საქართველოს ბანკის მობილბანკის გათამაშება დაიწყო - საპრიზო ფონდია 150 000 ლარი

კონფერენციის ფარგლებში გაიმართა პანელური დისკუსია, რომელშიც მონაწილეობა მიიღეს კომპანიების მაღალი რანგის წარმომადგენლებმა - Tbilisi Logistics Center, Nikora Management Group, Sharm Trading, JAY Warehouse და LSG Solutions.აღსანიშნავია, რომ საქართველოს სასაწყობე ბაზარზე დღემდე არ არსებობდა ერთიანი მონაცემები, რომელიც ერთ სივრცეში მოაქცევდა ინფორმაციას ფართის მოცულობაზე, ხარისხზე, ქირის დინამიკაზე, საკუთრების სტრუქტურასა და არსებულ საწყობებში გამოყენებულ ლოგისტიკურ მოდელებზე. ეს კი ართულებდა როგორც ბიზნეს გადაწყვეტილებებს, ისე პროექტების დაფინანსების შეფასებას. აღნიშნული კვლევა ამ საჭიროებებზე საპასუხოდ შეიქმნა.კვლევის მიხედვით, 2025 წელს თბილისში სასაწყობე ფართი 1.26 მლნ კვ.მ-ს შეადგენდა, თუმცა ამ მოცულობის 80%-ზე მეტი დაბალი კლასის საწყობები იყო. ამავდროულად, ქირა 2022 წლიდან 60%-ით გაიზარდა და 6.3 აშშ დოლარს მიაღწია კვ.მ-ზე.  ეს ზრდა ნაწილობრივ სწორედ მაღალი კლასის ფართების დეფიციტით არის განპირობებული.გალტ & თაგარტის პროგნოზით, 2027 წლის ბოლომდე მიწოდება 31%-ით გაიზრდება. დაგეგმილი პროექტების 85% სამგორსა და თბილისის შემოსასვლელებშია კონცენტრირებული. გაზრდილი მიწოდების ფონზე კი ქირის სტაბილიზაციაა მოსალოდნელი.აღსანიშნავია, რომ ბოლო წლებში გაზრდილმა ქირამ კომპანიების ნაწილს საკუთარი საწყობების მშენებლობისკენ უბიძგა. კვლევის შეფასებით, ეს ნაბიჯი A კლასის საწყობისთვის ფინანსურად მიზანშეწონილია მინიმუმ 7,000 კვ.მ სტაბილური და გრძელვადიანი მოთხოვნის შემთხვევაში. დაბალი კლასის შემთხვევაში ეს ნიშნული უფრო დაბალია. ამის ფონზე, საბითუმოდ მოვაჭრე სექტორთან ერთად, FMCG და ელექტრონიკის სექტორის კომპანიებიც გადადიან ცენტრალიზებულ სადისტრიბუციო მოდელებზე მიწოდების ჯაჭვის ეფექტურობის გასაზრდელად.მესამე მხარის ლოგისტიკის (3PL) წილი თბილისში ჯერ კიდევ მხოლოდ 8%-ია, თუმცა ზრდის პოტენციალი რეალურია - განსაკუთრებით ელ-კომერციის განვითარების, მცირე და საშუალო ბიზნესის მოთხოვნის ზრდისა და უცხოური კომპანიების ბაზარზე შემოსვლის კვალდაკვალ.„საქართველოს სასაწყობე ბაზარი ბოლო წლებში შეიცვალა, მაგრამ ამ ცვლილებების სრული სურათი ხელმისაწვდომი არ იყო. ეს კვლევა სწორედ ამ დანაკლისის შევსების მცდელობაა. საგულისხმოა, რომ რამდენიმე დღის წინ გალტ & თაგარტი გლობალურმა გამოცემა Euromoney-იმ კვლევების მიმართულებით ქვეყანაში საუკეთესოდ დაასახელა. მიგვაჩნია, რომ სწორედ ასეთი ხარისხის, სიღრმისეული კვლევები და ბაზრისთვის მნიშვნელოვანი ანალიტიკური ინფორმაციის გაზიარება არის ის, რამაც გალტ & თაგარტს საერთაშორისო აღიარება მოუტანა. ჩვენ მომავალშიც გავაგრძელებთ მუშაობას, რათა ბიზნესს, ინვესტორებსა და ბაზრის სხვა მონაწილეებს მივაწოდოთ სანდო, კომპეტენტური და პრაქტიკული ანალიზი, რომელიც მათ სტრატეგიული გადაწყვეტილებების მიღებაში დაეხმარება“, - განაცხადა გიორგი კუპრაშვილმა, გალტ & თაგარტის გენერალურმა დირექტორმა.კვლევის შესახებ მეტი ინფორმაციის მისაღებად ეწვიეთ გალტ & თაგარტის ვებგვერდს.(R)

