საქართველო რეგიონული ენერგოპროექტების სანდო პარტნიორია

სებ-ის თვის მიმოხილვით $/₾ -ის ბრუნვა კლების ტრენდს ინარჩუნებს, აგვისტოში ვაჭრობის მოცულობა თითქმის განახევრდა, სექტემბერში კი $100 მლნ-მდე კლება აღინიშნა - $ 204 მლნ (L/m -  $288.5 მლნ). თუმცა საანგარიშო თვეში (09/2025) გარიგებების რაოდენობა გაზრდილია  (+24%m.m)გარიგებების ძირითადი ნაწილი - იურიდიულ პირებსა და შინამეურნეობებზე, მცირე კი არარეზიდენტ ბანკებზე მოდის.სებ-ის წილი მთლიან ვაჭრობაში 2.9%-მდე შემცირდა (08.2025 - 5.9%б 07.2025 - 9.2%).შემცირებულია Bmatch-ზე სებ-ის ნავაჭრი. სექტემბერში 100 მლნ-ს არ აღემატება (L/m - $199.6 მლნ). 

1762441560

დივიდენდი გადაიხდება ფუნტ სტერლინგებში TBC PLC-ის ჩვეულებრივი აქციონერებისთვის, რომლებიც ჩაწერილი იქნებიან წევრების რეესტრში 2026 წლის 9 იანვარს, შემდეგი განრიგის შესაბამისად:Ex-Dividend Date (დივიდენდის გარეშე ვაჭრობის დღე): 8 იანვარი 2026; Record Date (ჩანაწერის თარიღი): 9 იანვარი 2026; ვალუტის კონვერტაციის თარიღი: 16 იანვარი 2026; ხოლო, გადახდის დღედ 10 თებერვალი განისაზღვრა.დივიდენდების ფუნტ სტერლინგებში გადახდის დროს გამოყენებული ლარის/ფუნტის გაცვლითი კურსი რომელიც განისაზღვრება საქართველოს ეროვნულ ბანკის 12–16 იანვრის 5-დღიანი საშუალო კურსით.

1762439487

ღონისძიებაზე საქართველოს ბანკის უფროსმა პროდაქტ ოუნერმა, ანა შაქარიშვილმა საქართველოს ბანკის გამოცდილება გააზიარა. მისი გამოსვლის მთავარი თემა იყო ის, თუ როგორ ცვლის ბანკი გადახდების კულტურას და როგორ უჭერს მხარს მცირე და საშუალო ბიზნესს, გადალახონ დროისა თუ საერთაშორისო ბაზრების ბარიერები.“eCommerce Day Georgia უკვე მესამე წელია, მნიშვნელოვანი თანამშრომლობის სივრცეს ქმნის. ეს არის ადგილი, სადაც ინდუსტრიის მონაწილეები ერთმანეთს რეალურ გამოწვევებსა და ინოვაციურ მიდგომებს უზიარებენ. მოხარული ვარ, რომ შესაძლებლობა მქონდა, საქართველოს ბანკის ინოვაციურ მიდგომებზე მესაუბრა. დღეს ციფრული ინსტრუმენტებისადმი მოთხოვნა სწრაფად იზრდება — განსაკუთრებით მცირე და საშუალო ბიზნესში. ისინი ცდილობენ, საკუთარი პროდუქტი ონლაინ არხებში გაყიდონ და საზღვრებსაც გასცდნენ. საქართველოს ბანკში ჩვენ სწორედ ამ მიზნისთვის ვქმნით სრულ ეკოსისტემას — ერთ სივრცეს, სადაც მეწარმეს შეუძლია, ონლაინ რეგისტრაცია გაიაროს, სულ რამდენიმე წუთში  გახდეს საქართველოს ბანკის მერჩანტი და სხვადასხვა სერვისითა და გადახდის მეთოდით ისარგებლოს”, - აცხადებს ანა შაქარიშვილი.eCommerce Day Georgia 2025-ის მონაწილეები გლობალური ლიდერების - Amazon Web Services, Google Cloud, VISA, Amadeus და სხვა ბრენდების გამოცდილებას გაეცნენ. კონფერენციაზე დისკუსიები ხელოვნური ინტელექტის როლზე ელექტრონულ კომერციაში, ონლაინ სერვისების პლატფორმების განვითარებაზე, ლაივ და სოცმედია ელ.კომერციის სტრატეგიებზე და სხვა საკითხებზე გაიმართა.იქომერს ასოციაცია საქართველო დაარსდა 2020 წელს, ელექტრონული კომერციის ეკოსისტემის გაძლიერების მიზნით და წლების განმავლობაში ახორციელებს ისეთ პროექტებს, რომლებიც ასოციაციის და მისი წევრების შესაძლებლობებისა და მდგრადობის გაზრდას ემსახურება. წლევანდელი კონფერენციაც სწორედ ამ ამოცანებს აერთიანებდა, რაც ადგილობრივი ბიზნესებისთვის იდეალური შესაძლებლობაა, შექმნან სტრატეგიული პარტნიორობა ქართულ ელექტრონული კომერციის საზოგადოებასთან.

