ტრამპი: „კუბა შემდეგია“. პრეზიდენტი ირანში სახმელეთო ჯარების გაგზავნაზე კითხვას გაურბის

კერძოდ, თბილისში მცხოვრები აბონენტები, რომლებიც ყოველთვიურად 0-იდან 101 კილოვატამდე ელექტროენერგიას მოიხმარდნენ და ერთ კილოვატში 15,041 თეთრს იხდიდნენ, პირველი აპრილიდან ტარიფი 20,041 თეთრამდე გაეზრდებათ.დღეის მდგომარეობით, სამომხმარებლო ტარიფები ასეთია:თბილისი – 0 კვტ.სთ-დან 101 კვტ.სთ-ის ჩათვლით და საერთო მოხმარების მრიცხველის მქონე (საყოფაცხოვრებო) – 15.041 თეთრი101 კვტ.სთ-დან 301 კვტ.სთ-ის ჩათვლით (საყოფაცხოვრებო) – 19.053 თეთრი301 კვტ.სთ-დან და მეტი (საყოფაცხოვრებო) – 23.537 თეთრირეგიონები – 0 კვტ.სთ-დან 101 კვტ.სთ-ის ჩათვლით და საერთო მოხმარების მრციხველის მქონე (საყოფაცხოვრებო) – 14.731 თეთრი101 კვტ.სთ-დან 301 კვტ.სთ-ის ჩათვლით (საყოფაცხოვრებო) – 18.708 თეთრი31 კვტ.სთ-დან და მეტი (საყოფაცხოვრებო) – 23.227 თეთრიელექტროენერგიის ტარიფების შესაძლო მატების შესახებ განცხადება სემეკის თავმჯდომარემ, დავით ნარმანიამ ჯერ კიდევ 2025 წლის 17 დეკემბერს გააკეთა. თუმცა, იმავე წლის 29 დეკემბერს გამართულ სხდომაზე მარეგულირებელმა კომისიამ გადაწყვეტილება შეცვალა და არსებული ტარიფების მოქმედების ვადა 3 თვით, 2026 წლის 31 მარტამდე გაახანგრძლივა.დავით ნარმანიას განმარტებით, ტარიფის ცვლილების გადავადება რამდენიმე ძირითადმა ფაქტორმა განაპირობა: ენერგოკომპანიების მიმართვა ელექტროენერგიის დაუზუსტებელი ბალანსები კონსულტაციები საქართველოს მთავრობასთან რაც შეეხება ბუნებრივ აირს, სემეკის გადაწყვეტილებით, აღნიშნულ რესურსზე მოქმედი ტარიფი უცვლელი დარჩება ერთი წლის განმავლობაში და ძალაში 2026 წლის 31 დეკემბრის ჩათვლით იქნება.

