ნედლი რძის ბაზარზე ახალი რეგულაციები წესდება - რას გულისხმობს სამინისტროს რეფორმა

ავიაკომპანიის მიერ, სამოქალაქო ავიაციის სააგენტოში წარმოდგენილი განაცხადის შესაბამისად, DAN AIR  ფრენებს განახორციელებს 1 ივლისიდან  24 ოქტომბრამდე, კვირაში 2 სიხშირით, ყოველ სამშაბათსა და შაბათს.სამოქალაქო ავიაციის სააგენტომ ავიაკომპანიას ფრენების შესრულებისათვის აუცილებელი ნებართვა 9 ივნისს მიანიჭა.

1781177155

კვლევის თანახმად, კომპანიასთან დაკავშირებულმა პირებმა და თავად დეპუტატმა მმართველ პარტიას სატენდერო ხელშეკრულების დადების წინა დღეებში 120 000 ლარი შეწირეს. ბოლო მსხვილი შემოწირულება 12 მარტს განხორციელდა, ხოლო მომდევნო დღეს, 13 მარტს შპს „გზამ“ შესაბამის ტენდერში კონკურენტის გარეშე გაიმარჯვა.TI-ის შეფასებით, ბათუმის მერიამ სატენდერო პირობებში წინასწარ ჩადო „ხელოვნური ფილტრი” – ე.წ. გეოგრაფიული ბარიერი, რამაც კონკურენცია მნიშვნელოვნად შეზღუდა. კერძოდ, პრეტენდენტს ობიექტიდან 30 კილომეტრის რადიუსში უნდა ჰქონოდა ასფალტის ქარხანა ან მიწოდების შესახებ გაფორმებული ხელშეკრულება.„ეს პირობა თამაშგარე მდგომარეობაში ტოვებს ნებისმიერ მსხვილ კომპანიას, რომელსაც ქარხანა ბათუმის სიახლოვეს არ აქვს... და მრავალმილიონიანი შესყიდვა პირდაპირ პარტიის შემომწირველებს მოარგო“, - აღნიშნულია ორგანიზაციის განცხადებაში.საერთო ჯამში, კომპანია „გზას” 1.3 მილიარდ ლარზე მეტი ღირებულების ტენდერი აქვს მოგებული (ტენდერების მოგების არარეალურად მაღალი – 93%-იანი მაჩვენებლით), ხოლო მმართველი პარტიისთვის კომპანიასთან დაკავშირებულ პირებს 1 მილიონ ლარზე მეტი აქვთ შეწირული.კვლევამ აჩვენა, რომ 2024-2026 წლებში ბათუმში გზების რეაბილიტაციის კიდევ 5 ტენდერში (ჯამურად 70 მილიონ ლარზე მეტი ღირებულებით) შეიზღუდა კონკურენცია ანალოგიური „30 კმ რადიუსის წესით“. ორგანიზაციის მონაცემებით, 2024-2026 წლებში გამოცხადებული 117 მსხვილი სამშენებლო ტენდერიდან (თითოეული 1 მილიონზე მეტი ღირებულების) მსგავსი გეოგრაფიული შეზღუდვა მხოლოდ ბათუმის მერიის ა(ა)იპ „საქალაქო ინფრასტრუქტურისა და კეთილმოწყობის სამმართველოს” ამ 5 შესყიდვაში დაფიქსირდა.აღნიშნულ ტენდერებში სულ 3 კომპანია იღებდა მონაწილეობას და ბიუჯეტის მილიონებს როტაციით, მონაცვლეობით ინაწილებდა. სამი კომპანიიდან ორი – შპს „გზა“ და „ბონდი 2009“ „ქართული ოცნების“ მსხვილი შემომწირველია, რომელთაც ჯამში 1.6 მილიონ ლარზე მეტი აქვთ პარტიის ანგარიშზე ჩარიცხული.„ეს ფაქტები ხელოვნური ოლიგოპოლიის კლასიკური მაგალითებია. სისტემა ისეა მოწყობილი, რომ მრავალმილიონიან საგზაო ტენდერებს სამიოდე კომპანიისგან შემდგარი დახურული კლუბი ინაწილებს. ხელოვნური ბარიერების მეშვეობით კონკურენცია აღარ არსებობს, კლუბის წევრები კი მმართველ პარტიას სოლიდურ შემოწირულებებს ურიცხავენ“, - აცხადებენ ორგანიზაციაში.„საერთაშორისო გამჭვირვალობა – საქართველოს“ განმარტებით, აღნიშნული შემთხვევები კარგად ორგანიზებულ, სისტემური კორუფციის ნიშნებს ატარებს, რომელიც კონკურენციას კლავს და სახელმწიფო ბიუჯეტს ვიწრო პარტიული და პირადი ინტერესებისთვის იყენებს, რის საბოლოო ფასსაც საზოგადოება იხდის. ორგანიზაცია მოუწოდებს სახელმწიფო უსაფრთხოების სამსახურსა და პროკურატურას, აღნიშნულ ფაქტებზე ეფექტური და მიუკერძოებელი გამოძიება დაიწყონ.

