7 თვეში უაქციზო სიგარეტის შენახვა-რეალიზაციის 326 ფაქტი გამოვლინდა

ეროვნული ბანკის ცნობით, მიმდინარე შეფასებით, საერთაშორისო სავალუტო ფონდის რეზერვების ადეკვატურობის მაჩვენებელი (ARA Metric) 118.7 პროცენტს შეადგენს.რეგულატორში აცხადებენ, რომ საერთაშორისო რეზერვები ქვეყნის მაკროეკონომიკური სტაბილურობის მნიშვნელოვანი გარანტორია. სწორედ აქედან გამომდინარე საქართველოს ეროვნული ბანკის გრძელვადიანი პოლიტიკა ყოველთვის მიმართულია რეზერვების დაგროვებასა და სარეზერვო აქტივების ეფექტურ მართვაზე. როდესაც სავალუტო ბაზარი და მაკროეკონომიკური მდგომარეობა ამის შესაძლებლობას იძლევა ეროვნული ბანკი სავალუტო რეზერვებს ავსებს. 2026 წლის განმავლობაში, სავალუტო ბაზრის ხელსაყრელი პირობებიდან გამომდინარე, სებ-ი რეზერვების შევსებას ახორციელებს და 2026 იანვარ-ივნისში ჯამურად წმინდა შესყიდვებმა 2,078.4 მლნ აშშ დოლარი შეადგინა. ხოლო, 2026 წლის ივლისის წმინდა შესყიდვების სტატისტიკა 25 აგვისტოს გამოქვეყნდება.აღსანიშნავია, რომ 2024 წელს სებმა რეზერვების დივერსიფიკაცია გააკეთა და ოქროში პირველი ინვესტიციები განახორციელა, რაც ეროვნული ბანკის სტრატეგიული გადაწყვეტილება იყო. მას შემდგომ, ოქროს აქტივის ფასი მნიშვნელოვნად გაიზარდა, რამაც დამატებით გაზარდა მთლიანი საერთაშორისო რეზერვი. 2026 წლის ივნისში სებმა მთლიანი საერთაშორისო რეზერვებისთვის დამატებით 100 მლნ აშშ დოლარის ღირებულების მონეტარული ოქრო შეიძინა. შედეგად, 2026 წლის ივლისის მდგომარეობით, ოქროს წილი მთლიან საერთაშორისო რეზერვებში 13.5 პროცენტს  (1,014.1 მლნ აშშ დოლარი) შეადგენს.საქართველოს ეროვნული ბანკი მთლიანი საერთაშორისო რეზერვების შესახებ განახლებულ მონაცემებს 2026 წლის 7 სექტემბერს გამოაქვეყნებს.საერთაშორისო რეზერვები ქვეყნის ფინანსური მდგრადობის ერთ-ერთი მთავარი მაჩვენებელია. ისინი გამოიყენება საგარეო შოკების, ვალუტის ბაზარზე ზეწოლისა და საგარეო ვალდებულებების მომსახურების რისკების შესამცირებლად.

1786095510

აქციის ფარგლებში, მომხმარებლები, 29 აგვისტოს ჩათვლით, კომფორტერის ყაზბეგის ფილიალში, ნაწილ-ნაწილ გადახდის მეთოდის გამოყენებისას, შერჩეულ კოლექციაზე 25%-იანი ფასდაკლება გავრცელდება.ნაწილ-ნაწილ საქართველოს ბანკის გადახდის მეთოდია, რომელიც მომხმარებლებს შესაძლებლობას აძლევს, სასურველი ნივთი შეიძინონ დღესვე, ხოლო თანხა 4 თვეზე თანაბრად გადაანაწილონ ისე, რომ პროდუქტის ჯამური ღირებულება არ გაუძვირდეთ (ეფექტური 0%). ამასთანავე, მომხმარებლებს შეუძლიათ თანხის ნაწილი გადაიხადონ და დარჩენილი თანხა მომდევნო თვეებზე გადაანაწილონ.ინფორმაციისთვის, შეთავაზებით სარგებლობა შესაძლებელია მხოლოდ კომფორტერის ყაზბეგის ფილიალში, ნაწილ-ნაწილ გადახდის მეთოდის გამოყენებისას.(R)