1774862959

გაბაიძის განმარტებით, გადაწყვეტილება გუნდთან კონსულტაციების საფუძველზე მიიღო და მისი მთავარი მოტივაცია პირადი ცვლილებების საჭიროებაა. დავით გაბაიძე აჭარის საკანონმდებლო ორგანოს 2016 წლიდან, თითქმის 10 წლის განმავლობაში ხელმძღვანელობდა.„ამაზე დიდი ხანია ვფიქრობ. მოტივაცია ერთადერთია - არასრული ათი წელია ამ თანამდებობაზე ვარ და ნამდვილად დადგა დრო, რომ ჩემს ცხოვრებაში რაღაც შეიცვალოს. გუნდთან მქონდა კონსულტაციები და ვმსჯელობდით, რომ ეს გადაწყვეტილება უნდა მიმეღო“, - აღნიშნა გაბაიძემ.მან ასევე უარყო გავრცელებული ვერსიები აჭარის მთავრობის ყოფილ თავმჯდომარესთან, თორნიკე რიჟვაძესთან შესაძლო დაპირისპირების შესახებ და აღნიშნა, რომ თანამდებობაზე რიჟვაძის მოსვლამდეც იმყოფებოდა, ამიტომ ამ ფაქტების დაკავშირება მართებული არ არის.რაც შეეხება მომავალ გეგმებს, გაბაიძე გარკვეული პერიოდი უმაღლეს საბჭოში დარჩება. მისივე თქმით, გუნდისგან აქვს სხვადასხვა შემოთავაზება, რაზეც საბოლოო გადაწყვეტილებას ოჯახთან კონსულტაციის შემდეგ მიიღებს.უმაღლესი საბჭოს თავმჯდომარის პოსტზე შესაძლო შემცვლელად დავით გაბაიძემ ცოტნე ანანიძის კანდიდატურა ახსენა. „ჩემი შემცვლელი შეიძლება იყოს უმრავლესობის ნებისმიერი წევრი. თუკი ეს ცოტნე ანანიძე იქნება, მივესალმები მის კანდიდატურას“, - განაცხადა მან.ვრცელდება ინფორმაცია, რომ აჭარის უმაღლესი საბჭოს თავმჯდომარის პოზიციაზე მმართველი გუნდი მართლაც „ქართული ოცნების“ წევრის ცოტნე ანანიძის კანდიდატურას განიხილავს.

1774862321

სემეკის გადაწყვეტილების თანახმად, თუ აქამდე თბილისში მცხოვრები აბონენტები ყოველთვიურად 0-იდან 101 კილოვატამდე ელექტროენერგიას მოიხმარდნენ და ერთ კილოვატში 15,041 თეთრს იხდიდნენ, 1-ელი აპრილიდან ტარიფი 20,041 თეთრამდე გაეზრდებათ. 101-301 კილოვატ საათის ჩათვლით მომხმარებლებისთვის ტარიფი 19.053 თეთრიდან 24,053 თეთრამდე მოიმატებს, ხოლო, 301 კილოვატზე მეტი ელექტროენერგიის მომხმარებლებისთვის ტარიფი 23.537 თეთრიდან 28,537 თეთრამდე გაიზრდება.მანამდე, ელექტროენერგიის ტარიფების გადახედვა 2025 წლის დეკემბერში იგეგმებოდა. დავით ნარმანია თვეების განმავლობაში აანონსებდა მოსალოდნელ გაძვირებას ინფრასტრუქტურული საჭიროებების გამო, თუმცა პრემიერ-მინისტრ ირაკლი კობახიძის განცხადების შემდეგ, რომელმაც ტარიფის შენარჩუნების იმედი გამოთქვა, კომისიამ 29 დეკემბერს მოქმედი ტარიფების 3 თვით დაგრძელების გადაწყვეტილება მიიღო.ელექტროენერგიის ტარიფები ბოლოს 2023 წელს შეიცვალა, როდესაც სემეკმა გადასახადი ბიზნესისთვის და მოსახლეობისთვის 3 თეთრით შეამცირა.

1774861879

კერძოდ, Lion Finance Group-ის (BGEO LN) აქციები დაიხურა 92.95 ბრიტანულ ფუნტ სტერლინგში (GBP), -5.25% წინა კვირასთან შედარებით და - 9.32% გასულ თვესთან შედარებით. ვაჭრობის მოცულობამ 1.17 მილიონ აქციაზე მეტი შეადგინა, GBP 90.85 - 100.50 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 112 ათასი აქცია შეადგინა.თიბისი ბანკის ჯგუფის (TBCG LN) აქციები დაიხურა 40.15 ბრიტანულ ფუნტ სტერლინგში (GBP), -4.63% წინა კვირასთან შედარებით და - 13.93% გასულ თვესთან შედარებით. ვაჭრობის მოცულობამ 398 ათას აქციაზე მეტი შეადგინა, GBP 40.00 - 43.25 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 71 ათასი აქცია შეადგინა.Georgia Capital-ის (CGEO LN) აქციები დაიხურა 34.50 ბრიტანულ ფუნტ სტერლინგში (GBP), -1.15% წინა კვირასთან შედარებით და +1.47% გასულ თვესთან შედარებით. ვაჭრობის მოცულობამ 297 ათას აქციაზე მეტი შეადგინა, GBP 34.45 - 37.00 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 64 ათასი აქცია შეადგინა.

