Visa Intelligent Authorization ფინანსურ ინსტიტუტებს გადახდების დამუშავებაში დაეხმარება

ტრამპის ეს ნაბიჯი მოჰყვა ირანის მუქარას, რომ თავს დაესხმებოდა ისრაელის ელექტროსადგურებსა და ყურის რეგიონში აშშ-ის ბაზების მომმარაგებელ ობიექტებს, თუ აშშ ირანის ენერგოქსელს ამოიღებდა მიზანში. ტრამპმა სოციალურ ქსელში აღნიშნა, რომ ირანთან საუბრები მთელი კვირის განმავლობაში გაგრძელდება.„მე მივეცი განკარგულება ომის დეპარტამენტს, ხუთი დღით გადადოს ნებისმიერი და ყველა სამხედრო დარტყმა ირანის ელექტროსადგურებსა და ენერგეტიკულ ინფრასტრუქტურაზე, რაც დამოკიდებული იქნება მიმდინარე შეხვედრებისა და დისკუსიების წარმატებაზე“, - დაწერა მან.აშშ-ისა და ისრაელის მიერ ირანის წინააღმდეგ დაწყებული სამხედრო კამპანია 2026 წლის 28 თებერვალს დაიწყო. სამ კვირაზე მეტია მიმდინარეობს ინტენსიური დაბომბვები, რასაც, ბოლო მონაცემებით, 2 000-ზე მეტი ადამიანის სიცოცხლე ემსხვერპლა. იერიშების პირველივე ტალღისას დაიღუპა ირანის უმაღლესი ლიდერი, აიათოლა ალი ხამენეი, რომელიც მისმა ვაჟმა, მოჯთაბა ხამენეიმ ჩაანაცვლა.ირანული თავდასხმების შედეგად ჰორმუზის სრუტე ფაქტობრივად პარალიზებულია. ეს არის მსოფლიოს ერთ-ერთი ყველაზე კრიტიკული საზღვაო არტერია, რომელზეც მოდის გლობალური ნავთობისა და გათხევადებული ბუნებრივი აირის (LNG) გადაზიდვების 20%. სრუტის ჩაკეტვამ გამოიწვია ენერგეტიკული კრიზისი, რომელიც, საერთაშორისო ენერგეტიკული სააგენტოს შეფასებით, მასშტაბებით აღემატება 1970-იანი წლების ნავთობის შოკებსა და 2022 წლის რუსეთ-უკრაინის ომით გამოწვეულ გაზის დეფიციტს ერთად აღებულს.პრეზიდენტმა დონალდ ტრამპმა თეირანს ულტიმატუმი წაუყენა - სრუტის სრულად გახსნისთვის ბოლო ვადად 23 მარტის საღამო განისაზღვრა, წინააღმდეგ შემთხვევაში კი ირანის ენერგოქსელის განადგურებით დაიმუქრა. საპასუხოდ, ირანი აცხადებს, რომ დაარტყამს ისრაელისა და სპარსეთის ყურის იმ ქვეყნების ელექტროსადგურებს, რომლებიც აშშ-ის ბაზებს ამარაგებენ.სპარსეთის ყურის ქვეყნებისთვის (ბაჰრეინი, კატარი, საამიროები, საუდის არაბეთი) ელექტროენერგია სასიცოცხლოდ მნიშვნელოვანია, რადგან მასზეა დამოკიდებული სასმელი წყლის წარმოება. ელექტროქსელის გათიშვა ავტომატურად გამოიწვევს წყლის გამამტკნარებელი ქარხნების გაჩერებას, რაც რეგიონს ჰუმანიტარული კატასტროფის წინაშე დააყენებს.პარალელურად მიმდინარეობს აქტიური საბრძოლო მოქმედებები ისრაელის ჩრდილოეთ საზღვარზე ირანის მიერ მხარდაჭერილ დაჯგუფება „ჰეზბოლასთან“. ისრაელის სამხედრო ხელმძღვანელობა პროგნოზირებს, რომ ბრძოლები ირანისა და „ჰეზბოლას“ წინააღმდეგ კიდევ რამდენიმე კვირას გაგრძელდება.

