მთავრობამ საზკვების ობიექტებისთვის პლასტმასის ჭურჭლის აკრძალვა გადადო

სააგენტოში განმარტავენ, რომ ახალი მექანიზმით ორ ქვეყანას შორის საერთაშორისო სატვირთო გადაზიდვების განმახორციელებელ კომპანიებს შესაძლებლობა ექნებათ, სანებართვო დოკუმენტებით სრულად ციფრულ ფორმატში ისარგებლონ. აღნიშნული ცვლილება მნიშვნელოვნად გაამარტივებს ადმინისტრაციულ პროცედურებს, შეამცირებს მატერიალური (ქაღალდის) დოკუმენტების დამუშავების საჭიროებას, დააჩქარებს ნებართვების გაცემისა და კონტროლის პროცესს და გაზრდის სექტორის ეფექტიანობას, მიაჩნიათ სააგენტოში.სახმელეთო ტრანსპორტის სააგენტოს დირექტორის, ბაკურ მიქაძის განმარტებით, ციფრული სანებართვო სისტემა ორმხრივ პრინციპზეა დაფუძნებული, რაც ნიშნავს, რომ ორივე ქვეყანა ერთიან ელექტრონულ პლატფორმას იყენებს. ეს უზრუნველყოფს მონაცემთა სწრაფ და უსაფრთხო მიმოცვლას, ამცირებს ტექნიკურ-ადმინისტრაციულ შეფერხებებს და ქმნის უფრო გამჭვირვალე მექანიზმს გადაზიდვების ადმინისტრირებისთვის. მისივე თქმით, ამ ეტაპზე შექმნილია სამუშაო ჯგუფი და სააგენტო გეგმავს, სხვა პარტნიორ ქვეყნებთან მოქმედი სისტემებიც ეტაპობრივად გადაიყვანოს ციფრულ ფორმატზე.სააგენტოში მიიჩნევენ, რომ ECMT-ის (ტრანსპორტის მინისტრთა ევროპის კონფერენციის მრავალმხრივი ნებართვა) ელექტრონული სისტემისა და თურქეთთან ციფრული სანებართვო მექანიზმის ამოქმედება სფეროს განვითარების მნიშვნელოვანი ეტაპია. აღნიშნული რეფორმა ხელს შეუწყობს ტრანსპორტისა და ლოგისტიკის სექტორის განვითარებას, საერთაშორისო ვაჭრობის გამარტივებას და რეგიონულ სატრანზიტო ჰაბად საქართველოს როლის კიდევ უფრო გაძლიერებას.

