გასული კვირა „საქართველოს კაპიტალმა“ ლონდონის ბირჟაზე მინუსში დახურა, თიბისიმ სოლიდური ზრდა აჩვენა

ნათია ჯანაშიას თანამდებობაზე ინვესტორ კომპანიას მისთვის სასურველი კანდიდატურის დანიშვნა სურს, რომლის რეპუტაცია და კომპეტენცია, ნათია ჯანაშიას გუნდის მოკვლევის შემდეგ, ეჭვის ქვეშ დადგა.სს „საქართველოს კაპიტალის“ შვილობილმა „საქართველოს განათლების ჯგუფმა“ ნათია ჯანაშიას თანამდებობიდან გათავისუფლება მას შემდეგ მოისურვა, რაც სკოლის დამფუძნებელმა ინვესტორი ნაკისრი ვალდებულებების შეუსრულებლობასა და არაკეთილსინდისიერებაში დაადანაშაულა.BIST–ის თანამშრომლების განცხადებას უცვლელად გთავაზობს:"ჩვენ, "თბილისის ბრიტანული საერთაშორისო სკოლის" (BIST) თანამშრომლების უმრავლესობას, გვსურს ოფიციალურად გამოვხატოთ ღრმა შეშფოთება ჩვენი დამფუძნებლისა და დირექტორის, ქალბატონი ნათია ჯანაშიას პოტენციური გათავისუფლების შესახებ.დაარსების დღიდან, ჩვენი სკოლის მთავარი ღირებულება მოსწავლეთა სრულფასოვანი განათლება და პოზიტიური სასწავლო გარემოს შექმნაა. სწორედ ამან განაპირობა, რომ დღესდღეობით, BIST ერთ-ერთი ყველაზე გამორჩეული საგანმანათლებლო დაწესებულებაა საქართველოში, სადაც სასკოლო საზოგადოების (მოსწავლეები, მშობლები, თანამშრომლები) წევრთა ურთიერთობა  ემყარება პატივისცემას, ერთმანეთზე ზრუნვასა და მხარდაჭერას.გვსურს, შეშფოთება გამოვხატოთ ახალი დირექტორის დანიშვნის პროცესებთან დაკავშირებითაც, რომელიც არ წარმართულა სასკოლო საზოგადოებისთვის უმნიშვნელოვანეს ადამიანებთან კონსულტაციით და ჩვენთვის მისაღებ გამჭვირვალე პირობებში. დასახელებულ კანდიდატს არ გაუვლია საერთაშორისო სტანდარტებით გათვალისწინებული შერჩევის არც ერთი საფეხური (ინტერვიუები თანამშრომლებთან, მასწავლებლებთან, მოსწავლეებთან და მშობლებთან).გამომდინარე აქედან, ვფიქრობთ, რომ ჩვენი დირექტორის, ქალბატონი ნათიას თანამდებობიდან გადაყენება, რომელთანაც წლებია პოზიტიური და პროფესიონალური ურთიერთობა გვაკავშირებს, დამაზიანებელი იქნება სკოლისა და მისი საგანმანათლებლო მიზნებისთვის.ჩვენ სრულ მხარდაჭერას ვუცხადებთ ქალბატონ ნათიას, რომ განაგრძოს საქმიანობა თბილისის "ბრიტანული საერთაშორისო სკოლის" დირექტორის თანამდებობაზე", – ნათქვამია BIST–ის თანამშრომლების ერთობლივ განცხადებაში. 

