ნავთობის ფასი 1.9%-ით გაიზარდა

ტრენინგი სპეციალურად ბიზნესების წარმომადგენლებისთვის შეიქმნა და მიზნად ისახავს ზოგადი გარემოსდაცვითი ცნობიერების ამაღლებას და ბიზნესისთვის სასარგებლო და რელევანტურ ინფორმაციის გაზიარებას კლიმატის ცვლილებასთან დაკავშირებული რისკების მიმართულებით. ტრენინგის შემდეგ, ბიზნესსექტორის წარმომადგენლებს ექნებათ ცოდნა მდგრადი ბიზნესმოდელების, მათი უპირატესობებისა და მოსალოდნელი სარგებლის შესახებ. ამასთანავე, კურსი დაეხმარება ბიზნესებს მათ საქმიანობაში მდგრადობის ხელშემწყობი ფაქტორების ინტეგრირებაში.თიბისის ESG აკადემიის სპეციალური კურსი ორიენტირებულია მონაწილეებისთვის არამარტო თეორიული ცოდნის მიწოდებაზე, არამედ მასში ინტეგრირებულია თანამედროვე სწავლების მიდგომები, რომლებიც მიღებული ინფორმაციის პრაქტიკაში გამოყენებას ისახავს მიზნად.ტრენინგის პირველ ნაწილში, შემეცნებითი სამაგიდო თამაშების, ვიდეოების, პრაქტიკული სავარჯიშოებისა და თეორიული მასალების საშუალებით, ბიზნესის წარმომადგენლები მიიღებენ ინფორმაციას ისეთ საკითხებზე, როგორებიცაა: ნარჩენების მართვა და ცირკულარული ეკონომიკა, სათბური აირები, მდგრადი ურბანიზაცია, მდგრადი სოფლის მეურნეობა, კლიმატის ცვლილება და მისი შედეგები საქართველოს რეგიონებზე და სხვა. ტრენინგის მეორე ნაწილი კი დაეთმობა მონაწილეებისთვის კონკრეტულ ეკონომიკურ სექტორებზე მორგებული ინფორმაციის მიწოდებას.ESG აკადემიის კურსზე დასწრების უნიკალური შესაძლებლობა თიბისის ბიზნესმომხმარებლებს აქვთ, რისთვისაც მათ რეგისტრაცია უნდა გაიარონ შემდეგ ბმულზე: სარეგისტრაციო ფორმა.ESG აკადემიის პირველი კურსის განსახორციელებლად, თიბისიმ მხარდაჭერა ორი ევროპული ფონდის ტექნიკური დახმარების პროგრამის ფარგლებში მოიპოვა - EFSE Development Facility (DF) და GGF Technical Assistance Facility (TAF). ტრენინგ პროგრამა კი, თიბისისა და „დეველორის“ აქტიური თანამშრომლობით შეიქმნა. პროგრამა ეფუძნება მდგრადობის მიმართულებით თიბისიში არსებულ ცოდნასა და კომპეტენციას, რომლებიც ტრენინგში გადმოტანილია „დეველორის“ გამოცდილი სწავლების მეთოდების გამოყენებით. თიბისის ESG აკადემია პირველი გრძელვადიანი საგანმანათლებლო პლატფორმაა, რომელიც მონაწილეებს ყველა ტრენინგ პროგრამას სრული დაფინანსებით, ქართულ ენაზე სთავაზობს.

