ომბუდსმენი: ქუთაისის ფსიქიატრიულში ყურადღება გამახვილდა დაწესებულების გადატვირთულობაზე

„წელიწად-ნახევრის წინ დავიწყეთ კიდევ ერთი ახალი რეფორმის გატარება, რომელიც ემსახურება დედაქალაქში მოძრაობის გარკვეულწილად განტვირთვას, რაც გამომდინარეობდა არაგაბარიტული მანქანების მოძრაობით პიკის საათებში. 08:00-დან 11:00 საათამდე და 17:00-დან 20:00 საათამდე პერიოდში, მათი გადაადგილება შევზღუდეთ. ეს ეხებოდა N2 და N3 კატეგორიების სატრანსპორტო საშუალებებს, ანუ იზღუდებოდა ტვირთის გადასაზიდად განკუთვნილი სამნახევარ ტონაზე მეტი სრული მასის მქონე ძრავიანი სატრანსპორტო საშუალებების გადაადგილება. გვქონდა გარკვეული გამონაკლისები დაშვებული. რეგულაციის მიღების დროს ბიზნესსექტორთან მჭიდრო ურთიერთობა გვქონდა და გამონაკლისად დავადგინეთ დისტრიბუციის მანქანები და მათ რვათვიანი შეღავათი მივეცით, რომ ამ ცვლილებასთან ადაპტირება მოეხდინათ. ამის შემდეგ მათ შეღავათი კიდევ ოთხი თვე გავუხანგრძლივეთ, პირველი იანვრიდან კი ეს შეზღუდვა მათაც შეეხებათ“, – თქვა კალაძემ.მისივე თქმით, აღნიშნული რეგულაცია ითვალისწინებს შეზღუდვას N2 და N3 კატეგორიების სატრანსპორტო საშუალებებით დისტრიბუციაზე და არ ეხება M2 კატეგორიის სატრანსპორტო საშუალებებს.„კიდევ ერთხელ ხაზგასმით განვმარტავთ, რომ შეზღუდვა ვრცელდება მხოლოდ 08:00-დან 11:00 საათამდე და 17:00-დან 20:00 საათამდე, რა დროსაც დედაქალაქში არის უფრო დიდი სატრანსპორტო ნაკადები, დღე-ღამის დანარჩენ მონაკვეთში კი არანაირი შეზღუდვა არ არის დაწესებული და არც იგეგმება რაიმე ახალი შეზღუდვის დაწესება“, – განაცხადა თბილისის მერმა.

1735126634

ნოემბერში შინამეურნეობების ლარის დეპოზიტები წლიურად (გაცვლითი კურსის ეფექტის გამორიცხვით) 17%-ით და ხოლო უცხოური ვალუტის დეპოზიტები 12.8%-ით გაიზარდა.სების ინფორმაციით, დეპოზიტების ლარიზაციის კოეფიციენტმა 2024 წლის ნოემბრის ბოლოსთვის 48.32% შეადგინა, რაც წინა თვის ბოლო მდგომარეობასთან შედარებით, 0.98 პ.პ-ით ნაკლებია (გაცვლითი კურსის ეფექტის გამორიცხვით შემცირდა 0.83 პ.პ-ით).აღსანიშნავია ისიც, რომ მზარდია ვადიანი დეპოზიტების მოცულობაც. თუ 2024 წლის ნოემბრის მონაცემებს წინა წლის ანალოგიურ პერიოდს შევადარებთ ვადიანი დეპოზიტების მოცულობა 31.3%-ით გაიზარდა და ₾26.5 მლრდ შეადგინა.