1739287757

მათი თქმით, ნათია ჯანაშიას წვლილი სკოლის წარმატებაში, ამ თემის ჩამოყალიბებაში არის განუზომლად დიდი. მისი ცოდნისა და ძალისხმევის გარეშე სკოლა ვერ იქნებოდა მიმზიდველი ვერც მშობლებისთვის და ვერც ინვესტორისთვის, რომელიც უკვე თვეებია ცდილობს სკოლის დირექტორის თანამდებობაზე ნათია ჯანაშიას ჩანაცვლებას საეჭვო კომპეტენციის და რეპუტაციის კადრით.მოსწავლეების მშობლების განცხადებას უცვლელად გთავაზობთ:„ჩვენ შვილებს აქვთ ორი ოჯახი - ოჯახი, სადაც მათ ზრდიან მშობლები და ბებია-ბაბუები და ოჯახი სკოლის სახით. მეორე ოჯახს, ანუ სკოლას, მშობლები ვირჩევთ ჩვენი ღირებულებების შესაბამისად. ვარჩევთ სიფრთხილით, ვითვალისწინებთ კურსდამთავრებულების მიღწევებს, მასწავლებლების გამოცდილებასა და კვალიფიკაციას, ვაკვირდებით გარემოს, რათა დავრწმუნდეთ, ჩვენი შვილების ფიზიკურ და მენტალურ უსაფრთხოებაში, მათ კეთილსინდისიერ პიროვნებებად ჩამოყალიბების პერსპექტივაში.ბრიტანულ-ქართული აკადემია, უკვე თითქმის ორი ათეული წელია (ამ წერილის ხელმომწერთა ნაწილს სკოლასთან თანამშრომლობის სწორედ ამ ხნის გამოცდილება გვაქვს), ჩვენი შვილებისთვის ერთ დიდ ოჯახად იქცა. სკოლა გახდა მათი წარმატების ტრამპლინი არა მხოლოდ ქვეყნის შიგნით, არამედ ქვეყნის გარეთაც. ამ სკოლის კურსდამთავრებულებმა ევროპისა და ამერიკის საუკეთესო უმაღლეს სასწავლებლებში გააგრძელეს სწავლა მაღალი მოსწრებით. ბევრმა მათგანმა, საკუთარი ცოდნით, მოახერხა სასწავლო გრანტის მოპოვება.მაღალი აკადემიური ხარისხის გარდა, სკოლა ბავშვებს ზრდის ამ ქვეყნის ღირსეულ მოქალაქეებად, რომლებსაც კარგად აქვთ გაცნობიერებული საკუთარი უფლებები და მოვალეობები, საკუთარი როლი ქვეყნისა და დემოკრატიის მშენებლობაში.სკოლაში ბავშვები ერთმანეთზე ზრუნვას, ერთმანეთის უფლებების დაცვას სწავლობენ, ეზიარებიან სამართლიანობის პრინციპებს, აფასებენ საკუთარ და სხვის თავისუფლებას, იზრდებიან სიკეთით და სიყვარულით გაჯერებულ გარემოში. ჩვენი შვილები იქ, სადაც უახლესი ტექნოლოგიით აღჭურვილი კლასებია, არ სწავლობენ მხოლოდ საგნებს, ისინი ყალიბდებიან კარგ ადამიანებად. ეს კი მშობლებს გვაიძულებს, ჩვენი ქვეყნის რეალობაში საკმაოდ მაღალ გადასახადს შევეჭიდოთ, რათა შვილებს მივცეთ ევროპული სტანდარტის განათლება და შესაბამისად, - მომავალი.ის, რაც მშობლებს ბრიტანულ-ქართულ აკადემიაში გვიზიდავს, რასაც ვაფასებთ და რატომაც ვანდობთ ამ სკოლას ჩვენთვის უძვირფასესს - შვილებს, ნათია ჯანაშიამ შექმნა. ორი ათეული წლის წინ, როცა ჩვენს ქვეყანაში მსგავსი სკოლები არც კი არსებობდა, ბრიტანულ-ქართული აკადემია იყო ჩვენი შვილების ნათელი მომავლის კუნძული, ერთი დიდი ოჯახი, რომელიც ძლიერ თემში გარდაიქმნა. ამ თემის წევრები, მოსწავლეებთან და მშობლებთან ერთად, სკოლის კურსდამთავრებულები არიან. ნათია ჯანაშიას წვლილი სკოლის წარმატებაში, ამ თემის ჩამოყალიბებაში არის განუზომლად დიდი. მისი ცოდნისა და ძალისხმევის გარეშე სკოლა ვერ იქნებოდა მიმზიდველი ვერც მშობლებისთვის და ვერც ინვესტორისთვის.სწორედ ამიტომ, ამ წერილის ხელმომწერი მშობლები, ვუცხადებთ სრულ მხარდაჭერას ნათია ჯანაშიას და სკოლის ამჟამინდელ ადმინისტრაციას. არ გვსურს სასწავლო დაწესებულებაში ისეთი ცვლილებები განხორციელდეს, რაც ისედაც რთულ გარემოში, საფრთხეს შეუქმნის ჩვენი შვილების განვითარებას და მომავალს. ჩვენთვის ყველაზე ფასეული ჩვენი შვილების მენტალური და ფიზიკური სიმშვიდე და უსაფრთხოებაა, ამიტომ გთხოვთ, ნუ შეუშლით ხელს სკოლის გამართულ მუშაობას. გთხოვთ, იხელმძღვანელოთ ბავშვის საუკეთესო ინტერესით, რადგან სკოლა მათ ირგვლივ და მათ ინტერესებზე უნდა იყოს აგებული“, – ნათქვამია ბრიტანულ–ქართული აკადემიის მოსწავლეთა მშობლების ერთობლივ განცხადებაში.