1731568087

ფესტივალის ფარგლებში ქართული ღვინის მასშტაბური დეგუსტაციაც გაიმართა, სადაც წარმოდგენილი იყო სხვადასხვა დასახლების ღვინოები, მათ შორის, ქვევრის ღვინის და საფერავის საერთაშორისო კონკურსში გამარჯვებული ღვინოები. ღონისძიებას ღვინის პროფესიონალები და ჟურნალისტები დაესწრნენ. დეგუსტაციას იტალიელი სომელიე გუიდო ინვერნიცი უძღვებოდა.„ძალიან ამაღელვებელია ისეთი ღვინის დაგემოვნება, რომელსაც 8000-წლიანი დაყენების ისტორია აქვს. ქართული ღვინო მსოფლიოში უფრო და უფრო ცნობილი ხდება, რაც მის მაღალ ხარისხზე მიანიშნებს. საქართველოში გვხვდება ღვინის დაყენების როგორც ტრადიციული, ისე თანამედროვე მეთოდები. ბოლოს, როდესაც საქართველოში ვიმყოფებოდი, დავაგემოვნე რაჭა-ლეჩხუმის ალექსანდროულის და მუჯურეთულის ჯიშის ღვინოები. მე ახლაც მახსოვს მისი გემო, ვიმედოვნებ, რომ ამ ჯიშის ღვინოებს აქაც ვიპოვი“, - აღნიშნა გუიდო ინვერნიციმ, რომელიც იტალიის სომელიეთა ასოციაციის წევრია.33-წლიანი ისტორიის მერანოს ღვინის ფესტივალი მსოფლიო მასშტაბის ერთ-ერთი გამორჩეული ფესტივალია, რომელსაც ევროპის ღვინის მწარმოებლები, ექსპერტები და ჟურნალისტები ესწრებიან. "ქართული ღვინის პოზიციონირება აღნიშნულ ფესტივალზე ძალიან მნიშვნელოვანია, რადგან ის აჩვენებს, რომ ღვინის სამშობლოდ აღიარებული საქართველო, რომელსაც ღვინის წარმოების 8000-წლიანი ისტორია აქვს, დღესაც ღირსეულ ადგილს იკავებს მსოფლიო ბაზრებზე და მუდმივად ვითარდება", - ვკითხულობთ ღვინის ეროვნული სააგენტოს მიერ გავრცელებულ ინფორმაციაში. აღსანიშნავია, რომ 2022 წელს, მერანოს ღვინის  ფესტივალის ფარგლებში, ქართული ქვევრი, როგორც იუნესკოს არამატერიალური კულტურული მემკვიდრეობის ძეგლი, იტალიის ამ ერთ-ერთი უძველესი ქალაქის ცენტრში დაიდგა.