1785232085

საქართველოში შემოსავლების უთანასწორობის შეფასება და მისის პოტენციური გავლენა მონეტარული პოლიტიკის გადაცემის მექანიზმზე; მიმდინარე ანგარიშის ბალანსის ძირითადი ფაქტორები საქართველოში: დინამიკა და სტრუქტურული ცვლილებები; კრიპტოვალუტები და ფინანსური გლობალიზაციის გამოწვევები: ინდივიდის მონეტარული არჩევანის ტრანსფორმაცია; ტრადიციული ბანკინგიდან ციფრულ ეკოსისტემებამდე: სუპერ აპლიკაციების ფენომენი და ნებადართული საბანკო საქმიანობა; საკრედიტო დერივატივები და სექიურიტიზაცია: მრავალსახელიანი საკრედიტო ინსტრუმენტები. სამეცნიერო-ანალიტიკური ჟურნალი „მონეტარული ეკონომიკა“ წარმოადგენს აკადემიურ რესურსს მონეტარული პოლიტიკით, საბანკო და, ზოგადად, ფინანსური სექტორით, ფინანსური ტექნოლოგიებითა და კაპიტალის ბაზრების განვითარებით დაინტერესებული მკითხველისთვის, მათ შორის ახალგაზრდა მეცნიერებისა და მკვლევრებისთვის. ჟურნალი ქმნის პლატფორმას პროფესიული, სიღრმისეული და არგუმენტირებული დიალოგისთვის.ეროვნული ბანკის პირველი ანალიტიკური ჟურნალი - „ბანკი“ - დაახლოებით 25 წლის წინ დაარსდა. მოგვიანებით გამოიცემოდა ჟურნალი „ეკონომიკა და საბანკო საქმე“. ამჯერად ჟურნალი განახლებული ფორმატით გამოდის, ქართულ და ინგლისურ ენებზე, სახელწოდებით „მონეტარული ეკონომიკა“.ჟურნალის მომდევნო ნომრისთვის რედაქცია გარე ავტორებისგან სტატიებს მიიღებს ელექტრონულ მისამართზე - monetaryeconomics@nbg.gov.ge(R)