1739287242

5 მარტის ჩათვლით, VII-XI კლასის მოსწავლეებს შესაძლებლობა აქვთ, STEM სკოლის ერთწლიან პროგრამაზე დარეგისტრირდნენ, მიიღონ როგორც თეორიული, ასევე, პრაქტიკული ცოდნა მეცნიერების, მათემატიკის, ინჟინერიისა და ტექნოლოგიების მიმართულებით. და, რაც მთავარია, დაეუფლონ ყველაზე მოთხოვნად - მომავლის პროფესიების საფუძვლებს.სასწავლო პროცესი დისტანციურად მიმდინარეობს, რაც მოსწავლეებს შესაძლებლობას აძლევს,  გაკვეთილებს ნებისმიერი ლოკაციიდან დაესწრონ.ამასთან, საქართველოს ბანკი ყოველწლიურად 90 მოსწავლეს კურსს უფინანსებს - მათგან 60 უმაღლესი ქულის მქონე ახალგაზრდა სწავლის 100%-იან დაფინანსებას, 30 მათგანი კი 50%-იან გრანტს მიიღებს. „მესამე წელია, საქართველოს ბანკი კომაროვის სკოლასთან ერთად STEM სკოლის პროექტს ახორციელებს, რომლის ფარგლებშიც, შესაძლებლობას ვაძლევთ ნიჭიერ და მოტივირებულ ახალგაზრდებს, კომაროვის სკოლის პროფესიონალების მენტორობით დაეუფლონ STEM მეცნიერებების საფუძვლებს, დაიგროვონ როგორც თეორიული, ასევე პრაქტიკული ცოდნა და აირჩიონ ისეთი მომავლის პროფესიები, რომლებიც ხელს შეუწყობს საზოგადოებაში პოზიტიური ცვლილების განხორციელებას. STEM სკოლის ერთწლიანი კურსი უკვე 800-მდე მოსწავლემ გაიარა. მათ შორის, საქართველოს ბანკის სტიპენდიატთა რაოდენობა 150-ს აღწევს. ვიმედოვნებთ, პროექტის მიმართ დაინტერესება კიდევ უფრო მეტად გაიზრდება და მომავლის პროფესიები კიდევ უფრო მეტი ახალგაზრდისთვის გახდება ხელმისაწვდომი“, - აღნიშნავს ანა ლომთაძე, საქართველოს ბანკის კორპორატიული სოციალური პასუხისმგებლობის (CSR) მიმართულების ხელმძღვანელი.ინფორმაციისთვის, ახალგაზრდების მხარდაჭერის მიზნით, საქართველოს ბანკის CSR მიმართულებისთვის უკვე 5 წელზე მეტია განათლება პრიორიტეტია. სწორედ ამიტომ, ბანკი 40-ზე მეტ საგანმანათლებლო პროექტს ახორციელებს და უჭერს მხარს, რითაც 500 000-ზე მეტი მოსწავლისთვის, სტუდენტისა და ახალგაზრდა პროფესიონალისთვის ქმნის განათლების შესაძლებლობას. ბანკის CSR მიმართულების პორტფელი მოიცავს ისეთ საგანმანათლებლო პროექტებს, როგორებიც არის: საქართველოს ბანკის სტიპენდიები; გიორგი ჩახავას სახელობის სტიპენდია; დიდ ბრიტანეთში, აშშ-სა და გერმანიაში სწავლის დაფინანსება; იდეათეკები - საქართველოს ბანკის ბიბლიოთეკების პროექტი; საქართველოს ბანკის ოლიმპიადები მოსწავლეებისთვის: STEM ოლიმპიადა, ეკონომიკის ოლიმპიადა, Kings-ის ფინანსური განათლების ოლიმპიადა, ევერესტი. ამასთან, საჯარო მეტყველების კონკურსი, და სხვა. საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს ganatleba.bog.ge

