პროკრედიტი კაპიტალზე მოგებას კარგავს

სამწლიანი, სინთეზური ობლიგაცია უზბეკურ სუმშია დენომინირებული  (ანგარიშდება დოლარში) და იგი 22%-იან კუპონს შეიცავს უზბეკური სუმით.ობლიგაცია რამდენიმე ტრანშად გაიცემა. პირველი ტრანში უზრუნველყოფს $140 მლნ-ის მოზიდვას, ხოლო დარჩენილი $60 მლნ ხელმისაწვდომი იქნება მომდევნო 12-18 თვეში.ჯგუფის განცხადებით, ობლიგაციებზე მაღალი მოთხოვნა, რომლებიც ვენის მრავალმხრივ სავაჭრო პლატფორმაზე (Vienna Multilateral Trading Facility, MTF) არის განთავსებული, ასახავს ინვესტორთა ნდობას ჯგუფის სტრატეგიის მიმართ და მზარდ ინტერესს უზბეკეთის მიმართ – ქვეყნის, რომელიც ცენტრალურ აზიაში მოსახლეობით ყველაზე დიდია და ეკონომიკურად სწრაფად იზრდება - დიდი, ჯერ აუთვისებელი პოტენციალით.ჯგუფის მიერ მოზიდული სახსრები მიმართული იქნება TBC Uzbekistan-ის სწრაფი ზრდის ტემპის მხარდასაჭერად და ეკოსისტემის პროდუქტების პორტფელის გაფართოებისათვის.ჯგუფი ბაზარზე დივერსიფიკაციას განაგრძობს და ახალი, მაღალი ზრდის მქონე სეგმენტების ათვისებას, მათ შორის მცირე და საშუალო ბიზნესის (SME) ბანკინგსა და დაკრედიტებაში.ინვესტიცია TBC-ს საშუალებას მისცემს კიდევ უფრო სწრაფად იმოქმედოს უზბეკეთის ბაზარზე, სადაც მისი ციფრული ეკოსისტემა დინამიკურ ზრდას განაგრძობს. 1Q25-ში სესხები და შემოსავლები წლიურად ორჯერ გაიზარდა და უკვე ჯგუფის მთლიანი შემოსავლების 21%-ს მიაღწია. ძირითადი ბიზნესის მასშტაბის ზრდასთან ერთად, TBC Uzbekistan მნიშვნელოვან ინვესტიციებს ახორციელებს ბიზნესის განვითარებაში, ინფრასტრუქტურასა და კადრების მოძიებაში -  პროცესში, რომელსაც ახალი დაფინანსება კიდევ უფრო დააჩქარებს, - აცხადებს TBC PLC.TBC Uzbekistan - ი 19.7 მილიონ რეგისტრირებულ მომხმარებელს მოიცავს და აერთიანებს სამ სწრაფად მზარდ ფინტექ ბიზნესს: TBC UZ – ქვეყნის უდიდესი ციფრული ბანკი, Payme – ციფრული გადახდების აპლიკაცია ფიზიკური პირებისა და მცირე ბიზნესებისთვის და Payme Nasiya (განვადებები) – განვადების პლატფორმა.„მოხარულნი ვართ, გამოვაცხადოთ ობლიგაციების გამოშვებაზე, რომელიც უზრუნველყოფს დამატებით ინვესტიციას ჩვენი სწრაფად მზარდი უზბეკეთის ბიზნესისთვის. ინვესტორების მაღალი მოთხოვნა ასახავს ნდობას ჩვენი მომგებიანი ზრდის სტრატეგიის მიმართ და უზბეკეთის ფართო შესაძლებლობებისადმი. ეს ასევე ადასტურებს ჯგუფის შიგნით არსებულ სინერგიებს, რომლებიც აჩქარებენ ჩვენს წინსვლას უზბეკეთის ბაზარზე. დარწმუნებული ვარ, TBC Uzbekistan გააგრძელებს მომგებიან ზრდას და კიდევ უფრო მნიშვნელოვან წვლილს შეიტანს ჯგუფის შედეგებში - ეკოსისტემა სრულად არის ფოკუსირებული წლიური მიზნების შესრულებაზე“, - აცხადებს TBC PLC-ის გენერალური დირექტორი, ვახტანგ ბუცხრიკიძე. „ჩვენ ვმუშაობთ მაღალი მომგებიანობით და TBC Uzbekistan მიზნად ისახავს პროდუქტების პორტფელის გაფართოებასა და ახალი სინერგიების გამოყენებას მომხმარებელთა ჩართულობისა და შემოსავლის გასაზრდელად. ეს ახალი დაფინანსება საშუალებას მოგვცემს კიდევ უფრო სწრაფად განვახორციელოთ ეს გეგმები, მათ შორის მცირე და საშუალო ბიზნესისთვის საუკეთესო პროდუქტების დანერგვით და შევინარჩუნოთ ლიდერის პოზიცია უზბეკეთის ციფრულ საბანკო სივრცეში“, - აცხადებს TBC PLC-ის საერთაშორისო ბიზნესის ხელმძღვანელი,  ოლივერ ჰიუზი.

