ტრამპი დღეს სომხეთ–აზერბაიჯანის სამშვიდობო შეთანხმების გაფორმების ცერემონიას გამართავს

„ბევრი ვენახი გაშენდა - სუბსიდირება რომ შეწყდეს, ვენახის გაჩეხა მოუწევთ“„სუბსიდირების პროგრამები ქმნიან არასწორ სტიმულებს. მაგალითად, ყურძნის სუბსიდირების პროგრამის გამო, ძალიან ბევრი ვენახი გაშენდა. ფერმერებმა მთელი თავისი ბიზნეს მოდელი ააწყეს სუბსიდირების სქემაზე, ეს რომ გამოაცალო, ჩამოიშლება მათი ბიზნესი, მიატოვებენ ვენახებს, აზრი არ ექნება წარმოებას და ვენახების გაჩეხა მოუწევთ.ქვეყანაში გვაქვს ყურძნის ჭარბი წარმოება, ძალიან ბევრი ყურძენი იწარმოება და არ გვაქვს ამის საჭიროება. ამას მოწმობს ისიც, რომ სულ ახლახან სახელმწიფო ღვინის კომპანიამ, რომელიც ამ ღვინის მარაგებს ფლობს, 100 მილიონი ლარის ღვინო ჩამოწერა და მესამედი ფასი დაადო, რომ იქნებ როგორმე გაყიდოს. იმდენად ჭარბია წარმოება, რომ ფიზიკურად ჭურჭელი არ არის საკმარი, რომ ამდენი ღვინის და ყურძნის დაბინავება იყოს შესაძლებელი“, - აღნიშნავს ილია კუნჭულია.მისივე თქმით, სუბსიდირების ფარგლებში 1 კგ ყურძნის ჩაბარება ფერმერებს წლებია 1 ლარის ფარგლებში უწევთ. ეს კი იმდენად დაბალი ღირებულებაა, რომ მევენახე მოგებაზე ვერ გადის.„1 ლარი რომ ღირს ყურძენი, ფერმერები მოგებას ვერ ნახულობენ, რადგან წარმოების ხარჯებს მიუახლოვდნენ. 10-15 წლის წინ როცა ლარი ღირდა ჩაბარება, არც სასუქი ღირდა ამდენი, არც კრეფის ფასი იყო ამხელა, არც სხვადასხვა მომსახურება უჯდებოდა ფერმერს ამდენი... მთელი წელი ფერმერი ხარჯავს ფულს იმისთვის, რომ წლის ბოლოს დახარჯული თანხა ერთიანად აიღოს - მოგებაზეც კი არ არის საუბარი. სეტყვა ან სხვა სტიქიური უბედურება რომ მოხდეს, ფერმერი მიდის ზარალში“, - აღნიშნავს რესპონდენტი.როგორც მანვე დასძინა, „ყურძნის ფასის დასუბსიდირების არსებული პროგრამით ფერმერები არ არიან კმაყოფილები, რადგან ეს პროგრამა არის ღვინის ქარხნების დახმარების პროგრამა“. ილია კუნჭულიას თქმით, სახელმწიფო სუბსიდირების პროგრამიდან თანდათან უნდა გამოვიდეს.„კარგი იქნება რომ სუბსიდირებისთვის გამოყოფილი ფული სხვა რამეზე დაიხარჯოს და ორიენტირებული ვიყოთ არა ყურძნის რაოდენობაზე, არამედ დამატებითი ღირებულების გაზრდაზე. ამ ნაწილში კარგი ვარიანტია სეტყვისგან დამცავი ბადეები, მაგრამ ესეც ძალიან ძვირი ჯდება და არ არის ეკონომიკურად გამართლებული ყურძნის შემთხვევაში, რომელიც 1 ლარი ღირს, მაგალითად, უფრო ძვირფასი კულტურების შემთხვევაში შესაძლოა, გამართლებული იყოს ბადეები.ნებისმიერ შემთხვევაში აუცილებელია, რომ მთავრობა გამოვიდეს სუბსიდირების პროგრამიდან და შეეცადოს რომ გააუმჯობესოს სარწყავი სისტემა, მოსავლის აღების ნაწილში დაეხმაროს ფერმერებს და ხელი შეეწყოს, რომ ღვინო თავად აწარმოონ, არ იყვნენ მთლიანად ყურძნის ჩაბარებაზე დამოკიდებული“, - აცხადებს „ბიზნესპრესნიუსთან“ საუბრისას ილია კუნჭულია.შეგახსენებთ, რომ მთავრობამ მევენახეობის სექტორის სუბსიდირება 2008 წელს დაიწყო. სუბსიდირების დაწყების მიზეზი მაშინ რუსული ემბარგოს უარყოფითი ზემოქმედების შერბილება იყო. მოგვიანებით კი სუბსიდირება დაზიანებული მოსავლის ჩაბარების მიზნობრიობით გაგრძელდა.BPN

