2028 წლის მაისიდან ბიზნესისთვის ახალი სტანდარტის სალარო აპარატების გამოყენება სავალდებულო ხდება

პრემიერ-მინისტრმა დეტალურად მიმოიხილა მმართველი პარტიის მიერ მიღებული ის საკანონმდებლო აქტები, რომლებიც ევროპული სტრუქტურების კრიტიკის საგანი გახდა. კობახიძის განმარტებით, „შეკრებებისა და მანიფესტაციების შესახებ“ კანონში შესული ცვლილებები აბსოლუტურად გამართულია, რადგან მისი მიზანი მცირერიცხოვანი ჯგუფების მიერ დედაქალაქის ცენტრალური გამზირისა და ტროტუარების ბლოკირების აღკვეთა და მოქალაქეებისთვის დისკომფორტის აცილება იყო.„გრანტების შესახებ“ კანონზე საუბრისას მთავრობის მეთაურმა აღნიშნა, რომ ამ რეგულაციის მიღებამ ქვეყანაში სიტუაციის სტაბილიზაცია უზრუნველყო. კობახიძის მტკიცებით, მანამდე უცხოური დაფინანსება ეკლესიისა და სახელმწიფო ინსტიტუტების წინააღმდეგ თავდასხმებისთვის, ასევე რევოლუციური სცენარების მოსამზადებლად გამოიყენებოდა.„როდესაც გეუბნება ევროპარლამენტი, რომ ეს კანონი უნდა გააუქმო, ეს ნიშნავს იმას, რომ უნდათ მოაწყონ კიდევ რევოლუციის მორიგი მცდელობა და, რა თქმა უნდა, ამაზე ჩვენ გვექნება ძალიან მკაცრი რეაქცია. თუ ევროპარლამენტს უნდა საქართველოში რევოლუციის მოწყობა, მიიღებენ შესაბამის პასუხს“, - განაცხადა პრემიერმა.აქციების დროს მომხდარ ძალადობრივ ფაქტებზე საუბრისას ირაკლი კობახიძემ აღნიშნა, რომ სამართალდამცველებს იმ შემთხვევებზე, სადაც აშკარა დანაშაულის ნიშნები იკვეთებოდა, რეაგირება უკვე ჰქონდათ. ამასთან, მან ხაზი გაუსვა, რომ საპროტესტო აქციების მიმდინარეობისას ყოველდღიურად 500-ზე მეტი პირი ძალადობდა, თუმცა სამართალდამცველებმა მხოლოდ 30 მათგანი დააკავეს.პრემიერ-მინისტრმა ევროპარლამენტი ადამიანის უფლებების საკითხში ორმაგ სტანდარტებში დაადანაშაულა და აღნიშნა, რომ 2004-2012 წლებში აღნიშნული სტრუქტურა ყოფილი ხელისუფლების რეჟიმის დარღვევებს „აპრავებდა“.კობახიძის თქმით, ევროპელი პარტნიორების მხრიდან მიდგომების გადახედვის შემთხვევაში, ორმხრივი ურთიერთობები მალევე დაუბრუნდება სწორ ჩარჩოებს.

