ლონდონის ბირჟაზე ქართული კომპანიების აქციების ფასები არაერთგვაროვნად შეიცვალა

მთავრობის მეთაურის თქმით, პროექტის მიმართ ინტერესი ძალიან დიდია როგორც საქართველოს პარტნიორებსა და მეზობელ ქვეყნებში, ისე ცენტრალური აზიის, ახლო აღმოსავლეთისა და ევროპის რეგიონებში.კობახიძემ აღნიშნა, რომ სამუშაოების ტემპი მაქსიმალურად დაჩქარდა მას შემდეგ, რაც კონტრაქტის გადახედვის შედეგად მისი ღირებულება დაახლოებით $50 მლნ-ით შემცირდა. მან ამ შედეგისთვის მადლობა გადაუხადა ეკონომიკის სამინისტროსა და პირადად მინისტრს. პრემიერის განცხადებით, სამუშაოების შეუფერხებელი მსვლელობა იძლევა ოპტიმიზმის საფუძველს, რომ 2029 წლისთვის პორტი პირველ გემებს მიიღებს.პრემიერის განცხადებას წინ უძღოდა ეკონომიკის სამინისტროს ინფორმაცია, რომლის თანახმად, 1 აგვისტოს ანაკლიის საზღვაო აკვატორიაში ფსკერის დაღრმავების სამუშაოების ჩასატარებლად პირველი დამღრმავებელი გემი (Tristao Da Cunha) შემოვიდა. უწყების ცნობით, გემი ტალღმტეხის არხის მოსაწყობად მუშაობას კანონით დადგენილი პროცედურების გავლის შემდეგ დაიწყებს.პროექტის მიხედვით, ანაკლიის ზღვის აკვატორიაში ფსკერი 17.5 მეტრამდე დაღრმავდება, შემდგომ ეტაპზე კი 1 380 მეტრის სიგრძის ტალღმტეხი აშენდება. მომავალი პორტის საზღვაო აკვატორიაში სამშენებლო სამუშაოებს ბელგიური კომპანია, ე.წ. „დიდი ოთხეულის“ წევრი Jan De Nul N.V. ქართველ პარტნიორებთან ერთად ახორციელებს. ეკონომიკის სამინისტროს მიერ ტენდერში ბელგიური კომპანიის გამარჯვების შესახებ ცნობილი 2024 წლის 1 აგვისტოს გახდა.როგორც ივლისის დასაწყისში გამოცხადდა, საქართველოს მთავრობა ანაკლიის ღრმაწყლოვან ნავსადგურს მსოფლიოში აპრობირებული „ლენდლორდის“ მოდელით აშენებს. ეს მოდელი სახელმწიფოს შესაძლებლობას მისცემს, პორტი განავითაროს არა ერთ, არამედ ერთდროულად რამდენიმე სახელმწიფოსთან და კომპანიასთან პარტნიორობით, რაც ტვირთების მოზიდვისა და ეფექტიანი ფუნქციონირებისთვის საუკეთესო პირობებს შექმნის. საპორტო ინფრასტრუქტურის შექმნასთან ერთად, მთავრობა უზრუნველყოფს ნავსადგურამდე მისასვლელი საავტომობილო და სარკინიგზო გზების მოწყობასაც.ამასთან, სახელმწიფოს გადაწყვეტილებით, ინვესტორს პორტის მხოლოდ 49%-იანი წილი ექნება, ხოლო საკონტროლო 51%-ს სახელმწიფო შეინარჩუნებს. 2024 წლის 29 მაისს საქართველოს მთავრობამ გამოაცხადა, რომ ანაკლიის პორტის 49%-იან წილს ჩინურ-სინგაპურული კონსორციუმი ჩაიბარებდა.თავდაპირველი პროექტით, პირველი გემი ანაკლიის პორტს 2020 წელს უნდა მიეღო. სწორედ იმ წელს გაუწყვიტა „ქართული ოცნების“ მთავრობამ 2016 წელს გაფორმებული ხელშეკრულება „ანაკლიის განვითარების კონსორციუმს“ (ADC). კონსორციუმში შედიოდნენ „თიბისი ჰოლდინგ ანაკლია“ (საქართველო), Van Oord PPP International (ნიდერლანდები), Wondernet Express (ბრიტანეთი), შპს G-Star (ბულგარეთი), Conti International (აშშ) და ჰოლანდიელი ინვესტორი ბობ მეიერი.იმ პერიოდში ოფიციალურ მიზეზად მთავრობამ ვალდებულებების შეუსრულებლობა დაასახელა, ხოლო თავად კონსორციუმი სახელმწიფოს მხრიდან ხელის შეშლაზე მიუთითებდა. აღნიშნულ საქმეზე სახელმწიფომ ორი საერთაშორისო საარბიტრაჟო დავა მოიგო, რის შემდეგაც პორტის მშენებლობის საკუთარი სახსრებით გაგრძელების პირობა დადო.

