საქართველოში 11-13 თებერვალს ოფიციალური ვიზიტით ხორვატიის პრეზიდენტი ჩამოდის

2026 წლის იანვრის მდგომარეობით, საქართველოში ფასების საერთო დონე წლიურად 4.8 პროცენტით გაიზარდა. მიზნობრივზე მაღალ ინფლაციას, მეტწილად კვლავ სურსათის ინფლაცია განაპირობებს. ერთი მხრივ, საერთაშორისო ბაზრებზე ცალკეულ სასაქონლო ჯგუფებზე, რომელთაც საქართველოს სამომხმარებლო კალათაში მაღალი წონა აქვთ, ფასები მზარდია, რაც ადგილობრივ ბაზარსაც გადმოეცემა. მეორე მხრივ, საგარეო ფაქტორებთან ერთად,  ადგილობრივად, გარკვეულ პროდუქტებზე ფასის ერთჯერადი კორექტირება და აგრარული პროდუქტების ფასების მერყეობა ინფლაციაზე ზრდის მიმართულებით მოქმედებს. ამავდროულად, საბაზო ინფლაცია, რომელიც  მთლიანი ინფლაციიდან სურსათს, ენერგომატარებლებს და თამბაქოს გამორიცხავს, მიზნობრივი მაჩვენებლის ფარგლებში ნარჩუნდება (იანვარი 2.1 პროცენტი), რაც გრძელვადიანი ინფლაციური მოლოდინების სტაბილურობაზე მიუთითებს. მომსახურების სექტორის ინფლაცია, სადაც ფასების ცვლილება შედარებითი სიხისტით ხასიათდება, იანვრის მდგომარეობით, მცირედით გაიზარდა და 3 პროცენტს შეადგენს. შესაბამისად, ხისტი ფასების საზომები მიუთითებს, რომ ინფლაციური პროცესები ნაკლებად ყოვლისმომცველია. თუმცა, წინა თვესთან შედარებით, ხისტი ფასების ინფლაციის ზომიერი ზრდა ინფლაციური მოლოდინების ზრდის რისკებს აძლიერებს. ამ ტენდენციების ფონზე, სებ-ის განახლებული ცენტრალური სცენარის მიხედვით, ინფლაციის პროგნოზი 2026 წლისათვის მცირედით ზემოთ გადაიხედა. ცენტრალური სცენარის მიხედვით, ინფლაციის მიმდინარე დინამიკა კვლავ დროებითი ხასიათისაა და არ იწვევს ე.წ „მეორე რაუნდის“ ეფექტებს, რაც გულისხმობს, რომ ზეწოლა არ გადადის სხვა საქონლისა და მომსახურების ფასებზე. შესაბამისად, სხვა თანაბარ პირობებში, დროებითი ფაქტორების ზემოქმედების მილევის ფონზე, 2026 წლის მეორე კვარტალიდან ინფლაცია ეტაპობრივად დაუახლოვდება მიზნობრივ მაჩვენებელს და წლის განმავლობაში საშუალოდ 3.7 პროცენტი იქნება.ეკონომიკური აქტივობა თანდათან უბრუნდება თავის გრძელვადიან ზრდის ტემპს, რაც ფასებზე მოთხოვნის მხრიდან წნეხს არბილებს. კერძოდ, სებ-ის განახლებული ცენტრალური სცენარით, რეალური მშპ-ს ზრდა 2026 წელს 5 პროცენტს გაუტოლდება. ეკონომიკის ზრდის ტემპის ნორმალიზაციას დამატებით ხელს შეუწყობს საკრედიტო აქტივობის მის წონასწორულ დონესთან შენარჩუნებაც.მაღალი გაურკვევლობის გათვალისწინებით, ინფლაციაზე ზრდის მიმართულებით მოქმედი რისკები გამოკვეთილია, თუმცა ასევე, კვლავ ნარჩუნდება შემცირების მიმართულებით მოქმედი რისკებიც. აქედან გამომდინარე, მონეტარული პოლიტიკის კომიტეტმა (მპკ) ცენტრალურ სცენართან ერთად განიხილა როგორც მაღალინფლაციური, ისე დაბალინფლაციური რისკების სცენარები და გადაწყვეტილების მიღებისას მხედველობაში მიიღო სხვადასხვა მიმართულებით მოქმედი რისკები.