1782206918

საკანონმდებლო ცვლილებების აუცილებლობა მას შემდეგ დადგა, რაც 2025 წლის დეკემბერში მიღებული გადაწყვეტილებით, 2026 წლის მარტიდან პერსონალურ მონაცემთა დაცვის სამსახურისა და ანტიკორუფციული ბიუროს ფუნქციები სახელმწიფო აუდიტის სამსახურს გადაეცა.კანონპროექტის მომხსენებლის, საფინანსო-საბიუჯეტო კომიტეტის თავმჯდომარის პირველი მოადგილის, ირაკლი ხელაძის განცხადებით, მთავარი სიახლე მარეგულირებელი კომისიების - კომუნიკაციების კომისიისა და სემეკის, აუდიტის სამსახურის დაქვემდებარებაში მოქცევაა, რომლებიც აქამდე შემოწმებას არ ექვემდებარებოდნენ. მათი აუდიტი ეროვნული ბანკის მსგავსი პრინციპით განხორციელდება, რაც იმას ნიშნავს, რომ უწყება მხოლოდ ადმინისტრაციულ და კაპიტალურ ხარჯებს შეამოწმებს და მარეგულირებლების შინაარსობრივ გადაწყვეტილებებში არ ჩაერევა.რეფორმის ფარგლებში აუდიტორებს საგამონაკლისო უფლებამოსილებებიც ენიჭებათ, რაც მათ საშუალებას მისცემს, სახელმწიფო შესყიდვებთან დაკავშირებული ინფორმაცია უშუალოდ ტენდერებში მონაწილე კერძო პირებისგან გამოითხოვონ. ამასთან, საოპერაციო მუშაობის დაჩქარების მიზნით, აუდიტის სამსახური მემორანდუმების საფუძველზე მიიღებს პირდაპირ წვდომას სხვა ადმინისტრაციული ორგანოების ელექტრონულ ბაზებზე.პარალელურად, მკაცრდება სანქციებიც და უწყებისთვის დოკუმენტაციის მიუწოდებლობის ან მცდარი ინფორმაციის წარდგენისთვის ჯარიმის მოცულობა დღეს არსებული 1 000 ლარიდან 5 000 ლარამდე იზრდება. კანონპროექტით ასევე ზუსტდება, რომ ფინანსური შესაბამისობისა და ეფექტიანობის აუდიტები მოიცავს როგორც მიმდინარე, ისე უკვე განხორციელებული საქმიანობის კონტროლს.სტრუქტურული თვალსაზრისით, კანონს ემატება ახალი პოზიცია - საჯარო ურთიერთობების მდივანი. იგი გენერალური აუდიტორის დავალებით სხვა უწყებებთან კოორდინაციასა და კომუნიკაციას უზრუნველყოფს, თუმცა აღნიშნული შტატის დამატება ბიუჯეტიდან ზედმეტ ფინანსურ ხარჯებს არ მოითხოვს.

1782206737

თიბისიმ აღიარება ვაჭრობის ხელშეწყობის პროგრამის - TFP-ის - ფარგლებში განხორციელებული ტრანზაქციების რაოდენობის მიხედვით მოიპოვა.  პროგრამის ფარგლებში, EBRD პარტნიორ ბანკებთან ერთად საერთაშორისო ვაჭრობას უჭერს მხარს და ბიზნესებს გლობალურ ბაზრებზე საქმიანობის გაფართოებაში ეხმარება. პროგრამა ყოველწლიურად აჯილდოებს იმ ბანკებს, რომლებიც ამ მიმართულებით ყველაზე აქტიურად მუშაობენ და მნიშვნელოვანი წვლილი შეაქვთ საერთაშორისო ვაჭრობის განვითარებაში. წელს EBRD-მა ყველაზე აქტიური ბანკის ნომინაციაში 22 ქვეყნის ფინანსური ინსტიტუტი დააჯილდოვა.„EBRD-ის ჯილდო თიბისისთვის მნიშვნელოვანი საერთაშორისო აღიარებაა, რომელიც კიდევ ერთხელ ადასტურებს ჩვენს ლიდერულ პოზიციას ბაზარზე. 45%-ზე მეტი წილით ვაჭრობის დაფინანსებაში პირველები ვართ, რაც ჩვენი მომხმარებლებისა და საერთაშორისო პარტნიორების ნდობის შედეგია. 1000-ზე მეტ კლიენტს ვთავაზობთ თანამედროვე და მოქნილ ფინანსურ სერვისებს, რომლებიც მათ საერთაშორისო ბაზრებზე საქმიანობის განვითარებასა და გაფართოებაში ეხმარება. ამ გზით, ხელს ვუწყობთ საერთაშორისო ვაჭრობის ზრდას და საქართველოს ეკონომიკის განვითარებას“, - თამარ ხიზანიშვილი, თიბისის ვაჭრობის ფინანსირებისა და ფაქტორინგის დეპარტამენტის დირექტორი.(R)

1782205968

საიას ცნობით, დეტალურ ინფორმაციას ორგანიზაცია საზოგადოებას 15:00 საათზე მიაწვდის.