1785741917

ყოველთვიური ინფლაციის მაჩვენებლის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე: სურსათი და უალკოჰოლო სასმელები: ჯგუფში ფასები შემცირდა 0.9%-ით, რაც თვის ინფლაციაზე -0.3 პ.პ.-ით აისახა. ფასები შემცირებულია ქვეჯგუფებზე: ბოსტნეული და ბაღჩეული (-12.3%), ხილი და ყურძენი (-2.8%), შაქარი, ჯემი და სხვა ტკბილეული (-0.8%), მინერალური და წყაროს წყალი, უალკოჰოლო სასმელები და ნატურალური წვენები (-0.5%), ხორცი და ხორცის პროდუქტები (-0.3%), თევზეული (-0.1%). ამასთან, ფასები გაიზარდა ქვეჯგუფებზე: ყავა, ჩაი და კაკაო (2.3%), რძე, ყველი და კვერცხი (2.1%), ზეთი და ცხიმი (1.2%), პური და პურპროდუქტები (0.7%);ტანსაცმელი და ფეხსაცმელი: ჯგუფში ფასები შემცირდა 4.9%-ით, რაც თვის ინფლაციაზე -0.22 პ.პ.-ით აისახა. ფასები შემცირებულია როგორც ტანსაცმლის (-6.4%), ისე ფეხსაცმლის (-2.4%) ქვეჯგუფებზე; საცხოვრებელი, წყალი, ელ. ენერგია, აირი: ჯგუფში ფასები გაიზარდა 0.8%-ით. შესაბამისად, ჯგუფის წვლილმა თვის ინფლაციაში 0.08 პ.პ. შეადგინა. ფასები, ძირითადად, გაიზარდა საცხოვრებლის ფაქტობრივ გადასახადსა (2.3%) და საცხოვრებლის მიმდინარე მოვლასა და შეკეთებაზე (1.3%). საქსტატის მონაცემებით, წლიური ინფლაციის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე: სურსათი და უალკოჰოლო სასმელები: ჯგუფში ფასები გაიზარდა 4.9%-ით, რაც წლიურ ინფლაციაზე 1.74 პ.პ.-ით აისახა. ფასები მომატებულია ქვეჯგუფებზე: თევზეული (18.2%), ხორცი და ხორცის პროდუქტები (9.2 პროცენტი), პური და პურპროდუქტები (8.1%), ზეთი და ცხიმი (7.6%), ყავა, ჩაი და კაკაო (6.4%), რძე, ყველი და კვერცხი (4.2%), ხილი და ყურძენი (2.5%), შაქარი, ჯემი და სხვა ტკბილეული (1.7%), მინერალური და წყაროს წყალი, უალკოჰოლო სასმელები და ნატურალური წვენები (1.5%). ამასთან, ფასების კლება დაფიქსირდა ბოსტნეულსა და ბაღჩეულზე (-5.7%);ტრანსპორტი: ჯგუფში ფასები გაიზარდა 14.2%-ით, რაც წლიურ ინფლაციაზე 1.66 პ.პ.-ით აისახა. ფასები მომატებულია პირადი სატრანსპორტო საშუალებების ექსპლუატაციაზე (20.1%) და სატრანსპორტო მომსახურებაზე (10.8%);საცხოვრებელი, წყალი, ელ.ენერგია, აირი: ჯგუფში ფასები მომატებულია 8.3%-ით, რაც 0.8 პ.პ.-ით აისახა მთლიან ინდექსზე. ფასები გაზრდილია ქვეჯგუფებზე: ელექტროენერგია, აირი და სათბობის სხვა სახეები (10.4%), ფაქტობრივი გადასახადი საცხოვრებელზე (8.2%), საცხოვრებლის მიმდინარე მოვლა და შეკეთება (8%);ჯანმრთელობის დაცვა: მოცემულ პერიოდში ჯგუფში ფასები გაიზარდა 4.7%-ით, რაც ჯამურ ინფლაციაზე 0.4 პ.პ.-ით აისახა. ფასები გაიზარდა ქვეჯგუფებზე: სამედიცინო პროდუქცია, აპარატურა და მოწყობილობა (7.7%) და ამბულატორიული სამედიცინო მომსახურება (2.7%).

