სუსმა „ენგურჰესის“ შვილობილი კომპანიის მაღალჩინოსანი დიდი ოდენობით ფულის მითვისებისთვის დააკავა

ეკონომიკის სამინისტროს განცხადებით, ჩინურმა მხარემ ოფიციალურად გამოხატა დაინტერესება საქართველოს ენერგეტიკულ პროექტებში კაპიტალდაბანდებასთან დაკავშირებით.მარიამ ქვრივიშვილმა შეხვედრაზე ხაზი გაუსვა, რომ ორ ქვეყანას შორის არსებული სტრატეგიული პარტნიორობა, რომელიც გამყარებულია თავისუფალი ვაჭრობის შეთანხმებითა და უვიზო მიმოსვლით, ჩინური ბიზნესისთვის „მყარ ინსტიტუციურ საფუძველს“ ქმნის.China ZhenHua Oil Co. Ltd. ჩინეთის ერთ-ერთი უმსხვილესი მოთამაშეა ენერგეტიკულ ბაზარზე. კომპანიის ფინანსური მაჩვენებლები მის გლობალურ გავლენაზე მეტყველებს: წლიური შემოსავალი: 20 მილიარდ აშშ დოლარზე მეტი. ვაჭრობის მოცულობა: წელიწადში 50 მილიონ ტონაზე მეტი ნავთობი და გაზი. აქტივები: 5-დან 8 მილიარდ აშშ დოლარამდე. კომპანია სპეციალიზებულია საბადოების მოძიებასა და განვითარებაში, რაც საქართველოსთვის, რომელიც აქტიურად ეძებს პარტნიორებს ნავთობისა და გაზის ადგილობრივი რესურსების ასათვისებლად, სტრატეგიულად მნიშვნელოვანია.ეკონომიკის სამინისტროს ცნობით, საქართველო ბოლო პერიოდში აქტიურად ცდილობს ეკონომიკური კავშირების დივერსიფიკაციას და ჩინეთთან სტრატეგიული პარტნიორობის გაღრმავებას. ენერგეტიკული სექტორი ამ ურთიერთობების ერთ-ერთი საკვანძო მიმართულებაა. ექსპერტების შეფასებით, ისეთი მსხვილი სახელმწიფო კომპანიის შემოსვლა, როგორიცაა China ZhenHua Oil, არა მხოლოდ ფინანსურ ინექციას, არამედ ტექნოლოგიურ პროგრესსაც ნიშნავს საქართველოს მომპოვებელი ინდუსტრიისთვის. ეს ვიზიტი კიდევ ერთი დასტურია თბილისის მცდელობისა, ქვეყანა ჩინური ინვესტიციებისთვის რეგიონულ პლატფორმად აქციოს.

