თბილისი (GBC) - მიხეილ ყაველაშვილს პირველი საგარეო ვიზიტი აზერბაიჯანში 14-15 აპრილს ექნება. მოგვიანებით კი იგი სომხეთში ჩავა. ყაველაშვილის დაგეგმილი ვიზიტების შესახებ ინფორმაცია მისმა მრჩეველმა საერთაშორისო ურთიერთობების საკითხებში ლუკა ეხვაიამ გაავრცელა.
სომხეთში ვიზიტის თარიღი დასაზუსტებელია, როგორც მან სამზაუზე თქვა. თვის ბოლოსთვის ივარაუდება.
სავარაუდოდ, თვის ბოლოს. რიცხვები ჯერ არ არის განსაზღვრული“, – თქვა მან საზმაუს პოდკასტში
20 მარტს ცნობილი გახდა, რომ მიხეილ ყაველაშვილის მრჩევლად საერთაშორისო ურთიერთობების საკითხებში ლუკა ეხვაია დაინიშნა.
ეხვაიას აქვს Tik-Tok ანგარიში, „ფუკოს ქანქარა”, სადაც ის საერთაშორისო საკითხებს მიმოიხილავს. ანგარიშის აღწერაში მითითებულია, რომ „ფაქტებს ჰკიდიათ ემოციები”.
„უცნობთან“სტუმრობისას, ჯერ კიდევ შარშან, როცა განიხილეს ჩინეთის „შესაძლო მედიაცია“ საქართველოსა და რუსეთს შორის, ეხვაიამ თქვა: „ჩინეთი ჯერ ისე მსხვილად ვერ არის ჩვენს რეგიონში წარმოდგენილი, რომ ასეთი მოლოდინები გაგვიჩნდეს. მაგრამ, თუ ეს სერიოზულ პარტნიორობაში გადაიზრდება და მეგაპროექტები განხორციელდება, - თუნდაც ანაკლიის ღრმაწყლოვანი პორტის, - მაშინ უკვე ამაზე საუბარი შეიძლება“.
ლუკა ეხვაია აშშ-ის მიერ საქართველოსთან სტრატეგიული თანამშრომლობის გაწყვეტას მიიჩნევს „დიდ ნაბიჯად დეკოლონიზაციის გზაზე“; ასევე, აცხადებს, რომ საქართველო რეგიონულ „3+3“ ფორმატში უნდა ჩაერთოს.