1774265826

კერძოდ, მიმდინარე მოვლენების საქართველოს ეკონომიკაზე გავლენა შეფასებულია შემდეგ ინდიკატორებზე დაყრდნობით: დეპოზიტების კონვერტაციების დღიური დინამიკა, საქართველოს საერთაშორისო აეროპორტებში დატვირთულობის დონე, Google-ის საძიებო სისტემაში საქართველოსთან დაკავშირებული ძებნების სიხშირე, უნაღდო დანახარჯების უახლესი ტენდენციები, საწვავის ფასები და საერთაშორისო ბაზრებზე საპროცენტო განაკვეთების ცვლილება.„წინა განახლების შემდეგ დეპოზიტების კონვერტაციების მხრივ სურათი შეცვლილია. კერძოდ, ყოველდღიურ მონაცემებზე დაყრდნობით, გასულ კვირაში ლარიზაცია კვლავ გაიზარდა, რაც უკვე ლარის მხარდამჭერი ფაქტორია. მთლიანობაში, ჩვენი შეფასებით, სავალუტო ბაზარი, დღეის მდგომარეობით, მეტნაკლებად წონასწორობაშია. კონფლიქტის ესკალაციის საწყის დღეებში, სენტიმენტების გაუარესების გამო, უცხოური ვალუტის დეპოზიტებში კონვერტაციები საგრძნობლად გააქტიურდა. შედეგად, აშშ დოლარის მიმართ ლარიც გაუფასურდა. თუმცა, პირველი ტალღის შემდეგ დოლარიზაცია ჯერ შეჩერდა, შემდეგ კი კვლავ შემცირება დაიწყო და, 18 მარტის მდგომარეობით, ომამდე პერიოდის ნიშნულს დაუბრუნდა. თიბისი კაპიტალის მკითხველისთვის ცნობილია, რომ ეს ფაქტორი, ლარის გაცვლითი კურსის კუთხით, სავალუტო შემოდინებებზე არანაკლები და ხშირად უფრო მეტი მნიშვნელობისაც კია.საპირისპიროდ, ჯამური უნაღდო ხარჯები, ძლიერი პირველი კვირის მიუხედავად, მარტის მომდევნო დღეებში დასუსტდა, განსაკუთრებით არარეზიდენტების ნაწილში. ადგილობრივი ბარათებით დანახარჯები, რომლებიც თვის დასაწყისში საკმაოდ იყო გაზრდილი, 19 მარტის მდგომარეობით, წინა თვესთან შედარებით, სეზონურად შესწორებულ ჭრილში თითქმის უცვლელია. რაც შეეხება უცხოური ბარათებით ხარჯებს, რომლებიც ტურიზმიდან შემოსავლების პროგნოზისთვის გამოიყენება, წინა თვესთან შედარებით კლება უკვე აშკარად გამოიკვეთა, როგორც სასტუმროებისა და ავიახაზების, ასევე უფრო ფართო კატეგორიების მხრივაც.სტუმარმასპინძლობის სექტორში აქტივობის შენელებაზე მიუთითებს Google-ის საძიებო სისტემაში საქართველოსთან დაკავშირებული ძებნების სიხშირე და საქართველოს აეროპორტებში ფრენების რაოდენობაც, თუმცა თბილისში შედარებით უკეთესი სურათი იკვეთება. კერძოდ, თბილისის საერთაშორისო აეროპორტში ფრენები (ჩამოფრენებისა და გაფრენების ჯამი) 9 მარტის შემდეგ იზრდება, თუმცა ჯერ კიდევ ომამდე ნიშნულზე ნაკლები რჩება. დაგეგმილ და ფაქტობრივ ფრენებს შორის სხვაობაც, მარტის მეორე ნახევრისკენ, შედარებით შემცირებულია, რაც გაუქმებული რეისების კლებაზე მიუთითებს.