ქუთაისიდან საჩხერის მიმართულებით 1–ლი აპრილიდან ელექტრომატარებელი იმოძრავებს

საქართველოს სამოქალაქო ავიაციის სააგეტნოში წარმოდგენილი განაცხადის შესაბამისად, თბილისსა და კოპენჰაგენს შორის პირდაპირი ფრენები 27 ივნისიდან კვირაში 2 სიხშირით, ყოველ ოთხშაბათსა და შაბათს, ხოლო, 15 აგვისტოდან  - ყოველ ოთხშაბათსა და კვირას შესრულდება.საქართველოს ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტომ ავიაკომპანიას ფრენების განხორციელებისათვის აუცილებელი ნებართვა 23 მარტს მიანიჭა.კოპენჰაგენი - თბილისი - კოპენჰაგენის მიმართულების დამატება გაზრდის საქართველოს დაკავშირებადობას სკანდინავიის ქვეყნებთან და ხელს შეუწყობს ჩრდილოეთ ევროპიდან ტურისტული ნაკადების მატებას ქვეყანაში. ამასთან, კოპენჰაგენის აეროპორტი წარმოადგენს ერთ-ერთ უმსხვილეს სატრანზიტო ჰაბს ევროპის რეგიონში, რაც ქართველ მგზავრებს დამატებით შესაძლებლობებს მისცემს კოპენჰაგენის გავლით იმგზავრონ სხვა ევროპული თუ ამერიკული მიმართულებებისკენ.

1774608789

საერთაშორისო კონფერენცია სომხეთის ცენტრალური საარჩევნო კომისიის ორგანიზებით ერევანში გაიმართა და მასში საარჩევნო ორგანოების მსოფლიო ასოციაციის (A-WEB) აღმასრულებელი საბჭოს წევრი ქვეყნების, ასევე სხვადასხვა ქვეყნის საარჩევნო ადმინისტრაციებისა და საერთაშორისო ორგანიზაციების წარმომადგენლები და ექსპერტები მონაწილეობდნენ. კონფერენციას საქართველოს საარჩევნო ადმინისტრაციიდან ცესკოს თავმჯდომარესთან ერთად კომისიის მდივანი გიორგი ჯავახიშვილი და წევრები გიორგი ძაგანია და არჩილ ანასაშვილი დაესწრნენ. მათ აქტიური მონაწილეობა მიიღეს პანელურ დისკუსიაში სესიაზე „შესაძლებლობების განვითარება და ინსტიტუციური თანამშრომლობა“, სადაც გიორგი კალანდარიშვილმა, როგორც მთავარმა მომხსენებელმა, პრეზენტაცია წარადგინა და საარჩევნო სისტემების გაძლიერებაში საერთაშორისო თანამშრომლობის მნიშვნელოვან როლზე ისაუბრა.კონფერენციის მონაწილეებმა ასევე განიხილეს არაერთი მნიშვნელოვანი საარჩევნო საკითხი. მათ შორის, კონფერენციის ერთ-ერთი სესია დაეთმო ციფრულ ტრანსფორმაციას არჩევნების ადმინისტრირებაში. განიხილეს ის ციფრული ინსტრუმენტები და ტექნოლოგიური საშუალებები, რომლებიც მონაწილე ქვეყნებმა დანერგეს  საარჩევნო სისტემებში, ისაუბრეს მათი გამოყენების შესაძლებლობებსა და გამოწვევებზე.ვიზიტის ფარგლებში დელეგაციის წევრები  სომხეთში დაგეგმილი არჩევნების სამზადისსაც გაეცნენ. სომხეთის საარჩევნო კომისიის ხელმძღვანელებისგან მიიღეს ინფორმაცია და განიხილეს არჩევნების ადმინისტრირების საკითხები.საქართველოს ცესკოს დელეგაციამ შეხვედრები ამავდროულად გამართა სხვადასხვა ქვეყნის საარჩევნო ადმინისტრაციების წარმომადგენლებთან, სადაც საარჩევნო ადმინისტრაციების წინაშე არსებული გამოწვევები, საჭიროებები და სამომავლო თანამშრომლობის საკითხები განიხილეს.საერთაშორისო კონფერენცია ერევანში 25 მარტს გაიმართა.(R)