1735122641

კახა გოგოლაშვილი Facebook-ის გვერდზე გამოქვეყნებულ ვრცელ მიმოხილვაში აღნიშნავს, რომ ამის მიზეზებზე შეიძლება მხოლოდ ვარაუდი გამოითქვას და მისი მოსაზრებით, ამგვარად მმართველი პარტია „ევროინტეგრაციის პროცესში საქართველოს ჩამორჩენას, მოლდოვის მიმართ განსაკუთრებული ფავორიტიზმის არსებობით ცდილობს და არა, თავად საქართველოს მთავრობის მიერ მნიშვნელოვანი რეფორმების გატარებაზე ღიად უარის თქმით“.„ქართული ოცნების წარმომადგენლები მანტრასავით იმეორებენ: "მოლდოვა დსთ-ს წევრია და მასთან ევროკავშირი გაწევრიანების მოლაპარაკებებს იწყებს, საქართველო კი, რომელიც დსთ-დან დიდი ხნის წინ გავიდა, იჩაგრება". მინდა, ერთხელ და სამუდამოდ დავუსვა წერტილი ასეთ სპეკულაციებს, რადგან ეს ისეთივე კატეგორიის კონსპირაციული თეორიაა, როგორც გლობალური ომის პარტიის მხრიდან ჩვენ ქვეყანაზე ზეწოლა და, ახლა უკვე, ეს "დიფ სტეიტის" ინტრიგები.მოლდოვას დსთ-ში წევრობა გარკვეულ დრომდე არ ეწინააღმდეგებოდა მის ევროპულ მისწრაფებებს, რადგან მისი წევრობიდან გამომდინარე ვალდებულებები არ მოდიოდა კონფლიქტში ევროკავშირთან დადებული ასოცირების შესახებ შეთანხმების დებულებებთან. დსთ-ს წევრობა არ მოიაზრებდა: კონფლიქტურ ღირებულებით ვალდებულებებს; არც მის ფარგლებში დადებული სავაჭრო ხელშეკრულებების შეუთავსებლობას ევროკავშირთან 2014 გაფორმებულ თავისუფალი ვაჭრობის რეჟიმთან ( დსთ-ს ფარგლებში დადებული მარტივი თავისუფალი ვაჭრობის შეთანხმებები ევროკავშირის DCFTA-ს არ ეწინააღმდეგება); სხვათა შორის, საქართველოს, მიუხედავად იმისა, რომ დსთ-დან გამოვიდა 2008 წელს, არ გაუწყვეტია დსთ-ს ფარგლებში დადებული თავისუფალი ვაჭრობის ორმხრივი შეთანხმებები, მათ შორის, არც რუსეთთან. არც სამხედრო-უსაფრთხოების სფეროში ევროკავშირისთვის მიუღებელ რაიმე ვალდებულებებს (რადგან რუსული ორბიტის ქვეშ მყოფ ქვეყნებში ამ სფეროს არეგულირებს კოლექტიური უსაფრთხოების ხელშეკრულების ორგანიზაცია, რომლის წევრიც მოლდოვა არასდროს ყოფილა); არც პოლიტიკური ხასიათის ვალდებულებებს, რომელიც შეუთავსებელი იქნებოდა ასოცირების შეთანხმების მოთხოვნებთან; დსთ-ს წევრობა არ შეიცავდა ისეთ ვალდებულებებს, რომლებიც შეაფერხებდა ევროკავშირთან საკანონმდებლო დაახლოების პროცესს, რაც პრიორიტეტულია ასოცირების პროცესისთვის და მით უმეტეს, გაწევრიანებისთვის; მნიშვნელოვანია, რომ ევროკავშირში გაგებით ეკიდებოდნენ მოლდოვისთვის დსთ-ს ქვეყნებთან კარგი პოლიტიკური და ეკონომიკური ურთიერთობების შენარჩუნების საჭიროებას და ამიტომ, არ მოითხოვდნენ დსთ-ს დატოვებას მასთან დაახლოების სანაცვლოდ. 2022 წლის დასაწყისიდან, როდესაც რუსეთი შეიჭრა უკრაინაში მოლდოვამ ეფექტურად შეაჩერა მონაწილეობა დსთ-ს შეხვედრებში. ივნისში მოლდოვამ მიიღო ევროკავშირის კანდიდატი ქვეყნის სტატუსი, რამაც ევროკავშირთან პოლიტიკურად და ინსტიტუციურად მეტად დაახლოების პერსპექტივა გააჩინა, ამიტომ იმავე წლის ნოემბერში მოლდოვის მთავრობამ ღიად განაცხადა, რომ აღარ მიიღებდა დსთ-ს მუშაობაში მონაწილეობას და დაიწყებდა დსთ-ს ფარგლებში დადებული მრავალმხრივი შეთანხმებებიდან თანდათანობით გასვლას. ეს პროცესი მიმდინარეობს და ამ მომენტისთვის მოლდოვამ უკვე 70 დარგობრივი თანამშრომლობის შეთანხმება დატოვა. 2024 წლის ბოლომდე მოლდოვა აპირებს დსთ-ს სრულად დატოვებას.როგორც ვხედავთ, დსთ-ს წევრობა აქამდე არ უქმნიდა რაიმე შეფერხებას ქვეყნის ევროკავშირთან დაახლოების პროცესს და ახლა კი, როდესაც უკვე ევროკავშირში გაწევრიანების პროცესი დაიწყო, მოლდოვა, ნებისმიერი სახის უხერხულობის გამორიცხვის მიზნით, გადის დსთ-დან.რატომ ცდილობს „ქართული ოცნების“ ლიდერშიპი ამ საკითხის სრულად უსამართლოდ და პროვოკაციულად წარმოჩენას შეიძლება მხოლოდ ვივარაუდოთ. ეს ხდება იმისთვის, რომ ევროკავშირში ინტეგრაციის პროცესში საქართველოს ჩამორჩენა გაამართლონ მოლდოვის მიმართ განსაკუთრებული ფავორიტიზმის არსებობით და არა, თავად საქართველოს მთავრობის მიერ მნიშვნელოვანი რეფორმების გატარებაზე ღიად უარის თქმით“, - წერს კახა გოგოლაშვილი სოციალურ ქსელში.