მაღალინფლაციური რისკის სცენარის რეალიზების შემთხვევაში ფუნდამენტური პროცესები მონეტარული პოლიტიკის განაკვეთის უფრო მაღალ ტრაექტორიას მოითხოვს, ვიდრე ცენტრალური სცენარი.  კერძოდ, იანვრის თვეში ხისტი ფასების საზომების წინა თვეებთან შედარებით ზომიერი ზრდა გრძელვადიანი ინფლაციური მოლოდინების ზრდის რისკებს აძლიერებს. ამავდროულად, რეალური ეკონომიკური აქტივობის მაღალ დონეზე შენარჩუნება, მაღალპროდუქტიული სექტორების ზრდის ნორმალიზების ფონზე, ინფლაციაზე დამატებით წნეხს შექმნის. ასევე, ამ სცენარით, გლობალურად გეოპოლიტიკური ვითარების გამწვავების შემთხვევაში, შესაძლებელია საერთაშორისო სასაქონლო ბაზრებზე ფასები მოსალოდნელზე მეტად გაიზარდოს და  ადგილობრივ ბაზარსაც გადმოეცეს.მეორე მხრივ, მონეტარული პოლიტიკის კომიტეტის მიერ განხილული დაბალინფლაციური რისკის სცენარით გათვალისწინებული რისკების რეალიზაცია მონეტარული პოლიტიკის განაკვეთის, ცენტრალურ სცენართან შედარებით, უფრო სწრაფად შემცირების შესაძლებლობას მოიაზრებს. კერძოდ, მაღალპროდუქტიულ სექტორებში ზრდის მაღალი ტემპის შენარჩუნებამ შესაძლოა ეკონომიკის პოტენციური ზრდა დააჩქაროს. აღნიშნულ შემთხვევაში, მიწოდების მხარის გაძლიერება დისინფლაციურად იმოქმედებს და ინფლაცია მიზნობრივ მაჩვენებელს, ცენტრალურ სცენართან შედარებით, უფრო სწრაფად დაუახლოვდება. ამავდროულად, მიმდინარე ეტაპზე ადგილობრივი შრომის ბაზრის ტენდენციები ფასებზე შემცირების მიმართულებით მოქმედებს, რაც დაბალინფლაციური სცენარის განვითარების შესაძლებლობებს აძლიერებს. საგარეო ფაქტორებიდან,  დოლარის სუსტი პოზიციის ხანგრძლივად შენარჩუნება, საერთაშორისო ბაზრებზე ნავთობის ფასის კლებად ტენდენციასთან ერთად, მთლიან ინფლაციაზე შემცირების მიმართულებით იმოქმედებს.მაკროეკონომიკური ანალიზისა და ზემოხსენებული სცენარების განხილვის შედეგად, მპკ-მ ოპტიმალურად მიიჩნია ზომიერად გამკაცრებული მონეტარული პოლიტიკის შენარჩუნება და მონეტარული პოლიტიკის განაკვეთი, უცვლელად, 8 პროცენტზე დატოვა. მონეტარული პოლიტიკის განაკვეთის შემდგომი ცვლილება დამოკიდებული იქნება მომავლის განახლებულ მონაცემებსა და რისკების რეალიზებაზე. ცენტრალური სცენარის შესაბამისად, მხოლოდ მას შემდგომ, რაც მიმდინარე ერთჯერადი ფაქტორები ამოიწურება და ინფლაცია დაუახლოვდება მიზნობრივ დონეს, ეროვნული ბანკი გააგრძელებს მონეტარული პოლიტიკის ნორმალიზებას. თუმცა, თუ სხვადასხვა ერთჯერადი ფაქტორების ზეგავლენის შედეგად ინფლაცია მიზნობრივზე მაღალ დონეზე ხანგრძლივად შენარჩუნდა, მპკ მზად არის არსებული მკაცრი პოზიცია მოსალოდნელზე ხანგრძლივად შეინარჩუნოს და, საჭიროების შემთხვევაში, უფრო მეტად გაამკაცროს.საქართველოს ეროვნული ბანკი ყველა ინსტრუმენტს გამოიყენებს ფასების სტაბილურობის შესანარჩუნებლად, რაც იმას ნიშნავს, რომ ფასების საერთო დონის ზრდა საშუალოვადიან პერიოდში 3 პროცენტთან ახლოს იქნება.მონეტარული პოლიტიკის კომიტეტის შემდეგი სხდომა 2026 წლის 25 მარტს ჩატარდება.

