აზერბაიჯანს მწვანე ენერგიის თურქეთსა და ევროპაში მიწოდება ნახიჩევანის გავლით სურს

ორშაბათს მერცის პრესსპიკერმა განაცხადა, რომ კანცლერმა ვიზიტი ამ კვირაში არსებული მჭიდრო გრაფიკის გამო გააუქმა. ეს გადაწყვეტილება რამდენიმე საათში მოჰყვა საქსონია-ანჰალტის მხარის არჩევნებში კანცლერის პარტიის მარცხს ულტრამემარჯვენე „ალტერნატივა გერმანიისთვის“ (AfD) ფონზე.ოთხშაბათს მერცი ევროპული საბჭოს პრეზიდენტს, ანტონიო კოშტას შეხვდება და სიტყვით გამოვა ბუნდესტაგში, ხოლო ხუთშაბათს შეხვედრებს გამართავს არაბთა გაერთიანებული საამიროების პრეზიდენტ მუჰამედ ბინ ზაიდ ალ ნაჰიანთან და გერმანელ დიპლომატებთან.გერმანიის ლიდერის არყოფნა მორიგი დარტყმაა სამიტისთვის, რომელსაც რამდენიმე მონაწილე უმიზნო და ცუდად ორგანიზებულად აფასებს. გასულ კვირას ღონისძიებაში მონაწილეობაზე უარი თქვეს წამყვანმა ამერიკულმა კოსმოსურმა კომპანიებმაც (მათ შორის ილონ მასკის SpaceX-მა), მას შემდეგ, რაც თეთრმა სახლმა ამერიკულ კომპანიებს ღონისძიების ბოიკოტირებისკენ მოუწოდა.საფრანგეთის მთავრობა საერთაშორისო კოსმოსურ სამიტს არაერთხელ წარმოაჩენდა, როგორც გერმანიასთან თანათავმჯდომარეობით დაგეგმილ ღონისძიებას, თუმცა ონლაინ სივრცეში მას ძირითადად საფრანგეთის ეგიდით მართულ პროექტად მოიხსენიებდნენ.პარასკევს ელისეს სასახლის წარმომადგენელმა კიდევ ერთხელ გაიმეორა, რომ სამიტს საფრანგეთი და გერმანია ერთობლივად უხელმძღვანელებდნენ.გერმანელმა დიპლომატმა დაადასტურა, რომ კანცლერის არყოფნის მიუხედავად, ბერლინი კვლავ ინარჩუნებს თანათავმჯდომარის სტატუსს.ღონისძიებას გერმანიის კვლევების, ტექნოლოგიებისა და კოსმოსის მინისტრი დოროთე ბერი და მისი ფრანგი კოლეგა, ფილიპ ბატისტი გახსნიან. პანელურ დისკუსიაზე სიტყვით გამოსვლა დაგეგმილი აქვს გერმანიის თავდაცვის მინისტრ ბორის პისტორიუსს, ხოლო ევროკომისიის პრეზიდენტი ურსულა ფონ დერ ლაიენი სამიტზე ვრცელი სიტყვით წარდგება.