იმავეს ვერ ვიტყვით ბათუმის საერთაშორისო აეროპორტზე, რომელიც ახლო აღმოსავლეთიდან მოთხოვნაზე მეტადაა დამოკიდებული. მარტში ფრენების რაოდენობა, ერთი მხრივ, არა მხოლოდ 2025 წლის, არამედ 2024 წლის მაჩვენებლებსაც ჩამორჩება, ხოლო, მეორე მხრივ, ჯერჯერობით არც გაუმჯობესების ტენდენცია ჩანს, მათ შორის, არც გაუქმებული რეისების თვალსაზრისით.რაც შეეხება ქუთაისის საერთაშორისო აეროპორტს, მიმდინარე მოვლენების შედეგად ფრენების რაოდენობაში საგრძნობი ცვლილება არ ვლინდება, თუმცა 2025 წლის ნოემბრის შემდეგ დატვირთულობა მნიშვნელოვნად არის შემცირებული, რაც, სავარაუდოდ, Wizz Air-ის ვენის ბაზის დახურვასა და მასთან დაკავშირებული რეისების გაუქმებას უკავშირდება.ამავდროულად, Google-ის საძიებო სისტემაში საქართველოსთან დაკავშირებული ძებნების სიხშირე ისრაელიდან, არაბთა გაერთიანებული საამიროებიდან და საუდის არაბეთიდან 28 თებერვლის შემდეგ სტაბილურად დაბალ დონეზე ნარჩუნდება. თიბისი კაპიტალის მკითხველს ახსოვს, რომ ეს ინდიკატორი გასული წლის ივნისში ისრაელიდან ტურისტული ნაკადების როგორც თავდაპირველი კლების, ასევე შემდგომი აღდგენის რეალურ დროში დაკვირვებისთვის ძალზე გამოსადეგი იყო.ამავე დროს, მართალია ჯერჯერობით კონკრეტულ რიცხვებზე საუბარი რთულია, თუმცა, გარკვეული მონაცემებით, ბოლო პერიოდში საქართველოს უძრავი ქონების ბაზარზე ახლო აღმოსავლეთიდან მზარდი მოთხოვნა ფიქსირდება, რაც მიგრაციის პოტენციური ეფექტების გათვალისწინების აუცილებლობას უსვამს ხაზს.საყურადღებოა, რომ გლობალურ ბაზრებზე ნავთობის ფასების ზრდის პარალელურად, საქართველოში საწვავმა გაძვირება დაიწყო. ზოგიერთ შემთხვევაში, ფასები თვის დასაწყისთან შედარებით 10%-მდეა მომატებული. ამასთან, 28 თებერვლის შემდგომ მსოფლიო ფასი, დაახლოებით, 45%-ითაა გაზრდილი, რაც ადგილობრივ ბაზარზე ფასების შემდგომი ზრდის პოტენციალზე მიუთითებს. როგორც ჩვენს წინა პუბლიკაციაში იყო მითითებული, მხედველობაშია მისაღები აღნიშნულის გავლენა სხვა პროდუქტებზეც, რადგან საწვავის გაძვირება, პირდაპირი ეფექტის გარდა, შუალედურ ხარჯებზეც მოქმედებს. ასევე გასათვალისწინებელია ტრანსპორტირებისა და სასუქების გაზრდილი ღირებულებაც, თუმცა, ამავდროულად, ამ მიზეზების გამო იკვეთება საქართველოს სასაქონლო პროდუქტების ექსპორტის ზრდის პერსპექტივა.მიმდინარე მოვლენების ფონზე, მსოფლიოს მასშტაბით საგრძნობლად არის გაზრდილი ინფლაციური მოლოდინები. ეს, თავის მხრივ, უფრო მკაცრ მონეტარულ პოლიტიკას და, ამდენად, მაღალ საპროცენტო განაკვეთებს მოიაზრებს. ბაზრის უახლესი პროგნოზით, ფედერალური სარეზერვო სისტემა მიმდინარე წელს განაკვეთის შემცირებას ვეღარ შეძლებს, მაშინ როცა 28 თებერვლამდე საბაზო სცენარს 50 პროცენტული პუნქტით კლება წარმოადგენდა. ინგლისისა და ევროპის ცენტრალური ბანკების შემთხვევაში უკვე განაკვეთის ზრდაც კია მოსალოდნელი.