1770797586

საქართველოს რკინიგზის ცნობით, აღინიშნა მარშრუტის გაციფრულების, კერძოდ ელექტრონული  დოკუმენტაციის დანერგვის საჭიროება და ტვირთების მოძრაობის შესახებ ინფორმაციის ოპერატიულად გაცვლის აუცილებლობა, რისთვისაც მხარეებს შორის თანამშრომლობის გრაფიკი გაიწერა. სარკინიგზო და საბორნე მიმოსვლის  არსებული მდგომარეობის შესწავლის მიზნით კი, ერთობლივი ვიზიტი  განხორციელდება თურქმენბაშის პორტში.საქართველოს რკინიგზა, შუა დერეფნის განვითარების ხელშეწყობისთვის, აქტიურად განაგრძობს მუშაობას მარშრუტზე სატვირთო გადაზიდვების მოცულობების გაზრდისა და ტვირთმფლობელებისთვის მომსახურების სწრაფი, თანამედროვე და მოქნილი პირობების შეთავაზების მიზნით.

1770797377

საია-ს განცხადებაში ნათქვამია, რომ ინფორმაცია საქართველოში 2024 წლის გაზაფხულიდან განვითარებულ მოვლენებს ეხება, მათ შორის, „შეკრების, გაერთიანებისა და გამოხატვის თავისუფლებების, წამების აკრძალვის, პოლიტიკური მართლმსაჯულების, სასამართლოს სისტემის გამოწვევებისა და რეპრესიული კანონშემოქმედების შესახებ“.„საქართველოს ახალგაზრდა იურისტთა ასოციაციის“ განმარტებით, საერთო ჯამში, საიამ წარადგინა 7 თემატური ანგარიში და შესაბამისი წყაროები.„ეუთოს 38-მა წევრმა სახელმწიფომ საქართველოში ადამიანის უფლებების საგანგაშო დარღვევებთან დაკავშირებით 2024 წლის დეკემბერში ასევე აამოქმედა ვენის მექანიზმი, რომელიც, როგორც წესი, წინ უძღვის მოსკოვის მექანიზმს და ეუთოს წევრ სახელმწიფოებს შესაძლებლობას აძლევს, შეკითხვები დაუსვან სხვა წევრ სახელმწოფოს. საქართველოსთვის დასმული შეკითხვები ეხებოდა აქციებთან დაკავშირებული უფლებების დარღვევების გამოძიების ეფექტიანობას და მსგავსი შემთხვევების თავიდან ასაცილებლად გადადგმულ ნაბიჯებს.საიამ „მოსკოვის მექანიზმის“ ფარგლებში წარადგინა ინფორმაცია საქართველოში 2024 წლის გაზაფხულიდან განვითარებულ მოვლენებთან დაკავშირებით, მათ შორის, შეკრების, გაერთიანებისა და გამოხატვის თავისუფლებების, წამების აკრძალვის, პოლიტიკური მართლმსაჯულების, სასამართლოს სისტემის გამოწვევებისა და რეპრესიული კანონშემოქმედების შესახებ. საერთო ჯამში საიამ წარადგინა 7 თემატური ანგარიში და შესაბამისი წყაროები.