სომხეთის მთავრობამ ევროკავშირში გაწევრიანების პროცესის დაწყებას მხარი დაუჭირა

„პარტია „გახარია საქართველოსთვის“ მოვუწოდებთ ევროპის საბჭოს საპარლამენტოს ასამბლეას: არ დაადასტუროს ასამბლეაში საქართველოს დელეგაციის მანდატები; მოითხოვოს მონიტორინგის კომიტეტის დეტალური ანგარიში. განსაზღვროს დემოკრატიული შესაბამისობის მკაფიო კრიტერიუმები. გააძლიეროს მონიტორინგის მექანიზმები ანგარიშვალდებულებისა და პროგრესის გასაკონტროლებლად“, – ნათქვამია განცხადებაში. 2024 წლის 25 ნოემბერს პარტია „ქართული ოცნება” პარლამენტის შენობაში შეიკრიბა და გარეთ საპროტესტო აქციის ფონზე მე-11 მოწვევის პარლამენტის უფლებამოსილების ცნობის პროცედურა ჩაატარა.საქართველოში 2024 წლის 26 ოქტომბერს ჩატარებული არჩევნების შედეგებს არ აღიარებენ ოთხივე ბარიერგადალახული ოპოზიციური პარტია: "კოალიცია ცვლილებისთვის“, „ერთიანობა - ნაციონალური მოძრაობა“, „ძლიერი საქართველო“ და "გახარია საქართველოსთვის". საქართველოს მეხუთე პრეზიდენტი, არასამთავრობო ორგანიზაციები და ხალხი, რომელიც ყოველდღიურად მართავს აქციებს თბილისსა და სხვა ქალაქებში.არჩევნებთან დაკავშირებით კითხვები აქვთ საერთაშორისო პარტნიორებსაც.ყოველდღიური აქციები ახალი არჩევნების ჩატარების მოთხოვნით 43 დღეა იმართება.

1736421474

სების განმარტებით, დაჯარიმების მიზეზები შემდეგია:  მიკროსაფინანსო ორგანიზაციის მიერ საქართველოს ეროვნული ბანკისთვის შემოწმების პერიოდში გამოთხოვილი ინფორმაციის/დოკუმენტაციის არასწორად ან/და ვადის გადაცილებით წარდგენის 3 (სამი) შემთხვევა, რაც „მიკროსაფინანსო ორგანიზაციისა და მისი ადმინისტრატორების მიმართ ფულადი ჯარიმების ოდენობის განსაზღვრის, დაკისრებისა და აღსრულების წესის დამტკიცების თაობაზე“ საქართველოს ეროვნული ბანკის პრეზიდენტის 2020 წლის 5 თებერვლის №16/04 ბრძანებით დამტკიცებული წესის (შემდგომში - „წესი“) მე-3 მუხლის მე-3 პუნქტის „პ“ ქვეპუნქტის შესაბამისად ითვალისწინებს მიკროსაფინანსო ორგანიზაციის დაჯარიმებას - 2,000 (ორი ათასი) ლარის ოდენობით, დარღვევის თითოეულ ფაქტზე, ხოლო, ნახსენები დარღვევის სამი შემთხვევისათვის, სულ - 6,000 (ექვსი ათასი) ლარი; მიკროსაფინანსო ორგანიზაციის მიერ საქართველოს კანონმდებლობის, მათ შორის, რისკის შეფასების თაობაზე ეროვნული ბანკის სამართლებრივი აქტით ან/და მიკროსაფინანსო ორგანიზაციის შიდა პოლიტიკა/პროცედურებით განსაზღვრული შესაბამისი რისკ ფაქტორების გათვალისწინების გარეშე კლიენტისათვის რისკის მინიჭების/გადაფასების 4 (ოთხი) ფაქტი, რაც წესის მე-3 მუხლის მე-3 პუნქტის „ვ“ ქვეპუნქტის შესაბამისად ითვალისწინებს მიკროსაფინანსო ორგანიზაციის დაჯარიმებას - 3,000 (სამი ათასი) ლარის ოდენობით, დარღვევის თითოეულ ფაქტზე. ამ პუნქტში ნახსენები დარღვევის ოთხი შემთხვევისათვის, სულ -12,000 (თორმეტი ათასი) ლარი; მიკროსაფინანსო ორგანიზაციის მიერ ერთ კლიენტთან მიმართებით მინიჭებული მაღალი რისკის ფარგლებში არ არის განხორციელებული „ფულის გათეთრებისა და ტერორიზმის დაფინანსების აღკვეთის ხელშეწყობის შესახებ“ საქართველოს კანონის მე-18 მუხლის პირველი პუნქტის „ე“ ქვეპუნქტით გათვალისწინებული პრევენციული ზომა, კერძოდ კი, მიკროსაფინანსო ორგანიზაციას არ მიუღია გონივრული ზომა კლიენტების ქონებისა და ფულადი სახსრების წარმომავლობის დასადგენად, რაც ხსენებული წესის მე-3 მუხლის მე-3 პუნქტის „ზ“ ქვეპუნქტის შესაბამისად ითვალისწინებს მიკროსაფინანსო ორგანიზაციის დაჯარიმებას - 3,000 (სამი ათასი) ლარის ოდენობით, თითოეულ კლიენტთან მიმართებით. დარღვევის ერთი შემთხვევისათვის, სულ - 3,000 (სამი ათასი) ლარი. მიკროსაფინანსო ორგანიზაციის მიერ ერთ კლიენტთან მიმართებით არ განხორციელებულა საქმიანობის არსის დადგენა, რაც წესის მე-3 მუხლის მე-3 პუნქტის „თ“ ქვეპუნტის შესაბამისად ითვალისწინებს მიკროსაფინანსო ორგანიზაციის დაჯარიმებას - 2,000 (ორი ათასი) ლარის ოდენობით, თითოეულ კლიენტთან მიმართებებით. დარღვევის ერთი შემთხვევისათვის, სულ - 2,000 (ორი ათასი) ლარი.

