პატარკაციშვილის ქვრივის 10–მილიონიანი სახლი ინგლისში მთლიანად დაიწვა

საერთაშორისო ფინანსურმა გამოცემამ Global Finance ახალი დაჯილდოების AI in Finance Awards 2025-ის პირველი გამარჯვებულები გამოავლინა. დაჯილდოებების პირველივე ეტაპზე საქართველოს ბანკმა საცალო მიმართულებით ფინანსებში ხელოვნური ინტელექტის წარმატებული ინტეგრაციისთვის ჯამში 14 ჯილდო მოიპოვა.აღნიშნულ დაჯილდოებას Global Finance CGI-სთან — საერთაშორისო IT და საკონსულტაციო ფირმასთან პარტნიორობით ახორციელებს. CGI გლობალურ დონეზე ხელოვნური ინტელექტის პასუხისმგებლიან დანერგვაშია სპეციალიზებული. AI in Finance Awards-ის მიზანია იმ საფინანსო ინსტიტუტების გამოვლენა, რომლებიც ხელოვნური ინტელექტის მეშვეობით ფინანსურ მომსახურებას მნიშვნელოვნად აუმჯობესებენ.„ბანკში ხელოვნური ინტელექტის ინსტრუმენტების დანერგვა და განვითარება ჩვენთვის მხოლოდ ყოველდღიური ტექნოლოგიური ამოცანა არაა — ეს არის გზა, რომ თითოეულ მომხმარებელს მარტივი, სწრაფი და მათ საჭიროებებზე მორგებული სერვისები თუ პროდუქტები შევთავაზოთ. საცალო საბანკო მომსახურების მიმართულებით 14 ჯილდო კი კიდევ ერთხელ უსვამს ხაზს იმ შედეგს, რომელიც ჩვენი გუნდის ინოვაციურ და მომხმარებელზე ორიენტირებულ მიდგომებს მოაქვს”, - აცხადებს მიხეილ ნადარეიშვილი, საქართველოს ბანკის მონაცემთა ანალიტიკის დეპარტამენტის ხელმძღვანელი.საქართველოს ბანკმა AI in Finance Awards-ის ფარგლებში 14 ჯილდო შემდეგ ნომინაციებში მიიღო:ქვეყნის ქვეკატეგორიები: ჩათბოტები და ვირტუალური ასისტენტები; მომხმარებლის გამოცდილების გაუმჯობესება; პერსონალიზებული ფინანსური რჩევები; კერძო საბანკო მომსახურება; ფინანსური თაღლითობის გამოვლენა და პრევენცია; საკრედიტო შეფასება. რეგიონის ქვეკატეგორიები (აღმოსავლეთ და ცენტრალური ევროპა): ჩათბოტები და ვირტუალური ასისტენტები; მომხმარებლის გამოცდილების გაუმჯობესება; პერსონალიზებული ფინანსური რჩევები; კერძო საბანკო მომსახურება; ფინანსური თაღლითობის გამოვლენა და პრევენცია; საკრედიტო შეფასება. საუკეთესო ბანკი საცალო მიმართულებით: ქვეყნის დონეზე (საქართველო) რეგიონის დონეზე (ცენტრალური და აღმოსავლეთ ევროპა)

1750062787

კერძოდ, Lion Finance Group-ის (BGEO LN) აქციები დაიხურა 66.05 ბრიტანულ ფუნტ სტერლინგში (GBP), -4.14% წინა კვირასთან შედარებით და -1.56% გასულ თვესთან შედარებით. ვაჭრობის მოცულობამ 128 ათას აქციაზე მეტი შეადგინა, GBP 65.15 - 70.15 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 37 ათასი აქცია შეადგინა.თიბისი ბანკის ჯგუფის (TBCG LN) აქციები დაიხურა 44.75 ბრიტანულ ფუნტ სტერლინგში (GBP), -0.78% წინა კვირასთან შედარებით და 2.82% გასულ თვესთან შედარებით. ვაჭრობის მოცულობამ 296 ათას აქციაზე მეტი შეადგინა, GBP 44.10 - 45.65 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 55 ათასი აქცია შეადგინა.Georgia Capital-ის (CGEO LN) აქციები დაიხურა 18.54 ბრიტანულ ფუნტ სტერლინგში (GBP), -3.24% წინა კვირასთან შედარებით და 3.34% გასულ თვესთან შედარებით. ვაჭრობის მოცულობამ 230 ათას აქციაზე მეტი შეადგინა, GBP 18.36 - 19.38 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 40 ათასი აქცია შეადგინა.

