სამუშაო ძალის დეფიციტი ბიზნესის მთავარი გამოწვევაა

ანგარიშში დეტალურად არის მიმოხილული ფინანსური სექტორი და ასევე წარმოდგენილია ფინანსური სისტემის მდგრადობის ანალიზი. გარდა ამისა, დოკუმენტში წარმოდგენილია ფინანსური სტაბილურობის უზრუნველსაყოფად ეროვნული ბანკის მიერ გატარებული ღონისძიებები და მათი გავლენის შეფასება. კერძოდ, დეტალურადაა მიმოხილული მთლიან ფინანსურ სისტემაზე ორიენტირებული მაკროპრუდენციული ზომები და ცალკეული ფინანსური ინსტიტუტების მდგრადობის ზრდისკენ მიმართული მიკროპრუდენციული ღონისძიებები.ეროვნული ბანკის ფინანსური სტაბილურობის კომიტეტმა კაპიტალის კონტრციკლური ბუფერის ციკლური კომპონენტი უცვლელად დატოვა. 2024 წლის აგვისტოს  მონაცემებით, ბანკებს კაპიტალისა და ლიკვიდობის ჯანსაღი მაჩვენებლები აქვთ.2024 წლის აგვისტოში, სესხების წლიურმა ზრდამ, გაცვლითი კურსის ეფექტის გამორიცხვით, 18.6% შეადგინა, რაც მნიშვნელოვანწილად, ბიზნეს სესხების ზრდით არის განპირობებული.2024 წლის მეორე კვარტალის მონაცემებით, სესხების მთლიან შიდა პროდუქტთან ფარდობა გრძელვადიანი ტრენდის ქვემოთ ნარჩუნდება, ხოლო ფარდობის გაპი ეტაპობრივად აგრძელებს დახურვას.აღსანიშნავია, რომ 2024 წლის პირველი ორი კვარტალის მანძილზე არსებულმა ძლიერმა ეკონომიკურმა აქტივობამ შეანელა სესხების მშპ-თან ფარდობის მის გრძელვადიან დონესთან დაახლოების ტემპი, თუმცა კომიტეტის შეფასებით, საკრედიტო აქტივობის არსებული ტენდენციების შენარჩუნებისა და ეკონომიკური ზრდის ეტაპობრივი ნორმალიზების ფონზე, სესხების მშპ-თან ფარდობის უარყოფითი გაპი მიმდინარე წელს დაიხურება. შესაბამისად, მიმდინარე ეტაპზე კაპიტალის კონტრციკლური ბუფერის ციკლური კომპონენტის ცვლილების საჭიროება არ იკვეთება. ამასთან, კომერციული ბანკები განაგრძობენ კაპიტალის კონტრციკლური ბუფერის ნეიტრალური კომპონენტის ეტაპობრივ დაგროვებას. თანმიმდევრული მიდგომის უზრუნველსაყოფად კომიტეტმა მიზანშეწონილად მიიჩნია კაპიტალის კონტრციკლური ბუფერის ეტაპობრივად დაგროვების პრინციპი მიკრობანკებზეც გავრცელდეს.წყარო: სებ; საქსტატი*ნომინალური მშპ-ის ზრდა ბოლო 4 კვარტალის მშპ-ის წლიურ ზრდას ასახავს. **სესხები მოიცავს ბანკების, მიკროსაფინანსო ორგანიზაციებისა და სესხის გამცემი სუბიექტების მიერ გაცემულ სესხებსა და, ასევე, არაფინანსური კომპანიების მიერ ადგილობრივად გამოშვებულ ობლიგაციებს.*** სესხების მშპ-თან ფარდობის გაპი წარმოადგენს სხვაობას სესხების მშპ-თან ფარდობასა და მის გრძელვადიან ტრენდს შორის. ტრენდის შესაფასებლად, ბაზელის რეკომენდაციის შესაბამისად, გამოყენებულია HP ფილტრი.საქართველოს ეროვნული ბანკი განაგრძობს ქვეყნის ფინანსური სტაბილურობის მუდმივ მონიტორინგს, საშინაო და საგარეო რისკების შეფასებას და შესაძლო რისკების მინიმიზაციისთვის მის ხელთ არსებულ ყველა ინსტრუმენტს საჭიროებისამებრ გამოიყენებს.ფინანსური სტაბილურობის კომიტეტის მორიგი სხდომა 2024 წლის 27 ნოემბერს გაიმართება.

