კობახიძე საქართველოს წყლის რესურსების სტრატეგიულ მართვაში რეგიონულ ლიდერად ხედავს

ფინანსთა მინისტრმა სტუმარს გააცნო ქვეყნის მაკროეკონომიკური ვითარება და ფისკალური პარამეტრები, ხაზი გაესვა მთავრობის მიერ განხორციელებულ და დაგეგმილ ღონისძიებებს, რომელთა მიზანია ქვეყნის მდგრადი განვითარების მხარდაჭერა.შეხვედრას დაესწრნენ ფინანსთა მინისტრის მოადგილე ეკატერინე გუნცაძე, გაეროს განვითარების პროგრამის მუდმივი წარმომადგენელი დაგლას უები, გაეროს ქალთა ორგანიზაციის ხელმძღვანელი საქართველოში კაორი იშიკავა და გაეროს მუდმივი კოორდინატორის ოფისის ეკონომისტი ერიკ ანდერმო.

1770719125

RAW Wine ერთ-ერთი გამორჩეული საერთაშორისო გამოფენაა, სადაც მაღალი ხარისხის ბუნებრივი, ორგანული და ბიოდინამიკური ღვინოების მწარმოებლები იკრიბებიან. გამოფენის ორგანიზატორია ცნობილი ღვინის მაგისტრი საფრანგეთიდან იზაბელ ლეგერონი. მიმდინარე წელს, პარიზის გამოფენაზე 16 ქვეყნის 200-მდე ბუნებრივი ღვინის მწარმოებელი იყო წარმოდგენილი, მათ შორის, მეღვინეობის ტრადიციებით სახელგანთქმული ისეთი ქვეყნები, როგორებიცაა საფრანგეთი, იტალია, ესპანეთი, პორტუგალია და სხვა. ტრადიციულად, ქართული ღვინის მიმართ ინტერესი დიდი იყო ღვინის პროფესიონალებისა და ვიზიტორების მხრიდან.გამოფენას ღვინის ეროვნული სააგენტოს თავმჯდომარე, ლევან მეხუზლა დაესწრო.„მიმდინარე წელს აქტიურად ვაგრძელებთ მცირე მარნების მხარდაჭერას, რათა მათი პროდუქცია ფართოდ იყოს წარმოდგენილი საერთაშორისო გამოფენებზე. RAW Wine ქართველ მეღვინეებს აძლევს შესაძლებლობას მოიძიონ ახალი პარტნიორები და საექსპორტო ბაზრები. საქართველოს წარმოდგენა ბუნებრივი ღვინოების ამ პრესტიჟულ გამოფენაზე მნიშვნელოვანია ქვევრის ღვინის პოპულარიზაციისთვის, მცირე და საშუალო მარნების განვითარებისთვის.  მსგავს საერთაშორისო გამოფენებში მონაწილეობა მეღვინეებს აძლევს მოტივაციას, უფრო მეტად იზრუნონ საკუთარი პროდუქციის ხარისხსა და იმიჯზე“, - აღნიშნა ლევან მეხუზლამ. გამოფენას საფრანგეთის რესპუბლიკაში საქართველოს საელჩოს საგანგებო და სრულუფლებიანი დესპანი ეკატერინე კოკაია და კონსული რუსუდან დიდებულიძე დაესწრნენ. RAW Wine-ზე ღვინის წარსადგენად, ქართველმა მეღვინეებმა მხარდაჭერა საფრანგეთის რესპუბლიკაში საქართველოს საელჩოსგანაც მიიღეს.აღსანიშნავია, რომ ღვინის ეროვნული სააგენტოს მხარდაჭერით, 2026 წელს, ქვევრის ღვინის მწარმოებელი მარნები RAW Wine-ის გამოფენებში სხვადასხვა ქვეყანაში მიიღებენ მონაწილეობას.

1770717105

ღონისძიება მიზნად ისახავს, მეცნიერების, ტექნოლოგიების, ინჟინერიის, ხელოვნებისა და მათემატიკის (STEAM) სფეროებში ქალებისა და გოგოების ჩართულობისა და პროფესიული განვითარების ხელშეწყობას. 11 თებერვალს, ბიზნესისა და ტექნოლოგიების უნივერსიტეტში (BTU) ერთ სივრცეში გაერთიანდებიან ტექნოლოგიების სფეროში მოღვაწე ქალები, ახალგაზრდა პროფესიონალები და სტუდენტები, გამოცდილების გასაზიარებლად, შთაგონების მისაღებად და ახალი პროფესიული შესაძლებლობების შესაქმნელად.ღონისძიების ფარგლებში გაიმართება: საქართველოში ტექნოლოგიების სფეროში წარმატებული ქალების გამოსვლები ვორქშოპები და მასტერკლასები ინტელექტუალური და სახალისო თამაშები ნეთვორქინგის სივრცე. "ჩვენ მხარს ვუჭერთ ინიციატივებს, რომლებიც ტექნოლოგიებში ინკლუზიურობას, ახალგაზრდების ჩართულობასა და, მთლიანობაში, ქვეყნის ტექნოლოგიების ეკოსისტემის გაძლიერებას ემსახურება. გვჯერა, რომ მრავალფეროვნება და ინკლუზიურობა ტექნოლოგიური პროგრესის ერთ-ერთი მთავარი მამოძრავებელია და ამ მიმართულებით ახალგაზრდების განათლება კი ქვეყნის ეკონომიკური განვითარების საწინდარი," - აცხადებენ სელფი მობაილში.