შეცვლილი განწყობები, რასაკვირველია, საქართველოზეც მოქმედებს. ინფლაციის მზარდი რისკები და საპროცენტო განაკვეთების გაფართოებული დიფერენციალი მონეტარული პოლიტიკის შერბილების ალბათობას ამცირებს. წინა განახლებაში აღვნიშნეთ, რომ იმ დაშვებით, რომ აქტიური სამხედრო მოქმედებები, დაახლოებით, ერთ თვეში დასრულდებოდა, გაზრდილი იყო იმის ალბათობაც, რომ სებ-ს წლის ბოლომდე მონეტარული პოლიტიკის განაკვეთი მხოლოდ 25 საბაზისო პუნქტით, 7.75%-მდე შეემცირებინა. უახლოეს პერიოდში მნიშვნელოვანი დეესკალაციის გარეშე, შესაძლოა, განაკვეთის თუნდაც მცირედით შემცირების სივრცეც ნაკლებად გაჩნდეს.ჯამურად, მაკროეკონომიკურ ჭრილში, მოვლენათა განვითარება მჭიდრო თანხვედრაშია ჩვენს მოლოდინებთან, რომლებზეც 2 მარტის პუბლიკაციაში იყო საუბარი. რა შეგვიძლია ვთქვათ ახლა, უახლესი ინფორმაციის გათვალისწინებით? თიბისი კაპიტალის მკითხველისთვის ცნობილია, რომ 2026 წელს 4.5%-იანი ეკონომიკური ზრდის ჩვენი საბაზო სცენარი, გარკვეული ალბათობით, უკრაინაში კონფლიქტის დასრულებას ითვალისწინებდა. მიმდინარე მდგომარეობით, სამწუხაროდ, ეს ალბათობა საგრძნობლად შემცირებულია. რეზოლუციის შემდგომ სავალუტო ნაკადების ნაწილობრივ პოტენციური გადინების გადავადება საბაზო სცენარის ზრდის არგუმენტია, თუმცა, მეორე მხრივ, ახლო აღმოსავლეთის ესკალაცია ახალ უარყოფით შოკს წარმოადგენს. ამავდროულად, მართალია იანვრის ეკონომიკური ზრდა მოსალოდნელზე მაღალი გამოდგა, თუმცა თებერვალსა და მარტში უნაღდო ხარჯები საკმაო შენელებაზე მიუთითებს. საერთო ჯამში, ყველა ამ ფაქტორის გათვალისწინებით, ეკონომიკური ზრდის პროგნოზს კვლავ, დაახლოებით, 4.5%-ის ფარგლებში ვინარჩუნებთ.რაც შეეხება ლარს, ჩვენი შეფასება ნეიტრალური რჩება. ახლო აღმოსავლეთში საომარ მოქმედებებამდე თიბისი კაპიტალის საბაზო სცენარი 2026 წლის ბოლოსთვის ლარის მცირედი გაუფასურება იყო, დიდწილად ასევე უკრაინის კონფლიქტის დასრულების ალბათობის გათვალისწინებით. ამდენად, როგორც ეკონომიკური ზრდის შემთხვევაში, უკრაინაში ომის დასრულების ალბათობის შემცირებას ახლო აღმოსავლეთში მზარდი ესკალაცია აბალანსებს. გარდა ამისა, 2025 წელს მნიშვნელოვანი გაუმჯობესების შემდეგ, 2026 წელს საბაზო სცენარად საგარეო ბალანსის გარკვეული გაუარესება რჩება.და ბოლოს, მიმდინარე გაურკვევლობის ფონზე, კვლავ ძალზე აქტუალურია შეკითხვა, თუ რა ვალუტაშია ოპტიმალური სესხის აღება. მართალია, როგორც მკვლევრებს, ერთგვერდიანი შეჯამებები განსაკუთრებულად არ გვხიბლავს. თუმცა, ფართო მოთხოვნის გათვალისწინებით, უახლოეს დღეებში თიბისი კაპიტალი სწორედ ამ ფორმატის პუბლიკაციის გამოქვეყნებას გეგმავს, რაც ხელს შეუწყობს დაფინანსების ოპტიმალური სავალუტო სტრატეგიის პრაქტიკაში უფრო მჭიდროდ დანერგვას“, – ნათქვამია თიბისი კაპიტალის მაკროეკონომიკურ განახლებაში.