1754648824

სულ უნიკალური რეგისტრირებული მომხმარებლების რაოდენობამ მიაღწია 24.3 მლნ-ს, რაც 26%-ით მეტია წინა წლის ანალოგიურ პერიოდთან შედარებით (+26% y.y) და 5%-ით აღემატება 2025 წლის მარტის მონაცემს (+5% q.q). ზრდა განსაკუთრებით უზბეკეთის ბაზარზე შეინიშნება, სადაც მომხმარებელთა რაოდენობა 20.8 მილიონს აღწევს (+31% y.y, +6% q.q), მაშინ როცა საქართველოში მაჩვენებელი შედარებით სტაბილურად, 3.54 მლნ-ზე დაფიქსირდა (+5% y.y, +1% q.q).თვიური აქტიური მომხმარებლების (MAU) რაოდენობა საერთო ჯამში შეადგენს 7.41 მლნ-ს, რაც 16%-ით მეტია წინა წელთან შედარებით, თუმცა 6%-ით ნაკლებია წინა კვარტალთან შედარებით. საქართველოში მაჩვენებელი გაიზარდა 1%-ით კვარტალში და 7%-ით წელიწადში, ხოლო უზბეკეთში დაფიქსირდა 8%-იანი კლება q.q, მიუხედავად იმისა, რომ წლიურად კვლავ 19%-იანი ზრდაა.ციფრული თვიური აქტიური მომხმარებლების (Digital MAU) საერთო რაოდენობა 6.81 მილიონია (+20% y.y, −6% q.q). საქართველოში მაჩვენებელი 1.15 მილიონს აღწევს (+21% y.y, +4% q.q), უზბეკეთში კი — 5.65 მილიონს (+19% y.y, −8% q.q).ციფრული ყოველდღიური აქტიური მომხმარებლები (Digital DAU) მთლიანობაში შეადგენს 2.4 მლნ-ს, რაც 27%-ით მეტია წინა წელთან შედარებით, თუმცა 6%-ით ნაკლებია წინა კვარტალთან შედარებით. საქართველოში დაფიქსირდა 5%-იანი ზრდა q.q და 24%-იანი y.y, ხოლო უზბეკეთში — 8%-იანი კლება q.q, მიუხედავად 29%-იანი წლიური ზრდისა.Digital DAU/MAU თანაფარდობა საერთო ბაზაზე 35%-ს შეადგენს (+2 პპ y.y, უცვლელი q.q). საქართველოში ეს მაჩვენებელი 47%-ია (+1 პპ y.y), ხოლო უზბეკეთში - 33% (+3 პპ y.y), ორივე ბაზარზე კვარტალური ცვლილების გარეშე.თუ გინდა, შემიძლია ამავე ტექსტს დავამატო ანალიტიკური ინტერპრეტაცია, სადაც გავაანალიზებ რისი შედეგია Uzbekistan-ში MAU-ის შემცირება და საერთო DAU/MAU სტაბილურობა. ეს საინვესტიციო ანგარიშს უფრო ღირებულს გახდის.

