საქართველო–რუსეთის დამაკავშირებელი გზის 246–მილიონიან ტენდერში 5 ჩინური კომპანია იბრძვის

ღონისძიების მთავარ თემატიკას კაპიტალის ბაზრების როლი ეკონომიკაში, მათი სტრუქტურა და საჯარო ბაზრებზე დაფინანსების მოზიდვის უპირატესობები წარმოადგენდა. კონფერენციაზე ასევე განიხილეს რეგულაციური ჩარჩო, რომელიც სომხეთის კაპიტალის ბაზრის გარემოს განსაზღვრავს და კაპიტალის ბაზრებზე წვდომის მოსამზადებელი პროცესები.გალტ & თაგარტის საკონსულტაციო მიმართულების ხელმძღვანელმა, თამთა გორგაძემ პანელურ დისკუსიაში მიიღო მონაწილეობა. მან საქართველოს კაპიტალის ბაზრის მხარდაჭერის პროგრამის გამოცდილება გააზიარა, რომელიც გალტ & თაგარტის ჩართულობით წარმატებით განხორციელდა. ასევე, თამთა გორგაძემ ისაუბრა იმ გზაზე, რომელიც ქართულმა კომპანიებმა კაპიტალის ბაზრებზე გასასვლელად გაიარეს — ეს გამოცდილება მნიშვნელოვანია სომხური კომპანიებისთვის, რომლებიც მსგავს პროცესს ახლა იწყებენ.„მოხარული ვართ, რომ გალტ & თაგარტის გამოცდილება კაპიტალის ბაზრის განვითარებაში უკვე ცდება ქვეყნის ფარგლებს და რეგიონის მასშტაბებზე გადის. ჩვენი მიზანია, ხელი შევუწყოთ კორპორაციული სექტორის ზრდასა და მათი დაფინანსების დივერსიფიცირებას. სომხეთში კაპიტალის ბაზრის განვითარების პროგრამის იმპლემენტაცია მნიშვნელოვანი ნაბიჯია გალტ & თაგარტისთვის, და ხაზს უსვამს ჩვენი, როგორც რეგიონული ფინანსური ინსტიტუტის, როლს”, - ამბობს თამთა გორგაძე, გალტ & თაგარტის საკონსულტაციო სამსახურის ხელმძღვანელი.ინფორმაციისთვის, CMS პროგრამა ევროპის რეკონსტრუქციისა და განვითარების ბანკისა (EBRD) და ევროკავშირის (EU) ერთობლივ ინიციატივას წარმოადგენს. პროგრამას  სომხეთში გალტ & თაგარტი ახორციელებს, სომხეთის ეკონომიკის სამინისტროს პარტნიორობით.პროგრამის მიზანია სომხეთში კაპიტალის ბაზრების გაძლიერება და ადგილობრივი კომპანიებისთვის დაფინანსების ხელმისაწვდომობის ზრდა. პროგრამას ორი ძირითადი კომპონენტი აქვს: საგანმანათლებლო და საგრანტო. საგანმანათლებლო კომპონენტი მოიცავს ვებინარებსა და კონფერენციებს, რომლებიც მიზნად ისახავს ცნობიერების ამაღლებას და პროფესიული მხარდაჭერის უზრუნველყოფას. გრანტების კომპონენტი კი კომპანიებს კაპიტალის ბაზარზე განთავსების პროცედურების დაფინანსებაში ეხმარება.

1749731896

ზურაბიშვილი Facebook-ზე ადმინისტრაციული სამართალდარღვევის ოქმის ფოტოსაც აქვეყნებს.საქმე ეხება 3 მარტს, რუსთაველის გამზირზე გამართულ აქციას, სადაც, როგორც ზურაბიშვილი წერს, ნამდვილად იმყოფებოდა.„აქტივისტად მოვინათლე დღეს! მე კი ვიდექი იქ, სადაც ყველა დედა უნდა მდგარიყო - სინდისის პატიმრების დედების გვერდში!“- წერს სალომე ზურაბიშვილი.

