საქართველომ ჟენევის მოლაპარაკებებზე მოსკოვისა და ცხინვალის ახალი ე.წ. შეთანხმება მწვავედ გააპროტესტა

IPI ხაზგასმით აღნიშნავს, რომ მმართველი გუნდი, რომელსაც ორგანიზაცია „რუსეთის მიმართ მეგობრულად განწყობილად“ მოიხსენიებს, მედიის დასასჯელად არადამოუკიდებელ მარეგულირებელ ორგანოებსა და სისხლის სამართლის მექანიზმებს იყენებს. შექმნილი კრიტიკული მოცემულობის გამო, ორგანიზაცია საერთაშორისო თანამეგობრობას მედიის თავისუფლების ნაშთების გადასარჩენად სასწრაფო რეაგირებისკენ მოუწოდებს.IPI-ის მკაცრი შეფასებების საფუძველი კომუნიკაციების ეროვნული კომისიის (GNCC) მიერ ტელეკომპანია „პირველისა“ და „ფორმულას“ ფინანსური სანქცირება გახდა. მარეგულირებელმა „ტვ პირველი“ 25 ივნისს, ხოლო „ფორმულა“ 21 მაისს სარედაქციო სტანდარტების, მიუკერძოებლობისა და სამართლიანობის პრინციპების დარღვევის მოტივით 2 500-2 500 ლარით დააჯარიმა.კრიტიკული მედიასაშუალებების დასანქცირების მიზეზი ეთერში გაჟღერებული ისეთი ტერმინები გახდა, როგორიცაა ანტისამთავრობო აქციებზე დაკავებულთა მოხსენიება „სინდისის პატიმრებად“, მმართველი პარტიის დამფუძნებლის, ბიძინა ივანიშვილის „ოლიგარქად“ აღწერა და მმართველი გუნდის ლეგიტიმურობის ეჭვქვეშ დაყენება.ორგანიზაცია მიუთითებს, რომ კატეგორიულად ეწინააღმდეგებოდა „მაუწყებლობის შესახებ“ კანონში მმართველი პარტიის მიერ შეტანილ იმ სადავო ცვლილებებს, რომელთა საფუძველზეც აღნიშნული ჯარიმები გამოიწერა. აღნიშნული რეფორმით, კომისიას მიენიჭა უფლება თავად დაარეგულიროს ისეთი საკითხები, რაც მანამდე ჟურნალისტური საზოგადოების თვითრეგულირების სფეროს წარმოადგენდა.კანონმდებლობა ახლა მარეგულირებელს საშუალებას აძლევს, დარღვევის განმეორების შემთხვევაში, მაუწყებლებს წლიური შემოსავლის 3%-მდე ჯარიმა დააკისროს ან ავტორიზაციაც კი გაუუქმოს, რასაც IPI ხელისუფლების ხელში კრიტიკული მედიის ცენზურის პირდაპირ იარაღად აფასებს.ორგანიზაციის მონიტორინგის მიხედვით, 2024 წლის სადავო საპარლამენტო არჩევნების შემდეგ მიღებული რეპრესიული კანონების ფონზე, საქართველოში პრესის თავისუფლების ტემპი ევროკავშირის წევრობის კანდიდატ ქვეყნებს შორის ყველაზე სწრაფად და საგანგაშოდ გაუარესდა.ადმინისტრაციულ წნეხთან ერთად, საერთაშორისო ორგანიზაცია განსაკუთრებულ შეშფოთებას გამოთქვამს ტელეკომპანია „ფორმულას“ წინააღმდეგ პროკურატურის მიერ „ცრუ დასმენის“ მუხლით დაწყებული სისხლისსამართლებრივი გამოძიების გამო, რაც საქართველოში დამოუკიდებელი მედიის წინააღმდეგ აღძრული სისხლის სამართლის საქმის პირველი პრეცედენტია. საქმე მმართველი პარტიის მხარდამჭერი კინორეჟისორის საჩივრის საფუძველზე აღიძრა, რომელმაც იანვარში გასულ საგამოძიებო რეპორტაჟში მისი მისამართით გამოთქმული ბრალდებები გააპროტესტა. აღნიშნული რეპორტაჟის ავტორი და წამყვანი დავით ქაშიაშვილი, რომელმაც მანამდე სოციალურ ქსელში მუქარებიც მიიღო, პროკურატურამ მოწმის სახით უკვე დაკითხა.IPI კატეგორიულად მოითხოვს, რომ პროკურატურამ გაითვალისწინოს გავრცელებული მასალის მაღალი საზოგადოებრივი ინტერესი, დაუყოვნებლივ შეწყვიტოს სისხლისსამართლებრივი დევნა „ფორმულას“ წინააღმდეგ და სრულად დაიცვას ჟურნალისტური წყაროს კონფიდენციალურობა.