1754646681

კვარტალური დივიდენდი თითო ჩვეულებრივ აქციაზე ბრიტანულ ფუნტ სტერლინგში გაიცემა.  დივიდენდის გადახდა განხორციელდება 2025 წლის 21 ნოემბერს იმ აქციონერთათვის, რომლებიც რეგისტრირებულნი იქნებიან კომპანიის წევრთა რეესტრში 2025 წლის 24 ოქტომბრისთვის.გადახდისას გამოყენებული ₾/£ კონვერტაციის კურსი საქართველოს ეროვნული ბანკის საშუალო გაცვლით კურსზე იქნება დაფუძნებული, რომელიც დადგინდება 2025 წლის 27 ოქტომბრიდან 31 ოქტომბრის ჩათვლით (5 დღის საშუალო). დივიდენდის გადასახდელი კურსის დადგენის თარიღად განსაზღვრულია 2025 წლის 31 ოქტომბერი.“მოხარული ვარ გაცნობოთ, რომ ჩვენმა ძლიერმა მომგებიანობამ და კაპიტალის მყარმა პოზიციამ საბჭოს საშუალება მისცა, 2025 წლის მეორე კვარტალში გამოეცხადებინა კვარტალური დივიდენდი ₾1.75-ის ოდენობით აქციაზე, რითაც 1H25-ის გადახდა ₾3.25 ლარამდე გაიზარდა. გარდა ამისა, ჩვენ გამოვაცხადეთ 75 მილიონი ლარის ოდენობის აქციების უკან გამოსყიდვის შესახებ, რომელიც აგვისტოს მეორე ნახევრიდან დაიწყება, რაც ჩვენი ვალდებულების ნიშანია აქციონერებისთვის ჭარბი კაპიტალის დაბრუნების შესახებ“, - აცხადებს TBC PLC-ის CEO ვახტანგ ბუცხრიკიძე. 

1754645455

2008 წლის აგვისტოს რუსეთ-საქართველოს ომში საქართველოს თავდაცვის სამინისტროს 170 მოსამსახურე, შინაგან საქმეთა სამინისტროს 14 თანამშრომელი და 224 სამოქალაქო პირი დაიღუპა. დაჭრილ და დაშავებულ სამოქალაქო და სამხედრო პირთა რაოდენობა სულ 2 232-ს შეადგენს, მათ შორის, 1045 პირი სამხედრო მოსამსახურეა. რუსეთს ოკუპირებული აქვს დამოუკიდებელი საქართველოს ტერიტორიები - აფხაზეთი და ცხინვალის რეგიონი. ამ ორი რეგიონის ოკუპაციიდან ორ თვეში რუსეთმა ისინი დამოუკიდებელ სუბიექტებად აღიარა. რუსეთის შეიარაღებული ძალები დღემდე აკონტროლებენ საქართველოს ამ ორ რეგიონს, რაც ქვეყნის ტერიტორიის დაახლოებით 20%–ს შეადგენს.2008 წლის 12 აგვისტოს საფრანგეთის პრეზიდენტმა, ნიკოლა სარკოზიმ და რუსეთის პრეზიდენტმა, დმიტრი მედვედევმა მოსკოვში მოაწერეს ხელი საქართველოში საბრძოლო მოქმედებების დასრულების 6-პუნქტიან შეთანხმებას. ამ დოკუმენტის პირობებს რუსეთი დღემდე არღვევს და უარს ამბობს ომამდელ პოზიციებზე დააბრუნოს საკუთარი სამხედროები.„ქართული ოცნების" ხელისუფლება ომის დაწყების დღედ 2008 წლის 8 აგვისტოს მიიჩნევს. ის ომის დაწყებაში „ნაციონალური მოძრაობის" ხელისუფლებას ადანაშაულებს და არა - რუსეთს.

