სებ-ის სავალუტო ვაჭრობები რეკორდულია

ვორკშოპში სხვადასხვა გამოცდილების მქონე მეწარმე ქალებმა მიიღეს მონაწილეობა და ორი დღის განმავლობაში ელექტრონული კომერციის ძირითად პრინციპებს, ონლაინ გაყიდვების მოდელებსა და მომხმარებელთან ციფრული კომუნიკაციის ეფექტიან გზებს გაეცნენ. მონაწილეებმა მიღებული ცოდნა პრაქტიკულ დავალებებში გამოიყენეს და საკუთარ ბიზნესებზე მუშაობის პროცესში ონლაინ გაყიდვების განვითარებისთვის საჭირო ინსტრუმენტები გამოცადეს.ვორკშოპის ფარგლებში განხილული იყო ელექტრონული კომერციის სხვადასხვა მოდელი, მათ შორის Marketplace-ები, სოციალური კომერცია და საკუთარი ვებგვერდის გამოყენება. მონაწილეებმა ასევე იმუშავეს სამიზნე მომხმარებლის განსაზღვრაზე, პროდუქტის ონლაინ წარდგენასა და პოზიციონირებაზე, პროდუქტის ფოტოგრაფიაზე, აღწერის მომზადებასა და ფასის ფორმირებაზე.განსაკუთრებული ყურადღება დაეთმო მომხმარებელთან კომუნიკაციასა და სოციალური მედიის გამოყენებას გაყიდვების წასახალისებლად.ვორკშოპის ერთ-ერთი პრაქტიკული მიმართულება საქართველოს ბანკის Ads მენეჯერის გაცნობას დაეთმო. მონაწილეებმა პლატფორმის ძირითადი ფუნქციები შეისწავლეს და საკუთარი ბიზნესებისთვის შეთავაზებების შექმნაზე იმუშავეს.ორდღიანი პროგრამა ასევე მოიცავდა საგადასახადო და საბუღალტრო საკითხებს. მონაწილეებმა მიიღეს ინფორმაცია მცირე მეწარმის სტატუსის, შემოსავლის დეკლარირების, ელექტრონული ინვოისისა და დღგ-ის შესახებ.საქართველოს ბანკი მეწარმე ქალების გაძლიერებას სხვადასხვა საგანმანათლებლო და ბიზნეს ინიციატივის მხარდაჭერით აქტიურად აგრძელებს. მათ შორის ავითარებს პლატფორმას ბიზნეს 360°, რომელიც აერთიანებს ინფორმაციას, შეხვედრებსა და ინსტრუმენტებს ბიზნესის ზრდისა და განვითარებისთვის. (R)