1781171575

ფონდის შეფასებით, სების მმართველობის მიმართულებით გადადგმულ ნაბიჯებს შორის უნდა აღინიშნოს აღმასრულებელ წევრებს შორის პასუხისმგებლობის გადანაწილება და ეროვნული ბანკის პრეზიდენტის ჩანაცვლების მარეგულირებელი ჩარჩოს გაძლიერება.„2022 წლის უსაფრთხოების შეფასების (Safeguards Assessment) რეკომენდაციების უმეტესობა უკვე განხორციელებულია, მათ შორის ახლახან გაუქმდა მთავრობისთვის დისკრეციული ტრანსფერების განხორციელების შესაძლებლობა", - ნათქვამია სავალუტო ფონდის აღმასრულებელ დირექტორთა საბჭოს ანგარიშში.ამასთან, სსფ აღნიშნავს, რომ საერთაშორისო საუკეთესო პრაქტიკასთან კიდევ უფრო მეტად დაახლოებისთვის დამატებითი რეფორმებია საჭირო. ფონდის შეფასებით, კოლეგიური გადაწყვეტილების მიღების მოდელზე გადასვლა გადაწყვეტილებების ხარისხს გააუმჯობესებს კოლექტიური განხილვის გზით.

1781166373

ამასთან, სავალუტო ფონდი აღნიშნავს, რომ პოლიტიკის მთავარი პრიორიტეტები ინფლაციის მიზნობრივ მაჩვენებელზე შენარჩუნება, საერთაშორისო რეზერვების გამყარება და სტრუქტურული რეფორმების გაგრძელებაა.როგორც ანგარიშშია აღნიშნული, 2025 წელს რეალური ეკონომიკური ზრდა 7.5 პროცენტი იყო, რაც პანდემიამდელ ტენდენციას ზედიზედ მეხუთე წელია მნიშვნელოვნად აღემატება. სსფ-ის შეფასებით, მაკროეკონომიკური პოლიტიკა ძირითადად შეესაბამებოდა ფონდის რეკომენდაციებს.ამასთან, სავალუტო ფონდი 2026 წლისთვის საქართველოს ეკონომიკის 6.5 პროცენტით ზრდას და ინფლაციის ეტაპობრივად შემცირებას პროგნოზირებს.„მაისში მონეტარული პოლიტიკის განაკვეთის ზრდა მიზანშეწონილი იყო. ეროვნულმა ბანკმა საჭიროების შემთხვევაში უნდა შეინარჩუნოს მზადყოფნა დამატებითი გამკაცრებისთვის, თუ ინფლაციური წნეხი უფრო ხანგრძლივი აღმოჩნდება. ინფლაცია პიკს 2026 წლის შუა პერიოდში მიაღწევს, რაც ძირითადად ენერგორესურსების ფასების ზრდით იქნება განპირობებული. შემდგომში კი, ინფლაცია ეტაპობრივად დაუბრუნდება 3-პროცენტიან სამიზნე მაჩვენებელს", - ნათქვამია სავალუტო ფონდის ანგარიშში.IMF-ის შეფასებით, 2025 წელს საქართველოს საგარეო პოზიცია საშუალოვადიანი ფუნდამენტური ფაქტორებითა და სასურველი ეკონომიკური პოლიტიკით განსაზღვრულ დონეზე უფრო ძლიერი იყო.„მიმდინარე ანგარიშის დეფიციტის შემცირებისა და საერთაშორისო რეზერვების ზრდის ფონზე, საგარეო სექტორის პოზიცია გაძლიერდა. 2025 წელს მიმდინარე ანგარიშის დეფიციტი ისტორიულ მინიმუმამდე , მშპ-ის 2.6 პროცენტამდე შემცირდა, რაც ძირითადად მომსახურების ექსპორტის (განსაკუთრებით ICT-ისა და ტურიზმის) ძლიერი ზრდითა და ნავთობის დაბალი ფასების ფონზე საქონლის იმპორტის დაბალი ზრდით იყო განპირობებული. 