1782997019

სესხის მიზნობრიობა ქვეყანაში კერძო სექტორის - მიკრო, მცირე და საშუალო საწარმოების (MSME) დაკრედიტებაა, ასევე ადგილობრივ ვალუტაში დაფინანსების ხელმისაწვდომობის უზრუნველყოფა.გარდა ამისა, ტრანზაქცია ხელს შეუწყობს მწვანე ეკონომიკის განვითარებას - დაფინანსებული ქვე-სესხების სულ მცირე 20% EBRD-ის Green Economy Transition (GET) მიდგომის მოთხოვნებთან შესაბამისი იქნება.სესხის გაცემა EBRD-ის საბჭოს დამტკიცებული აქვს, დარჩენილია ხელშეკრულების გაფორმების ეტაპი.ProCredit Bank Georgia (PCBG) წარმოადგენს საერთაშორისო ProCredit Group-ის წევრს. ბანკი საქართველოს საბანკო სექტორში 1999 წლიდან ოპერირებს და ძირითადად მიკრო, მცირე და საშუალო ბიზნესის (SME) ფინანსურ საჭიროებებს ემსახურება. ბანკი დაახლოებით 4,100 ბიზნესკლიენტსა და 8,200 ფიზიკურ პირს ემსახურება საქართველოს ხუთ ძირითად ქალაქში მდებარე 6 ფილიალის, 5 სერვისცენტრისა და თვითმომსახურების ზონების მეშვეობით. 2026 წლის აპრილის ბოლოს მდგომარეობით, ბანკი საქართველოს 19 ბანკს შორის მე-6 ადგილს იკავებდა და საბანკო სექტორის აქტივებისა და სასესხო პორტფელის 2.11%-ს, ხოლო დეპოზიტების 2.15%-ს ფლობდა.

1782994742

ევროკომისიის ხელმძღვანელმა ხაზი გაუსვა სუვერენული არჩევანის თავისუფლებას და აღნიშნა, რომ ამ გადაწყვეტილებით ბრიუსელი სომხეთის ეკონომიკურ მხარდაჭერას აძლიერებს.„არცერთი ქვეყანა არ უნდა დაექვემდებაროს ზეწოლას საკუთარი სუვერენული არჩევანის გამო. სწორედ ამიტომ, ევროკავშირი ააქტიურებს ქმედებებს - გამოყოფს 52 მილიონ ევროს და სომხურ ექსპორტს ევროკავშირში 80%-იან უბაჟო წვდომას სთავაზობს. სომხეთს შეუძლია ჩვენი იმედი ჰქონდეს“, - განაცხადა ფონ დერ ლაიენმა.მისივე განმარტებით, აღნიშნული ინიციატივა ერევანს საშუალებას მისცემს, ის პროდუქცია, რომელიც აქამდე ძირითადად რუსული ბაზრისთვის იყო განკუთვნილი, ევროკავშირის ერთიან, 450-მილიონიან სამომხმარებლო ბაზარზე გადაამისამართოს.ახალი შეღავათებით, ევროპის კარი სრულად გაიღება სომხური ახალი სასოფლო-სამეურნეო პროდუქციის თითქმის 99%-ს, ხოლო სასმელებისა და ალკოჰოლური პროდუქციის ექსპორტის - 90%-ს.სავაჭრო ნაკადების სწრაფი დივერსიფიკაციის მიზნით, ევროკომისია მიმდინარე წლის ივლისის შუა რიცხვებში სომხეთში სპეციალურ ექსპერტთა ჯგუფს მიავლენს, რომლებიც ადგილობრივ მწარმოებლებთან და ექსპორტიორებთან პირდაპირ ითანამშრომლებენ.