1762435835

STEM ოლიმპიადაში მონაწილეობის მიღება ერთი სკოლიდან ერთ გუნდს შეუძლია, რომელიც VII-XI კლასის 5 მოსწავლისგან იქნება დაკომპლექტებული; STEM ოლიმპიადა ორ ტურად ჩატარდება: პირველი ტურის ფარგლებში მოსწავლეები ინდივიდუალურად შეასრულებენ ფიზიკისა და მათემატიკის დავალებებს. მეორე ეტაპზე კი, საუკეთესო შედეგის მქონე 10 გუნდი პრაქტიკული დავალებების შესრულებაზე ერთად იმუშავებს; საპრიზო ადგილზე გასული გუნდები სპეციალური პრიზებით დაჯილდოვდებიან, ყველა მოსწავლე კი სერტიფიკატს მიიღებს. ოლიმპიადის ფარგლებში, გამარჯვებული სკოლის გუნდს 10 000 ლარი გადაეცემა.აღსანიშნავია, რომ STEM ოლიმპიადის ფინალურ ეტაპზე გადასული გუნდები და მათი მენტორები 3 თვის განმავლობაში გაივლიან კონსულტაციებს კომაროვის პროფესიონალებთან მიკროკონტროლერ Arduino-ს დაპროგრამებისა და მისი საშუალებით STEM პროექტებზე მუშაობის მიმართულებით.ოლიმპიადის შესახებ დეტალური ინფორმაციის მისაღებად ეწვიეთ ვებგვერდს.ინფორმაციისთვის, პროექტში მონაწილეობა 200-ზე მეტი სკოლის 1500-მდე მოსწავლემ უკვე მიიღო. ოლიმპიადა განკუთვნილია მხოლოდ არა ფიზიკა-მათემატიკური სკოლებისთვის. ფიზიკა – მათემატიკური სკოლის გუნდებს მონაწილეობის მიღება შეუძლიათ მხოლოდ კონკურსგარეშე სტატუსით (აღნიშნული სკოლის გუნდებს ოლიმპიადის საორგანიზაციო ჯგუფი გამოცდილების მიღების მიზნით სთავაზობს პირდაპირ ფინალურ ეტაპზე მონაწილეობას, თუმცა მათი შედეგები არ გამოიანგარიშება და, შესაბამისად, ფიზიკა – მათემატიკური სკოლის გუნდები საპრიზო ადგილებს ვერ დაიკავებენ).