1750062415

16 ივნისიდან „კრისტალის“ საბანკო პროდუქტები და სერვისები ეტაპობრივად ამოქმედდა. დღეიდან, კომპანიის მომხმარებლებს უკვე აქვთ შესაძლებლობა, გახსნან საბანკო ანგარიშები, ისარგებლონ გადარიცხვებით, დეპოზიტებითა და  “კრისტალის” გამორჩეული და მიმზიდველი საინვესტიციო პროდუქტებით.მნიშვნელოვან სიახლეს წარმოადგენს სასესხო ლიმიტის ზრდა, რაც დამატებითი შესაძლებლობა იქნება “კრისტალის” მომხმარებლებისთვის, ისარგებლონ კიდევ უფრო მრავალფეროვანი, თანამედროვე და ხელმისაწვდომი ფინანსური მომსახურებით. საგულისხმოა, რომ უკვე სექტემბრიდან ბანკი მომხმარებლებისთვის პლასტიკური ბარათების შეთავაზებასაც გეგმავს.“16 ივნისი კრისტალისთვის ისტორიული თარიღი და ჩვენი შესაძლებლობების სრულიად ახალ საფეხურზე გადასვლის დღეა. მოხარულები ვართ, რომ ერთგულ თუ ახალ მომხმარებლებს მეტად მრავალფეროვან, მათზე მორგებულ სერვისებს შევთავაზებთ და კიდევ უფრო გავზრდით ფინანსებზე ხელმისაწვდომობას. თამამად შეგვიძლია ვთქვათ, რომ “კრისტალი” ოპერირების ამ გარდამტეხ ეტაპს კარგად მომზადებული შეხვდა. მნიშვნელოვანია, აღინიშნოს ჩვენი გუნდის წვლილი, რომლის გარეშეც ამ წარმატების მიღწევა შეუძლებელი იქნებოდა. აქვე, მინდა საჯარო მადლობა გადავუხადო ჩვენს საერთაშორისო და ადგილობრივ პარტნიორებს, საქართველოს ეროვნულ ბანკს, ყველას, ვინც  აქტიურად გვიჭერდა მხარს ამ მნიშვნელოვან პროცესში”, - აღნიშნავს კრისტალის გენერალური დირექტორი ილია რევია.მიკრობანკის ლიცენზიის მიღებიდან ოპერირების დაწყებამდე, 4 თვის განმავლობაში კრისტალმა მნიშვნელოვანი მოსამზადებელი სამუშაოები განახორციელა. კერძოდ, განახლდა პროცესები, სისტემები, მიდგომები, ახალი ცოდნის მიღების მიზნით,  გადამზადდა ყველა ფილიალის თანამშრომელი, განსაკუთრებული მოცულობის სამუშაო ჩატარდა რისკების მართვისა და რეგულაციებთან შესაბამისობის, ინფორმაციული უსაფრთხოების, თუ სხვა მიმართულებებით.მომხმარებლებისთვის ახალი, საინტერესო და კონკრეტულ საჭიროებებზე მორგებული პროდუქტებისა და მოქნილი პირობების შეთავაზებას, ციფრული მომსახურებების განვითარებას და გამრავალფეროვნებას კრისტალი კვლავაც გააგრძელებს და ეტაპობრივად საბანკო პროდუქტების კუთხით მნიშვნელოვან სიახლეებს შესთავაზებს მომხმარებელს. კომპანიის მთავარ ორიენტირად კვლავაც რჩება მომხმარებლებთან სიახლოვე და მათი შესაძლებლობების გაძლიერება, პერსონალიზებული მომსახურება და ტექნოლოგიური განვითარება, რაც საფინანსო ბაზარზე კონკურენტული უპირატესობის ახალ ფორმას ქმნის და  სარგებელს მოუტანს როგორც “კრისტალს”, ისე მის მომხმარებლებს.მიკრობანკი “კრისტალი” საქართველოში მოქმედი წამყვანი ფინანსური ინსტიტუტია, რომელიც დინამიკურად იზრდება და ვითარდება. კომპანიამ 2025 წლის 12 თებერვალს, საქართველოს ეროვნული ბანკისგან მიკრობანკის ლიცენზია მიიღო. ლიცენზიის მიღებას კრისტალი 27-წლიანი გამოცდილებით და სანდო იმიჯით, 520 მილიონი ლარის სასესხო პორტფელით, 48 ფილიალში დასაქმებული 1 000-ზე მეტი თანამშრომლით და ქვეყნის მასშტაბით 100 000-ზე მეტი უნიკალური მომხმარებლით შეხვდა. კრისტალის პარტნიორები არიან საერთაშორისო და ადგილობრივი მსხვილი ფინანსური ინსტიტუტები. 