1782205342

საკანონმდებლო ინიციატივის ავტორები პარლამენტის წევრები: შოთა ბერეკაშვილი, გიორგი ბარვენაშვილი, თორნიკე ბერეკაშვილი, ანტონ ობოლაშვილი და მარიამ ლაშხი არიან.ცვლილებების თანახმად, ახალი კატეგორიის ნებართვები შემოღებული იქნება სისტემურ-ელექტრონული ფორმით სამორინის, სათამაშო აპარატებისა და ტოტალიზატორის თამაშობების საერთაშორისო ორგანიზებისთვის. ამ ჩარჩოს დანერგვა სხვა ქვეყნებში რეგისტრირებული აზარტული თამაშების ოპერატორების საქართველოში ლეგალურ შემოსვლას წაახალისებს. თუმცა, კანონპროექტის მიხედვით, ამ პლატფორმებზე თამაშის უფლება მხოლოდ უცხო ქვეყნის მოქალაქეებსა და მოქალაქეობის არმქონე პირებს ექნებათ, ხოლო საქართველოს მოქალაქეებს აღნიშნულ ინტერნეტ ვებგვერდებზე წვდომა ავტომატურად აეკრძალებათ.ინიციატორების განმარტებით, მხოლოდ უცხოელებისთვის განკუთვნილ ონლაინ-კაზინოებს სახელმწიფო საგადასახადო შეღავათს სთავაზობს - ისინი დაიბეგრებიან უფრო დაბალი, 5%-იანი მოგების გადასახადის (GGR) განაკვეთით, ნაცვლად 20%-ისა, რომლითაც სტანდარტული, საქართველოს მოქალაქეებისთვის ხელმისაწვდომი ონლაინ-კაზინოები იბეგრებიან. ყოველთვიური 5%-იანი საგადასახადო განაკვეთი მიღებულ ფსონებსა და გაცემულ მოგებას შორის სხვაობაზე დაირიცხება.ამასთან, თითოეული სახის საერთაშორისო ნებართვა 5 წლის ვადით გაიცემა და მისი ყოველწლიური მოსაკრებელი 100 000 ლარით განისაზღვრება. სანებართვო პირობების ან მოსაკრებლის გადახდის ვადის დარღვევისთვის კი 20 000 ლარის ოდენობის ჯარიმა წესდება. პროექტით ასევე მკაცრდება ინტერნეტდომენების შეზღუდვა: თუ მოქმედი წესით 1 ნებართვით მაქსიმუმ 2 ვებგვერდის ოპერირება იყო შესაძლებელი, ახალი კანონით ლიმიტი 1 ნებართვაზე 1 ვებგვერდამდე მცირდება, ხოლო უკვე არსებულ ნებართვებზე მათი მოქმედების დარჩენილი ვადით გარდამავალი პერიოდი იმოქმედებს.კანონპროექტის განმარტებით ბარათში ხაზგასმულია, რომ რეფორმა ერთი მხრივ უზრუნველყოფს საქართველოს მოქალაქეთა დაცვას მავნე ზეგავლენისგან, ხოლო მეორე მხრივ, ხელს შეუწყობს პირდაპირი უცხოური ინვესტიციების ზრდას, მომსახურების სფეროს განვითარებას, ქვეყანაში მაღალკვალიფიციური ტექნოლოგიური და მარკეტინგული კადრების შემოსვლას და სახელმწიფო ბიუჯეტში დამატებითი შემოსავლების აკუმულირებას.

1782204618

ჟურნალისტებთან საუბრისას პრემიერ-მინისტრმა ოპოზიციაში არსებული ვითარება მიმოიხილა და აღნიშნა, რომ ოპოზიციური პარტიების დასუსტება და პოლიტიკური ძალის მორღვევა დადებითად აისახება ქვეყნის დემოკრატიულ გარემოსა და პოლიტიკურ სისტემაზე.კობახიძის განცხადებით, ოპოზიციურ სუბიექტებს შორის არსებული უთანხმოება საზოგადოების მხარდაჭერის მოპოვების შესაძლებლობას გამორიცხავს.მთავრობის მეთაურმა ხაზი გაუსვა, რომ აღნიშნული ტენდენცია და ამომრჩევლის განწყობები მკაფიოდ აისახა 2020, 2021, 2024 და 2025 წლის საარჩევნო ციკლებში, სადაც ოპოზიციამ სასურველი შედეგის მიღწევა ვერ შეძლო.პრემიერ-მინისტრმა ოპოზიციური სპექტრი ანტისახელმწიფოებრივ დაჯგუფებად და უცხოურ აგენტურად შეაფასა და დასძინა, რომ მათი სტრუქტურული მოშლა ქვეყნის გრძელვადიანი სტაბილურობის წინაპირობაა.