1785501031

ამ მიზნით, საქართველოს ბანკისა და UNFPA-ს ორგანიზებით, Holiday Inn-ში საჯარო შეხვედრა გაიმართა, რომლის მთავარი თემა მამებისა და შვილების ურთიერთობა, ბავშვის განვითარებაში მამის როლის  და მხარდაჭერის მნიშვნელობა იყო. შეხვედრას 50-ზე მეტი მონაწილე დაესწრო.ღონისძიების ფარგლებში, მოწვეული ექსპერტები და სპიკერები აზიარებდნენ პროფესიულ ხედვასა და პირად გამოცდილებას იმის შესახებ, თუ როგორ შეუძლია ყოველდღიურ მხარდაჭერას, ნდობასა და თანადგომას მოახდინოს ზეგავლენა ბავშვის განვითარებაზე. შესაბამისად, შეხვედრის მთავარი მიზანი იყო პასუხის ძიება კითხვაზე, თუ „რას ცვლის ადამიანის ცხოვრებაში ერთი გულშემატკივარი, რომელსაც მისი ნამდვილად სჯერა?“ შეხვედრის ფარგლებში, საკუთარი გამოცდილება გააზიარეს მასწავლებელმა და UNFPA-ს ინიციატივით შექმნილი მამების სკოლის ფასილიტატორმა, გიორგი ლიპარიშვილმა და საქართველოს ეროვნული საფეხბურთო ნაკრების ფეხბურთელის, ბუდუ ზივზივაძის მამამ, კახა ზივზივაძემ. მათ ისაუბრეს, თუ რას ნიშნავს შვილის მხარდაჭერა მისი პირველი ნაბიჯებიდან მნიშვნელოვან წარმატებამდე და როგორ იქცევა მშობლის თანადგომა ბავშვის განვითარების მნიშვნელოვან საყრდენად.შეხვედრის ფარგლებში ასევე გაიმართა მრავალფეროვანი აქტივობები, რომლის ფარგლებშიც მონაწილეებს შვილებთან ურთიერთობის მნიშვნელობაზე განსხვავებული პერსპექტივით დაფიქრებისა და დასამახსოვრებელი გამოცდილების ერთად შექმნის შესაძლებლობა ჰქონდათ.ამასთან, როგორც ნამდვილი ქომაგებისთვის, საქართველოს ბანკმა ღონისძიების მონაწილე მამებისთვის სპეციალურად შექმნილი მაისურებიც წარადგინა. მაისურები სიმბოლურად გამოხატავს იმ გზავნილს, რომ ბავშვის ცხოვრებაში ყველაზე დიდი გულშემატკივარი ხშირად სწორედ მამაა და მხარდაჭერა ყოველდღიურ, ერთი შეხედვით პატარა დეტალებში ვლინდება. სპეციალურად ქომაგი მამებისთვის შექმნილი მაისურების შეძენა შესაძლებელია ვებგვერდზე tshirt.geშეგახსენებთ, რომ საქართველოს ბანკსა და გაეროს მოსახლეობის ფონდს (UNFPA) შორის დაწყებული თანამშრომლობა მიზნად ისახავს მზრუნველი მამობის მხარდაჭერას, შვილების აღზრდაში მამების ჩართულობის წახალისებასა და ოჯახების გაძლიერებას. პარტნიორობის ფარგლებში იგეგმება სხვადასხვა საგანმანათლებლო და ცნობიერების ამაღლების აქტივობის განხორციელება.ინფორმაციისთვის, UNFPA საქართველოში წლების განმავლობაში ხელს უწყობს ისეთი გარემოს შექმნას, სადაც მამობა მხოლოდ პასუხისმგებლობას კი არა, შვილების ცხოვრებაში აქტიურ მონაწილეობას, ემოციურ სიახლოვესა და ზრუნვის თანაბარ განაწილებასაც გულისხმობს. სწორედ ამ ღირებულებების გაძლიერებას ემსახურება საქართველოს ბანკისა და UNFPA-ის პარტნიორობაც.(R)

1785500975

როგორც The Atlantic ოფიციალურ პირებზე დაყრდნობით იტყობინება, კიევის მიზანია Starlink-ით მართვადი დრონების გამოყენება რუსეთის სიღრმეში არსებული იმ მობილური დანადგარების გასანადგურებლად, საიდანაც უკრაინული ქალაქების მიმართულებით ბალისტიკურ რაკეტებს უშვებენ.გამოცემის ცნობით, უკრაინა ამ გზით ცდილობს შეამციროს დამოკიდებულება Patriot-ის საჰაერო თავდაცვის სისტემების გადამჭერ რაკეტებზე, რომელთა დეფიციტიც აშშ-ს ირანში მიმდინარე ომის ფონზე შეექმნა. ზელენსკიმ ხაზგასმით აღნიშნა, რომ სარაკეტო საფრთხის განეიტრალება ზამთრის დადგომამდე და ენერგოსისტემაზე მოსალოდნელ შეტევებამდეა აუცილებელი.ამ დრომდე ილონ მასკის კომპანია SpaceX Starlink-ის გამოყენებას მხოლოდ უკრაინის სუვერენულ და ოკუპირებულ ტერიტორიებზე უზრუნველყოფდა, ხოლო უშუალოდ რუსეთის ფედერაციის საზღვრებში მის ფუნქციონირებას ზღუდავდა. ზელენსკის მცდელობა, პირადად შეხვედროდა მასკს აშშ-ში ვიზიტისას, მილიარდერის უარის გამო არ შედგა.წყაროების ცნობით, დონალდ ტრამპმა ზელენსკის განუცხადა, რომ წინადადებას განიხილავს. მისი საბოლოო გადაწყვეტილება იმაზე იქნება დამოკიდებული, შეაფასებს თუ არა ვაშინგტონი ამ ნაბიჯს კონფლიქტის დეესკალაციისა და კრემლის მოლაპარაკებების მაგიდასთან დასმის ეფექტურ ინსტრუმენტად.