1749731145

ინიციატივა საერთაშორისო პროექტის ნაწილია, რომელიც 2016 წელს Institute of Economic Education (INEV) მიერ ჩეხეთში შეიქმნა და მასში ყოველწლიურად 30 ქვეყნის 80 000 მოსწავლე მონაწილეობს.საქართველოში პროექტი GELi-ს მიერ ხორციელდება.წელსაც, ტრადიციულად, ოლიმპიადა სამ ეტაპად ტარდება და მასში მონაწილეობას იღებენ მე-10, მე-11 და მე-12 კლასის მოსწავლეები: სკოლის რაუნდში მოსწავლეები ქართულ ან ინგლისურ ენაზე ტესტს ონლაინ დაწერენ. საუკეთესო შედეგის მქონე 200 ახალგაზრდა კი ეროვნულ ტურში იასპარეზებს; ეროვნული ეტაპი თბილისში გაიმართება, რომლის ფარგლებშიც, მოსწავლეები გაივლიან ტესტირებას და შეძლებენ, დაესწრონ საინტერესო ღონისძიებებს ეკონომიკის შესახებ. ეროვნულ ეტაპზე გამოვლინდება 10 საუკეთესო შედეგის მქონე ახალგაზრდა, რომლებიც ეკონომიკის საზაფხულო ბანაკში მიიღებენ მონაწილეობას; ბანაკის დასრულების შემდეგ საუკეთესო შედეგის მქონე 5 მოსწავლე აგვისტოს ბოლოს საბერძნეთში გაემგზავრება და საერთაშორისო - ფინალურ რაუნდში მიიღებს მონაწილეობას. ისინი 30-მდე ქვეყნიდან შერჩეულ 100-ზე მეტ მოსწავლესთან ერთად იასპარეზებენ. ოლიმპიადის შესახებ დეტალური ინფორმაციის მისაღებად ეწვიეთ ვებგვერდს.ინფორმაციისთვის, ეკონომიკის ოლიმპიადა ორგანიზაცია GELi-ს ინიციატივით, საქართველოს ბანკის მხარდაჭერით და თავისუფალი უნივერსიტეტის პარტნიორობით კეთდება.

1749730178

ალტმანის თქმით, მომხმარებლის საშუალო მოთხოვნის დასამუშავებლად საჭიროა 0,34 ვტ/სთ ელენერგია – ეს დაახლოებით იმდენივეა, რამდენსაც ელექტროღუმელი ერთ წამში ხარჯავს. გარდა ამისა, მონაცემების დამუშავების ცენტრების გასაგრილებლად თითოეულ მოთხოვნაზე საშუალოდ 0.00038 ლიტრი წყალი იხარჯება, რაც ერთი ჩაის კოვზის მეთხუტმეტედია.ალტმანმა ისიც აღნიშნა, რომ მომავალში ხელოვნური ინტელექტის მუშაობის ღირებულება ელექტროენერგიის ღირებულებას უნდა გაუტოლდეს, თუმცა მას დაანგარიშების მეთოდიკა არ დაუკონკრეტებია.კომპანიის ხელმძღვანელი თავის ბლოგში ასევე აღნიშნავს, რომ 2025 წელს უკვე გამოჩნდა AI-პროგრამები, რომლებსაც ნამდვილი სამუშაოს შესრულება შეუძლია და ამიერიდან კომპიუტერული კოდის წერა ისეთი აღარასდროს იქნება, როგორიც მანამდე იყო. 