1785741225

სამინისტროს ცნობით, ლევან ქარუმიძის პროფესიული გამოცდილება ხელს შეუწყობს სააგენტოს ეფექტიან საქმიანობას, ქართული გასტრონომიის საერთაშორისო ცნობადობის ამაღლებასა და პოპულარიზაციას, გასტრონომიული მემკვიდრეობის განვითარებასა და საერთაშორისო პარტნიორებთან თანამშრომლობის გაძლიერებას.ლევან ქარუმიძეს მრავალწლიანი გამოცდილება აქვს როგორც მართვის, ისე საგარეო ურთიერთობების მიმართულებით. 2020-2024 წლებში იგი ევროპასთან ინტეგრაციის საპარლამენტო კომიტეტის თავმჯდომარის მოადგილის, მოგვიანებით კი პირველი მოადგილის თანამდებობებს იკავებდა. ამასთან, იყო საგარეო ურთიერთობათა კომიტეტის წევრი.სხვადასხვა დროს მას ასევე ეკავა საქართველოს ეროვნული უსაფრთხოების საბჭოს აპარატის უფროსის მოადგილის თანამდებობა, მუშაობდა საქართველოს მთავრობის ადმინისტრაციაში საერთაშორისო მედიასთან ურთიერთობის მიმართულებით და ხელმძღვანელობდა განათლებისა და მეცნიერების სამინისტროს სისტემაში შემავალ სსიპ-ებს.ცნობისთვის, სსიპ „გასტრონომიის ეროვნული სააგენტო“ საქართველოს მთავრობის 2026 წლის 20 ივლისის დადგენილების საფუძველზე შეიქმნა. უწყების მთავარი მიზანია ქვეყნის გასტრონომიული მემკვიდრეობის დაცვა, განვითარება, პოპულარიზაცია და საერთაშორისო ასპარეზზე წარდგენა, ასევე გასტრონომიის სფეროში ერთიანი სახელმწიფო პოლიტიკის ფორმირება და განხორციელება.

1785740385

ფასმა პირველად ბაზარზე ზომიერი ტემპით ზრდა განაგრძო, ხოლო მეორად ბაზარზე შემცირდა, რაც აპრილის მკვეთრი ზრდის შემდეგ სტაბილიზაციაზე მიუთითებს. მოთხოვნა 2026 წლის ივნისში, საჯარო რეესტრის მონაცემებით, გაყიდული ბინების რაოდენობამ 4,503 შეადგინა, აქედან: მეორად ბაზარზე გაყიდვები წლიურად 22.3%-ით გაიზარდა და 2,224 შეადგინა (2026 წლის პირველ ნახევარში +16.2% წ/წ), რაც 2022 წლის შემდეგ ყველაზე მაღალი თვიური ნიშნულია. პირველად ბაზარზე გაყიდვები, რაზეც გავლენას დაგვიანებული რეგისტრაციები ახდენს, წლიურად 52.6%-ით გაიზარდა და 2,279 შეადგინა (2026 წლის პირველ ნახევარში +19.1% წ/წ). გალტ & თაგარტის მიერ ჩატარებული დეველოპერების გამოკითხვის მიხედვით, რომელიც პირველადი ბაზრის ტენდენციებს რეალურ დროში ასახავს, 2026 წლის ივნისში გაყიდული ბინების რაოდენობა წლიურად 54.4%-ით გაიზარდა, ნაწილობრივ დაბალი ბაზის ეფექტის გამო. (2026 წლის პირველ ნახევარში +33.5% წ/წ). 2026 წლის პირველ ნახევარში, თბილისში სულ 22,799 ტრანზაქცია დარეგისტრირდა და გაყიდვების ჯამურმა ღირებულებამ $2 მლრდ შეადგინა (+26.6% წ/წ).მიწოდება 2026 წლის ივნისში, ზედიზედ 8 თვის განმავლობაში შემცირების შემდეგ, გაცემული ნებართვების საცხოვრებელი ფართობი მნიშვნელოვნად, წლიურად 225.3%-ით გაიზარდა (300,095 კვ.მ 29 საცხოვრებელ პროექტში) და 2021 წლის შემდეგ ყველაზე მაღალ თვიურ ნიშნულს მიაღწია. ზრდის მიუხედავად, ჯამურად, 2026 წლის პირველ ნახევარში გაცემული ნებართვების ფართობი წლიურად 7.3%-ით არის შემცირებული.ფასები2026 წლის ივნისში, უძრავი ქონების ფასი პირველად ბაზარზე ზომიერი ტემპით, თვიურად 0.3%-ით გაიზარდა 1,417 აშშ დოლარამდე. მეორადი ბაზრის ახალ პროექტებში (რაც 2013 წლიდან გაცემული ნებართვებით აშენდა) ფასი გასულ თვესთან შედარებით 1.5%-ით შემცირდა  და 1,345 აშშ დოლარი შეადგინა, რაც აპრილში დაფიქსირებული მკვეთრი, 5% ზრდის შემდეგ ნაწილობრივ სტაბილიზაციაზე მიუთითებს.ქირა2026 წლის ივნისში, თბილისში საშუალო ზომის ბინის (50-60 კვ.მ) ქირის ფასი მაღალ დონეზე შენარჩუნდა და კვადრატულ მეტრზე $10.1 შეადგინა (+1.4% თვიურად), ქირის ამონაგებმა კი - 8.5%.

