TBC ლიზინგი 5-წლიან ობლიგაციებს უშვებს

6 წელზე ძველ ავტომობილებზე აქციზი გასამმაგებას კომიტეტმა მხარი დაუჭირა

ახალი ტარიფები და კატეგორიებიცვლილებების მთავარი არსი ავტომობილების ასაკობრივი ჯგუფების მიხედვით დაბეგვრის პრინციპის შეცვლაა: 0-დან 6 წლის ჩათვლით: აქციზის განაკვეთი ძრავის მოცულობის ყოველ 1 სმ³-ზე 1.5 ლარით განისაზღვრება. 6 წელზე მეტი ასაკის: აქციზის განაკვეთი სამმაგდება და 1 სმ³-ზე 4.5 ლარი ხდება. ამასთან, ნარჩუნდება შეღავათები ჰიბრიდული ავტომობილებისთვის (ძირითადი განაკვეთის 60%-ით შემცირებული ტარიფი), ხოლო მარჯვენასაჭიანი ავტომობილებისთვის ძირითადი განაკვეთი ასევე გასამმაგდება.გარდამავალი პერიოდი და ვადებიკანონპროექტი ითვალისწინებს შეღავათიან პირობებს მათთვის, ვისაც ავტომობილის შემოყვანის პროცესი უკვე დაწყებული აქვს: ძველი ტარიფით ისარგებლებენ ის პირები, რომელთა ავტომობილი საქართველოში 2026 წლის 1-ელ აპრილამდე შემოვა, ან რომელთა ტრანსპორტირება უცხო ქვეყანაში ამ თარიღამდე დაიწყება. სახმელეთო ტრანსპორტირებისას (ან საკუთარი სვლით გადაადგილებისას), ძველი განაკვეთები იმოქმედებს, თუ ავტომობილი ქვეყნის ტერიტორიაზე 2026 წლის 1-ელ ივლისამდე შემოვა. რატომ იცვლება კანონმდებლობა?ინიციატივის ავტორები „ქართული ოცნების“ დეპუტატები არიან. მათი განმარტებით, არსებული სისტემა ვერ ახდენდა ავტოპარკის განახლების სტიმულირებას, რადგან 6-8 წლის ავტომობილებზე დაბალი აქციზი მათ იმპორტს ეკონომიკურად ხელსაყრელს ხდიდა.„საქართველოში იმპორტირებული ავტომობილების დიდი ნაწილი 6 წელზე მეტი ასაკისაა, რაც იწვევს ჰაერის დაბინძურებას და ზრდის საგზაო შემთხვევების რისკს. ცვლილების მიზანია შეიქმნას სტაბილური გარემო ახალი ავტომობილების იმპორტისთვის და დაწესდეს ეფექტიანი ფინანსური ბარიერი ხანდაზმული ტრანსპორტის შესაზღუდად“, - ნათქვამია კანონპროექტის განმარტებით ბარათში.მიუხედავად კომიტეტების მხარდაჭერისა, ინიციატივას მწვავე კრიტიკით გამოეხმაურა „ხალხის ძალის“ დეპუტატი დიმიტრი ხუნდაძე. მისი შეფასებით, შემოთავაზებული ტარიფები არა „შემზღუდავი“, არამედ „ამკრძალავია“, რაც საპირისპირო ეკოლოგიურ ეფექტს გამოიღებს.ხუნდაძემ ძირითად არგუმენტებად მოიყვანა: ავტოპარკის დაბერება: დეპუტატის აზრით, რადგან საზოგადოების დიდ ნაწილს ახალი ავტომობილის ყიდვის საშუალება არ აქვს, ისინი იძულებულნი გახდებიან, უკვე არსებული ძველი მანქანების ექსპლუატაციის ვადა ხელოვნურად გაახანგრძლივონ, რაც ავტოპარკის კიდევ უფრო მეტ დაბერებას გამოიწვევს. სოციალური ფაქტორი: ხუნდაძე აღნიშნავს, რომ თბილისისგან განსხვავებით, რეგიონებში საზოგადოებრივი ტრანსპორტი მოუწესრიგებელია და ავტომობილი იქ ფუფუნება კი არა, გადაადგილების ერთადერთი საშუალებაა. დარტყმა რეექსპორტზე: ცვლილებები შესაძლოა უარყოფითად აისახოს რეექსპორტის სექტორზეც, რომელიც საქართველოს ეკონომიკისთვის ერთ-ერთი წამყვანი მიმართულებაა. ტექდათვალიერება ასაკის ნაცვლად: დეპუტატი მიიჩნევს, რომ მხოლოდ ასაკი ვერ იქნება განმსაზღვრელი და აუცილებელია ტექდათვალიერების ინსტრუმენტის დახვეწა - თუ მანქანა ტექნიკურად გამართულია, მისი აკრძალვა გაუმართლებელია.