1749725463

ჩვენი ნაკრების მწვრთნელებმა - ლაშა გუჯეჯიანმა და გიორგი თენაძემ, უმაღლესი მიზნებისთვის საბრძოლველად 13 ძიუდოისტი შეარჩიეს:მამაკაცები 60 კგ - გიორგი სარდალაშვილი; 66 კგ - ვაჟა მარგველაშვილი; 73 კგ - ლაშა შავდათუაშვილი; 81 კგ - ტატო გრიგალაშვილი, ზაურ დვალაშვილი; 90 კგ - ლაშა ბექაური, ლუკა მაისურაძე; 100 კგ - ილია სულამანიძე; +100 კგ - გურამ თუშიშვილი. ქალები 57 კგ - ეთერ ლიპარტელიანი, ნინო ლოლაძე; 63 კგ - ეთერ ასკილაშვილი; +78 კგ - სოფიო სომხიშვილი. რა უნდა ვიცოდეთარის რამდენიმე მნიშვნელოვანი დეტალი, რომელზეც ყურადღება უნდა გავამახვილოთ, მაგალითად: ლაშა ბექაური ოქროს მედლის მოპოვების ერთ-ერთი მთავარი ფავორიტია და მორიგი ტრიუმფის შემთხვევაში, მას ყველა დიდ ტურნირზე ექნება ოქროს მედალი მოპოვებული (მსოფლიოსა და ევროპის ჩემპიონატები, ოლიმპიადა). შედეგად, ლაშა შავდათუაშვილის შემდეგ, ბექაური გახდება პირველი ქართველი ძიუდოისტი, რომელიც ამ უდიდეს მიღწევას გაიმეორებს.ასევე საინტერესოა, შეძლებენ თუ არა მსოფლიოს მოქმედი ჩემპიონები - გიორგი სარდალაშვილი და ტატო გრიგალაშვილი ტიტულის დაცვას. ისიც ვიცოდეთ, რომ გრიგალაშვილი მსოფლიოს ზედიზედ 3-გზის ჩემპიონია და მისი ფორმიდან გამომდინარე, დიდი შანსია, რომ კვარცხლბეკზე კვლავ ოქროს მედლით ვიხილავთ.2025 წლის მსოფლიო ჩემპიონატისთვის გაასმაგებული მოტივაციით ემზადება გურამ თუშიშვილი, რომელმაც გასულ წელს, ფინალურ შეხვედრაში, სამხრეთ კორეელ მინჯონგ ჯიმთან დასანანი მარცხი იწვნია. მისი ერთ-ერთი ყველაზე გამორჩეული მეტოქე, ძიუდოს ცოცხალი ლეგენდა, ფრანგი ტედი რინერი, ტურნირზე მონაწილეობას ტრავმის გამო ვერ შეძლებს, რაც თუშიშვილის შანსებს ერთიორად ზრდის.ოქროს მედლის მოგების შესანიშნავი შანსი აქვს 2024 წლის საუკეთესო ქალ სპორტსმენს, ეთერ ლიპარტელიანს. 2023 წლის ფინალისტები, კანადელი კრისტიან დეგუჩი და სამხრეთ კორეელი ჰარუკა ფუნაკუბო, ტურნირზე მონაწილეობას არ იღებენ და შესანიშნავ ფორმაში მყოფი ლიპარტელიანისთვის ეს გარემოება ხელსაყრელია.ასევე არ უნდა გამოგვრჩეს, რომ საქართველოს ნაკრები მონაწილეობას შერეულ გუნდურ პირველობაზეც მიიღებს, სადაც გუჯეჯიანის შემადგენლობას მიხეილ ბახბახაშვილი, გიორგი ჯაბნიაშვილი, საბა ინანეიშვილი და მარიამ ჭანტურია დაემატებიან.2025 წლის მსოფლიო ჩემპიონატს დამატებით ინტრიგასა და ინტერესს ისიც სძენს, რომ წინა წლებისგან განსხვავებით, იაპონიისა და რუსეთის ნაკრებები სრული, ოპტიმალური შემადგენლობით იქნებიან წარმოდგენილები. შესაბამისად, ძიუდოს მოყვარულები, უფრო მეტ კონკურენციასა და დაძაბულ, მაღალი კლასის ბრძოლებს მიადევნებენ თვალს.აქვე შეგახსენებთ, რომ ჩვენი ნაკრების მონაგარი გასული წლის მსოფლიო ჩემპიონატზე ასეთი გახლდათ: 2 ოქრო (გიორგი სარდალაშვილი, ტატო გრიგალაშვილი); 1 ვერცხლი (გურამ თუშიშვილი); 2 ბრინჯაო (ვაჟა მარგველაშვილი). განრიგი13 ივნისი – დღე 1: კ -60 კგ / ქ -48 კგ წინასწარი შეხვედრები – 11:30 ფინალური ბლოკი – 18:00 14 ივნისი – დღე 2: კ -66 კგ / ქ -52 კგ წინასწარი შეხვედრები – 11:00 ფინალური ბლოკი  – 18:00 15 ივნისი – დღე 3: კ -73 კგ / ქ -57 კგ წინასწარი შეხვედრები – 11:30 ფინალური ბლოკი  – 18:00 16 ივნისი – დღე 4: კ -81 კგ / ქ -63 კგ წინასწარი შეხვედრები – 11:00 ფინალური ბლოკი  – 18:00 17 ივნისი – დღე 5: კ -90 კგ / ქ -70 კგ წინასწარი შეხვედრები – 11:00 ფინალური ბლოკი  – 18:00 18 ივნისი – დღე 6: კ -100 კგ / ქ -78 კგ წინასწარი შეხვედრები – 11:30 ფინალური ბლოკი  – 18:00 19 ივნისი – დღე 7: კ +100 კგ / ქ +78 კგ წინასწარი შეხვედრები – 12:00 ფინალური ბლოკი  – 18:00 20 ივნისი – დღე 8: შერეული გუნდი წინასწარი შეხვედრები – ჯერჯერობით უცნობია ფინალური ბლოკი – 18:00