1736419490

როგორც მდინარაძემ აღნიშნა, დასკვნაში აისახება რეკომენდაციები დამნაშავეთა მიმართ საქართველოს კონსტიტუციით გათვალისწინებული პოლიტიკური და სამართლებრივი რეაგირების ზომების შესახებ.„დროებითი საგამოძიებო კომისია, რომელიც 6 თვის განმავლობაში მოამზადებს დასკვნას, რომელსაც საქართველოს პარლამენტი განიხილავს და დაამტკიცებს სექტემბრის პირველი სასესიო კვირისთვის. დასკვნაში აისახება რეკომენდაციები დამნაშავეთა მიმართ საქართველოს კონსტიტუციით გათვალისწინებული პოლიტიკური და სამართლებრივი რეაგირების ზომების შესახებ. დასკვნა გადაეცემა პროკურატურას და სხვა შესაბამის ორგანოებს საქართველოს კანონმდებლობის შესაბამისად შემდგომი ზომების მისაღებად და დამნაშავეთა დასჯის უზრუნველყოფის მიზნით. სპეკულაციების გამოსარიცხად “, - აღნიშნა მდინარაძემ.მდინარაძემ ხაზი გაუსვა, რომ 2008 წლის ომის საკითხზე გამოძიების ადრესატები არ იქნებიან სამხედრო მოსამსახურეები და მეთაურები.