1770711384

როგორც პრემიერმა აღნიშნა, მთავარი ამოცანაა, რომ საქართველოში ტექნიკური დისციპლინები განვითარდეს თვისებრივად.„ძალიან მნიშვნელოვანი იყო ჯანსაღი დისკუსია, რაც შედგა გუშინ აკადემიურ პერსონალთან, უნივერსიტეტის ხელმძღვანელობასთან. ჩვენ მოვუსმინეთ მათ და გავითვალისწინეთ მათი ინტერესები, პოზიციები. მათი არგუმენტები მივიღეთ მხედველობაში და საბოლოო ჯამში, ძალიან მნიშვნელოვანი იყო ის გადაწყვეტილება, რომელზეც ყველა ერთად შევჯერდით  საქართველოს ტექნიკური უნივერსიტეტის წარმომადგენლებთან ერთად. ჩვენი მთავარი ამოცანაა, რომ საქართველოში ტექნიკური დისციპლინები განვითარდეს თვისებრივად. დღეს გვაქვს სერიოზული ხარვეზები ამ მიმართულებით, ისევე, როგორც ნებისმიერი სხვა მიმართულებით. ამიტომ, განსაკუთრებული ყურადღება დაეთმობა ტექნიკურ დისციპლინებს, საინჟინრო ტექნიკურ მიმართულებას. ჩვენ გვაქვს გამოწვევები, როგორც სახელმწიფო, ისე კერძო სექტორს, სხვადასხვა მიმართულებით გვჭირდება კადრები, გვჭირდება სამუშაო ძალა. ეს ეხება მშენებლებს, ინჟინრებს, არქიტექტორებს და ა.შ. ჩვენ უნდა გავამდიდროთ ჩვენი ქვეყნის რესურსი ამ მიმართულებით. ამისთვის, განსაკუთრებული ყურადღება დაეთმობა ტექნიკური უნივერსიტეტის რესურსების გაძლიერებას", -  განაცხადა პრემიერმა.ირაკლი კობახიძემ ორშაბათს საღამოს განაცხადა, რომ ტექნიკური უნივერსიტეტი ფუნქციონირებას განაგრძობს საქართველოს დამოუკიდებლობის წლებამდე პერიოდის მოდელით და მხოლოდ ოთხმოცდაათიან წლებამდე არსებულ ფაკულტეტებს შეინარჩუნებს. 