1785229489

ობლიგაციების ინვესტორები ფიზიკური პირები არიან. აშშ დოლარში დენომინირებული ფასიანი ქაღალდების კუპონმა 7.5% შეადგინა, ევროს ტრანშის კუპონი კი 6.5%-ით განისაზღვრა. მოზიდული სახსრები არსებული ობლიგაციების რეფინანსირებასა და სამომავლო პროექტების დაფინანსებას მოხმარდება. აღნიშნული ტრანზაქციით კომპანიამ მნიშვნელოვნად გაიუმჯობესა დაფინანსების ხარჯები და მაღალი ინტერესიდან გამომდინარე, შეძლო დამატებით სახსრების მოზიდვა სამომავლო პროექტების განსახორციელებლად.„ვულოცავ „ემპი დეველოპმენტს“ მორიგ წარმატებულ ტრანზაქციას. კომპანია აქტიური ემიტენტია საქართველოს კაპიტალის ბაზარზე და მოცემული ემისიის გათვალისწინებით, განთავსებული აქვს $29 მილიონსა და €8 მლნ-ზე მეტი მოცულობის ობლიგაციები. მოხარული ვარ, რომ აქტიურად ვპარტნიორობთ და თანამშრომლობის ფარგლებში უკვე მე-4 და მე-5 ემისიები განვახორციელეთ. შედეგად, ერთობლივად ვაგრძელებთ ადგილობრივი სავალო კაპიტალის ბაზრის განვითარებას. მიმდინარე წელს თიბისი კაპიტალი უკვე ექვს კომპანიას დაეხმარა ფინანსური რესურსების მოზიდვაში. ჯამში, 10 ტრანზაქციის ფარგლებში ₾400 მლნ-ის კორპორაციული ობლიგაციები განვათავსეთ. შედეგად, ვინარჩუნებთ ლიდერის პოზიციას და ადგილობრივი კორპორაციული ობლიგაციების ბაზარზე 60%-იანი წილი გვიჭირავს“, - ოთარ შარიქაძე, თიბისი კაპიტალის დირექტორი.„მინდა მივულოცო „ემპი დეველოპმენტს“ $6.3 მილიონისა და €5.3 მლნ-ს მოცულობის ობლიგაციების წარმატებით განთავსება. აღსანიშნავია, რომ კაპიტალის ბაზრის მხარდაჭერის სახელმწიფო პროგრამის ფარგლებში ეს ჩვენი რიგით მეორე წარმატებული თანამშრომლობაა. პროგრამით პირველად სარგებლობისას კომპანიამ სადებიუტო ობლიგაციები გამოუშვა, რაც ახალი ემიტენტების კაპიტალის ბაზარზე შემოსვლის კიდევ ერთი თვალსაჩინო მაგალითია. მოხარული ვარ, რომ კაპიტალის ბაზარი ქართული ბიზნესისთვის გრძელვადიანი განვითარების და ფინანსური რესურსების მოზიდვის ეფექტიანი ინსტრუმენტი ხდება და სულ უფრო მეტი ქართული კომპანია განიხილავს მას, როგორც ზრდის შესაძლებლობას. კორპორაცია მომავალშიც აქტიურად გააგრძელებს მსგავსი ინიციატივების მხარდაჭერას, რადგან კაპიტალის ბაზრის განვითარება ჩვენთვის ერთ-ერთი სტრატეგიული მიმართულებაა“, - ირაკლი გაბრიაძე, საქართველოს ეკონომიკის განვითარების კორპორაციის დირექტორი.„მოხარულები ვართ, რომ ჩვენი პარტნიორების მხარდაჭერით, წელს კიდევ ერთხელ, წარმატებით განვახორციელეთ ობლიგაციების ემისია. „ემპი დეველოპმენტის“, როგორც აქტიური და წარმატებული ემიტენტის მიმართ ინვესტორების მაღალმა ნდობამ და კომპანიის მიერ წარმატებით განხორციელებულმა წინა ემისიებმა შესაძლებლობა მოგვცა, წელს ბაზარს კიდევ უფრო მასშტაბური შეთავაზებით დავბრუნებოდით. შედეგად, $57 მლნ-ის ობლიგაციების პროგრამის ფარგლებში, წარმატებით განვათავსეთ $6.3 მილიონისა და €5.3 მლნ-ს ობლიგაციები. „ემპი დეველოპმენტის“ გუნდის სახელით, მადლობას ვუხდი მხარდაჭერისთვის თიბისი კაპიტალს, გალტ ენდ თაგარტსა და საქართველოს ეკონომიკის განვითარების კორპორაციას - მათ მნიშვნელოვანი წვლილი შეიტანეს ემისიის წარმატებით განხორციელებაში. განსაკუთრებით მნიშვნელოვანია, რომ მიმდინარე ემისიის მიმართ ინვესტორების ინტერესი კვლავ მაღალია. ამასთან, სასიხარულოა, რომ არსებულმა ინვესტორებმაც გამოხატეს ახალ ემისიაში მონაწილეობის სურვილი, რაც კომპანიის მიმართ მაღალი ნდობისა და ჩვენი განვითარების სტრატეგიისადმი პოზიტიური შეფასების კიდევ ერთი დასტურია. „ემპი დეველოპმენტი“ უკვე 14 წელია თანმიმდევრულად და სტაბილურად ვითარდება. გვჯერა, რომ სწორედ ეს თანმიმდევრულობა და მიღწეული შედეგები განაპირობებს ბაზრის მზარდ ნდობას ჩვენი კომპანიის მიმართ“, - პაპუნა კაციტაძე, „ემპი დეველოპმენტის“ დირექტორი.