1750060973

ბრენდების სამმხრივი თანამშრომლობით, მალე, საქართველოს ბაზრისთვის ინოვაციური პროდუქტი - სამოგზაურო ბარათი შეიქმნება, რომელიც თიბისი კონცეპტ 360-ის და თიბისი Wealth Management-ის მომხმარებლებს მოგზაურობის სრულიად ახალ გამოცდილებას შესთავაზებს.ურთიერთთანამშრომლობის მემორანდუმს ბრენდების წარმომადგენლებმა ხელი 12 ივნისს, სტამბოლში მოაწერეს.„საქართველოში ასეთი მასშტაბის ბრენდების საერთო ღირებულებით გაერთიანება უპრეცედენტოა. ჩვენი ერთობლივი ხედვა მარტივ იდეაზეა დაფუძნებული - ქართველ მომხმარებლებს ისეთი პროდუქტები და მომსახურება შევთავაზოთ, რომელიც შეუქმნით კომფორტს მსოფლიოს ნებისმიერ წერტილში მოგზაურობისას”, - ვახტანგ ბუცხრიკიძე, თიბისის გენერალური დირექტორი.აღნიშნული ბრენდების პარტნიორობით შექმნილი სამოგზაურო პროდუქტი Visa-ს სამოგზაურო უპირატესობებს, თიბისი ბანკის მოწინავე ფინანსურ სერვისებსა და Turkish Airlines-ის Miles & Smiles პროგრამას გააერთიანებს.მომხმარებლები საზღვარგარეთ განხორციელებულ ტრანზაქციებზე, Turkish Airlines-ის მილების (Miles & Smiles) დაგროვებას შეძლებენ, რომელთა გამოყენებაც შესაძლებელი იქნება ავიაკომპანიის ბილეთების და სხვა სერვისების შესაძენად.მომხმარებლებისთვის უპირატესობების შეთავაზება დაგეგმილია ისეთ სამოგზაურო კატეგორიებშიც, როგორიცაა: განსაკუთრებული შეთავაზება აეროპორტის ლაუნჯებზე, უსაფრთხოების კონტროლის სწრაფი გავლა, განსაკუთრებული ტარიფები ტაქსსა და ინტერნეტ როუმინგზე.“მოხარულები ვართ, რომ თიბისისთან და Visa-სთან თანამშრომლობით ვქმნით ერთობლივ პროდუქტს- სამოგზაურო ბარათს, რომელიც მომხმარებლებს მისცემს ყოველდღიური ხარჯებიდან სარგებლის მიღების შესაძლებლობას. ეს კოლაბორაცია ზუსტად ასახავს ჩვენს მთავარ ფოკუსს- მგზავრებისათვის ფრენის მიღმა მოგზაურობის გამოცდილების გაუმჯობესებას და მათთვის დამატებითი ღირებულებების შექმნას“, - Turkish Airlines-ის მარკეტინგის უფროსი ვიცე-პრეზიდენტი, არიფ ალი გეზმისოლუ.უნიკალური უპირატესობების გარდა, მეტალის პრემიუმ მასალისაგან დამზადებული  სამოგზაურო ბარათი ქობრენდ დიზაინით იქნება გამორჩეული. “მოხარული ვარ რომ საქართველოში პირველი ინოვაციური სამოგზაურო ბარათი  ექსკლუზიურად ყველაზე გამოცდილი მოგზაურებისთვის იქნება ხელმისაწვდომი. ჩვენს მომხმარებლებს უფრო კომფორტულ, სასიამოვნო და დასამახსოვრებელ გამოცდილებასთან ერთად, ახლა უკვე მნიშვნელოვანი ბენეფიტების მიღებაც შეეძლებათ. ეს კოლაბორაცია სრულ თანხვედრაშია ჩვენს სტრატეგიულ მიზანთან - განსაკუთრებული ღირებულება შევქმნათ მათთვის, ვისაც მოგზაურობა ასე ძალიან უყვარს“, - დიანა კიღურაძე, Visa-ს რეგიონული მენეჯერი კავკასიასა და მოლდოვაში.ბარათის ფუნქციონალის შესახებ დეტალური ინფორმაცია, ახლო მომავალში, მისი გამოშვების შემდეგ გახდება ცნობილი.