1736418425

"ერთი, რომ ამ ხელისუფლებამ, რომელიც უკვე იშლება, ვერტიკალში გააჩინა სერიოზული კითხვები, რომ პოლიცია ცუდად ეგუება იმ პოლიტიკურ პროცესს, რასაც "ოცნება" ატარებს", – განაცხადა ზურაბიშვილმა.საქართველოს მე-5 პრეზიდენტის აზრით, დიდხანს ვერცერთი ინსტიტუტი და ადამიანი, რომელიც არ არის მიყიდული "ოცნებას", ვერ შეეგუება იმ კრიზისს, რაც ქვეყანაშია შექმნილი."ვერ შეეგუება იმას, რომ იყოს მართული ამ ფორმით და პირდაპირ ინსტრუქციებით იყოს დამორჩილებული ასე ვთქვათ. ჩვენ ვხედავთ ამ ევოლუციას და ორი ვარიანტი აქვს დღეს მმართველ გუნდს, ერთი, რომ დაინახოს ეს რეალობა, დაინახოს რა უნდა ქართველ ხალხს და თვითონ წავიდეს იმაზე, რაც ცხადია არის დათმობა. წავიდეს ახალ არჩევნების ორგანიზებაზე იმ ძალებთან ერთად, რომლებიც არიან ქვეყანაში იმ რეკომენდაციების გათვალისწინებით, რაც არსებობს და ამაზე დოკუმენტი როგორც უკვე ვთქვით, მზადდება და პრაქტიკულად მზად იქნება მომდევნო დღეებში. მეორე ვარიანტი არის ბევრად უფრო ძნელი და რთული ქვეყნისთვის, თუ ქვეყანაზე ფიქრობს ვინმე, რომ მმართველი პარტია დაელოდოს თავის ბოლომდე დაშლას, რაც მოითხოვს სხვა ტიპის პასუხისმგებლობის გადანაწილებას. ესეც ასე იქნება, თუ რაღა თქმა უნდა, მმართველი პარტია არ შეეგუება იმას, რომ უნდა გაითვალისწინოს ჩვენი ხალხის და პარტნიორების მოთხოვნა, რომ ახალი არჩევნების გარეშე არაფერი არ შეიცვლება ამ ქვეყანაში და ეს ქვეყანა იქნება ასე გაყინული, რაც დიდხანს ნამდვილად ვერ გასტანს", - თქვა სალომე ზურაბიშვილმა დღევანდელ ბრიფინგზე. საქართველოს მეხუთე პრეზიდენტმა ისიც განაცხადა, რომ ამერიკის შეერთებული შტატების არჩეული პრეზიდენტის დონალდ ტრამპის ინაუგურაციას დაესწრება, პარალელურად კი, ვაშინგტონში მაღალი დონის შეხვედრებს გამართავს.როგორც ზურაბიშვილმა განაცხადა, დონალდ ტრამპის ინაუგურაციაზე ჰელსინკის კომისიის თავმჯდომარის, კონგრესმენ ჯო უილსონის მიწვევით მივა.„გვაქვს საშუალებები, რომ გამოვიდეთ იზოლაციიდან. მე მაქვს როლი და ამ როლს სრულყოფილად ვასრულებ. მაქვს, პრაქტიკულად, ყოველდღიური კავშირები ჩვენს უცხოელ პარტნიორებთან. ვადასტურებ, რომ მივდივარ პრეზიდენტ ტრამპის ინაუგურაციაზე, ვაშინგტონში ვიქნები ჯო უილსონის დაპატიჟებით. სხვადასხვა ვარიანტია ინაუგურაციაზე მიწვევის, რომელშიც არავინ იხდის ფულს. ასე რომ იყოს, სხვებს, ბევრს აქვს ჩემზე ბევრად მეტი რესურსი, რომ ეს თანხები გადაიხადოს. ეს ხუმრობა გვერდზე დავტოვოთ, მთავარი ისაა, რომ მივდივარ და მექნება მაღალი დონის შეხვედრები. ვაგრძელებთ ურთიერთობებს ჩვენს პარტნიორებთან“, - განაცხადა სალომე ზურაბიშვილმა.ზურაბიშვილი ასევე, გამოეხმაურა საფრანგეთის პრეზიდენტის ემანუელ მაკრონის და სხვა დასავლელი ლიდერების მისამართით „ქართული ოცნების“ განცხადებებს და მმართველი პარტიის შეფასებებს „უხეში და უზრდელური“ უწოდა.„იცით, პრეზიდენტს მაკრონის განცხადება. ის უხეში და უზრდელი პასუხები, რაც მმართველი გუნდიდან მოდის პარტნიორების მიმართულებით, დიდად არაფერს ნიშნავს, რადგან რეალურად რაც მნიშვნელოვანია, ისაა, რომ საქართველოს მოსახლეობას აქვს მხარდაჭერა მთავარი პარტნიორებისგან, რომლებიც მზად არიან დაასანქცირონ ისინი, ვინც გადაწყვიტა საქართველო წაეყვანა სხვა გზით, ანტიდემოკრატიული, ანტიდასავლური მიმართულებით. ასევე, მხარი დაუჭირონ და დაჰპირდნენ საქართველოს მოსახლეობას, რომ როგორც კი ახალი არჩევნები ჩატარდება და დავუბრუნდებით იმ წყობას, რომელიც საქართველოსთვის ყველაზე სასურველია, დაგვიბრუნდება ის დახმარებები, რაც არსებობდა და რაც კიდევ უფრო უნდა გაძლიერდეს, რადგან ჩვენი ეკონომიკა რეალურად ძალიან მძიმე დღეშია. არჩევნების შემდეგ სერიოზული, ახალი ძალისხმევა დაგვჭირდება ჩვენგან, უპირველესად, ასევე პარტნიორების დახმარების კუთხით“,- განაცხადა სალომე ზურაბიშვილმა.საქართველოში 2024 წლის 26 ოქტომბერს ჩატარებული არჩევნების შედეგებს არ აღიარებენ ოთხივე ბარიერგადალახული ოპოზიციური პარტია: "კოალიცია ცვლილებისთვის“, „ერთიანობა - ნაციონალური მოძრაობა“, „ძლიერი საქართველო“ და "გახარია საქართველოსთვის". საქართველოს მეხუთე პრეზიდენტი, არასამთავრობო ორგანიზაციები და ხალხი, რომელიც ყოველდღიურად მართავს აქციებს თბილისსა და სხვა ქალაქებში.არჩევნებთან დაკავშირებით კითხვები აქვთ საერთაშორისო პარტნიორებსაც.ყოველდღიური აქციები ახალი არჩევნების ჩატარების მოთხოვნით 43 დღეა იმართება მას შემდეგ, რაც 2024 წლის 28 ნოემბერს „ქართულმა ოცნებამ“ თქვა, რომ მომავალი ოთხი წლის განმავლობაში ევროკავშირში გაწევრიანების მოლაპარაკების საკითხს დღის წესრიგში აღარ დააყენებს.