1749201199

სპეციალური შეთავაზებით სარგებლობას ინდივიდუალური მეწარმეები 1 თვის განმავლობაში, 2025 წლის 6 ივნისიდან 6 ივლისამდე პერიოდში შეძლებენ. იმისათვის, რომ თვითდასაქმებულმა ადამიანებმა აღნიშნული პირობით ისარგებლონ, აუცილებელია, გადახდა თიბისის ბიზნესბარათით განხორციელდეს.თიბისის, ვიზას და VELI ბიზნესის ერთობლივი ინიციატივის მიზანია, ინდივიდუალური მეწარმეების მხარდაჭერა და მათი ხელშეწყობა იმისთვის, რომ მარტივად მიიღონ წვდომა სხვადასხვა საჭირო ინვენტარზე, აღჭურვილობასა თუ ტექნიკაზე, განავითარონ საკუთარი საქმიანობა და იყვნენ “ერთი ნაბიჯით წინ”.“ინდივიდუალური მეწარმეების მხარდაჭერა თიბისი ბიზნესისთვის პრიორიტეტული მიმართულებაა. კარგად გვესმის, რა გამოწვევების წინაშე დგანან თვითდასაქმებული ადამიანები ყოველდღიურად. სწორედ ამიტომ, მუდმივად ვნერგავთ ისეთი მომსახურებას თუ პროდუქტებს, რაც მათ საქმიანობის გამარტივებაში დაეხმარებათ და შესაძლებლობას მისცემთ, იყვნენ ერთი ნაბიჯით წინ. ვაგრძელებთ თვითდასაქმებულების მხარდაჭერის მიმართულებით მუშაობას და მათ, უახლოეს პერიოდში, კიდევ არაერთ საინტერესო პროდუქტს თუ მომსახურებას შევთავაზებთ”, - ვეფხვია ლომინაშვილი, თიბისი ბიზნესის ლიდერი.შეთავაზების შესახებ დეტალური ინფორმაციის მიღება შესაძლებელია ბმულზე, ასევე, თიბისი ბიზნესის ცხელ ხაზზე: (032) 2 2727*3 .

