ჯივიპიმ ტაძრისა და მონასტრის ქუჩებზე წყალმომარაგების ქსელის მასშტაბური რეაბილიტაცია დაიწყო

გიორგი კალანდარიშვილმა დელეგაციის წევრებს ასევე დეტალური ინფორმაცია მიაწოდა 26 ოქტომბრის არჩევნებში ელექტრონული ტექნოლოგიების გამოყენების, ფართომასშტაბიან საინფორმაციო კამპანიისა და მნიშვნელოვანი სიახლეების შესახებ.„საარჩევნო ადმინისტრაცია აგრძელებს შეხვედრებს საერთაშორისო ორგანიზაციებთან და სადამკვირვებლო მისიებთან, იმისათვის რომ მათ ჰქონდეთ ამომწურავი და ზუსტი ინფორმაცია ყველა მიმდინარე და მნიშვნელოვან საკითხთან დაკავშირებით. საარჩევნო ადმინისტრაციისთვის მნიშვნელოვანია არჩევნებში ჩართულ მხარეებთან თანამშრომლობა და მათი დროული ინფორმირება, რაც თავის მხრივ დადებითად აისახება საარჩევნო გარემოზე. დღევანდელ შეხვედრაზე სხვადასხვა მნიშვნელოვან საკითხებთან ერთად დეტალურად ვისაუბრე უწყების წინაშე არსებული გამოწვევებისა და საარჩევნო პროცესში დეზინფორმაციის გავლენაზე. 26 ოქტომბრის არჩევნებამდე ცოტა დრო რჩება, შესაბამისად, ადმინისტრაცია ყველანაირ ძალისხმევას იყენებს იმისათვის, რომ 26 ოქტომბრის არჩევნები საერთაშორისო და ევროპული სტანდარტების შესაბამისად ჩატარდეს“, - განაცხადა გიორგი კალანდარიშვილმა შეხვედრის შემდგომ.თავის მხრივ, დელეგაციის წევრებმა დადებითად შეაფასეს საარჩევნო ადმინისტრაციის მიერ განხორციელებული საქმიანობები, როგორც ტექნოლოგიური ინტერვენციის, ისე ამომრჩეველთა ინფორმირების მიმართულებით.მათი თქმით, 26 ოქტომბრის არჩევნებს საერთაშორისო საზოგადოება ყურადღებით დააკვირდება.18 ოქტომბერს ცესკოში გამართულ შეხვედრას ამერიკის შეერთებული შტატების საგარეო საქმეთა კომიტეტის (HFAC) დელეგაციის წევრებთან ერთად, ასევე, ესწრებოდნენ აშშ-ის საერთაშორისო განვითარების სააგენტოს (USAID) და საქართველოში ამერიკის საელჩოს წარმომადგენლები.

1729260652

ორგანიზაციების ერთობლივი განცხადების თანახმად, მედიაში გავრცელებული ინფორმაციით, დაფიქსირდა ამომრჩეველთა პერსონალური მონაცემების უკანონო დამუშავებისა და პირადობის დამადასტურებელი მოწმობების ჩამორთმევის არაერთი შემთხვევა.„განსაკუთრებით საგანგაშოა, რომ მმართველი პარტიის აქტივისტები ამომრჩეველთა ნაწილს/საბიუჯეტო დაფინანსებით დასაქმებულ პირებს (ასევე, საბიუჯეტო დაფინანსებით დასაქმებული გარკვეული პირები მათ დაქვემდებარებაში მყოფ თანამშრომლებს) სთხოვენ პირადობის დამადასტურებელი დოკუმენტის მათთვის გადაცემას. არჩევნებში ნების განხორციელებისათვის ხელის შეშლა და ამომრჩევლის ნებაზე ზეგავლენა წარმოადგენს საქართველოს სისხლის სამართლის კოდექსის 162-ე და 1644 მუხლებით გათვალისწინებულ დანაშაულებს, ხოლო იმავე კოდექსის 157-ე მუხლის თანახმად, დანაშაულია პირადი ცხოვრების ამსახველი ინფორმაციის ან პერსონალური მონაცემების უკანონოდ მოპოვება, შენახვა, გამოყენება, გავრცელება ან ხელმისაწვდომობის სხვაგვარი უზრუნველყოფა, რამაც მნიშვნელოვანი ზიანი გამოიწვია. დასახელებული ფაქტები ასევე შეიძლება შეიცავდეს სისხლის სამართლის კოდექსის სხვა მუხლებით გათვალისწინებულ დანაშაულს. ასევე, „პერსონალურ მონაცემთა დაცვის შესახებ" საქართველოს კანონის უხეშ დარღვევას წარმოადგენს ამომრჩეველთა პერსონალური მონაცემების შეგროვება, შენახვა, დამუშავება და გადაცემა. ამასთან, სამსახურებრივად დაქვემდებარებული ან სხვაგვარად დამოკიდებული პირის ჩაბმა ისეთ საქმიანობაში, რომელიც ხელს უწყობს კანდიდატის წარდგენას ან/და არჩევას აკრძალულია საქართველოს საარჩევნო კოდექსის 49-ე მუხლით.ორგანიზაციები სამართალდამცავ და შესაბამის სახელმწიფო ორგანოებს ერთობლივად მოუწოდებენ, რომ შეისწავლონ, გამოიძიონ და დროულად მიიღონ შესაბამისი ზომები კანონის სავარაუდო დარღვევის საჯაროდ გავრცელებულ ფაქტებთან დაკავშირებით“, – ნათქვამია არასამთავრობო ორგანიზაციების განცხადებაში.