1750060925

2024 წლის განმავლობაში სასაკლაოებში დაიკლა 520 ათასი სული პირუტყვი, მათ შორის 30.6% – მსხვილფეხა რქოსანი პირუტყვი, ხოლო 69.4% – წვრილფეხა (ცხვარი, თხა, ღორი და სხვა). გარდა ამისა, საანგარიშო პერიოდის განმავლობაში სასაკლაოებში დაკლული ფრინველის რაოდენობა 12,2 მილიონს გადააჭარბა.სასაკლაოების მიერ 2024 წლის განმავლობაში 63 ათასი ტონა ხორცი იქნა წარმოებული (დაკლული წონა, ფრინველის ხორცის ჩათვლით), საიდანაც 29.9% მოდის მსხვილფეხა რქოსანი პირუტყვის ხორცზე, 35% – ფრინველის, 33.9% – ღორის, 1.2% – ცხვრისა და თხის ხორცზე, ხოლო დანარჩენს უმნიშვნელო წილი უკავია.საქსტატის მონაცემებით, 2024 წლის განმავლობაში სასაკლაოებში წარმოებული ხორცისგან სასაკლაოს მიერ შესყიდული იყო 8 728.2 ტონა, საიდანაც 30.8% მოდის მსხვილფეხა რქოსანი პირუტყვის ხორცზე, 5.2% – ფრინველის ხორცზე, ხოლო 63.5% – ღორის ხორცზე.2024 წლის განმავლობაში მომსახურება გაეწია 30.6 ათას პირს, საიდანაც 53.6% შინამეურნეობების (ოჯახური მეურნეობები) სახით იყვნენ წარმოდგენილნი. სასაკლაოებში დასაქმებულთა საშუალო თვიურმა რაოდენობამ 1 113 კაცი შეადგინა.ერთეული პირუტყვის დაკვლაზე მომსახურების საშუალო ფასი შემდეგნაირი იყო: მსხვილფეხა რქოსანი პირუტყვის დაკვლის საფასური – 38.1 ლარი, ცხვრის ან თხის – 14.9 ლარი, ღორის – 30.8 ლარი.სასაკლაოების თითქმის ნახევარი (49.6%) სრულად არის აღჭურვილი თანამედროვე ტექნოლოგიებით, 46.6% აღჭურვილია ნაწილობრივ, 3.8% კი არ არის აღჭურვილი თანამედროვე ტექნოლოგიებით.სასაკლაოების 66.4% არ სარგებლობს სესხით, ხოლო 33.6%-ს აღებული აქვს სესხი სხვადასხვა მიზნით: 61.4%-ს – ძირითადი კაპიტალის შეძენისთვის, 25%-ს – საბრუნავი კაპიტალისათვის, ხოლო 13.6%-ს როგორც ძირითადი, ასევე საბრუნავი კაპიტალისთვის.2024 წელს საქართველოში 387 ერთეული სამაცივრე მეურნეობა ფუნქციონირებდა, რომელთა უმრავლესობაც შიდა ქართლის რეგიონშია (59.7%) განთავსებული. მოქმედი სამაცივრე მეურნეობები ასევე განთავსებულია: თბილისში (11.1%), კახეთში (9.8%), ქვემო ქართლში (5.2%), სამეგრელო-ზემო სვანეთში (5.2%), იმერეთში (3.4%), აჭარის არ-ში (3.1%), გურიაში (1%), მცხეთა მთიანეთში (0.8%), სამცხე-ჯავახეთში (0.5%) და რაჭა-ლეჩხუმისა და ქვემო სვანეთის (0.3%) რეგიონში.2024 წლის განმავლობაში მომსახურება გაეწია 509 მომხმარებელს. მწარმოებელთა და გადამყიდველთა რაოდენობამ, რომელთაგანაც შესყიდულ იქნა პროდუქცია შემდგომი რეალიზაციის მიზნით, 1 289 ერთეული შეადგინა, ხოლო სამაცივრეებში დასაქმებულთა საშუალოთვიური რაოდენობა 1 964 კაცით განისაზღვრა.