1776945459

როგორც იუწყება სააგენტო „აპა–ეკონომიკსი“, განცხადება გაკეთდა ბაქოში, კასპიისა და ცენტრალური აზიის ნავთობის ვაჭრობისა და ლოგისტიკის II ფორუმზე, რომელიც ორგანიზებული იყო GLENMAR Group-ის მიერ.ჰაბიბის თქმით, ბირჟას შესაძლოა ეწოდოს ბაქოს ბირჟა ან ენერგეტიკული ბირჟა. პროექტი, მისი შეფასებით, შეიძლება განხორციელდეს ერთობლივი საწარმოს ფორმატში Intercontinental Exchange (ICE)-თან თანამშრომლობით და ისეთი საერთაშორისო ფინანსური ინსტიტუტების მხარდაჭერით, როგორიცაა JPMorgan Chase და Goldman Sachs.მისი თქმით, კასპიის რეგიონში უკვე დიდი ხანია განიხილება ტრეიდერებს, გამყიდველებსა და მყიდველებს შორის ჰეჯირების ეფექტიანი მექანიზმის შექმნა. „ვფიქრობ, გარკვეულ ეტაპზე ბაქოში სასაქონლო ბირჟის შექმნისთვის საჭირო პირობები ჩამოყალიბდება“, — განაცხადა ჰაბიბმა.მან ასევე აღნიშნა, რომ არსებული ინფრასტრუქტურა მხოლოდ დროებით აკმაყოფილებს მოთხოვნებს და მომავალში საჭირო იქნება ახალი სიმძლავრეების განვითარება. ბაქოში უკვე ფუნქციონირებს ალიათის პორტი, რომელიც თავისუფალი ეკონომიკური ზონის პრინციპით მუშაობს. ჰაბიბის შეფასებით, ჩრდილო-დასავლეთ ევროპის – ამსტერდამის, როტერდამის და ანტვერპენის ლოგისტიკური და ენერგეტიკული ჰაბების მოდელი შესაძლოა კასპიის ზღვის სანაპიროზეც განხორციელდეს.ექსპერტების შეფასებით, ბაქოში სასაქონლო ბირჟის შექმნა აზერბაიჯანისთვის შეიძლება ნიშნავდეს ენერგეტიკული ვაჭრობის რეგიონულ ცენტრად ჩამოყალიბების მცდელობას. ამჟამად კასპიის რეგიონში ნავთობისა და ნავთობპროდუქტების ფასების განსაზღვრა ძირითადად გლობალურ ბირჟებზე ხდება, ხოლო ადგილობრივ მოთამაშეებს საკუთარი ჰეჯირების ინსტრუმენტები შეზღუდულად აქვთ.ბირჟის შექმნის შემთხვევაში, აზერბაიჯანი შეძლებს გაზარდოს ტრანზაქციური მოცულობები, განავითაროს ფინანსური სერვისები და გააძლიეროს პოზიციები ტრანზიტული დერეფნების – მათ შორის შუა დერეფნის – ფარგლებში.ამასთან, პროექტი ბაქოს პირდაპირ კონკურენციაში შეიყვანს რეგიონის სხვა ჰაბებთან, მათ შორის თურქეთთან, რომელიც ენერგეტიკული სავაჭრო პლატფორმის განვითარებას ცდილობს, და ყაზახეთთან, რომელიც კასპიის რეგიონში ლოგისტიკურ როლს აძლიერებს.ანალიტიკოსების თქმით, მსგავსი ბირჟის წარმატება დამოკიდებული იქნება არა მხოლოდ ინფრასტრუქტურაზე, არამედ სამართლებრივ ჩარჩოზე, გამჭვირვალობაზე და საერთაშორისო ფინანსური ინსტიტუტების ნდობაზე.

