დემონსტრანტების დახმარებისთვის 5 ორგანიზაციის ანგარიშები დაყადაღდა

თუმცა ანგარიშის გახსნა კვლავ შეუძლებელია. მომხმარებელი ფილიალში უნდა მივიდეს. ამის შემდეგ ბარათის შეკვეთა, დეპოზიტის გახსნა, სატარიფო პაკეტების გააქტიურება და სხვა ოპერაციები უკვე შეეძლება.ეს მაშინ  დასჭირდება თუ ანგარიშის გახსნისას  ინტერნეტ და მობაილბანკზე უარს იტყვის.რადგან ანაბრის გახსნა, სადეპოზიტო სერტიფიკატით სარგებლობა, პლასტიკური ბარათის შეკვეთა, სატარიფო პაკეტების გააქტიურება, სხვა სერვისები და პროდუქტები, ინტერნეტ და მობაილ ბანკით, ელექტრონული ხელმოწერის გარეშეც ხელმისაწვდომია.სავარაუდოდ ელექტრონული ხელმოწერა ტერაბანკის მომხმარებელს ძირითადად საოპერაციო დოკუმენტაციის გასაახლებლად დასჭირდება (გასაფორმებლად სერვისცენტრში უნდა მივიდეს).ბანკის ინფორმაციით, ელექტრონული ხელმოწერა პლატფორმა Signify-სთან თანამშრომლობით დაინერგა. რაც ტერაბანკის დიჯიტალიზაციის ინიციატივის ნაწილია. 

1742219942

როგორც ცნობილია,  კომერციული ბანკების დაჯარიმების წესში სებ-ის ცვლილების პროექტით, არსებულ 0.01%; 0.05%; 0.1% საჯარიმო განაკვეთებს 0.5% და 1% ემატება, რაც სანქცირებულის საზედამხედველო კაპიტალიდან დაანგარიშდება.ბოლო ცვლილებიდან,  როცა მაქსიმალურმა ზღვარმა 0.1%-მდე აიწია, 6 წელია გასული. მოქმედი წესით, რომელიც 2018 წლის აპრილში განახლდა, მოთხოვნების (შეზღუდვა, ლიმიტი, აკრძალვა…) შეუსრულებლობისთვის ბანკი ჯარიმდება საზედამხედველო კაპიტალის (დარღვევისას რამდენიც აქვს) 0.01%, 0.05%, 0.1%-ის ოდენობით, არანაკლებ ₾20 000 -ის. ამასთანავე, 2009 წელთან შედარებით გაზრდილია ფიქსირებული ჯარიმებიც.5 000 ლარია ანგარიშგების წესების დარღვევისთვის, 10 000 ლარი (თითოეულ შემთხვევაზე) ბანკის ადმინისტრატორებთან დაკავშირებული დოკუმენტების წარუდგენლობაზე. 20 000 ლარი განმეორებად შემთხვევაზე, ხოლო 50 000 ლარი მრავალჯერადი შეუსრულებლობისთვის.

1742216700

შესაბამის განკარგულებას ხელი ირაკლი კობახიძემ მოაწერა.ნათია თურნავა საქართველოს ეროვნული ბანკის პრეზიდენტად მიმდინარე წლის 7 თებერვალს დაინიშნა. 2023 წლის ივნისიდან კი სების პირველი ვიცე-პრეზიდენტისა და პრეზიდენტის მოვალეობის შემსრულებლის პოზიციებს იკავებდა. 2022 წლიდან ეროვნული ბანკის საბჭოს წევრია.ნათია თურნავას პროფესიით ეკონომისტია, ფლობს ეკონომიკის დოქტორის სამეცნიერო ხარისხს, რომელიც თბილისის სახელმწიფო უნივერსიტეტში მიენიჭა, დიდი ბრიტანეთის ქამბრიის უნივერსიტეტში კი ბიზნესის ადმინისტრირების მაგისტრის ხარისხი მიიღო.გავლილი აქვს სწავლება ჰარვარდის უნივერსიტეტის ჯონ კენედის სახელობის სამთავრობო სკოლაში, ვენის გაერთიანებულ ინსტიტუტში (JVI) და სხვა ინსტიტუტებში. იყო თბილისის რამდენიმე უმაღლესი სასწავლებლის ლექტორი.აღსანიშნავია, რომ სების ისტორიაში ნათია თურნავა გახდა პირველი ქალი, რომელიც პრეზიდენტის პოსტს იკავებს.