1735122322

საერთაშორისო სავალუტო რეზერვები ქვეყნის მაკროეკონომიკური სტაბილურობის მნიშვნელოვანი გარანტორია. შესაბამისად, სები ყოველთვის კონცენტრირებულია რეზერვების შევსებაზე, რასაც ადასტურებს ბანკის გაცხადებული პოლიტიკა მოცემულ მომენტში, როდესაც ბაზარი ამის შესაძლებლობას იძლევა ეროვნული ბანკი ქვეყნის საერთაშორისო რეზერვებს ზრდის.ამასთან, 2024 წლის 11 თვეში სებ-ის მიერ განხორციელებული სავალუტო ინტერვენციები ასე გამოიყურება:• იანვარი - Bmatch-ით წმინდა შესყიდვა $8.1 მილიონი• თებერვალი - Bmatch-ით წმინდა შესყიდვა შესყიდვა $77.5 მილიონი• მარტი - Bmatch-ით წმინდა შესყიდვა $127.9 მილიონი• აპრილი - Bmatch-ით წმინდა შესყიდვა $73.1 მილიონი• მაისი - გაყიდვა $108.7 მილიონი სავალუტო აუქციონით და Bmatch-ით წმინდა გაყიდვა $9.1 მილიონი• ივნისი - გაყიდვა $60 მილიონი სავალუტო აუქციონით და Bmatch-ით წმინდა გაყიდვა $42 მილიონი• ივლისი - Bmatch-ით წმინდა შესყიდვა $1.9 მილიონი• აგვისტო - Bmatch-ით წმინდა შესყიდვა $41 მილიონი• სექტემბერი - Bmatch-ით წმინდა გაყიდვა $106.5• ოქტომბერი - გაყიდვა $213.4 მილიონი სავალუტო აუქციონით და Bmatch-ით წმინდა გაყიდვა $377.7• ნოემბერი - Bmatch-ით წმინდა შესყიდვა $124.5საქართველოს ეროვნული ბანკი სავალუტო ბაზარზე განხორციელებული ოპერაციების შესახებ განახლებულ მონაცემებს 2025 წლის 25 იანვარს გამოაქვეყნებს.