1770711240

იური ლუიკი იმედს იტოვებს, რომ საქართველო დაუბრუნდება დემოკრატიის გზას, რომელსაც ქართველი ხალხის უმრავლესობა უჭერს მხარს.„შავი ზღვა, განსაკუთრებით ახლა, როდესაც რუსეთის მიერ უკრაინაში მიმდინარე აგრესიას ვუყურებთ, ერთ-ერთი მთავარი სტრატეგიული ადგილია. ცხადია, მრავალი მიზეზის გამო, ეს რთული გარემოა. მონტროს კონვენციის გამო, რა თქმა უნდა, NATO-ს შავ ზღვაზე თავისუფალი წვდომა არ აქვს. ამიტომ, შავი ზღვის აუზის ნატოს ქვეყნებს, მათ შორის, თურქეთს, რუმინეთს და ბულგარეთს, უზარმაზარი პასუხისმგებლობა აკისრიათ. ცხადია, შავი ზღვის გარშემო არსებული სიტუაცია უფრო ფართო, რეგიონულ კონტექსტში უნდა განვიხილოთ.მართალია, რომ სომხეთსა და აზერბაიჯანს შორის მიღწეულმა შეთანხმებამ და ურთიერთგაგებამ რეგიონის მიმართ დადებითი განწყობა და დიდი იმედი გააჩინა. როდესაც სომხურ-აზერბაიჯანული ურთიერთობების მომავალს უყურებ, განსაკუთრებით ორი ლიდერის, [სომხეთის პრემიერ-მინისტრის ნიკოლ] ფაშინიანისა და [აზერბაიჯანის პრეზიდენტ ილჰამ] ალიევის პოზიციების გათვალისწინებით, როგორც ჩანს, ყველაფერი სწორი მიმართულებით მიდის. კიდევ ერთხელ უნდა ვთქვა, რომ პრეზიდენტი ტრამპი და მისი ადმინისტრაცია შექებას იმსახურებს, რომლებმაც დიდი შრომა გასწიეს ამ ორი ქვეყნის მოლაპარაკების მაგიდასთან მისაყვანად, მით უმეტეს, მათ შორის რთული წარსულის გათვალისწინებით. ვნახოთ, რა მოხდება, მაგრამ [ახლა სიტუაცია] იმედის მომცემია.რაც შეეხება საქართველოს, ჩემთვის ეს განსაკუთრებით სამწუხარო ამბავია. მე ყოველთვის დემოკრატიული საქართველოს მტკიცე მხარდამჭერად მივიჩნევდი თავს. იქ არაერთხელ ვარ ნამყოფი. ვიყავი საქართველოს თავდაცვის სამინისტროს მრჩეველი… და ახლა იმის დანახვა, როგორ იშლება ქართული დემოკრატია და როგორ ძლიერდება რუსული გავლენა სულ უფრო და უფრო… ეს ძალიან ცუდია საქართველოსთვის და ქართველი ხალხისთვის, მაგრამ ასევე ძალიან ცუდია მთელი რეგიონისთვის, რადგან საქართველო დემოკრატიის შუქურა იყო. საქართველო იყო ქვეყანა, რომელიც სხვა ქვეყნებს იმედს აძლევდა. მაგრამ, რა თქმა უნდა, იმედი მაქვს, რომ საქართველო დაუბრუნდება გზას, რომელსაც ვფიქრობ, ქართველი ხალხის უმრავლესობა უჭერს მხარს - დემოკრატიას“, - განაცხადა იური ლუიკმა.

1770708346

ამასობაში, სომხეთის პრემიერ–მინისტრთან ნიკოლ ფაშინიანთან გამართული დახურული შეხვედრის შემდეგ ვიცე–პრეზიდენტმა ჯეი დი ვენსმა ერთობლივ პრეს–კონფერენციაზე განაცხადა, რომ აშშ სომხეთის ენერგეტიკაში $9 მლრდ–ის ინვესტიციას განახორციელებს და ქვეყანას მცირე მოდულურ რეაქტორებს მიაწვდის.ვენსმა ისიც დასძინა, რომ სომხეთმა და აშშ–მა ბირთვულ სფეროში თანამშრომლობის შეთანხმებას მოაწერეს ხელი – „შეთანხმება 123“. „ეს სომხურ და ამერიკულ კომპანიებს სამომავლო პროგრამების რეალიზაციის კარს გაუღებს. საუბარია თავდაპირველ ინვესტიციაზე $5 მილიარდის მოცულობით, შემდგომ კიდევ $4 მილიარდზე“, – თქვა ჯეი დი ვენსმა.აშშ–ის ვიცე–პრეზიდენტი ერევანში 9 თებერვალს ჩავიდა, სადაც ნიკოლ ფაშინიანთან გამართა მოლაპარაკებები. დღეს, 10 თებერვალს, იგი აზერბაიჯანში გაემგზავრება, სადაც პრეზიდენტ ილჰამ ალიევთან გამართავს მოლაპარაკებებს. ჯეი დი ვენსის კავკასიური ტურნე, რომელიც საქართველოში სტუმრობას არ მოიცავს, „ტრამპის მარშრუტის“ მასშტაბური პროექტის რეალიზაციის ხელშეწყობის მიზნით დაიგეგმა. 

