ევროკავშირსა და რუსეთს შორის საქონელბრუნვა 24–წლიან მინიმუმზეა

თურქეთის სრუტეებში ტრანზიტის გაძვირება ქართული გადამზიდავების ტარიფებზ...

GBC ტვირთების გადაზიდვის საფასურის შესაძლო ცვლილებებზე სხვა ტრანსპორტირების კომპანიებსაც მიმართა, თუმცა, მათ აღნიშნულზე კომენტარი არ გაუკეთებიათ. ცნობისთვის, აღნიშნული გადაწყვეტილება თურქეთის ტრანსპორტის სამინისტრომ მიიღო. უწყების დოკუმენტში აღნიშნულია, რომ ტარიფების ზრდა გეგმური იყო. ტრანსპორტის მინისტრი აბდულკადირ ურალოღლუ მანამდე აცხადებდა, რომ მოსაკრებლის გადახედვა პრეზიდენტ რეჯეფ თაიპ ერდოღანის 2022 წლის 7 ოქტომბრის განკარგულების საფუძველზე მოხდა.1936 წელს ხელმოწერილი მონტრეს კონვენციის თანახმად, რომელიც ბოსფორისა და დარდანელის სრუტეებში ნაოსნობას არეგულირებს, სავაჭრო ხომალდების შეუჩერებელ ტრანზიტზე მოსაკრებელი სამედიცინო კონტროლის, შუქურების და გემების ევაკუაციისთვის არის დაწესებული. 1983 წლიდან გადასახადი ოქროს ფრანკს ეფუძნებოდა და სუფთა ტონაჟზე $0,8–ს შეადგენდა. 2022 წლიდან ეს წესი შეიცვალა და ტარიფი $4,08–მდე გაიზარდა. 

თავისუფლების მოედანზე ეროვნული ნაკრების დახვედრის გამო ტრანსპორტის მოძ...

"12:00-დან 17:00 საათამდე, თავისუფლების მოედანზე გადაადგილება ნაწილობრივ შეიზღუდება. კერძოდ, რუსთაველის გამზირიდან თავისუფლების მოედნისკენ მიმავალი სატრანსპორტო საშუალებები ვერ შეძლებენ მოედანზე არსებულ წრეზე შესვლას ბარათაშვილის ქუჩის მიმართულებით მოძრაობის გასაგრძელებლად. მძღოლები მოხვევას შეძლებენ პუშკინის სკვერის მიმდებარედ და გადაადგილდებიან კვლავ რუსთაველის გამზირისკენ.2 ივლისის 17:00 საათიდან 3 ივლისის 00:00 საათამდე პერიოდში, თავისუფლების მოედანზე სატრანსპორტო საშუალებების მოძრაობა სრულად აიკრძალება. შეზღუდული იქნება თავისუფლების მოედანზე გადაადგილება, როგორც კოტე აფხაზისა და პუშკინის ქუჩებიდან, ისე რუსთაველის გამზირიდან 9 აპრილის ქუჩამდე არსებულ საგზაო მონაკვეთში.შეზღუდვის საათებში საზოგადოებრივი ტრანსპორტი მიხეილ ჯავახიშვილის ქუჩის საშუალებით დაუკავშირდება მტკვრის მარჯვენა სანაპიროს და შემდეგ ბარათაშვილის ქუჩის მიმართულებით გადაადგილდება.უკუმიმართულებით მოძრაობისას, საზოგადოებრივი ტრანსპორტი გაივლის იმავე მარშრუტს - ბარათაშვილის ქუჩიდან დაუკავშირდება მტკვრის მარჯვენა სანაპიროს, შემდეგ კი იმოძრავებს ჯავახიშვილისა და მერაბ კოსტავას ქუჩების საშუალებით.თბილისი-კოჯრის გზატკეცილზე მოძრავი ტრანსპორტი გაჩერდება ამაღლების ქუჩის N11-თან და მგზავრებს უკუმიმართულებითაც იმავე მისამართიდან მოემსახურება.ეროვნული ნაკრების ფეხბურთელებს გულშემატკივრები თავისუფლების მოედანზე დახვდებიან. ღონისძიება 22:00 საათზე დაიწყება". - ვკითხულობთ თბილისი მერიის განცხადებაში. დღეს, 2 ივლისი დილას, დაახლოებით 10:00 საათზე, თბილისის საერთაშორისო აეროპორტში დაეშვა თვითმფრინავი, რომელმაც ჩარტერული რეისით საქართველოში ჩამოიყვანა ეროვნული საფეხბურთო ნაკრების წევრები. "ჯვაროსნებს" აეროპორტში გულშემატკივრები დახვდნენ.ცნობისთვის, საქართველოს ნაკრებმა ისტორიაში პირველად იასპარეზა ევროპის ჩემპიონატზე, ჯგუფური ეტაპი გადალახა და ტურნირს მერვედფინალში ესპანეთის ნაკრებთან დამარცხების (4:1) შემდეგ გამოეთიშა.