1774608334

ღონისძიებაში 30-მდე ქვეყნისა და 100-მდე სხვადასხვა ინსტიტუტის 250-ზე მეტი დელეგატი მონაწილეობს.როგორც სიტყვით გამოსვლისას ნათია თურნავამ აღნიშნა, საქართველოში ამ მასშტაბის ღონისძიების გამართვა კიდევ ერთხელ უსვამს ხაზს საქართველოს, როგორც რეგიონის ფინანსური ცენტრის, მზარდ როლს.მისივე თქმით, ეს ინტერესი  ქვეყნის ძლიერ მაკროეკონომიკურ ფუნდამენტურ მაჩვენებლებსა და მყარ ფინანსურ სექტორს ეფუძნება. ნათია თურნავას განცხადებით, ბოლო რამდენიმე წლის განმავლობაში, უაღრესად გაურკვეველი გლობალური გარემოს მიუხედავად, საქართველოს ეკონომიკამ  მდგრადობა შეინარჩუნა. რეალური მშპ-ის ზრდა ძლიერი იყო; 2023-2024 წლებში მან თითქმის ორნიშნა მაჩვენებელს მიაღწია, ხოლო 2025 წელს საშუალოდ 7.5% შეადგინა.„კვლავ მყარი და მდგრადი რჩება საქართველოს საბანკო სისტემა, რომელიც კარგად არის კაპიტალიზებული, ინარჩუნებს ლიკვიდობის ძლიერ ბუფერებს და სოლიდურ მომგებიანობას აჩვენებს. 2026 წლის თებერვლის მდგომარეობით, კაპიტალზე უკუგებამ 22.4% შეადგინა, ხოლო აქტივების ხარისხი კვლავ მაღალია. უმოქმედო სესხების მაჩვენებელი ისტორიულად დაბალ დონეზე, მხოლოდ 2.47%-ზე ნარჩუნდება. საკრედიტო აქტივობა ეკონომიკური ზრდის შესაბამისად აგრძელებს გაფართოებას. 2026 წლის თებერვალში საკრედიტო პორტფელის წლიური ზრდის ტემპმა 14.3%-ს მიაღწია, რაც ძირითადად ეროვნულ ვალუტაში დაკრედიტებით იყო განპირობებული", - აღნიშნა სების პრეზიდენტმა და ხაზი გაუსვა ეროვნული ვალუტის მიმართ გაზრდილ ნდობას, რასაც ამყარებს ლარიზაციის გაზრდილი მაჩვენებელი.სების პრეზიდენტის განცხადებით, თანამედროვე მარეგულირებელი ჩარჩოთი გამყარებული ძლიერი ფინანსური სექტორი იზიდავს საერთაშორისო ინვესტორთა ინტერესს და ეს ძალისხმევა საერთაშორისო დონეზეა აღიარებული."S&P Global Ratings" ხაზს უსვამს, რომ საქართველოს საბანკო რეგულირება რეგიონში ერთ-ერთი ყველაზე მოწინავეა, ხოლო ჩვენი აქტივების ხარისხი საუკეთესოთა შორისაა. ფინანსური სექტორის ძლიერი მაჩვენებლები, მყარ მაკროეკონომიკურ ფუნდამენტურ ფაქტორებთან და ღია, ბიზნესისთვის ხელსაყრელ გარემოსთან ერთად, საერთაშორისო ინვესტორებსა და კომპანიებს მხარდამჭერ საფუძველს უქმნის და ჩვენ მივესალმებით გლობალურ მოთამაშეებს ჩვენს ბაზარზე", - აღნიშნა ნათია თურნავამ. 

1774604240

ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, უცხო ქვეყნის მოქალაქეების, როგორც ფიზიკური, ასევე კუთვნილი ბარგის დეტალური დათვალიერების შედეგად, არადეკლარირებული ოქროსა (წონა - 515,21 გრამი) და ვერცხლის (წონა - 72,53 გრამი) საიუველირო ნაკეთობები გამოვლინდა.არადეკლარირებული საქონლის საერთო საბაჟო ღირებულებამ 157 927 ლარი შეადგინა.ორი სამართალდამრღვევი პირის მიმართ, საქმის მასალები შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეცა, ხოლო ოთხი კანონდამრღვევი მოქალაქე საბაჟო კოდექსის 168-ე მუხლის I ნაწილის შესაბამისად, საერთო ჯამში 47 749 ლარით დაჯარიმდა.