საქართველოში ხილის მოსავლიანობა ევროკავშირის მაჩვენებელზე ორჯერ დაბალი...

კვლევა აჩვენებს, რომ საქართველოში ერთ ჰექტარზე მოსავლიანობის მაჩვენებელი, ხილის, ბოსტნეულისა და მარცვლოვანი კულტურების შემთხვევაში, მეზობელი ქვეყნებისა და ევროკავშირის შედეგებთან შედარებით დაბალია.მაგალითად, საქართველოში ხილის მოსავლიანობა ჰექტარზე მხოლოდ 4.8 ტონაა, რაც ორჯერ და მეტჯერ ნაკლებია სომხეთის (11.4 ტ.), უკრაინისა (11 ტ.) და ევროკავშირის (11.7 ტ.) მაჩვენებლებზე.კიდევ უფრო თვალსაჩინოა სხვაობა ბოსტნეულის შემთხვევაში - საქართველოში საშუალო მოსავლიანობა 11.1 ტონას შეადგენს, მაშინ როცა აზერბაიჯანში ეს ციფრი 31.1 ტონაა, სომხეთში - 35.6 ტონა, ხოლო თურქეთში - 42.3 ტონა. რაც შეეხება მარცვლოვან კულტურებს, საქართველო (2.8 ტ.) აქაც ჩამორჩება როგორც აზერბაიჯანსა და თურქეთს (3.4 ტ.), ისე უკრაინასა (5.1 ტ.) და ევროკავშირს (5.2 ტ.).Galt & Taggart-ის მიმოხილვაში ხაზგასმულია, რომ დაბალ მოსავლიანობას რამდენიმე ფუნდამენტური ფაქტორი განაპირობებს, მათ შორის დაბალი კორპორატიზაცია, ცოდნის ნაკლებობა და ტექნოლოგიური ჩამორჩენა. სექტორში ბიზნესის წილი მხოლოდ 13%-ს შეადგენს, ნედლეულის წარმოება კი ძირითადად შინამეურნეობებზეა კონცენტრირებული.პრობლემას წარმოადგენს მიწების ფრაგმენტაციაც - საქართველოში ფერმერული მეურნეობების 73% ერთ ჰექტარზე ნაკლებია, 1-დან 5 ჰექტარამდე ფართობი მეურნეობების 25%-ს აქვს, ხოლო მსხვილი მეურნეობები, რომელთა ზომა 5 ჰა-ს აღემატება, მხოლოდ 2%-ს შეადგენს. შედარებისთვის, აზერბაიჯანსა და სომხეთში ერთ ჰექტარზე მცირე ზომის ფერმების წილი შედარებით ნაკლებია (60-61%), რაც ამ ქვეყნებში მიწის უფრო ეფექტიანად გამოყენების საფუძველს ქმნის.

კობახიძე 2030 წლისთვის კვების პროდუქტების 30-მილიარდიან ბაზარს პროგნოზ...