1749201178

,,შემოსავლების სამსახურის მიერ ბოლო წლებში გატარებული წარმატებული რეფორმები მიზნად ისახავს კანონშესაბამისობის მართვის რისკზე დაფუძნებული მიდგომების დანერგვას და ბიზნესისთვის საგადასახადო ვალდებულებების კიდევ უფრო გამარტივებას. ამასთან, სერვისების გაციფრულების ფარგლებში, უწყება ერთ-ერთი ლიდერია ინოვაციების მიმართულებით. ბოლო ერთი წლის მონაცემებით, ელექტრონული ფორმით, 6 მილიონზე მეტი საგადასახადო დეკლარაცია და 59 მილიონზე მეტი დღგ-ის ანგარიშფაქტურის ატვირთვა განხორციელდა. რაც შესაძლებლობას იძლევა დაიზოგოს გადამხდელთა დრო და რესურსი", - განაცხადა ლევან კაკავამ.აღნიშნული პანელის მსვლელობისას, შემოსავლების სამსახურის საბაჟო დეპარტამენტის ხელმძღვანელმა, ზურაბ სიჭინავამ მონაწილეებს დეტალური პრეზენტაცია წარუდგინა უწყებაში მიმდინარე მნიშვნელოვანი რეფორმებისა და საბაჟო სისტემის გაციფრულების/ტრანსფორმაციის შესახებ. ამასთან, მისი თქმით საბაჟო ადმინისტრაციას მნიშვნელოვანი წვლილი შეგვაქვს ქვეყნის მიერ, მდგრადი ეკონომიკური განვითარების მიზნების მიღწევაში და შეუძლებელია თანამედროვე სახელმწიფოს წარმატება და კეთილდღეობა მშვიდობის გარეშე.5-6 ივნისს დედაქალაქი თბილისის მდგრადი განვითარების რეგიონულ ფორუმს მასპინძლობს. ღონისძიება თბილისის მერიის ეკონომიკური განვითარების საქალაქო სამსახურის ორგანიზებით იმართება.ფორუმი მისასალმებელი სიტყვით თბილისის მერმა კახა კალაძემ პრემიერ-მინისტრ ირაკლი კობახიძესთან ერთად გახსნა. ღონისძიებაში მონაწილეობა მიიღეს საქართველოს მთავრობის წევრებმა, მუნიციპალიტეტების მერებმა და საკრებულოს წარმომადგენლებმა, სხვადასხვა სფეროს ექსპერტები, ასევე ბიზნესსექტორის, აკადემიური წრეებისა და დიპლომატიური კორპუსის წარმომადგენლებმა.თბილისი მდგრადი განვითარების რეგიონული ფორუმი თანამედროვე მიდგომებისა და ახალი იდეების გაზიარებისთვის ეფექტურ პლატფორმას წარმოადგენს, რომლის მიზანია თანამშრომლობის გაღრმავება და ქალაქების განვითარების გრძელვადიანი პერსპექტივის შექმნა.

1749198917

რეაბილიტაციის ფარგლებში სრულად ახლდება 3 კმ-მდე სიგრძის წყალსადენისა და 1.5 კმ-მდე სიგრძის წყალარინების მაგისტრალური და გამანაწილებელი ქსელები. ახლად მოწყობილ ქსელებზე 62 ერთეული ჩამკეტ-მარეგულირებელი ურდული, 5 სახანძრო ჰიდრანტი, 57 საკვანძო ჭა მოეწყობა. პარალელურად წყალარინების ქსელზე 39 ახალი წყალარინების ჭა დამონტაჟდება. ჭავჭავაძის გამზირის სარეაბილიტაციო პროექტი მაისის თვეში დაიწყო და ივლისში დასრულდება, პროექტის ჯამური საინვესტიციო ღირებულება ₾3.5 მლნ-ია.აღნიშნული სარეაბილიტაციო პროექტის დასრულების შედეგად ჭავჭავაძის გამზირისა და მიმდებარე ქუჩების მოსახლეობას მომსახურება მნიშვნელოვნად გაუუმჯობესდება.„თბილისის წყალმომარაგების გაუმჯობესებისთვის უმნიშვნელოვანესი პროექტები აქტიურად გრძელდება. ჭავჭავაძის გამზირის რეაბილიტაცია, სადაც ახლა მასშტაბური სამუშაოები მიმდინარეობს 2025 წლის ერთ-ერთი ყველაზე მსხვილი და მნიშვნელოვანი პროექტია. სარეაბილიტაციო პროექტში კომპანია ჯამში 3.5 მლნ ლარის ინვესტიციას ახორციელებს. სამუშაოების ფარგლებში სრულად განახლდება  5 კმ-მდე სიგრძის წყალსადენისა და წყალარინების  მაგისტრალური და გამანაწილებელი ქსელები. შედეგად კომპანიის 3000-მდე აბონენტს გაუუმჯობესდება მომსახურების ხარისხი", - განაცხადა გიგა ნადირაძემ, ჯივიპის ტექნიკურმა დირექტორმა. 