2026 წლის აპრილის ბოლოს საერთაშორისო სავალუტო რეზერვებმა 6.4 მილიარდი აშშ დოლარი შეადგინა, რაც სსფ-ის რეზერვების ადეკვატურობის (ARA) მაჩვენებლის 102 პროცენტს შეესაბამება. ეს შედეგი ასახავს ეროვნული ბანკის წინა წლების განმავლობაში 3 მილიარდ აშშ დოლარზე მეტი მოცულობის წმინდა სავალუტო შესყიდვებს, რასაც ხელი შეუწყო როგორც დედოლარიზაციის პროცესმა და ფინანსურმა შემოდინებებმა, ისე ოქროს ფასის ზრდით მიღებულმა შეფასებითმა მოგებამ", - აღნიშნავს სავალუტო ფონდი.ანგარიშში ასევე ხაზგასმულია, რომ საქართველოს საბანკო სექტორი ჯანსაღია. ბანკები კარგად კაპიტალიზებული, ლიკვიდური და მომგებიანი არიან, ხოლო პრობლემური სესხების წილი დაბალ დონეზე ნარჩუნდება.„გონივრულმა მაკროეკონომიკურმა მართვამ და მაკროპრუდენციულმა პოლიტიკამ ხელი შეუწყო ეკონომიკის შემდგომ დედოლარიზაციას. ამასთან, დეპოზიტების დოლარიზაცია შემცირდა, რაც ბაზრის ნდობის გაუმჯობესებამ და აშშ დოლარის შესუსტებამ განაპირობა", - ნათქვამია სსფ-ის აღმასრულებელ დირექტორთა საბჭოს მიერ მომზადებულ ანგარიშში.

1781165773

საქართველოს ეროვნულ ბანკში აღნიშნავენ, რომ აპრილში სსფ-ის პროგნოზით, საქართველოს ეკონომიკური ზრდა 2026 წლისთვის 5.3%-ს შეადგენდა.სსფ-ის შეფასებით, გლობალური გამოწვევების მიუხედავად, საქართველოს მაკროეკონომიკური მდგომარეობა და ეკონომიკური ზრდა მყარია, რასაც ძლიერი მაკროეკონომიკური მართვა და ეკონომიკური პოლიტიკა უწყობს ხელს.ამასთან, სავალუტო ფონდი აღნიშნავს, რომ  პოლიტიკის მთავარი პრიორიტეტები ინფლაციის მიზნობრივ მაჩვენებელზე შენარჩუნება, საერთაშორისო რეზერვების გამყარება და სტრუქტურული რეფორმების გაგრძელებაა.ანგარიშის თანახმად, რეალური მშპ 2025 წელს 7.5 პროცენტით გაიზარდა და 2026 წლის დასაწყისშიც ძლიერი ზრდა შენარჩუნდა, ხოლო ინფლაციამ ენერგომატარებლების ფასების ზრდის გამო სამიზნე მაჩვენებელს გადააჭარბა და 2026 წლის აპრილში 5.9 პროცენტს მიაღწია. ფისკალური და საგარეო ბუფერები გაძლიერდა. მიმდინარე ანგარიშის დეფიციტი ისტორიულ მინიმუმამდე , მშპ-ის 2.6 პროცენტამდე შემცირდა, საერთაშორისო რეზერვებმა სსფ-ის მიერ განსაზღვრულ ადეკვატურობის ზღვარს მიაღწია, ხოლო სახელმწიფო ვალი მშპ-ის 35 პროცენტზე ქვემოთ შემცირდა.„მოსალოდნელია, რომ ინფლაცია 2027 წლის შუა პერიოდისთვის დაუბრუნდება სამიზნე დონეს, ხოლო სახელმწიფო ვალი მიმდინარე მაჩვენებლების სიახლოვეს შენარჩუნდება, თუ გაგრძელდება გონივრული მონეტარული და ფისკალური პოლიტიკა. გაზრდილი გაურკვევლობისა და განმეორებადი საგარეო შოკების პირობებში, პოლიტიკის მთავარი პრიორიტეტებია ინფლაციის სამიზნე დონემდე დაბრუნება, საერთაშორისო სავალუტო რეზერვების დამატებითი გაძლიერება და სტრუქტურული რეფორმების წინსვლა, რათა შენარჩუნდეს ძლიერი ეკონომიკური ზრდა და შეიქმნას მეტი სამუშაო ადგილი" - ნათქვამია სსფ-ის ანგარიშში.