1727252778

„მაკროეკონომიკური ძვრებისა და ინსტიტუციონალური დანერგვის წყალობით ციფრული აქტივები მეოთხე კვარტალში ზრდისთვის მზად არიან. ვინაიდან სუვერენული ბალანსები ზეწოლის ქვეშაა, ინვესტორები ჰეჯირების გრძელვადიანი სახსრების ძებნას დაიწყებენ, როგორიცაა მაგალითად ბიტკოინი“, – ამბობს CF Benchmarks–ის ანალიტიკოსი გაბრიელ სელბი.ბიტკოინის ახლო მომავალს ოპტიმიზმით უყურებს მისი კოლეგაც  Bitget Research-იდან რაიან ლი: „ჩემი მოლოდინით, ბიტკოინის ოქტომბრის მაჩვენებლები სექტემბრისას გადააჭარბებს. აქტივის ფასი მოსალოდნელია $58 000 – $72 000 დიაპაზონში“. 

1727252504

წელს, აქსელერაციის პროგრამაში მონაწილეობის მისაღებად 13 სტარტაპი შეირჩა, რომლებიც 12 კვირის განმავლობაში ინტენსიური გადამზადების კურსს გაივლიან. მსოფლიოში აღიარებულ აქსელერაციის მენტორებთან ერთად, სტარტაპები იმუშავებენ მარკეტინგის, პროდუქტის დიზაინისა და მომხმარებლებზე ორიენტირებული ბიზნეს მოდელის შექმნაზე. დარჩენილი რვა კვირის განმავლობაში კი მენტორებთან ერთად ჩაატარებენ ბიზნეს ექსპერიმენტებს, რათა აღმოაჩინონ ინდივიდუალურად მათ სტარტაპებსა და პროდუქტებზე მორგებული ბიზნეს სტრატეგია, რაც სწრაფ ზრდაში დაეხმარებათ.ბოლო ორი კვირის განმავლობაში, მონაწილეები იმუშავებენ ფონდების მოზიდვის სტრატეგიების შემუშავებაზე და გაივლიან Demo Day-სთვის მოსამზადებელ ეტაპებს.პროგრამა Demo Day-ს დასკვნითი ღონისძიებით დასრულდება, რომლის ფარგლებშიც, მონაწილეები საკუთარ ბიზნესებს ფართო საზოგადოებას - ინვესტორებს, მედიის წარმომადგენლებსა და ბიზნესით დაინტერესებულ ადამიანებს გააცნობენ.პროექტის დასრულების შემდეგ, 500 Global in Eurasia კვლავ აქტიურად განაგრძობს მონაწილე სტარტაპების სხვადასხვა ქვეყნის ბაზარზე მასშტაბირების ხელშეწყობას და მარკეტინგისა და გაყიდვების მიმართულებით მათ მხარდაჭერას.უკვე 70-ზე მეტმა სტარტაპმა 10 ქვეყნიდან გაიარა 500 Global in Eurasia-ს პროგრამა საქართველოში. მათ შორისაა Praktika.AI - სტარტაპი, რომელმაც წელს 35.5 მილიონი აშშ დოლარის მოზიდვა შეძლო.წლევანდელი აქსელერაციის პროგრამის ფარგლებში, მეშვიდე ნაკადის მონაწილე სტარტაპები არიან:DDD Invoices - ფინტექ ინფრასტრუქტურა, რომელიც ბიზნესებს შესაძლებლობას აძლევს, API-ს მეშვეობით ადგილობრივ ბაზარზე მორგებული ინვოისები გამოსცენ, რომელიც საგადასახადო მოთხოვნებთან შესაბამისობაში მოვა, შეამცირებს R&D დანახარჯებს და ხელს შეუწყობს სხვადასხვა ქვეყნის ბაზარზე კომპანიის მასშტაბირებას.&Volume: &Volume ხელოვნურ ინტელექტზე დაფუძნებული კრიპტოვალუტის მართვის პლატფორმაა, რომელიც მომხმარებლისგან დამოუკიდებლად ახორციელებს ვალუტის შესყიდვას, ახდენს მუდმივად ცვალებად ბაზართან და მიმდინარე მოვლენებთან ადაპტაციას - თუმცა, დაგროვილ ფონდებს მომხმარებელი თავად განკარგავს.IKI.AI: ეს არის AI კვლევის ასისტენტი, რომელიც ბიზნესებსა და პროფესიონალებს ეხმარება, შექმნან და გააანალიზონ კომპლექსური კონტენტი LLM ციფრული ბიბლიოთეკის მეშვეობით.Tezbor, Inc: პლატფორმა ეხმარება ონლაინ საცალო მოვაჭრეებს, AI-ზე დაფუძნებული ლოჯისტიკური გადაწყვეტილებებით გაზარდონ გაყიდვები, Gig-Economy Driver-ისა და Parcel-shop-ის ქსელის გამოყენებით კი ხელი შეუწყონ საკუთარი ბიზნესის  მასშტაბირებასა და შემოსავლების ზრდას.Nexus Lab: ეხმარება ავიაკომპანიებს, გადავიდნენ მდგრად ავიაციაზე, ფრენის ოპტიმიზაციის პროგრამული გადაწყვეტების მეშვეობით, შეამცირონ კონტრაილი (თვითმფრინავების მიერ ცაში დატოვებული კვალი) და