1774603871

„შევხვდი ჩვენს სამხედრო ექსპერტებს, რომლებიც უკვე ერთ კვირაზე მეტია საუდის არაბეთში იმყოფებიან. ბიჭებმა მომახსენეს გუნდის მუშაობის პირველი შედეგები და დასკვნები როგორც ოპერაციულ, ისე უფრო ფართო დონეზე. ამ რეგიონში ჩვენი ექსპერტების ძირითადი ამოცანაა პრობლემური საკითხების გამოვლენა და იმ ცვლილებების განსაზღვრა, რომლებიც საჭიროა ადამიანებისა და სიცოცხლის დასაცავად ირანული „შაჰედებისა“ და რაკეტებისგან. მადლობელი ვარ მათი ოპერატიული და საფუძვლიანი მუშაობისთვის. არის კონკრეტული რამ, რაც შეგვიძლია ჩვენს პარტნიორებთან ერთად გავაკეთოთ“, - განაცხადა ზელენსკიმ.პრეზიდენტის თქმით, უკრაინელმა ექსპერტებმა მოკლე დროში მოასწრეს გამოცდილების გაზიარება და იმის ჩვენება, თუ როგორ იცავენ უკრაინაში ადამიანებსა და ინფრასტრუქტურას. ზელენსკიმ ხაზგასმით აღნიშნა, რომ უკრაინული ექსპერტიზა საჰაერო თავდაცვის სფეროში უნიკალურია, რადგან ის რეალურ საბრძოლო პირობებში ჩამოყალიბდა და უკვე დაამტკიცა საკუთარი ეფექტურობა.მან ასევე დასძინა, რომ უკრაინა მზად არის დაეხმაროს იმ სახელმწიფოების დაცვაში, რომლებიც მხარს უჭერენ მას დამოუკიდებლობისთვის ომში. შეხვედრაზე განიხილეს საუდის არაბეთში ცის თავდაცვის გასაძლიერებლად საჭირო საკვანძო საკითხები, პირველ რიგში, დრონების ჩამოგდების მიდგომები. ზელენსკიმ აღნიშნა, რომ უკრაინა მზად არის გრძელვადიანი და ურთიერთხელსაყრელი თანამშრომლობისთვის.26 მარტს უკრაინის პრეზიდენტი ვოლოდიმირ ზელენსკი ვიზიტით საუდის არაბეთში ჩავიდა. მანამდე ცნობილი გახდა, რომ უკრაინელი ექსპერტები უსაფრთხოებისა და უპილოტო საფრენი აპარატების წინააღმდეგ ბრძოლის საკითხებში იმყოფებოდნენ კატარში, არაბთა გაერთიანებულ საამიროებსა და საუდის არაბეთში.

1774602652

„ეიპიემ ტერმინალს ფოთის“ პრეს–სამსახურის ცნობით, შეხვედრაზე, რომელსაც კომპანიის გენერალური დირექტორი ქრისტიან რიოდერი და კომერციული დირექტორი იენ როლინსონი უძღვებოდნენ, ფოთის საზღვაო ნავსადგურის მიმდინარე ოპერაციები, სტრატეგიული სატვირთო მარშრუტები და პორტის გაფართოების გეგმები განიხილეს. მხარეებმა იმსჯელეს ნავსადგურის გამტარუნარიანობის გაზრდის პერსპექტივებზე, რაც მიზნად ისახავს შავი ზღვის რეგიონში ფოთის, როგორც მნიშვნელოვანი ლოგისტიკური ჰაბის როლის გაძლიერებას.განსაკუთრებული ყურადღება დაეთმო „შუა დერეფნის“ განვითარებას და მის მზარდ მნიშვნელობას აზიასა და ევროპას შორის ვაჭრობის პროცესში. ხაზი გაესვა საქართველოს როლს სატრანზიტო ნაკადების უზრუნველყოფაში და საერთაშორისო თანამშრომლობის აუცილებლობას რეგიონში უსაფრთხო, ეფექტიანი და მდგრადი სავაჭრო კავშირების დასამყარებლად.