1788778176

შეთავაზებებით სარგებლობისთვის აუცილებელია გადახდა საქართველოს ბანკის ტერმინალზე.გაეცანით შეთავაზებებს:დასვენება თბილისში და თბილისთან ახლოსMargot Hotel Tbilisi - 30 სექტემბრამდე Amex ბარათით გადახდისას 15%-იან MR ქულების ქეშბექს მიიღებთ (მაქსიმუმ 200 ლარის);Sevsamora Resort & Spa - 30 სექტემბრამდე Amex ბარათით გადახდისას 15%-იანი მომენტალური MR ქეშბექით ისარგებლებთ (მაქსიმუმ 200 ლარის);Blue Drop - 15 სექტემბრის ჩათვლით Amex ბარათით გადახდისას 30%-იან MR ქულების ქეშბექს მიიღებთ (მაქსიმუმ 200 ლარის);*შეთავაზება არ მოქმედებს Blue Drop-ის სხვა აქციებთან ერთად.დასვენება კახეთშიEsquisse Hotel - 30 სექტემბრის ჩათვლით Amex ბარათით გადახდისას 10-ჯერ მეტ MR ქულას დააგროვებთ ულიმიტოდ;Nekresi Estate - 30 სექტემბრამდე Amex ბარათით გადახდისას 10-ჯერ მეტ MR ქულას დააგროვებთ ულიმიტოდ;Anapea Village - 30 ნოემბრის ჩათვლით Amex ბარათით გადახდისას 10-ჯერ მეტ MR ქულას დააგროვებთ ულიმიტოდ.მთა და ბუნებაKomorebi Bakuriani Resort - 30 სექტემბრის ჩათვლით Amex ბარათით გადახდისას 10-ჯერ მეტ MR ქულას დააგროვებთ ულიმიტოდ;Hameau Mukhrani - 30 ნოემბრის ჩათვლით Amex ბარათით გადახდისას 10-ჯერ მეტ MR ქულას  დააგროვებთ ულიმიტოდ.როგორ გამოიყენო MR ქულები?დაგროვებული MR ქულების გამოყენება საქართველოს ბანკის პარტნიორ ობიექტებში შეგიძლიათ. ასევე, MR ქულების PLUS ქულებში გადაცვლა არის შესაძლებელი - 1 MR ქულა 3 PLUS ქულაა.შეარჩიეთ სასურველი სასტუმრო ან დასასვენებელი სივრცე, გადაიხადეთ Amex ბარათით და ისარგებლეთ სპეციალური შეთავაზებით.თუ ჯერ არ გაქვთ, Amex ბარათის შეკვეთა აქ შეგიძლიათ.(R)

1788775277

თიბისი კაპიტალის გუნდმა მონაწილეებს საქართველოსა და აჭარის მაკროეკონომიკური დინამიკისა და ძირითადი სექტორების მიმოხილვა წარუდგინა. აჭარის მთავრობის წარმომადგენლებმა კი გოდერძის განვითარების გეგმებისა და კონკრეტული საინვესტიციო პროექტების შესახებ ისაუბრეს. ღონისძიების ფარგლებში მონაწილეებმა კურორტის ინფრასტრუქტურა და განვითარების შესაძლებლობები ადგილზე დაათვალიერეს.კონფერენციას ესწრებოდნენ ადგილობრივი და უცხოელი ინვესტორები, ბიზნესის, აჭარის ავტონომიური რესპუბლიკის მთავრობისა და თიბისი ბანკის მენეჯმენტის წარმომადგენლები.“ინვესტორებს გავაცანით გოდერძის განვითარების გეგმები და ის პოტენციალი, რომელიც ამ ოთხსეზონიან კურორტს აქვს. თიბისისთვის აჭარა განსაკუთრებით მნიშვნელოვანი რეგიონია - ჩვენ აქ 740 კომპანიის პარტნიორი ვართ. მათთან ერთად ვახორციელებთ პროექტებს სხვადასხვა სექტორში და ხელს ვუწყობთ რეგიონის ეკონომიკურ გაძლიერებას. აჭარაში ჩვენი პორტფელი სრულად 1.1 მილიარდ ლარს შეადგენს; 49%-იანი წილით კი ბაზრის ლიდერები ვართ ბიზნესის დაფინანსებაში. გვჯერა, რომ ჩვენს პარტნიორებთან ერთად გოდერძიზე სრულიად ახალ შესაძლებლობებს შევქმნით”, - გიორგი თხელიძე, თიბისი ბანკის გენერალური დირექტორი.„ჩვენი ქვეყნის ეკონომიკის ზრდა და განვითარების უწყვეტი ციკლი რეგიონულ ჭრილშიც  მზარდ დინამიკაშია და ის ფაქტი, რომ აჭარა დღეს მრავალი თვალსაზრისით საინტერესო ადგილია, სადაც არაერთი მნიშვნელოვანი ღონისძიება, კონფერენცია და შეხვედრა იმართება, კიდევ ერთხელ ადასტურებს მის მიმზიდველობას როგორც ტურისტული, ასევე ბიზნეს ინიციატივების განხილვების თვალსაზრისით. ჩვენთვის მნიშვნელოვანია რეგიონის არა მარტო ზღვისპირა ნაწილის, არამედ მაღალმთიანეთის სწრაფი განვითარება, იქ არსებული მრავალფეროვანი პოტენციალის გათვალისწინებით.  წელიწადის ოთხივე სეზონზე კურორტი გოდერძი ამ კუთხით, სრულად პასუხობს ბიზნესინტერესების ფოკუსში არსებობის სტანდარტებს და თამამად შეგვიძლია განვიხილოთ, როგორც აჭარის მაღალმთიანეთის მარგალიტი - როგორც ტურისტული, ასევე საინვესტიციო და ბიზნესკლიმატის გაძლიერების კუთხით, რაც წარმოაჩენს კიდეც მთის კურორტების მნიშვნელობას რეგიონის მიმზიდველობის თვალსაზრისით. აღსანიშნავია, რომ ბიზნეს კონფერენციაში, რომელშიც ჩვენი ქვეყნის  და არა მხოლოდ, ცნობილი კომპანიები და დაინტერესებული პირები ღებულობენ მონაწილეობას, ასევე აქტიურად არიან ჩართული ჩვენი რეგიონის შესაბამისი უწყებები და დეპარტამენტები; იმედი მაქვს, ისინი ბევრ აქტუალურ საკითხს განიხილავენ და ერთობლივად გამოკვეთენ ჩვენი რეგიონის განვითარებისა და აჭარის მაღალმთიანეთის გაძლიერების სამომავლო პერსპექტივებს. მადლობა ყველას, ვინც ამ დიდ წამოწყებას დაუჭირა მხარი და იდეიდან რეალობამდე მიიყვანა ეს მნიშვნელოვანი ინიციატივა“, - ზურაბ პატარაძე, აჭარის ავტონომიური რესპუბლიკის მთავრობის თავმჯდომარე.(R)