შესაბამისობაში მოვიდნენ ევროკავშირის 2025 წლის რეგულაციებთან.Unitlab AI ხელოვნურ ინტელექტზე დაფუძნებული, მონაცემთა ანოტაციის პლატფორმაა, რომელიც იყენებს როგორც ტექსტუალურ, ასევე, ვიზუალურ მასალას და მომხმარებელს ეფექტურ გადაწყვეტებსა და ავტომატური მარკირების ინსტრუმენტებს სთავაზობს, რაც AI პროექტების სწრაფად განხორციელებას უწყობს ხელს.Workplaced ეხმარება კომპანიებს, მომხმარებელზე ორიენტირებულ მონაცემებზე დაყრდნობით შექმნან სტრატეგიული HR და კორპორატიული უძრავი ქონების მართვის გადაწყვეტები, შეამცირონ თანამშრომლების უკმაყოფილება, გაზარდონ მათი პროდუქტიულობა და მოახდინონ უძრავი ქონების პორტფელის ოპტიმიზაცია.Telemetree: მონაცემებზე დაფუძნებული ხელსაწყოებისა და ანალიტიკური ინსტრუმენტების გამოყენებით მომხმარებელს აძლევს წვდომას Telegram-ისა და Discord-ის თამაშებსა და აპლიკაციებზე.Widgera: ვებგვერდის შემქმნელი ინსტრუმენტია, რომელიც არ საჭიროებს კოდის წერას, ხელს უწყობს კონვერტაციის მაჩვენებლების ზრდას, AI-ზე დაფუძნებული, პერსონალიზებული და ავტომატური ვებ-გამოცდილების შექმნის მეშვეობით.Mentica: ხელოვნურ ინტელექტზე დაფუძნებული პლატფორმაა, რომელიც ხელს უწყობს ბიზნესებს, შექმნან პერსონალიზებული კარიერული განვითარების გეგმა დასაქმებულებისთვის, რაც ხელს შეუწყობს მათი კმაყოფილების დონის ზრდას.Algebras AI: იძლევა MENA, SEA ბაზრებზე შეუფერხებელი მასშტაბირების შესაძლებლობას, ხელოვნურ ინტელექტზე დაფუძნებული ტექსტის ტექსტად და ტექსტის მეტყველებად გარდაქმნის ხელსაწყოების მეშვეობით. რაც უზრუნველყოფს კონტენტზე ხელმისაწვდომობის ზრდას იმ რეგიონებში, სადაც ადრე ისინი მიუწვდომელი იყო.Aldente AI ეხმარება ქსელების გაყიდვების 30%-ით ზრდას, მომხმარებელთა ქცევის ანალიზისა და AI ოპტიმიზაციის მეშვეობით.Markster: ხელოვნურ ინტელექტზე დაფუძნებული ბიზნესის მართვის სისტემაა, რომელიც B2B სააგენტოებს მასშტაბურობაში ეხმარება, GOD (ზრდის, ოპერაციების და აღსრულების) ჩარჩოს, სამუშაო პროცესების ავტომატიზაციის მეშვეობით, ისეთი კრიტიკული გამოწვევების გადაწყვეტების შემუშავებით, როგორიცაა თანამშრომელთა კმაყოფილების დონის ზრდა, ხარისხის სტანდარტიზაცია და მომხმარებელთა კმაყოფილება.2022 წელს, 500 Global-ს, საქართველოს ბანკსა და საქართველოს ინოვაციების და ტექნოლოგიების სააგენტოს შორის გაფორმდა ოთხწლიანი თანამშრომლობის ხელშეკრულება. შეთანხმების ფარგლებში, 500 Global ოთხი წლის განმავლობაში, წელიწადში ორჯერ თბილისში აქსელერაციის პროგრამას გამართავს.500 Global-ის შესახებ:500 Global არის გლობალური ვენჩურული საინვესტიციო კომპანია, რომელიც, 2.3 მილიარდიან აქტივებს მართავს. იგი ინვესტიციას ახორციელებს სტარტაპებში, რომლებიც ქმნიან სწრაფად მზარდ ტექნოლოგიურ კომპანიებს. 500 Global მჭიდროდ თანამშრომლობს ეკოსისტემის მთავარ მონაწილეებთან და კონსულტაციას უწევს მთავრობებს, შექმნან ისეთი სამეწარმეო ეკოსისტემა, რომელშიც სტარტაპებს ექნებათ სწრაფი განვითარების შესაძლებლობა. დღემდე 500 Global-მა მხარი დაუჭირა 5000-ზე მეტ დამფუძნებელს და 2900-ზე მეტ კომპანიას, 80+ ქვეყნიდან. მისი პორტფოლიო მოიცავს 35-ზე მეტ კომპანიას, რომელთა ღირებულება 1 მილიარდ დოლარზე მეტია და 160+ კომპანიას, რომელთა ღირებულება 100 მილიონ დოლარს აღემატება (მათ შორის არის კერძო, საჯარო და “exited” კომპანიები). 500 Global-ის გუნდი 150+ წევრს აერთიანებს 25 ქვეყნიდან, რომლებსაც წამყვან ტექნოლოგიურ კომპანიებში მუშაობის გამოცდილება აქვთ.