საქსტატის მონაცემებით, 2024 წლის განმავლობაში მაცივრებში შენახული (განთავსებული) იყო 340.8 ათასი ტონა პროდუქცია, მათ შორის 41.3% – ქათმის ხორცი (გაყინულის ჩათვლით), 19.8% – პირუტყვის ხორცი და ხორცპროდუქტები (ნახევარფაბრიკატების ჩათვლით), 12.8% – ხილი და ბოსტნეული, 12.7% – თევზეული, 7.8% – რძის პროდუქტები, ხოლო დანარჩენ პროდუქტებს 5.6% ეკავა.სამაცივრე მეურნეობების მიერ შემდგომი რეალიზაციის მიზნით 2024 წლის განმავლობაში შესყიდულია 72.2 ათასი ტონა პროდუქცია. რაც შეეხება მომსახურების სახით მიღებულ შემოსავალს, მისმა სიდიდემ 27.1 მლნ. ლარი შეადგინა.2024 წლის განმავლობაში სამაცივრე მეურნეობების მიერ გაყიდულია 544 მლნ. ლარის ღირებულების (96.3 ათასი ტონა) პროდუქცია, საიდანაც ღირებულებით გამოსახულებაში შედარებით დიდი ნაწილი (48.3%) იყო ადგილობრივი (შესყიდული) წარმოების. ამასთან, სამაცივრეების მიერ გაყიდული ადგილობრივი (საკუთარი წარმოების) პროდუქციის 46.3% მოდიოდა ქათმის ხორცზე. იმპორტირებული პროდუქციის მნიშვნელოვან მოცულობას პირუტყვის ხორცი და ხორცპროდუქტები (ნახევარფაბრიკატების ჩათვლით) (33.2%), ქათმის ხორცი (გაყინულის ჩათვლით) (31.8%) და თევზეული (10.3%) წარმოადგენდა.სამაცივრეების მიერ გაყიდული პროდუქციისაგან უცხოურ ბაზარზე რეალიზებული იქნა 3.3% (ღირებულების მხრივ), რომლის მნიშვნელოვან ნაწილს ქათმის ხორცი (59.2%) და ხილ-ბოსტნეული (29.9%) წარმოადგენდა.საქსტატის გამოკვლევის შედეგების მიხედვით, კამერების საშუალო დღიური დატვირთვა (პროცენტულად კამერების ჯამური ტევადობიდან) იანვარში შეადგენდა 57.2%-ს, თებერვალში – 51.4%-ს, მარტში – 51%-ს, აპრილში – 49.8 პროცენტს, მაისში – 57.6%-ს, ივნისში – 47.8%-ს, ივლისში – 55%-ს, აგვისტოში – 58.5%-ს, სექტემბერში – 49.7%-ს, ოქტომბერში - 58.7%-ს, ნოემბერში – 57.7%-ს, ხოლო დეკემბერში – 53%-ს.სამაცივრე მეურნეობების 63.6% თანამედროვე ტექნოლოგიებით აღჭურვილია სრულად, 32.8% – ნაწილობრივ, ხოლო 3.6% საერთოდ არ არის აღჭურვილი თანამედროვე ტექნოლოგიებით.