1785499476

თიბისი კაპიტალი მაკროეკონომიკურ მიმოხილვაში, რომელიც პარასკევს გამოაქვეყნა, წერს, რომ ივნისში ეკონომიკურმა ზრდამ 8.6% შეადგინა, წლის პირველი ნახევრის საშუალო მაჩვენებელმა კი - 7.9%, რაც მოლოდინებთან თანხვედრაშია. თიბისი კაპიტალი 2026 წელს ეკონომიკური ზრდის 7.4%-იან საბაზო სცენარს უცვლელად ინარჩუნებს. ივლისის მეორე ნახევრიდან საქართველოს აეროპორტებში საჰაერო მიმოსვლა გააქტიურდა, ხოლო როგორც მთლიანი, ასევე არარეზიდენტების უნაღდო დანახარჯები ძლიერ დინამიკაზე მიუთითებს. დეტალური მონაცემების მხრივ, აღსანიშნავია, რომ პირველ კვარტალში ზრდის ძირითადი კომპონენტი კვლავ მოხმარება იყო. ამასთან, საინფორმაციო ტექნოლოგიების (ICT) სექტორის ექსპორტის ზრდის ფონზე, დადებითი წვლილი შეიტანა წმინდა ექსპორტმაც.პირველ კვარტალში მიმდინარე ანგარიშის სეზონურად შესწორებულმა პროფიციტმა, რეინვესტირებული შემოსავლების გამორიცხვით, მშპ-ის 0.1% შეადგინა (სეზონურად შესწორებამდე მშპ-ის 3.2%-ის დეფიციტი). 2025 წლის მეორე კვარტალიდან ეს ბალანსი, ზედიზედ ოთხი კვარტალია, დადებითია და ამ პერიოდში მშპ-ის 1%-ს შეადგენს, რაც ისტორიული მონაცემების ჭრილში ყველაზე მაღალი მაჩვენებელია. ეს ნიშნავს, რომ ბოლო ერთი წლის განმავლობაში საქართველო დანარჩენი მსოფლიოს მიმართ წმინდა კრედიტორი იყო. მიმდინარე ანგარიშის გაუმჯობესება ძირითადად ICT სექტორის ექსპორტმა უზრუნველყო. ძლიერი სასაქონლო ექსპორტისა და შედარებით სუსტი იმპორტის ფონზე, წლის პირველ ნახევარში მნიშვნელოვნად შემცირდა სავაჭრო დეფიციტიც, რაც მეორე კვარტალში მიმდინარე ანგარიშის შემდგომ გაუმჯობესებაზე მიუთითებს. როგორც თიბისი კაპიტალის მკითხველისთვის ცნობილია, საერთაშორისო ფასების ზრდა, ერთი მხრივ, ინფლაციურ წნეხს აძლიერებს, თუმცა, მეორე მხრივ, საექსპორტო შემოსავლების ზრდასაც განაპირობებს.მარტსა და აპრილში რეგიონულმა დაძაბულობამ ტურიზმზე უარყოფითი გავლენა მოახდინა, თუმცა ბოლო თვეებში აღდგენა შეინიშნება. მეორე კვარტალში ტურიზმიდან შემოსავლები წინა წლის ანალოგიურ პერიოდთან შედარებით 3.8%-ით შემცირდა. კლება ძირითადად ახლო აღმოსავლეთისა და სამხრეთ აზიის ქვეყნებზე მოდიოდა, რასაც ნაწილობრივ აბალანსებდა ევროკავშირიდან, უკრაინიდან და რუსეთიდან შემოსავლების ზრდა. მაისსა და ივნისში, ჩვენი შეფასებით, შემოსავლებმა უკვე გასული წლის დონეს გადააჭარბა. თავის მხრივ, ივლისის ოპერატიული მონაცემებით, კონფლიქტის გამწვავების მიუხედავად, გაზაფხულის მსგავსი შენელება არ იკვეთება.