1774861341

სხდომის დაწყებამდე კომისიის თავმჯდომარემ დავით ნარმანიამ განმარტა ის ძირითადი კომპონენტები, რომლებმაც ტარიფის ფორმირებაზე იქონია გავლენა. მისი თქმით, მარეგულირებლის ერთ-ერთი მთავარი პრიორიტეტი რეგიონებში ავარიული დაზიანებების და ელექტროენერგიის წყვეტის მინიმუმამდე შემცირებაა.ნარმანიას განცხადებით, სატარიფო გაანგარიშებისას რამდენიმე მნიშვნელოვანი გარემოება იქნა გათვალისწინებული: საინვესტიციო კომპონენტი: რეგიონებში ქსელის მოწესრიგების მიზნით, აუცილებელია საინვესტიციო პროექტების გაგრძელება (კერძოდ, კომპანია „ენერგო-პროს“ მიერ), თუმცა, ნარმანიას თქმით, მნიშვნელოვანია, რომ ამ ინვესტიციებს ტარიფზე „არსებითი გავლენა“ არ ჰქონდეს. იმპორტზე დამოკიდებულება: ქვეყანაში ელექტროენერგიის მოხმარება მუდმივად იზრდება, რაც ზრდის დამოკიდებულებას ძვირადღირებულ იმპორტზე. ეს კი პირდაპირ აისახება ენერგიის თვითღირებულებაზე. ენერგობალანსი: კომისიამ დააზუსტა გენერაციის ობიექტების მიერ გამოსამუშავებელი ენერგიის მოცულობები, რამაც თითოეული ტიპის სადგურისთვის ფასის განსაზღვრის შესაძლებლობა მისცა. „ტარიფების და ეკონომიკური ანალიზის დეპარტამენტი წარადგენს პრეზენტაციას, რომელიც შეეხება როგორც განხორციელებული ინვესტიციების გავლენას, ისე ენერგობალანსებისა და მიწოდების კომპონენტების ასახვას საბოლოო ღირებულებაში“, - აღნიშნა სემეკის თავმჯდომარემ.მანამდე, ელექტროენერგიის ტარიფების გადახედვა 2025 წლის დეკემბერში იგეგმებოდა. დავით ნარმანია თვეების განმავლობაში აანონსებდა მოსალოდნელ გაძვირებას ინფრასტრუქტურული საჭიროებების გამო, თუმცა პრემიერ-მინისტრ ირაკლი კობახიძის განცხადების შემდეგ, რომელმაც ტარიფის შენარჩუნების იმედი გამოთქვა, კომისიამ 29 დეკემბერს მოქმედი ტარიფების 3 თვით დაგრძელების გადაწყვეტილება მიიღო.ელექტროენერგიის ტარიფები ბოლოს 2023 წელს შეიცვალა, როდესაც სემეკმა გადასახადი ბიზნესისთვის და მოსახლეობისთვის 3 თეთრით შეამცირა.