1762428446

18-დან 23 წლამდე სტუდენტებს, რომლებსაც გაქვთ ახალი თიბისი ბარათი, შეგიძლიათ დაზოგოთ თანხა ისეთ ადგილებში, რომლებსაც ხშირად სტუმრობთ.დეკემბრის ბოლომდე, შერჩეული უნივერსიტეტების კაფეტერიებში, ახალი თიბისი ბარათით გადახდისას (18-23 წლის მფლობელები), 20%-იანი ქეშბექ შეთავაზებით ისარგებლებთ (თვეში ჯამში მაქსიმუმ 20 ლარი).თიბისის შეთავაზებას ლუკა პოლარეშიც შეხვდებით, სადაც 28 დეკემბრის ჩათვლით, ყოველ პარასკევს, შაბათს და კვირას- 15%-ს მომენტალურად დაიბრუნებთ (თვეში ჯამში მაქსიმუმ 20 ლარი).აღნიშნული შეთავაზებები ვრცელდება მხოლოდ ფიზიკურ ობიექტებში, თიბისის პოს-ტერმინალზე გადახდისას.აიღე, ახალი თიბისი ბარათი დღესვე და ისარგებლე შენს სტუდენტურ საჭიროებებზე მორგებული, მრავალფეროვანი შეთავაზებებით. ბარათის აღება სრულიად უფასოა და ფილიალში მისვლის გარეშე, 1 წუთში, მობაილბანკიდან შეგიძლია. 

1762428132

მგზავრებისა და კონტეინერების კონტროლის უწყებათაშორისი დანაყოფის შექმნის საქმეში აქტიური მონაწილეობისა და მხარდაჭერისთვის საპატიო სიგელით, ასევე დაჯილდოვდა საერთაშორისო ურთიერთობათა დეპარტამენტის, საერთაშორისო საბაჟო, სანიტარულ-ფიტოსანიტარული სასაზღვრო კონტროლის თანამშრომლობის სამმართველოს უფროსი, მინდია გრძელიძე. დაჯილდოების ღონისძიებაზე შეკრებილ სტუმრებს სიტყვით მიმართეს შემოსავლების სამსახურის ხელმძღვანელმა, ირაკლი (დაჩი) ბერაიამ და საბაჟო დეპარტამენტის უფროსმა, მიხეილ ჩოკოშვილმა. ხელმძღვანელმა პირებმა თავიანთ გამოსვლებში, კიდევ ერთხელ, ხაზი გაუსვეს დანაყოფის ერთობლივი საქმიანობის მნიშვნელობას და მასში ჩართულ თითოეულ წევრს მადლობა გადაუხადეს სამსახურებრივი მოვალეობის მაღალი სტანდარტით შესრულებისთვის.შეგახსენებთ, ფინანსთა სამინისტროსა და შინაგან საქმეთა სამინისტროს თანამშრომლების მიერ, ერთობლივად ჩატარებული ოპერატიულ - სამძებრო მოქმედებების ფარგლებში, მიმდინარე წლის ივნისიდან დღემდე გამოვლენილი სამი ფაქტის შედეგად, ამოღებულია დაახლოებით 750 კილოგრამი ,,ჰეროინი".აღნიშნული უწყებათაშორისი დანაყოფი გაეროს ნარკოტიკებისა და დანაშაულის წინააღმდეგ ბრძოლის ოფისის (UNODC) და მსოფლიო საბაჟო ორგანიზაციის (WCO) ერთობლივი პროექტის - მგზავრებისა და კონტეინერთა კონტროლის პროგრამის ფარგლებში, საბაჟო დეპარტამენტში 2012 წელს შეიქმნა და მასში ჩართულია საბაჟო დეპარტამენტის, ფინანსთა სამინისტროს საგამოძიებო სამსახურის, ასევე ცენტრალური კრიმინალური პოლიციის დეპარტამენტისა და საპატრულო პოლიციის წარმომადგენლები. დანაყოფის წევრები ერთდროულად ახორციელებენ საზღვაო საჰაერო და სახმელეთო გზით გადაადგილებული ტვირთების კოორდინირებულ კონტროლს აღსანიშნავია, რომ ერთობლივი დანაყოფი აქტიურადაა ჩართული საერთაშორისო სანქციების აღსრულების პროცესშიც.(R)