ივნისში წმინდა სავალუტო შემოდინებები დამატებით გაიზარდა, რასაც ძირითადად კვლავ სასაქონლო პროდუქციის ექსპორტი განაპირობებდა. სავალუტო ბაზარზე არსებული სიჭარბის ფონზე, წლის პირველ ნახევარში სებ-ის სავალუტო შესყიდვებმა 2 მილიარდ აშშ დოლარს გადააჭარბა, ხოლო ივნისის ბოლოს წმინდა რეზერვების შეფასებამ 4.6 მილიარდ დოლარს მიაღწია. მცირედით გამყარდა ლარიც, თუმცა, თიბისი კაპიტალის შეფასებით, ჯერ კიდევ წონასწორულ ნიშნულზე სუსტი რჩება - როგორც მოკლევადიან, ასევე გრძელვადიან ჭრილში. ამ ეტაპზე, ლარის გაცვლითი კურსის პროგნოზი უცვლელია: წლის ბოლოს ერთი დოლარი 2.60-2.65 ლარის ფარგლებშია მოსალოდნელი. თუმცა აღსანიშნავია, რომ მიმდინარე ტენდენციები უფრო ძლიერი ლარის სცენარისკენ იხრება.გლობალურ ბაზრებზე ინფლაციური წნეხის კვლავ გაძლიერების ფონზე, 2026 წლის ბოლოს თიბისი კაპიტალის ინფლაციის პროგნოზი 5.1%-დან კვლავ 6%-მდე იზრდება. შესაბამისად, პროგნოზი, ფაქტობრივად, უბრუნდება წინა სცენარს, რომელიც კონფლიქტის შედარებით ხანგრძლივ დონეზე შენარჩუნებისა და დეკემბრისთვის ბრენტის ტიპის ნავთობის ფასის 80-85 აშშ დოლარის ფარგლებში დასტაბილურების დაშვებებს ეყრდნობოდა. რადგან აღნიშნული წლის დარჩენილ პერიოდში ნავთობის გარკვეულწილად გაიაფებას მოიაზრებს, იმ შემთხვევაში, თუ ფასები უცვლელი დარჩება ან გაძვირდება, ინფლაციის პროგნოზი, შესაძლოა, დამატებით გაიზარდოს.ივნისში წლიურმა ინფლაციამ 5.8% შეადგინა,  რაშიც მნიშვნელოვანი წვლილი საწვავისა და საკვების ფასების, ასევე ელექტროენერგიის ტარიფის ზრდამ შეიტანა. ინფლაციის უფრო ხისტი მაჩვენებლები სამომხმარებლო ფასებზე მეტწილად ზომიერ წნეხზე მიუთითებს. ივლისში მსოფლიო ბაზრებზე სურსათისა და ნავთობის ფასები, ბოლო დღეებში მცირედით ნორმალიზების მიუხედავად, მკვეთრად გაიზარდა. შედეგად, ბენზინი, რომელიც თვის დასაწყისში მცირედით გაიაფდა, 20 ივლისიდან მსხვილ ქსელებში უკვე ისევ გაძვირდა.29 ივლისის სხდომაზე სებ-მა მონეტარული პოლიტიკის განაკვეთი 8.25%-ზე შეინარჩუნა, რაც მოლოდინებთან თანხვედრაშია. თიბისი კაპიტალის საბაზო სცენარად წლის ბოლომდე განაკვეთის უცვლელად დატოვება რჩება, თუმცა, საერთაშორისო ბაზრებზე ინფლაციური წნეხის გაძლიერების შემთხვევაში, გამორიცხული არც 8.5%-მდე დამატებითი ზრდაა.