1727252308

სამრეწველო ლითონებს შორის სპილენძი მცირედით გაიაფდა მას შემდეგ, რაც მისი ფასი ორთვიან მაქსიმუმზე იყო ასული. სპილენძის გაძვირებას ჩინეთის მიერ ეკონომიკის დამატებითი მასტიმულირებელი ზომები განაპირობებდა – „ცისქვეშეთი“ ამ ლითონის უმსხვილესი იმპორტიორია მსოფლიოში.ლითონების ფასების ზრდა, ძირითადად ფედრეზერვის მიერ საპროცენტო განაკვეთის შემცირებას განაპირობა, რამაც დოლარი 14–თვიან მინიმუმამდე დასწია. ცენტრალურმა ბანკმა შერბილების ციკლის დაწყების შესახებაც განაცხადა, რაც, სავარაუდოდ, მომდევნო თვეებში განაკვეთის კიდევ უფრო დაწევას გულისხმობს. 

1727251639

პროტესტმა სოფელ შუქრუთიდან საქართველოს პარლამენტის წინ 11 სექტემბერს გადმოინაცვლა. შუქრუთის მოსახლეობა "ჯორჯიან მანგანეზის" საქმიანობას აპროტესტებს, რომლის მაღაროებიც, მათი თქმით, სოფლის ნგრევას იწვევს, ხოლო კომპანია ზარალს სრულად არ ანაზღაურებს და მოსახლეობის ნაწილს მიზერულ თანხას სთავაზობს.აქციის მონაწილეთა თქმით, 300-კომლიან შუქრუთში რამდენიმე ათეული სახლი საცხოვრებლად უკვე უვარგისია. "ჯორჯიან მანგანეზში" კი ამბობენ, რომ ზარალის ანაზღაურებაზე უკვე 12 მილიონ ლარზე მეტი დახარჯეს და დანარჩენს იმ შემთხვევაში გასცემენ, თუ საწარმოს მუშაობის განახლების შესაძლებლობა დაუბრუნდება. კომპანია ამტკიცებს, რომ შუქრუთი დღეს არა მათი მუშაობის შედეგად, არამედ საბჭოთა დროს წარმოქმნილი პრობლემების შედეგს იმკის.ოთხშაბათს, 25 სექტემბერს "სოციალური სამართლიანობის ცენტრმა" გაავრცელა განცხადება სადაც ვკითხულობთ, რომ სამოქალაქო საზოგადოების ორგანიზაციები მოუწოდებენ ხელისუფლებას, დაუყოვნებლივ მოახდინოს რეაგირება შუქრუთელების მრავალთვიან პროტესტზე, იმოქმედოს ადამიანის სიცოცხლის და ჯანმრთელობის დაცვის იმპერატიული ინტერესით და შეწყვიტონ უფლებადარღვეული ადამიანების სამართლიანი პროტესტის უგულებელყოფა.შუქრუთელები უკვე 190 დღეზე მეტია უწყვეტი პროტესტის რეჟიმში იმყოფებიან და კომპანია “ჯორჯიან მანგანეზისგან” მათთვის მიყენებული ზიანის სამართლიან ანაზღაურებას ითხოვენ. უკვე 20 დღეზე მეტია რამდენიმე ადამიანი შიმშილობს, ხოლო 5 მათგანს პირი აქვს ამოკერილი."შუქრუთელები, რომლებიც თბილისში, პარლამენტთან აქციის გასამართად 11 სექტემბერს ჩამოვიდნენ, ღამესაც აქციის მიმდებარე ტერიტორიაზე უმძიმეს პირობებში ათევენ, ხოლო ადგილზე მობილიზებული საპატრულო პოლიცია მათ კარვის გაშლის საშუალებას არ აძლევს. როგორც ადგილობრივები ჰყვებიან, მოშიმშილეებს ჯანმრთელობის მდგომარეობა, ყოველდღიურად მძიმდება და სამედიცინო დახმარებას სულ უფრო და უფრო ხშირად საჭიროებენ.