UEFA-მ EURO 2024-ზე საქართველოს ფეხბურთის ფედერაცია დააჯარიმა

როგორც AP news წერს, გადაწყვეტილება UEFA-მ ორშაბათს გამოაცხადა. ამასთანავე, UEFA-მ „ევრო 2024“-ის თანაორგანიზატორი მასპინძელი გერმანიაც დააჯარიმა. კერძოდ, მოედანზე მაყურებლებს კრიშტიანუ რონალდუსთან ფოტოს გადასაღებად გასვლის უფლება არ ჰქონდა. დაჯარიმება სწორედ ამ დარღვევას უკავშირდება.მედია წერს, რომ გერმანიის ნაკრები აღნიშნული დარღვევისთვის 20 000 ევროს ოდენობით დაჯარიმდა. AP-ის ინფორმაციით, ყველაზე დიდი რაოდენობის ჯარიმა სხვადასხვა საგნის სროლისთვის გამოიწერა, ამისთვის შემდეგი ქვეყნები დაჯარიმდნენ: 68 625 ევროს და 60 000 ევროს ოდენობით სერბეთი, 63 875 ევროს ოდენობით ხორვატია, 57 375 ევროს ოდენობით ავსტრია. 10 000 ევროთი დაჯარიმდნენ ინგლისი და რუმინეთი მოწინააღმდეგე გუნდის ეროვნული ჰიმნის შესრულების ჩაშლის გამო.