სესხით სარგებლობს სამაცივრე მეურნეობების 70%. აქედან, 51.3%-ს სესხი აღებული აქვს მხოლოდ ძირითადი კაპიტალისთვის (ახლის შეძენის ან არსებულის გაუმჯობესების მიზნით), 45.4%-ს – მხოლოდ საბრუნავი კაპიტალისათვის, ხოლო 3.3%-ს – როგორც ძირითადი, ისე საბრუნავი კაპიტალისათვის.2024 წელს საქართველოში 39 ელევატორი ფუნქციონირებდა, რომელთა უმრავლესობაც ქვემო ქართლის (25.6%) და კახეთის (23.1%) რეგიონებში იყო განთავსებული. ელევატორების 12.8% ფუნქციონირებდა სამეგრელო-ზემო სვანეთის რეგიონში, 12.8% – იმერეთის რეგიონში, 12.8% – თბილისში, 7.7% – შიდა ქართლის რეგიონში, 5.1% – გურიის რეგიონში.2024 წლის განმავლობაში მომსახურება გაეწია 30 მომხმარებელს. მწარმოებელთა და გადამყიდველთა რაოდენობამ, რომელთაგანაც შესყიდულ იქნა პროდუქცია შემდგომი რეალიზაციის მიზნით, 118 ერთეული შეადგინა, ხოლო ელევატორებში დასაქმებულთა საშუალოთვიური რაოდენობა 441 კაცით განისაზღვრა.2024 წლის განმავლობაში ელევატორებში შენახული (განთავსებული) იყო 464.5 ათასი ტონა პროდუქცია, რომლის 61.3%-ს წარმოადგენდა ხორბალი, 19.1%-ს – სოიოს შროტი, 8.2%-ს – ხორბლის ფქვილი, 8%-ს – სიმინდი, დანარჩენ პროდუქციას კი უმნიშვნელო წილი ჰქონდა.2024 წლის განმავლობაში ელევატორების მიერ გაყიდულია 326.3 მლნ. ლარის ღირებულების 280.1 ათასი ტონა პროდუქცია, საიდანაც 32.9% (ღირებულების მიხედვით) იყო ადგილობრივი (საკუთარი) წარმოების.ელევატორების მიერ პროდუქციის გადამუშავებასა და შენახვაზე გაწეულმა დანახარჯებმა 4.6 მლნ. ლარი შეადგინა.საქსტატის მონაცემებით, ადგილობრივი (საკუთარი წარმოების) წარმოშობის პროდუქციაში როგორც მოცულობის, ისე ღირებულების მიხედვით ჭარბობდა ხორბლის ფქვილი (ელევატორების მიერ გაყიდული ადგილობრივი პროდუქციის ღირებულების 81.8%) და ქატო (11.9%).გამოკვლევის შედეგების მიხედვით, ელევატორების საცავების საშუალო დღიურმა დატვირთვამ (პროცენტულად საცავების ჯამური ტევადობიდან) იანვარში შეადგენდა 50.2%-ს, თებერვალში – 48.4%-ს, მარტში – 46.7%-ს, აპრილში – 48.3%-ს, მაისში – 47.1%-ს, ივნისში – 46.3%-ს,  ივლისში – 51.4%-ს, აგვისტოში – 47.5%-ს, სექტემბერში – 49.3%-ს, ოქტომბერში – 54.7%-ს, ნოემბერში – 54.2%-ს, ხოლო დეკემბერში – 53.1%-ს.ელევატორების 46.2% თანამედროვე ტექნოლოგიებით აღჭურვილია სრულად, 38.5% აღჭურვილია ნაწილობრივ, ხოლო 15.4% საერთოდ არ არის აღჭურვილი თანამედროვე ტექნოლოგიებით.ამასთან, სესხით სარგებლობს ელევატორების 41%, რომელთა ნახევარს სესხი აღებული აქვს ძირითადი კაპიტალისთვის (ახლის შეძენის ან არსებული გაუმჯობესების მიზნით), 37.5%-ს – საბრუნავი კაპიტალისათვის, 12.5%-ს – როგორც ძირითადი, ასევე საბრუნავი კაპიტალისათვის.