1782991171

„მიმდინარე წლის აგვისტო-სექტემბრიდან კომპანია დაიწყებს ექსკლუზიურად არარუსული წარმოშობის ნედლი ნავთობის გადამუშავებას. ეს ნაბიჯი Black Sea Petroleum-ის მიერ წარმოებული პროდუქციისთვის მოგებიან ბაზრებზე წვდომას უზრუნველყოფს“, - აღნიშნულია განცხადებაში.კომპანიის მონაცემებით, 2026 წლის პირველ ნახევარში საწარმოში გადამუშავებული ნავთობის მოცულობამ 650 ათას ტონას გადააჭარბა.გარდა ამისა, BSP-მ გააფართოვა თანამშრომლობა საერთაშორისო ტექნოლოგიურ კორპორაცია Honeywell-თან, რაც მოიცავს აღჭურვილობის მიწოდებასა და ავტომატიზებული მართვის სისტემების დანერგვას.კომპანიამ ასევე დააანონსა წარმოების გაფართოების გეგმებიც.„2027 წლის პირველ კვარტალში ნავთობგადასამუშავებელი ქარხანა გეგმავს საგზაო ბიტუმის გამოშვების დაწყებას შიდა და საექსპორტო ბაზრებისთვის, ხოლო მეორე კვარტალიდან - საავიაციო ნავთის წარმოებას“, - აღნიშნულია BSP-ს განცხადებაში.ხობის მუნიციპალიტეტში, ფოთსა და ანაკლიას შორის მდებარე ყულევის ნავთობტერმინალს, რომელიც ათწლეულებია ფუნქციონირებს, აზერბაიჯანის სახელმწიფო ნავთობკომპანია SOCAR ფლობს (ოპერატორი კომპანია „შავი ზღვის ტერმინალი“).ტერმინალმა 2025 წელს 2,2 მლნ ტონა ნედლი ნავთობი, ნავთობპროდუქტები და ნავთობქიმიური პროდუქცია გადატვირთა, მიმდინარე 2026 წელს კი SOCAR-მა აქ გაფართოების სამუშაოები დააანონსა.უშუალოდ ნავთობგადასამუშავებელმა ქარხანამ (ნგქ) ყულევში ფუნქციონირება 2025 წლიდან დაიწყო. პროექტის პრეზენტაციას 2024 წლის ოქტომბერში პრემიერ-მინისტრი ირაკლი კობახიძეც დაესწრო. ქარხნის დაფინანსებაში მონაწილეობა მიიღეს სახელმწიფო საკუთრებაში არსებულმა „საქართველოს განვითარების ფონდმა“ და ბიძინა ივანიშვილის კუთვნილმა „ქართუ ბანკმა“.2025 წლის ოქტომბერში რუსულმა საგამოძიებო გამოცემა „პროექტმა“ (Проект) გამოაქვეყნა სტატია, სადაც ყულევის ნავთობგადასამუშავებელი ქარხნის მფლობელი ოჯახისა და ბიზნესპარტნიორების კავშირებზე ისაუბრა რუსეთის სამხედრო დაზვერვის (ГРУ) ხელმძღვანელობასთან. კერძოდ, მასალის მიხედვით, ქარხნის მფლობელი მაკა ასათიანი და მისი პარტნიორები დაკავშირებული არიან რუსულ მულტიმილიარდიან ნავთობისა და ლოგისტიკის ბიზნესებთან, ხოლო პარტნიორის ოჯახის წევრი რუსეთის გენერალური შტაბის მთავარი სამმართველოს (ГРУ) უფროსის მოადგილეა.ამავე პერიოდში, 2025 წლის ოქტომბერში, ყულევის ახალაშენებულმა ქარხანამ ნედლეულის პირველი პარტია სწორედ რუსული კერძო კომპანია „რუსნეფტისგან“ (Русснефть) მიიღო. ორ თვეში, 2025 წლის 16 დეკემბერს, დიდი ბრიტანეთის მთავრობამ „რუსნეფტს“, სხვა მსხვილ რუსულ ნავთობკომპანიებთან ერთად, საერთაშორისო სანქციები დაუწესა.ექსპერტთა შეფასებით, Black Sea Petroleum-ის მიერ რუსულ ნავთობზე სრულად უარის თქმისა და ექსკლუზიურად არარუსულ ნედლეულზე გადასვლის გადაწყვეტილება სწორედ ამ საერთაშორისო სანქციების თავიდან არიდებასა და დასავლურ, მაღალრენტაბელურ ბაზრებზე წვდომის შენარჩუნებას უკავშირდება.