1776944139

მიუხედავად იმისა, რომ ბრიუსელსა და ტრამპს შორის მანამდეც არსებობდა უთანხმოება ვაჭრობის, უკრაინისა და სამხედრო ხარჯების გამო, „სამხრეთის ინტერკონექტორის“ (Southern Interconnection) პროექტში ჩარევა პირველი შემთხვევაა, როდესაც ევროკავშირმა პრეზიდენტის ახლო გარემოცვის კომერციულ საქმიანობას დაუპირისპირდა.მილსადენმა ბოსნია და ჰერცეგოვინაზე უნდა გაიაროს. ბოსნიური წყაროების ცნობით, აშშ-ის ოფიციალური პირების მხრიდან მრავალთვიანი ზეწოლის შედეგად, ქვეყნის ლიდერებმა დაიწყეს მზადება კონტრაქტის პირდაპირ გადასაცემად ვაიომინგში ბაზირებული ნაკლებად ცნობილი კომპანიისთვის.კომპანია AAFS Infrastructure and Energy გასული წლის ნოემბერში დაფუძნდა და მისი მფლობელების ვინაობა უცნობია. კომპანიას სათავეში უდგანან ტრამპის საარჩევნო კამპანიის წამყვანი წევრები: ჯესი ბინალი - ადვოკატი, რომელიც ტრამპს კაპიტოლიუმის მოვლენებისას იცავდა და ჯო ფლინი - პრეზიდენტის ეროვნული უსაფრთხოების ყოფილი მრჩევლის ძმა.მიუხედავად იმისა, რომ კომპანიას მსგავს პროექტებზე მუშაობის გამოცდილება არ გააჩნია, მისი ადგილობრივი წარმომადგენლის თქმით, AAFS მილსადენსა და სხვა ინფრასტრუქტურულ პროექტებში 1.5 მილიარდი დოლარის ინვესტირებას გეგმავს.მარტში ბოსნიელმა კანონმდებლებმა დაამტკიცეს ნორმა, რომელიც Transparency International-ის შეფასებით, „სახიფათო პრეცედენტს“ ქმნის, რადგან კონტრაქტის ტენდერის გარეშე, პირდაპირ AAFS-ისთვის გადაცემას ითვალისწინებს.ამის საპასუხოდ, ბრიუსელის წარმომადგენელმა სარაევოში ბოსნიის ლიდერები გააფრთხილა, რომ ეს ნაბიჯი ქვეყნის ევროინტეგრაციის პროცესს საფრთხეს უქმნის. 13 აპრილით დათარიღებულ კონფიდენციალურ წერილში ევროკავშირის ოფიციალური პირი, ლუიჯი სორეკა ხაზს უსვამს, რომ ენერგეტიკული კანონმდებლობა აუცილებლად უნდა იყოს კოორდინირებული ევროკავშირთან.ჯესი ბინალმა განაცხადა, რომ ეს მილსადენი „ტრამპის ადმინისტრაციის პრიორიტეტია“. ევროკავშირის ჩარევის შესახებ კითხვაზე მან აღნიშნა, რომ მათი მიზანი ბოსნიისთვის ენერგეტიკული უსაფრთხოების უზრუნველყოფაა.ეს პროექტი ბოსნიას საშუალებას მისცემს, მიიღოს ამერიკული გაზი ხორვატიის თხევადი ბუნებრივი აირის (LNG) ტერმინალიდან და ამით სრულად ჩაანაცვლოს რუსული მომარაგება. თუმცა, ბრიუსელი დგას დილემის წინაშე: ევროპის ენერგეტიკული რუკის ეს მნიშვნელოვანი ნაწილი შესაძლოა აღმოჩნდეს არა უბრალოდ ამერიკული კომპანიის, არამედ იმ პირების კონტროლის ქვეშ, რომლებიც პერსონალურად არიან დაკავშირებულნი ანტაგონისტურად განწყობილ პრეზიდენტთან.AAFS-ის გარდა, ბოსნიით ტრამპის სხვა ახლობლებიც დაინტერესდნენ. მაიკლ ფლინი ლობირებდა ბოსნიელ სერბთა ლიდერს, მილორად დოდიკს, რის შედეგადაც ოქტომბერში დოდიკს აშშ-ის სანქციები მოეხსნა. აპრილში სარაევოს დონალდ ტრამპ უმცროსიც ეწვია. მიუხედავად იმისა, რომ ისინი პროექტში პირდაპირ არ ფიგურირებენ, დოდიკი მილსადენის გეგმას აქტიურად უჭერს მხარს.

1776941889

მთავრობის მეთაურმა ხაზი გაუსვა, რომ ენერგეტიკული დამოუკიდებლობის გაძლიერება ქვეყნისთვის პრიორიტეტულია და კონკრეტული ობიექტების მიმართულებით „მნიშვნელოვანი პროგრესია“ მიღწეული.„კონკრეტული ჰესების მიმართულებით ვართ ძალიან წინ წაწეულები. აქტიურად ვმუშაობთ იმაზე, თუ რა იქნება დაფინანსების წყარო და სად იქნება ჩადებული ინვესტორების რესურსები“, – აღნიშნა კობახიძემ ჟურნალისტებთან საუბრისას.პრემიერ-მინისტრის თქმით, ენერგეტიკული პროექტების განხორციელება ქვეყნის ეკონომიკური განვითარების სტრატეგიული ნაწილია. მან პირობა დადო, რომ პროცესი საჯარო იქნება. „როდესაც შევკრავთ კონკრეტულ პროექტებს, ყველაფერს გავუზიარებთ საზოგადოებას", – დასძინა მან.საქართველო ბოლო წლებში აქტიურად ცდილობს ენერგეტიკული დამოუკიდებლობის მოპოვებას და ადგილობრივი გენერაციის ზრდას, რათა მინიმუმამდე დაიყვანოს ელექტროენერგიის იმპორტზე დამოკიდებულება, რომელიც ზამთრის პერიოდში განსაკუთრებით მაღალია. ქვეყნის ჰიდრორესურსების ათვისების სტიმულირებისთვის, მთავრობამ 2023 წლიდან შეცვალა მხარდაჭერის სქემა და „გარანტირებული შესყიდვის ტარიფის“ (PPA) ნაცვლად დანერგა „ფასთაშორისი სხვაობის“ (CfD) მექანიზმი. ამასთან, საქართველო განიხილავს საკუთარ თავს რეგიონულ ენერგეტიკულ ჰაბად, რასაც ხელი უნდა შეუწყოს „შავი ზღვის წყალქვეშა კაბელის“ პროექტმა, რომელიც სამხრეთ კავკასიის ენერგოსისტემას ევროპასთან დააკავშირებს. ანალიტიკოსების შეფასებით, მსხვილი ჰესების (როგორიცაა ხუდონი, ნენსკრა და სხვები) მშენებლობის დაჩქარება კრიტიკულად მნიშვნელოვანია როგორც შიდა მოხმარების დასაკმაყოფილებლად, ისე ქვეყნის საექსპორტო პოტენციალის რეალიზებისთვის. 