1785229084

ორივე ლიდერი ვაშინგტონში სენატორ ლინდსი გრემის სულისმოსახსენებელ ცერემონიაზე დასასწრებად იმყოფება.ვაშინგტონში ჩასვლისას ვოლოდიმირ ზელენსკიმ განაცხადა, რომ აშშ-ის პრეზიდენტთან და მის გუნდთან შეხვედრების მთავარი პრიორიტეტი ანტიბალისტიკური თავდაცვა და სტრატეგიული თანამშრომლობაა.Reuters-ის წყაროს ცნობით, კიევისთვის უმთავრეს საკითხს Patriot-ის სისტემებისთვის რაკეტების შესყიდვაზე თანხმობის მიღება წარმოადგენს.ამასთან, მხარეები განიხილავენ დრონების შეთანხმების დასრულებასა და უკრაინისთვის Patriot-ის გზაგადამჭრელების წარმოების ლიცენზიის მინიჭებას. თეთრი სახლის ოფიციალური პირის ცნობით, ტრამპი ზელენსკისთან რუსეთ-უკრაინის სამშვიდობო პროცესსაც განიხილავს, რის შემდეგაც უკრაინის პრეზიდენტი აშშ-ის სენატის ასივე წევრს შეხვდება.რაც შეეხება ისრაელის პრემიერ-მინისტრს, წყაროების ცნობით, ბენიამინ ნეთანიაჰუს მიზანია ტრამპისგან მხარდაჭერის მოპოვება 27 ოქტომბერს დაგეგმილი არჩევნების წინ. თეთრი სახლის წარმომადგენლის განცხადებით, მხარეები განიხილავენ ირანის კონფლიქტს, ისრაელ-ლიბანის დაძაბულობასა და „აბრაამის შეთანხმებების“ (Abraham Accords) გაფართოების პერსპექტივებს.ვიზიტი იმ ფონზე მიმდინარეობს, როდესაც პენტაგონის მიერ კონგრესისთვის გაგზავნილი წერილის თანახმად, ტრამპის ადმინისტრაცია უკრაინისთვის გამოყოფილი 400 მილიონი დოლარის დახმარების სრულად დახარჯვას 2029 ფისკალურ წლამდე არ გეგმავს, რის გამოც დემოკრატებმა და ზოგიერთმა რესპუბლიკელმა უწყება გააკრიტიკეს.

1785227711

საელჩოს განმარტებით, ტრამპის ადმინისტრაციის პოზიცია მკაფიოა - შეერთებული შტატები სიტყვის თავისუფლებას ფუნქციონირებადი საზოგადოების ფუნდამენტურ საფუძვლად მიიჩნევს და მტკიცედ ეწინააღმდეგება ცენზურასა და შემზღუდავ კანონებს.„ჩვენ შეშფოთებულნი ვართ საქართველოს მთავრობის სიძულვილის ენის წინააღმდეგ ბრძოლის სამმართველოს გამო. სიცრუესა და მცდარ შეხედულებებზე საუკეთესო პასუხი მეტი სიტყვის თავისუფლებაა და არა იძულებით დამყარებული დუმილი.მტკიცედ ვეწინააღმდეგებით ცენზურასა და იმ შემზღუდავ კანონებს, რომლებიც გამოიყენება არასასურველი შეხედულებების მქონე ადამიანების ხმის ჩასახშობად“, - აღნიშნულია აშშ-ის საელჩოს განცხადებაში.ამერიკულმა მხარემ ხაზი გაუსვა იმასაც, რომ პოლიტიკური სტაბილურობა, რომელიც შეხედულებების ფართო წარმომადგენლობითა და ოპოზიციის ჩართულობით მიიღწევა, საქართველოს ამერიკული ინვესტიციებისა და სტრატეგიული პარტნიორობისთვის სანდო პარტნიორად აქცევს.