1785735540

თბილისი (GBC) - ფოთის საჭადრაკო კლუბის ორგანიზებით, საერთაშორისო საჭადრაკო ფესტივალის ფინალური ეტაპი გაიმართა, რომელშიც 530-მდე მოჭადრაკემ მიიღო მონაწილეობა, მათ შორის 300-ზე მეტი ქართველი იყო. ტურნირის ფარგლებში 22-მა ქართველმა მოჭადრაკემ 25 გამარჯვება მოიპოვა. ფოთის საჭადრაკო კლუბისა და ბანკის პარტნიორობის ფარგლებში, საქართველოს ბანკი ქართველი მოჭადრაკეების მთავარი მხარდამჭერია.ინფორმაციისთვის, ფოთის საერთაშორისო საჭადრაკო ფესტივალი ქალაქის ყოველწლიური საერთაშორისო საჭადრაკო ღონისძიებაა, რომელიც ფოთის საჭადრაკო კლუბის და საქართველოს ჭადრაკის ფედერაციის ორგანიზებით იმართება. წელს ფოთი ფესტივალს უკვე მეცხრამეტედ მასპინძლობს. ფესტივალის პროგრამის ფარგლებში 25-მდე სხვადასხვა ტურნირი ჩატარდა. მონაწილეებმა სხვადასხვა სარეიტინგო და ასაკობრივ კატეგორიაში:  A, B, C, D და E Open-ებსა და ბავშვთა ტურნირებში იასპარეზეს. ძირითადი შეჯიბრებები 9 ტურად, შვეიცარიული სისტემით გაიმართა, მიღებული შედეგები კი საერთაშორისო რეიტინგში აისახა. თითოეულ ტურნირში პირველ, მეორე და მესამე ადგილზე გასული მოჭადრაკეები დაჯილდოვდნენ.ფესტივალი შესაძლებლობას აძლევს როგორც გამოცდილ მოთამაშეებს, ისე ახალგაზრდა მოჭადრაკეებს, საერთაშორისო გარემოში გამოცადონ საკუთარი შესაძლებლობები, დააგროვონ გამოცდილება და გადადგან შემდეგი ნაბიჯები პროფესიული განვითარების გზაზე.შეგახსენებთ, რომ ფოთის საჭადრაკო კლუბი 1948 წელს გაიხსნა, სადაც ახალგაზრდებს ჭადრაკის სიღრმისეულად შესწავლის შესაძლებლობა მიეცათ.დღეს საქართველოს ბანკი კლუბის მთავარი მხარდამჭერია და პარტნიორობის ფარგლებში ხელს უწყობს ახალი თაობის მოჭადრაკეების განვითარებას. ფოთის საერთაშორისო საჭადრაკო ფესტივალზე ქართველი მოთამაშეების მხარდაჭერა კი ამ პარტნიორობის კიდევ ერთი გაგრძელებაა.აღსანიშნავია, რომ ფოთის საერთაშორისო საჭადრაკო ფესტივალი ფოთში დაბადებული ქართველი მოჭადრაკის, ქალთა მსოფლიო ჩემპიონობის ორგზის პრეტენდენტის და ქართული ჭადრაკის ერთ-ერთი გამორჩეული წარმომადგენლის - ნანა ალექსანდრიას სახელს ატარებს. ყოველწლიურად კი ფესტივალი ასობით მონაწილეს მასპინძლობს. (R)