1782988166

ულიმიტო ინტერნეტს ულიმიტო ზარებს ყველა ადგილობრივ ქსელთან ულიმიტო SMS-ებს დამატებით, სამთვიანი პერიოდის დასრულების შემდეგ, შეძლებთ „სელფის“ ულიმიტო პაკეტების შეძენას 50%-იანი ფასდაკლებით: „ყველაფერი ულიმიტო“, 3 თვე ₾55 „ყველაფერი ულიმიტო“, 1 თვე ₾19.5 „ულიმიტო ინტერნეტი“, 1 თვე ₾13 „ულიმიტო ზარები ყველა ადგილობრივ ქსელთან“, 1 თვე ₾8 „სელფიში პორტირება დღეს მხოლოდ ოპერატორის შეცვლას აღარ ნიშნავს - ეს არის შესაძლებლობა, მომხმარებელმა უფრო მეტი მიიღოს. ჩვენ შევქმენით შეთავაზება, რომლითაც პორტირებული აბონენტები სამი თვის განმავლობაში სრულიად უფასოდ ისარგებლებენ ულიმიტო ინტერნეტით, ზარებითა და SMS-ებით, ხოლო სამი თვის შემდეგ, სასურველი ულიმიტო პაკეტები 50%-იანი ფასდაკლებით გაიაქტიურონ. გვინდა, რომ „სელფიში“ გადმოსვლა მაქსიმალურად მარტივი, კომფორტული და მომგებიანი გამოცდილება იყოს“, - აცხადებს ანა ნიკოლოზაშვილი, „სელფის” ბიზნეს ანალიტიკისა და მარკეტინგული შეთავაზებების განყოფილების ხელმძღვანელი.შეთავაზება ვრცელდება ყველა მომხმარებელზე, ვინც საკუთარ ნომერს „სელფის“ ქსელში დააპორტირებს.დაპორტირდი შენივე ნომრით და მიიღე უფრო მეტი სარგებელი: https://go.cellfie.ge/cellfie_porting(R)