1750060613

ქვემოთ მოცემულ დიაგრამაზე წარმოდგენილია დაქირავებით დასაქმებულთა საშუალო თვიური ხელფასი 2020-2025 წლებში, კვარტალების მიხედვით.საქმიანობის სახეების მიხედვით შედარებით მაღალი ხელფასი დაფიქსირდა შემდეგ დარგებში: საფინანსო და სადაზღვევო საქმიანობები – 5 515.1 ლარი (წინა წლის შესაბამის პერიოდთან შედარებით გაიზარდა 22%-ით); ინფორმაცია და კომუნიკაცია – 4 163 ლარი (გაიზარდა 5.2%-ით); პროფესიული, სამეცნიერო და ტექნიკური საქმიანობები – 2 975.7 ლარი (გაიზარდა 11.3%-ით);  მშენებლობა - 2 908.9 ლარი (გაიზარდა 10.8%-ით) ქვემოთ მოცემულ დიაგრამაზე წარმოდგენილია საშუალო თვიური ხელფასი ეკონომიკური საქმიანობის სახეების მიხედვით 2024-2025 წლების I კვარტალში. 2025 წლის I კვარტალში ქალების საშუალო ხელფასი 1 744.2 ლარი, ხოლო კაცების - 2 601.3 ლარი იყო. ხელფასების წლიურმა ზრდამ ქალებში 204.1 ლარი (13.3%) შეადგინა, ხოლო კაცებში - 258 ლარი (11%). საქმიანობის სახეების მიხედვით კაცების ხელფასი თითქმის ყველა სექტორში აღემატებოდა ქალების ხელფასს.საქსტატის მონაცემებით, 2025 წლის I კვარტალში დაქირავებით დასაქმებულთა საშუალო თვიური ხელფასი ბიზნეს სექტორში 184.2 ლარით (9.3%) გაიზარდა და 2 169.6 ლარი შეადგინა. საქმიანობის სახეების მიხედვით ყველაზე მაღალი ხელფასი დაფიქსირდა ინფორმაციის და კომუნიკაციის (4 255.4 ლარი, წინა წლის შესაბამის პერიოდთან შედარებით გაიზარდა 4.6%-ით) და პროფესიული, სამეცნიერო და ტექნიკური საქმიანობების (3 402.5 ლარი, გაიზარდა 12.1%-ით) სფეროებში.ქვემოთ მოცემულ დიაგრამაზე წარმოდგენილია ბიზნეს სექტორში დაქირავებით დასაქმებულთა საშუალო თვიური ხელფასი 2020-2025 წლებში, კვარტალების მიხედვით.2025 წლის I კვარტალში არასამეწარმეო და საფინანსო სექტორში საშუალო თვიური ხელფასი გასული წლის შესაბამის პერიოდთან შედარებით 300.9 ლარით (16.1%) გაიზარდა და 2 170.9 ლარი შეადგინა. საქმიანობის სახეების მიხედვით შედარებით მაღალი საშუალო ხელფასი აქვთ საფინანსო და სადაზღვევო საქმიანობებში დასაქმებულებს.ქვემოთ მოცემულ დიაგრამაზე წარმოდგენილია არასამეწარმეო და საფინანსო სექტორში დაქირავებით დასაქმებულთა საშუალო თვიური ხელფასი, 2020-2025 წლებში, კვარტალების მიხედვით.საშუალო ხელფასის სიდიდის მიხედვით რეგიონებში ლიდერობს თბილისი და მცხეთა მთიანეთი.ქვემოთ მოცემულ დიაგრამაზე წარმოდგენილია დაქირავებით დასაქმებულთა საშუალო თვიური ნომინალური ხელფასი რეგიონების მიხედვით, 2025 წლის I კვარტალში.