1736416779

ზურაბიშვილმა ხუთშაბათს გამართულ ბრიფინგზე ქვეყანაში შექმნილი კრიზისიდან ერთადერთ გამოსავლად ხელახალი არჩევნების ჩატარება დაასახელა.მეხუთე პრეზიდენტმა ისიც აღნიშნა, რომ დონალდ ტრამპის ინაუგურაციას დაესწრება, სადაც მაღალი დონის შეხვედრებსაც გამართავს. 

1736414257

ამის შესახებ ინფორმაციას „ქართული ოცნების“ პრეს–სამსახური ავრცელებს.გავრცელებულ ანონსში მდინარაძის ბრიფინგის თემატიკის შესახებ არაფერია ნათქვამი.ასევე უცნობია, თუ რა საკითხებს შეეხება დღევანდელ ბრიფინგზე სალომე ზურაბიშვილი. 

1736411197

როგორც ერთობლივ განცხადებაშია ნათქვამი, 2024 წლის 26 ოქტომბრის საპარლამენტო არჩევნები სერიოზული დარღვევებით ჩატარდა, რაც საერთაშორისო სტანდარტებსა და ქართველი ხალხის ნებას ეწინააღმდეგებოდა.ოპოზიციაში ყველა პოლიტიკური პატიმრის დაუყოვნებლივ გათავისუფლებას და ახალი, თავისუფალი და სამართლიანი არჩევნების ჩატარებას მოითხოვენ.„ძვირფასო პრეზიდენტო, ჩვენ, საქართველოს პოლიტიკური პარტიების წარმომადგენლები, მოგმართავთ თხოვნით, ევროპის საბჭოს საპარლამენტო ასამბლეაში არ დაადასტუროთ საქართველოს დელეგაციის უფლებამოსილება, რადგან 2024 წლის 26 ოქტომბრის საპარლამენტო არჩევნები ჩატარდა სერიოზული დარღვევებით, რაც ეწინააღმდეგებოდა საერთაშორისო სტანდარტებსა და ქართველი ხალხის ნებას.არჩევნების გაყალბების შედეგად ჩამოყალიბებული „პარლამენტი“ და მის მიერ არჩეული „პრეზიდენტი“ ლეგიტიმაციას მოკლებულნი არიან. დელეგაციაც, რომელიც „ქართულმა ოცნებამ“ ასამბლეაში შეიძლება წარადგინოს, მხოლოდ თვითგამოცხადებული რეჟიმის წარმომადგენლებისგან შედგება.მნიშვნელოვანია ასევე აღინიშნოს, რომ „ქართული ოცნების“ ლიდერები, მათ შორის, ბიძინა ივანიშვილი, საერთაშორისო სანქციების ქვეშ არიან - ისინი პასუხისმგებლები არიან ქვეყნის დემოკრატიული რეგრესისა და ადამიანის უფლებების მასობრივი დარღვევების ორგანიზებაზე. საქართველოში მშვიდობიანი პროტესტების მონაწილეთა მიმართ ხორციელდება რეპრესიები, დაკავებები და ძალადობა, რაც კიდევ უფრო აღრმავებს კრიზისს.ჩვენი მოთხოვნებია: ყველა პოლიტიკური პატიმრის დაუყოვნებლივ გათავისუფლება; ახალი, თავისუფალი და სამართლიანი არჩევნების ჩატარება. ევროპის საბჭოს საპარლამენტო ასამბლეის პრინციპული პოზიცია გადამწყვეტია დემოკრატიული ღირებულებების დასაცავად საქართველოში.პატივისცემით, საქართველოს პოლიტიკური პარტიების წარმომადგენლები“, - აღნიშნულია ერთობლივ განცხადებაში.