1729259397

„მაგთიკომმა" განაცხადი ასევე შემოიტანა ცალკემდგომ ლოტებზე 700, 800, 3410-3710 და 2600 მჰც დიაპაზონებში, რომელთა აუქციონიც 21, 22 და 23 ოქტომბერს გაიმართება. სიხშირეების მოპოვებასთან ერთად კი, „მაგთიკომი" ვალდებული იქნება მომდევნო 7 წლის განმავლობაში 5G ქსელით ეტაპობრივად დაფაროს საქართველოს მჭიდროდ დასახლებული პუნქტები, ტურისტული ზონები, პორტები, აეროპორტები, რკინიგზა და ძირითადი საავტომობილო გზები. ამასთან, 5G ქსელების აგებისას, კომპანიამ უნდა იხელმძღვანელოს ევროკავშირის მიერ განსაზღვრული ტექნიკური ნორმებით, რაც ქსელის მაღალ ხარისხსა და უსაფრთხოებას უზრუნველყოფს.5G-ის დასანერგად აუქციონი სულ 17 ლოტზე იყო გამოცხადებული, რომლის ფარგლებშიც 700, 3410-3710, ასევე 2600 მჰც დიაპაზონების სიხშირული ზოლები იყო გამოტანილი. 17 ლოტიდან ორ კომბინირებულ, მათ შორის ერთ კონკრეტულ და ერთ აბსტრაქტულ ლოტს ერთნაირი დაფარვის ვალდებულებები და ფასი ჰქონდათ განსაზღვრული. ორივე მათგანი სიხშირული სპექტრის ორი განსხვავებული, 700 და 3410-3710 მეგაჰერცი  დიაპაზონის ზოლებისგან შედგება და დასახლებული პუნქტების დაფარვის ერთნაირ ვალდებულებას ითვალისწინებს. გარდა 5G-ის დასანერგად გამოცხადებული ლოტებისა, აუქციონი ასევე გამოცხადებული იყო 800 და 2100 მჰც სიხშირულ დიაპაზონებში ლიცენზიის მოსაპოვებლად დამატებით 4 ცალკემდგომ  ლოტზე. საგულისხმოა, რომ კომბინირებული ლოტის შეძენისას MVNO-ს დაშვების სავალდებულო მოთხოვნა არ არსებობდა, თუმცა, იმ შემთხვევაში, თუ კომპანია ლოტს MVNO-ს ვალდებულებით აირჩევდა, საწყის საფასურზე 20%-იანი ფასდაკლება იმოქმედებდა. „მაგთიკომმა" N1 კომბინირებული ლოტი MVNO-ს სავალდებულო დაშვების გარეშე შეიძინა.შეგახსენებთ, რომ გასულ წელს გამოცხადებულ 5G აუქციონში მონაწილეობა მხოლოდ „სელფი მობაილმა" მიიღო, რომლის ფარგლებშიც MVNO-ს დაშვების ვალდებულებასთან ერთად მოიპოვა ლიცენზია მეხუთე თაობის ტექნოლოგიის დასანერგად. დღეისთვის, „სელფი მობაილს" 5G ზუგდიდში, ბაკურიანში, გუდაურში, ბათუმში, ქობულეთში, შეკვეთილში, გონიოსა და  კვარიათში უკვე დანერგილი აქვს და ამ პროცესს კვლავ აქტიურად აგრძელებს. გამომდინარე იქიდან, რომ ComCom-ისთვის ახალი თაობის ტექნოლოგიების დანერგვა კრიტიკულად მნიშვნელოვანია, კომისიამ გაითვალისწინა ოპერატორების მომართვა და პირველი აუქციონიდან ერთი წლის შემდეგ, კომპანიებს მეორედ მისცა შესაძლებლობა მიიღონ მონაწილეობა აუქციონში, დანერგონ მე-5 თაობის ტექნოლოგია და მომხმარებელს მაღალი ხარისხის მომსახურება შესთავაზონ.5G - ეს არის უსადენო ახალი თაობის ინტერნეტ ტექნოლოგია, რომელიც უკვე არსებულ ტექნოლოგიებთან შედარებით, მნიშვნელოვნად  გაზრდის მობილური ინტერნეტის სიჩქარეს,  შეამცირებს დაყოვნებას  და საკომუნიკაციო სექტორთან ერთად, სრულიად ახალ საფეხურზე გადაიყვანს ისეთ უმნიშვნელოვანეს დარგებს, როგორიცაა: ჯანდაცვა, განათლება, ბიზნესი, სოფლის მეურნეობა, ინფრასტრუქტურა და სხვა. რაც, თავის მხრივ, ქვეყნის ეკონომიკას გააძლიერებს.