1774861263

"ეს იყო 1989 წელი. „რკინის ფარდა“ იშლებოდა და ორბანი შერჩეული იყო სიტყვით გამოსასვლელად ქვეყნის ყოფილი პრემიერ-მინისტრის, იმრე ნადის რეინჰუმაციის (ხელახლა დაკრძალვის) ცერემონიაზე - ომის შემდგომი ლიდერის, რომელიც 1956 წლის უნგრეთის რევოლუციას საბჭოთა კავშირის წინააღმდეგ ხელმძღვანელობდა და რის გამოც იგი სიკვდილით დასაჯეს.სელენიი, რომელიც იქ საპატიო ყარაულის შემადგენლობაში იმყოფებოდა, იხსენებს, როგორ ავიდა სცენაზე კაცი, რომელიც მომავალში მისი ქვეყნის ყველაზე ხანგრძლივი ვადით არჩეული პრემიერ-მინისტრი გახდებოდა, და საბჭოთა არმიის გაყვანა მოითხოვა. „თუ ჩვენ საკუთარი ძალის გვჯერა, ჩვენ შეგვიძლია ბოლო მოვუღოთ კომუნისტურ დიქტატურას, - თქვა მაშინ ორბანმა. – თუ საკმარისად მტკიცენი ვიქნებით, შეგვიძლია ვაიძულოთ მმართველი პარტია, დათანხმდეს თავისუფალ არჩევნებს“.არანაირი ნიშანი იმისა, თუ ვინ გახდებოდა ორბანი ერთ დღეს, არ არსებობდა, ამბობს სელენიი, მმართველი პარტია „ფიდესის“ (Fidesz) ყოფილი კანონმდებელი. ლიბერალური ლიდერიდან, რომელიც უნგრეთს მოსკოვისგან გამოყოფისკენ მოუწოდებდა, უნგრეთის პრემიერ-მინისტრი ილიბერალიზმის თვითგამოცხადებულ ჩემპიონად და კრემლის საუკეთესო მეგობრად იქცა ევროპაში.იმ დროს, როდესაც ევროკავშირი ცდილობს დაუპირისპირდეს მოსკოვის აგრესიას უკრაინასა და დანარჩენ კონტინენტზე, უნგრეთის პრემიერ-მინისტრი გახდა ის ადამიანი, რომლის იმედიც რუსეთის პრეზიდენტ ვლადიმირ პუტინს ყოველთვის აქვს.12 აპრილის კრიტიკული არჩევნების წინ, ორბანმა დაბლოკა ევროკავშირის 90 მილიარდი ევროს ოდენობის სესხის პაკეტი, რომელიც კიევის თქმით, მას სასწრაფოდ სჭირდება ბრძოლის გასაგრძელებლად. ამავდროულად, გასულ კვირას ქვეყნის საგარეო საქმეთა მინისტრს მოუწია იმის განმარტება, თუ რატომ გადასცემდა ის კონფიდენციალურ ინფორმაციას კრემლს „უკანა არხებით“.„ეს დროთა განმავლობაში მოხდა, რამდენიმე ეტაპისა და გარდამტეხი მომენტის გავლით“, სადაც თითოეული ნაბიჯი ლოგიკურად და გარდაუვალად მიჰყვებოდა წინას, - თქვა სელენიიმ მდინარე დუნაის პირას მდებარე კაფეში ჩაის სმისას. „პრორუსული განწყობა, ალბათ, ყველაზე გასაკვირია, თუმცა ის ერთ დღეში არ შეცვლილა“.„უნგრეთის კვლავ გაძლიერება“როდესაც 1990 წელს უნგრეთის პირველი თავისუფალი არჩევნები ჩატარდა, ორბანი და სელენიი „ფიდესის“ იმ 22 წევრს შორის იყვნენ, მაშინ ეს იყო ანტიკომუნისტი სტუდენტებისა და ინტელექტუალების ლიბერალურ-ცენტრისტული ჯგუფი, რომლებიც ეროვნულ ასამბლეაში აირჩიეს.მისი თქმით, ორბანის ტრანსფორმაცია ამის შემდეგ მალევე დაიწყო. 1990 წელს პარტიის პრეზიდენტად არჩეულმა ახალგაზრდა პოლიტიკოსმა სწრაფად მოიპოვა სრული დომინირება „ფიდესზე“. მან დაიწყო იმ ადამიანების შევიწროება, ვინც მას გამოწვევას უცხადებდა ან მის გადაწყვეტილებებზე კამათს ბედავდა.სელენიიმ და რამდენიმე სხვა კანონმდებელმა პარტია 1994 წელს დატოვეს, როდესაც ორბანმა მკვეთრად შეცვალა იდეოლოგიური პოზიცია ლიბერალიზმიდან ნაციონალურ კონსერვატიზმზე.