1785499338

სწორედ ამ კრიტერიუმებს შეესაბამება დისტანციური ავტო სესხიც - ახალი ციფრული პროდუქტი, რომელიც დაინტერესებულ ადამიანებს საშუალებას აძლევს, სასურველი ავტომობილის შესაძენად, დამატებითი ფინანსები კიდევ უფრო სწრაფად და კომფორტულად, რიგების გარეშე, მინიმალური პროცედურებითა და ფილიალში მხოლოდ ერთხელ მისვლით მიიღონ.მიკრობანკ „კრისტალის“ ციფრული ავტო სესხი - უპირატესობებიციფრული ავტო სესხი თანხის მიღების მარტივი და ხელმისაწვდომი შესაძლებლობაა. მახასიათებლებისა და პირობების  მიხედვით, ის არსებული პროდუქტების იდენტურია: მომხმარებელი სასურველ ავტომობილს ირჩევს, შემდეგ ბანკს მიმართავს და შენაძენს მისგან მიღებული თანხით აკეთებს.ან უკვე საკუთრებაში არსებული მანქანით, დისტანციურად სარგებლობს ავტომობილის ლომბარდით.ციფრული ავტო სესხის მთავარი უპირატესობა პროდუქტით სარგებლობის სრულიად განსხვავებული პროცესია: ავტო სესხის მისაღებად, მომხმარებელი ფილიალში მხოლოდ ერთხელ მიდის. იქ კი არც რიგში დგომა უწევს და არც - მანქანის შეფასების ლოდინი თუ სხვა პროცედურების გავლაზე დიდი დროის დახარჯვა.ციფრული ავტო სესხი მაქსიმალურად ზრდის კომფორტსა და მოქნილობასაც: მთელ პროცესს მომხმარებელი სასურველი გაჯეტით, დისტანციურად, მისთვის მისაღები სივრციდან, ნებისმიერ დროს, თავადვე მართავს.როგორ ისარგებლოთ ციფრული ავტოსესხითმომხმარებელი, რომელსაც ციფრული ავტოსესხით სარგებლობა სურს, თუმცა მიკრობანკ „კრისტალის“ ონლაინ პირად კაბინეტს ჯერ კიდევ არ იყენებს, ვებგვერდზე crystalone.ge მარტივ რეგისტრაციასა და ბიომეტრიულ ვერიფიკაციას გადის, შემდეგ კი განაცხადს ასევე ონლაინ ავსებს. არსებულ მომხმარებლებს კი განაცხადის წარდგენისთვის რეგისტრაციისა და ვერიფიკაციის ეტაპების გავლა აღარ სჭირდებათ. მნიშვნელოვანია, რომ ორივე შემთხვევაში მომხმარებელი ავტო სესხის დამტკიცებისა და ლიმიტის შესახებ პასუხს იმავე დღეს იღებს.დისტანციურია თავად ავტომანქანის შეფასების პროცესიც: მომხმარებელი მანქანას ფოტოებს თავად უღებს და თანხის მოთხოვნის დროს სისტემაშიც თავადვე ტვირთავს. ამ პროცესში ის ირჩევს სასურველ ფილიალსაც, სადაც მისი სესხის განაცხადი განსახილველად გაიგზავნება.