეგაციას კი თავისუფალი ვაჭრობის შეთანხმებების გენერალური დირექტორი აბდულრაზა ალრაიდი.შეხვედრაზე მხარეებმა განიხილეს თავისუფალი ვაჭრობის შესახებ შეთანხმების სტრუქტურა და კონკრეტული მიმართულებები, როგორიცაა საქონლით ვაჭრობა, ვაჭრობაში დაცვითი ზომები, წარმოშობის წესები, სანიტარიული და ფიტოსანიტარიული ზომები, ვაჭრობაში ტექნიკური ბარიერები.როგორც გენადი არველაძემ განაცხადა, ყურის თანამშრომლობის საბჭოსთან კონსულტაციები ნაყოფიერად და რაც მთავარია, განსაზღვრულ ვადებში მიმდინარეობს. „ჩვენ GCC - ის მხარესთან უკვე განვიხილეთ მნიშვნელოვანი მიმართულებები. საქართველო მიესალმება საბჭოს წევრ - სახელმწიფოებთან თავისუფალი ვაჭრობის  შეთანხმების შესახებ მოლაპარაკების  დაწყებას. მიგვაჩნია, რომ შეთანხმება იქნება ხელსაყრელი როგორც საქართველოსთვის, ისე საბჭოს წევრი ქვეყნებისთვის. იმედი გვაქვს, რომ GCC-ს საბჭო ანგარიშს მოკლე ვადებში მოამზადებს, ორგანიზაციის მინისტრთა საბჭოს 2026 წლის პირველ კვარტალში წარუდგენს, რომელიც, თავის მხრივ, მხარს დაუჭერს მოლაპარაკების დაწყების მიზანშეწონილობას თავისუფალი ვაჭრობის შეთანხმების შესახებ", - აღნიშნა გენადი არველაძემ.თბილისში გამართულ შეხვედრას წინ უძღოდა საუდის არაბეთში საქართველოს დელეგაციის ვიზიტი, რომელიც მიმდინარე წლის 16 დეკემბერს გაიმართა.

შემოსავლების სამსახურსა და იუსტიციის სახლს შორის თანამშრომლობის მემორა...

აღნიშნული მემორანდუმის ფარგლებში, იუსტიციის სახლში შემოსავლების სამსახურის ელექტრონული სერვისების დანერგვა ეტაპობრივად განხორციელდება და საბოლოო ჯამში, იუსტიციის სახლის ფილიალებში შემოსვლების სამსახურის 500-მდე სერვისი გახდება ხელმისაწვდომი, რაც კიდევ უფრო გაუმარტივებს გადასახადის გადამხდელებს საგადასახადო ვალდებულებების შესრულებას და „ერთი ფანჯრის" პრინციპით უზრუნველყოფს მოქალაქეებისთვის სახელმწიფო სერვისებზე ხელმისაწვდომობის გაზრდას.შეხვედრას ესწრებოდნენ ფინანსთა სამინისტროს შემოსავლების სამსახურის უფროსის პირველი მოადგილე პაატა კილაძე და უწყების სხვადასხვა დეპარტამენტის ხელმძღვანელი პირები.მემორანდუმი ძალაში შედის მხარეების მიერ, მისი ხელმოწერის თარიღიდან.