1731567396

სერტიფიკატი, რომელიც კომპანიამ მიკროფინანზას გლობალური სარეიტინგო კომპანიისგან - MFR მიიღო, კლიენტთა დაცვის საერთაშორისოდ აღიარებულ სტანდარტებსა და კრიტერიუმებს ეფუძნება. ვერცხლის სერტიფიკატი ხაზს უსვამს, რომ “კრისტალი” აკმაყოფილებს მომხმარებლების ადეკვატური დაცვისთვის აუცილებელ ყველა სტანდარტს და მუდმივად პროგრესირებს თანამედროვე პრაქტიკის შესაბამისად. საგულისხმოა, რომ კომპანიამ უმაღლესი ქულები დაიმსახურა ისეთ კრიტერიუმებში, როგორებიცაა გამჭვირვალობა, პასუხისმგებლიანი დაფინანსება, სამართლიანი და პასუხისმგებლიანი მიდგომები მომხმარებელთა მომსახურებასა და ეთიკურ სტანდარტებში, ასევე, კონფიდენციალურობის დაცვის სტანდარტებში მომხმარებელთა მონაცემების მიმართ.„MFR-ის ვერცხლის სერტიფიკატი ადასტურებს, რომ „კრისტალის“ საქმიანობა სრულად შეესაბამება მომხმარებლების დაცვის ყველა სტანდარტს და წამყვანი საერთაშორისო პრაქტიკის შესაბამისად, მუდმივად პროგრესირებს. სერტიფიკაცია იყო საპასუხისმგებლო, რთული და, ამავდროულად, ძალიან სასარგებლო პროცესი, რომლის მიმდინარეობისას მომხმარებელთა მომსახურების სფერო სრულად შეფასდა და მიდგომები თუ პროცედურები საუკეთესო სტანდარტების შესაბამისად განახლდა. ეს აღიარება მეტ პასუხისმგებლობას გვაკისრებს, რადგან მომხმარებლების დაცვის მიმართულებით საქმიანობა მუდმივი პროცესია და ბუნებრივია, ის მიკრობანკად ჩამოყალიბების შემდეგაც აქტიურად გაგრძელდება. სერტიფიკატის მოპოვების შედეგად, „კრისტალი“ საერთაშორისოდ აღიარებული სტატუსით პოზიციონირდება, როგორც მაღალი ეთიკური სტანდარტების მქონე, პასუხისმგებლიანი, გამჭვირვალე და ფინანსური მდგრადობის უზრუნველყოფისკენ მიმართული ფინანსური ინსტიტუტი, რომელსაც ადგილობრივი და საერთაშორისო პარტნიორების, არსებული და ახალი ინვესტორების მხრიდან მაღალი რეპუტაციული სანდოობა აქვს.- აღნიშნავს „კრისტალის“ უფროსი აღმასრულებელი ოფიცერი ილია რევია.აღნიშნული სერტიფიკატი კრისტალს MFR-ის ექსპერტების მიერ ჩატარებული ხანგრძლივი და  სიღრმისეული კვლევის შემდეგ მიენიჭა.სერტიფიკატის მიღების მხარდამჭერი იყო „კრისტალის“ დიდი ხნის პარტნიორი Proparco, რომელიც მუდმივად ხელს უწყობს პარტნიორ კომპანიებს, რათა მათი საქმიანობა გამჭვირვალობის საერთაშორისო სტანდარტებს შეესაბამებოდეს და პასუხისმგებლობიანი დაფინანსებისკენ იყოს მიმართული.“პროპარკო მხარს უჭერს მიკროსაფინანსო ორგანიზაციებს პასუხისმგებლიანი და სოციალური პრაქტიკის დანერგვაში, რომელსაც დიდი გავლენა აქვს დაუცველ მოსახლეობაზე. სწორედ ამიტომ, ჩვენთვის საამაყოა, რომ ჩვენი ღირებული პარტნიორის, კრისტალის ძალისხმევა სათანადოდ აღიარა და და იგი კლიენტთა დაცვის ვერცხლის სერტიფიკატით დაჯილდოვდა. დარწმუნებულები ვართ, რომ კრისტალი გზას გაუკვალავს და მაგალითს მისცემს სხვა არაერთ მიკროსაფინანსო დაწესებულებას” - განაცხადა პროპარკოს ტექნიკური დახმარების მიმართულების დირექტორმა, მელოდი სანგმა.მომხმარებლების დაცვა, მათი ინტერესების გათვალისწინება და ინკლუზიურობა „კრისტალის“ საქმიანობის განმსაზღვრელი, საკვანძო ღირებულებებია. ამჟამად კომპანია საბანკო ტრანსფორმაციის გარდამავალ ეტაპზეა, რაც კიდევ უფრო ზრდის მიღებული აღიარების მნიშვნელობას. 