1762424449

„მადლიერი ვარ ადმინისტრაციის ხელმძღვანელობის მიმართ, რომელიც კრიტიკული მინერალური მარაგების დივერსიფიკაციისა და მოძველებული ბარიერების მოხსნისკენ არის მიმართული. სამწუხაროდ, ანტიამერიკული „ქართული ოცნების“ მძვინვარე რეჟიმი საფრთხეს უქმნის „შუა დერეფნის“ მინერალებზე აშშ-ის საპორტო და სახმელეთო წვდომას, გადასცემს რა თავის პორტს ჩინეთის კომუნისტური პარტიას და რეპუტაციის მქონე ინვესტორებს მაფიოზური კორუფციის სასარგებლოდ დევნის“, - წერს ამერიკელი კონგრესმენი. Grateful for the administration’s leadership to diversify critical mineral supply & remove outdated barriers. Sadly, rabid anti-American Georgian Dream regime threatens 🇺🇸 port & land access to Middle Corridor minerals, giving its port to the CCP and kicking out reputable… https://t.co/M42rHRjicV — Joe Wilson (@RepJoeWilson) November 6, 2025 მისი მტკიცებით, ჩინეთის ინფრასტრუქტურით მართული და ჩინეთის კომუნისტური პარტიის მიერ კონტროლირებადი სავაჭრო მარშრუტები საფრთხეს უქმნის აშშ-ის ეკონომიკურ და ეროვნულ უსაფრთხოებას.ამერიკელი კონგრესმენი ეხმაურება აშშ-ის სახელმწიფო მდივნის, მარკო რუბიოს მიერ სოციალურ ქსელში გამოქვეყნებულ პოსტს, რომელშიც აღნიშნულია, რომ ვაშინგტონში ცენტრალური აზიის ხუთი მთავრობის ლიდერს C5+1-ის მეათე წლისთავისადმი მიძღვნილ ბიზნეს კონფერენციაზე უმასპინძლა.მისი ინფორმაციით, განიხილეს ახალი ინვესტიციები და სავაჭრო შეთანხმებები, რომელიც შექმნის სამუშაო ადგილებს და ექსპორტის შესაძლებლობებს ამერიკული კომპანიებისთვის და გააძლიერებს რეგიონულ ეკონომიკას.„პრეზიდენტ ტრამპის ხელმძღვანელობით, ამერიკის საგარეო პოლიტიკა ამყარებს პარტნიორობას, რომელიც იცავს ჩვენს ინტერესებს და ხელს უწყობს მშვიდობასა და კეთილდღეობას“, - წერს სახელმწიფო მდივანი.5 ნოემბერს, ამერიკელმა კონგრესმენებბა რესპუბლიკელთა და დემოკრატთა პარტიებიდან სახელმწიფო დეპარტამენტის მდივანს, მარკო რუბიოს, მოუწოდებენ, გამოიყენოს მის ხელთ არსებული ინსტრუმენტები, რათა დაიცვას აშშ-ის ყოფილი თანამშრომლები „ქართული ოცნების“ მაღალჩინოსნების „ანტიამერიკული ქმედებებისგან“.მარკო რუბიოსადმი მიწერილ წერილს ხელს აწერენ სენატის შეიარაღებული ძალების კომიტეტის თავმჯდომარე როჯერ უიკერი, საგარეო ურთიერთობათა კომიტეტის წევრები, სენატორი ჯინ შაჰინი და სენატორი ჯონ კურტისი, ევროპაში უსაფრთხოებასა და თანამშრომლობაზე სენატის კომისიის წევრი შელდონ უაიტჰაუსი, ასევე კონგრესმენები ჯო უილსონი და სტივ კოენი.