1785222269

დღეიდან, თიბისის მომხმარებელ მეწარმეებს შესაძლებლობა აქვთ, საკუთარ ობიექტებში, QR კოდით გადახდის ფუნქციონალი დანერგონ. პროდუქციის ან მომსახურების შეძენისას კი, მომხმარებლები მეწარმის ანგარიშზე  თანხის ჩარიცხვას, მომენტალურად, როგორც თიბისის, ისე - სამი სხვა ბანკის მობაილბანკით შეძლებენ. ახალი ფუნქციონალით სარგებლობა სრულიად უფასოა, როგორც მეწარმეებისთვის, ისე - მათი პროდუქციის/სერვისის მომხმარებლებისთვის და მათ არანაირი საკომისიო გადასახადის გადახდა არ მოუწევთ, რომელი ბანკის მობაილბანკიდანაც არ უნდა გადარიცხონ თანხა მეწარმის ანგარიშზე.თანხის QR კოდით გადახდის პროცესი ძალიან მარტივია და ამისათვის, პროდუქტის ან მომსახურების შეძენისას, მობაილბანკში, პირადი ან საბანკო ანგარიშის მითითება საჭირო აღარ არის. მეწარმე თიბისის ბიზნეს მობაილბანკიდან აგენერირებს QR კოდს, ბეჭდავს მას და განათავსებს საკუთარ ობიექტში. მომხმარებელი კი, მობილური ტელეფონის კამერით, ობიექტში განთავსებული QR კოდს ასკანერებს და მისთვის სასურველი ბანკიდან მომენტალურად რიცხავს თანხას მეწარმის ანგარიშზე. ახალი ფუნქციონალი მნიშვნელოვნად დაზოგავს როგორც მომხმარებლის, ისე -  მეწარმის დროს და გადახდების პროცესს კიდევ უფრო მარტივს და კომფორტულს გახდის.„თიბისიში, მომხმარებლების უკუკავშირს ძალიან დიდ ყურადღებას ვუთმობთ. მათი საჭიროებებიდან გამომდინარე კი, ვნერგავთ იმ ინოვაციურ გადაწყვეტებს, რომლებიც მათ ყოველდღიურობას უმარტივებს. სწორედ ამ მიზანს ემსახურება მცირე მეწარმეებისთვის QR კოდით თანხის ჩარიცხვის ფუნქციონალის დანერგვაც. დარწმუნებული ვარ, ახალი შესაძლებლობა მნიშვნელოვნად გააუმჯობესებს გადახდის გამოცდილებას, როგორც ფიზიკური პირებისთვის, ისე - მეწარმეებისთვის და მათ ყოველდღიური ფინანსური ოპერაციების შესრულებას კიდევ უფრო გაუმარტივებს", - ანა კახურიშვილი, თიბისის ალტერნატიული გადახდების გუნდის ლიდერი.QR კოდით გადახდის ახალი ფუნქციონალის შესახებ დეტალური ინფორმაციისთვის, ეწვიეთ ბმულს: QR გადარიცხვები ბიზნესისთვის | თიბისი ბანკი(R)