1783329029

აღნიშნული მოდელის მიხედვით, სახელმწიფო დარჩება ძირითადი საზღვაო და საპორტო ინფრასტრუქტურის მესაკუთრე და თავად უზრუნველყოფს მის განვითარებასა და მართვას. მინისტრის განმარტებით, Landlord-ის მოდელი ქვეყანას მისცემს შესაძლებლობას, ანაკლიის პორტი ერთდროულად რამდენიმე სახელმწიფოსთან და კომპანიასთან პარტნიორობით განავითაროს, რაც საუკეთესო პირობებს შექმნის ტვირთების მოსაზიდად.საპორტო ინფრასტრუქტურის შექმნასთან ერთად, სახელმწიფო საკუთარი სახსრებით უზრუნველყოფს ანაკლიამდე მისასვლელი საავტომობილო გზისა და რკინიგზის მოწყობას. რაც შეეხება საკონტეინერო და ნაყარი ტვირთების ტერმინალებს, ამ მიმართულებით საჭირო ინვესტიციებს საერთაშორისო ინვესტორები და კერძო ოპერატორები განახორციელებენ.მარიამ ქვრივიშვილის განცხადებით, საქართველოს მთავრობა განსაკუთრებულად მიესალმება ანაკლიის პორტში „შუა დერეფნის“ მონაწილე ქვეყნებიდან - ჩინეთიდან, ცენტრალური აზიის სახელმწიფოებიდან და აზერბაიჯანიდან განხორციელებულ ინვესტიციებს.„მიღებული გადაწყვეტილება ეფუძნება მთავარ მიზანს, პარტნიორი ქვეყნების თანამონაწილეობითა და მათი ინტერესების გათვალისწინებით, ანაკლიის პორტი საერთაშორისო ინტერესების, კაპიტალისა და ტვირთნაკადის თავმოყრის ცენტრად ჩამოყალიბდეს. ეს გადაწყვეტილება კიდევ უფრო განამტკიცებს საქართველოს ეროვნულ ინტერესებს, შექმნის ახალ ეკონომიკურ შესაძლებლობებს და ჩვენს ქვეყანას შუა დერეფნის პროექტის საკვანძო მონაწილედ აქცევს“, - აღნიშნა ეკონომიკის მინისტრმა.ანაკლიის ღრმაწყლოვანი პორტის თავდაპირველი პროექტის მიხედვით, ნავსადგურს პირველი გემი ჯერ კიდევ 2020 წელს უნდა მიეღო. თუმცა, სწორედ იმ წელს საქართველოს მთავრობამ „ანაკლიის განვითარების კონსორციუმთან“ 2016 წელს გაფორმებული საინვესტიციო ხელშეკრულება გააუქმა, რამაც პროექტის განხორციელება წლებით შეაფერხა. მოგვიანებით, 2024 წლის 29 მაისს, მთავრობამ გამოაცხადა, რომ პორტის 49-პროცენტიან წილს ჩინურ-სინგაპურული კონსორციუმი China Communications Construction Company ჩაიბარებდა. ეს ფირმა ჩინეთის ამბიციური გლობალური პროექტის, „სარტყლისა და გზის“ ინიციატივის ერთ-ერთი მთავარი მოთამაშეა, თუმცა, ამავდროულად, სამხრეთ ჩინეთის ზღვაში განხორციელებული დესტრუქციული ქმედებების გამო შეერთებულ შტატებს „შავ სიაში“ ჰყავს შეყვანილი.მიუხედავად ჩინური მხარის გამოჩენისა, პროექტით დასავლელი პარტნიორებიც ინტერესდებიან. 2026 წლის მარტში ანაკლიის პორტის გეგმა თბილისში ვიზიტად მყოფ აშშ-ის სახელმწიფო დეპარტამენტის ევროპისა და ევრაზიის საქმეთა ბუროს წარმომადგენელს, პიტერ ანდრეოლის გააცნეს. ამ დროისთვის ოფიციალური საინვესტიციო ხელშეკრულება მხარეებს შორის ჯერ კიდევ არ არის გაფორმებული და დეტალურ შეთანხმებაზე მუშაობა გრძელდება. პრემიერ-მინისტრ ირაკლი კობახიძის განცხადებით, ამ ეტაპზე პორტის პირველი ფაზის დასრულება 2029 წლისთვის არის მოსალოდნელი. პორტის მშენებლობის პარალელურად, მიმდინარეობს მუშაობა მისასვლელი საავტომობილო გზისა და რკინიგზის მოწყობაზეც.

1783323334

სომხური მედიის ინფორმაციით, ვიზიტის ფარგლებში მთავრობის მეთაური ფორუმის ღონისძიებებს დაესწრება. „ინოპრომი“ ტრადიციულად წარმოადგენს პლატფორმას, სადაც განიხილება სამრეწველო კოოპერაციის, ტექნოლოგიური განვითარების და საინვესტიციო თანამშრომლობის საკითხები.ვიზიტის პროგრამის ერთ-ერთი მთავარი ნაწილი იქნება ნიკოლ ფაშინიანისა და რუსეთის პრემიერ-მინისტრის მიხაილ მიშუსტინის შეხვედრა. მოსალოდნელია, რომ მხარეები სომხეთ-რუსეთის სავაჭრო-ეკონომიკური თანამშრომლობის აქტუალურ საკითხებს, ასევე სამრეწველო და საინვესტიციო სფეროებში თანამშრომლობის შემდგომ პერსპექტივებს განიხილავენ.ვიზიტი იმ ფონზე მიმდინარეობს, როდესაც ერევანსა და მოსკოვს შორის ორმხრივი დღის წესრიგისა და რეგიონული თანამშრომლობის საკითხებზე კონტაქტები გრძელდება.