1729251849

ნავთობპროდუქტების იმპორტიორთა კავშირის ცნობით, წლის სექტემბერში სანავთობო ბიტუმის იმპორტის ყველაზე დიდი მოცულობა განხორციელდა ერაყიდან - 11,7 ათასი ტონა, რაც მთელი იმპორტის 86,7%-ს შეადგენს. შემდეგ მოდიან: თურქმენეთი - 1,7 ათასი ტონა (12,6%); აზერბაიჯანი - 0,1 ათასი ტონა (0,7%);"2024 წლის სექტემბრის თვეში გათხევადებული აირების (LPG) იმპორტმა შეადგინა 8,76 ათასი ტონა, რაც 3,82 ათასი ტონით ანუ 77,3%-ით მეტია გასული წლის ანალოგიური პერიოდის მაჩვენებელთან (4,94 ათასი ტონა) შედარებით.სექტემბერში გათხევადებული აირების (LPG) იმპორტის 97,6% (8,55 ათასი ტონა) განხორციელდა რუსეთის ფედერაციიდან", - ვკითხულობთ ნავთობპროდუქტების იმპორტიორთა კავშირის განცხადებაში.

1729249795

პრემიერ-მინისტრმა კულტურისა და სპორტის ყოფილ მინისტრს თეა წულუკიანს გაწეული საქმიანობისთვის მადლობა გადაუხადა. „როგორც მოგეხსენებათ, ქალბატონი თეა წულუკიანი საქმიანობას გააგრძელებს საქართველოს პარლამენტში, შესაბამისად, მან უკვე დატოვა კულტურისა და სპორტის მინისტრის თანამდებობა. მე მინდა მას კიდევ ერთხელ მადლობა გადავუხადო მის მიერ გაწეული ძალიან ღირებული საქმიანობისთვის. მისი მინისტრობის დროს არაერთი ცვლილება, მნიშვნელოვანი რეფორმა განხორციელდა როგორც კულტურის, ასევე სპორტის სფეროში. კიდევ ერთხელ დიდი მადლობა მას, გაწეული საქმიანობისთვის", - განაცხადა პრემიერმა.1989 წლიდან თინათინ რუხაძე გახლდათ საქართველოს ახალგაზრდა შემოქმედთა გაერთიანების დირექტორის მოადგილე, კამერული ორკესტრის „თბილისის კონცერტინოს“ დირექტორი, მოგვიანებით იყო ტელეფესტივალ „მანას“ აღმასრულებელი დირექტორი. იყო „თიბისი ტვ“-ის გენერალური პროდიუსერი, ასევე საქტელერადიო მაუწყებლობის პროდიუსერთა საბჭოს აპარატის უფროსი და პროდიუსერი. გახლდათ შპს „მელოდი არტის“ დირექტორის მოადგილე და გენერალური პროდიუსერი, აგრეთვე ვასო აბაშიძის სახელობის მუსიკისა და დრამის თეატრის გენერალური დირექტორი, საკრებულოს მრჩეველი განათლებისა და კულტურის საკითხებში.