1781165501

გასულ წელს პოლონეთის ბაზარზე საქართველოდან $18.03 მლნ-ის ღირებულების 6.6 მლნ ლიტრი ღვინის ექსპორტი განხორციელდა. რეიტინგის მიხედვით, ქართული ღვინის საშუალო ფასი ერთ ლიტრზე $2.73-ს შეადგენს, რაც აღემატება ისეთი მსხვილი ექსპორტიორების მაჩვენებელს, როგორიცაა გერმანია, პორტუგალია, ესპანეთი და ჩილე.პოლონეთის ღვინის ბაზარზე აბსოლუტურ ლიდერობას ინარჩუნებს იტალია, რომელზეც მთლიანი იმპორტის ღირებულების 31% ($139.15 მლნ) და მოცულობის 25% (36.55 მლნ ლიტრი) მოდის. იტალიურ ღვინოზე საშუალო ფასი ლიტრზე $3.81-ია.კვლევის მიხედვით, პოლონეთის უმსხვილესი იმპორტიორების ხუთეული ასე გამოიყურება: იტალია - $139.15 მლნ (36.55 მლნ ლ, ფასი: $3.81/ლ) საფრანგეთი - $58.41 მლნ (12.63 მლნ ლ, ფასი: $4.62/ლ) გერმანია - $57.19 მლნ (21.86 მლნ ლ, ფასი: $2.62/ლ) პორტუგალია - $45.12 მლნ (17.05 მლნ ლ, ფასი: $2.65/ლ) ესპანეთი - $41.32 მლნ (19.39 მლნ ლ, ფასი: $2.13/ლ) აღსანიშნავია, რომ TOP-5 ექსპორტიორს შორის ყველაზე მაღალი საფასო კატეგორია საფრანგეთის პროდუქციას აქვს ($4.62/ლ), ხოლო ყველაზე ხელმისაწვდომი ესპანური ღვინოა ($2.13/ლ). რეიტინგში საქართველოს უშუალო მეზობლები არიან აშშ (მე-6 ადგილი, 26.27 მლნ დოლარი), ჩილე (მე-7 ადგილი, $19.37 მლნ) და მოლდოვა, რომელიც მეცხრე პოზიციას $7.54 მლნ-ით იკავებს.ჯამურად, პოლონეთში მსოფლიოს სხვადასხვა ქვეყნიდან იმპორტირებული ღვინის საშუალო შეწონილი ფასი ლიტრზე $3.08-ს შეადგენს.