1736411002

აქტის დამტკიცების შემთხვევაში, "ივანიშვილის რეჟიმის აღიარება უნდა აიკრძალოს". შეერთებული შტატების პოლიტიკა კი ის უნდა იყოს, რომ არც აღიაროს და არც ურთიერთობის ნორმალიზება მოახდინოს საქართველოს ნებისმიერ იმ მთავრობასთან, რომელიც ბიძინა ივანიშვილის, ან მასთან დაკავშირებული პირების მიერ იქნება მართული. ამის მიზეზად კი "ამერიკის ხმისთვის" მიწოდებულ დოკუმენტში დასახელებულია „ქართველი ხალხის წინააღმდეგ ივანიშვილის რეჟიმის დანაშაულები“.“ჰელსინკის კომისიის” წევრთა უმეტესობა დაინტერესებულია საქართველოსთან უკეთესი ურთიერთობით", - უთხრა "ამერიკის ხმას" ექსკლუზიურ ინტერვიუში აქტის სახელწოდების ავტორმა და ინიციატივის თანაავტორმა, დემოკრატმა კონგრესმენმა სტივ კოენმა:"ამისთვის [საჭირო] გზა არის ამ უკანონო, ივანიშვილის მიერ მხარდაჭერილი მთავრობის არაღიარება, რომელმაც უკანონო, შეუსაბამო არჩევნები ჩაატარა, რომელსაც საერთაშორისო დამკვირვებლები აფასებენ, როგორც არაზუსტსა და უსამართლოს. [Საჭიროა] შევაჩეროთ ურთიერთობა მანამ, სანამ ჩატარდება ახალი არჩევნები და იქნება პარლამენტი, რომელიც მთელ ქართველ ხალხსა და განსხვავებულ პარტიებს წარმოადგენს, ამჟამად, ეს მხოლოდ ივანიშვილის პარტიაა, ეს ივანიშვილის ხალხია", - ამბობს კოენი "ამერიკის ხმასთან".ეს აქტი არის პოლიტიკის დოკუმენტი, რომელიც მიუთითებს, რომ ამერიკა „აქტიურად უნდა შეეწინააღმდეგოს ივანიშვილის ლიდერობით მოქმედ ხელისუფლებასთან სხვა მთავრობების ურთიერთობას და მათი მხრიდან აღიარებასა თუ ურთიერთობების ნორმალიზებასაც". ასევე, აქტის თანახმად, „ამერიკამ სრულად უნდა აღასრულოს პირველადი და მეორეული სანქციები და გამოიყენოს სხვადასხვაგვარი უფლებამოსილება, მათ შორის, „მაგნიტსკის გლობალური აქტი“ და აღმასრულებელი ბრძანება N 14024, რომ შეაკავოს კორუფციული ქმედებები, ან საქართველოს მხრიდან ჩინეთის კომუნისტური პარტიის, ირანის რეჟიმისა და რუსეთის ფედერაციის სახელით გატარებული საგარეო გავლენის ოპერაციები“, - ვკითხულობთ აქტში.აღმასრულებელი ბრძანება N 14024 პრეზიდენტ ჯო ბაიდენის მიერ 2021 წელს ხელმოწერილი ბრძანებაა, რომელიც უშუალოდ რუსეთის მთავრობის მიერ ჩადენილ მავნე საგარეო ქმედებებზე ანგარიშვალდებულებას გულისხმობს. 27 დეკემბერს ამერიკის ხელისუფლებამ სწორედ ამ ბრძანების ფარგლებში გამოაცხადა ბიძინა ივანიშვილის სანქცირება და ამხილა ის დემოკრატიისთვის ძირისგამომთხრელ საქმიანობაში „რუსეთის ფედერაციის მთავრობის სახელით, ან პირდაპირ ან ირიბად მის სასარგებლოდ მოქმედებით“.