1742211667

ლიბერთისა და იმედი L-ის პარტნიორობა უკვე ერთი წელია გრძელდება. ამ პერიოდში სამოგზაურო დაზღვევის შეძენის შესაძლებლობა ეტაპობრივად ინერგებოდა სხვადასხვა არხში. ამ ეტაპზე, პროდუქტის დეველოპმენტი დასრულებულია და უკვე ხელმისაწვდომია ლიბერთის მობაილ და ინტერნეტ ბანკში და ციფრულ საგადამხდელო პლატფორმაზე - pay.ge.“ჩვენთვის მნიშვნელოვანია, რომ დაზღვევაზე ხელმისაწვდომობა იყოს მარტივი და მომხმარებელმა რაც შეიძლება სწრაფად შეძლოს პოლისის შეძენა. გვიხარია, რომ ლიბერთისთან თანამშრომლობის ფარგლებში, იმედი L-ის სამოგზაურო დაზღვევის შეძენა, დღეს მათ ციფრულ პლატფორმებზეც შესაძლებელია”, - ნათია ანასტასიადი - არასამედიცინო დაზღვევების და საცალო გაყიდვების დეპარტამენტის დირექტორი„ერთი წელია, რაც სადაზღვევო კომპანია იმედი L-თან პარტნიორობის ფარგლებში, შესაძლებელი გახდა Pay.ge-დან სამოგზაურო დაზღვევის შეძენა, ნებისმიერი ქართული ბანკის ბარათით. ახლა, ეს მომსახურება კიდევ უფრო მოსახერხებელია – სამოგზაურო დაზღვევის შეძენა უკვე მობაილ ბანკშიც არის ხელმისაწვდომი. „ლიბერთის“ მიზანია, მომხმარებლებს შევთავაზოთ თანამედროვე ციფრული პროდუქტები, რომლებიც მათ ყოველდღიურობას გაუმარტივებს", – დავით მესხიძე, ციფრული პლატფორმებისა და არხების განვითარების ხელმძღვანელი.

1742210990

კერძოდ, საქართველოს სამოქალაქო ავიაციის სააგენტოში წარმოდგენილი განაცხადების შესაბამისად, პირველ ფრენა 30 მარტს შესრულდება.უფრო კონკრეტულად, ოფიციალური ინფორმაციით, ავიარეისები შემდეგი მიმართულებებით და განრიგით შესრულდება: British Airways ფრენებს შეასრულებს 30 მარტიდან ლონდონი - თბილისი - ლონდონის საჰაერო ხაზზე, კვირაში 4 სიხშირით, ყოველ ორშაბათს, ოთხშაბათს, პარასკევს და კვირას; easyJet UK რეგულარულ რეისებს განახორციელებს 1-ლი აპრილიდან ლონდონი - თბილისი - ლონდონის საჰაერო ხაზზე კვირაში 2 სიხშირით, ყოველ სამშაბათს და შაბათს; easyJet Switzerland ავიარეისებს შეასრულებს 31 მარტიდან ჟენევა - თბილისი - ჟენევას საჰაერო ხაზზე კვირაში 2 სიხშირით, ყოველ ორშაბათს და ხუთშაბათს; easyJet Europe Airline GmbH ფრენებს შეასრულებს 1 აპრილიდან მილანი - თბილისი - მილანის საჰაერო ხაზზე კვირაში 2 სიხშირით ყოველ სამშაბათს და შაბათს. რაც შეეხება ფასებს, 30 მარტს, British Airways-ის ფრენა ლონდონი-თბილისის მიმართულებაზე 461 ევროდან იწყება, ხოლო, 1-ელ აპრილს easyJet Europe Airline GmbH-ის მიერ შესრულებულ მილანი-თბილისის რეისზე, აქციის ფარგლებში 194 ევრო იქნება (სააქციო ფასის გარეშე 245 ევრო).საქართველოს ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტომ რეგულარული ფრენების შესრულებისათვის აუცილებელი ნებართვა ავიაკომპანიებს მიმდინარე წლის 14 მარტს მიანიჭა.როგორც სამოქალაქო ავიაციის სააგენტო განმარტავს, მრავალწლიანი პაუზის შემდეგ უმსხვილესი ბრიტანული ავიაკომპანია British Airways-ის საქართველოს საავიაციო ბაზარზე დაბრუნება და წამყვანი მულტინაციონალური დაბალბიუჯეტური EasyJet-ის ჯგუფში შემავალი ავიაკომპანიების შემოსვლა დადებითად აისახება ტურიზმისა და სამოქალაქო ავიაციის სექტორის განვითარების დინამიკაზე.