1731566412

₾1 050/₾900 -"ლიბრეში". 900 ლარია,8 სთ-იანი სამუშაოს შესრულებისთვის გასამრჯელო "ორ ნაბიჯში", სადაც 1/2 განაკვეთიანი დატვირთვის შეთავაზებაცაა, ხელფასით - ₾450.  საშემოსავლოს (20%) და საპენსიო გადასახადის (2%) გამოკლების გარეშე. შესაბამისად, კორექტირების შემდეგ, ხელზე ასაღები ხელფასი გამოდის მიზერული, სახელფასო მინიმუმთან (₾250) მიახლოებული.რითეილ ასოციაციის გამგეობის თავმჯდომარეს ეჩვენება, რომ ჰიპერმარკეტების გამდიდრების თემა ასე ხელაღებით იოლი სასაუბრო არ უნდა იყოს. განსაკუთრებულ დამოკიდებულებას მოითხოვს. რადგან FMCG (სწრაფად ბრუნვადი სამომხმარებლო პროდუქტი) მსხვილი კონტრიბუტორია,  ბევრ სექტორს კვებავს. ამასთან არც თუ ისე მომგებიანია როგორც წარმოაჩენენ.გიორგი ხაბაშვილის თქმით, ბაზარი მცდელობას არ აკლებს, რომ დასაქმებული და მომხმარებელი კმაყოფილი იყოს.სურსათით მოვაჭრე ორგანიზებული ბაზრის ლობის თქმით ( "ბიზნესპარტნიორში" საზმაუზე თქვა). კომპანიების მობნდომების და მცდელობის ხარისხი მაღალია. ქსელურ ჰიპერმარკეტების №1 პრიორიტეტია სურსათის უვნებლობის  და ხარისხის უზრუნველყოფა. ასევე მომარაგების ჯაჭვის უწყვეტობა. თუმცა როგორც მან აღნიშნა, რა თქმა უნდა იქნება წყვეტები. მთავარია მონდომება და შედეგიც მალე დადგება. მისი მოლოდინით ორგანიზებული რითეილი 7-8 წელიწადში განვითარდებახაბაშვილის თქმით, FMCG ანგარიშგასაწევი სექტორია, კონტრუბუციის მოცულობით,  ასევე სექტორულ ჭრილში. მხოლოდ იჯარებში  ბაზარი 400 მლნ-ს იხდის, რაც ასტიმულირებს უძრავი ქონების ბაზარს.ლობის შეფასებით, სულ ორგანიზებული  ბაზარი 20.4 მლრდ-იანია (წლიური მაჩვენებელი) და 40-41%-ის ფარგლებშია. შემოსავალი 2025-ისთვის 22 მლრდ-ს გადააჭარბებს ხაბაშვილმა TV ეთერში მაყურებელს აუხსნა, რომ  შემოსავლიანობა არ ნიშნავს მომგებიანობას. მისი მოხმობილი სტატისტიკით, 2023-ში რითეილერების მოგება ბრუნვის 5%-ს შეადგენდა და 2024-ში 2.5%-ზე მეტს არ ელის. ამასთან თქვა, რომ ₾10 მლრდ-იდან 7.8 მლრდ ლარი პროდუქციის თვითღირებულებაზე მოდის.ამასთან, მხვილი კონტრიბუტორი  ხელფასებსი ₾1 მლრდ -ზე მეტს იხდის. საშემოსავლო გადასახადის სახით კი ბიუჯეტში 200 მლნ-ზე მეტი შეაქვს. მარკეტებში ტერმინალზე ტრანზაქციების მომსახურებაში ბანკებს 100 მლნ-ზე მეტს უხდის.თუმცა გამორჩა, რომ რითეილერები ბანკების აპარატებისა და ბანკომატების გაქირავებითაც იღებენ შემოსავალს, კომპანიის ამონაგების  0.1%-ს.ხაბაშვილის მოხმობილის შემდეგ, თუ ჩვენც მოვიხმობთ სტატისტიკიდან, ბაზრის და ერთ-ერთი მსხვილის, "ნიკორა ტრეიდის" (ცალკეული კომპანიის მაგალითზე უფრო გასაგები რომ იყოს ბაზრის ანალიზი) ანგარიშგებას, უხეში კალკულაციით, „ნიკორას" 18.9%-იანი საბაზრო წილის მიხედვით, წლიური საიჯარო გადახდები 76 მლნ -ის ფარგლებში გამოდის.თვეში საშუალოდ ₾ 633 000 და თუ მაღაზიების რაოდენობასაც (617) გავითვალისწინებთ, საშუალოდ თითო მაღაზიაზე უძრავი ქონების ბაზარზე კონტრიბუცია 3 700 აშშ დოლარის ფარგლებში გამოდის.H1/2024-ისთვის ნიკორა ტრეიდის" EBITDA შეადგენს 41,8 მლნ -ს (-9%Y.Y). 2023 წელს იყო 90 მლნ (2022- 85.6 მლნ).FMCG ბაზრის შემოსავალი 20 მლრდ-ს აღემატება.