აშკარაა, რომ შექმნილი ვითარება, ხელისუფლების მხრიდან დაუყოვნებლივ რეაგირებას მოითხოვს, სხვა შემთხვევაში შესაძლოა, დადგეს  უფრო მძიმე შედეგები და ადამიანების ჯანმრთელობის მდგომარეობა, რომლებიც უკვე 20 დღეზე მეტია შიმშილობენ, კრიტიკულად გაუარესდეს. შესაბამისად, არსებითია ხელისუფლებამ უმოკლეს ვადებში დააკმაყოფილოს შუქრუთელების მოთხოვნები.როგორც ცნობილია, ჭიათურაში მანგანუმის მოპოვების 40-წლიან ლიცენზიას “ჯორჯიან მანგანეზი” 2006 წლიდან ფლობს. კომპანიის მიერ მანგანუმის მოპოვებითი საქმიანობის შედეგად შუქრუთელებს დაუზიანდათ სახლები და მათ ისიც არ იციან, რამდენად უსაფრთხოა სოფელში ცხოვრების გაგრძელება. საცხოვრებელი სახლების გარდა, ადგილზე დაზიანდა სკოლა და მოსწავლეებს სხვა სოფელში უწევთ სიარული. ადგილობრივების მონათხრობით, სოფელ შუქრუთში სახლების დაზიანების და ნგრევის პროცესი ჯერ კიდევ 2017 წელს დაიწყო, როდესაც მოპოვებითი სამუშაოები კიდევ უფრო ინტენსიური გახდა. 2019 წლიდან შუქრუთელები აქტიურად მართავენ აქციებს და კომპანიისგან მიყენებული ზიანის ანაზღაურებას პერიოდულად ითხოვენ. 2020 წელს კომპანიამ ადგილობრივებთან გაურკვეველი სამართლებრივი ბუნების დოკუმენტი - მემორანდუმი გააფორმა, რომლითაც შესაძლო ზიანის ანაზღაურების ვალდებულება იკისრა, იმ პირობით, რომ ადგილობრივები კომპანიის მიერ მოპოვებითი სამუშაოების წარმოებას ხელს არ შეუშლიდნენ. როგორც შუქრუთელები ყვებიან, მემორანდუმს ხელი ისე მოაწერეს, რომ მისი სამართლებრივი შედეგები მათთვის ბოლომდე გასაგები არ ყოფილა.ამასთან, შუქრუთელებმა 2024 წლის მარტში მიმართეს კომპანია ჯორჯიან მანგანეზის სახელმწიფო სპეციალურ მმართველს ბესიკ კირთაძეს, ასევე, მიმართეს გენერალურ პროკურატურას გამოძიების დაწყების თაობაზეც. სოფელ შუქრუთის მაცხოვრებლები კოლექტიურ განცხადებაში უთითებდნენ საკუთრების უფლების დარღვევის ფაქტებზე, აცხადებენ, რომ კომპანიამ ყოველგვარი გაფრთხილების გარეშე დაიწყო მათ საკარმიდამო ტერიტორიებზე სამთო-მოპოვებითი სამუშაოები, დაზიანდა და დღემდე ზიანი ადგება მათ საცხოვრებელ გარემოს, სოფლის ტერიტორიაზე განთავსებულ ეკლესიას და საფლავებს. აღნიშნულ სამართლებრივ მექანიზმებს შედეგი ამ დრომდე არ გამოუღია.