1774262852

კვირას, 22 მარტს, დაახლოებით 14:30 საათზე, სამართალდამცავ უწყებებში შევიდა ორი ანონიმური ზარი. ინკოგნიტო პირი ამბობდა, რომ ტაძრის მიმდებარე ტერიტორია დანაღმული იყო და 20 წუთში აფეთქდებოდა, თუ ევაკუაცია არ განხორციელდებოდა. იმ დროისთვის ტაძარში იმყოფებოდნენ მსოფლიო პატრიარქი, უცხოური დელეგაციები, საქართველოს ხელისუფლების მაღალჩინოსნები და მმართველი პარტიის საპატიო თავმჯდომარე, ბიძინა ივანიშვილი.„ზარების ავტორი ამბობდა, რომ იმყოფებოდა სამების საკათედრო ტაძრის მიმდებარე ტერიტორიაზე, ცეცხლსასროლი იარაღით შეიარაღებული და დანაღმული ჰქონდა ტაძრის ტერიტორია“, - ნათქვამია სუსის ოფიციალურ განცხადებაში.სპეცსამსახურების ინფორმაციით, ეჭვმიტანილმა კვალის დასაფარად გამოიყენა ხმის შესაცვლელი პროგრამა, უცხოური ვირტუალური ნომერი და დაფარა IP მისამართი. მიუხედავად ამისა, კონტრტერორისტულმა ცენტრმა პირის იდენტიფიცირება იმავე საღამოს შეძლო. ბრალდება: ტერორიზმის შესახებ ცრუ შეტყობინება (სსკ-ის 331-ე მუხლი). სასჯელი: დანაშაული ითვალისწინებს 3-დან 6 წლამდე თავისუფლების აღკვეთას. ნივთმტკიცებები: ამოღებულია მობილური ტელეფონები და ლეპტოპები; უწყების ცნობით, არასრულწლოვანი აღიარებს ჩადენილ ქმედებას. ინციდენტი დაემთხვა საქართველოს უახლესი ისტორიის ერთ-ერთ ყველაზე მასშტაბურ მოვლენას. კათოლიკოს-პატრიარქი ილია მეორე, რომელიც 49 წლის განმავლობაში მეთაურობდა ეკლესიას, კვირას სიონის საკათედრო ტაძარში დაკრძალეს.გამოსვენების პროცესიას თბილისის ქუჩებში ათასობით მოქალაქე ადევნებდა თვალს.სახელმწიფო უსაფრთხოების სამსახურმა გააფრთხილა საზოგადოება, რომ მსგავს ფაქტებზე რეაგირება იქნება „უკომპრომისო და მკაცრი“.

1774260635

"ფოთის პორტის" საბაჟო გამშვები პუნქტის უფროსის თანამდებობაზე წარდგენილია ზაზა გეწაძე, ხოლო მის მოადგილედ, გოჩა გადილია დაინიშნა. "ფოთის" გაფორმების ეკონომიკურ ზონას კი, დათა არქანია უხელმძღვანელებს.მიხეილ ჩოკოშვილმა წარდგენილ ხელმძღვანელებს წარმატება უსურვა და იმედი გამოთქვა, რომ კოორდინირებული და ეფექტური თანამშრომლობა მომავალშიც გაგრძელდება.ფოთში გამართულ შეხვედრებს ესწრებოდნენ საბაჟო დეპარტამენტის პირველი მოადგილე, ოთარ რიკაძე, ასევე მოადგილეები კიაზო ახალაია, ელგუჯა ბერანძე და სხვა ხელმძღვანელი პირები.(R)