1781162821

საქართველოს მთავრობის პრეს–სამსახურის ცნობით, ირაკლი კობახიძეს ყირგიზეთის რესპუბლიკის პრეზიდენტი სადირ ჟაპაროვი უმასპინძლებს. დაგეგმილია ლიდერების შეხვედრა ორი ქვეყნის მთავრობის წევრების მონაწილეობით, რის შემდეგაც დოკუმენტებზე ხელმოწერის ცერემონია გაიმართება.საქართველოს პრემიერ-მინისტრი და ყირგიზეთის რესპუბლიკის პრეზიდენტი მედიისთვის განცხადებებს გააკეთებენ.საქართველოს მთავრობის მეთაური ბიშკეკში დელეგაციასთან ერთად გაემგზავრა, რომლის შემადგენლობაში ვიცე-პრემიერი, საგარეო საქმეთა მინისტრი მაკა ბოჭორიშვილი, ეკონომიკისა და მდგრადი განვითარების მინისტრი მარიამ ქვრივიშვილი, გარემოს დაცვისა და სოფლის მეურნეობის მინისტრი დავით სონღულაშვილი და მთავრობის ადმინისტრაციის უფროსი ლევან ჟორჟოლიანი არიან.

1781162322

უკვე ორი ათწლეულია, რაც ევროკავშირი მკაფიო პოზიციას ინარჩუნებს: ბრიუსელი თავისუფლად ვაჭრობს უშუალოდ ისრაელთან, თუმცა ეს რეჟიმი არ ვრცელდება იმ დასახლებებზე, რომლებიც ქვეყანამ 1967 წლის ომის შედეგად ეგვიპტის, იორდანიისა და სირიისთვის წართმეულ მიწებზე ააშენა. პალესტინის ტერიტორიაზე არსებულ ამ დასახლებებს „ორსახელმწიფოებრივი მოდელის“ მომხრეები მკაცრად გმობენ, რადგან მიიჩნევენ, რომ ეს პროცესი მომავალი პალესტინური სახელმწიფოს ჩამოყალიბებას უთხრის ძირს.ამერიკული იურიდიული ორგანიზაციის Global Echo Litigation Center კვლევა აჩვენებს, რომ ევროპის საზღვრებზე ეს მკაფიო გამიჯვნა ხშირად არ მუშაობს. ანგარიშის მიხედვით, დასახლებებში წარმოებული ისეთი პროდუქტები, როგორიცაა ფინიკი, ციტრუსი და ტაჰინი (ქუნჯუტის პასტა), ევროპაში შეღავათიანი ტარიფებით, ორგანული პროდუქტის სტატუსითა და იმ ფიტოსანიტარიული სერტიფიკატებით შედის, რომლებიც ევროკავშირისა და დიდი ბრიტანეთის კანონმდებლობით მხოლოდ საკუთრივ ისრაელში მოყვანილ მოსავალს ეკუთვნის.ორგანიზაცია Global Echo აღნიშნავს, რომ ევროპელ მომხმარებელს არანაირი შესაძლებლობა არ აქვს, გაიგოს პროდუქტის რეალური წარმომავლობა. ჯგუფმა უკვე მოამზადა სარჩელები საფრანგეთსა და დიდ ბრიტანეთში, რათა საბაჟო და მომხმარებელთა უფლებების დამცველ ორგანოებს ქმედითი ნაბიჯების გადადგმა აიძულოს.POLITICO–ს თანახმად, საერთაშორისო სამართლის მიხედვით, დასავლეთ სანაპიროსა და აღმოსავლეთ იერუსალიმში არსებული ებრაული დასახლებები უკანონოდ მიიჩნევა. ეს პოზიცია კიდევ უფრო განამტკიცა გაეროს საერთაშორისო სასამართლომ (ICJ) 2024 წლის საკონსულტაციო დასკვნაში, სადაც აღნიშნა, რომ სახელმწიფოებმა თავი უნდა აარიდონ ისეთ სავაჭრო კავშირებს, რომლებიც ოკუპირებულ ტერიტორიებზე ისრაელის ყოფნას უწყობს ხელს. თავად ისრაელი სასამართლოს ამ გადაწყვეტილებას არ აღიარებს და ხსენებულ რეგიონებს სადავო ტერიტორიებად განიხილავს.