„საქართველოს ხელისუფლებამ, „ქართული ოცნების“ ხელმძღვანელობით, არაერთხელ გამოთქვა სურვილი აშშ-სთან ორმხრივი ურთიერთობის აღდგენის შესახებ, თუმცა მათი მუდმივი ქმედებები და განცხადებები საპირისპიროზე მიუთითებს“, – ნათქვამია წერილში.სენატორები მარკო რუბიოს მოუწოდებენ, გამოიყენოს მისი ბერკეტები და საქართველოს ხელისუფლებისგან მიიღოს გარანტიები, რომ აშშ-ის საერთაშორისო განვითარების სააგენტოს (USAID) ყოფილი თანამშრომლები და სხვა ამერიკული სტრუქტურების ყოფილი პერსონალი აღარ გახდებიან მიზანმიმართული თავდასხმებისა და ცილისწამების ობიექტი.კონგრესმენები წერილში საუბრობენ სახელმწიფო უსაფრთხოების სამსახურის უფროსის, მამუკა მდინარაძის მიერ ოქტომბერში გაკეთებულ განცხადებაზე, რომელშიც მდინარაძემ აშშ-ის მთავრობა „გადახდების უზრუნველყოფით“ საქართველოში „რევოლუციის ორგანიზების მცდელობაში“ დაადანაშაულა.„მსგავსი მცდარი დახასიათება საფრთხეს უქმნის ადამიანებს, რომლებიც აშშ-ის სახელით მუშაობდნენ. ასეთი განცხადებები ცხადყოფს, „ქართულმა ოცნებამ“ არ გამოხატა სერიოზული განზრახვა შეერთებულ შტატებთან ორმხრივი ურთიერთობების გაუმჯობესების კუთხით“, – ნათქვამია წერილში.კონგრესმენები ასევე მიესალმებიან სახელმწიფო დეპარტამენტის გადაწყვეტილებას, 6 ოქტომბერს შეხვედრა მოეთხოვათ აშშ-ში საქართველოს ელჩთან, თამარ ტალიაშვილთან. ისინი მოუწოდებენ სახდეპს, მოითხოვოს პარტია „ქართული ოცნებისგან“ აღნიშნული „საშიში განცხადებების ოფიციალურად და საჯაროდ უარყოფა“.„მნიშვნელოვანია, რომ ტრამპის ადმინისტრაციამ უპასუხოს ამ ნარატივს, რომელიც საფრთხეს უქმნის აშშ-ის თანამშრომლებს საქართველოში და ქმნის შემაშფოთებელ პრეცედენტს სხვა უცხო ქვეყნის მთავრობებისთვისაც. ორმხრივი ურთიერთობების პროდუქტიულად განვითარება „ქართული ოცნების“ პასუხისმგებლობაა, თუმცა FSN-ები და აშშ-ის ყოფილი პარტნიორები არ უნდა იქცნენ პოლიტიკურ იარაღად.თუ ჩვენ არ დავიცავთ მათ უცხო ქვეყნის მთავრობის თავდასხმებისგან, ეს მნიშვნელოვნად შეაფერხებს ჩვენს შესაძლებლობას, მოვიზიდოთ კვალიფიციური თანამშრომლები და განვახორციელოთ აშშ-ის საგარეო პოლიტიკა მსოფლიოს მასშტაბით“, – ვკითხულობთ წერილში.სენატორების თქმით, აუცილებელია, რომ სახელმწიფო დეპარტამენტმა მკაცრად და საჯაროდ უპასუხოს საქართველოს ხელისუფლების ქმედებებს, რომელიც აშშ-ის სახელით მომუშავე პერსონალის მიზანმიმართულ დისკრედიტაციას ისახავს მიზნად