1774259601

ბოლო დღეებში ტრამპმა არაერთხელ გააკრიტიკა ევროპა ახლო აღმოსავლეთში დახმარებაზე უარის თქმის გამო და აშშ-ის NATO-ში შემდგომი მონაწილეობა პირდაპირ დაუკავშირა ამ კონფლიქტს. ასევე, მოსკოვმა ვაშინგტონს შესთავაზა გარიგება, რომლის მიხედვითაც კრემლი შეწყვეტს ირანისთვის სადაზვერვო ინფორმაციის გაზიარებას, თუ ვაშინგტონი შეწყვეტს უკრაინისთვის რუსეთის შესახებ ინფორმაციის მიწოდებას. მიუხედავად იმისა, რომ აშშ-მა ეს წინააღმდეგობა უარყო, თავად ფაქტი მიუთითებს შესაძლო კომპრომისზე უკრაინის საქმეებსა და ახლო აღმოსავლეთში აშშ-ის ჩართულობას შორის.რაკეტები, როგორც კანფეტებიხელისუფლებები შეშფოთებულნი არიან იმით, რომ ირანის ომი ხარჯავს რაკეტებსა და საზენიტო საბრძოლო მასალას, რომელიც კიევს რუსეთისგან დასაცავად სჭირდება, - განუცხადა Politico-ს ევროკავშირის ოთხმა დიპლომატმა.„როდესაც ხედავთ, რა გაუკეთა ტრამპმა გრენლანდიას, როგორ შეწყვიტა მან ახირების გამო უკრაინასთან სადაზვერვო ინფორმაციის გაცვლა, ყოველთვის არსებობს რისკი [რომ ტრამპმა შესაძლოა შეწყვიტოს აშშ-ის მხარდაჭერა უკრაინისადმი]“, - განაცხადა ერთ-ერთმა დიპლომატმა.მეორე დიპლომატმა ასევე მიუთითა რისკზე, რომ ახლო აღმოსავლეთი ყურადღებას უკრაინისგან სხვა მხარეს გადაიტანს. „საამიროები Patriot-ის საზენიტო-სარაკეტო კომპლექსებს კანფეტებივით უშვებენ, მაშინ როცა უკრაინას ისინი სასწრაფოდ სჭირდება. არ შეიძლება დავუშვათ სიტუაცია „ან-ან“, როდესაც აშშ-ს რესურსები მხოლოდ ერთი კონფლიქტისთვის ჰყოფნის და ისინი უკრაინას ბედის ანაბარა ტოვებენ“, - დასძინა დიპლომატმა.შედეგების აღმოფხვრაევროპელი ლიდერები, მათ შორის საფრანგეთის პრეზიდენტი ემანუელ მაკრონი, დიდი ბრიტანეთის პრემიერი კირ სტარმერი და NATO-ს გენერალური მდივანი მარკ რუტე, აძლიერებენ ძალისხმევას, რათა აჩვენონ მხარდაჭერა აშშ-ის პრეზიდენტის მიზნისადმი - ჰორმუზის სრუტის გათავისუფლების შესახებ.Politico წერს, რუტე ღიად აქებდა ტრამპის ძალისხმევას და აშშ-სა და ისრაელის მიერ ირანის სამხედრო პოტენციალის განადგურებას „ძალიან მნიშვნელოვანი“ უწოდა, რაც „ევროპულ უსაფრთხოებას“ დაუკავშირა. თავის მხრივ, მაკრონმა სატელეფონო საუბრებში დაარწმუნა ტრამპი, რომ საფრანგეთი დაეხმარება სრუტის გაწმენდაში, როდესაც პირობები ამის საშუალებას მისცემს.ბრიტანეთის პრემიერი იყო მთავარი ორგანიზატორი განცხადებისა, რომელსაც ხელი მოაწერა ევროკავშირის შვიდმა ქვეყანამ და მოკავშირე სახელმწიფოებმა, სადაც მათ გამოხატეს „მზადყოფნა, წვლილი შეიტანონ შესაბამის ძალისხმევაში სრუტეში უსაფრთხო გადაადგილების უზრუნველსაყოფად“. კითხვაზე ამ განცხადების მიზნის შესახებ, ერთ-ერთმა დიპლომატმა უპასუხა: „ეს იმავე ძალისხმევის ნაწილია. ჩვენ უნდა ვუჩვენოთ ტრამპს, რომ აქტიურად ვმონაწილეობთ ახლო აღმოსავლეთის მოვლენებში. ეს ჩვენს ინტერესებშია, მაგრამ ასევე უკრაინის ინტერესებშიც“.მისი თქმით, ტრამპთან მიმართებით „შთაბეჭდილებას აქვს მნიშვნელობა - ზოგჯერ იმაზე მეტიც, ვიდრე არსს“.ევროპა და ომი უკრაინაშიმანამდე ფინეთის პრეზიდენტი ალექსანდრე სტუბი აცხადებდა, რომ ევროპას შეუძლია დაეხმაროს ტრამპს ირანის საკითხში უკრაინის მხარდაჭერის სანაცვლოდ. ამასთანავე, მისი პროგნოზები უკრაინაში მშვიდობის შესახებ ბევრად უფრო პირქუში გახდა. მიუხედავად ბრძოლის ველზე უკრაინის შეიარაღებული ძალების მნიშვნელოვანი წარმატებებისა და რუსეთის კოლოსალური დანაკარგებისა, არსებობს სერიოზული შეშფოთების საფუძველი.