1749196659

„მას მიუფურთხებია რესპუბლიკლებისთვის, რესპუბლიკური პარტიის ეროვნული კომიტეტისთვის, ადგილებისთვის წარმომადგენელთა პალატაში და ასე შემდეგ. ის მათ გაანადგურებს. უკვე ვიცით, რომ წარმომადგენელთა პალატას რესპუბლიკელები წააგებენ. სენატი, დიდი ალბათობით, მწყობრში დარჩება, მაგრამ ილონს მიუფურთხებია მთელი ამ პარტიული სისულელეებისთვის“, – თქვა მასკის მრჩეველმა.რამდენიმე თვის წინ ილონ მასკი პირობას დებდა, რომ $100 მილიონს მოახმარს პოლიტიკურ მოღვაწეობას და ამ სახსრებს ტრამპთან დაკავშირებულ ორგანიზაციებს გადასცემდა. თუმცა, ეს ფული დღემდე არ ჩანს და NBC–ს წყაროს თქმით, არც გამოჩნდება. „აღარ არის“, – აღნიშნა მან. ახლა კი, როგორც NBC წერს, რესპუბლიკელი კონგრესმენები ფრთხილად უნდა იყვნენ ტრამპის „დიდი ლამაზი“ კანონპროექტის მხარდაჭერისას, რომელიც პრეზიდენტსა და მასკს შორის დაპირისპირების მიზეზი გახდა. ეს კანონპროექტი საგადასახადო შეღავათების გახანგრძლივებას ითვალისწინებს, რამაც, ეკონომისტების შეფასებით, შესაძლოა აშშ–ის ბიუჯეტის დეფიციტი $600 მილიარდით გაზარდოს. ამ ინიციატივას მასკმა „ამაზრზენი გარყვნილება“ უწოდა.5 ივნისს ტრამპმა თეთრ სახლში განაცხადა, რომ ბიზნესმენს შეუძლია იგი გააკრიტიკოს, და არა კანონპროექტი. „მე და ილონს შესანიშნავი ურთიერთობები გვქონდა. არ მგონია მომავალშიც ასე გაგრძელდეს“, – აღნიშნა პრეზიდენტმა.ტრამპთან დაპირისპირების ფონზე, Bloomberg–ის მონაცემებით, მასკის ქონება $34 მილიარდით შემცირდა. თუმცა, მეწარმე კვლავაც ინარჩუნებს მსოფლიოს უმდიდრესი ადამიანის ტიტულს თავისი $335-მილიარდიანი ქონებით.

1749196442

ღონისძიებას, რომლის მიზანი ქართული ღვინის პოპულარიზაცია და საექსპორტო ბაზრების დივერსიფიკაციაა, პოლონელი ღვინის პროფესიონალები, იმპორტიორები, ჰორეკა სექტორის და მედიის წარმომადგენლები დაესწრნენ. წარდგენილი იყო ქართული ღვინის მწარმოებელი 24 კომპანიის სხვადასხვა სახეობის პროდუქცია. ღონისძიების ფარგლებში გაიმართა ქართული ღვინის სამი მასტერკლასი, რომლებსაც გერმანელი ღვინის მაგისტრი კონსტანტინ ბაუმი და პოლონური კომპანიის „ო-ლილე“ ხელმძღვანელი ქეთევან ფრანგულაიშვილი უძღვებოდნენ.გამოფენას საქართველოს საგანგებო და სრულუფლებიანი ელჩი პოლონეთის რესპუბლიკაში დიანა ჟღენტი დაესწრო. დეგუსტაციაზე Georgian Grand Tasting ღვინის წარსადგენად ქართველმა მეწარმეებმა მხარდაჭერა პოლონეთის რესპუბლიკაში საქართველოს საელჩოსგანაც მიიღეს.„ძალიან მნიშვნელოვანი ღონისძიებაა და პირველ რიგში მადლობა უნდა გადავუხადოთ ღვინის ეროვნულ სააგენტოს ქართული ღვინის ექსპორტის ასეთი მხარდაჭერისთვის. პოლონეთის ბაზარი ძალიან მნიშვნელოვანია ქართული ღვინისთვის, ეს საკმაოდ დიდი ბაზარია და ასევე არის შესაძლებლობა, რომ პოლონეთიდან მოხდეს ქართული ღვინის გატანა ევროპის უფრო ფართო ბაზარზე. საქართველოს საელჩოსთვის ერთ-ერთი მთავარი პრიორიტეტია ქართული ღვინის ექსპორტის ხელშეწყობა. ხალხთა შორის ურთიერთობების ჩამოყალიბებაში ღვინოს და ქართულ სამზარეულოს განსაკუთრებული ადგილი უკავია და საქართველოს საელჩო ყოველთვის მზად არის, ხელი შეუწყოს ნებისმიერ ქართველ მწარმოებელს, რომ რაც შეიძლება მეტი პროდუქტი წარადგინოს და გააცნოს საქართველო პოლონელ მომხმარებელს“, - განაცხადა ელჩმა.ვარშავაში გამართულ ღონისძიებას ასევე დაესწრო ღვინის ეროვნული სააგენტოს წარმომადგენელი ანანო შეყლაშვილი. „პოლონეთის დედაქალაქი წელს უკვე მეორედ მასპინძლობს ქართული ღვინის მასშტაბურ წარდგენას. ქართველი მწარმოებლებისთვის ეს არის საუკეთესო შესაძლებლობა, შეხვდნენ პოლონელ იმპორტიორებს და დისტრიბუტორებს და, შესაბამისად, გაზარდონ გაყიდვები პოლონეთში, ქართული ღვინის ერთ-ერთ მნიშვნელოვან სტრატეგიულ ბაზარზე", - აღნიშნა ანანო შეყლაშვილმა.სააგენტოში აღნიშნავენ, რომ პოლონეთი ქართული ღვინის ერთ-ერთ სტრატეგიულ ბაზარს წარმოადგენს, რომელმაც ქართული ღვინის ექსპორტიორი ქვეყნების ხუთეულში სტაბილურად დაიმკვიდრა ადგილი. აღნიშნულს ბაზარზე ღვინის ეროვნული სააგენტო პოლონურ მარკეტინგულ კომპანიასთან People PR 2022 წლიდან თანამშრომლობს. აღნიშნულ პერიოდში პოლონეთის ბაზარზე ქართული ღვინის ექსპორტის სტაბილური ზრდა ფიქსირდება. 2024 წელს, პოლონეთში ქართული ღვინის ექსპორტმა 6,7 მლნ ლიტრი შეადგინა, ზრდამ, 2023 წელთან შედარებით, 12%-ს მიაღწია.  