1785514140

შეხვედრას გაყიდვებისა და ბიზნესის განვითარების სპეციალისტი ნანა აბურჯანიძე უძღვებოდა. ვორკშოპის ფარგლებში მონაწილეებმა თანამედროვე ბაზარზე გაყიდვების ზრდასთან დაკავშირებული გამოწვევები, მომხმარებლის ქცევის ცვლილებები და გაყიდვების თანამედროვე მიდგომები განიხილეს.მონაწილეებმა იმსჯელეს, როგორ შეიცვალა გაყიდვების თეორიები, მიდგომები და ტაქტიკები ბოლო წლებში, რა მოთხოვნებია თანამედროვე ბაზარზე გაყიდვების გუნდის კომპეტენციებისა და უნარების კუთხით და რა როლს ასრულებს სწორი კომუნიკაცია გაყიდვების პროცესში.შეხვედრა ინტერაქციულ ფორმატში წარიმართა — მონაწილეებმა ადგილობრივი და გლობალური ბრენდების მაგალითები განიხილეს, ერთმანეთს სხვადასხვა ინდუსტრიის გამოცდილება გაუზიარეს და საკუთარ ბიზნესებთან დაკავშირებულ საკითხებზე კითხვები დასვეს.ბიზნეს 360˚ საქართველოს ბანკის პლატფორმაა, რომელიც ბიზნესს ერთ სივრცეში სთავაზობს განვითარებისთვის საჭირო შესაძლებლობებს. პლატფორმა აერთიანებს საგანმანათლებლო რესურსებს, მათ შორის ბიზნესკურსებს, სექტორულ კვლევებსა და შეთავაზებებს, ასევე სხვადასხვა ტიპის ღონისძიებებს — ფინანსურ, ტექნოლოგიურ თუ სხვა თემატურ შეხვედრებს, რომლებიც მეწარმეებს ცოდნის გაღრმავებასა და ბიზნესის ზრდაში ეხმარება.(R)

1785507240

ვორკშოპში სხვადასხვა გამოცდილების მქონე მეწარმე ქალებმა მიიღეს მონაწილეობა და ორი დღის განმავლობაში ელექტრონული კომერციის ძირითად პრინციპებს, ონლაინ გაყიდვების მოდელებსა და მომხმარებელთან ციფრული კომუნიკაციის ეფექტიან გზებს გაეცნენ. მონაწილეებმა მიღებული ცოდნა პრაქტიკულ დავალებებში გამოიყენეს და საკუთარ ბიზნესებზე მუშაობის პროცესში ონლაინ გაყიდვების განვითარებისთვის საჭირო ინსტრუმენტები გამოცადეს.ვორკშოპის ფარგლებში განხილული იყო ელექტრონული კომერციის სხვადასხვა მოდელი, მათ შორის Marketplace-ები, სოციალური კომერცია და საკუთარი ვებგვერდის გამოყენება. მონაწილეებმა ასევე იმუშავეს სამიზნე მომხმარებლის განსაზღვრაზე, პროდუქტის ონლაინ წარდგენასა და პოზიციონირებაზე, პროდუქტის ფოტოგრაფიაზე, აღწერის მომზადებასა და ფასის ფორმირებაზე.განსაკუთრებული ყურადღება დაეთმო მომხმარებელთან კომუნიკაციასა და სოციალური მედიის გამოყენებას გაყიდვების წასახალისებლად.ვორკშოპის ერთ-ერთი პრაქტიკული მიმართულება საქართველოს ბანკის Ads მენეჯერის გაცნობას დაეთმო. მონაწილეებმა პლატფორმის ძირითადი ფუნქციები შეისწავლეს და საკუთარი ბიზნესებისთვის შეთავაზებების შექმნაზე იმუშავეს.ორდღიანი პროგრამა ასევე მოიცავდა საგადასახადო და საბუღალტრო საკითხებს. მონაწილეებმა მიიღეს ინფორმაცია მცირე მეწარმის სტატუსის, შემოსავლის დეკლარირების, ელექტრონული ინვოისისა და დღგ-ის შესახებ.საქართველოს ბანკი მეწარმე ქალების გაძლიერებას სხვადასხვა საგანმანათლებლო და ბიზნეს ინიციატივის მხარდაჭერით აქტიურად აგრძელებს. მათ შორის ავითარებს პლატფორმას ბიზნეს 360°, რომელიც აერთიანებს ინფორმაციას, შეხვედრებსა და ინსტრუმენტებს ბიზნესის ზრდისა და განვითარებისთვის. (R)