1776936614

პლატფორმა მიზნად ისახავს ბიზნეს სექტორში ღირსეული შრომის სტანდარტების გაძლიერებას და წევრ კომპანიებს აძლევს შესაძლებლობას, სისტემურად განავითარონ სამუშაო ადგილზე ღირსების დაცვის, დისკრიმინაციის პრევენციის, სამართლიანი ანაზღაურებისა და უსაფრთხო სამუშაო გარემოს უზრუნველყოფის პრაქტიკა.პლატფორმის ფარგლებში დაგეგმილი სამუშაო შეხვედრები და აქტივობები კომპანიებს დაეხმარებათ ცოდნის გაღრმავებაში და მათი საქმიანობის საერთაშორისო და ადგილობრივ სტანდარტებთან შესაბამისობაში მოყვანაში. სელფი მობაილი მონაწილეებს გაუზიარებს საკუთარ გამოცდილებასა და პრაქტიკულ მიდგომებს სამუშაო ადგილზე ღირსების დაცვისა და ინკლუზიური გარემოს განვითარების მიმართულებით.სელფი მობაილი გაეროს გლობალური შეთანხმების საქართველოს ქსელის წევრია 2023 წლიდან და აქტიურად მონაწილეობს ბიზნეს სექტორის როლის ზრდაში მდგრადი განვითარების მიზნების მიღწევაში.შეხვედრებზე კომპანიები განიხილავენ:· სასამართლო პრაქტიკის მიმოხილვა: შრომითი ურთიერთობის შეწყვეტის საფუძვლები· ღირსეული სამუშაო პრაქტიკაში: თანამშრომლების ტრენინგი, უნარების განვითარება და ხელოვნური ინტელექტი· ბავშვთა უფლებები და ბიზნესის პრინციპები: პროდუქტებისა და სერვისების უსაფრთხოება· შრომის საერთაშორისო ორგანიზაციის (ILO) დეკლარაცია შრომით საქმიანობაში ძირითადი პრინციპებისა და უფლებების შესახებ: უსაფრთხოება და ჯანმრთელობა ყველასთვის.

1776934226

პრემიერის თქმით, პროექტის ირგვლივ მოლაპარაკებები აქტიურ ფაზაშია და კონკრეტული დეტალები საზოგადოებისთვის მას შემდეგ გახდება ცნობილი, რაც პროცესი დასრულდება.„უახლოეს მომავალში გექნებათ სიახლეები ანაკლიასთან დაკავშირებით. დაველოდოთ მოვლენების განვითარებას“, - აღნიშნა კობახიძემ ჟურნალისტებთან საუბრისას.პრემიერმა ასევე ყურადღება გაამახვილა ეკონომიკის მინისტრის, მარიამ ქვირივიშვილის ვიზიტზე ჩინეთის სახალხო რესპუბლიკაში. მისი განმარტებით, ვიზიტის ერთ-ერთი მთავარი მიზანი სწორედ ანაკლიის პორტის საკითხზე მოლაპარაკებების გაგრძელება და ორ ქვეყანას შორის სავაჭრო ურთიერთობების გაღრმავებაა.„ეკონომიკის მინისტრის ვიზიტი ჩინეთში დამატებით შეუწყობს ხელს ვაჭრობის განვითარებას. ყველა თემაზე იქნება საუბარი, მათ შორის, ანაკლიის თემაზეც“, - განაცხადა პრემიერმა და დასძინა, რომ კონკრეტიკა მოლაპარაკებების დასრულების შემდეგ დაზუსტდება.