1735121447

PACE-მ 26 ოქტომბრის საპარლამენტო არჩევნების შესახებ გამოქვეყნებულ ანგარიშში, რომელიც 28 ნოემბერს გამოაქვეყნა, განაცხადა, რომ „არჩევნების დღეს სოფელ ბოდბეში, სიღნაღის რაიონში საარჩევნო უბანთან მიუღებელი ინციდენტი მოხდა”.„დაახლოებით 40 აგრესიული არამეგობრული კუნთმაგარი კაცისგან შემდგარმა ჯგუფმა საარჩევნო უბნის გარეთ განზრახ დააზიანა გუნდის მანქანა. საბურავი გახვრიტეს და დაზიანებულ მანქანაზე ძველი მანქანის შეჯახებით სცადეს, ინციდენტი შემთხვევითობად წარმოეჩინათ”. – განაცხადა PACE-მ.შსს-ის განცხადებით, „ავტოსაგზაო შემთხვევასთან დაკავშირებით საზოგადოებრივი უსაფრთხოების მართვის ცენტრ 112-ში შესული შეტყობინების მიღებისთანავე შესაბამისი სამართლებრივი რეაგირების მოხდენის მიზნით ადგილზე გამოცხადდა საპატრულო პოლიციის ეკიპაჟი”.უწყება წერს, რომ სამართალდამცველებმა ავარიის გამომწვევი მიზეზის დასადგენად დაათვალიერეს ტერიტორია და „შეტყობინების ინიციატორთან გასაუბრების შემდეგ შედგა შესაბამისი დოკუმენტაცია”.„აღსანიშნავია, რომ აღნიშნული ავტოსატრანსპორტო საშუალება მძღოლს საავტომობილო გზის გვერდულზე ჰყავდა გაჩერებული.ადგილზე მისულ საპატრულო პოლიციის თანამშრომლებს მძღოლმა განუმარტა, რომ მისთვის დაუდგენელმა ავტომობილმა სავარაუდოდ, საავტომობილო გზაზე მოძრაობისას დაუზიანა მის მფლობელობაში არსებული ავტოსატრანსპორტო საშუალება და ითხოვა მომხდარი ფაქტის ოფიციალურად დაფიქსირება.ასევე, სამართალდამცველებმა მძღოლს ჰკითხეს, ხომ არ ჰქონდა ვარაუდი, რომ აღნიშნული ავტომობილი შესაძლოა ვინმეს განზრახ დაეზიანებინა, თუმცა მას არ გამოუთქვამს ეჭვი იმის თაობაზე, რომ ავტომობილი შესაძლოა განზრახ ყოფილიყო დაზიანებული”, – განაცხადა შსს-მ. 

1735118619

ბოლო მონაცემებით, ავიაკატასტროფაში 25 მგზავრი გადარჩა, საიდანაც 22–ს ჰოსპიტალიზაცია დასჭირდა.ტელეგრამ არხები ავიაკატასტროფის ადგილიდან ვიდეოკადრებს ავრცელებენ, სადაც ჩანს, როგორ ეხმარებიან ადგილზე მისული მოქალაქეები და მაშველები გადარჩენილ მგზავრებს თვითმფრინავიდან გამოსვლაში.