1754645256

თბილისის დროით 10:00 საათისთვის ოქრო 1%–ით გაძვირდა, $3 488–მდე უნციაზე. სააგენტო REUTERS წერს, რომ ძვირფასი ლითონის ფასი ზედიზედ მეორე კვირაა იზრდება, აშშ–ის ტარიფებთან დაკავშირებით შექმნილი გაურკვევლობისა და ფედრეზერვის მხრიდან განაკვეთის შემცირების მოლოდინის ფონზე.Financial Times ხუთშაბათს წერდა, რომ ვაშინგტონმა 1 კგ წონის ოქროს ზოდების იმპორტი დაბეგრა – ეს პროდუქტი აშშ–ში ძირითადად შვეიცარიიდან შედის. 

1754644725

დოკუმენტს ხელი მოაწერეს აზერბაიჯანის ეკონომიკის მინისტრმა მიქაილ ჯბაროვმა და კომპანია ExxonMobil–ის ვიცე–პრეზიდენტმა ჯონ არდილმა.სააგენტო REUTERS წერს, რომ ახალი კვლევითი პროგრამები და პარტნიორობა მსოფლიო ბრენდთან, როგორიცაა ExxonMobil, ზრდის აზერბაიჯანის, როგორც რეგიონალური ენერგეტიკული მოთამაშის იმიჯს და უფრო მიმზიდველს ხდის გლობალური ინვესტორებისთვის.დღესვე ვაშინგტონში აზერბაიჯანსა და სომხეთს შორის სამშვიდობო შეთანხმებას მოეწერება ხელი. 

1754642890

აღნიშნული ზრდა ნაწილობრივ ასახავს გასული წლის დაბალი ბაზის ეფექტს. ორივე ბაზარზე ზრდა განაგრძო ფასებმაც და პირველად ბაზარზე წინა კვარტალთან შედარებით 2.7%-ით გაიზარდა. ამავდროულად, ქირის ფასი 2025 წლის ივნისში, წლიურად 1.6%-ით გაიზარდა და შესაბამისად ქირის შემოსავლიანობა სხვა ქალაქებთან შედარებით მაღალ დონეზე შენარჩუნდა.უძრავი ქონების გაყიდვები საჯარო რეესტრის მონაცემებით, 2025 წლის მეორე კვარტალში ბათუმში 4,018 ბინა გაიყიდა, რაც წინა წელთან შედარებით 9.5%-ით მეტია, აქედან: მეორად ბაზარზე გაყიდვები, რაც დინამიკას რეალურ დროში აჩვენებს, 23.4%-ით გაიზარდა. პირველად ბაზარზე გაყიდვები, რაზეც გავლენას დაგვიანებული რეგისტრაციები ახდენს, წლიურად 0.5%-ით შემცირდა. გალტ & თაგარტის მიერ ჩატარებული დეველოპერების გამოკითხვის (რომელიც პირველადი ბაზრის ტენდენციებს რეალურ დროში ასახავს) შედეგებიც მეორადი ბაზრის მსგავსად ზრდას აჩვენებს. გამოკითხვის მიხედვით, 2025 წლის მეორე კვარტალში გაყიდული ბინების რაოდენობა წლიურად 13.1%-ით გაიზარდა. ჯამურად, 2025 წლის პირველ ნახევარში პირველად ბაზარზე გაყიდული ბინების რაოდენობა 37.4%-ით გაიზარდა.ფასები 2025 წლის ივნისში, პირველად ბაზარზე კვადრატულ მეტრის საშუალო ფასმა 1,427 აშშ დოლარს მიაღწია, რაც წინა კვარტლის ფასთან შედარებით 2.7%-ითაა გაზრდილი. ამასთან, მეორადი ბაზრის ახალ პროექტებში (რაც 2013 წლიდან გაცემული ნებართვებით აშენდა) საშუალო ფასი 2025 წელს ივნისში კვარტალურად 0.7%-ით, ხოლო  წლიურად 11.5%-ით გაიზარდა და 1,307 აშშ დოლარი შეადგინა.ქირა 2025 წლის ივნისში, ბათუმში საშუალო ფართობის ბინის (50-60 კვ.მ.) ქირის ფასი წლიურად 1.6%-ით გაიზარდა და კვ.მ.-ზე 11.9 აშშ დოლარი შეადგინა.