სამწუხაროდ, ადგილობრივების პროტესტის პარალელურად, სახელმწიფო და კომპანია ყველაფერს აკეთებენ შუქრუთის მცხოვრებლების პროტესტის დელეგიტიმაციისთვის და მანიპულაციური ცნობების გავრცელებით ცდილობენ საზოგადოების დაბნევას. კერძოდ, სახელისუფლებო მედია არხები ავრცელებენ შეცდომაში შემყვან ინფორმაციას იმის შესახებ, რომ თითქოს პროტესტის მონაწილეებს ზიანი უკვე სრულად აუნაზღაურდათ. სინამდვილეში, შუქრუთის მოსახლეობის ნაწილს კომპანიისგან კომპენსაცია საერთოდ არ მიუღია, ზოგიერთს კი აღებული აქვს ისეთი მცირე თანხა, როგორიც 5000 ლარია. რაც შეეხება დანარჩენ ოდენობებს, რაზეც კომპანია თავის განცხადებებში აპელირებს, როგორც ჩვენთვის არის ცნობილი, ეს თანხა რამდენიმე ადგილობრივზე გაცემულია კომპანიასა და ადგილობრივებს შორის გაფორმებული 2021 წლის ხელშეკრულების საფუძველზე.ამასთან, როგორც ბოლო 3 წლის მოვლენების ანალიზი აჩვენებს, კომპანიამ უხეშად დაარღვია 2021 წელს გაფორმებული შეთანხმების პირობებიც და შუქრუთელები დღეს კომპანიისგან ამ ხელშეკრულების შესრულებას ითხოვენ, რომელსაც მაშინაც პროტესტის უკიდურესი ფორმებით მიაღწიეს.ამ შეთანხმების საფუძველზე კომპანიამ იკისრა ვალდებულება, სამხარაულის სასამართლო ექსპერტიზის ბიუროს შეეფასებინა არა მხოლოდ კომპანიის მიერ ადგილობრივებისთვის მიყენებული ზიანის მოცულობა, არამედ ასევე, დაედგინა, რამდენად უსაფრთხო იყო მათ სახლებში ცხოვრების გაგრძელება. შეთანხმების მიხედვით, კომპენსაცია ორ ეტაპად უნდა განხორციელებულიყო: პირველ ეტაპზე კომპანია კერძო აუდიტორული კომპანიის მიერ უკვე დათვლილ ზიანს ანაზღაურებდა, ხოლო მომდევნო ეტაპზე - იმ შემთხვევაში, თუ კონკრეტული სახლი საცხოვრებლად უსაფრთხო არ აღმოჩნდებოდა, კომპანიას საცხოვრებლის სრული ღირებულება („ჩანაცვლებითი ღირებულება“) უნდა გადაეხადა. შეთანხმების მიხედვით, პირველ ეტაპზე გასაცემი კომპენსაცია ამ საერთო ღირებულებას უნდა გამოკლებოდა. ჩვენს ხელთ არსებული ინფორმაციით, შეთანხმება არ ითვალისწინებდა ალტერნატიული მიწის გამოყოფის ვალდებულებას, ადგილობრივებისთვის მიყენებული მორალური ზიანის, სხვა არამატერიალური ზიანის, მათ შორის, დაკარგული შემოსავლის და ხარჯების ანაზღაურებას, რასაც, ასეთ შემთხვევებში ადამიანის უფლებათა საერთაშორისო სამართალი მოითხოვს.როგორც ადგილობრივები ამბობენ, კომპანიამ დაიწყო პირველი ეტაპის კომპენსაციის გაცემა, თუმცა ეს ანაზღაურება შუქრუთის მცხოვრებლებიდან მხოლოდ რამდენიმე ოჯახმა[1] მიიღო და სახელისუფლებო არხებიც მხოლოდ ამ რამდენიმე ოჯახისთვის გადახდილი არასრული კომპენსაციის საფუძველზე ავრცელებენ მანიპულაციურ ცნობებს ადგილობრივების დაკმაყოფილების შესახებ. დანარჩენ პროტესტის