„მოსკოვის მექანიზმისთვის“ წარდგენილი ინფორმაცია მიმოიხილავს როგორც 2024 წლის გაზაფხულის აქციების ძალადობრივ დარბევას, არასათანადო მოპყრობის შემთხვევებსა და უსაფუძვლო დაკავებებს, ასევე 2024 წლის ნოემბრის შემდგომ გამოვლენილი წამებისა და არასათანადო მოპყრობის სისტემურ პრაქტიკას, დაუსჯელობის კულტურასა და არაეფექტიან გამოძიებებს. კომუნიკაცია ასევე ყურადღებას ამახვილებს წყლის ჭავლში ქიმიური საშუალებების შერევის არაპროპორციულ და საფრთხის შემცველ პრაქტიკაზე და აღნიშნულთან დაკავშირებით ობიექტური გამოძიების აუცილებლობაზე.კომუნიკაცია დამატებით აანალიზებს 2024 წლის შემდგომ მიღებულ რეპრესიულ კანონმდებლობას, მათ შორის, გამოხატვის თავისუფლების შეზღუდვას, მედიის რეგულირების გამკაცრებას, კრიმინალიზაციის მიზნით ახალი სისხლისსამართლებრივი და ადმინისტრაციული რეგულირებების შემოღებას, მართლმსაჯულების პოლიტიკური მიზნებისთვის გამოყენებას.კომუნიკაციაში ასევე გაანალიზებულია საქართველოში სამოქალაქო საზოგადოების წინააღმდეგ მიმართული ქმედებები, მათ შორის საკანონმდებლო ცვლილებები და მათი დამანგრეველი გავლენა გაერთიანების თავისუფლებასა და საზოგადოებრივ ცხოვრებაში ჩართულობაზე. ხაზგასმულია, რომ ამჟამად ინიციირებული საკანონმდებლო ცვლილებები იწვევს სამოქალაქო აქტივობის ფაქტობრივ კრიმინალიზებას და სამოქალაქო საზოგადოების გაქრობისაკენ არის მიმართული.საიას მიერ წადგენილი ინფორმაცია მოიცავს შვიდ მცირე თემატურ დოკუმენტს, რომლებიც ეფუძნება ორგანიზაციის კვლევებსა და შეფასებებს, საერთაშორისო ორგანიზაციების ანგარიშებს და საჯაროდ ხელმისაწვდომ ინფორმაციას. თითოეული დოკუმენტი შეიცავს საიას მიერ გამოქვეყნებული რელევანტური პუბლიკაციების ჩამონათვალს“,-აღნიშნულია საია-ს მიერ გავრცელებულ ინფორმაციაში.ვრცლად იხილეთ ბმულზე.