1786094971

Sio Print-დან გზა Lunatic-მდე მიგიყვანსSio Print-ის გამორჩეული პრინტებისა და ილუსტრაციების შემდეგ ფუნთუშებისა და ორცხობილების საკონდიტრო Lunatic-ისკენ მიდიხარ, რომელიც ტკბილეულის მოყვარულებს გამორჩეულ და დასამახსოვრებელ ატმოსფეროსა და მრავალფეროვან, ხელნაკეთ დესერტებს სთავაზობს.Lunatic-ის თანადამფუძნებელი, ია ძაგანია, გვიყვება, თუ რატომ გადაწყვიტა, პროექტში მონაწილეობა:„ლუნატიკი შევქმენით იდეით, რომ ადამიანებისთვის მხოლოდ დესერტები კი არა, გამორჩეული გამოცდილებაც შეგვეთავაზებინა. თავიდანვე ჩვენი მთავარი ღირებულებები იყო ხარისხი, კრეატიულობა და მუდმივი განვითარება. ამ პროექტში ჩართვაც იმიტომ გადავწყვიტეთ, რომ გვჯერა, მცირე ბიზნესების ერთმანეთის მხარდაჭერა ძალიან მნიშვნელოვანია. ასეთი თანამშრომლობები ყველას აძლევს ზრდისა და საკუთარი ისტორიის უფრო ფართო აუდიტორიისთვის გაზიარების შესაძლებლობას“.Lunatic-დან  Wine Square-შიLunatic-იდან წამოღებული ფასდაკლების კუპონი Wine Square-თან მიგიყვანს, რომელიც თბილისის ისტორიულ გულში, გუდიაშვილის მოედანზე, მდებარეობს, სადაც ძველი ქალაქის არქიტექტურა, დახვეწილი ინტერიერი და მყუდრო გარემო ავთენტურ ატმოსფეროს ქმნის. Wine Square-ში 300-ზე მეტი დასახელების ღვინო და უგემრიელესი ქართულ-ევროპული კერძები გელოდება.როგორც ბრენდის თანადამფუძნებელი, ლუკა ბულაური, ამბობს მცირე ბიზნესის ჯაჭვში ჩართვა მათთვის წინგადადგმული ნაბიჯი იყო:„მცირე ბიზნესებისთვის აუდიტორიის გაფართოება და ახალი მომხმარებლების მოზიდვა მუდმივი გამოწვევაა, ამიტომ ამ ინიციატივაში მონაწილეობა ჩვენთვის სტრატეგიული ნაბიჯი იყო, მეტი ხილვადობისა და განვითარებისთვის. სასიხარულოა, რომ საქართველოს ბანკი მცირე ბიზნესებს აძლევს საჭირო პლატფორმას, მასშტაბს და დამატებით რესურსს, რომ თავიანთი ხმა უფრო ფართო აუდიტორიამდე მიიტანონ და რეალური სარგებელი მიიღონ“.ჩაერთეთ ჯაჭვშიპროექტის პირველი ჯაჭვი ასე  გამოიყურება გამოიყურება: Dodonut > City Hikers > Mob.Burgers > Sio Print > Lunatic > Wine Square > Maua.concept > Ganjina > JPG > Dodonutთუ მცირე ბიზნესი გაქვთ და გინდათ, რომ თქვენს სივრცეში ახალი მომხმარებლები მოიზიდოთ, გაზარდოთ ცნობადობა და თან სხვა ადგილობრივ ბიზნესებსაც დაუჭიროთ მხარი, შემოუერთდით პროექტს.მონაწილეობისთვის სულ ორი რამ დაგჭირდებათ: ფიზიკური სივრცე, სადაც მომხმარებელს მასპინძლობთ და საქართველოს ბანკის ბიზნეს ანგარიში POS ტერმინალთან ერთად.ინფორმაციისთვის,, საქართველოს ბანკი გთავაზობთ პოს-ტერმინალს, რომელიც სალარო აპარატის ფუნქციასაც ითავსებს და ამასთან, საბარათე გადახდების მიღებას 0%-იანი საკომისიოთი შეძლებთ - გაიგეთ მეტი.პროცესი მარტივია: შეავსეთ განაცხადის ფორმა: გადადით ბმულზე და დატოვეთ მონაცემები. ბანკის წარმომადგენელი მალევე დაგიკავშირდებათ დეტალების გასავლელად; მიიღეთ პოსტერი: გამოგიგზავნით სპეციალურ პოსტერს, რომელიც თქვენთან მოსულ სტუმრებს მეგობარი ბიზნესის ფასდაკლებით დაასაჩუქრებს. უმასპინძლეთ ახალ სტუმრებს: მოემზადეთ იმ მომხმარებლების მისაღებად, რომლებიც სხვა ობიექტებიდან ფასდაკლების ვაუჩერით თქვენთან გადმოინაცვლებენ. ინიციატივა ქალაქში მცირე ბიზნესების ახალ მარშრუტს ქმნის და კიდევ ერთხელ ამტკიცებს, რომ ერთად განვითარება უფრო მარტივია. ჯაჭვი  სულ უფრო და უფრო იზრდება, ამიტომ თვალი ადევნეთ სიახლეებს, მომდევნო სტატიებში სხვა საინტერესო ადგილებსაც გაგაცნობთ.კამპანიაში ჩართული ბიზნესების სრული სიის სანახავად შეგიძლია მუდმივად განახლებად რუკას გადაავლოთ თვალი.ჩაერთეთ ჯაჭვში(R)