„ისინი, ვინც „ფიდესში“ დარჩნენ, უფრო ერთგვაროვანნი და მისი ერთგულნი იყვნენ“, - ამბობს სელენიი. „მას შემდეგ პარტიისა და ორბანის ისტორია ერთი მთლიანობაა“. მისი ტრანსფორმაცია ეტაპობრივად მოხდა: საუკუნის მიჯნაზე პრემიერ-მინისტრობის შემდეგ, მან რვა წელი ოპოზიციაში გაატარა, სადაც ყველაფერს აკეთებდა ეროვნულ ასამბლეაში პროცესების შესაფერხებლად და მაშინდელი სოციალისტურ-ლიბერალური მთავრობის საბოტაჟისთვის.მას შემდეგ, რაც მან 2010 წელს კვლავ დაიკავა ქვეყნის უმაღლესი თანამდებობა, მიზნად დაისახა, რომ აღარასოდეს წაეგო. მან გადაწერა კონსტიტუცია, შეცვალა კანონები დემოკრატიული ბალანსის შესამცირებლად, დაასუსტა მედიის თავისუფლება, სასამართლოს დამოუკიდებლობა და საარჩევნო გარემო თავის სასარგებლოდ შეცვალა.სელენიის სჯერა, რომ ორბანის ტრანსფორმაციის პირველი ეტაპი, საწყისი იდეოლოგიური ცვლა, პირადი ამბიციით ან „ხელისუფლებისადმი სწრაფვით“ იყო განპირობებული. მან გათვალა, რომ „ფიდესს“ მმართველობისკენ უფრო ნათელი გზა ექნებოდა პოლიტიკური ველის კონსერვატიულ მხარეს, სადაც მთავარი მემარჯვენე პარტია დაშლის პირას იყო.ორბანის გადახრა რუსეთისკენ ნელი, მაგრამ დროის სვლასთან ერთად აშკარა იყო. გარდამტეხი მომენტი დადგა 2014 წელს, როდესაც მან კრემლთან ხელი მოაწერა ხელშეკრულებას მასშტაბური სესხის შესახებ პაქშის (Paks II) ატომური ელექტროსადგურის გასაფართოებლად. ეს გარიგება არა მხოლოდ მოსკოვზე პრაგმატულ დამოკიდებულებას, არამედ იდეოლოგიურ დაახლოებასაც ნიშნავდა. სულ რაღაც ექვსი თვის შემდეგ, პრემიერ-მინისტრმა განაცხადა, რომ მისი მიზანი უნგრეთში „ილიბერალური სახელმწიფოს“ აგება იყო, რომელიც დაეფუძნებოდა ნაციონალურ და ტრადიციულ ქრისტიანულ ღირებულებებს. მან მაგალითად პუტინის რუსეთი მოიყვანა, რაც მოულოდნელი იყო იმის გათვალისწინებით, რომ 2007 წელს ის რუსეთს იმპერიას უწოდებდა, რომელსაც მეზობელი ქვეყნების ჩაგვრა სურს და რომელსაც არასოდეს უნდა ენდო.ორბანის დროს ეკონომიკური თანამშრომლობა მოსკოვთან სწრაფად გადაიზარდა მყარ პოლიტიკურ კავშირებში. მან დაიწყო საუბარი „აღმოსავლურ გახსნაზე“, ამტკიცებდა რა, რომ უნგრეთისთვის მნიშვნელოვანი იყო დასავლეთთან ურთიერთობის დაბალანსება რუსეთთან, ჩინეთთან და თურქეთთან კავშირების გაუმჯობესებით.2019 წელს, როდესაც ცენტრალური ევროპის უმეტესობამ ბერლინის კედლის დაცემის 30-ე წლისთავი აღნიშნა, ბუდაპეშტში სახელმწიფო ღონისძიებები საგრძნობლად მოკრძალებული იყო. პეტერ მოლნარისთვის - ორბანის კურსელისთვის, რომელმაც პარტია 1994 წელს დატოვა, ორბანის გზა რუსეთის მტრობიდან მეგობრობამდე მის საერთაშორისო ამბიციებს ასახავს. „ორბანს არ შეუძლია უნგრეთი ტერიტორიულად კვლავ გახადოს დიდი, მაგრამ შესაძლოა ფიქრობს, რომ შეუძლია ის გახადოს უფრო ძლიერი და გავლენიანი“. ბრიუსელსა და ბუდაპეშტს შორის ყოველი დაპირისპირებისას, უნგრეთის ურთიერთობა პუტინთან მხოლოდ თბებოდა, ისევე როგორც მოგვიანებით დონალდ ტრამპთან.მეტამორფოზამოლნარი ახალგაზრდა ორბანის დასახასიათებლად იყენებს ზედსართავ სახელს, „ბეჯითი“. მისი თქმით, ორბანს ყოველთვის ჰქონდა შრომის უნარი და დეტალებისადმი ყურადღებიანი იყო. მოლნარი აღნიშნავს, რომ ახალგაზრდობაში ორბანი არალეგალურ იატაკქვეშა ცეკვებზეც დადიოდა, რაც მაშინდელი ახალგაზრდობის ერთგვარი პროტესტი იყო სახელმწიფო უსაფრთხოების პოლიციის წინააღმდეგ. ხელოვნებისა და ლიტერატურისადმი მცირე ინტერესის მიუხედავად, ის მონაწილეობდა პეტერ ვაისის სატირული პიესის დადგმაში, რომელიც აღწერდა უბრალო ადამიანის ბრძოლას მჩაგვრელ საზოგადოებაში.