1729249725

სახალხო დამცველი მოუწოდებს სამართალდამცავ ორგანოებს, საჯაროდ გავრცელებული ინფორმაციების შესაბამისად, შესაძლო დანაშაულებრივი ფაქტების საფუძველზე დაიწყონ გამოძიება.„საქართველოს სახალხო დამცველი საზოგადოებას შეახსენებს, რომ არჩევნებში ნების განხორციელებისათვის ხელის შეშლა, მათ შორის მოტყუებით, ძალადობით თუ სამსახურებრივი მდგომარეობის გამოყენებით, წარმოადგენს სისხლის სამართლის დანაშაულს. სახალხო დამცველი მოუწოდებს სამართალდამცავ ორგანოებს, საჯაროდ გავრცელებული ინფორმაციების შესაბამისად, შესაძლო დანაშაულებრივი ფაქტების საფუძველზე დაიწყონ გამოძიება.ასევე, საქართველოს სახალხო დამცველი გამოხატავს მზაობას მანდატის ფარგლებში დაეხმაროს ნებისმიერ მოქალაქეს რომელსაც ასეთი ფორმით ჩამოართვეს საქართველოს პირადობის მოწმობა. მსგავს შემთხვევებში გთხოვთ მოგვმართოთ აპარატს ცხელ ხაზზე – 1481“, – ვკითხულობთ განცხადებაში.

1729248285

წელს პირველად ეძლევა არჩევნებში მონაწილეობის შესაძლებლობა 135 922 ახალგაზრდას.გადასატანი ყუთის მოთხოვნით კი საარჩევნო ადმინისტრაციას 64 238 ამომრჩეველმა მომართა.სხვა სახელმწიფოში შექმნილი საარჩევნო უბნების სპეციალურ სიებში ამომრჩეველთა რაოდენობა 95 910-ია.ამომრჩევლებს საერთო ჯამში 3 111 საარჩევნო უბანი მოემსახურება. საქართველოში გახსნილია 3 044 უბანი, მათ შორის 13 გამონაკლის შემთხვევაში შექმნილი უბანი, საიდანაც 12 პენიტენციურ დაწესებულებებში, 1 კი ფსიქიკური ჯანმრთელობის ცენტრშია გახსნილი. რაც შეეხება საზღვარგარეთ შექმნილ უბნებს - 42 ქვეყნის 53 ქალაქში შექმნილია 67 საარჩევნო უბანი.არჩევნების გამოცხადებიდან დღემდე ამომრჩეველთა ერთიან სიაში მონაცემები ცესკოს ვებგვერდზე და მობილურ აპლიკაციაში ამომრჩევლებმა გადაამოწმეს 1 311 773-ჯერ, სწრაფი გადახდის აპარატების მეშვეობით კი 29 277 -ჯერ.მას შემდეგ, რაც საარჩევნო ადმინისტრაციამ მიიღო სიები ყველა შესაბამისი უწყებისგან, დამუშავდა აღნიშნული მონაცემები და განხორციელდა საარჩევნო ოლქების და უბნების მიხედვით მათი დაყოფა. ამჟამად ამომრჩეველთა ერთიანი განახლებული სია ცესკოს ოფიციალურ ვებგვერდზე ყველასთვის ხელმისაწვდომია.აქვე მნიშვნელოვანია აღინიშნოს, რომ ამომრჩეველთა სიების საჯარო ინფორმაციისთვის მიკუთვნებული ვერსია ხელმისაწვდომია რეგისტრირებული პარტიებისთვის და საარჩევნო კანონმდებლობით განსაზღვრული დამკვირვებელი ორგანიზაციებისთვის. სიის საჯარო ვერსიის გაცნობის საშუალება აქვთ ამომრჩევლებსაც უშუალოდ საარჩევნო უბნებზე.საარჩევნო წლის მანძილზე საარჩევნო ადმინისტრაციისგან ამომრჩეველთა ერთიანი სია სხვადასხვა დროს გაითხოვა 4-მა პარტიამ და 2-მა არასამთავრობო ორგანიზაციამ, რაც ადასტურებს, რომ ამომრჩეველთა სიის ხელმისაწვდომობა მისი გადამოწმების მიზნით იყო კანონმდებლობისა და საერთაშორისო სტანდარტების შესაბამისი.როგორც საზოგადოებისთვის ცნობილია, ამომრჩეველთა ერთიანი სიის ფორმირება ხორციელდება სხვადასხვა უწყებების მიერ მოწოდებული ინფორმაციის საფუძველზე. გვინდა მადლობა გადავუხადოთ ყველა ადმინისტრაციულ ორგანოს ამ პროცესში მჭიდრო თანამშრომლობისთვის და კოორდინაციისთვის. ასევე, მადლობას ვუხდით ამომრჩევლებს აქტიურობისთვის. მონაცემების გადამოწმებისთვის და სიების სრულყოფის პროცესში შეტანილი წვლილისთვის. არჩევნები საერთო საქმეა.