1770708033

TI-ის განმარტებით, 100 - ბალიან შკალაზე 50 საშუალო შედეგია, ხოლო საქართველოს ასეთი დაბალი ქულა 2013 წლის შემდეგ არ ჰქონია, მიუხედავად იმისა, რომ აღმოსავლეთ ევროპისა და შუა აზიის რეგიონში ის პირველობას ინარჩუნებს.„კორუფციის აღქმის ინდექსი ძირითადად ზომავს, თუ რამდენად არის კორუფციისადმი მოწყვლადი ამა თუ იმ ქვეყნის საჯარო სექტორი, მაგალითად, რამდენად არის გავრცელებული წვრილმანი მექრთამეობა. საქართველოს საშუალო ქულა მიუთითებს სწორედ იმაზე, რომ ქვეყანაში წვრილმანი მექრთამეობა საყოველთაოდ გავრცელებული არ არის, თუმცა ინდექსი არ ზომავს კორუფციის ისეთ კომპლექსურ ფორმებს, როგორიცაა სახელმწიფოს მიტაცება და კლეპტოკრატია. საქართველოში კორუფციის მხრივ მთავარი გამოწვევა კი სწორედ ესაა.კორუფციის აღქმის ინდექსი 181 ქვეყანაში ტარდება. ქვეყნები 100 ბალიანი სისტემით ფასდება, სადაც 100 დადებითი, ხოლო 0 უარყოფითი შედეგია.2025 წლის შედეგების თანმდევი ანალიზის მიხედვით, საქართველოს ქულის კლება და შესაბამისად, კორუფციის რისკის ზრდა პირდაპირაა დაკავშირებული დემოკრატიის უკუსვლასთან და ქვეყანაში ავტოკრატიის აღზევებასთან:საქართველოს შემთხვევაში კარგად ჩანს, ​​თუ როგორ უწყობს ხელს დემოკრატიული უკუსვლა პირდაპირ კორუფციის რისკებს. მმართველი პარტიის მიერ შემოღებული ე.წ. „უცხოელი აგენტების“ კანონი და გრანტების კანონი ანტიდემოკრატიული ზომებია, რომლებიც არასამთავრობო ორგანიზაციების ლეგიტიმური საქმიანობის კრიმინალიზებას ახდენს და დამოუკიდებელ აქტორებს უცხოელ აგენტებად აცხადებს.პარტიამ ასევე გააძლიერა განსხვავებული აზრის წინააღმდეგ პოლიტიკურად მოტივირებული სისხლისსამართლებრივი დევნა, მედიის შეზღუდვა, არასამთავრობო ორგანიზაციების საბანკო ანგარიშების გაყინვა და მომიტინგეებისა და ჟურნალისტების ძალადობრივი დარბევა.2024 წლის სადავო არჩევნებისა და ევროკავშირთან ინტეგრაციის მოლაპარაკებების შეჩერების შემდეგ, საერთაშორისო დამკვირვებლები საქართველოში ავტორიტარულ შემობრუნებაზე საუბრობენ, რაც გამოიხატება ოპოზიციური პარტიების აკრძალვისა და საჯარო სამსახურზე, პოლიციასა და სასამართლოზე პოლიტიკური კონტროლის გაღრმავების მცდელობით. ეს მწვავედ ზრდის კორუფციის რისკებს და მთლიანობაში აზიანებს ქართულ საზოგადოებას.ქვეყნების თითქმის ორ მესამედში, რომელთა CPI ქულები მნიშვნელოვნად შემცირდა 2012 წლიდან, შეინიშნება გამოხატვის, გაერთიანებისა და შეკრების თავისუფლების შეზღუდვის შემაშფოთებელი ტენდენცია.ბოლო ათწლეულის განმავლობაში, ისეთ ქვეყნებში, როგორიცაა საქართველო, ინდონეზია, პერუ და ტუნისი არასამთავრობო ორგანიზაციების საქმიანობაში პოლიტიზირებული ჩარევის შედეგად, მთავრობებმა მიიღეს ახალი კანონები დაფინანსებაზე წვდომის შესაზღუდად ან იმ ორგანიზაციების პირდაპირ დასახურად, რომლებიც მთავრობას ამოწმებენ და აკრიტიკებენ. ამ პროცესს ხშირად თან ახლავს ცილისწამების კამპანიები და დაშინება.ასეთ კონტექსტში დამოუკიდებელი ჟურნალისტებისთვის, სამოქალაქო საზოგადოების ორგანიზაციებისთვის და მამხილებლებისთვის უფრო რთულია კორუფციაზე თავისუფლად საუბარი, ხოლო კორუმპირებული თანამდებობის პირების მხრიდან იზრდება ძალაუფლების ბოროტად გამოყენების რისკი“, - ნათქვამია „საერთაშორისო გამჭვირვალობა - საქართველოს“ განცხადებაში.

1770706431

მხარეებმა სატვირთო გადაზიდვები და გაუმჯობესებული სერვისები განიხილეს. "საქართველოს რკინიგზის გენერალურმა დირექტორმა ხელი მოაწერა დოკუმენტს, რომლის ფარგლებშიც აღნიშნული ქვეყნები ასოციაციის ფარგლებში გააღრმავებენ თანამშრომლობას, რაც გააძლიერებს საქართველოს, როგორც სატრანზიტო ქვეყნის როლს, გაზრდის ტვირთნაკადების მოზიდვის პოტენციალს და ხელს შეუწყობს ევროპასა და აზიას შორის სატრანსპორტო დერეფნების განვითარებას", - წერს საქართველოს რკინიგზა.

1770661958