1739278958

12 თებერვლიდან, მესტია ახალგაზრდა ფრირაიდერებსა და ზამთრის სპორტის მოყვარულებს უმასპინძლებს. Svaneti Freeride Week Junior ღონისძიებების კვირეულია, რომლის ფარგლებშიც, სპორტული აქტივობების პარალელურად, მესტიის პარკში მოეწყობა საშეჯიბრო სოფელი, სადაც მსურველებს საშუალება ექნებათ დიდ ეკრანზე თვალი ადევნონ ფრირაიდის შეჯიბრს და კინოჩვენებებს. ასევე, გაეცნონ ადგილობრივი მეწარმეების პროდუქციას.ჯუნიორების შეჯიბრება 13 თებერვალს გაიმართება და 25-მდე სპორტსმენი  გაუკვალავ თოვლში, ზურულდზე დაეშვება. ზამთრის სპორტის მოყვარულებს და ღონისძიებაზე დამსწრე სტუმრებს კი, საშუალება მიეცემათ სპეციალურად განსაზღვრული ზონებიდან ასპარეზობას ადევნონ თვალი. ღონისძიებაზე დასწრება ყველა მსურველს შეუძლია.ფრირაიდის კვირეული ახალგაზრდა ქართველ სპორტსმენებს მისცემს შესაძლებლობას მონაწილეობა მიიღონ მსოფლიო მასშტაბის შეჯიბრში. ფრირაიდისა და ადრენალინის მოყვარულები ბევრ ახალ და საინტერესო გამოცდილებას მიიღებენ.თიბისისთვის უმნიშვნელოვანესია ისეთი პროექტების მხარდაჭერა, რომლის მიზანიც საქართველოს კონკრეტული რეგიონის განვითარებაა; ამასთან, ახალ თაობაში სპორტის პოპულარიზაცია და ახალგაზრდა სპორტსმენების მხარდაჭერა. ეს პროექტი კი, გრძელვადიან პერსპექტივაში, ხელს შეუწყობს ზამთრის სპორტისა და ტურიზმის განვითარებას. ასევე, რა თქმა უნდა, ახალგაზრდების სპორტული კარიერის შემდგომ განვითარებას. სვანეთის შემდეგ, თიბისი და ფრირაიდი მარტში, გუდაურში გადაინაცვლებენ, სადაც შეჯიბრების ახალი ეტაპები გაიმართება.