1749725361

ფესტივალის გახსნის დღეს სხვადასხვა სივრცე დაეთმობა მოწვეულ სტუმრებს, რომლებიც ისაუბრებენ მნიშვნელოვან თემებზე, მათ შორის -  მსოფლიოს ახალ პერსპექტივებზე, პოლიტიკაზე, ეკონომიკაზე, გენდერულ თანასწორობასა და ქალთა ლიდერობაზე, მხატვრობაზე, ფილოსოფიაზე, არქიტექტურაზე, მედიაზე, ფოტოგრაფიაზე, კინოსა თუ მედიცინაზე. იმდენად დიდი და მრავალფეროვანია ფესტივალის მომხსენებელთა სია, რომ ZEG-ზე ინსპირაციას ნებისმიერი ადამიანი იპოვის.ZEG Storytelling Festival-ის სცენა ყოველწლიურად ეთმობა მედიის, ლიტერატურის, ფოტოგრაფიის, კინოს, ტექნოლოგიებისა და სხვა ინდუსტრიების პროფესიონალებს, რომლებსაც ჩვენამდე მოაქვთ მსოფლიოსა, თუ პირად საქმიანობაში მომხდარი გამორჩეული, საინტერესო ამბები. წელს ZEG-ზე დიდი ყურადღება დაეთმობა საქართველოში მიმდინარე მოვლენებსაც.120-ზე მეტ მომხსენებელს შორის არიან ნობელიანტი ეკონომისტი ჯოზეფ სტიგლიცი; ლეგენდარული ბრიტანელი ფოტოგრაფი პლატონი; The New Yorker-ის ჟურნალისტი, მწერალი და ბესტსელერი წიგნის "The Moth and the Mountain" ავტორი ედ სიზარი; წამყვანი ამერიკელი პედიატრი სემა ჯილანი, რომელიც წლების განმავლობაში მუშაობდა ავღანეთში, ისრაელში, ღაზას სექტორში, სუდანსა და სხვა ქვეყნებში დაზარალებულებთან; ადამ ფეიზი, მწერალი, პროდიუსერი და რეჟისორი, ავტორი მოკლემეტრაჟიანი ფილმებისა „How Moving” და „River Fork”; ინოვაციური და მდგრადი ურბანული დიზაინის ცნობილი ჩილელი არქიტექტორი ალეხანდრო არავენა; წელს კვლავ ვუმასპინძლებთ სატირიკოსს, აღიარებული სატელევიზიო სერიალებისა და ფილმების, „Veep“-ის და "სტალინის სიკვდილის" ავტორს არმანდო იანუჩის; ასევე უკრაინელ ფილოსოფოსს ვოლოდიმირ ერმოლენკოს და უამრავ სხვა საინტერესო სპიკერს.ფესტივალის ფარგლებში, თიბისის მხარდაჭერით, ჯამში ოთხი მსხვილი პანელური განხილვა მოეწყობა. მათგან გამორჩეულია, მთავარი სცენაზე, 13 ივნისს ჯო საბიას და მაკუნა თავბერიძის საუბარი თემაზე „კრეატიული ხმის ძიება ამბის თხრობისას“ FINDING YOUR CREATIVE VOICE IN STORYTELLING. როგორ შექმნა იმედის მომცემი ნარატივი, როდესაც სამყარო უიმედოდ გამოიყურება? და რა განსხვავებაა ნამდვილ შთაგონებასა და ცარიელ სამოტივაციო სიტყვებს შორის? ეს ის აქცენტების რაზეც ამერიკელი კინემატოგრაფი და ციფრული კონტენტის პროდიუსერი ჯო საბია და თიბისის მარკეტინგის და ბრენდის გამოცდილების ლიდერი მაკუნა თავბერიძე ისაუბრებენ. მოგეხსენებათ, სულ ახლახან, თიბისის გუნდმა ახალი გზავნილი გაახმოვანა: „მთავარია გჯეროდეს“ - თიბისის ახალი მანიფესტი და ბრენდის მთავარი სათქმელია, რომელიც გვეუბნება, რომ საკუთარი თავის რწმენა შეუძლებელს შეგაძლებინებს. ნებისმიერ სირთულეს და გამოწვევას გადალახავ - მთავარია გჯეროდეს, რომ არ არსებობს არაფერი, რაც არ გამოვა და რომ ამ რწმენით ნაკარნახევი ყველა წამოწყების დასასრული გამარჯვებაა.ფესტივალის ორგანიზატორები: Impact Hub Tbilisi, Coda Storyფესტივალის მხარდამჭერები: TBC Concept, UN Women, European Cultural Foundation, Coca-Cola, Cellfie, BMW, Luminate, Culture of Solidarity Fund, Setanta Sports, Swiss Agency for Development and Cooperation, The Embassy of The Kingdom of The Netherlands in Georgia, Windfor’s, Reckless, AI Accountability Network - Pulitzer Center, Tbilisi Architecture Biennial, IRCT - International Rehabilitation Council of Torture Victims, United Against Torture, Embassy of Sweden in Georgia, Royal Norwegian Embassy in Tbilisi, Embassy of Denmark in Georgia, Adjara Group, Honore, Monkey Shoulder, Aprili Media, AT.ge, Business Press News.მისამართი: კონსტიტუციის ქუჩა #4.