1762421344

ოჯახი, როგორც მთავარი ღირებულება ადამიანის ცხოვრებაში, უდიდეს როლს ასრულებს პიროვნულ განვითარებაში და ამის დასტურია მთელი ეს სპექტაკლიც.მოქმედება ოქროყანაში, ერთ ქართულ ოჯახში ხდება, სადაც ოჯახის წევრები გარკვეული პერიოდის შემდეგ, ერთი მიზნით იკრიბებიან – დაკარგული მამის გამო, რომელიც სცენაზე საერთოდ არ ჩანს, მაგრამ თითქოს მამოძრავებელი ღერძია მთლიანი სპექტაკლის.ღალატი, ტყუილი, ეზოიზმი, გაუცხოება, მარტოობის შიში, ბავშვობის ტრავმები, ნარკოდამოკიდებულება, ინცესტი. ეს იმ პრობლემათა მცირე ჩამონათვალია, რაც ამ ნაწარმოებშია თავმოყრილი. ოჯახი გვიყვება კომპლექსურ ამბავს დედაშვილობაზე, ცოლქმრობაზე, მეგობრობაზე, მორალზე და უბრალოდ ადამიანურ ურთიერთობებზე. პიესის ერთ-ერთი მთავარი ძაბვაა ჭიდილი სიმართლესა და სიცრუეს შორის, ოჯახი ტყუილებზეა აშენებული, რაც საბოლოოდ მისი ნგრევის მიზეზი ხდება. რეჟისორს ზემოხსენებული ისე ოსტატურად აქვს გადმოცემული, რომ მაყურებელში სხვადასხვა ტიპის ემოციას იწვევს. ტრაგიკომედია მაყურებელს აღრეულ შეგრძნებებს უტოვებს, დრამატულ სცენას მომენტალურად კომიკური ანაცვლებს და პირიქით, რაც მაყურებელს კონკრეტულ სტერეოტიპულ შეხედულებას არ უტოვებს ამა თუ იმ ფაქტისა თუ მსახიობის მიმართ, არამედ, გვაძლევს საშუალებას, გავაანალიზოთ ესა თუ ის მოქმედება და შევიქმნათ ჩვენი, საკუთარი, სუბიექტური დამოკიდებულება.სცენარს რომ მივუბრუნდეთ, მალევე ირკვევა, რომ ოჯახის მამა გარდაცვლილია, ოჯახის წევრებს კი გარკვეული დროის გატარება უწევთ იმ ჯოჯოხეთურ ყოფაში, რასაც ისინი თავის დროზე გაექცნენ. ავადმყოფი, დაქვრივებული დედა სამი რადიკალურად განსხვავებული ქალიშვილით, დედას პირის ღრუს კიბოს დიაგნოზი აქვს და ნარკოდამოკიდებულია, მას მხოლოდ ერთი ქალიშვილი შემორჩა გვერდით, რომელიც უვლის, მაგრამ თავისი დების მსგავსად ირკვევა, რომ მასაც გადაწყვეტილი აქვს სახლიდან წასვლა. გაუცხოების თემა დებს შორის საკმაოდ შესამჩნევია, ისინი მუდმივ ბრძოლებში, ჩხუბში არიან როგორც ერთმანეთთან, ასევე დედასთან.დედის როლში გენიალური მსახიობი  ნინელი ჭანკვეტაძეა, ჯუნას პერსონაჟით, რომელიც გასაოცარი სამსახიობო ოსტატობით აღაფრთოვანებს მაყურებელს. სპექტაკლში გამოკვეთილია ქალის როლი და მისი მნიშვნელობა ოჯახში, რაც ერთ-ერთი მთავარი მიზეზია ოჯახის ნგრევის. როგორც უკვე აღვნიშნეთ, ჯუნა ნარკოდამოკიდებული, დეპრესიული ქალია, რომელსაც მისივე დედისგან იგივე გამოცდილება აქვს, რა მიდგომებსაც ის თავის შვილებთან ურთიერთობაში იყენებს. დიდი ალბათობით, რეჟისორს იმის თქმა სურს, რომ ყოველი მოძალადე ყოფილი მსხვერპლია. ჯუნას პერსონაჟი აღნიშნავს იმას, თუ როგორ სიმკაცრესა და უსიყვარულობაში იზრდებოდა.  