1774257587

კავკასიის რეგიონში ყველაზე მასშტაბური კაპიტალის ბაზრების ღონისძიება თბილისში უკვე მეორედ ჩატარდება.სპიკერებს შორის არიან მაღალი რანგის წარმომადგენლები გლობალური ფინანსური ინსტიტუტებიდან: J.P. Morgan, Citi, Morgan Stanley, ICBC Standard Bank, Oppenheimer, Ashmore, Aberdeen, Vontobel, MetLife Investment Management, EBRD, ADB, IFC, Fitch Ratings, S&P Global, Baker McKenzie, Latham & Watkins.კონფერენცია მოიცავს პრეზენტაციებსა და პანელურ დისკუსიებს, რომლებზეც განიხილება: გლობალური და რეგიონული მაკროეკონომიკური ტენდენციები, საქართველოს პოზიციონირება კაპიტალის საერთაშორისო ბაზრებზე, საერთაშორისო ინვესტორების მოლოდინები განვითარებადი ბაზრების მიმართ, საინვესტიციო შესაძლებლობები უზბეკეთში, აქტივების მართვა და ა.შ.ღონისძიება გააერთიანებს საერთაშორისო და ადგილობრივი კაპიტალის ბაზრების ლიდერ კომპანიებს, სარეიტინგო სააგენტოებს, ლოკალურ და რეგიონულ ინვესტორებს, ფინანსურ ექსპერტებსა და სახელმწიფო უწყებების წარმომადგენლებს.კონფერენციის ფარგლებში ადგილობრივ ბიზნესს ექნება შესაძლებლობა, პირისპირ შეხვედრები გამართოს საერთაშორისო ბანკებთან და ინსტიტუციურ ინვესტორებთან.საერთაშორისო კონფერენციით, თიბისი კაპიტალი ხელს უწყობს კაპიტალის ბაზრის გაძლიერებას რეგიონში, საქართველოს როლის ზრდას საერთაშორისო ასპარეზზე და ახალი ინვესტორების მოზიდვას როგორც ადგილობრივ, ისე რეგიონულ ბაზრებზე. (R)

1774253823

ტრენინგმოდული მოიცავს ენერგოსისტემის სტრუქტურისა და ფუნქციონირების მიმოხილვას, სხვადასხვა ტიპის ელექტროსადგურების - ჰიდრო, თბო, ქარისა და მზის  ოპერირების სპეციფიკას, ასევე ელექტრომექანიკურ, ქსელურ და დისპეტჩერიზაციის პროცესებს. განსაკუთრებული ყურადღება ეთმობა თანამედროვე ტექნოლოგიებს, ავტომატიზაციასა და ენერგოობიექტების მართვის ციფრულ სისტემებს.პროგრამის მნიშვნელოვანი ნაწილია ელექტროსადგურების ქსელში ინტეგრაციის საკითხები, ტექნიკური მოთხოვნები, ელექტროენერგიის აღრიცხვა და მონაცემთა მართვის თანამედროვე მიდგომები, ასევე შრომის უსაფრთხოების სტანდარტები.სემეკის წარმომადგენლებთან ერთად ტრენინგებს ჩაატარებენ მოწვეული ლექტორები  - ენერგეტიკის სექტორში წარმატებული პრაქტიკოსები და აკადემიური სფეროს წარმომადგენლები.კურსი განკუთვნილია ენერგეტიკის სფეროში დამწყები სპეციალისტებისთვის, ინჟინრებისთვის, სტუდენტებისა და კურსდამთავრებულებისთვის, ასევე ყველა იმ პირისთვის, ვინც დაინტერესებულია ელექტროსადგურების ოპერირების ტექნიკური მიმართულებით ცოდნის მიღებით ან გაღრმავებით.სასწავლო პროგრამის დასრულების შემდეგ მონაწილეებს გადაეცემათ სერტიფიკატები.კურსზე რეგისტრაცია მიმდინარეობს 2026 წლის 17 აპრილის ჩათვლით. ტრენინგები დაიწყება 21 აპრილს და ჩატარდება კვირაში ორჯერ: სამშაბათს და ხუთშაბათს, 19:00 საათზე. პროგრამა მოიცავს 13 შეხვედრას (ჯამში 26 საათი).ტრენინგები გაიმართება მისამართზე: ქ. თბილისში, ა. მიცკევიჩის ქუჩა N27ბ-ში. კურსის ღირებულება ერთ მონაწილეზე შეადგენს 800 ლარს.დამატებითი ინფორმაციისთვის ეწვიეთ ენერგეტიკის სასწავლო ცენტრის ვებგვერდს: https://bit.ly/4bkEMYI(R)