1785501031

ამ მიზნით, საქართველოს ბანკისა და UNFPA-ს ორგანიზებით, Holiday Inn-ში საჯარო შეხვედრა გაიმართა, რომლის მთავარი თემა მამებისა და შვილების ურთიერთობა, ბავშვის განვითარებაში მამის როლის  და მხარდაჭერის მნიშვნელობა იყო. შეხვედრას 50-ზე მეტი მონაწილე დაესწრო.ღონისძიების ფარგლებში, მოწვეული ექსპერტები და სპიკერები აზიარებდნენ პროფესიულ ხედვასა და პირად გამოცდილებას იმის შესახებ, თუ როგორ შეუძლია ყოველდღიურ მხარდაჭერას, ნდობასა და თანადგომას მოახდინოს ზეგავლენა ბავშვის განვითარებაზე. შესაბამისად, შეხვედრის მთავარი მიზანი იყო პასუხის ძიება კითხვაზე, თუ „რას ცვლის ადამიანის ცხოვრებაში ერთი გულშემატკივარი, რომელსაც მისი ნამდვილად სჯერა?“ შეხვედრის ფარგლებში, საკუთარი გამოცდილება გააზიარეს მასწავლებელმა და UNFPA-ს ინიციატივით შექმნილი მამების სკოლის ფასილიტატორმა, გიორგი ლიპარიშვილმა და საქართველოს ეროვნული საფეხბურთო ნაკრების ფეხბურთელის, ბუდუ ზივზივაძის მამამ, კახა ზივზივაძემ. მათ ისაუბრეს, თუ რას ნიშნავს შვილის მხარდაჭერა მისი პირველი ნაბიჯებიდან მნიშვნელოვან წარმატებამდე და როგორ იქცევა მშობლის თანადგომა ბავშვის განვითარების მნიშვნელოვან საყრდენად.შეხვედრის ფარგლებში ასევე გაიმართა მრავალფეროვანი აქტივობები, რომლის ფარგლებშიც მონაწილეებს შვილებთან ურთიერთობის მნიშვნელობაზე განსხვავებული პერსპექტივით დაფიქრებისა და დასამახსოვრებელი გამოცდილების ერთად შექმნის შესაძლებლობა ჰქონდათ.ამასთან, როგორც ნამდვილი ქომაგებისთვის, საქართველოს ბანკმა ღონისძიების მონაწილე მამებისთვის სპეციალურად შექმნილი მაისურებიც წარადგინა. მაისურები სიმბოლურად გამოხატავს იმ გზავნილს, რომ ბავშვის ცხოვრებაში ყველაზე დიდი გულშემატკივარი ხშირად სწორედ მამაა და მხარდაჭერა ყოველდღიურ, ერთი შეხედვით პატარა დეტალებში ვლინდება. სპეციალურად ქომაგი მამებისთვის შექმნილი მაისურების შეძენა შესაძლებელია ვებგვერდზე tshirt.geშეგახსენებთ, რომ საქართველოს ბანკსა და გაეროს მოსახლეობის ფონდს (UNFPA) შორის დაწყებული თანამშრომლობა მიზნად ისახავს მზრუნველი მამობის მხარდაჭერას, შვილების აღზრდაში მამების ჩართულობის წახალისებასა და ოჯახების გაძლიერებას. პარტნიორობის ფარგლებში იგეგმება სხვადასხვა საგანმანათლებლო და ცნობიერების ამაღლების აქტივობის განხორციელება.ინფორმაციისთვის, UNFPA საქართველოში წლების განმავლობაში ხელს უწყობს ისეთი გარემოს შექმნას, სადაც მამობა მხოლოდ პასუხისმგებლობას კი არა, შვილების ცხოვრებაში აქტიურ მონაწილეობას, ემოციურ სიახლოვესა და ზრუნვის თანაბარ განაწილებასაც გულისხმობს. სწორედ ამ ღირებულებების გაძლიერებას ემსახურება საქართველოს ბანკისა და UNFPA-ის პარტნიორობაც.(R)

1785500975