1754641166

სამუშაო შეხვედრაში მონაწილეობა მიიღეს სააგენტოს, „საქაერონავიგაციის", "აეროპორტების გაერთიანებისა" და „ტავ ურბან საქართველოს" წარმომადგენლებმა.ორდღიანი ღონისძიების ფარგლებში, ევროკონტროლის ექსპერტებმა მოინახულეს თბილისის საერთაშორისო აეროპორტის საჰაერო მოძრაობის მომსახურების ცენტრი და საოპერაციო ოფისი, ადგილზე შეისწავლეს საჰაერო მოძრაობის ნაკადების და გამტარუნარიანობის ორგანიზების უზრუნველსაყოფად გატარებული ღონისძიებები, ასევე საჰაერო სივრცისა და ტერმინალის გამტარუნარიანობის შეფასებისთვის აუცილებელი სხვა მონაცემები.სამუშაო შეხვედრაზე, სააგენტოს წარმომადგენლებმა განიხილეს საქართველოს საავიაციო სექტორის ზრდის ხელშემწყობი ფაქტორები, საპროგნოზო მაჩვენებლები და ოპერაციული გამოწვევები.EUROCONTROL-ის ექსპერტებმა მონაწილეებს გაუზიარეს აეროპორტების გამტარუნარიანობის შეფასების პრაქტიკული ასპექტები, შესაბამისი კვლევების ჩატარების წამყვანი მეთოდოლოგია და ევროპის აეროპორტებში ამგვარი შეფასების განხორციელების საუკეთესო პრაქტიკა. ამასთან, შეხვედრაზე მხარეებმა შეაფასეს თბილისის საერთაშორისო აეროპორტის შესწავლის პირველადი შედეგები და დასახეს სამომავლო თანამშრომლობის გზები.ევროპასთან არსებული ერთიანი საჰაერო სივრცის შესახებ შეთანხმების ფარგლებში, სამოქალაქო ავიაციის სააგენტომ მიმდინარე წელს საჰაერო მოძრაობის ნაკადების ორგანიზების წესი მიიღო, რომელიც შესაბამისი ევროპული რეგულაციის ((EU) No 255/2010) მოთხოვნების მიხედვითაა შემუშავებული. აღნიშნული წესი მოქმედ საერთაშორისო აეროპორტებს 2026 წლიდან ავალდებულებს გამტარუნარიანობის პერიოდულ შეფასებას საჰაერო მოძრაობის ნაკადების მოთხოვნის გათვალისწინებით აეროდრომების არსებული დონის დადგენის მიზნით.სამუშაო შეხვედრაზე სპეციალისტებმა მიიღეს საჭირო ცოდნა აეროპორტებში შესაბამისი კვლევების ჩატარების და მათი არსებული და სამომავლო შესაძლებლობების სწორი ანალიზის მიმართულებით.სამოქალაქო ავიაციის სააგენტოს ხელმძღვანელის შეფასებით, საჰაერო მოძრაობის ნაკადების სწორი და ეფექტური მართვა მნიშვნელოვანია საჰაერო მიმოსვლის რეკორდული ზრდისა და მიმდინარე საავიაციო ინფრასტრუქტურული პროექტების ფონზე.„სამივე საერთაშორისო აეროპორტში ჩვენ ყოველწლიურად გვაქვს რეკორდული ზრდა როგორც ავიარეისების ისე მგზავრთნაკადის მიმართულებით. შესაბამისად ამ მიმართულებით ევროპული კოლეგების ცოდნის და გამოცდილების მიღება ძალიან მნიშვნელოვანია საქართველოსთვის",  - განაცხადა გივი დავითაშვილმა.

1754640927