1786093683

დიპლომატიური უწყებები 7 აგვისტოს რუსული იმპერიალიზმის მძიმე შედეგების კიდევ ერთ შეხსენებად აფასებენ და საქართველოს სუვერენიტეტისა და ტერიტორიული მთლიანობისადმი სრულ მხარდაჭერას უცხადებენ.განცხადებაში პარტნიორი ქვეყნები მიესალმებიან ნაურუს რესპუბლიკის გადაწყვეტილებას აფხაზეთისა და ე.წ. სამხრეთ ოსეთის დამოუკიდებლობის აღიარების გაწვევის შესახებ და სხვა სახელმწიფოებსაც მოუწოდებენ, მიჰყვნენ ამ მაგალითს.ოთხი ქვეყნის საგარეო უწყებები მკაცრად გმობენ ოკუპირებულ ტერიტორიებზე რუსეთის სამხედრო ყოფნასა და მიმდინარე მილიტარიზაციას, რაც 2008 წლის 12 აგვისტოს ექვსპუნქტიან შეთანხმებას არღვევს და საფრთხეს უქმნის როგორც საქართველოს, ისე რეგიონულ და ევროპულ სტაბილურობას.განცხადებაში ცალკე ყურადღება ეთმობა ოკუპირებულ ცხინვალის რეგიონში განვითარებულ ბოლო მოვლენებს: ანექსიის საფრთხე: დიპლომატები შეშფოთებას გამოთქვამენ 2026 წლის 9 მაისს მოსკოვსა და ცხინვალის დე-ფაქტო ხელისუფლებას შორის ხელმოწერილ „ალიანსისა და თანამშრომლობის გაღრმავების შესახებ შეთანხმებაზე“. მათი შეფასებით, აღნიშნული დოკუმენტი და რეგიონის სათავეში რუსეთის მოქალაქის დანიშვნა ზრდის რეგიონის სრულმასშტაბიანი ანექსიის საფრთხეს, რაც რეაგირების გარეშე არ დარჩება. ადამიანის უფლებათა დარღვევები: ევროპული სახელმწიფოები იხსენებენ ადამიანის უფლებათა ევროპული სასამართლოს (ECHR) 2025 წლის ოქტომბრის გადაწყვეტილებას, რომლითაც რუსეთი დამნაშავედ ცნეს ოკუპირებულ რეგიონებში ჩადენილი არაერთი დარღვევისთვის (ძალის გადამეტება, უკანონო დაკავებები, გადაადგილების შეზღუდვა) და მოუწოდებენ მოსკოვს, შეასრულოს სტრასბურგის სასამართლოს ვერდიქტი. პარტნიორები ასევე ადასტურებენ მხარდაჭერას ჟენევის საერთაშორისო დისკუსიებისა (GID) და ევროკავშირის სადამკვირვებლო მისიის (EUMM) მიმართ.2008 წლის აგვისტოს რუსეთ-საქართველოს ომში საქართველოს თავდაცვის სამინისტროს 170 მოსამსახურე, შინაგან საქმეთა სამინისტროს 14 თანამშრომელი და 224 სამოქალაქო პირი დაიღუპა. დაჭრილ და დაშავებულ სამოქალაქო და სამხედრო პირთა რაოდენობა სულ 2 232-ს შეადგენს, მათ შორის 1 045 სამხედრო მოსამსახურეა.დღეს საქართველოს ტერიტორიების 20% კვლავ ოკუპირებულია. რუსეთის ფედერაცია განაგრძობს აფხაზეთისა და ცხინვალის რეგიონის ოკუპაციასა და მილიტარიზაციას: ატარებს უკანონო სამხედრო წვრთნებს, ინტენსიურად ამაგრებს საოკუპაციო ხაზს მავთულხლართებითა და სხვადასხვა ხელოვნური ბარიერით, ასევე აგრძელებს ადგილობრივი მშვიდობიანი მოსახლეობის უკანონო დაკავებისა და გატაცების პრაქტიკას.ომის შემდეგ რუსეთმა აფხაზეთისა და „სამხრეთ ოსეთის“ დამოუკიდებლობა აღიარა, თუმცა საერთაშორისო საზოგადოება ურყევად უჭერს მხარს საქართველოს ტერიტორიულ მთლიანობას.