1783322615

LSEG SmartEstimate-ის მიხედვით, რომელიც 30 ანალიტიკოსის შეფასებას ეყრდნობა, მეხსიერების ჩიპების მსოფლიოს უმსხვილესი მწარმოებელი 2Q26-ში 86 ტრილიონი ვონის ($56.35 მილიარდი) ოდენობის საოპერაციო მოგებას ელოდება, ნაცვლად გასული წლის 4.7 ტრილიონი ვონისა. ეს იქნება კომპანიისთვის ზედიზედ მესამე რეკორდული კვარტალი, რაც ხელოვნური ინტელექტის (AI) ბუმით გამოწვეულ მეხსიერების ჩიპების გლობალურ დეფიციტსა და ფასების მკვეთრ ზრდას ასახავს.ანალიტიკოსების პროგნოზით, მიწოდების დეფიციტი ბაზარზე მინიმუმ მომავალი წლის ბოლომდე შენარჩუნდება. მყარი ზრდა განპირობებულია როგორც მაღალი გამტარობის მეხსიერებით (HBM), ისე ტრადიციულ DRAM და NAND პროდუქტებზე გაზრდილი მოთხოვნით, რადგან კომპლექსური „აგენტური ხელოვნური ინტელექტი“ (agentic AI) გამოთვლითი სამუშაოების უფრო ფართო სპექტრში ინერგება და სერვერებისგან მეტ ტევადობას მოითხოვს. Samsung ისეთი გიგანტების საკვანძო მომწოდებელია, როგორებიცაა Nvidia, Google და Apple. Citi Research-ის მონაცემებით, მეორე კვარტალში DRAM-ის საშუალო გასაყიდი ფასი კვარტალურად 44%-ით, ხოლო NAND-ის – 53%-ით გაიზარდა.ჩიპების დეფიციტმა სექტორის აქციების მასშტაბური ზრდა გამოიწვია: მიმდინარე წელს Samsung Electronics-ის აქციები 158%-ით გაიზარდა, SK Hynix-ის – 273%-ით, ხოლო Micron-ის – 242%-ით, რის შედეგადაც სამივე კომპანიის საბაზრო კაპიტალიზაციამ $1 ტრილიონს გადააჭარბა.ამავდროულად, მეორე კვარტალის საბოლოო მოგებამ შესაძლოა მოლოდინებს ჩამორჩეს, თუ Samsung მაისის ბოლოს მიღწეული შეთანხმების საფუძველზე, რომლის მიხედვითაც ნახევარგამტარების დივიზიონის საოპერაციო მოგების 10.5% ბონუსებზე მიიმართება, იმაზე მეტ რეზერვს გამოყოფს, ვიდრე დაგეგმილი იყო. კუმულაციურმა რეზერვმა შესაძლოა 40 ტრილიონ ვონს გადააჭარბოს.JPMorgan-ის შეფასებით, მთავარ გრძელვადიან რისკად AI ინფრასტრუქტურულ ინვესტიციებში შესაძლო შეფერხებები რჩება. ღრუბლოვანი სერვისების პროვაიდერების კაპიტალურ დანახარჯებში AI მეხსიერების წილი წელს 52%-ს შეადგენს, მომავალ წელს კი 70%-ს გადააჭარბებს. ხარჯების ნებისმიერმა კლებამ შესაძლოა პრობლემები შეუქმნას Samsung-სა და SK Hynix-ს, რომელთაც სამხრეთ კორეაში წარმოების გაფართოებისთვის 3,2 კვადრილიონი ვონის ($2.07 ტრილიონი) ინვესტირების პირობა დადეს. Samsung ამ ინვესტიციას 2026-2040 წლებში გეგმავს.გარდა ამისა, ჩიპების გაძვირების გამო Samsung-ის მობილური მიმართულება ხარჯების წნეხის ქვეშაა - კომპონენტების გაძვირება აჭარბებს სმარტფონების ფასების ბოლოდროინდელ მატებას, რის გამოც წლის მეორე ნახევარში ფასების დამატებითი ზრდა გახდება საჭირო. კონკურენტმა Apple-მა გასულ თვეში უკვე გაზარდა ფასები iPad-ებსა და MacBook-ებზე.Samsung Electronics კვარტალის დეტალურ ფინანსურ ანგარიშს მიმდინარე თვის ბოლოს გამოაქვეყნებს.