1788773849

კერძოდ, Lion Finance Group-ის (BGEO LN) აქციები დაიხურა 136.20 ბრიტანულ ფუნტ სტერლინგში (GBP), +1.49% წინა კვირასთან შედარებით და +13.50% გასულ თვესთან შედარებით. ვაჭრობის მოცულობამ 169 ათას აქციაზე მეტი შეადგინა, GBP 131.90 - 136.90 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 51 ათასი აქცია შეადგინა.თიბისი ბანკის ჯგუფის (TBCG LN) აქციები დაიხურა 51.00 ბრიტანულ ფუნტ სტერლინგში (GBP), +0.99% წინა კვირასთან შედარებით და +2.57% გასულ თვესთან შედარებით. ვაჭრობის მოცულობამ 220 ათას აქციაზე მეტი შეადგინა, GBP 49.00 - 51.60 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 47 ათასი აქცია შეადგინა.Georgia Capital-ის (CGEO LN) აქციები დაიხურა 44.20 ბრიტანულ ფუნტ სტერლინგში (GBP), +0.45% წინა კვირასთან შედარებით და -1.78% გასულ თვესთან შედარებით. ვაჭრობის მოცულობამ 341 ათას აქციაზე მეტი შეადგინა, GBP 42.30 - 44.65 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 48 ათასი აქცია შეადგინა.