1739272799

„ეს ნიშნავს გაცილებით მეტ ბიზნესს ამერიკისთვის, – განმარტავს ტრამპი თავის გადაწყვეტილებას. – ქაღალდზე ეს კარგად გამოიყურება, მაგრამ პრაქტიკაში კატასტროფაა. ეს ნიშნავს, რომ თუ ამერიკელი მიდის სხვა ქვეყანაში და აკეთებს იქ ბიზნესს ლეგალურად, კანონიერად თუ სხვა გზებით, ეს თითქმის იმის გარანტიაა, რომ დაიწყება გამოძიება, ბრალდებები და ამის გამო ამერიკელებთან ბიზნესის კეთება აღარავის უნდა“.თეთრ სახლში ამ კანონის უარყოფით მხარეებზე რამდენიმე მაგალითად მოჰყავთ: 2010 წელს უსაფრთხოების სისტემებისა და ბანკომატების ამერიკულ მწარმოებელს Diebold, რომელიც FCPA–ს ნორმების დარღვევის გამო გამოძიების ქვეშ მოექცა, რუსეთსა და ჩინეთში თავისი 5 ტოპ–მენეჯერის დათხოვნა მოუხდა. 2019 წელს კი Deutsche Bank დათანხმდა $16 მლნ–ის მოცულობის ჯარიმის გადახდას იმის გამო, რომ რუსეთსა და ჩინეთში თავის სტრუქტურებში გავლენიანი მაღალჩინოსნებისა და სახელმწიფო კომპანიების ხელმძღვანელების ახლობლებს ასაქმებდა. სანაცვლოდ კი ბანკი სახელმწიფო უწყებებიდან დაკვეთებს იღებდა.ერთ–ერთი ასეთი „თანამშრომელი“, სახელმწიფო კომპანიის ტოპ–მენეჯერის შვილი, მოსკოვიდან Deutsche Bank–ის ლონდონის ფილიალში გადაიყვანეს. გარკვეული პერიოდის შემდეგ მისი ბანკიდან გაშვება მოუწიათ, რადგან არ დადიოდა სამსახურში, გამოცდებზე იტყუებოდა და საბოლოოდ კომპანიისთვის „მძიმე ტვირთად“ შერაცხეს.ტრამპის ამ გადაწყვეტილებას კორუფციასთან ბრძოლის საკითხებში ექსპერტების მწვავე კრიტიკა მოჰყვა. მათი აზრით, კანონის შეჩერება უცხოეთში მომუშავე ამერიკულ კომპანიებს დააზარალებს. 