1731518640

გალტ&თაგარტის მტკიცებით, აღსანიშნავია, რომ რუსეთ-უკრაინის გაზის ტრანზიტის ხელშეკრულება მიმდინარე წლის ბოლოს იწურება, თუმცა გაზსადენის სამომავლო ბედი ჯერ კიდევ უცნობია. ევროკომისიის მიხედვით, ევროპა რუსული გაზისგან დამოუკიდებლობას ემხრობა და მზადაა უკრაინული ტრანზიტის შეწყვეტისთვის.მოთხოვნის მხარეს ევროპა თბილი ნოემბრის მოლოდინშია. თვის განმავლობაში კონტინენტზე ტემპერატურა 30 წლიან საშუალოზე თბილი იქნება, რაც ბუნებრივ აირზე მოთხოვნას შეამცირებს. დამატებით, არსებული მარაგების 95% სავსეა, როცა სამიზნე მაჩვენებელი გათბობის სეზონის დაწყებისას 90% არის. სავსე მარაგებს კონტინენტის ზამთრის მოხმარების თითქმის მესამედის უზრუნველყოფა შეუძლია.

1731503860

შეთანხმებას ხელი მხარეებმა ბაქოში მიმდინარე COP29–ის ფარგლებში მოაწერეს. შეთანხმების მთავარი მიზანი სლოვაკეთისთვის ბუნებრივი გაზის იმპორტის წყაროების დივერსიფიცირებაა აზერბაიჯანული რესურსის ხარჯზე, რაც შეამცირებს ქვეყნის დამოკიდებულებას ტრადიციულ მიმწოდებელზე.ახალი შეთანხმება 2023 წლის აპრილში ინიციირებული მემორანდუმის გაგრძელებაა, როდესაც SOCAR–მა ურთიერთშეთანხმების დოკუმენტი გააფორმა ბულგარეთის, რუმინეთის, უნგრეთის და სლოვაკეთის გაზის სატრანსპორტო სისტემების ოპერატორებთან. ეს მემორანდუმი აზერბაიჯანის მიერ ევროპის გაზმომარაგების მოცულობის ზრდას ითვალისწინებს მოდერნიზებული ქსელების მეშვეობით, რომელიც „სოლიდარობის წრის“ სახელით არის ცნობილი.SOCAR-SPP–ის შეთანხმება თანხვედრაშია აზერბაიჯანის სტრატეგიასთან, რომელიც ევროპის ბაზარზე ბუნებრივი გაზის მიწოდების გაზრდას ითვალისწინებს. 2021 წელს აზერბაიჯანი ევროპას გაზის სამხრეთის დერეფნით 8 მლრდ კბ/მ გაზი მიაწოდა და ამ მოცულობის 12 მლრდ–მდე გაზრდას გეგმავს მიმდინარე წლის ბოლოსთვის. ამ მიზნების მიღწევის მიმართულებით სლოვაკეთთან გაფორმებული შეთანხმება მნიშვნელოვან ნაბიჯად ასახელებენ ბაქოში. ეს შეთანხმება განსაკუთრებით აქტუალურია, რადგან წლის ბოლოს რუსეთ–უკრაინის კონტრაქტი ევროპის მიმართულებით რუსული რესურსის ტრანზიტის შესახებ ძალას კარგავს და უკრაინის ხელისუფლება აღარ აპირებს რუსულ გაზპრომთან აღნიშნული თანამშრომლობის გაგრძელებას. ამის გამო ცენტრალური ევროპის ქვეყნები აქტიურად ეძებენ ბუნებრივი გაზის ალტერნატიულ მიმწოდებლებს.აზერბაიჯანი სლოვაკეთს ამ კონტრაქტის თანახმად წელიწადში რა მოცულობის გაზს მიაწვდის, ჯერ ოფიციციალურად არავის დაუკონკრეტებია, თუმცა SOCAR–თან დაახლოებული წყაროს ცნობით, საუბარი შეიძლება იყოს წლიურად 500 მლნ კბ/მ–ის მიწოდებაზე. დღეის მდგომარეობით აზერბაიჯანი ბუნებრივი გაზით ევროპაში საბერძნეთს, იტალიას, ბულგარეთს, უნგრეთს, რუმინეთს, ხორვატიას და სლოვენიას ამარაგებს.