1735115549

"საია მონიტორინგს უწევს 50-მდე პირის მიმართ მიმდინარე სისხლის სამართლის საქმეს, რომელიც უკავშირდება პროტესტს, მათ შორისაა, 2024 წლის აპრილი-მაისის დროს რუსული კანონის პროტესტთან დაკავშირებით დაკავებული 6 პირის საქმე, 19 და 28 ნოემბრის შემდგომი უწყვეტი ლეგიტიმური პროტესტის დროს დაკავებული 38 ბრალდებულის საქმე, ასევე ბალდის კანიონის აქტივისტის, ინდიკო ბჟალავას, აქტივისტ ვიტალი გუგუჩიას და აქტივისტ იოსებ ბაბაევის საქმეები.წარდგენილი ბრალდებებიაქტივისტების მიმართ უმეტესად წარდგენილია შემდეგი სახის ბრალდებები: ჯგუფური ძალადობის ორგანიზება და ჯგუფურ ძალადობაში მონაწილეობა1 (სსკ-ის 225-ე მუხლის პირველი და მეორე ნაწილი), პოლიციელის ჯანმრთელობის ხელყოფა მის სამსახურებრივ საქმიანობასთან დაკავშირებით2 (სსკ-ის 353-ე პრიმა მუხლის მეორე ნაწილი), ნივთის დაზიანება ან განადგურება ჯგუფურად (სსკ-ის 187-ე მუხლის მეორე ნაწილით)3 და სხვა. ოპოზიციონერ პოლიტიკოსს ალეკო ელისაშვილს ბრალს სდებენ დევნის, ძალადობით ან ძალადობის მუქარით ჩადენისთვის (სსკ-ის 156-ე მუხლის მეორე ნაწილით), ასევე რამდენიმე აქტივისტის მიმართ წარგენილი ბრალდება ნარკოტიკულ დანაშაულს უკავშირდება4 (სსკ-ის 260-ე მუხლით ბრალდებები).საქმეთა გაჭიანურებარუსული კანონის საწინააღმდეგო პროტესტის დროს დაკავებული პირების საქმეთა განხილვა ჭიანურდება. ხსენებულ საქმეთა უმრავლესობაში მტკიცებულებები უდავოდაა ცნობილი, მიუხედავად ამისა, სასამართლო საქმის განხილვას არ ასრულებს და ყოველ ჯერზე სხვადასხვა მიზეზებით სხდომებს დიდი დროით დებს. საიას შეფასებით, საქართველოს პროკურატურა და თბილისის საქალაქო სასამართლო ხელოვნურად აჭიანურებენ საქმის განხილვას, სავარაუდოდ, იმ მოტივით, რომ პრეზიდენტმა, სალომე ზურაბიშვილმა, აქტივისტების შეწყალება თავისი საპრეზიდენტო უფლებამისლების ფარგლებში ვერ მოასწროს. ბრალდების და სასამართლო ორგანოების ამგვარი დამოკიდებულება კიდევ ერთხელ გვაფიქრებინებს, რომ აქტივისტების მიმართ მიმდინარე სისხლის სამართლის საქმეები არ არის დაცლილი სავარაუდო პოლიტიკური ნიშნით დევნის მოტივებისგან, რაც შემაშფოთებელია და ძირს უთხრის, ერთი მხრივ, პროკურატურის, როგორც კონსტიტუციური ორგანოს, და, მეორე მხრივ, სასამართლოს სისტემის საქმიანობას.პატიმრობის გამოყენების პრაქტიკა ბრალდებულთა ინდივიდუალური მახასიათებლების გათვალისწინების გარეშერუსული კანონის პროტესტის დროს დაკავებულთა და ნოემბრის თვეში მიმდინარე აქციების დროს დაკავებული ყველა აქტივისტის მიმართ პირველ ეტაპზე სასამართლომ ყველაზე მკაცრი აღკვეთის ღონისძიება - პატიმრობა გამოიყენა. ყველა შემთხვევაში, სასამართლომ დააკმაყოფილა პროკურატურის მოთხოვნა პატიმრობის გამოყენების შესახებ - ბრალდებულების ისეთი გარემოებების