1782202232

500 Global in Eurasia საქართველოში საქართველოს ბანკისა და საქართველოს ინოვაციებისა და ტექნოლოგიების სააგენტოს (GITA) მხარდაჭერით ხორციელდება და მიზნად ისახავს რეგიონში ტექნოლოგიური სტარტაპების განვითარებას, მათთვის საერთაშორისო ექსპერტიზის გაზიარებასა და გლობალურ ბაზრებზე ზრდის შესაძლებლობების შექმნას.დემო დღის ფარგლებში, 12-კვირიანი აქსელერაციის პროგრამის მონაწილეები აუდიტორიას საკუთარ პროდუქტებს, მიღწეულ პროგრესსა და სამომავლო ხედვას წარუდგენენ. ღონისძიება სტარტაპებისთვის უნიკალური შესაძლებლობაა, შეხვდნენ პოტენციურ ინვესტორებს, დაამყარონ ახალი პარტნიორობები და საერთაშორისო ეკოსისტემის წარმომადგენლებისგან პროფესიონალური უკუკავშირი მიიღონ.თუ გაინტერესებთ ტექნოლოგიური ინოვაციები, სტარტაპები, ვენჩურული ინვესტიციები და რეგიონში განვითარებადი სამეწარმეო ეკოსისტემა, დაესწარით 500 Global in Eurasia-ს მეათე ნაკადის დემო დღეს. ღონისძიებაზე დასასწრებად გაიარეთ რეგისტრაცია: https://events.500.co/500eurasiabatch10demoday/BOGინფორმაციისთვის, 2022 წელს 500 Global-მა, საქართველოს ბანკთან და GITA-სთან ოთხწლიანი პარტნიორობის ხელშეკრულება გააფორმა, რომლის ფარგლებშიც, 500 Global in Eurasia-ს აქსელერაციის პროგრამა საქართველოში, თბილისში წელიწადში ორჯერ იმართება.500 Global-ის შესახებ:500 Global არის გლობალური ვენჩურული საინვესტიციო კომპანია, რომელიც, 2023 წლის 31 დეკემბრის მონაცემებით, 2.4 მილიარდიან აქტივებს მართავს. იგი ინვესტიციას ახორციელებს სტარტაპებში, რომლებიც ქმნიან სწრაფად მზარდ ტექნოლოგიურ კომპანიებს. 500 Global მჭიდროდ თანამშრომლობს ეკოსისტემის მთავარ მონაწილეებთან და კონსულტაციას უწევს მთავრობებს, შექმნან ისეთი სამეწარმეო ეკოსისტემა, რომელშიც სტარტაპებს ექნებათ სწრაფი განვითარების შესაძლებლობა. დღემდე 500 Global-მა მხარი დაუჭირა 5000-ზე მეტ დამფუძნებელს და 2900-ზე მეტ კომპანიას, 80+ ქვეყნიდან. მისი პორტფოლიო მოიცავს 35-ზე მეტ კომპანიას, რომელთა ღირებულება 1 მილიარდ დოლარზე მეტია და 160+ კომპანიას, რომელთა ღირებულება 100 მილიონ დოლარს აღემატება (მათ შორის არის კერძო, საჯარო და “exited” კომპანიები). 500 Global-ის გუნდი 20-ზე მეტ ქვეყანაშია განთავსებული, რომლებსაც ანტეპრენერობის, ინვესტორობის და წამყვან ტექნოლოგიურ კომპანიებში მუშაობის გამოცდილება აქვთ.(R)