1749725012

პროექტის ჯამური ღირებულება 22 მლნ. დოლარია, საქართველოს ბანკის მიერ განხორციელებული ინვესტიცია კი 15 მლნ. დოლარს შეადგენს.თბილისის მშრალი პორტის პროექტი რეგიონული მნიშვნელობის მულტიმოდალურ სატრანსპორტო და ლოგისტიკურ ცენტრს წარმოადგენს. პროექტი 19.5 ჰა მიწის ნაკვეთზე განხორციელდა და პირველი ფაზა მოიცავს 2,500 კვ.მ-მდე B კლასის საწყობს და 5.5 ჰა ტერიტორიაზე განთავსებულ საკონტეინერო მოედანს, რომელიც აღჭურვილია 4 სარკინიგზო ხაზით. სამომავლოდ, მომდევნო ფაზაში, დაგეგმილია 10,000 კვ.მ-მდე ფართობის A კლასის საწყობის მშენებლობა და საკონტეინერო მოედნის გაფართოება. პორტს გააჩნია თანამედროვე საკონტეინერო ტექნიკა და ასევე საკუთარი სარკინიგზო ლოკომოტივები.თბილისის მშრალი პორტი არის პირველი მასშტაბური ინფრასტრუქტურული ჰაბი, რომელიც უზრუნველყოფს ფოთისა და ბათუმის პორტებიდან შემოსული საკონტეინერო ტვირთების პირდაპირი რკინიგზით გადმოტანას თბილისში. ასევე პორტი შესაძლებლობას იძლევა ტვირთები სარკინიგზო გზით მიღებულ იქნს ჩინეთიდან და ცენტრალური აზიის ქვეყნებიდან ან უკან. ასევე ადგილზე შესაძლებელია ტვირთების გადატვირთვა, დასაწყობება და შესაბამისი საბაჟო პროცედურების განხორციელება.ამიერიდან, პორტს შესაძლებლობა აქვს წელიწადში 100,000 TEU-მდე ტვირთბრუნვას მოემსახუროს. მომდევნო ფაზის ამოქმედების შემდეგ კი ეს მაჩვენებელი 200,000 TEU-მდე გაიზრდება.„აღნიშნული პროექტი ჩვენთვის ერთ-ერთი მნიშვნელოვანი თანამშრომლობაა არა მხოლოდ ფინანსური ჩართულობის, არამედ იმ ღირებულებების თვალსაზრისით, რასაც ის ქვეყნის ეკონომიკური პროგრესისთვის წარმოადგენს. საქართველოს ბანკი აქტიურად უჭერს მხარს ინიციატივებს, რომლებიც რეალურ ეკონომიკურ სარგებელს ქმნიან, აძლიერებენ საქართველოს სატრანზიტო პოტენციალს და ახალ სამუშაო ადგილებს აჩენენ. თბილისის მშრალი პორტი საერთაშორისო და ადგილობრივი პარტნიორობის წარმატებულ მაგალითს წარმოადგენს. აღსანიშნავია, რომ ის არა მხოლოდ ეკონომიკურ სარგებელს ქმნის, არამედ საქართველოს გლობალურ სატრანსპორტო რუკაზე პოზიციონირებას მნიშვნელოვნად უწყობს ხელს.მსგავსი პროექტის განხორციელება თბილისში მომხმარებლებისთვის ტრანსპორტირების ხარჯსა და ლოდინის დროს მნიშვნელოვნად შეამცირებს. ასევე, სარკინიგზო გადაზიდვების მხარდაჭერა მნიშვნელოვან როლს ასრულებს გარემოს დაცვის მხრივაც. მინდა წარმატებები ვუსურვო გუნდს, ჩვენ კი არ ვჩერდებით და ვაგრძელებთ მსგავსი მასშტაბური პროექტების განხორციელებას როგორც თბილისში, ასევე რეგიონებში“, - განაცხადა საქართველოს ბანკის ტრანსპორტის და ტელეკომის კორპორაციული გაყიდვების სექტორის უფროსმა, მარიამ ჩიხრაძემ.