ავტო სესხის დამტკიცების შემდეგ მომხმარებელი ფილიალში შესაბამისი ავტომობილით მიდის. ადგილზე მანქანას ფოტოებს უკვე ექსპერტი უღებს და საბოლოო დადასტურებისთვის შემფასებელთან გზავნის. შემფასებელი მომხმარებლის მიერ ატვირთულ ფოტოებსა და რეალურ მდგომარეობას უმოკლეს დროში ადარებს, თანხვედრის შემთხვევაში კი, შეფასებას ადასტურებს. მომხმარებელი, რომელმაც სესხის პირობები და დამტკიცებული ლიმიტი ფილიალში მისვლამდე იცის, ხელშეკრულებას მარტივად აფორმებს და თანხასაც მაშინვე იღებს.ციფრული ავტო სესხით სარგებლობის პირობებიმიკრობანკ „კრისტალში“ ავტო სესხი ხელმისაწვდომი პირობებით გამოირჩევა: პროდუქტით სარგებლობისთვის შემოსავლების დადასტურება და უძრავი ქონების ფლობა საჭირო არ არის, უზრუნველყოფისთვის მხოლოდ შესაძენი ან საკუთრებაში არსებული ავტომობილიც საკმარისია.პროდუქტით სარგებლობა თავდებისა და შემოსავლების დადასტურების გარეშე, 1-დან 60 თვემდე ვადითაა შესაძლებელია. სესხის მინიმალური თანხა 1000 ლარია, მაქსიმალური - 110 000 ლარი, საპროცენტო განაკვეთი კი 16%-იდან იწყება.პროდუქტზე ვრცელდება პორტირების შესაძლებლობაც: მომხმარებლებს, რომლებიც ავტოსესხით სხვა ფინანსურ ორგანიზაციაში უკვე სარგებლობენ, შეუძლიათ, მიკრობანკ „კრისტალში“ დაპორტირდნენ და სასურველი პირობები მიიღონ. აღსანიშნავია, რომ ამ შემთხვევაში მოქმედებს სპეციალური შეთავაზებაც: 10 000 ლარამდე სესხის შემთხვევაში, მომხმარებლისთვის  ეფექტური საპროცენტო განაკვეთი 30% იქნება, 10 000 ლარიდან ზემოთ თანხაზე კი - 25% იქნება. რაც შეეხება გაცემის საკომისიოს, ის 0%-ია.„კრისტალის“ ავტო სესხით სარგებლობა შეუძლიათ როგორც საქართველოს მოქალაქეებს, ისე უცხო ქვეყნის მოქალაქეობის მქონე რეზიდენტ ფიზიკურ და იურიდიულ პირებს. ციფრული ავტო სესხის მისაღებად ეწვიეთ ბმულს: https://crystal.ge/product/daimtkice-avto-seskhi-distanciurad/ამავდროულად, დისტანციური არხის გარდა, ავტო სესხის მიღება დაინტერესებულ მომხმარებლებს შეუძლიათ მიკრობანკ “კრისტალის” ფილიალებში ვიზიტით ან ტელეფონზე: 032 202 20 20(R)