1786092792

გერმანული მედიის ინფორმაციით, ამის შესახებ ქვეყნის ტრანსპორტის მინისტრმა შტეფენ ბილგერმა განაცხადა.მისი თქმით, ზომები კომპანიებს დაეხმარება, შეინარჩუნონ მიწოდების ჯაჭვები ქვეყნის მთავარ სანაოსნო არტერიებზე – რაინზე, დუნაისა და ელბაზე, სადაც წყლის დონე კრიტიკულად დაბალია.„ამინდზე გავლენას ვერ მოვახდენთ, თუმცა შეგვიძლია უზრუნველვყოთ, რომ ეკონომიკამ ეს რთული კვირები მაქსიმალურად ნაკლები დანაკარგით გადაიტანოს“, — განაცხადა ბილგერმა.მინისტრის თქმით, მთავრობა ასევე განიხილავს დროებითი გამონაკლისების დაწესებას კვირაობითა და უქმე დღეებში სატვირთო ავტომობილების მოძრაობის აკრძალვაზე იმ ტვირთებისთვის, რომლებზეც შექმნილმა ვითარებამ ყველაზე მეტად იმოქმედა.მისივე ინფორმაციით, ამ საკითხზე უკვე გაიმართა კონსულტაციები გერმანიის 16 ფედერალური მიწის ტრანსპორტის მინისტრებთან და, მისი შეფასებით, ყველა მათგანი მზად არის საჭიროების შემთხვევაში დროებით შეაჩეროს შესაბამისი შეზღუდვები.

1786090525

ფინეთის საგარეო საქმეთა მინისტრი ელინა ვალტონენი X-ზე წერს, რომ 2008 წლის შეჭრის შემდეგ აფხაზეთი და „სამხრეთ ოსეთი“ ოკუპირებული რჩება.„ფინეთი მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას. მოვუწოდებთ რუსეთს, შეასრულოს 2008 წლის ცეცხლის შეწყვეტის შეთანხმებით ნაკისრი ვალდებულებები“, - აცხადებს ვალტონენი.საქართველოსადმი მხარდამჭერი განცხადება გავრცელდა ლატვიის საგარეო საქმეთა სამინისტროს სახელითაც. უწყება ხაზს უსვამს, რომ ლატვია კვლავ გააგრძელებს ქართველი ხალხის მხარდაჭერას რუსეთის საოკუპაციო ძალებისა და მათი მოკავშირეების წინააღმდეგ.„რუსეთის მიერ საქართველოს წინააღმდეგ განხორციელებული აგრესიის მე-18 წლისთავზე, ლატვია ადასტურებს მხარდაჭერას საქართველოს სუვერენიტეტისა და ტერიტორიული მთლიანობის მიმართ და მკაცრად გმობს სამხრეთ ოსეთისა და აფხაზეთის ოკუპაციას“, - აღნიშნულია განცხადებაში.საკითხს სოციალურ ქსელში გამოეხმაურა ლატვიის საგარეო საქმეთა მინისტრი ბაიბა ბრაჟეც:„რუსეთის მიერ საქართველოს წინააღმდეგ სამხედრო აგრესიის განხორციელებიდან 18 წელი გავიდა. მიუხედავად ამისა, საქართველოს ტერიტორიის 20% კვლავ რუსეთის ოკუპაციის ქვეშაა. ლატვია ამას არასდროს აღიარებს და ურყევად უჭერს მხარს საქართველოს სუვერენიტეტს, ტერიტორიულ მთლიანობასა და საერთაშორისოდ აღიარებულ საზღვრებს“, - წერს ბრაჟე.2008 წლის აგვისტოს რუსეთ-საქართველოს ომში საქართველოს თავდაცვის სამინისტროს 170 სამხედრო მოსამსახურე, შინაგან საქმეთა სამინისტროს 14 თანამშრომელი და 224 სამოქალაქო პირი დაიღუპა. დაჭრილ და დაშავებულ სამოქალაქო და სამხედრო პირთა რაოდენობა სულ 2 232-ს შეადგენს, მათ შორის 1 045 სამხედრო მოსამსახურეა.დღეს საქართველოს ტერიტორიების 20% კვლავ ოკუპირებულია. რუსეთის ფედერაცია განაგრძობს აფხაზეთისა და ცხინვალის რეგიონის ოკუპაციასა და მილიტარიზაციას: ატარებს უკანონო სამხედრო წვრთნებს, ინტენსიურად ამაგრებს საოკუპაციო ხაზს მავთულხლართებითა და სხვადასხვა ხელოვნური ბარიერებით, ასევე აგრძელებს ადგილობრივი მშვიდობიანი მოსახლეობის უკანონო დაკავებისა და გატაცების პრაქტიკას.ომის შეწყვეტის შემდეგ მალევე რუსეთმა აფხაზეთისა და „სამხრეთ ოსეთის“ დამოუკიდებლობა აღიარა, თუმცა საერთაშორისო საზოგადოება ურყევად უჭერს მხარს საქართველოს ტერიტორიულ მთლიანობას.