1731501509

როგორც საჯარო განცხადებებიდან ირკვევა, ქეთევან თურაზაშვილის მამის, საბურთალოს საოლქო საარჩევნო კომისიის წევრის ალექსანდრე თურაზაშვილის გარდაცვალების გამო მიმდინარეობს საგამოძიებო მოქმედებები.„მიუხედავად იმისა, რომ არ დასრულებულა გამოძიება, გრძელდება უდანაშაულობის პრეზუმფციის დარღვევა და ალექსანდრე თურაზაშვილის გარდაცვალების მიზეზად, საოლქო საარჩევნო კომისიის წევრის თეონა ჯაფარიძის შესაძლო მართლსაწინააღმდეგო ქმედებებზე მითითება. სათანადო მტკიცებულებებისა და გამოძიების გარეშე მსგავსი დაუსაბუთებელი ბრალდებები წარმოადგენს პირდაპირ ზეწოლას საოლქო საარჩევნო კომისიის წევრზე.თუ საქართველოს კანონმდებლობით დადგენილი წესით, მოქმედი კომისიის წევრის მიერ, გამოიკვეთება კანონსაწინააღმდეგო ქმედების ჩადენის ფაქტი, ცესკო თავისი უფლებამოსილების ფარგლებში შეისწავლის საკითხს და ექნება სათანადო რეაგირება.საარჩევნო ადმინისტრაცია თხოვნით მიმართავს ქეთევან თურაზაშვილს, დაელოდოს დაწყებულ გამოძიებაზე შესაბამისი უფლებამოსილი ორგანოს საბოლოო გადაწყვეტილებას“, - აცხადებენ ცესკოში.