ესპანეთთან მარცხის მიუხედავად „ჯვაროსნებზე“მთელი ევროპა ალაპარაკდა

მერვედფინალში საქართველოს მეტოქე ესპანეთი იყო, რომელმაც ანგარიშით 4-1 გაიმარჯვა და მეოთხედფინალის საგზური მოიპოვა. ეროვნული ნაკრები კი გახდა ის გუნდი, რომელიც საუკეთესო 16 გუნდს შორის მოხვდა.ქომაგები მადლობლები არიან ყველა იმ ემოციის, რაც ეროვნულმა ნაკრებმა ევრო 2024-ზე აჩვენა, ამას მოწმობს, სოციალურ ქსელებში განთავსებული პოსტები წარწერით, "საამაყო გუნდი, საამაყო ნაკრები", "მადლობა ბიჭებო", "ჩვენ უკვე ვაჯობეთ საკუთარ თავს", "საუკეთესოთა შორის, საუკეთესო მომავლის გუნდი გვყავს"...გუნდის წარმატებით კმაყოფილია, თავად გუნდის მწვრთნელი ვილი სანიოლი, მისი თქმით, ამაყია იმით, რაც „ევროპის ჩემპიონატზე გავაკეთეთ“."ესპანელების პირველი გოლის დროს ცხადად თამაშგარე იყო. თუ საფრანგეთის ნაკრებთან ნიდერლანდების გოლი გაუქმდა, დღეს ათჯერ უფრო ცხადი სიტუაცია იყო. ვიდეორეფერი შესანიშნავი გამოგონებაა, მაგრამ მისი სწორად გამოყენება ბოლომდე არ ვიცით. ადამიანები ერთსა და იმავე ეპიზოდებზე სხვადასხვაგვარ გადაწყვეტილებას იღებენ, რასაც ფეხბურთელები ვერ იგებენ.ევროპის ჩემპიონატი დღეს დავასრულეთ და 2026 წლის მუნდიალზე გასვლაზე ლაპარაკი ძალიან ადრეა. გვქონდა ცუდი და კარგი პერიოდები, მაგრამ ეს ყველგან ხდება. ახლა მშვიდად უნდა გავაანალიზოთ, თუ რა გავაკეთეთ და რა გზა გავიარეთ. რა თქმა უნდა, უკანასკნელი შედეგებით კმაყოფილები ვიქნებით, რადგან ნაკრებმა გასაოცარი ევოლუცია განიცადა. ვამაყობ ფეხბურთელებით. ახლა ამ გზის დასასრულამდე მივედით, მაგრამ, იმედია, შემდეგ კიდევ უფრო უკეთესი გზა იქნება.ევრო 2024-ზე გუნდურად ფანტასტიკურად ვითამაშეთ. არ ვამბობ, რომ იმედგაცრუებულები ვართ, მაგრამ წაგებით მაინც დამწუხრებულები გახლავართ. თუმცა, ასეთია ფეხბურთი. უახლოეს დღეებში გავაანალიზებთ, რა გავაკეთეთ. ამ მატჩიდან ფეხბურთელებმა უნდა ისწავლონ. გაკვეთილის მიღება წაგებისგანაც შეიძლება და მოგებისგანაც“, – განაცხადა სანიოლმა.საქართველოს ნაკრებთან გამარჯვების შემდეგ კომენტარი გააკეთა ესპანეთის ნაკრების მთავარმა მწვრთნელმა ლუის დე ლა ფუენტემაც.  „ძალიან ბედნიერები ვართ, რადგან ვიცით ამ გამარჯვების ფასი. პირველ გოლს რაც შეეხება, ასეთი რამ ყველა გუნდს ემართება. საქართველოს ნაკრების მთავარი იარაღი კონტრშეტევებზე თამაში იყო. გოლი გავუშვით, მაგრამ საბოლოოდ მიზანს მაინც მივაღწიეთ – მეოთხედფინალში გასვლა ძალიან გაგვიხარდა.საქართველოს გოლის შემდეგ რამდენიმე წუთი ვინერვიულეთ, მაგრამ, საბოლოო ჯამში, გუნდმა სიმშვიდე შეინარჩუნა. ფეხბურთელებმა თამაში დაალაგეს, რაშიც უდიდესი წვლილი როდრის მიუძღვის, მან მოედნის ცენტრში ძალიან დიდი სამუშაო გასწია. ეს თითოეული ჩვენგანისთვის ძალიან მნიშვნელოვანი მატჩი იყო. ახლა მეოთხედფინალში გერმანიასთან ურთულესი თამაში გველოდება – ტურნირის მასპინძლებთან ფინალის ტოლფასი შეხვედრა იქნება“.ამ ამბავში განსაკუთრებით დასამახსოვრებელია "BBC-ის" სტატია, სადაც ნათქვამია, "გერმანიას ტოვებს საქართველო, რომელმაც ზღაპრული თამაშითა და პლეიოფში გასვლით მეტოქე გუნდების პატივისცემა დაიმსახურა". გამოცემა ასევე წერს, რომ ესპანეთს ამ მატჩისთვის მოსამზადებლად ორი დამატებითი დღე ჰქონდა და ჯგუფური ეტაპის ბოლო თამაშშიც ათი ცვლილება განახორციელა.„თუმცა მათი გულშემატკივრები, რა თქმა უნდა, კმაყოფილი დარჩნენ იმით, რაც ნახეს. საქართველოს ნაკრების გულშემატკივრები საფინალო სასტვენის შემდეგ საკუთარ ადგილებზე დარჩნენ და დიდხანს უკრავდნენ ტაშს თავიანთ ფეხბურთელებს“, – აღნიშნულია „BBC-ის“ სტატიაში.Reuters-ის ცნობით კი ქართველები ესპანელებთან მარცხის მიუხედავად, მაინც ამაყები უნდა იყვნენ, რადგან მათ დებიუტანტისთვის შესაშური შედეგი დააფიქსირეს: “ევროს ყველაზე დაბალ რეიტინგიანმა ნაკრებმა, მასზე 66 ადგილით წინ მყოფ ესპანეთს კონკურენცია გაუწია და დამარცხდა. კლასმა თავისი შედეგი გამოიღო, თუმცა ქართველი გულშემატკივრები მაინც მხურვალე აპლოდისმენტებით ამხნევებდნენ თავიანთ ფეხბურთელებს”, - წერს Reuters-ი. ბრიტანული გამოცემა The Telegraph-ი კი საქართველოს ესპანეთთან მარცხი, საქართველოს ნაკრების კლასთა შორის სხვაობის გარდა, “ჯვაროსნების” გამოუცდელობას მიაწერა:“ვინც “ნაპოლისა” და “ვალენსიას” მატჩებს უყურებთ, კვარაცხელიასა და მამარდაშვილის კლასის შესახებ უკვე ყველაფერი გეცოდინებათ, მაგრამ EURO 2024 მათი ნიჭისა და ტალანტის გამოვლენის კიდევ ერთი მაჩვენებელი იყო. ზაფხულის სატრანსფერო ფანჯრის დახურვამდე დიდი დროა და შესაძლოა, ისინი კიდევ უფრო მაღალი დონის გუნდებში გადავიდნენ. დღეს დამარცხებულ გუნდს ნათელი მომავალი აქვს, ისინი გულშემატკივრების გაოცებას კიდევ მრავალი წელი შეძლებენ. გამანადაგურებელი მარცხის მიუხედავად ისინი თავაწეულები, როგორც გმირები ისე უნდა დაბრუნდნენ სამშობლოში” - წერს The Telegraph.„ფოქს სოკერი“ საკუთარ facebook გვერდზე წერს, „მოუთმენლად ველოდებით მათ მომავალშიც. მადლობა, საქართველო“ და ნაკრების ფოტოს აქვეყნებს.საქართველოს ეროვნულ ნაკრებს, მადლობას საელჩოებიც უხდიან. მათ შორის შვედეთის საელჩო, რომელიც სოციალურ ქსელში წერს, „შვედეთის საელჩო უერთდება ქართველ გულშემატკივარს და დიდ მადლობას ვუხდით საქართველოს ეროვნული ნაკრების საოცარ ბიჭებს ევროპის ჩემპიონატზე შესანიშნავი გამოსვლისთვის. მადლობა ყველას ამ დაუვიწყარი და საამაყო დღეებისთვის! წინ გამარჯვებისკენ, საქართველო, ოცნებები ხდება! გისურვებთ მრავალ წარმატებას მომავალში!" - წერია მათ განცხადებაში. EURO 2024 - ზე საქართველოს ნაკრების წარმატება არც EU-ის წარმომადგენლობას გამოჰპარვია:"თქვენ საქართველოს მოუტანეთ სიხარული, დაიპყარით გულები, ვამაყობთ ევროპის ჩემპიონატზე საქართველოს ნაკრების ისტორიული დებიუტით. თქვენ საქართველოს მოუტანეთ სიხარული და პატივი და დაიპყარით მილიონობით გულშემატკივრის გული მთელ მსოფლიოში. მადლობა საოცარი თამაშებისთვის". - ნათქვამია მათ განცხადებაში. გერმანიის ელჩი X–ზე კი წერს, „პატივისცემა საქართველოს ნაკრებს EURO2024-ზე ძლიერი და თავდაუზოგავი თამაშისთვის. მოუთმენლად ველი თქვენს ნახვას შემდეგ დიდ ტურნირზე. თავები მაღლა!“.ცნობისთვის, მერვედფინალამდე ვილი სანიოლის გაწვრთნილი გუნდის გზა ასეთი იყო: F ჯგუფში, ჯგუფური ეტაპი საქართველომ ოთხი ქულით დაასრულა.ჯგუფური ეტაპის პირველ შეხვედრაში საქართველო თურქეთის ნაკრებთან, ანგარიშით 1:3 დამარცხდა.მეორე შეხვედრა ჩეხეთთან ფრედ, 1:1 დაასრულა.მესამე მატჩში კი ყველასთვის მოულოდნელად სძლია პორტუგალიის საფეხბურთო ნაკრებს, ანგარიშით 2:0.