1782201674

ამ მიზნით, 2025 წელს მთავრობის ადმინისტრაციაში შეიქმნა სპეციალური სტრუქტურა - მთავრობის ეფექტიანობის დეპარტამენტი. აღნიშნული უწყების ძირითად ამოცანას სახელმწიფო პროგრამების, მსხვილი ინფრასტრუქტურული პროექტებისა და შესყიდვების შედეგიანობის შეფასება, ასევე შესრულების მონიტორინგი წარმოადგენს. პრემიერ-მინისტრმა ხაზგასმით აღნიშნა, რომ თითოეულმა საჯარო რესურსმა მაქსიმალური სარგებელი უნდა მოუტანოს მოქალაქეებს, რის გამოც განსაკუთრებული ყურადღება სახელმწიფო შესყიდვების სისტემის შემდგომ განვითარებას ეთმობა.მმართველობითი და ადმინისტრაციული ხარჯების ოპტიმიზაციის მიმართულებით ყველაზე მსხვილი მაჩვენებლები ეკონომიკისა და მდგრადი განვითარების სამინისტროში დაფიქსირდა.კობახიძის მტკიცებით, 2025 წლიდან გატარებული რეფორმების შედეგად, უწყებაში მიღებულმა ჯამურმა დანაზოგმა ₾845 მლნ-ს მიაღწია. აღნიშნული მოცულობიდან ₾60 მლნ უშუალოდ 2,422 საშტატო ერთეულის შემცირებით მიღებული წლიური ეკონომიაა, ხოლო დარჩენილი ₾785 მლნ სამინისტრომ მიმდინარე პროექტების, სახელმწიფო შესყიდვებისა და არსებული სახელშეკრულებო პირობების გადახედვა-გაუმჯობესების გზით დაზოგა."პრაქტიკული რეფორმების პარალელურად, მთავრობამ მნიშვნელოვანი საკანონმდებლო ცვლილებებიც განახორციელა, რამაც სახელმწიფო შესყიდვების სისტემის გამჭვირვალობა და კონკურენტუნარიანობა გაზარდა", - თქვა კობახიძემ.ახალი სამართლებრივი მექანიზმები, ერთი მხრივ, ხელს უწყობს მცირე და საშუალო ბიზნესის (SME) უფრო აქტიურ ჩართულობას სახელმწიფო ტენდერებში, ხოლო, მეორე მხრივ, უზრუნველყოფს საბიუჯეტო სახსრების უფრო პასუხისმგებლიან და შედეგზე ორიენტირებულ მართვას. პრემიერმა ასევე აღნიშნა, რომ მიმდინარეობს საჯარო სამსახურის ინსტიტუციური მოდერნიზაცია, სადაც ამჟამად 45 000-მდე ადამიანია დასაქმებული. საკადრო პოლიტიკის ღიაობის უზრუნველსაყოფად, მხოლოდ გასულ წელს დასაქმების ერთიან ელექტრონულ პლატფორმაზე 3 500-მდე ვაკანსია გამოქვეყნდა, ხოლო ანაზღაურებადი სტაჟირების პროგრამით პირველი პროფესიული გამოცდილება 1 400-ზე მეტმა ახალგაზრდამ მიიღო.ირაკლი კობახიძემ გამოსვლისას ყურადღება გაამახვილა ინსტიტუციურ რეფორმებსა და მაკროეკონომიკურ დინამიკას შორის არსებულ მჭიდრო კავშირზე. მისი თქმით, 2021-2025 წლებში საქართველოს ეკონომიკური ზრდის საშუალო წლიურმა მაჩვენებელმა მაღალი ნიშნული - 9.3% შეადგინა, ხოლო 2026 წლის პირველი ოთხი თვის წინასწარი მონაცემებით, რეალური მშპ-ს ზრდა 8.3%-ის ფარგლებშია.ამასთან, მთავრობის მეთაურმა აღნიშნა, რომ საერთაშორისო სავალუტო ფონდის (IMF) პროგნოზების მიხედვით, საქართველო საშუალოვადიან პერიოდში ევროპისა და რეგიონის მასშტაბით ერთ-ერთ ყველაზე სწრაფად მზარდ ეკონომიკად დარჩება, რის ფუნდამენტსაც სწორედ ეფექტიანი სახელმწიფო ინსტიტუტები და თანმიმდევრული ეკონომიკური პოლიტიკა ქმნის.

1782201428