ოჯახური ნეგატიური გამოცდილება დაუსრულებელი ციკლია, რომელიც წრეზე ტრიალებს და მომავალ თაობებს საკუთარი გამოცდილების ნიადაგზე ანადგურებს. აქვე აღსანიშნავია ჯუნას უფროსი ქალიშვილის მარიამის თავისივე შვილთან ურთიერთობაც, რომელიც თითქოს იმავე სცენარს იმეორებს.რა არის ოჯახური ბედნიერება? სიყვარული, მორალი, ეთიკა ? ემსგავსება თუ არა ადამიანი ცხოველს ინსტინქტურ დონეზე. სცენარში შემთხვევითი არაფერია და ყველა დეტალს თავისი დატვირთვა აქვს. სპექტაკლის დასაწყისში ერთ-ერთი მსახიობი სავარძელში ჩამჯდარი ტელევიზორში ველურ ბუნებას, ცხოველებს უყურებს, რაც შეიძლება ამ სპექტაკლის გმირებთანაც გავაიგივოთ.აღსანიშნავია ოჯახური სადილობის სცენა, სადაც დედა თავის შვილებს თავს ესხმის. ეს სცენა გარკვეულწილად წარმოადგენს სიმართლის გამჟღავნების რიტუალს, ოჯახური ტრადიციები ვერ ცვლის არსებულ სურათს, მაშინ როცა სიმართლე დიდი ხნის მკვდარია.სპექტაკლს არაჩვეულებრივი მუსიკა „მაგნოლია“ სდევს ლაიტმოტივად, რომელიც თითქოს შემთხვევითი არაა და სცენარს განსაკუთრებულად დრამატულს ხდის.თუ რა საიდუმლოებებს ინახავს თითოეული პერსონაჟი ამ ნაწარმოებში, რეჟისორი თითქოს ბოლომდე არ „ხსნის კარტებს“ და გვიტოვებს ფიქრის საშუალებას, თავად გამოვიტანოთ დასკვნები. სიბრალული, ზიზღი, ემპათია, ანტიპათია – ამ ემოციათა კორიანტელი თავს ატყდება მაყურებელს მთელი სპექტაკლის განმავლობაში.სიმბოლოების მნიშვნელობას თუ მივუბრუნდებით, აგვისტოს თვეც შემთხვევითი არაა, ის წელიწადის ყველაზე ცხელი თვეა თავისი დაძაბულობებისა და დაგროვილი ემოციების აფეთქების. სცენარი აგვისტოში, დაუნდობელ სიცხეში ვითარდება, რაც დიდწილად პერსონაჟების შინაგან დუღილს ასახავს. სახლი ცოცხალი ორგანიზმია, სადაც სიყვარული და სიძულვილი თანაარსებობაშია, საბოლოოდ კი ყველა გარბის, სახლი თითქოს შთანთქავს თავის ბინადრებს და ასე მთავრდება სპექტაკლი.დრამა გვიჩვენებს, თუ როგორ გადაეცემა ტკივილი თაობიდან თაობას მემკვიდრეობით, როგორც საშვილიშვილო წყევლა. სიძულვილის ძალა საოცარი პროფესიონალიზმითაა გადმოცემული. პიესაში ყველა ის ყოფითი პრობლემაა თავმოყრილი, რაც, როგორც ქართულ, ისე არაქართულ საზოგადოებებს ეხება და მნახველს დიდ ინტერესსა და კითხვის ნიშანს უტოვებს ფარდის დაშვების შემდეგ.ავტორი: ანნა კარდენახიშვილისაქართველოს უნივერსიტეტის სოციალურ მეცნიერებათა სკოლის სტუდენტიპრაქტიკანტი

1762417815