1785493551

კერძოდ, მათი განცხადებით, საპენსიო აქტივებში სადეპოზიტო სერტიფიკატები ამონაგების ერთ - ერთ უმსხვილეს წყაროდ დარჩა, რაც ასახავს როგორც მათ მაღალ წილს მთლიან პორტფელში, ისე ადგილობრივი საბანკო სექტორის სტაბილურ მომგებიანობას. წლიურ ამონაგებში მათივე თქმით, მნიშვნელოვანი როლი შეინარჩუნა საქართველოს სახელმწიფო ფასიანმა ქაღალდებმაც, რომელიც საპენსიო ფონდის ერთ - ერთ მთავარ სტრატეგიულ აქტივის კლასად რჩება. ამასთან, წლის განმავლობაში ფონდმა ადგილობრივ კაპიტალის ბაზარზე ჩართულობა კიდევ უფრო გააღრმავა და საქართველოს კორპორაციული ობლიგაციების ბაზარზე წამყვანი ინსტიტუციური ინვესტორის როლი შეინარჩუნა.საინვესტიციო ოფიცრები აღნიშნავენ, რომ ფონდის საინვესტიციო მიდგომა აქტივების სტრატეგიულ განაწილებას ეფუძნება, რომელიც მათი თქმით, გრძელვადიან პერიოდში მომგებიანობის მთავარი განმსაზღვრელი ფაქტორია. “მომავალშიც,  ჩვენი მთავარი პრიორიტეტი უცვლელია: გრძელვადიან პერიოდში დადებითი რეალური ამონაგების მაქსიმიზაცია, რისკების გონივრული მართვა და საქართველოს კაპიტალის ბაზრებსა და საერთაშორისო ბაზრებზე მნიშვნელოვანი როლის შესრულება”.შეგახსენებთ, რომ 2025 წლის განმავლობაში საპენსიო აქტივების მოცულობა 37% -ით გაიზარდა და წლის ბოლოსთვის ₾8.2 მლრდ-ს მიაღწია. 2025 წელს დაგენერირებულმა საინვესტიციო მოგებამ ₾796 მლნ შეადგინა, რაც ფონდის ისტორიაში ყველაზე მაღალი წლიური მაჩვენებელია, ხოლო დაარსებიდან დღემდე ჯამურმა საინვესტიციო ამონაგებმა ₾2.2 მლრდ-ს გადააჭარბა.2025 წელს სამივე საინვესტიციო პორტფელმა ორნიშნა ნომინალური მომგებიანობა აჩვენა. ყველაზე მაღალი შედეგი დინამიკურმა პორტფელმა დააფიქსირა - 15.2%, დაბალანსებული პორტფელის მომგებიანობამ 13.3% შეადგინა, ხოლო კონსერვატიულმა პორტფელმა, რომელშიც აქტივების უდიდესი ნაწილია განთავსებული , წლის განმავლობაში 11.8% -იანი ამონაგები აჩვენა. 2025 წელს საერთაშორისო აქციები ფონდის ყველაზე მაღალშემოსავლიანი აქტივის კლასი იყო. შესაბამისად , დინამიკურმა პორტფელმა, რომელშიც აქციების წილი ყველაზე მაღალია, 2025 წელს საინვესტიციო პორტფელებს შორის ლიდერობა შეინარჩუნა.წლის განმავლობაში საერთაშორისო აქციების წილი საპენსიო აქტივებში 16.5%-დან 19.2% -მდე გაიზარდა და მიღებულმა მოგებამ ₾239 მლნ შეადგინა, რაც 20.7% -იან წლიურ ამონაგებს უტოლდება.ადგილობრივი ეკონომიკური გარემო ფონდის შედეგების ერთ - ერთ მთავარ განმსაზღვრელ ფაქტორად რჩება, ვინაიდან საპენსიო აქტივების 80%-ზე მეტი საქართველოშია ინვესტირებული. წლის განმავლობაში ფონდის თქმით, მაკროეკონომიკური ფონი მთლიანობაში ხელსაყრელი იყო: ეკონომიკური ზრდა კვლავ მაღალი ტემპით გაგრძელდა, ინფლაციური ზეწოლა მართვად დონეზე შენარჩუნდა, ხოლო ლარი აშშ დოლართან მიმართებით გამყარდა.