1785221964

გამოცემის ინფორმაციით, ზელენსკის საკითხების სიაში, რომელთა განხილვასაც ტრამპთან გეგმავს, პრიორიტეტები შემდეგნაირად არის გადანაწილებული: სანქციები, დრონების შეთანხმება, Patriot-ის სისტემები და სამშვიდობო მოლაპარაკებები.უკრაინის ერთ-ერთი მთავარი პრიორიტეტი აშშ-ის კონგრესში იმ საკანონმდებლო ინიციატივის გატანაა, რომელსაც ახლა ოფიციალურად „ლინდსი ო. გრემის სანქციების აქტი რუსეთის წინააღმდეგ“ ჰქვია. კანონპროექტი ითვალისწინებს ახალი სანქციების დაწესებას მოსკოვსა და მის მხარდამჭერებზე, მათ შორის, შესაძლოა, ტარიფების დაწესებას რუსული ენერგომატარებლების უმსხვილეს მყიდველებზე. სენატში პირველი პროცედურული კენჭისყრა კვირის განმავლობაში იგეგმება.POLITICO აღნიშნავს, რომ უკრაინის ბოლო დროინდელმა წარმატებებმა - განსაკუთრებით რუსეთის სიღრმეში განხორციელებულმა წარმატებულმა იერიშებმა, ვაშინგტონის პოლიტიკურ წრეებში ტონი შეცვალა.აშშ-ის ყოფილი სპეციალური წარმომადგენლის, კურტ ვოლკერის თქმით, ტრამპი ხედავს, რომ უკრაინა ინიციატივას ფლობს. NATO-ს ანკარის სამიტზე ტრამპის მიერ გაკეთებული განცხადება, რომ მას „კარგი ურთიერთობა“ აქვს ზელენსკისთან და მხარს უჭერს უკრაინაში Patriot-ის რაკეტების წარმოებას, ვოლკერის შეფასებით, MAGA-ს სამყაროსთვის მწვანე შუქის ანთებაა.მიუხედავად იმისა, რომ ცნობილმა მემარჯვენე აქტივისტმა ლორა ლუმერმა უკრაინაში ვიზიტისა და ზელენსკისთან შეხვედრის შემდეგ კიევისადმი მხარდაჭერა ღიად გამოხატა, კაპიტოლიუმის ბორცვზე განწყობები კვლავ ორად არის გაყოფილი.რესპუბლიკელი კანონმდებლების ნაწილი კვლავ ეწინააღმდეგება უკრაინისთვის სამხედრო და ეკონომიკური დახმარების გაგრძელებას, თუმცა ზელენსკი ცდილობს არგუმენტად გამოიყენოს მტკიცებულებები იმის შესახებ, რომ რუსეთი ირანს უჭერს მხარს, თემა, რომელიც ტრამპის ამომრჩევლისთვის განსაკუთრებით სენსიტიურია.

1785216720

როგორც „საქართველოს რკინიგზის“ გენერალურმა დირექტორმა, ლაშა აბაშიძემ საზოგადოებრივი მაუწყებლის გადაცემა „ბიზნესპარტნიორში“ განაცხადა, აღნიშნული შესყიდვა დამოუკიდებელი საქართველოს ისტორიაში უპრეცედენტო მასშტაბისაა.„ეს არის ისტორიული ტენდერი, დამოუკიდებელი საქართველოს ისტორიაში რკინიგზას ამ მასშტაბის ტენდერი არ ჰქონია. ტენდერი მსოფლიო ბანკისა და აზიის განვითარების ბანკის მხარდაჭერით გამოცხადდა. ვგეგმავთ სალოკომოტივო პარკის სრულად განახლებას. ეს პროექტი მოგვცემს საშუალებას, რომ მნიშვნელოვნად გავაუმჯობესოთ სატვირთო გადაზიდვები, გავხდეთ გაცილებით ეფექტიანები და გვქონდეს გაცილებით სწრაფი რკინიგზა“, - აღნიშნა ლაშა აბაშიძემ.მისივე განმარტებით, საერთაშორისო ტენდერში მონაწილეთა შეფასების ძირითადი კრიტერიუმები ფასი, ხარისხი და გამოცდილება იქნება. აბაშიძის თქმით, პროექტის მაღალი სტანდარტიდან გამომდინარე, ტენდერში გამარჯვების შესაძლებლობა მსოფლიოს საუკეთესო მწარმოებლებს ექნებათ.

1785160545