1782983200

უწყების მონაცემებით, ქვეყანაში ნავთობპროდუქტების საკმარისი მარაგია ფორმირებული. მიწოდება მუდმივ რეჟიმში, ადრე გაფორმებული კონტრაქტების შესაბამისად ხორციელდება, ხოლო უზრუნველყოფის პროცესი სახელმწიფო ორგანოების კონტროლის ქვეშ იმყოფება, ნათქვამია განცხადებაში.ენერგეტიკის სამინისტროში აღნიშნეს, რომ ყირგიზეთი ნავთობპროდუქტების ძირითადი ნაწილის იმპორტს ახორციელებს. ამიტომ, გლობალურ ენერგეტიკულ ბაზარზე მიმდინარე ცვლილებები, მათ შორის გეოპოლიტიკური დაძაბულობა ახლო აღმოსავლეთში, საერთაშორისო ლოჯისტიკაში არსებული რისკები და ნავთობის მსოფლიო ფასების ზრდა, გავლენას ახდენს ქვეყნის შიდა ბაზარზე, ისევე როგორც მრავალი სხვა სახელმწიფოს ბაზრებზე.„საწვავის სტაბილური მიწოდების შენარჩუნების მიზნით, ოფიციალური მიმართვები გაეგზავნათ რუსეთის ფედერაციის, ყაზახეთის რესპუბლიკის, ბელარუსის რესპუბლიკის, აზერბაიჯანის რესპუბლიკის, უზბეკეთის რესპუბლიკისა და თურქმენეთის კომპეტენტურ სახელმწიფო ორგანოებს. პარალელურად მიმდინარეობს მოლაპარაკებები მიწოდების დივერსიფიკაციისა და ამ სფეროში საერთაშორისო თანამშრომლობის გაფართოების მიმართულებით“, - ნათქვამია განცხადებაში.ყირგიზეთი ასევე გეგმავს საწვავის შიდა წარმოების გაზრდას. ხელისუფლებამ ნავთობპროდუქტების ბაზრის უზრუნველყოფის საკითხი კომპანია „ყირგიზნეფტეგაზთან“ განიხილა, ხოლო ნავთობგადამამუშავებელ ქარხანა „ჯუნდას“ დაევალა ბენზინისა და სხვა ნავთობპროდუქტების გამოშვების გაზრდა.„ქვეყნის ნავთობპროდუქტების საკმარისი მოცულობით უზრუნველყოფისა და მათი შეუფერხებელი მიწოდების სამუშაოები გეგმურ რეჟიმში გრძელდება. სიტუაცია სახელმწიფო ორგანოების მუდმივი კონტროლის ქვეშაა“, - განაცხადეს სამინისტროში.ყირგიზეთის ნავთობტრეიდერთა ასოციაციის ხელმძღვანელმა, კანატბეკ ეშატოვმა გასულ კვირას განაცხადა შიდა ბაზარზე AI-95 და AI-98 მარკის ბენზინის დეფიციტის შესახებ. მისი თქმით, ქვეყანაში ყველაზე დიდი მოთხოვნა AI-92 მარკის ბენზინზეა, რომელზეც არანაირი პრობლემა არ არსებობს და მისი მარაგი მინიმუმ თვენახევარს ეყოფა.ყირგიზეთის სტატისტიკურ მონაცემებზე დაყრდნობით, რომელიც უზბეკეთის მედიამ შეისწავლა, ცხადყოფს, რომ იანვარ-აპრილში საავტომობილო ბენზინის იმპორტი 19.8%-ით - 270.5 მილიონ ლიტრამდე შემცირდა (გასული წლის ანალოგიურ პერიოდში 337.4 მილიონი ლიტრი იყო). ღირებულებით გამოსახულებაში მიწოდება 14.1%-ით - 127.2 მილიონ დოლარამდე შემცირდა.ყირგიზეთის ძირითად მომწოდებლად კვლავ რუსეთი რჩებოდა: მასზე მოდიოდა 266.6 მილიონი ლიტრი, ანუ ბენზინის მთელი იმპორტის დაახლოებით 98.5%. რუსეთიდან მიწოდება ნატურალურ გამოსახულებაში 15.7%-ით, ხოლო დოლარში 9.8%-ით შემცირდა. ყაზახეთიდან იმპორტი თითქმის 11-ჯერ დაეცა - 19.6 მილიონიდან 1.8 მილიონ ლიტრამდე, მაშინ როცა არაბთა გაერთიანებული საამიროებიდან შემოტანილ იქნა 979.8 ათასი ლიტრი ბენზინი, გასული წლის ნულოვანი მაჩვენებლის საპირისპიროდ.მანამდე გამოცემა Spot წერდა, რომ უზბეკეთში AI-92 მარკის ბენზინის საბირჟო ფასმა 29 ივნისს ისტორიულ მაქსიმუმს მიაღწია და ტონაზე 13.92 მილიონი სუმი შეადგინა. თვის დასაწყისიდან საწვავი თითქმის 12%-ით გაძვირდა, ამასთან, ბირჟაზე მიწოდება ცალკეულ დღეებში თითქმის განახევრდა. ფასების ზრდა დაემთხვა ბენზინის დეფიციტს რუსეთში, სადაც 1 აპრილიდან მოქმედებს ბენზინის ექსპორტის აკრძალვა (ხოლო 1 ივნისიდან - საავიაციო ნავთის), თუმცა ეს შეზღუდვა არ უნდა გავრცელდეს მთავრობათაშორისი შეთანხმებებით გათვალისწინებულ მიწოდებაზე, მათ შორის უზბეკეთში.რუსეთში საწვავის წარმოების პრობლემა ნავთობგადამამუშავებელ ქარხნებზე უკრაინული დრონების დარტყმების შემდეგ გამწვავდა.