1783322203

SOCAR Energy Ukraine-ში ინფორმაცია დაადასტურეს და განაცხადეს, რომ ნიკოლაევის ოლქის სოფელ ნეჩაიანოეში, ოდესის ქუჩა №2ა-ში მდებარე ავტოგასამართ სადგურს სამი „შაჰედის“ ტიპის დამრტყმელი დრონი დაესხა თავს. დარტყმის შედეგად დაზიანდა სადგურის ადმინისტრაციული შენობა.კომპანიის განცხადებით, წინასწარ მიღებული უსაფრთხოების ზომების, საჰაერო განგაშის დროს მოქმედი ინსტრუქციების მკაცრი დაცვისა და თავშესაფრის არსებობის წყალობით, უფრო მძიმე შედეგების თავიდან აცილება მოხერხდა. თავდასხმის დროს ყველა თანამშრომელი თავშესაფარში იმყოფებოდა და არავინ დაშავებულა.მანამდე გავრცელებული ინფორმაციით, ბოლო დღეებში რუსეთის სამხედრო ძალები უკრაინაში ავტოგასამართ სადგურებზე მასობრივ იერიშებს ახორციელებენ.გასული წლის ზაფხულში ჟიტომირის ოლქის სოფელ ბერეზინაში აფეთქებების შედეგად SOCAR Energy Ukraine-ის ორი ავტოგასამართი სადგური მნიშვნელოვნად დაზიანდა. ასევე, გასული წლის აგვისტოში რუსეთის ძალებმა „შაჰედის“ ტიპის უპილოტოებით ოდესის ოლქში მდებარე SOCAR-ის ნავთობბაზას შეუტიეს. დარტყმის შედეგად ხანძარი გაჩნდა, ხოლო ოთხმა ადამიანმა მძიმე დაზიანებები მიიღო.

1783321494

5 ივლისს, სავაჭრო ცენტრში წარმოდგენილ პარტნიორ მაღაზიებში PLUS ქულებით გადახდისას 50%-იანი ფასდაკლებით ისარგებლებთ. შეთავაზება ვრცელდება ტანსაცმლის, აქსესუარების, საოჯახო ნივთებისა და სხვა კატეგორიების არაერთ ბრენდზე.Tbilisi Mall-ში წარმოდგენილია საერთაშორისო და ადგილობრივი ბრენდების ფართო არჩევანი, ამიტომ გაორმაგების დღე კარგი შესაძლებლობაა, სასურველი ნივთები კიდევ უფრო მომგებიანი პირობით შეიძინოთ.