„ქართული კოშმარის“ არაღიარების აქტის თანახმად, ამერიკის ფედერალური მთავრობის არც ერთმა წარმომადგენელმა თუ თანამშრომელმა არ უნდა განახორციელოს ისეთი ქმედება, ან ფედერალური მთავრობის თანხები არ უნდა დაიხარჯოს ისე, რომ ამან რაიმე სახით მიუთითოს, რომ შეერთებული შტატები აღიარებს ბიძინა ივანიშვილს, ან მისი და მასთან დაკავშირებული პირების ლიდერობით მოქმედ საქართველოს მთავრობას.აქტი ასევე ლეგიტიმურ პრეზიდენტად აცხადებს საქართველოს მეხუთე პრეზიდენტს სალომე ზურაბიშვილს, და ამბობს, რომ ამერიკამ საქართველოს „ერთადერთ ლეგიტიმურ ლიდერად 26 ოქტომბრის გაყალბებულ არჩევნებამდე მოქმედი პრეზიდენტი“ უნდა მიიჩნიოს.საბოლოოდ კი, აქტის თანახმად, თუკი ქვეყანაში კონსტიტუციური პირობები აღდგება და ამას თავისუფალი და სამართლიანი არჩევნების ჩატარება დაადასტურებს, ამერიკის პრეზიდენტმა ეს პოლიტიკა შეიძლება გააუქმოს.„მეგობარი აქტის“ მეორე სიცოცხლეშეერთებული შტატების 119-ე მოწვევის კონგრესმა მუშაობა გასულ კვირას განახლებული შემადგენლობით დაიწყო. ამერიკის საპრეზიდენტო არჩევნების შედეგების სერტიფიცირებამდეც კი, ორივე პარტიის წარმომადგენელმა ოთხმა კონგრესმენმა წარმომადგენელთა პალატას განახლებული „მეგობარი აქტი“ წარუდგინა. ეს რესპუბლიკელი კონგრესმენის, ჯო უილსონის ლიდერობით შემუშავებული საკანონმდებლო აქტია, რომელიც თავდაპირველად გასული წლის მაისში დარეგისტრირდა, მაშინ, როცა ამერიკამ საქართველოსთან ორმხრივი ურთიერთობის ყოვლისმომცველი გადახედვა დაიწყო.“MEGOBARI აქტი“ (Mobilizing and Enhancing Georgia’s Options for Building Accountability, Resilience, and Independence) განახლებულ კონგრესს ორი რესპუბლიკელი კონგრესმენის - ჯო უილსონისა და რიჩარდ ჰადსონის და ორი დემოკრატი კონგრესმენის - სტივ კოენისა და მარკ ვისის ინიცირებით წარედგინა.„მეგობარი აქტი“ „ქართული ოცნების“ ყველა წარმომადგენლის წინააღმდეგ ყოვლისმომცველ სანქციებს გულისხმობს. „მათ წინააღმდეგ, ვინც ჩართულია კორუფციაში, ან საქართველოს სუვერენიტეტისთვის ძირის გამოთხრაში“. აქტი ასევე გულისხმობს მექანიზმებს იმისთვის, რომ ამერიკა-საქართველოს ურთიერთობა აღდგეს და გაღრმავდეს მას შემდეგ, რაც საქართველოს დემოკრატია და სუვერენიტეტი აღდგება. ამავე აქტით, კანონმდებლები მოითხოვენ საქართველოში რუსეთისა და ჩინეთის კომუნისტური პარტიის სადაზვერვო აქტივების, და რუსეთ-ჩინეთის თანამშრომლობის შესახებ სრულ ანგარიშს.არაღიარების პოლიტიკა8 იანვარს პლატფორმა "X"-ზე ჯო უილსონმა განცხადება გამოაქვეყნა, რომელსაც ხელს ამერიკისა და ევროპის ქვეყნების კანონმდებლები აწერენ. მათ შორის არიან ევროპარლამენტის წევრები, პოლონეთის, ესტონეთის, ლატვიის, გერმანიის, შვედეთის, ლიეტუვის, იტალიის, ჩეხეთის პარლამენტების წევრები, ამერიკის ყოფილი ელჩები საქართველოში და სხვა ყოფილი მაღალჩინოსნები. წერილში ნათქვამია, რომ ისინი დემოკრატიულ სამყაროს საქართველოში ახალი, თავისუფალი და სამართლიანი არჩევნების ჩატარებისკენ მოუწოდებენ, 26 ოქტომბრის საპარლამენტო არჩევნების შემდგომ მოქმედი მთავრობა კი არალეგიტიმურად აღიარონ."