1742208622

გორდულაძის ინფორმაციით, კანონპროექტით განიმარტება თუ რა არის ინტერნეტმომსახურება.ინტერნეტმომსახურების ცნების განმარტებისას გამოყენებული იქნება შემდეგი დეფინიცია: - ინტერნეტმომსახურების მიმწოდებლის მიერ მასობრივი ინფორმაციის საქართველოს სახელმწიფო ენაზე ინტერნეტსაშუალებისთვის განკუთვნილი ინტერნეტდომენის ან ინტერნეტჰოსტინგის საშუალებით, ასევე თავის აპლიკაციაში ან მესამე პირის ინფორმაციის გაზიარების პლატფორმაზე, მათ შორის სოციალურ ქსელში ინფორმაციის განთავსება.ინტერნეტმედია მომსახურების მიმწოდებლად ჩაითვლება მაუწყებელი ან სხვა პირი, რომელიც მასობრივი ინფორმაციის საქართველოს სახელმწიფო ენაზე განსახორციელებლად ერთპიროვნულად ან სხვასთან ერთად ფლობს ან იყენებს ინტერნეტდომენისა და ინტერნეტ ჰოსტინგს.“მაუწყებლებს იმავდროულად აქვთ საიტი, აქვთ სოციალური ქსელი. ჩვენს მიერ წარმოდგენილი რეგულაციის მიხედვით, თუ მაუწყებელი ინფორმაციას, მაგალითად, არაჯეროვნად ავრცელებს, პირს რეაგირება და უფლებების დაცვა იმ შემთხვევაში შეეძლება, თუ ინფორმაცია ტელეეთერის საშუალებით არის გავრცელებული, მაგრამ თუ ეს ყველაფერი გავრცელებულია სოციალური ქსელით და თუნდაც ვებგვერდის საშუალებით, ამ ყველაფერზე რეაგირება შეუძლებელი იქნება.ამიტომ, პროექტის პირველი მოსმენით განხილვისას იყო გუნდის შეთანხმება, რომ ონლაინ მედიაზეც გავრცელდეს ქცევის ის სტანდარტები, რაც ზოგადად, მაუწყებლებისთვის არის გათვალისწინებული. იხვეწება და ვითარდება ტექნოლოგიები, ინფორმაციის გავრცელების სხვა საშუალებები და ამ ყველაფერზე საკანონმდებლო რეგულაციები უნდა არსებობდეს.ეს ყველაფერი ფიზიკურ პირებზე არ გავრცელდება. აქ ის ორგანიზაციები იგულისხმება, რომელიც საკუთარ თავს მედიას უწოდებს, მაგრამ არ ოპერირებენ როგორც მაუწყებლები, მათი ინფორმაციის გავრცელების საშუალება ტელევიზია არ არის და ინფორმაციის გასავრცელებლად იყენებენ როგორ საიტებს, ასევე სხვა აპლიკაციებს და აქვთ სტრუქტურიზებული ფორმა“, - განაცხადა არჩილ გორდულაძემ.მისივე თქმით, ონლაინმედიების შემთხვევაში „ინტერნეტმედიამომსახურების მიმწოდებლის“ პასუხისმგებლობა იქნება პირველ შემთხვევაში გაფრთხილება, გაფრთხილების მიუხედავად დარღვევის აღმოუფხვრელობის შემთხვევაში, შესაძლებელია, კომუნიკაციების კომისიამ გამოიყენოს ჯარიმები, ბრუნვის 0.5%, 1%, 3%-ის ოდენობით.ამავდროულად, შესაძლებელია, შესაბამისი ინტერნეტდომეინის ან ინტერნეტჰოსტინგის ფუნქციონირების შეწყვეტაც. გორდულაძემ ბოლოს დასძინა, რომ "ამ საკითხზე უნდა იმსჯელონ".“მაუწყებლობის შესახებ“ კანონში ცვლილებებს პარლამენტის კომიტეტი მეორე მოსმენით - მუხლობრივად იხილავს.