1783089060

5 ივლისს სავაჭრო ცენტრში წარმოდგენილ პარტნიორ მაღაზიებში PLUS ქულებით გადახდისას მომხმარებლები ორმაგ სარგებელს მიიღებენ და 50%-იანი ფასდაკლებით ისარგებლებენ. შეთავაზება ვრცელდება არაერთ პრემიუმ, საერთაშორისო და სხვა პოპულარული ბრენდის მაღაზიაზე, რაც სასურველი ნივთების კიდევ უფრო მომგებიან პირობებში შეძენის შესაძლებლობას გაძლევთ. Galleria Tbilisi მრავალფუნქციური სავაჭრო ცენტრია, რომელიც პრემიუმ და საერთაშორისო ბრენდებს, კვების ობიექტებს, გასართობ სივრცეებსა და მრავალფეროვან მაღაზიებს ერთ სივრცეში აერთიანებს. თუ გაორმაგების დღის განსაკუთრებული შეთავაზებით სარგებლობა გსურთ, 5 ივლისს ეწვიეთ Galleria Tbilisi-ს.  პარტნიორი მაღაზიების სრული ჩამონათვალი იხილეთ ამ ბმულზე.(R)

1783086154

პროექტის ფარგლებში თიბისის წარმომადგენლები ქობულეთის, ბათუმის, დაბა ჩაქვისა და რუსთავის 11 სკოლას 270 მოსწავლეს შეხვდნენ. ინტერაქციული ფორმატის ფარგლებში მოსწავლეები გაეცნენ ლარის ისტორიას, მონაწილეობა მიიღეს ფინანსური განათლების თემაზე შემეცნებით თამაშებში და საჩუქრად მიიღეს მათ ასაკზე მორგებული საგანმანათლებლო კომიქსები.შეხვედრების ფარგლებში, თიბისის წარმომადგენლები, მოსწავლეებს ესაუბრნენ ისეთ მნიშვნელოვან თემებზე, როგორიცაა ფულის გონივრული მართვა, დაზოგვის მნიშვნელობა, გაუთვალისწინებელი მოვლენებისთვის ფინანსური მზადყოფნა, ფინანსური მიზნების დასახვა და მიღწევა, ასევე, ფინანსური უსაფრთხოების ძირითადი პრინციპები. შეხვედრების მიზანი იყო, ბავშვებს ადრეული ასაკიდანვე ჩამოუყალიბდეთ დამოუკიდებლობისა და ფულთან სწორი ურთიერთობის უნარები.თიბისისთვის ფინანსური განათლების ხელშეწყობა კორპორაციული პასუხისმგებლობის ერთ-ერთი მნიშვნელოვანი მიმართულებაა. სწორედ ამიტომ, ბრენდი აქტიურად მონაწილეობს ინიციატივებში, რომლებიც ბავშვებსა და ახალგაზრდებს ფინანსური ცოდნის გაღრმავებასა და პასუხისმგებლიანი გადაწყვეტილებების მიღების უნარის განვითარებაში ეხმარება.პროექტი „მოიწვიე ფინედუ კლასში“ ფულის გლობალური კვირეულის ფარგლებში ყოველწლიურად ტარდება და საქართველოს ეროვნული ბანკის ფინანსური განათლების პლატფორმა „ფინედუს“ ორგანიზებით, პარტნიორი ორგანიზაციების ჩართულობით ხორციელდება.ფულის გლობალური კვირეული (Global Money Week) 2012 წლიდან მსოფლიოს 170-ზე მეტ ქვეყანაში იმართება და მისი მიზანია ბავშვებსა და ახალგაზრდებში ფინანსური, ეკონომიკური და სამეწარმეო განათლების პოპულარიზება. საქართველოში ინიციატივას საქართველოს ეროვნული ბანკის ფინანსური განათლების პლატფორმა - ფინედუ, პარტნიორებთან ერთად, 2026 წელს უკვე მეთორმეტედ შეუერთდა. წლევანდელი კამპანია ახალგაზრდებში ფულთან დაკავშირებულ საკითხებზე ღია საუბრის მნიშვნელობას უსვამს ხაზს და მათ ფინანსურად გააზრებული გადაწყვეტილებების მიღებაში ეხმარება.(R)

1783085857