მადლიერი ვარ, რომ ვხელმძღვანელობ "საქართველოს საერთაშორისო მეგობრების" ამ განცხადებას. ჩვენ მოვუწოდებთ "თავისუფალ მთავრობებს, თავი შეიკავონ ივანიშვილის რეჟიმთან მაღალი რანგის შეხვედრებისგან, სანამ ის თავისუფალ და სამართლიან არჩევნებს დათანხმდება. ასევე მოვუწოდებთ რეჟიმის წინააღმდეგ ერთობლივი სანქციებისკენ", განცხადა ჯო უილსონმა. I am grateful to lead this statement of the International Friends of Georgia. We call on all free governments to refrain from senior meetings with the Ivanishvili regime until it agrees to hold free and fair elections. We also call for unified sanctions against the regime. pic.twitter.com/K8sa1lRF5v — Joe Wilson (@RepJoeWilson) January 8, 2025 "არამეგობრული და მტრული აქტი"ამერიკის მიერ სანქციების დაწესებას საქართველოს პრემიერ-მინისტრი ირაკლი კობახიძე "ეროვნული ინტერესების მსახურებისთვის ჯილდოდ" მიიჩნევს. ის ამბობს, რომ ბიძინა ივანიშვილს სანქციებით აშანტაჟებდნენ და ახლა დასავლეთს ეს ბერკეტიც ხელიდან აქვს გამოცილი. 8 იანვარს "ქართული ოცნების" პოლიტიკურმა საბჭომ ვრცელი წერილი გამოაქვეყნა, სადაც ნათქვამია, რომ "ოცნების" კრიტიკოსებს დასავლეთში ე.წ. "დიფ სთეითი" ანუ "ჩრდილოვანი სახელმწიფო" მართავს, ძალა, რომელიც "ბიძინა ივანიშვილს მშვიდობისთვის სჯის". რაც შეეხება, ამერიკის კონგრესში წარდგენილ აქტებს, "ოცნების" ლიდერები ამბობენ, რომ ჯო უილსონს "დააინიცირებინეს ე.წ. „მეგობარი აქტი“ საქართველოს შესახებ, რომელსაც, შინაარსიდან გამომდინარე, მხოლოდ „მტერი აქტი“ შეიძლება ეწოდოს"."უილსონმა იმოქმედა პრინციპით - „სასიამოვნო სასარგებლოსთან ერთად“ და „დიფ სთეითის“ დავალებების შესრულებას ევროპელი პენსიონერების მძარცველი კეზერაშვილისგან ფინანსური სარგებლის მიღებაც დაურთო. ათეულობით ევროპელი პენსიონერისთვის წართმეული ფული ერთ ამერიკელ პენსიონერს - ჯო უილსონს ხმარდება, რითაც „დიფ სთეითი“ თავის პოლიტიკურ ამოცანას ასრულებს და საქართველოს სანქციებით აშანტაჟებს. ჯო უილსონი არის „დიფ სთეითის“ ერთ-ერთი ყველაზე მძიმე გამოვლინება - დეგრადირებული პოლიტიკოსი ნულოვანი პოლიტიკური კულტურით, რომელიც უხეშად გვემუქრება, რომ დაგვსჯის, თუ არ ვიომებთ", - ვკითხულობთ "ოცნების" პოლიტსაბჭოს განცხადებაში.26 ოქტომბრის არჩევნების შედეგებს მოქალაქეთა ნაწილი 40 დღეზე მეტია საქართველოს ქუჩებში აპროტესტებს.მასალა მომზადებულია „ამერიკის ხმის“ მიერ. 

1736409437