1770795106

აზერბაიჯანი აშშ–ის მადლიერია „პოლიტიკური პრაგმატიზმის“ გამო.“სტრატეგიული პარტნიორობის შესახებ ქარტიის” ხელმოწერის შემდეგ ვენსმა აღნიშნა, რომ აშშ-სა და აზერბაიჯანს “ხანგრძლივი და მნიშვნელოვანი სტრატეგიული პარტნიორობა აქვთ”.ვენსმა ასევე განაცხადა, რომ “ტრამპის გზა საერთაშორისო მშვიდობისა და კეთილდღეობისთვის” (TRIPP) უკვე მოქმედებს და დამატებით ეკონომიკურ შესაძლებლობებს შექმნის და აზერბაიჯანისთვის ბუნებრივი რესურსების ექსპორტს გაამარტივებს.ამასთან, სომხეთი აცხადებს, რომ მზადაა აზერბაიჯანთან სამშვიდობო შეთანხმების ხელმოსაწერად 7 ივნისს ჩანიშნულ საპარლამენტო არჩევნებამდე. ფაშინიანმა ისიც განაცხადა, რომ სომხეთი „არასოდეს მოქმედებდა და არც მომავალში იმოქმედებს რუსეთის ფედერაციის წინააღმდეგ“.ბაქოში ვიზიტამდე, აშშ-ის ვიცეპრეზიდენტი იმყოფებოდა ერევანში, სადაც მას უმასპინძლა სომხეთის პრემიერმინისტრმა ნიკოლ ფაშინიანმა და სადაც ხელი მოაწერეს შეთანხმებას სამოქალაქო ბირთვული ენერგეტიკის სექტორში თანამშრომლობის თაობაზე, რომელიც სომხეთში $9 მლრდ–ის მოცულობის ამერიკული ინვესტიციების ჩადებას ითვალისწინებს.აშშ-სა და სომხეთს შორის სტრატეგიული პარტნიორობის ქარტიას 2025 წლის 14 იანვარს ხელი მოაწერეს აშშ-ის სახელმწიფო მდივანმა ენტონი ბლინკენმა და სომხეთის საგარეო საქმეთა მინისტრმა არარატ მირზოიანმა.საქართველოსთან სტრატეგიული პარტნიორობის შესახებ 2009 წლის 9 იანვარს ვაშინგტონში ხელმოწერილი ქარტია კი 2024 წლის ნოემბერში ვაშინგტონმა შეაჩერა. ამის მიზეზად დასახელდა საქართველოს დემოკრატიული უკუსვლა და ხელისუფლების ანტიდასავლური რიტორიკა.

1770792816

ფორუმზე საქართველოს ეკონომიკაში მიმდინარე ტენდენციების შესახებ პრეზენტაცია გალტ & თაგარტის კვლევების დეპარტამენტის ხელმძღვანელმა, ევა ბოჭორიშვილმა წარადგინა.„საქართველოს ბიზნეს ასოციაციის მიერ ორგანიზებულ უძრავი ქონების საერთაშორისო ფორუმზე საქართველოს მაკროეკონომიკური მიმოხილვა წარვადგინეთ და მონაწილეებს ეკონომიკაში მიმდინარე ძირითადი ტენდენციები გავაცანით. განსაკუთრებული ყურადღება დაეთმო ეკონომიკური ზრდის მამოძრავებელ ფაქტორებს, საინვესტიციო გარემოსა და იმ სექტორულ ტენდენციებს, რომლებიც გავლენას ახდენენ უძრავი ქონების ბაზარზე. საერთაშორისო ინვესტორებს გავაცანით საქართველოს უძრავი ქონების ბაზრის ძირითადი მამოძრავებელი ფაქტორები და ის პოტენციალი რაც ამ სექტორში არის“, - განაცხადა გალტ & თაგარტის კვლევების დეპარტამენტის ხელმძღვანელმა, ევა ბოჭორიშვილმა.