1774250942

მოლაპარაკებები აშშ-შიუკრაინის ლიდერმა აღნიშნა, რომ მან მიიღო მოხსენება უკრაინული მოლაპარაკებების ჯგუფისგან მაიამიში, აშშ-ის პრეზიდენტ დონალდ ტრამპის წარმომადგენლებთან გამართული შეხვედრის მეორე დღის შესახებ. მან ხაზგასმით აღნიშნა, რომ ამჟამად ამერიკული მხარის ყურადღება უპირველეს ყოვლისა ირანის ირგვლივ არსებულ სიტუაციაზეა ფოკუსირებული.„მაგრამ რუსეთის ეს ომი უკრაინის წინააღმდეგაც უნდა დასრულდეს. ეს მსოფლიოში ყველას მიერ ერთნაირად აღიქმება. მე ძალიან მადლობელი ვარ ამერიკული საზოგადოების უკრაინისთვის ნორმალური, ღირსეული მშვიდობის მკაფიო მხარდაჭერისთვის“, - დასძინა ზელენსკიმ. პრეზიდენტმა ხაზი გაუსვა, რომ უნდა მივაღწიოთ იმას, რომ აგრესორმა ომისთვის ჯილდო არ მიიღოს.ზელენსკიმ თავის სიტყვას ასევე დაამატა, მნიშვნელოვანია, უკრაინა არ იყოს იძულებული, ომს თვეების ან წლების შემდეგ დაუბრუნდეს. ამისათვის უკრაინისა და მთელი ევროპისთვის უსაფრთხოების გარანტიები საკმარისი უნდა იყოს.„მთლიანობაში კი სიტუაცია საკმაოდ გამჭვირვალე რჩება: პუტინს ომის დასრულება არ სურს. მაგრამ მთავარია, რომ ეს მსოფლიოს სურს. ჩვენ ყველამ ერთად უნდა გავაკეთოთ ყველაფერი შესაძლებელი და მომავალშიც გავაკეთებთ ყველაფერს, რათა ეს ომი დავასრულოთ“, - შეაჯამა ზელენსკიმ.სიტუაცია ფრონტზეზელენსკიმ აღნიშნა, რომ მას მოხსენებით წარუდგნენ უკრაინის შეიარაღებული ძალების მთავარსარდალი ალექსანდრე სირსკი და გენერალური შტაბის უფროსი ანდრეი გნატოვი. მისი თქმით, მათ დეტალურად ისაუბრეს ფრონტზე არსებულ ვითარებაზე. პრეზიდენტმა აღნიშნა, რომ ზოგიერთ მონაკვეთზე რუსები შესამჩნევად გააქტიურდნენ, რისთვისაც ხელსაყრელ ამინდს იყენებენ.ზელენსკიმ ხაზი გაუსვა, რომ მტრის შტურმების რაოდენობა გაიზარდა, თუმცა გაიზარდა რუსეთის ფედერაციის დანაკარგებიც. „მხოლოდ ამ ერთ კვირაში უკვე 8 000-ზე მეტი დაღუპული და მძიმედ დაჭრილი ოკუპანტია. მათ ჰქონდათ მექანიზებული შტურმებიც. ჩვენი დრონები კარგად მუშაობენ და ჩვენი არმიის პოზიციები მტკიცეა. მადლობა თითოეულ ჩვენს ჯარისკაცს, სერჟანტსა და ოფიცერს, თითოეულ ბრიგადას უკრაინისთვის მოტანილი შედეგებისთვის“, - განაცხადა ზელენსკიმ.მანამდე უკრაინის პრეზიდენტმა განაცხადა, რომ 21-22 მარტს აშშ-ში გამართულ მოლაპარაკებებზე უკრაინული და ამერიკული დელეგაციები 4 საკითხს განიხილავდნენ. მისი თქმით, მთავარი ამოცანაა სამმხრივი შეხვედრების გაგრძელების მკაფიო პარამეტრების დადგენა.ასევე, ზელენსკიმ აღნიშნა, რომ მოლაპარაკებებზე განიხილება სამმხრივი შეხვედრებისთვის მომზადება და PURL პროგრამა, რომლის მეშვეობითაც ხდება რაკეტების შესყიდვა Patriot-ის საჰაერო თავდაცვის სისტემებისთვის. გარდა ამისა, განიხილება აშშ-სთან დრონების შესახებ შეთანხმების გაფორმების შესაძლებლობა.

1774250506