ქვეყნის ეკონომიკამ 5 მილიარდი დაკარგა
წინასაარჩევნოდ
პატიმრების 1/3-მდე
შეიწყალებენ. პრემიერმა
ყოველწლიურ საპარლამენტო
გამოსვლაში, ასევე
განაცხადა, რომ ქვეყნის
სასჯელაღსრულების
დაწესებულებებში 10 000
მსჯავრდებულია, რომლის 1/3-ია
ოპტიმალური ევროპული
მაჩვენებელი. ცვლილებებზე
მუშაობა დაწყებულია და
სექტემბერში
მიიღებენ. ირაკლი
კობახიძემ დეპუტატების
კითხვებზე საპასუხოდ
განაცხადა, რომ
დამკვირვებლებში ვერ
მოხვდება "სამართლიანი
არჩვენები", რომელიც ჯერ
შემჩნეული იყო
გაყალბებაში და შემდეგ
ბრალეულობა დაუმტკიცდა.
როგორც პრემიერმა თქმა
სამწუხაროდ მათი შფოთვები
გამართლდა.ამასთან
პრემიერმა "ოცნების"
სახელით, საყოველთაო
საარჩევნო
დაკვირვებისთვის მზაობა
გამოთქვა, "რაც მეტი, მით
უკეთესი". მისი
ინფორმაციით, მოწვევა
გაგზავნილია ყველა
საერთაშორისო
სადამკვირვებლო მისიებში,
მათ შორის ეუთო ოდირის.
ნატოს, ევროსაბჭოს
ასამბლეაში.დეპუტატი ლადო
კახაძე დაინტერესდა,
ოქტომბერში თუ იქნებიან
დამკვირვებლები
ინდოეთიდან და ჩინეთიდან.
ფრიდონ ინჯიამ კი ჰკითხა
ჩინეთის მონაწილეობაზე
გაცვლითი სასწავლო
პროგრამებში. პრემიერის
ინფორმაციით,
ყოველწლიურად ჩინეთში,
სახელმწიფო პროგრამით 20
სტუდენტი მიემგზავრება,
დაინტერესება მაღალია
ასევე კონფუცის
ინსტიტუტის
შეთავაზებებზე. 5 წელში 200-ზე
მეტმა ახალგაზრდამ
აიმაღლა და მიიღო
ცოდნა. ინჯიას ანალიზით,
ევროპასთან შედარებით
ჩინეთის უპირატესობა
განპირობებულია იმ ნიშნით,
რომ იქ დარჩენის ნაკლები
ალბათობაა და რომ
განათლებული მოქალაქეები
საქართველოში
დაბრუნდებიან.ამასთან
უკმაყოფილება გამოთქვა
დასავლეთის მიმართ, რომ
არასათანადოდ დაფასებულია
კვალიფიციური
ემიგრანტების შრომა.
ამასთან მიაჩნია, რომ
ევროპას და აშშ-ს
სამადლობელი აქეთ აქვთ,
საქართველოდან ჩასულ, იაფ
კვალიფიციურ მუშახელს რომ
იყენებენ, ვიდრე ჩვენ,
მუდმივად რომ გვაყვედრიან
დახმარებას, რომელიც
შემდეგ ძვირად გვიჯდება,
თუნდაც 2008 წელს.ემიგრაციის
თემას, პრემიერის
საპარლამენტო გამოსვლის
წინა დღეს, პარლამენტის
თავმჯდომარე, შალვა
პაპუაშვილი TV იმედის
ეთერშიც შეეხო, სულ სხვა
პრიზმით. თითქოს
ქართველები თავს იქცევენ
სხვაგან შრომით, თავის
ქვეყანაში საქმიანობის
ერთფეროვნება რომ
დროდადრო გაახალისონ.