მხედველობაში მიღების გარეშე, როგორებიცაა: ბრალდებულთა ინდივიდუალური მახასიათებლები, მათი პიროვნება, საქმიანობა, ასაკი, ჯანმრთელობა, ოჯახური, ქონებრივი მდგომარეობა და სხვა გარემოებები. ამასთან დაკავებულთა შორის იყვნენ 21 წლამდე პირები, სტუდენტები და სოციალურად დაუცველი ოჯახებიდან ადამიანები. ზოგიერთი იყო ერთადერთი მარჩენალი ან მომვლელი ჯანმრთელობის პრობლემების მქონე ოჯახის წევრის. უმრავლესობა მათგანი არ იყო წარსულში ნასამართლევი, ან/და ასევე არ ჰქონდა ჩადენილი ადმინისტრაციული სამართალდარღვევა. ბრალდების მხარის დასაბუთება პატიმრობის გამოყენების შესახებ ეყრდნობოდა განზოგადებულ რისკებს, როგორიცაა მიმალვის საფრთხე, მტკიცებულებების განადგურება ან ახალი დანაშაულის ჩადენა.მხოლოდ ორ საგამონაკლისო შემთხვევაში მოხდა პატიმრობის ნაკლებად მკაცრი აღვეთის ღონისძიებით შეცვლა, ერთი შეეხებოდა პოლიტიკოსს - ალეკო ელისშვილს და მეორე დაკავებულ არასრულწლოვან აქტივისტს. ორივე შემთხვევაში თავად ბრალდების მხარემ იშუამდგომლა პატიმრობის შეცვლა, პირველ შემთხვევაში გირაოთი, არასრულწლოვნის შემთხვევაში კი მშობლის მეთვალყურეობაში გადაცემით.დასაბუთებული ვარაუდის სტანდარტიადვოკატები მუდმივად ხაზს უსვამდნენ მტკიცებულებების არარსებობას, რომელიც დააკმაყოფილებდა სისხლის სამართლის ბრალდებისთვის საჭირო დასაბუთებული ვარაუდის სტანდარტს. კერძოდ, სსკ-ის 225-ე მუხლით (ჯგუფური ძალადობის ორგანიზება, ხელმძღვანელობა და მასში მონაწილეობა) ბრალდებულთა სხდომაზე გაჟღერებული გარემოებების შესაბამისად, დასაბუთებული ვარაუდის სტანდარტით, უმეტესად ბრალდება არ ვლინდებოდა ბრალდებულთა შორის კოორდინაციისა ან კოლექტიური მოქმედების ფაქტი. ბრალდებულთა ნაწილს ბრალს სდებდნენ იზოლირებულ ქმედებებში სხვადასხვა დროსა და ადგილას, ურთიერთცოდნისა და განზრახვის მტკიცებულების გარეშე.პროკურატურა ინდივიდებს ბრალად სდებს ისეთი ქმედებების ჩადენას, როგორებიცაა საგნების სროლა (ჯოხები, ბოთლები,მუყაოს ჯოხი, დაუდგენელი მძიმე საგანი), მაგრამ ვერ აკავშირებს აღნიშნულ ქმედებებს ერთობლივ და კოლექტიურ ძალადობასთან, ასევე არ საუბრობს კონკრეტულ ზიანზე.ამასთან კავშირში, ასევე, აღსანიშნავია, რომ ერთ-ერთი ბრალდებულის წარმომადგენელი მიუთითებდა, რომ მას ადმინისტრაციული სამართალწარმოების ფარგლებში არაერთი საქმე აქვს, სადაც ანალოგიური ქმედებების განხორციელებისთვის ბრალდებულები სასამართლომ ცნო ადმინისტრაციულ სამართალდამრღვევებად და მისთვის გაუგებარი იყო, როგორ გამიჯნა ბრალდების მხარემ ხსენებული ქმედებები ადმინისტრაციული სამართალდარღვევისგან. მაგალითად, ქვის ან ჯოხის სროლისას, სად გადიოდა ზღვარი პირის სამართალდაღვევასა და შესაძლო დანაშაულს შორის?!