1749723995

„თოშის“ შექმნის იდეა უჩა კვეზერელს უნივერსიტეტის დამთავრებისთანავე გაუჩნდა, როცა საგრანტო კონკურსში მიიღო მონაწილეობა. ინოვაციური იდეა — ყინულის წარმოება — თავიდან ცოტა უცნაურადაც კი ჟღერდა, თუმცა მის უკან იდგა კონკრეტული საჭიროების გააზრება და ბიზნესგეგმის სტრუქტურირებული ხედვა. პირველი აპარატი დღეში მხოლოდ 80 კილოგრამ ყინულს აწარმოებდა. დისტრიბუციისთვის კი საკუთარი მამის მანქანას იყენებდა.როგორც უჩა ამბობს, ბარებისა და კაფეების წარმომადგენლები თავიდან სკეპტიკურად უყურებდნენ ამ წამოწყებას — მათი აზრით, ყინული ყველას მაცივარში შეიძლებოდა დამზადებულიყო. მაგრამ სერვისის ხარისხმა და თანმიმდევრულობამ ყველას შეუცვალა შეხედულება.ამჟამინდელი მოცემულობით კი, ეს კომპანია უკვე დღეში 10 ტონამდე ყინულს აწარმოებს, ჰყავს 34 თანამშრომელი და სარგებლობს საკუთარი მაცივრიანი მანქანებით.წლების განმავლობაში ბაზარი გაიზარდა, კონკურენტებიც გამოჩნდნენ, მაგრამ „თოში“ რჩება გამორჩეულად მორგებული სერვისის სიმბოლოდ.სტანდარტული დისტრიბუციის ნაცვლად, „თოშიმ“ შექმნა ლოგისტიკური სისტემა, რომელიც უშუალოდ ერგება თითოეული კლიენტის სპეციფიკას — იქნება ეს ბარის ღამის რეჟიმი, ფესტივალის ლოკალური საჭიროება თუ სასტუმროს ყოველდღიური მომარაგება.ამ ეტაპზე, „თოში“ საქართველოს მასშტაბით ყინულის დისტრიბუციის ბაზრის 40%-ს ფარავს. თუმცა მათი მთავარი მიზანი ბაზრის მონოპოლიზაცია არ არის. პირიქით — კომპანიის ფილოსოფიაა სტაბილურობა, ხარისხი და სწორი პარტნიორული ურთიერთობა.დღეს კომპანია 2000-მდე დასახელების სხვადასხვა პროდუქტით ამარაგებს ობიექტებს: ერთჯერადი ჭურჭლით, საკვები პროდუქტებით, ჰიგიენური საშუალებებითა და სხვა. დაახლოებით 300 ორგანიზაცია სარგებლობს მათი მომსახურებით — ზოგი მხოლოდ ყინულით, ზოგი მხოლოდ საკვებით, ზოგიც ორივეთი.„თოშის“ განვითარების გზაზე მნიშვნელოვანი წვლილი თიბისის მიუძღვის: „2017 წელს, როდესაც ჩვენი წარმოება დღეში დაახლოებით 200 კილოგრამს შეადგენდა, გვინდოდა 1-ტონიანი აპარატის შესყიდვა, რაც წარმოებას საგრძნობლად გაგვიზრდიდა. იმ პერიოდში ეს საკმაოდ ამბიციური გეგმა იყო — ბევრი არ გვიჯერებდა, რომ ამ რაოდენობის ყინულის რეალიზება შესაძლებელი იქნებოდა, ან რომ საერთოდ იდგა ამის საჭიროება. თუმცა ჩვენ გვჯეროდა — მე მჯეროდა, რომ მოთხოვნა გაიზრდებოდა, რადგან ბიზნესისთვის საჭირო პროდუქტი იქმნებოდა და თიბისიც გვენდო.მომდევნო ეტაპზე „თოში“ აგრარული მიმართულებით გეგმავს განვითარებას. პირველ რიგში, იგეგმება ბოსტნეულისა და მწვანილის სათბურის ტიპის წარმოება.

1749721075