1750060090

ღვინის ეროვნული სააგენტოს კონტრაქტორი მარკეტინგული კომპანიის „Red Bridge“ ხელმძღვანელი კენიჩი ოჰაში, იაპონიაში ერთადერთი ღვინის მაგისტრია.„ქართული ღვინის ხარისხი გასაოცარი სისწრაფით იზრდება, რაც მართლაც შთამბეჭდავია. გასულ წლებში, რამდენჯერმე ვიმოგზაურე კახეთში, იმერეთს უკვე მეორედ ვეწვიე და ყოველ ჯერზე ვფიქრობდი: რა არის ახალი? რა დარჩა აღმოსაჩენი? აღმოჩენები მართლაც ბევრია ჩემთვის. მე არ ვარ მეღვინე, მაგრამ კარგად ვიცნობ ბევრ მეღვინეს და ვხედავ, რამდენად დიდ ძალისხმევას იჩენთ იმისთვის, რომ ხარისხი კიდევ უფრო გააუმჯობესოთ და ღვინის გლობალურ ბაზარზე სწორად წარმოაჩინოთ. ძალიან კარგად ვგრძნობ ამას, ვხედავ დიდ წინსვლას და ეს ჩემთვის უდიდესი გამოცდილებაა. მიხარია, რომ თქვენგან ბევრი ახალი რამის სწავლა შემიძლია თქვენი 8000-წლიანი ტრადიციული ისტორიის წყალობით. მე ნამდვილად დიდ პატივს ვცემ ამ ღრმა და მდიდარ ისტორიას. გემრიელი საკვები, მრავალფეროვანი ღვინის სტილი, ყოველ ჯერზე მიხარია აქ დაბრუნება“, - აღნიშნა კენიჩი ოჰაშიმ.საქართველოში ვიზიტის დროს, კენიჩი ოჰაში ღვინისა და ალკოჰოლური სასმელების საერთაშორისო გამოფენის WinExpo Georgia 2025 ფარგლებში გამართული მე-15 საერთაშორისო ღვინის კონკურსის Georgia International Wine Award ჟიურის წევრიც იყო.იაპონურ ბაზარზე ქართული ღვინის პირველი მასშტაბური წარდგენა 2014 წელს მოხდა. მას შემდეგ, სახელმწიფოს მხარდაჭერით, ქართული ღვინის კომპანიები მუდმივად მონაწილეობენ პრესტიჟულ საერთაშორისო გამოფენებში Foodex Japan, Wine and Gourmet Japan, RAW Eine Tokyo, ტარდება ქართული ღვინის წარდგენა-დეგუსტაციები იაპონიის სხვადასხვა ქალაქში, იაპონელი ღვინის პროფესიონალებისა და მედიის წარმომადგენლებისთვის ეწყობა ღვინის  ტურები საქართველოში.აღსანიშნავია, რომ იაპონიის ბაზარი მზარდი და, ამავე დროს, ქართული ღვინისთვის ერთ-ერთი ყველაზე მაღალფასიანი სეგმენტს წარმოადგენს, სადაც ქართული ღვინის ერთი ლიტრის ფასი 6 აშშ დოლარს აღემატება.

1750056955

ჟიურის გადაწყვეტილებით, 2025 წლის გამარჯვებულები გახდნენ:საუკეთესო ფილმი:წმინდა ელექტროენერგია (ტატო კოტეტიშვილი)ჟიურის განსაკუთრებული აღნიშვნა - წლის საუკეთესო ფილმი:ლურჯი მოცვი (ელენე მიქაბერიძე)საუკეთესო რეჟისორი:მაკა გოგალაძე (რაც თავი მახსოვს)საუკეთესო მსახიობი:დათა ჩაჩუა (პანოპტიკონი)მზია არაბული (გზაჯვარედინზე)საუკეთესო ოპერატორი:ტატო კოტეტიშვილი (წმინდა ელექტროენერგია)საუკეთესო მონტაჟი:მაკა გოგალაძე (რაც თავი მახსოვს)საუკეთესო მხატვრული გაფორმება:ქეთევან ნადიბაიძე (პანოპტიკონი)ასევე, ნატო ვაჩნაძის ფონდის გადაწყვეტილებით, 2025 წლის ნატო ვაჩნაძის სახელობის პრემიის ლაურეატი, ქართული ლიტერატურისა და თეატრის განვითარებაში შეტანილი წვლილისთვის გახდა მწერალი - ნინო ხარატიშვილი.“ელისოს” არსებობა კიდევ ერთხელ უსვამს ხაზს, რამდენად მნიშვნელოვანია ხელოვნების, განსაკუთრებით კი, ქართული კინოს მხარდაჭერა. მსგავსი ღონისძიებები არამხოლოდ აძლიერებს კინოს ინდუსტრიას, არამედ ქმნის სტიმულს ახალი თაობისთვისაც. ხელოვნებისა და კინოს მხარდაჭერა თიბისისთვის ერთ-ერთ მთავარ პრიორიტეტად რჩება, რადგან, მიგვაჩნია, რომ კულტურა ქვეყნის განვითარებისთვის აუცილებელი საყრდენია. სწორედ ამიტომ, მუდმივად ვცდილობთ, შევქმნათ სივრცეები, სადაც ხელოვანები თავიანთ ხედვებს გააცოცხლებენ, სათქმელს ხმამაღლა და თავდაჯერებულად იტყვიან. 

1750053263