ამერიკის შეერთებული შტატების გარდა, საერთაშორისო საზოგადოება არც გოლანის მაღლობებზე აღიარებს ისრაელის სუვერენიტეტს - ეს არის სტრატეგიული მთიანი რეგიონი, რომელიც ლიბანსა და სირიას შორის მდებარეობს.POLITICO-ს ინფორმაციით, უფლებადამცველების ეს დასკვნა ზუსტად იმ პერიოდს დაემთხვა, როდესაც ევროკავშირმა სანქციები დააწესა იმ რადიკალი ისრაელელი მოსახლეების წინააღმდეგ, რომლებიც დასავლეთ სანაპიროზე პალესტინელებს ესხმიან თავს. თუმცა, ევროკავშირის ზოგიერთი წევრი ქვეყნის მთავრობა მიიჩნევს, რომ ეს ზომები არასაკმარისია და ისრაელთან სავაჭრო და პოლიტიკური ურთიერთობების უფრო ფართო შეზღუდვას ითხოვს.„უკანონო დასახლებებთან ვაჭრობით ევროკავშირი თავადვე აფინანსებს იმ დარღვევებს, მათ შორის ეთნიკურ წმენდასა და აპარტეიდს, რომლებსაც თითქმის ყოველდღიურ რეჟიმში გმობს. ამ დასახლებებთან ლეგალური ვაჭრობის არანაირი სამართლებრივი გზა არ არსებობს“, - აცხადებს კლაუდიო ფრანკავილა, ორგანიზაცია Human Rights Watch-ის წარმომადგენელი, რომელიც ამ ანგარიშის გავრცელებას უზრუნველყოფს.აღსანიშნავია, რომ 2025 წელს 160-ზე მეტმა არასამთავრობო ორგანიზაციამ და პროფკავშირმა ოფიციალური წერილით მიმართა ევროკომისიის პრეზიდენტ ურსულა ფონ დერ ლაიენს და ჰააგის სასამართლოს გადაწყვეტილების აღსასრულებლად ისრაელის უკანონო დასახლებებთან ყოველგვარი ბიზნესკავშირის აკრძალვა მოითხოვა. კომენტარისთვის გაგზავნილ შეკითხვებს არც ევროკომისიამ უპასუხა და არც ისრაელის ოფიციალურმა უწყებებმა (საგარეო, სოფლის მეურნეობის სამინისტროებმა და ევროკავშირში ისრაელის საელჩომ).როგორ ხდება პროდუქციის შენიღბვა? (სამი ძირითადი სქემა)კვლევის ფარგლებში ორგანიზაციამ Global Echo შეისწავლა 30,000-ზე მეტი საექსპორტო დოკუმენტი, რომლებიც ისრაელის სამთავრობო ბაზებსა და სასოფლო-სამეურნეო ნაკვეთების მონაცემებს შეადარა. ასევე ჩატარდა საველე მოკვლევა და ინტერვიუები უშუალოდ ისრაელელ ექსპორტიორებთან.მონაცემების მიხედვით, 2017-დან 2026 წლამდე პერიოდში ევროკავშირში, დიდ ბრიტანეთში, ნორვეგიასა და შვეიცარიაში 5,900-ზე მეტი აგროპროდუქციის გზავნილი შევიდა. კვლევამ დაადასტურა, რომ მათი 17.2% (ხოლო უშუალოდ ევროკავშირის შემთხვევაში - 19.2%) სწორედ დასავლეთ სანაპიროსა და გოლანის მაღლობებიდან იყო წაღებული. ავტორების განცხადებით, ვინაიდან წარმოშობის ადგილის მანიპულაცია ხშირად ხდება, რეალური მაჩვენებელი, სავარაუდოდ, ბევრად მაღალია.