1742205391

როგორც შავაძემ აღნიშნა, საქმე ეხება რესურსცენტრების უფლებამოსილების გაზრდას, რომლის საფუძველზე, საგანმანათლებლო რესურსცენტრების უფროსებს მიენიჭათ უფლება, მათ დაქვემდებარებულ სკოლებში დანიშნონ წარმომადგენელი - ოფიცერი, რომელიც მისივე შეფასებით „თითქოს უზრუნველყოფს სკოლებში პერსონალური მონაცემების დაცვას“.„განათლების მინისტრის ბრძანებით, საჯარო სკოლებში ე.წ ოდეერის ინსტიტუტი ბრუნდება. შესაბამის ბრძანებას მინისტრმა ხელი 12 მარტს მოაწერა. საქმე ეხება რესურსცენტრების უფლებამოსილების გაზრდას, რომლის საფუძველზე, საგანმანათლებლო რესურსცენტრების უფროსებს მიენიჭათ უფლება, მათ დაქვემდებარებულ სკოლებში დანიშნონ წარმომადგენელი - ოფიცერი, რომელიც თითქოს უზრუნველყოფს სკოლებში პერსონალური მონაცემების დაცვას. რეალურად, ამ გადაწყვეტილების მიზანია, ისედაც სახელისუფლებო ინტერესებს დაქვემდებარებული მასწავლებლებისა და სკოლის დირექტორების კიდევ უფრო მეტად მარწუხებში მოქცევა.ეს არის წმინდა რუსული ,,კაგებშნიკური" მოდელი, როცა სახელმწიფო საგანმანათლებლო დაწესებულებაში ზღუდავს შემოქმედებით თავისუფლებას და უნიშნავს პირს, რომელიც აკონტროლებს ყველა ნიუანს, და მუშაობს კონკრეტული ძალის, ამ შემთხვევაში ,,ქართული ოცნების" პროპაგანდის გასავრცელებლად“, - აღნიშნა შავაძემ დღევანდელ ბრიფინგზე.

1742203293

მისი თქმით, ზეწოლას ახდენენ იმ ადამიანებზე, რომლებიც ახორციელებენ ძალადობას მშვიდობიანი მომიტინგეების წინააღმდეგ.„ვახორციელებთ ზეწოლას იმ ადამიანებზე, რომლებიც ფაქტობრივად ახორციელებენ ძალადობას მშვიდობიანი მომიტინგეების წინააღმდეგ“, - აღნიშნა კალასმა.დღეს, 17 მარტს ევროკავშირის საგარეო საქმეთა მინისტერიალზე განიხილება უკრაინის საკითხი და დაგეგმილია ვიდეოკონფერენციის რეჟიმში უკრაინის საგარეო საქმეთა მინისტრთან, ანდრეი სიბიგასთან მოსაზრებების გაცვლა. ევროპელი მინისტრები ასევე იმსჯელებენ ახლო აღმოსავლეთში მიმდინარე მოვლენებზე, კერძოდ, ღაზის სექტორთან, სირიაში განვითარებულ მოვლენებსა და ირანთან დაკავშირებით. ამას გარდა, მინისტერიალის დღის წესრიგშია აშშ-ევროკავშირის ურთიერთობების საკითხი.საგარეო საქმეთა მინისტრების შეხვედრის შემდეგ ბრიუსელში გაიმართება კონფერენცია სირიის საკითხზე.

1742200000