1731500577

ცენტრალური საარჩევნო კომისია კიდევ ერთხელ განმარტავს, რომ ამომრჩეველთა ზუსტი აქტივობა ასახულია იმ შემაჯამებელ ოქმებში, რომელიც დგება საარჩევნო უბნებზე და სწორედ ამ მონაცემებზე დაყრდნობით დგინდება საბოლოო აქტივობა, რომელიც ფიქსირდება არჩევნების შემაჯამებელ ოქმში.როგორც ცესკოში აღნიშნავენ, გენდერული სტატისტიკა არ შეიტანება კენჭისყრის შედეგების შემაჯამებელი ოქმის მონაცემებში და ის კავშირში არაა კენჭისყრის შედეგებთან.„საგულისხმოა, რომ „სამართლიანი არჩევნები“ ერთის მხრივ ენდობა ცესკოს პირველად მონაცემებს გენდერულ ჭრილში ამომრჩეველთა აქტივობის თაობაზე, ხოლო მეორეს მხრივ უნდობლობას უცხადებს ცესკოს მიერ დაფიქსირებულ არჩევნების წინასწარ ოფიციალურ შედეგებს, თან იმ ფონზე, როდესაც მათივე განცხადებით, ორგანიზაციის მიერ ხმების პარალელური დათვლის შედეგები შესაბამისობაშია ცესკოს შედეგებთან. აღსანიშნავია, რომ ამ შედეგების დღემდე არგასაჯაროების დასაბუთებას „სამართლიანი არჩევნები“ ბუნდოვანი და დამაჯერებლობას მოკლებული არგუმენტებით ცდილობს.ორგანიზაციისთვის კარგადაა ცნობილი, რომ რეგისტრატორი კომისიის წევრების მიერ არჩევნებში მონაწილე ქალი და კაცი ამომრჩევლების დათვლა ხდება არა არჩევნებზე მოსული ქალებისა და კაცების რაოდენობის აღრიცხვით, არამედ მოსული ამომრჩევლის რეგისტრაციის მონაცემებით და ასევე, გადასატანი ყუთის ანალოგიური მონაცემებით. ამის შემდეგ, რეგისტრატორები ითვლიან მხოლოდ ქალი ამომრჩევლის რაოდენობას, ხოლო კაცი ამომრჩევლების გამოთვლა ხდება მოსული ამომრჩევლის საერთო რაოდენობიდან. შესაბამისად, უზუსტობა პირველ მონაცემში ავტომატურად გამოიწვევს უზუსტობას მეორე მონაცემშიც. თუმცა, ხაზგასმით უნდა აღინიშნოს, რომ აქტივობის დათვლა გენდერულ ჭრილში არ წარმოადგენს კანონის მოთხოვნას. აღნიშნული მონაცემები მუშავდება მხოლოდ არასაარჩევნო მიზნებისთვის და მას არანაირი კავშირი არჩევნების შედეგების ოფიციალურ მონაცემებთან არ გააჩნია.მონაცემებში, რომელიც „სამართლიანმა არჩევნებმა“ ცესკოსგან მიიღო, იყო ადამიანური შეცდომით გამოწვეული რამდენიმე ხარვეზი, რაც საარჩევნო ადმინისტრაციამ, როგორც პასუხისმგებლობიანმა უწყებამ, თავადვე დაადასტურა. კერძოდ, 11 საარჩევნო უბნიდან, არჩევნებში მონაწილე ქალების გადმოგზავნილ რაოდენობაში არსებულმა უზუსტობებმა გამოიწვია ცდომილება ჯამურად 150 ამომრჩევლის სქესის აღრიცხვაში, რაც 2 მილიონზე მეტი ამომრჩევლის აღრიცხვისას უმნიშვნელო მაჩვენებელია. „სამართლიანი არჩევნების“ მცდელობა, განაზოგადოს 11 უბანზე დაშვებული უზუსტობები და ეს „მნიშვნელოვან შეუსაბამობად“ მონათლოს, მით უფრო, წარმოაჩინოს არჩევნების გაყალბების დამადასტურებელ ფაქტად, უბრალოდ არასერიოზულია. მაშინ, როდესაც 2020-ში მათივე პარალელური დათვლის შედეგების აცდენას რეალურ შედეგებთან, სამართლიანმა არჩევნებმა „უმნიშვნელო უზუსტობა“ უწოდა.ნიშანდობლივია, რომ თავიდან „სამართლიანი არჩევნები“ საზოგადოებას არწმუნებდა, რომ მსგავსი უზუსტობები ფიქსირდებოდა 23 საარჩევნო უბანზე. მას შემდეგ, რაც დადასტურდა რომ არც ეს შეესაბამება სიმართლეს, ნაცვლად საკუთარი შეცდომის აღიარებისა, ორგანიზაცია გადაერთო ზოგადად კაცების მაღალი აქტივობის ანომალიურობის დამტკიცების ვერსიებზე და შესაბამისი სპეკულაციური აღქმების შექმნის მცდელობებზე.დასასრულს, კიდევ ერთხელ განვმარტავთ, რომ ამომრჩეველთა ზუსტი აქტივობა ასახულია იმ შემაჯამებელ ოქმებში, რომელიც დგება საარჩევნო უბნებზე და სწორედ ამ მონაცემებზე დაყრდნობით დგინდება საბოლოო აქტივობა, რომელიც ფიქსირდება არჩევნების შემაჯამებელ ოქმში. გენდერული სტატისტიკა არ შეიტანება კენჭისყრის შედეგების შემაჯამებელი ოქმის მონაცემებში და ის კავშირში არაა კენჭისყრის შედეგებთან.მოყვანილი ფაქტები ცნობილია ყველა ჩართული მხარისთვის, მათ შორის, მათთვისაც, რომელთა ინტერესს, როგორც ჩანს, სამწუხაროდ, საზოგადოებისთვის ფაქტების მიწოდების ნაცვლად ინფორმაციით მანიპულირება წარმოადგენს“, - აღნიშნულია განცხადებაში.

1731496679