1770786900

ფორუმის გახსნის ცერემონიაზე სიტყვით გამოვიდნენ საქართველოს პრემიერ-მინისტრი ირაკლი კობახიძე, თბილისის მერი კახა კალაძე და  Aqualia-ს აღმასრულებელი დირექტორი სანტიაგო ლაფუენტე.  გამოსვლებში ხაზი გაესვა წყლის სექტორის მნიშვნელობას ქვეყნის მდგრადი განვითარების, ეკონომიკური პოლიტიკისა და მოსახლეობისთვის ხარისხიანი წყალმომარაგების უზრუნველყოფის კონტექსტში.ორი დღის განმავლობაში ფორუმის მონაწილეები იმსჯელებენ წყლის სექტორის განვითარების საკვანძო საკითხებზე, მათ შორის სახელმწიფო პოლიტიკასა და მართვის მომავალ ხედვაზე, წყლის პოლიტიკისა და რეგულირების არქიტექტურაზე, წყალმომარაგების ინფრასტრუქტურაში ინვესტიციების მნიშვნელობაზე, სატარიფო სისტემების გლობალურ მოდელებსა და ადგილობრივ რეალობაზე, ასევე საქართველოში საინვესტიციო და სატარიფო პოლიტიკების ურთიერთკავშირზე. განსაკუთრებული ყურადღება დაეთმობა საერთაშორისო გამოცდილების გაზიარებასა და საჯარო და კერძო სექტორებს შორის პარტნიორობის როლს მდგრადი სისტემების ჩამოსაყალიბებლად.ფორუმის ფარგლებში წყალი განიხილება არა მხოლოდ როგორც კომუნალური სერვისი, არამედ როგორც ქვეყნის ეკონომიკური სტაბილურობის, საზოგადოებრივი ჯანმრთელობისა და გრძელვადიანი მდგრადობის ერთ-ერთი ფუნდამენტური საფუძველი.ღონისძიების ფარგლებში იმსჯელებენ საქართველოს პოტენციალზე, ჩამოყალიბდეს რეგიონული დიალოგისა და თანამშრომლობის ჰაბად წყლის რესურსების მართვის მიმართულებით. ქვეყნის გეოგრაფიული მდებარეობა, ინსტიტუციური განვითარება და საერთაშორისო პარტნიორობის ერთობლიობა ქმნის შესაძლებლობას, საქართველომ შეასრულოს საკვანძო როლი რეგიონში წყლის სექტორის განვითარების დღის წესრიგის ფორმირებაში.ფორუმზე განსაკუთრებული ყურადღება დაეთმობა ინვესტიციებსა და სოციალური სამართლიანობის ბალანსს, როგორც წყლის სექტორის გრძელვადიანი მდგრადობის აუცილებელ პირობას. განიხილება ისეთი მიდგომები, რომლებიც ერთი მხრივ იცავს მომხმარებლების, მათ შორის მოწყვლადი ჯგუფების ინტერესებს, ხოლო მეორე მხრივ ქმნის რესურსს ინფრასტრუქტურის განახლებისა და მომსახურების ხარისხის გაუმჯობესებისთვის.მაღალი დონის საერთაშორისო დიალოგი ქმნის შესაძლებლობას წყლის სექტორში რეფორმების გაძლიერებისთვის, ინვესტიციების წახალისებისა და გრძელვადიანი, მდგრადი განვითარების უზრუნველსაყოფად. ჯორჯიან უოთერ ენდ ფაუერი, Aqualia და პარტნიორი ორგანიზაციები აცხადებენ მზადყოფნას, მომავალშიც გააგრძელონ თანამშრომლობა წყლის მართვის თანამედროვე, ეფექტიანი და მაღალი სტანდარტების მქონე მოდელის განვითარებისთვის საქართველოში.(R)