1785492963

ცენტრალური ბანკის ცნობით, ბოლო პერიოდში სოციალურ ქსელებსა და მედიასივრცეში აქტიურად ვრცელდება ინფორმაცია კომპანიებზე, რომლებიც მოსახლეობისგან ფულად სახსრებს კრიპტო აქტივებით ვაჭრობის გზით მაღალი სარგებლის მიღების დაპირებით იზიდავენ. სებ-ში განმარტავენ, რომ მსგავსი საქმიანობა შესაძლოა წარმოადგენდეს „ფინანსური პირამიდის“ კლასიკურ მოდელს, რომლის მთავარი მიზანი არა ბიზნესის განვითარება, არამედ ახალი წევრების ჩართვა და მათი ფინანსების მოზიდვაა.მარეგულირებელი ხაზგასმით აღნიშნავს, რომ მიუხედავად იმისა, თუ რამდენად წარმატებული ჩანს კომპანია დროის რომელიმე მომენტში, სქემა აუცილებლად იშლება, როდესაც ახალი წევრების ან დამატებითი თანხების მოზიდვა შეუძლებელი ხდება, რის შედეგადაც კომპანია ვეღარ ისტუმრებს ვალდებულებებს. მსგავსი სქემების დაშლის წინასწარ განჭვრეტა კი პრაქტიკულად შეუძლებელია, რაც მათ განსაკუთრებით მაღალრისკიანს ხდის.ეროვნული ბანკი მოქალაქეებს ურჩევს, თანხის დაბანდებამდე დეტალურად მოიძიონ ინფორმაცია კომპანიის სანდოობისა და გადამხდელუნარიანობის შესახებ, ასევე გადაამოწმონ, რეგულირდება თუ არა ის რომელიმე უწყების მიერ.„ასეთი კომპანიები, მოქალაქეთა შეცდომაში შეყვანის მიზნით, შეიძლება დასახელებაში იყენებდნენ ტერმინებს: 'საფინანსო', 'საბროკერო', 'საინვესტიციო' და ა.შ., რაც ავტომატურად არ გულისხმობს, რომ კომპანია საქართველოს ეროვნული ბანკის მიერ რეგულირებული ან ლიცენზირებული სუბიექტია“, - აცხადებენ სებ-ში და მოსახლეობას მოუწოდებენ, საინვესტიციო გადაწყვეტილებები მხოლოდ გადამოწმებულ ინფორმაციასა და რისკების გააზრებაზე დაყრდნობით მიიღონ.

1785490812

ახალი პლატფორმა გამჭვირვალობის და მონაცემთა ანალიზის შესაძლებლობების გაუმჯობესებას ემსახურება.ეკონომიკური მონაცემების პორტალი ეკონომიკის ძირითად სტატისტიკურ მონაცემებს ერთიან სივრცეში ხდის ხელმისაწვდომს. მისი საშუალებით მომხმარებელი მარტივად მოიძიებს სასურველ დროითი მწკრივებს, შეარჩევს მონაცემთა სიხშირეს, აგრეგაციის დონეს და ცვლილების ტემპი. მიღებულ შედეგებს კი მისთვის მოსახეხერხებელ ფორმატში ჩამოტვირთავს.ინფლაციის ინტერაქტიულ-ანალიტიკური ანგარიში თანამედროვე ინსტრუმენტია, რომელიც მომხმარებლებს ინფლაციის დინამიკის, მისი ძირითადი კომპონენტების და ფასების ცვლილების ტენდენციების სიღრმისეულად შესწავლის შესაძლებლობას აძლევს. მონაცემების გამოტანა შესაძლებელია სასურველი სიხშირით, ინტერაქტიული დიაგრამებით და ცხრილებით.სებ-ის ინფორმაციით, ინსტრუმენტები გაამარტივებს ეკონომიკური მონაცემების მოძიებას, დამუშავებასა და ინტერპრეტაციას. ამასთან, ხელს შეუწყობს მონაცემებზე დაფუძნებულ კვლევასდა ანალიზს და საზოგადოებას ინფორმირებული გადაწყვეტილებების მიღებაში დაეხმარება.ანალიტიკური პლატფორმის პრეზენტაციას ესწრებოდნენ კომერციული ბანკების, საერთაშორისო ფინანსური ინსტიტუტების, კვლევითი ორგანიზაციების, აკადემიური სექტორისა და სხვა დაინტერესებული ორგანიზაციების წარმომადგენლები.

1785484027