სელენიის მსგავსად, მოლნარიც ამბობს, რომ მაშინ არაფერი მიანიშნებდა მის მომავალ პოლიტიკურ მოგზაურობაზე ლიბერალიზმიდან MAGA-ს ევროპულ ფავორიტობამდე. „თუმცა, დაუოკებელი ამბიცია ყოველთვის იყო“, - აღნიშნავს ის. „თუ პოლიტიკური კონსტელაცია ისეთი იქნებოდა, რომ ლიბერალური გზა მისცემდა ძალაუფლებას, ის ალბათ ლიბერალად დარჩებოდა“.პოლიტიკური ჟურნალისტი პალ დანიელ რენიი, რომელმაც ორბანის ბიოგრაფია დაწერა, ეთანხმება ამ აზრს: „ვფიქრობ, ის მოხიბლულია თავად ძალაუფლებით. თუ ჩვენ ისეთ დროს ვიცხოვრებდით, როდესაც ლიბერალიზმი იქნებოდა აღმავლობის გზაზე, ის ლიბერალი იქნებოდა“. რენიის თქმით, ორბანმა 90-იანებში გააცნობიერა, რომ ნაციონალისტობა და კონსერვატორობა მას მართვისა და კონტროლის მეტ თავისუფლებას მისცემდა.ამ გზაზე ორბანი სწავლობდა მემარჯვენე როლურ მოდელებს საზღვარგარეთ. ის დაინტერესდა აშშ-ის რესპუბლიკური პარტიის ინფრასტრუქტურით და მოხიბლული იყო სილვიო ბერლუსკონით. ბერლუსკონის მსგავსად, რომელმაც ფეხბურთი და პოლიტიკა გააერთიანა, ორბანმაც დააარსა საფეხბურთო აკადემია თავის მშობლიურ სოფელ ფელჩუტში. ორბანი თავის გამოსვლებსაც კი ასრულებს სიტყვებით előre magyarország („წინ უნგრეთო“), რაც ბერლუსკონის პარტიის (Forza Italia) სახელწოდების პირდაპირი ჰომაჟია.ბოროტების იმპერიაფრანკ ფურედისთვის, რომელიც უნგრეთის მთავრობის მიერ მხარდაჭერილ ინსტიტუტს ხელმძღვანელობს, რეალურად „ევროკავშირი შეიცვალა“ და გახდა უფრო ლიბერალური და აგრესიული წევრი ქვეყნების სუვერენიტეტის მიმართ. მისი აზრით, ევროკავშირის მტრობამ დიდი გავლენა მოახდინა ორბანის მსოფლმხედველობაზე. ფურედი ასევე აღნიშნავს 2015 წლის ლტოლვილთა კრიზისს, როგორც გარდამტეხ მომენტს, როდესაც ევროკომისიის პოლიტიკასთან შეჯახებამ ტოლერანტობა მტრობად აქცია.ამ ხედვით, ორბანის გონებაში ბრიუსელმა, როგორც უნგრეთის „ოკუპანტმა“ ძალამ, ჩაანაცვლა რუსეთი.2010 წლის შემდეგ თავის საარჩევნო კამპანიებში ორბანი ხშირად წარმოაჩენს უნგრეთს, როგორც „ალყაში მოქცეულ“ ქვეყანას, რომელსაც მუდმივი საფრთხე ემუქრება დიდი მეზობლებისგან, ზენაციონალური ძალებისგან ან ბნელი ფინანსური წრეებისგან. ეს არის სტრატეგია, რომელიც ეყრდნობა ისტორიულ წყენას 1848 წლიდან მოყოლებული. 2011 წლის გამოსვლაში მან თქვა: „1848-ში ჩვენ არ ვემორჩილებოდით ვენას, 1956-ში არ ვემორჩილებოდით მოსკოვს. ახლა კი არ დავემორჩილებით ბრიუსელს ან ნებისმიერ სხვას“.ეს სტრატეგია მუშაობს. ბუდაპეშტში ხალხს სძულს რუსეთთან დაახლოების იდეა, მაგრამ რეგიონებში ორბანის გაფრთხილებები ომში ჩათრევის შესახებ რეზონანსს პოულობს. თუმცა, ყველა არ არის დარწმუნებული, რომ ეს მხოლოდ გარემოებების ბრალია და არა თავად ორბანის ცვლილების.თავის ერთ-ერთ ლექსში მოლნარი იხსენებს საუბარს ახალგაზრდა ორბანთან:"- რა მოხდება, თუ ჩვენ შევძლებთ დემოკრატიის შექმნას, მაგრამ ვინმე კვლავ მოიპოვებს ზედმეტ ძალაუფლებას? - გამორიცხულია, - თქვი შენ.- მაგრამ მაინც თუ მოხდა? - კვლავ ვკითხე მე. - თუ ვინმე კვლავ მოიპოვებს ზედმეტ ძალაუფლებას, მას ჩემთან ექნება პრობლემა, - თქვი შენ".წყარო: Politico