1782980894

უწყების განმარტებით, საქართველოს მოქალაქეებს ძვლის ტვინის ტრანსპლანტაციის ოპერაცია როგორც ქვეყნის შიგნით, ისე საზღვარგარეთ უფინანსდებათ. თუმცა, გადანერგვის შემდგომ პაციენტთა ნაწილს უვითარდება რეაქცია GVHD - „ტრანსპლანტატი მასპინძლის წინააღმდეგ“, რა დროსაც დონორის უჯრედები პაციენტის ორგანიზმს ებრძვიან. ასეთ დროს სასიცოცხლოდ მნიშვნელოვანი ხდება მაღალტექნოლოგიური მედიკამენტური თერაპია.საერთაშორისო კლინიკური რეკომენდაციების შესაბამისად, აღნიშნული გართულების მართვის ერთ-ერთ საუკეთესო საშუალებად აღიარებულია პრეპარატი „ჯაკავი“ („რუქსოლიტინიბი“). იგი განსაკუთრებით კრიტიკულია იმ ბენეფიციარებისთვის, რომელთა დაავადება სტანდარტულ ჰორმონალურ მკურნალობას აღარ ექვემდებარება.სამინისტროს გადაწყვეტილებით, მედიკამენტი GVHD რეაქციის მქონე ყველა პაციენტს უფასოდ გადაეცემა. ამასთან, სახელმწიფოს მიერ შესყიდული „ჯაკავი“ უკვე ხელმისაწვდომია ყველა ონკოჰემატოლოგიური დიაგნოზის მქონე ბენეფიციარისთვის, მათ შორის 18 წლამდე ასაკის ბავშვებისთვის.ჯანდაცვის უწყებაში აცხადებენ, რომ აღნიშნული ცვლილებები მნიშვნელოვნად გაზრდის მაღალი ხარისხის მკურნალობაზე ხელმისაწვდომობას და საგრძნობლად შეამსუბუქებს პაციენტთა ოჯახების ფინანსურ ტვირთს.