ელექტროენერგიის ბირჟა დღეიდან იხსნება

Galt & Taggart-ის ელექტროენერგიის ბაზრის მიმოხილვის მიხედვითაც, ბაზრის ამოქმედებამდე კვლავ რჩება რამდენიმე ბუნდოვანი საკითხი. კერძოდ:1) სექტორის წარმომადგენლებისთვის მნიშვნელოვანია გაიყიდება თუ არა იმპორტირებული ელექტროენერგია ბირჟაზე. მათი მოლოდინით, ბირჟაზე მოხვედრილი იმპორტირებული ელექტროენერგია ტარიფს გაზრდის.2) მნიშვნელოვანია ცხადი პოლიტიკა უბალანსობის მიმართ. ახალი ბაზრის მოდელის მიხედვით, უბალანსობაზე პასუხისმგებელ პირს (როგორც მწარმოებელს, ასევე მომხმარებელს) ფინანსური ჯარიმა ეკისრება, თუმცა ჯერჯერობით უცნობია რა მიდგომა ექნება სახელმწიფოს პირველ ეტაპზე.საინვესტიციო ბანკის მიმოხილვით, ამ ეტაპზე, კანონქვემდებარე აქტებში ცვლილება არ შესულა, თუმცა აქტიურად განიხილება ბაზრის ეტაპობრივად ამოქმედება და სრულ გახსნას, სავარაუდოდ, რამდენიმე წელი დასჭირდება.პირველ ეტაპზე, ვაჭრობა შესაძლოა ნებაყოფლობითი იყოს და მასში მონაწილეობას მიიღებენ ტრეიდერები, თავისუფალი მიმწოდებლები, ელექტროენერგიის მწარმოებლები და მსხვილი/პირდაპირი მომხმარებლები. სემეკის თავმჯდომარის განცხადებით, შემდეგი ეტაპები სავალდებულო დღიური ბაზარი, ბოლოს კი საათობრივი ბაზარი იქნება. სექტორის მოთამაშეები ბირჟის ეტაპობრივად ამოქმედებას მიესალმებიან და მიიჩნევენ, რომ ერთიანი ამოქმედება ნაჩქარევი იქნებოდა არსებული რისკების გათვალისწინებით.ცნობისთვის, ქვეყანაში ენერგეტიკული ბირჟის ამოქმედება მეექვსედ გასული წელს გადავადდა. მაშინ ეკონომიკის სამინისტროში განმარტავდნენ, რომ ამის მიზეზი გეოპოლიტიკური მოვლენები ასახელებდნენ, რის გამოც მთავრობას ფასებთან დაკავშირებით პროგნოზების გაკეთება უჭირდათ.  commersant