1739271060

2025 წელს მოთხოვნის შენელებაა მოსალოდნელი შიდა პოლიტიკური არასტაბილურობის გამო - ეკონომიკური ზრდის პროგნოზირებული შენელება, ლარის გაუფასურება და იჯარის შემოსავლიანობის მოსალოდნელი შემცირება უძრავი ქონების მოთხოვნაზე მოქმედი ძირითადი ფაქტორები იქნება.დეველოპერების გაყიდვები გალტ&თაგარტის ინფორმაციით, 2024 წლის პირველ ოთხ თვეში შერჩეული დეველოპერების პროექტებში გაყიდული ბინების რაოდენობა სტაბილური იყო. თუმცა, მაისში გაყიდვები მნიშვნელოვნად შემცირდა (-42.0% 2024 წლის იანვარ-აპრილის საშუალოსთან შედარებით) თბილისის ქუჩებში მიმდინარე პროტესტისა და დასვენების დღეების სიმრავლის გამო. ივნისში მოთხოვნა ნაწილობრივ აღდგა, თუმცა მაინც დაბალ ნიშნულზე დარჩა, რადგან მსყიდველუნარიანი მოსახლეობის მნიშვნელოვანი ნაწილი საზღვარგარეთ იმყოფებოდა ევრო 2024-ზე. გაყიდვები სრულად აღდგა ივლისში, რასაც ხელი შეუწყო რამდენიმე ფართომასშტაბიანი პროექტის დაწყებამ და ბაზარზე გაზრდილმა არჩევანმა. ოქტომბერში, წინასაარჩევნო გარემომ კიდევ ერთხელ განაპირობა გაყიდვების შენელება, თუმცა ოქტომბერში დაგროვილი მოთხოვნის გამო ნოემბერში გაყიდვები კვლავ გაიზარდა. დეკემბერში თბილისის ქუჩებში მიმდინარე პროტესტის შედეგად გაყიდვები წლიურად 9%-ით შემცირდა, თუმცა ეს ვარდნა მოსალოდნელზე მსუბუქი იყო. ჯამში, 2024 წელს შერჩეული დეველოპერების გაყიდვები წლიურად 4.5%-ით გაიზარდა.მეორადი ბაზარი - რეგისტრირებული ტრანზაქციები 2024 წლის დეკემბერში გაყიდვები შემცირდა უძრავი ქონების მეორად ბაზარზეც (ჯამურად, ახალ და ძველ პროექტებში) წლიურად 3%-ით. პირველად ბაზართან შედარებით მცირე კლება შესაძლოა მიუთითებდეს გაურკვევლობის პირობებში მყიდველის პრეფერენციებს დასრულებულ ბინებზე. ჯამურად 2024 წელს მეორად ბაზარზე 20,207 ბინა გაიყიდა, რაც წლიურად 4.8%-იანი კლებაა. ეს განპირობებული იყო ძველი პროექტების გაყიდვების 12.5%-იანი ვარდნით, ხოლო მეორად ბაზარზე ახალი პროექტების გაყიდვები 8.1%-ით გაიზარდა.ფასები გალტ&თაგარტის ინფორმაციით, 2024 წელს კვადრატულ მეტრზე საშუალო ფასი აშშ დოლარში პირველად ბაზარზე წლიურად 11.6%-ით გაიზარდა, რაც ნაწილობრივ გაძვირებულმა სამშენებლო ხარჯებმა გამოიწვია. მიუხედავად იმისა, რომ ფასები მაღალ ნიშნულზე ნარჩუნდება, ზრდის ტემპი 2022-23 წლებთან შედარებით დასტაბილურებულია და საშუალო თვიური ზრდა 1.5%-დან 0.5%-მდე შენელდა.ბაზრის ზომა 2024 წელს თბილისში სულ 3,123.1 მლნ აშშ დოლარის ღირებულების ბინები გაიყიდა, რაც წლიურად 7.1%-იანი ზრდაა. ბაზრის სხვა ძირითადი მახასიათებლები უცვლელი დარჩა - გაყიდვებში საშუალო ზომის ბინების (51-80 მ²) დომინირება, მათი ხელმისაწვდომობისა და გაქირავების სიმარტივის გამო, ასევე ბიუჯეტური კლასის სეგმენტის (

1739265776

საგულისხმოა, რომ ამ თანხების დიდი ნაწილი, 99%, კვლავ კონსერვატიულ, ანუ ნაკლებრისკიან პორტფელშია განთავსებული. საპენსიო სააგენტოს მონაცემებით, 2025 წლის იანვრის მდგომარეობით აკუმულირებული ამონაგებით როგორც ნომინალურ, ისე რეალურ რიცხვებში დინამიკური პორტფელი ლიდერობს.2023 წლის 6 აგვისტოდან 2025 წლის 31 იანვრის ჩათვლით პერიოდში დინამიკური პორტფელის რეალურმა ამონაგებმა 18.7% შეადგინა, იმავე პერიოდში დაბალანსებული და კონსერვატიული პორტფელების რეალური ამონაგები შესაბამისად 16.4% და 14.3% იყო.პორტფელებს შორის მთავარი სხვაობა პორტფელებში გლობალური აქციების პროპორციაა. იანვრის ბოლოს მდგომარეობით, დინამიკურ პორტფელში აქციების წილი 51.1% იყო, დაბალანსებულში - 30.5%, ხოლო კონსერვატიულში - 16.6%.ამასთან, საპენსიო სქემაში გაწევრიანებულ მონაწილეთა რაოდენობა 1 მილიონ 591 ათასი ადამიანია. 2025 წლის 31 იანვრის მდგომარეობით, დაგროვებითი პენსიით ისარგებლა 16 229-მა ადამიანმა, მათზე პენსიის სახით გაიცა 65.8 მლნ ლარი.