1774599406

2025 წელს, დაბადებულთა ყველაზე მეტი რიცხოვნობა დაფიქსირდა თბილისში (14 334 ბავშვი), ხოლო ყველაზე მცირე – რაჭა-ლეჩხუმისა და ქვემო სვანეთის რეგიონში (191 ბავშვი).ცოცხლად დაბადებულთა საერთო რიცხოვნობაში 2025 წელს, 2024 წელთან შედარებით, რიგით პირველი დაბადებულის წილი გაიზარდა 35.9 პროცენტიდან 36.6 პროცენტამდე, მეორე შვილის წილი შემცირდა და შეადგინა 32.9, ხოლო მესამე და მომდევნო რიგითობის დაბადებულთა წილი თითქმის უცვლელი დარჩა და შეადგინა 29.1%.2025 წელს, ცოცხლად დაბადებულთა საერთო რიცხოვნობაში, წინა წელთან შედარებით, 25 წლამდე ასაკის დედების მიერ გაჩენილი ბავშვების წილი 23.2 პროცენტიდან 21.9 პროცენტამდე შემცირდა, 25-39 წლის ასაკობრივი ჯგუფის დედების წილი გაიზარდა 69.5 პროცენტიდან 70.4 პროცენტამდე. ზრდა შეინიშნება 40 წლის და უფროსი ასაკის დედებში, მათი წილი 7.3 პროცენტიდან 7.7 პროცენტამდე გაიზარდა.2025 წელს, დედის საშუალო ასაკი პირველი ბავშვის დაბადებისას 27.4 წლით განისაზღვრა.2025 წელს, 2024 წელთან შედარებით, გარდაცვლილთა რიცხოვნობა 0.8%-ით მეტია და 44 319 ერთეული შეადგინა.საქსტატის მონაცემებით, გარდაცვალების ყველაზე მეტი შემთხვევა დაფიქსირდა თბილისში (12 743 კაცი), ხოლო ყველაზე ნაკლები – რაჭა-ლეჩხუმისა და ქვემო სვანეთის რეგიონში (585 კაცი).2025 წლის მონაცემების მიხედვით, ჩვილ ბავშვთა მოკვდაობის კოეფიციენტმა (1 წლამდე გარდაცვლილთა რიცხოვნობა 1 000 ცოცხლად დაბადებულზე) 7.6 პრომილე შეადგინა.2025 წელს, 5 წლამდე ასაკის გარდაცვლილთა კოეფიციენტმა (1 000 ცოცხლად დაბადებულზე) 9.1 პრომილე შეადგინა. 2025 წელს, საქართველოში დაფიქსირდა უარყოფითი ბუნებრივი მატება (სხვაობა ცოცხლად დაბადებულთა და გარდაცვლილთა რიცხოვნობას შორის) და -6 452 ერთეულით განისაზღვრა.ამასთან, უარყოფითი ბუნებრივი მატება დაფიქსირდა ყველა რეგიონში, გარდა თბილისის, აჭარის ავტონომიური რესპუბლიკისა და ქვემო ქართლის რეგიონისა.2025 წელს, რეგისტრირებულია 22 285 ქორწინება, რაც 2.9%-ით მეტია წინა წლის შესაბამის მაჩვენებელთან შედარებით. პირველი ქორწინების საშუალო ასაკი ქალებისთვის შეადგენს 30.1 წელს, ხოლო მამაკაცებისთვის 32.4 წელს.2025 წელს, რეგისტრირებულ განქორწინებათა რაოდენობამ 13 173 ერთეული შეადგინა, რაც 2.6%-ით ნაკლებია წინა წლის შესაბამის მაჩვენებელზე.