1788771956

„გერმანიაში საკმაოდ რთული მდგომარეობაა ეკონომიკური კუთხით. გასული სამი წლის განმავლობაში მთლიანობაში დაფიქსირდა რეცესია, ანუ ეკონომიკის შემცირება. ეს ყველაფერი ბუნებრივია აისახება მოსახლეობის განწყობაზე. ყველა ხედავს, რომ მთავრობას არ აქვს რესურსი სწორად მართოს პროცესები, მათ არ აქვთ საკმარისი სუვერენიტეტიც ამისათვის“, – განაცხადა კობახიძემ ბათუმში ჟურნალისტებთან.პრემიერის შეფასებით, გერმანიის ეკონომიკური მდგომარეობა ქვეყნის ამომრჩევლის განწყობაზეც აისახება და ამის ერთ-ერთი გამოვლინება საქსენ-ანჰალტის მიწაზე ჩატარებული არჩევნებია.„ამის გამოხატულებაა ის, რომ ოპოზიციურმა პარტიამ მოიპოვა გამარჯვება ერთ-ერთ ფედერაციულ სუბიექტში, საქსენ-ანჰალტის მიწაზე“, – თქვა მან და აღნიშნა, რომ გერმანელი ხალხის არჩევანში ჩარევას არ აპირებს.რა აჩვენებს ეკონომიკური სტატისტიკაკობახიძის განცხადების ნაწილი გერმანიის ეკონომიკის ბოლო წლების დინამიკას ეხება. ოფიციალური სტატისტიკის მიხედვით, გერმანიის რეალური მშპ 2023 წელს 0.9%-ით, 2024 წელს კი 0.5%-ით შემცირდა. 2025 წელს კი ეკონომიკამ 0.2%-იანი ზრდა აჩვენა. შესაბამისად, ბოლო სამი წლის სრული პერიოდის „რეცესიად“ შეფასება ზუსტი არ არის, თუმცა გერმანიის ეკონომიკა 2023-2024 წლებში ზედიზედ ორი წლის განმავლობაში შემცირდა.ეკონომიკური სირთულეების ფონზე გერმანიის მთავრობა ზრდის სტიმულირებას ცდილობს. კანცლერმა ფრიდრიხ მერცმა 2027 წლისთვის მინიმუმ 1%-იანი ეკონომიკური ზრდის მიზანი დაასახელა, მაშინ როდესაც ეკონომიკის სამინისტროს მიმდინარე პროგნოზი 2026 წლისთვის 0.5%-იან ზრდას ითვალისწინებს.საქსენ-ანჰალტის არჩევნები და AfD-ის გამარჯვებაკობახიძემ საქსენ-ანჰალტის არჩევნებში ოპოზიციის გამარჯვებად შეაფასა შედეგი, თუმცა არჩევნებში პირველ ადგილზე გასული პარტია AfD – „ალტერნატივა გერმანიისთვის“ – ქვეყნის პოლიტიკური სპექტრის ჩვეულებრივი ოპოზიციური ძალა არ არის.6 სექტემბრის არჩევნებში AfD-მ დაახლოებით 44% მიიღო და რეგიონულ არჩევნებში მეორე მსოფლიო ომის შემდეგ გერმანიის უკიდურესი მემარჯვენე პარტიისთვის უპრეცედენტო შედეგს მიაღწია. მმართველმა CDU-მ დაახლოებით 17% მიიღო. AfD-ს, მიუხედავად გამარჯვებისა, აბსოლუტური უმრავლესობა არ აქვს და მთავრობის ფორმირებისთვის კოალიციური პარტნიორების საკითხი კვლავ პრობლემად რჩება.კობახიძემ გერმანიის არჩევნების შედეგებზე საუბრისას განაცხადა, რომ „დანარჩენზე დასკვნები თავად უნდა გამოიტანონ“ და საქართველო გერმანელი ხალხის არჩევანში ჩარევას არ აპირებს.

1788770748

“Opera Gala | სარაჯიშვილი & ინაშვილი” გამორჩეული კულტურული პროექტია, რომელიც  გააერთიანებს საოპერო მუსიკის, თეატრალური დადგმის, ცოცხალი თხრობისა და უნიკალური საარქივო მასალის სინთეზს.საღამოს თანაავტორი და წამყვანია ნიკოლოზ წულუკიძე, რომელიც მაყურებელს უამბობს ვანო სარაჯიშვილისა და სანდრო ინაშვილის ცხოვრებისა და შემოქმედების მნიშვნელოვან ეპიზოდებზე - მათ პირველ შეხვედრაზე, მეგობრობაზე, სცენურ წარმატებებზე, განშორებასა და იმ მემკვიდრეობაზე, რომელიც ქართულ კულტურას დაუტოვეს.საოპერო გალას სპეციალური სტუმარი იქნება მსოფლიოში აღიარებული ქართველი მეცო-სოპრანო ქეთევან ქემოკლიძე, რომლის საერთაშორისო კარიერა მსოფლიოს წამყვან საოპერო სცენებს უკავშირდება.პროექტი “Opera Gala | სარაჯიშვილი & ინაშვილი” მაყურებელს ქართული ოპერის გამორჩეულ პერიოდში ამოგზაურებს. გააცოცხლებს ეპოქას, რომელმაც ქართული ოპერის ისტორიაში უმნიშვნელოვანესი კვალი დატოვა და ევროპულ სცენებზე ეროვნული ხელოვნების აღიარებას ჩაუყარა საფუძველი.ბაზისბანკი აქტიურად დგას ეროვნული კულტურული მემკვიდრეობისა და ხელოვნების სფეროში გამორჩეული ინიციატივების პოპულარიზაციის გვერდით და მხარს უჭერს სფეროს მნიშვნელოვან პროექტებს, რათა ქართულმა შემოქმედებამ ახალი ასპარეზი და აღიარება ჰპოვოს.„Opera Gala | სარაჯიშვილი & ინაშვილი“ ა(ა)იპ „ოპერის საწყისები: სარაჯიშვილი & ინაშვილის“ პროექტია, რომლის მიზანია ქართული საოპერო მემკვიდრეობის თანამედროვე ფორმით წარმოჩენა, ახალგაზრდა ტალანტების მხარდაჭერა და ქართული ოპერის საერთაშორისო კავშირებისა და თანამშრომლობის გაძლიერება.(R)