1729247855

STEM ოლიმპიადაში 6 მოსწავლისგან დაკომპლექტებული გუნდები საკუთარი სკოლის სახელით ასპარეზობდნენ. გუნდის მენტორი, ამავე სკოლის მასწავლებელი  კი გუნდს ლიდერობას უწევდა და ეხმარებოდა მუშაობაში, მასალების დამუშავებაში, მეცადინეობასა და გუნდურობაში.ქართულ-ამერიკულ სკოლას გამარჯვება მოუტანა ვასილ გოგოლაძის, არჩილ ბერაიას, ვატო გოგიას, თორნიკე გაბელაიასა და ნიკოლოზ ყულოშვილისგან დაკომპლექტებულმა გუნდმა, რომელსაც მენტორობას მათი ფიზიკის მასწავლებელი გოგა სუქნიძე უწევდა.ოლიმპიადა ორ ეტაპად ჩატარდა. პირველ, თეორიულ ტურში მონაწილეებმა ფიზიკაში, მათემატიკასა და ინფორმატიკაში გამოავლინეს ცოდნა. ხოლო მეორე, პრაქტიკულ ტურში, საუკეთესო 10-მა გუნდმა 6 საათის განმავლობაში ინჟინერიის ამოცანებზე იმუშავა და  ჭკვიანი სახლები შექმნა. პროექტის ფარგლებში მონაწილეები ინტენსიურ ტრენინგებსა და კურსებს გადიოდნენ კომაროვის პროფესიონალებთან და STEM ექსპერტებთან  ერთად.საგანმანათლებლო ვიზიტის ფარგლებში გამარჯვებულმა მოსწავლეებმა ტექნოლოგიური გამოფენა მოინახულეს, შეხვდნენ ქართველ მეცნიერებს და მათთან ერთად სხვადასხვა ცდაში მიიღეს მონაწილეობა. ესტუმრნენ  ჟენევის უნივერსიტეტის ინოვაციების ლაბორატორიასა და ციურიხის ფედერალური ტექნოლოგიების ინსტიტუტს. მათ ვიზიტის ფარგლებში მოინახულეს გაეროს შტაბ-ბინა და შეხვდნენ საქართველოს მისიის წარმომადგენლებს. პროგრამის პარტნიორი  “კანტის აკადემია" იყო.„საქართველოს ბანკის ერთ - ერთი მთავარი პრიორიტეტი განათლების მხარდაჭერა და ხარისხიან განათლებაზე ხელმისაწვდომობის ზრდაა, რისთვისაც არაერთ საგანმანათლებლო პროექტს ვახორციელებთ როგორც თბილისში, ასევე რეგიონებში. სწორედ ამ მიზანს ემსახურება STEM ოლიმპიადაც,  რომელსაც კომაროვის სკოლასთან თანამშრომლობით ვახორციელებთ. იგივე მიზანი გვქონდა, როცა CERN-ის საგანმანათლებლო ვიზიტის გარდა, ქართულ-ამერიკულ სკოლას მეორე პრიზიც გადაეცა და  საქართველოს ბანკის სრული დაფინანსებით STEM კუთხე მოეწყო. სივრცე ყველა საჭირო მოწყობილობებით არის აღჭურვილი. გვჯერა რომ ეს კუთხე მოსწავლეებს  დაეხმარება გაიღრმაონ ცოდნა ინჟინერიის, ფიზიკის და ზოგადად, ზუსტი და საბუნებისმეტყველო მეცნიერებების მიმართულებით. ჩვენ აქ არ ვჩერდებით და ვაგრძელებთ მომავლის პროფესიების პოპულარიზაციისკენ მიმართული ინიციატივების განხორციელებას“,  - განაცხადა ანა ლომთაძემ, საქართველოს ბანკის კორპორაციული სოციალური პასუხისმგებლობის (CSR) გუნდის უფროსმა. 

1729246063