1776933668

საქმე ეხება როგორც ცოცხალი ღორების, ისე ღორის ხორცის ექსპორტს. აღნიშნული მიმართულებით ინტერესის არსებობა დადასტურდა ორი ქვეყნის აგრარული უწყებების მოლაპარაკებების ფარგლებში. სამხრეთ კავკასიის ბაზარზე ახალი პროდუქციით შესვლის მცდელობა, გავრცელებული ინფორმაციით, წარმატებული აღმოჩნდა. მოთხოვნის შენარჩუნების შემთხვევაში, ექსპორტის მოცულობა შესაძლოა გაიზარდოს.ამ ეტაპზე მოცულობები შედარებით მცირეა – 500 ტონა 884 ათასი დოლარის ღირებულებით. თუმცა სოფლის მეურნეობის სამინისტროში აცხადებენ, რომ გეგმავენ ექსპორტის გაფართოებას და ქართულ ბაზარზე პოზიციების გაძლიერებას.საერთო ჯამში, ღორის ხორცი ყაზახეთისთვის ახალი საექსპორტო მიმართულებაა. 2025 წლის შედეგებით, საზღვარგარეთ მიწოდება გაიზარდა 1,8 ათას ტონამდე, 3,6 მილიონი დოლარის ღირებულებით. ძირითადი ბაზრები გახდა რუსეთი, საქართველო და სომხეთი.ამასთან, საქართველოსთან თანამშრომლობა მხოლოდ ერთ პროდუქციას არ მოიცავს. ყაზახეთი უკვე აწვდის საქართველოს მარცვლეულს, ფქვილსა და სხვა აგრარულ საქონელს, ხოლო ქვეყნებს შორის აგრარული საქონლის საერთო ბრუნვამ 116 მილიონ აშშ დოლარს გადააჭარბა.მანამდე გავრცელდა ინფორმაცია, რომ ყაზახეთს შეუძლია ჩინეთში გაგზავნოს არა მხოლოდ გაყინული ღორის ხორცი, არამედ სუბპროდუქტები და თერმულად დამუშავებული პროდუქციაც.

1776933499

კობახიძემ ხაზი გაუსვა ორბანის „მრავალწლიან მხარდაჭერას“ საქართველოს მიმართ და აღნიშნა, რომ ბუდაპეშტის პოზიცია ევროკავშირში ქვეყნის ინტერესების გატარების კუთხით მნიშვნელოვანი იყო.„ჩვენ იმედი გვაქვს, რომ ჩვენს ხალხს და ქვეყანას მომავალშიც გამოუჩნდება ლობისტები, ძლიერი ლობისტები ევროკომისიასა და ევროკავშირში. მარტო უნგრეთი არ იყო ჩვენი მხარდამჭერი, სხვებიც გვიჭერდნენ მხარს“, - განაცხადა პრემიერმა ჟურნალისტებთან საუბრისას.ევროკავშირის მხრიდან შესაძლო სანქციების შესახებ დასმულ კითხვაზე, რომელიც ბოლო პერიოდში ბრიუსელთან დაძაბული ურთიერთობების ფონზე აქტიურად განიხილება, კობახიძემ მკვეთრი პოზიცია დააფიქსირა.„თქვენ ელოდეთ რასაც გინდათ, მე არაფერს ველოდები“, - აღნიშნა მთავრობის მეთაურმა პასუხად კითხვაზე, ელოდება თუ არა ის პირად ან სახელმწიფოებრივ შეზღუდვებს პარტნიორებისგან.ირაკლი კობახიძის განცხადებები იმ დროს კეთდება, როდესაც ევროკავშირის ელჩებმა ბრიუსელში წინასწარი მხარდაჭერა გამოუცხადეს რუსეთის წინააღმდეგ სანქციების მე-20 პაკეტს. ამავდროულად, უნგრეთში ჩატარებული არჩევნების შემდეგ, სადაც ვიქტორ ორბანი დამარცხდა, საქართველო რეგიონში თავისი ერთ-ერთი მთავარი მოკავშირის მხარდაჭერის ტრანსფორმაციის წინაშე დადგა. პრემიერის თქმით, თბილისი მზად არის გააგრძელოს მუშაობა ევროკომისიასა და ევროპულ საბჭოში ახალი მხარდამჭერების მოსაზიდად.

1776932576