1774598649

ღია ბანკინგი მომხმარებელს შესაძლებლობას აძლევს, თავად განსაზღვროს ვის, როდის და რა მოცულობით გაუზიაროს საკუთარი ფინანსური მონაცემები ციფრულ არხებში და ამავდროულად, უსაფრთხოდ მოახდინოს გადახდების ინიციირება სასურველი პლატფორმიდან. მონაცემთა გაზიარება და შესაბამისი ოპერაციები ხორციელდება სტანდარტიზებული API-ების (Application Programming Interface) გამოყენებით, მომხმარებლის მკაფიო და ინფორმირებული თანხმობის საფუძველზე.თანამედროვე ციფრული ფინანსური ეკოსისტემის ფორმირება ეროვნული ბანკის ერთ-ერთი მთავარი პრიორიტეტია, რომლის ცენტრალური მიმართულება ღია ბანკინგია. ამ მძლავრი ინფრასტრუქტურის შექმნას საფუძველი 2019 წლის ზაფხულში ჩაეყარა, ხოლო შემდგომ ჩამოყალიბდა სტანდარტიზებული ჩარჩო, რომელმაც უსაფრთხო API არხებით ანგარიშზე არსებული ინფორმაციის გაზიარებისა და გადახდის ინიციირების მომსახურებების ხელმისაწვდომობა უზრუნველყო. პროცესმა პრაქტიკული სახე 2021 წელს მიიღო, როდესაც სისტემაში კომერციული ბანკები ჩაერთნენ და მომხმარებლებს ღია ბანკინგის სერვისების გამოყენებით სრულიად ახალი საბანკო პროდუქტები შესთავაზეს. 2024 წლის ივლისში კი ეკოსისტემა ტრადიციული საბანკო სექტორის ფარგლებს გასცდა - სწორედ ამ დროს მიიღო პირველმა არასაბანკო სუბიექტმა ეროვნული ბანკისგან ღია ბანკინგში ჩართვის თანხმობა.ბოლო ერთი წლის  სტატისტიკა ღია ბანკინგის გამოყენების მზარდ დინამიკას ადასტურებს: 915 ათასი+ ღია ბანკინგით ინიციირებული ტრანზაქციების რაოდენობა. ეს მაჩვენებელი მომხმარებელთა მხრიდან სწრაფი და უსაფრთხო გადახდის მეთოდებისადმი მზარდ ნდობაზე მიუთითებს და ადასტურებს, რომ ღია ბანკინგი ყოველდღიური ფინანსური ცხოვრების განუყოფელ ნაწილად ყალიბდება. 5 ათასი+ მომხმარებელთა აქტივობა ანგარიშის ინფორმაციის, გადახდის ინიციირებისა და ციფრული ონბორდინგის სერვისებში. ეს მაჩვენებელი ადასტურებს სტაბილურ მოთხოვნას იმ ინოვაციურ გადაწყვეტებზე, რომლებიც მომხმარებელს საკუთარი ფინანსების უფრო ეფექტურად მართვისა და კონტროლის შესაძლებლობას აძლევს. 9.3 მლნ+ ღია ბანკინგის სერვისების ჯამური გამოყენება. ეს მასშტაბი ადასტურებს, რომ სისტემა მყარ და საიმედო ფუნდამენტად ჩამოყალიბდა, რომელიც ყოველდღიური ციფრული სერვისების შეუფერხებელ მუშაობას უზრუნველყოფს. აღსანიშნავია, რომ ბიზნესის მხრიდან ღია ბანკინგის შესაძლებლობების მიმართ ინტერესი საგრძნობლად იზრდება. ბაზარზე არსებული მოთხოვნის საპასუხოდ, მნიშვნელოვანია ხაზი გაესვას, რომ ღია ბანკინგის ეკოსისტემა მხოლოდ ტრადიციული ფინანსური ინსტიტუტებითა და ფინტექ კომპანიებით არ შემოიფარგლება - ის სრულიად ახალ პერსპექტივებს ხსნის ფართო ბიზნეს სექტორისთვისაც, მაგალითად საცალო ვაჭრობისა და ელექტრონული კომერციის (E-commerce) მიმართულებით.ღია ბანკინგში ჩართვა შეუძლიათ როგორც საქართველოს ეროვნული ბანკის რეგულირებულ სუბიექტებს, ისე იმ ორგანიზაციებს, რომლებიც მანამდე ეროვნული ბანკის ზედამხედველობას არ ექვემდებარებოდნენ. შესაბამისი მოთხოვნების დაკმაყოფილების შემთხვევაში, საცალო და სხვა არასაფინანსო სექტორის კომპანიებს ეძლევათ შესაძლებლობა, თავად განახორციელონ ანგარიშის ინფორმაციაზე წვდომისა (AIS) თუ გადახდის ინიციირების (PIS) მომსახურება. პრაქტიკაში ეს ნიშნავს, რომ ბიზნესს შეუძლია პირდაპირ საკუთარ პლატფორმაზე დანერგოს თანამედროვე, სწრაფი გადახდის მეთოდები. ვინაიდან ღია ბანკინგით ინიციირებული ტრანზაქცია, თავისი არსით, წარმოადგენს ანგარიშიდან ანგარიშზე (Account-to-Account) გადახდას, ის საგრძნობლად ამცირებს ტრადიციული შუამავლების საჭიროებას. შესაბამისად, ბიზნესი სრულიად სარგებლობს ღია ეკოსისტემის უპირატესობებით - მცირდება საოპერაციო ხარჯები და იზრდება უსაფრთხოება.ელექტრონულ კომერციაში ღია ბანკინგის ინტეგრაციისა და ბიზნესისთვის შექმნილი ახალი უპირატესობების შესახებ დეტალურად გაეცანით ეროვნული ბანკის სტატიას - ღია ბანკინგი ელექტრონულ კომერციაში: ახალი შესაძლებლობები და განვითარების პერსპექტივებიღია ბანკინგში ჩართვის მსურველმა ორგანიზაციებმა უნდა იხელმძღვანელონ „ღია ბანკინგში ჩართვის წესით“. დამატებითი ინფორმაცია მარეგულირებელი ჩარჩოსა და წესების შესახებ ხელმისაწვდომია საქართველოს ეროვნული ბანკის ვებგვერდზე: ღია ბანკინგი;ღია ბანკინგით დაინტერესებულ პირებს შეუძლიათ მიმართონ საქართველოს ეროვნული ბანკის ინოვაციების ოფისს ელექტრონულ მისამართზე: innovationoffice@nbg.gov.ge. 

1774598567