1739262127

იან გოლდინგს - Customer Experience Consultancy | CXPA (UK) ოლგა პოტაპცევას - European Customer Consultancy | CX Panda (UK) შონ ბელდინგს - Belding Group (Canada) ჯულიან ჰავესს - Qmatic (UK) ნიკ ვან ლანგენდონქს - Unbossers Network (Belgium) სამიტზე, CX Hub, საქართველოში პირველად წარადგენს მომხმარებლის გამოცდილების მართვის ჯილდოს - CX Award Georgia, რომლის ფარგლებშიც კომპანიებს შესაძლებლობა ექნებათ შემოიტანონ განაცხადები - მომხმარებლის (CX) ან თანამშრომლის (EX) გამოცდილების გაუმჯობესების კუთხით განხორციელებული პროექტების და ინიციატივების შესახებ. განაცხადებს საერთაშორისო ექსპერტების გუნდი შეაფასებს, რის საფუძველზეც გამოვლინდება გამარჯვებული. CX Award Georgia-ში მონაწილეობის მიღება პირველ წელს სამიტის ფარგლებში უფასოა. განაცხადის შემოტანა შესაძლებელია ბმულზე.გარდა ამისა, CX Business Summit-ის ფარგლებში დაინტერესებულ აუდიტორიას ეძლევათ ექსკლუზიური შესაძლებლობა, რომ სამიტთან ერთად, იმავე დღეს, დაესწრონ CX-ის გლობალური ექსპერტის და Customer Experience Professional Association-ის თანადამფუძნებლის - იან გოლდინგის ვორქშოფს, თემაზე: „ლიდერობის მნიშვნელობა მომხმარებლის გამოცდილების სტრატეგიულ მართვაში - თვითშეფასების ვორქშოფი”.სამიტის ორგანიზატორია მომხმარებლის გამოცდილების მართვის სააგენტო CX Hub, გენერალური პარტნიორია თიბისი.თიბისი მუდმივად ისწრაფვის ინოვაციების, მომხმარებელთა გამოცდილების გაუმჯობესებისა და ბიზნესის განვითარების ხელშეწყობისკენ. სწორედ ამიტომ თიბისი უკვე მეორე წელია CX ბიზნეს სამიტის მხარდამჭერია. მსგავსი ღონისძიებები მნიშვნელოვან როლს ასრულებენ ბიზნეს გარემოს განვითარებაში, ინოვაციური იდეების გაცვლასა და მომხმარებელზე ორიენტირებული სტრატეგიების დანერგვაში. ჩვენთვის, როგორც მომხმარებელზე ორიენტირებული ინდუსტრიისთვის, მნიშვნელოვანია მონაწილეობა ისეთ ინიციატივებში, რომლებიც ხელს უწყობს ბიზნესებს უკეთ გაუგონ მომხმარებლებს და მიაწოდონ მათ ხარისხიანი სერვისი.სამიტზე დასასწრები ბილეთების გაყიდვა უკვე დაიწყო.ღონისძიება გაიმართება 24 თებერვალს, სასტუმრო ბილტმორ თბილისში.კომპანია CX Hub არის მომხმარებელთა გამოცდილების მართვის წამყვანი სააგენტოსაქართველოში, რომელიც ეხმარება ბიზნესებს CX და EX (მომხმარებლის დათანამშრომლის გამოცდილების) მართვის კვლევებში, სტრატეგიების შემუშავებასა და სისტემების დანერგვაში. დეტალურად ინფორმაცია CX HUB-ზე შეგიძლიათ იხილოთ ფეისბუქ გვერდზე.ღონისძიების პარტნიორები:ორგანიზატორი: CX Hub - მომხმარებლის გამოცდილების მართვის სააგენტოგენერალური პარტნიორი: თიბისიპარტნიორები: NGT Group, CommuniQ, University of Georgia, The European Fund for Southeast Europe (EFSE), Interaction Design Foundation (IxDF), The CX Academy, Blue Ocean, ProdAct Community, BM.GE, ქალების ნარატივი, Entrepreneur, Imedi L, Balance

1739260634