საქართველოს სისხლი სამართლის კოდექსის 225-ე მუხლით ბრალად წარდგენილი ქმედებები საყურადღებოა, არა მხოლოდ, კონკრეტულ ბრალდებულებთან მიმართებით დასაბუთებული ვარაუდის სტანდარტის არსებობის თვალსაზრისით, არამედ იმ რისკების შეფასების ნაწილშიც, რომელთა დროსაც სისხლის სამართლებრივი მექანიზმები ბრალდების მხარის ხელში შესაძლოა იქცეს გამოხატვის თავისუფლების შეზღუდვის და აქციის მონაწილეთა დევნის რისკის მატარებლად.არასათანადო მოპყრობის შემთხვევებისისხლის სამართლის წესით დაკავებულმა რამდენიმე დემონსტრანტმა აღნიშნა მათზე დაკავების დროს, ტრანსპორტირებისა თუ განყოფილებაში მიმდინარე არასათანადო მოპყრობის ფაქტების შესახებ. მაგალითად: ალეკო ელისაშვილმა პირველი წარდგენის სხდომაზე განმარტა, რომ დაკავებისას მანქანაში ჩასვეს და სცემეს.საბა სვიტარიძემ დეტალურად აღწერა წამებისა და არაადამიანური მოპყრობის გამოცდილება. სხვიტარიძის განმარტებით, ის პოლიციამ ზესტაფონის გზაზე დააკავა, მისთვის არ განუმარტავთ დაკავების საფუძველი, არც ადვოკატთან დაკავშირების შესაძლებლობა მისცეს, შემდეგ გადასცეს გორთან გაურკვეველ ოპერატიულ ჯგუფს და გადაიყვანეს დიღომში მდებარე პოლიციის სამმართველოში. დიღომში, სამმართველოს შენობაში, მეხუთე სართულზე, მას ოთხი ნიღბიანი ადამიანი ფიზიკურად გაუსწორდა და სცემა, შემდგომ კი ამავე შენობის მერვე სართულზე საპატრულო ფორმაში ჩაცმულმა პიროვნებამ, რომელსაც ნიღაბი ეკეთა, სხვა პირებთან ერთად კვლავ იძალადა მასზე.რევაზ კიკნაძემ განაცხადა, რომ მას ფსიქოლოგიური ზეწოლისა და სიტყვიერი შეურაცხყოფის ქვეშ აიძულებდნენ ეღიარებინა დანაშაული და დაედანაშაულებინა სხვები, რაც გამოიწვევდა მის მიმართ სისტემის მხრიდან ლოიალურ დამოკიდებულებას.ბრალდებულების მიერ სასამართლოსთვის მიწოდებული ინფორმაცია, სხვა გამოცდილებებთან ერთად, განამტკიცებს იმ ფაქტს, რომ პირების მიმართ წამებას, არაადამიანურ და დამამცირებელ მოპყრობას სისტემური და ფართომასშტაბიანი ხასიათი აქვს.სპეციალური საგამოძიებო სამსახურის უმოქმედობასაგანგაშოა, რომ ამ დრომდე არ მომხდარა არც რუსული კანონის პროტესტის და, ასევე, არც 28 ნოემბრის შემდგომი საპროტესტო აქციების დროს სამართალდამცველთა მხრიდან უფლებამოსილების გადამეტების ფაქტების სათანადო გამოძიება და პასუხისმგებელი პირების გამოვლენა.მიმდინარე მოვლენებთან დაკავშირებით სპეციალური საგამოძიებო სამსახურის სისტემური უმოქმედობა დემონსტრანტებისა და ჟურნალისტების მიმართ ჩადენილ დანაშაულებთან დაკავშირებით მიუთითებს სამსახურის თანამონაწილეობაზე აღნიშნულ ძალადობაში", - ვკითხულობთ საიას მიერ გავრცელებულ ინფორმაციაში. 

1735115293

უწყების ცნობით, Azerbaijan Airlines–ის კუთვნილი თვითმფრინავის ბორტზე 62 მგზავრი და ეკიპაჟის 5 წევრი იმყოფებოდა. დაშავებულთა შესახებ ინფორმაცია და მგზავრების სია ზუსტდება. 

1735114793