1782977161

ვითარება განსაკუთრებით კრიტიკულია ანექსირებულ ყირიმში, სადაც საგანგებო მდგომარეობაა გამოცხადებული, საწვავის საცალო გაყიდვა აკრძალულია, ხოლო ნახევარკუნძულის ეკონომიკის მთავარი საყრდენი, ტურიზმი - სრულად ჩამოიშალა.მიუხედავად იმისა, რომ რუსეთის პრეზიდენტი ვლადიმერ პუტინი საჯაროდ სიტუაციის შელამაზებას ცდილობს და აცხადებს, რომ „გარკვეული დეფიციტი კრიტიკული არ არის“, რეალური მასშტაბების დამალვის მიზნით, კრემლმა შიდა ბაზარზე საწვავის ფასების სტატისტიკის გამოქვეყნება შეაჩერა. მიუხედავად ამისა, სოციალურ ქსელებში მასობრივად ვრცელდება კადრები, სადაც ასახულია ბენზინგასამართ სადგურებთან რიგებში მძღოლებს შორის ფიზიკური დაპირისპირების ფაქტები.სააგენტო Reuters-ის ინფორმაციით, კრიზისი იმდენად ღრმავდება, რომ ინდოეთი, რუსული ნედლი ნავთობის უმსხვილესი მყიდველი - საკუთარ გადამუშავებულ ნავთობპროდუქტებს რუსეთში უკან, ექსპორტზე აბრუნებს. ექსპერტების განმარტებით, უკრაინამ მიზანმიმართულად გაანადგურა კატალიზური კრეკინგის დანადგარები, რომელთა შეკეთება ან შეცვლა დასავლური სანქციების ფონზე რუსეთს დამოუკიდებლად არ შეუძლია. „კარნეგის საერთაშორისო მშვიდობის ინსტიტუტის“ ანალიტიკოსის, სერგეი ვკულენკოს თქმით, რუსეთში ბენზინის ხელმისაწვდომობა ამჟამად უკრაინულ დრონებსა და რუსულ სარემონტო ჯგუფებს შორის შეჯიბრზეა დამოკიდებული და უპირატესობა კიევის მხარესაა.კრიზისის პარალელურად, რუსეთში მწვავე დებატები მიმდინარეობს მონეტარულ პოლიტიკაზე. საწვავის დეფიციტი ზრდის ინფლაციურ რისკებს, რის გამოც ქვეყნის ცენტრალურმა ბანკმა, ელვირა ნაბიულინას ხელმძღვანელობით, ივნისში რეფინანსირების განაკვეთი მხოლოდ 14.25%-მდე შეამცირა (მანამდე ბანკს გადახურების საპასუხოდ განაკვეთის 23%-მდე გაზრდაც კი მოუწია). განაკვეთების უფრო სწრაფ შემცირებას აქტიურად ითხოვს უმსხვილესი „სბერბანკის“ ხელმძღვანელი გერმან გრეფი, თუმცა ნაბიულინა აცხადებს, რომ მსგავსი ექსპერიმენტი ქვეყანას სტაგფლაციამდე მიიყვანს.აღსანიშნავია, რომ გრეფიც და ნაბიულინაც ომს პირდაპირ აკავშირებენ მზარდ ეკონომიკურ პრობლემებთან. გრეფის განცხადებით, „ქვეყანაში არ არსებობს ადამიანი, რომელსაც საომარი მოქმედებების სწრაფი დასრულების გარდა სხვა საზრუნავი ჰქონდეს“.ანალიტიკოსების შეფასებით, რუსეთს საწვავთან ერთად ფინანსური რესურსებიც ეწურება. მიმდინარე წლის პირველ ნახევარში სამხედრო და გასაიდუმლოებული ხარჯები ქვეყნის ბიუჯეტის თითქმის ნახევარს შეადგენს. გერმანიის საერთაშორისო და უსაფრთხოების საკითხთა ინსტიტუტის (SWP) ანალიტიკოსის, იანის კლუგეს მონაცემებით, რუსეთის ეროვნული კეთილდღეობის ფონდის ლიკვიდური აქტივები, რომელიც 2022 წლის დასაწყისში მშპ-ის 7%-ს შეადგენდა, მიმდინარე წლის აპრილისთვის კატასტროფულად - მშპ-ის 1.7%-მდე შემცირდა.

1782975777