1749196003

სამინისტროს მიერ გავრცელებული ინფორმაციით, მიხეილ სარჯველაძემ აღნიშნა, რომ ირაკლი ფურცელაძის პროფესიული გამოცდილება და მენეჯერული უნარ-ჩვევები ქვეყნის საზოგადოებრივი ჯანმრთელობის სისტემის გაძლიერებას შეუწყობს ხელს.სამინისტროს ცნობით, ირაკლი ფურცელაძეს კერძო სექტორში მუშაობის მრავალწლიანი გამოცდილება აქვს. 2011 წლიდან – 2014 წლამდე იყო „ავერსი-ფარმა”-ში სხვადასხვა წამყვან მენეჯერულ პოზიციაზე, ასევე, იყო ამავე კომპანიის გენერალური დირექტორიც. 2016-2018 წლებში ხელმძღვანელობდა სადაზღვევო კომპანია „ალფას”.2022 წლის სექტემბრის შემდეგ, როცა ამირან გამყრელიძემ დაავადებათა კონტროლის ეროვნული ცენტრის დირექტორის თანამდებობა დატოვა, NCDC-ის დირექტორის მოვალეობას, ჯანდაცვის მინისტრის ყოფილი პირველი მოადგილე თამარ გაბუნია ასრულებდა.

1749195060

სწორედ ამ მიზნით, ეროვნული ბანკისა და SWIFT-ის ორგანიზებით, ISO 20022-ის ფინანსური შეტყობინებების ახალი საერთაშორისო სტანდარტის დანერგვასთან დაკავშირებით ტრენინგი გაიმართა, რომელშიც საქართველოში მოქმედი კომერციული ბანკების წარმომადგენლები მონაწილეობდნენ.შეხვედრა მიზნად ისახავდა ქართული საფინანსო სექტორის მზადყოფნას გლობალური მიგრაციისთვის ISO 20022-ზე, რომლის საბოლოო ვადად 2025 წლის ნოემბერი განისაზღვრა.აღნიშნული საერთაშორისო სტანდარტი ქმნის ახალ შესაძლებლობებს ფინანსური კომუნიკაციის გასაუმჯობესებლად, რაც ხელს უწყობს მონაცემების სტრუქტურირებას, ეფექტურობასა და ავტომატიზაციას.ტრენინგის ფარგლებში მონაწილეებმა დეტალურად განიხილეს ISO 20022-ის სტანდარტის სტრუქტურა, მისი დანერგვის საუკეთესო პრაქტიკები და ეროვნული მიგრაციის გზამკვლევი.

1749193092