მონაწილე შუქრუთელებს კი კომპანიისგან საწყისი კომპენსაციის თანხაც არ მიუღიათ და რაც მთავარია, კომპანიამ არ შეასრულა ვალდებულება, ადგილობრივებისთვის მიეწოდებინა სამხარაულის ექსპერტიზის ბიუროს მიერ დასკვნები, მათი საცხოვრებელი სახლების მდგომარეობის და იქ ცხოვრებასთან დაკავშირებული რისკების შესახებ. შესაბამისად, არ მომხდარა არც სამხარაულის დასკვნების საფუძველზე შეფასებული ზიანის სრული ანაზღაურება.სოფელ შუქრუთში შექმნილ მდგომარეობაზე პირდაპირი პასუხისმგებლობა სახელმწიფო ორგანოებს ეკისრებათ. გარდა იმისა, რომ მოპოვებითი საქმიანობა საჯარო რეგულირების საგანია და “ჯორჯიან მანგანეზის” შემთხვევაში ლაპარაკია არა რიგით კერძო კომპანიაზე, არამედ სახელმწიფოს მიერ გაცემული მოპოვების ლიცენზიით აღჭურვილ კორპორაციაზე, დამატებით აღსანიშნავია ისიც, რომ კომპანია 2017 წლიდან სახელმწიფოს მართვაში იმყოფება. მეტიც, ადგილობრივები ამბობენ, რომ მათსა და კომპანიას შორის გაფორმებულ შეთანხმებას, რომლის პირობები ამ დრომდე შეუსრულებელია, ხელს სწორედ სახელმწიფოს მიერ დანიშნული სპეციალური მმართველი აწერს.მიმდინარე მოვლენების პარალელურად, საყურადღებოა, ის სამართლებრივი მექანიზმები, რომლებიც შუქრუთელების პროტესტის მიმართ გამოიყენება სახელმწიფო ინსტიტუტებისა თუ თავად კოპანიის მიერ. კერძოდ,  პროტესტის რამდენიმე მონაწილის მიმართ დაწყებულია სისხლისსამართლებრივი დევნა და სასამართლოს მიერ მიღებული აქტის შედეგად, ასევე, აიკრძალა მაღაროსთან პროტესტის გამართვა. კომპანიამ კი თავის მხრივ, სამსახურიდან გაათავისუფლა პროტესტში მონაწილე 5 თანამშრომელი.სახელმწიფოს ამ დრომდე არ უღიარებია ადამიანების სიცოცხლისა და ჯანმრთელობისთვის საფრთხის შემცველი კრიზისული ვითარება. მათ შორის, არ მიუღია ზომები იმ სოციალური და ეკოლოგიური კატასტროფის აღმოსაფხვრელად, რომლის წინაშეც ადგილობრივი მოსახლეობა დგას. სწორედ ამგვარმა დამოკიდებულებამ და  ხელისუფლების მხრიდან ადამიანების უფლებების უმძიმეს დარღვევებზე პასუხისმგებლობის არიდებამ მიიყვანა შუქრუთელები შიმშილობის და პირის ამოკერვის უმძიმესი პროტესტის ფორმებამდე. ამ ეტაპზე, საიმისოდ, რათა მდგომარეობა კიდევ უფრო არ დამძიმდეს, კრიტიკულად მნიშვნელოვანია, რომ ხელისუფლების უმაღლესი თანამდებობის პირები გამოეხმაურონ შუქრუთელების პროტესტს და წამოიწყონ პროცესი, რომელიც ადგილობრივების სამართლიანი კომპენსირების გარანტიებს შექმნის", ვკითხულობთ არასამთავრობო ორგანიზაციების მიერ გაკეთებულ განცხადებაში. 