1770734227

„კრისტალი“ აღნიშნულ კონკურსში ზედიზედ შვიდი წელია მონაწილეობს და ყოველწლიურად  იღებს ჯილდოს, რაც კომპანიის საქმიანობის გამჭვირვალობის მიმართ თანმიმდევრულ მიდგომაზე მიუთითებს.მიღებული აღიარება ნათლად უსვამს ხაზს მიკრობანკ „კრისტალის“ წარმატებულ და სტაბილურ განვითარებას და ადასტურებს, რომ გამჭვირვალობა და ღიაობა ორგანიზაციის ერთ-ერთ ძირითად ღირებულებად რჩება. „ფინანსური ინსტიტუტისთვის მსგავსი აღიარება განსაკუთრებული მნიშვნელობის მატარებელია. 2025 წელს მიკრობანკის სტატუსის მიღებამ კიდევ უფრო მეტად გაზარდა ჩვენი პასუხისმგებლობა გამჭვირვალობის, ანგარიშვალდებულებისა და კორპორაციული მმართველობის მაღალი სტანდარტების მიმართ. BARTA 2025-ზე მიღებული ჯილდო კიდევ ერთხელ ადასტურებს, რომ ამ მიმართულებით სწორ გზაზე ვდგავართ და ეს მიდგომა გვეხმარება როგორც პარტნიორების, ინვესტორებისა და მომხმარებლების ნდობის გაზრდაში, ისე ჩვენი ინსტიტუციური მდგრადობისა და განვითარების უზრუნველყოფაში“, - აღნიშნავს მიკრობანკი „კრისტალის“ გენერალური დირექტორი ილია რევია.BARTA მსოფლიო ბანკისა და საქართვგელოს ეროვნული ბანკის მხარდაჭერით, ბუღალტრული აღრიცხვის, ანგარიშგებისა და აუდიტის რეფორმების ზედამხედველობის სამსახურთან თანამშრომლობით ტარდება. გამარჯვებულებს ადგილობრივი და საერთაშორისო ექსპერტებისგან დაკომპლექტებული ჟიური ავლენს. კონკურსის მიზანია ქართული კომპანიების ანგარიშგებისა და გამჭვირვალობის ხარისხის გაუმჯობესება, კორპორაციული ანგარიშგების საერთო სტანდარტების განვითარება და ბიზნესგარემოში ჯანსაღი კონკურენციის წახალისება. მდგრადი და სისტემური ანგარიშგების მიმართულებით მიღებული აღიარება მნიშვნელოვან როლს ასრულებს როგორც ადგილობრივ, ისე საერთაშორისო დონეზე ინვესტორთა ნდობის გაძლიერებასა და კომპანიის საქმიანობისადმი ინტერესის ზრდაში.მიკრობანკი “კრისტალის” შესახებ:მიკრობანკი “კრისტალი” საქართველოში მოქმედი წამყვანი ფინანსური ინსტიტუტია, რომელიც დინამიურად იზრდება და ვითარდება. კომპანიამ 2025 წლის 12 თებერვალს, საქართველოს ეროვნული ბანკისგან მიკრობანკის ლიცენზია მიიღო. ლიცენზიის მიღებას კრისტალი 27-წლიანი გამოცდილებით და სანდო იმიჯით, 600 მილიონი ლარის სასესხო პორტფელით, 47 ფილიალში დასაქმებული 1 000-ზე მეტი თანამშრომლით და ქვეყნის მასშტაბით 100 000 -ზე მეტი უნიკალური მომხმარებებლით შეხვდა. კრისტალის პარტნიორები არიან საერთაშორისო და ადგილობრივი მსხვილი ფინანსური ინსტიტუტები. (R)

1770724917

საპენსიო ფონდის შეფასებით, 2026 წელი საკმაოდ კარგად დაიწყო საპენსიო ფონდის ყველა პორტფელისთვის, რომელშიც ტრადიციულად ლიდერობდა დინამიკური პორტფელი: დინამიკური – 2.76% დაბალანსებული – 2.06% კონსერვატიული – 1.49% ამასთან, დინამიკური პორტფელი შექმნის დღიდან (2023 წლის 6 აგვისტო) გაწლიურებული შემოსავლის მიხედვითაც ლიდერობს და მისი შემოსავლიანობა 15%-ს უტოლდება, ხოლო დაბალანსებული და კონსერვატიული პორტფელებისათვის შესაბამისი მაჩვენებლები 13.5% და 12.1%-ს შეადგენს.იანვრის ბოლოსთვის საქართველოს საპენსიო ფონდის აქტივებმა ₾8.5 მლრდ-ს გადააჭარბა, ხოლო დაგენერირებული შემოსავლიანობა ₾2.4 მლრდ-ს მიაღწია.საპენსიო სქემაში გაწევრიანებულ მონაწილეთა რაოდენობა 1 მილიონ 715 ათასი ადამიანია. 2026 წლის 31 იანვრის მდგომარეობით, დაგროვებითი პენსიით ისარგებლა 27,643 - მა პირმა, მათზე პენსიის სახით გაიცა 129,544,402.18 ლარი. 

1770721874