1774857771

30-31 მარტს,Dressup-ის ფიზიკურ მაღაზიებში ან ონლაინ, dressup.ge-ზე შოპინგისას საკრედიტო Amex ბარათის მფლობელები 30%-იან ქეშბექს მიიღებენ MR ქულების სახით. შეთავაზების ფარგლებში, ერთ მომხმარებელზე შესაძლებელია მაქსიმუმ 200 ლარის MR ქულის მიღება.ინფორმაციისთვის, ფილიალში გადახდა შესაძლებელია როგორც Wallet-ში დამატებული, ისე ფიზიკური ბარათით, ხოლო ონლაინ გადახდისას მხოლოდ ბარათის მონაცემების შეყვანის შემთხვევაში.შეთავაზებით სარგებლობისთვის აუცილებელია გადახდის განხორციელება საქართველოს ბანკის ტერმინალზე. შეთავაზება არ ვრცელდება სასაჩუქრე ვაუჩერებზე.Dressup Group 1994 წლიდან ოპერირებს საქართველოში და წარმოადგენს ტანსაცმლის, ფეხსაცმლისა და აქსესუარების ერთ-ერთ წამყვან რითეილერს. კომპანია აერთიანებს 80-ზე მეტ მაღაზიას ოთხ ქალაქში და მომხმარებლებს სთავაზობს მსოფლიოს წამყვანი ბრენდების უახლეს კოლექციებს. (R)