1788770347

მათ შორის: საცხოვრებელი სეგმენტის ინდექსი წინა თვესთან შედარებით შემცირდა 1.3%-ით, ხოლო წინა წლის შესაბამის თვესთან შედარებით გაიზარდა 0.5%-ით; არასაცხოვრებელი სეგმენტის ინდექსი წინა თვესთან შედარებით გაიზარდა 5.1%-ით, ხოლო წინა წლის შესაბამის თვესთან შედარებით 8.2%-ით; სამოქალაქო სეგმენტის ინდექსი წინა თვესთან შედარებით გაიზარდა 1%-ით, ხოლო გასული წლის შესაბამის თვესთან შედარებით 6.4%-ით. საქსტატის მონაცემებით, 2026 წლის ივლისში მშენებლობის ღირებულების ინდექსი წინა თვესთან შედარებით 0.8%-ით გაიზარდა. აღნიშნული ცვლილება, ძირითადად, განპირობებული იყო მშენებლობის დარგში დაქირავებით დასაქმებულთა საშუალო თვიური ნომინალური ხელფასის 6.4%-იანი ზრდით, რამაც 1.12 პ.პ. შეიტანა ჯამური ინდექსის ცვლილებაში.წინა წლის შესაბამის თვესთან შედარებით მშენებლობის ღირებულების ინდექსი გაიზარდა 4.3%-ით. ინდექსის ზრდა, უმეტესწილად, გამოწვეული იყო მშენებლობის დარგში ტრანსპორტირების, საწვავისა და ელქტროენერგიის კატეგორიის 15.2%-იანი გაძვირებით და დაქირავებით დასაქმებულთა საშუალო თვიური ნომინალური ხელფასის 3.6%-იანი ზრდით, რამაც შესაბამისად 1.81 და 1.43 პ.პ. შეიტანა ჯამური ინდექსის ცვლილებაში. ამასთან, 2022 წლის თებერვალთან შედარებით მშენებლობის ღირებულების ინდექსი გაიზარდა 30.3%-ით.

1788769565

როგორც განცხადებაშია განმარტებული, დასახელება „გირჩი“ თავის დროზე იმისთვის აირჩიეს, რომ თავისუფლების იდეა მარტივად დასამახსოვრებელ, ნეიტრალურ საგანში გამოესახათ. თუმცა, ბოლო წლებში იგივე სახელი კიდევ ორ პარტიას დაერქვა, რასაც ოპონენტები გაუგებრობის შესაქმნელად და საზოგადოების შეცდომაში შესაყვანად იყენებდნენ.„არის შემთხვევები, როდესაც ისეთ ვინმეს წარმოაჩენენ ჩვენს ძმად ან აქტივისტად, რომელსაც არანაირი კავშირი არ გააჩნია არც ჩვენთან და არც თავისუფლებასთან. ეს ყველაფერი ხალხს არასწორ წარმოდგენას უქმნის ჩვენზე და აზიანებს იმ იდეას, რის გამოც თავის დროზე პარტია შეიქმნა. გადავწყვიტეთ, ეს დავასრულოთ და გადავშალოთ პოლიტიკური ცხოვრების ახალი ფურცელი – დავირქვათ ის, რაც რეალურად ვართ, სულ ვიყავით და მომავალშიც ვიქნებით: „თავისუფალი ხალხის პარტია“, - აღნიშნულია განცხადებაში.

1788768043