ვითომ საქართველოში
ღირსეული ხელფასია,
საკმარისი პენსია,
უდარდელი ცხოვრება და არ
იციან, როგორ დაძლიონ
მოსაწყენი
ყოფა.პაპუაშვილმა მაგდა
ანიკაშვილთან სტუმრობისას
განაცხადა, რომ ქვეყნიდან
წასული ხალხი საქართველოს
განძია. თითქოს დაკარგული
კი არა, ნაპოვნია და
საცავში ინახება, როგორც
მონეტარული მიზნისთვის
სებ-ის ლონდონში შეძენილი
ოქროს ზოდები.ამასთან
ოცნების მესიჯ ბოქსში
გაჩნდა ბუას სინონიმი -
ფრანკენშტაინი, რომლის
პარამეტრები პაპუაშვილმა
წარმოადგინა როგორც
მონსტრი, სხვადასხვა
განზომილებაში
მავნებლობის უნარით და ეს
ეკლექტური წარმონაქმნი,
მისი წარმოდგენით არის
პარტიებით შეთითხნილი
ოპოზიცია, იდეებისგან
გამოცლილი.და ამ მყიფე
კონგლომერატის წინ კი დგას
ერთი მყარი "ოცნება", ერთი
სტრატეგიით, ერთი მიზნით,
არცერთი დაპირებით და
თვითამოცხადებული
სტატუსით, რომ მოქმედებს
"ხალხის მანდატით,
ხალხისთვის, ხალხის
სახელით".პაპუაშვილის
ხუთშაბათის და კობახიძის
პარასკევის მთავარი
სათქმელი იყო ქვეყნისთვის
დიდი მონაპოვარის
გამჭვირვალობის, ე.წ რუსული
კანონის მიღება, რომელიც
თან დაგვიცავს ევროპისგან
და თან
შეგვიყვანს.პრემიერი
მოხარული დარჩა, რომ როგორც
თავად მოიხსენია ჟარგონზე,
თანაპარტიელების
სატოპკეების აღების
შემდეგ, ოპოზიციის
კითხვებიც სატოპკედ
წაადგა.რატომ ატყუებთ
ხალხს? როცა ქვეყანას
უერთებთ ოკუპირებულ
რეგიონებს, რუსეთის
გავლენის სფეროში მის
დასაბრუნებლად.ვის მხარეს
ხართ? მაშინ როცა
დევნილების შინ დაბრუნება
საქართველოს გაცხადებული
ინტერესი იყო, თქვენ კი ამ
რეზოლუციაზე უარისთვის
იჩინეთს მადლობას უხდით, -
თეონა აქუბარდიამ
პრემიერს შეახსენა,
რატომაც მოუწია გამოსვლა,
ნახევრად ცარიელ დარბაზში,
ნატოს და ევროკავშირის
ელჩების დემარშის გამო.
თავადაც მოუწია დემარშის
დარღვევა, ხალხის მანდატით
პრემიერისთვის კითხვები
რომ დაესვა, საგარეო კურსის
რუსეთისკენ გადახვევაზე
და ქვეყნის
თავდაცვისუნარიანობაზე.დარბაზიდან
ჯერ პაპუაშვილმა გააცილა
აქუბარდია შეძახილებით, თუ
როგორ გაბედა უიდეო
წარმონაქმნის ნაწილაკმა
ხალხის სახელით კითხვები.
შემდეგ კი კობახიძემ
უპასუხა, რას გადაურჩა
ქვეყანა. "აი მაშინ გენახათ
რუსეთის გავლენის
გაფართოება საქართველოზე",
თუ მმართველი ძალა
სანქციებზე მიერთების
რეკომენდაციებს
გაითვალისწინებდა.თუმცა
პოლიტიკურმა პროცესებმა
მაინც იმოქმედა. "აი მაშინ
გენახათ სად ვიქნებოდით", -
როგორც კობახიძემ თქვა, რომ
არა ეს პროცესები ჩვენი
ეკონომიკა 40 მლრდ -საც კი
მიაღწევდა, ნუ სულ მცირე 35
მილიარდს მაინც. არსებული 30
მლრდ-ის ნაცვლად.უფრო
პესიმისტურია პაპუაშვილის
წარმოდგენები. დიაგნოზი,
ნაკლებად საიმედო, თუმცა
გამოსავალი უფრო იმედიანი.
როგორც ხუთშაბათის ეთერში
განაცხადა, ჩვენი
სუვერენიტეტი მხოლოდ ჩვენ
უნდა დავიცვათ. არავინ
დაგვიცავს ჩვენი თავის
გარდა. სხვა არ გვჭირდება,
ის უცხოა. "ევროკავშირის
არცერთი ქვეყანა არ
ცხოვრობს ჩვენ ტყავში. თუ
უნდათ ჩვენი
გადმოსახედიდან შეაფასონ
ჩვენ ტყავში უნდა იცხოვრონ,
ომები გამოიარონ. მხოლოდ
ჩვენ ვიცით ქართველებმა რა
რისკებია და რა
გამოწვევები. მათ ნატოს
ატომური ქოლგა იცავს,
რომელსაც ჩვენ არ
გადმოგვაფარებენ. ეს
ყველაფერი ეთერში თქვა.
ევროინტეგრაციის პროცესის
გაყინვაზე რომ ჰკითხეს,
უპასუხა, რომ სულსწრაფობა
არ წაგვადგებოდა. მისი
შეფასებით, ევროკავშირის
სტრუქტურებიდან და
პოლიტიკური ჯგუფებიდან
რჩევა-დარიგებას რომ
გავყოლოდით, გვექნებოდა
სწრაფი შედეგი კანდიდატის
სტატუსზე და
მოლაპარაკების
დაწყებაზეც, თუმცა როგორც
თქვა ვიქნებოდით
დანგრეული, ფიზიკურად და
ეკონომიკურად.
1719579720