ანგარიშში აღწერილია სამი ძირითადი მეთოდი, რომლითაც კომპანიები 13.1 მილიონი ევროს ღირებულების საქონლის საბაჟო დეკლარირებას ახდენდნენ: პირდაპირი მანიპულაცია: ექსპორტიორი დოკუმენტში უთითებს ოკუპირებულ ტერიტორიაზე არსებულ რეალურ საწარმოს, თუმცა წარმოშობის ქვეყნად მაინც ისრაელს წერს. ყალბი მისამართი: კომპანიები იყენებენ ფიქტიურ იურიდიულ მისამართებს უშუალოდ ისრაელის საერთაშორისოდ აღიარებულ საზღვრებში. პროდუქციის შერევა: შესაფუთ ქარხნებში ოკუპირებულ ზონაში მოწეულ მოსავალს ისრაელის შიდა პროდუქტს ურევენ და ერთიან პარტიად აგზავნიან. საინტერესოა, რომ მაშინაც კი, როდესაც საბაჟო ორგანოები დარღვევას აღმოაჩენენ და პროდუქტს სტანდარტული ტარიფით ბეგრავენ, ექსპორტიორები ფინანსურად არ ზარალდებიან. 2006 წლიდან ისრაელში მოქმედებს სახელმწიფო პროგრამა, რომელიც ადგილობრივ ბიზნესს ზუსტად იმ საგადასახადო ხარჯს უნაზღაურებს, რასაც ევროპული საბაჟო ოკუპირებული ტერიტორიების პროდუქციას აკისრებს. Global Echo-ს შეფასებით, ეს სუბსიდირება აზრს უკარგავს დაწესებულ სანქციებს, ხოლო ამ მიზნით ისრაელის ბიუჯეტიდან უკვე დახარჯულია დაახლოებით 63 მილიონი ევრო.გარდა ამისა, ევროპული რეგულაციებით, ფიტოსანიტარიული სერტიფიკატი იმ ქვეყანამ უნდა გასცეს, სადაც პროდუქტი რეალურად მოიყვანეს. მიუხედავად ამისა, შემთხვევათა მეოთხედში ისრაელის შესაბამისმა სამსახურებმა სერტიფიკატები ოკუპირებულ მიწებზე მოყვანილ სურსათზე გასცეს, რაც ევროპულმა საბაჟოებმა უპრობლემოდ მიიღეს. ანგარიშში ასევე საუბარია 31 ორგანულ სერტიფიკატზე, რომელიც ევროკავშირის მიერ აკრედიტებულმა ისრაელის სააგენტო Secal-მა ოკუპირებული ზონის პროდუქციას მიანიჭა.ყოველივე ამის შედეგად მომხმარებელი შეცდომაში შედის. მაგალითად მოყვანილია ისრაელის ცნობილი ბრენდი Achva, რომლის ტაჰინიც დასავლეთ სანაპიროზე მზადდება, თუმცა მაღაზიის დახლებზე წარწერით — „ისრაელის პროდუქტი“ ხვდება. ეს ხდება მიუხედავად იმისა, რომ 2019 წლიდან სასამართლოს მიერ სავალდებულოა დასახლებებიდან წამოსული სურსათის სპეციალური მარკირება.ნდობაზე დაფუძნებული სისტემის ხარვეზებიევროკავშირსა და ისრაელს შორის მოქმედი სავაჭრო შეთანხმებით, აგროპროდუქციის უდიდესი ნაწილი ევროპაში უბაჟოდ შედის, თუმცა ეს პრივილეგია არ ვრცელდება 1967 წელს ანექსირებულ რეგიონებზე.2005 წლიდან მოქმედებს ტექნიკური მექანიზმი, რომლის მიხედვითაც ისრაელელმა ექსპორტიორებმა დეკლარაციაში უნდა მიუთითონ წარმოების ადგილის საფოსტო ინდექსი, რათა საბაჟომ გადაამოწმოს, მოდის თუ არა ტვირთი უკანონო დასახლებებიდან. გამოძიება ასკვნის, რომ ეს სისტემა ეფექტური არ არის, ვინაიდან ის მთლიანად თავად ბიზნესის კეთილსინდისიერებასა და დეკლარაციებზეა დამოკიდებული.2025 წლის სექტემბერში ევროკომისიამ, ადამიანის უფლებათა პუნქტის დარღვევის გამო, ისრაელთან სავაჭრო შეთანხმების გარკვეული დებულებების შეჩერების ინიციატივა წამოაყენა, თუმცა წევრმა სახელმწიფოებმა კონსენსუსს ჯერ ვერ მიაღწიეს. ამ ფონზე, ესპანეთმა დამოუკიდებელი ნაბიჯი გადადგა და 2025 წლის ბოლოდან ქვეყნის მასშტაბით სრულად აკრძალა პალესტინის ოკუპირებული ტერიტორიებიდან ნებისმიერი პროდუქტის იმპორტი.

1781162066