1727250954

ყურადღება გამახვილდა ქვეყნებს შორის გადახდების სისტემებისა და ფინანსური სერვისების განვითარების კუთხით სამომავლო თანამშრომლობის გააქტიურებაზე.აღინიშნა, რომ საქართველოს ეროვნული ბანკი მუდმივად ისწრაფვის პროცესების გაუმჯობესებისკენ და ოპერაციების დივერსიფიკაციისკენ, რა მიზნითაც აქტიურად თანამშრომლობს სხვადასხვა ქვეყნის ცენტრალურ ბანკებთან.როგორც შეხვედრის დასრულების შემდეგ ნათია თურნავამ აღნიშნა, თანამშრომლობის გაღრმავების, ორივე ქვეყნისთვის აქტუალური საკითხების განხილვისა და პროცესების დაჩქარების მიზნით, ეროვნული ბანკის წარმომადგენლები მომავალში ჩინეთის ცენტრალური ბანკის წარმომადგენლებთან გამართავენ შეხვედრებს.ეროვნულ ბანკში გამართულ შეხვედრას ასევე ესწრებოდნენ სების ვიცე-პრეზიდენტი ეკატერინე გალდავა, ფინანსური ბაზრების დეპარტამენტის ხელმძღვანელი ალექსანდრე ხაზარაძე და საერთაშორისო ურთიერთობების დეპარტამენტის ხელმძღვანელი გიორგი ედილაშვილი.

1727248378

მხარეებმა ჩინეთსა და საქართველოს შორის სარკინიგზო-საკონტეინერო გადაზიდვების მზარდი ტრენდის შენარჩუნების მიზნით საჭირო გადაზიდვების პროცესის და რკინიგზებს შორის ორმხრივი თანამშრომლობის მექანიზმის განახლებისა და გაუმჯობესების საკითხები განიხილეს.აღნიშნული ვიზიტის ფარგლებში, საქართველოს რკინიგზის გენერალურმა დირექტორმა სამუშაო შეხვედრები გამართა შენსის პროვინციის გუბერნატორთან, ქ. სიანის მერთან და ჩინეთის ერთ-ერთი უმსხვილესი მშრალი პორტის ხელმძღვანელობასთან. სწორედ სიანის სახმელეთო პორტი უზრუნველყოფს ძირითად ტვირთნაკადებს ევროპის მიმართულებით.მხარეები შეთანხმდნენ კოორდინირებულ და ერთობლივ სამუშაო პროცესზე, რომლის საშუალებით შეიქმნება უფრო ხელსაყრელი გარემო ჩინეთის სატრანზიტო და საგარეო სავაჭრო ტვირთების მოსაზიდად შუა დერეფნის გავლით ევროპისა და თურქეთის მიმართულებით.

1727248108

სამუშაოების მიმდინარე ეტაპზე უკვე განახლდა 2 კილომეტრზე მეტი სიგრძის წყალმომარაგებისა და 700 მეტრი სიგრძის წყალარინების მაგისტრალური და გამანაწილებელი ქსელები, მოეწყო 60 ერთეული ჩამკეტ - მარეგულირებელი ურდული და დამონტაჟდა 7 სახანძრო ჰიდრანტი.ახლად მოწყობილი ქსელის ექსპლუატაციაში შესვლის მიზნით ჯივიპი გადაერთებით სამუშაოებს ხვალ, 26 სექტემბერს დილის 10:00 საათზე დაიწყებს და მთელი დღის განმავლობაში 15 სხვადასხვა ლოკაციაზე აქტიურ რეჟიმში შეასრულებს.აღნიშნულთან დაკავშირებით აუცილებელია მაგისტრალური ქსელის წყლისგან დაცლა რის გამოც ხვალ, 26 სექტემბერს დილის 10:00 საათიდან 27 სექტემბრის დღის 16:00 საათამდე წყალმომარაგება შეეზღუდება:სამგორის რაიონში: გახოკიძის, ხომლელის, მაისურაძის, აბაშვილის, ფანასკენტელ-ციციშვილის, თრიალეთის, მაისურაძის, აბაშვილის და ბრილების ქუჩებს. ვარკეთილი ზემო პლატოს, ჯავახეთის მე-2 შესახვევს, აეროდრომის, კალოუბნისა და თვალჭრელიძის ქუჩების ნაწილს.ჯორჯიან უოთერ ენდ ფაუერი ბოდიშს უხდის მომხმარებლებს დისკომფორტისთვის. სამუშაოების მიმდინარეობის პერიოდში, წყალმომარაგების სრულად აღდგენამდე, კომპანია მოსახლეობას სასმელ წყალს ცისტერნებით მიაწვდის.წყალმომარაგების შეზღუდვისა და აღდგენის შესახებ ინფორმაციას, ჯორჯიან უოთერ ენდ ფაუერი აბონენტებს წინასწარ, SMS შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით http://www.gwp.ge.

1727247450