1786088436

გერმანული ავტოკონცერნი ერთდროულად ორ დიდ პრობლემას ებრძვის - ჩინური ელექტრომობილების მწარმოებლების მხრიდან მზარდ კონკურენციასა და შემცირებულ მოგებას.ჰოლდინგ Porsche SE-ს (რომელიც VW-ის აქციების უდიდეს ნაწილს აკონტროლებს) დირექტორთა საბჭოს თავმჯდომარემ ჰანს დიტერ პეჩმა (Hans Dieter Pötsch) აღნიშნა, რომ Volkswagen Group ისტორიულ გზაგასაყარზეა და გადაწყვეტილებების მიღების ყოველი დაგვიანებული დღე კომპანიის პრობლემებს უფრო ზრდის. თავის მხრივ, Porsche SE-ს ფინანსურმა დირექტორმა იოჰანეს ლატვაინმა (Johannes Lattwein) მენეჯმენტს მოუწოდა, შეამციროს ზედმეტი წარმოება, მკვეთრად შეკვეცოს ხარჯები და მართვის სისტემა უფრო ეფექტიანი გახადოს.მფლობელების ასეთი მკაცრი პოზიცია კომპანიის ფინანსური შედეგების გაუარესებამ განაპირობა. Porsche SE-ს ოფიციალური ანგარიშის მიხედვით, მათი ნახევარი წლის კორექტირებული მოგება გადასახადების შემდეგ 14.5%-ით შემცირდა და 949 მლნ ევრო ($1.1 მლრდ) შეადგინა.Porsche SE არის ინვესტიციური ჰოლდინგი, რომელსაც პორშე/პიეხის დინასტია ფლობს. ის Volkswagen-ის აქციების 31.9%-ს აკონტროლებს (ხმის უფლების 53.3%-ს), ხოლო სპორტული ავტომობილების მწარმოებელ Porsche AG-ში 12.5%-იან წილს ფლობს. შესაბამისად, ოჯახის ეს მოწოდება მენეჯმენტისთვის პრაქტიკულად სავალდებულო დირექტივას წარმოადგენს.

1786087503

გამოძიებით დადგინდა, რომ ბრალდებულები, უკანონო შემოსავლის მიღების მიზნით, კუსტარულად მოწყობილ საწარმოებში სპირტისა და სპეციალური დანამატების გამოყენებით სისტემატურად ამზადებდნენ ცნობილი ბრენდების ფალსიფიცირებულ ვისკისა და სხვა ალკოჰოლურ სასმელებს. აღნიშნული პროდუქცია ყალბი აქციზური მარკებით აჭარის რეგიონში მაღაზიებსა და ბარებში რეალიზდებოდა.ჩატარებული საგამოძიებო მოქმედებების შედეგად, კუსტარული საწარმოებიდან და სარეალიზაციო ობიექტებიდან ამოღებულია ფალსიფიცირებული ვისკი და არაყი, დიდი ოდენობით სხვადასხვა ბრენდის მეორადი ბოთლები, გაურკვეველი წარმოშობის სპირტიანი სასმელი, ყალბი აქციზური მარკები, ასევე მათი დასამზადებელი ტექნიკა.ამ ეტაპზე ინტენსიურად მიმდინარეობს საგამოძიებო მოქმედებები სარეალიზაციო ქსელიდან ფალსიფიცირებული ალკოჰოლური სასმელების ამოღებისა და დანაშაულში მონაწილე სხვა პირების გამოვლენის მიზნით.გამოძიება მიმდინარეობს საქართველოს სისხლის სამართლის კოდექსის 197-ე მუხლის პირველი ნაწილით, 197¹ მუხლითა და 200¹ მუხლის მე-2 ნაწილის „ბ“ ქვეპუნქტით, რაც სასჯელის სახით 4-დან 6 წლამდე ვადით თავისუფლების აღკვეთას ითვალისწინებს. 

1786086120