1774857061

პარტიის გადაწყვეტილება მიღებულ იქნა შიდა პროცედურების შედეგად. სომხური მედიის ინფორმაციით, კანდიდატურის წინააღმდეგ ოფიციალური საჩივრები დადგენილ ვადაში არ შესულა.ფაშინიანმა მხარდაჭერისთვის მადლობა გადაუხადა პარტიის წევრებს და განაცხადა, რომ მზად არის გააგრძელოს პოლიტიკური კურსი, რომელსაც მისი გუნდი ახორციელებს.სომხეთში პრემიერ-მინისტრს პარლამენტში უმრავლესობის მქონე ძალა ასახელებს. „სამოქალაქო შეთანხმება“ მიმდინარე მოწვევის პარლამენტში მმართველი ძალაა.ნიკოლ ფაშინიანი სომხეთის პოლიტიკურ ცხოვრებაში წამყვანი ფიგურაა 2018 წლიდან, როდესაც მასობრივი საპროტესტო გამოსვლების — ე.წ. „ხავერდოვანი რევოლუციის“ — შედეგად მოვიდა ხელისუფლებაში. მაშინ მან კორუფციასთან ბრძოლა, სასამართლო და ინსტიტუციური რეფორმები და უფრო გამჭვირვალე მმართველობა დააანონსა.ფაშინიანის ხელმძღვანელობით პარტია „სამოქალაქო შეთანხმება“ 2021 წლის ვადამდელ საპარლამენტო არჩევნებში უმრავლესობით დაბრუნდა ხელისუფლებაში. არჩევნები გაიმართა 2020 წლის მთიანი ყარაბაღის ომის შემდეგ შექმნილი შიდა პოლიტიკური კრიზისის ფონზე.საგარეო პოლიტიკაში ფაშინიანის კურსი ბოლო წლებში მნიშვნელოვნად ტრანსფორმირდა. მიუხედავად იმისა, რომ სომხეთი კვლავ რჩება რუსეთის მიერ დაარსებულ უსაფრთხოების და ეკონომიკურ გაერთიანებებში — მათ შორის კოლექტიური უსაფრთხოების ხელშეკრულების ორგანიზაციასა და ევრაზიის ეკონომიკურ კავშირში — ერევანმა გაააქტიურა თანამშრომლობა ევროკავშირთან და აშშ-სთან. ფაშინიანმა საჯაროდ გააკრიტიკა კოლექტიური უსაფრთხოების ხელშეკრულების ორგანიზაცია, განსაკუთრებით აზერბაიჯანთან დაძაბულობის დროს სომხეთის უსაფრთხოების საკითხებში არასაკმარისი მხარდაჭერის გამო.შიდა პოლიტიკაში მთავარ გამოწვევებად რჩება უსაფრთხოების გარემო, აზერბაიჯანთან სამშვიდობო შეთანხმების პერსპექტივა, ეკონომიკური სტაბილურობა და ინსტიტუციური რეფორმების გაგრძელება. ოპოზიცია პერიოდულად აკრიტიკებს პრემიერ-მინისტრს როგორც უსაფრთხოების პოლიტიკის, ისე რუსეთის მიმართ დამოკიდებულების ცვლილების გამო.ამ ფონზე, ფაშინიანის ხელახლა დასახელება პრემიერ-მინისტრობის კანდიდატად აღიქმება როგორც მცდელობა, შეინარჩუნოს პოლიტიკური კურსის უწყვეტობა და მმართველი გუნდის სტაბილურობა.

1774854432