პრემიერმა ყურადღება გაამახვილა აგროკრედიტების სუბსიდირების პროგრამის შედეგებზეც და აღნიშნა, რომ 2018 წლის შემდეგ სექტორის მთლიანი გამოშვება თითქმის გაორმაგდა. რაც შეეხება საგარეო ვაჭრობას, დღეისათვის ექსპორტი 4.5 მილიარდ ლარს შეადგენს, თუმცა გამოწვევად რჩება ის ფაქტი, რომ ეს მოცულობა მხოლოდ რამდენიმე დასახელების პროდუქტს ეყრდნობა.ირაკლი კობახიძის თქმით, მიუხედავად ზრდისა, ქვეყანა ხორცის, რძის პროდუქტებისა და მარცვლეულის მიმართულებით კვლავ მნიშვნელოვნად არის დამოკიდებული იმპორტზე. სახელმწიფოსა და კერძო სექტორის მთავარ ამოცანად კვლავ რჩება წარმოების პროდუქტიულობის გაზრდა, საექსპორტო ასორტიმენტის გაფართოება და ახალ, მაღალ მხარჯველუნარიან საერთაშორისო ბაზრებზე დამკვიდრება.

„წლის ქალთა გაძლიერების პროექტი“ - „თეგეტა“ EBA-ს ფორუმზე დაჯილდოვდა

გენდერული თანასწორობის საკითხებზე სასაუბროდ გაერთიანდნენ ბიზნესლიდერები, საერთაშორისო პარტნიორები და დარგის ექსპერტები EBA4Women Signature Forum-ზე, რომელიც ევროპული ბიზნესასოციაციის ორგანიზებით გაიმართა. განსაკუთრებული ყურადღება დაეთმო იმ კორპორაციული გამოცდილების გაზიარებას, რომელიც ბიზნესსექტორისთვის სამაგალითოა. ამ მნიშვნელოვან პლატფორმაზე საკუთარი სტრატეგიული მიდგომებით წარდგა „თეგეტა ჰოლდინგი“. კომპანიის მთავარმა აღმასრულებელმა ოფიცერმა გაეროს ქალთა ორგანიზაციის მხარდაჭერით გამართულ პანელურ დისკუსიაზე ისაუბრა. „თეგეტას“ საქმიანობის 30-წლიან ისტორიაში ის პირველი ქალი CEO-ა, რომელიც ჰოლდინგს ჩაუდგა სათავეში.ეკატერინე ქავთარაძე, „თეგეტა ჰოლდინგის“ მთავარი აღმასრულებელი ოფიცერი: „2019 წლიდან „თეგეტა“ გაეროს ქალთა გაძლიერების პრინციპების ხელმომწერია. ამ გზაზე უკვე წლებია, მჭიდროდ ვთანამშრომლობთ საერთაშორისო ორგანიზაციებთან, რათა ჩვენი ჩართულობა ქალთა გაძლიერების პროცესში კიდევ უფრო აქტიური და ეფექტიანი გავხადოთ. განსაკუთრებით იმ ფონზე, როცა კომპანიაში დასაქმებულთა 75%-ს კაცები შეადგენენ. ჩვენთვის თანამშრომლებს შორის ინკლუზიური და თანასწორი გარემოს ჩამოყალიბება უმნიშვნელოვანესია. შესაბამისად, ვგეგმავთ და ვახორციელებთ გენდერული თანასწორობის მიმართულებით მრავალფეროვან ინიციატივებს, ვქმნით ისეთ გარემოს, რომელიც, ერთი მხრივ, ჩვენი გუნდის წევრებს საკუთარი თავის რეალიზების საშუალებას აძლევს, ხოლო მეორე მხრივ, საავტომობილო ინდუსტრიაში ქალ პროფესიონალებს იზიდავს. ეს კი უკვე აისახება გაუმჯობესებულ ციფრებსა და გარემოში“.„ბიზნესგადაწყვეტილებები ინკლუზიური ზრდისთვის - მზრუნველობაზე ორიენტირებული სამუშაო გარემო“ - ასე ერქვა პანელურ დისკუსიას, რომლის ფარგლებშიც ეკატერინე ქავთარაძემ „თეგეტას“ ქალთა გაძლიერების პროგრამები დეტალურად წარადგინა. „თეგეტაში“ ამჟამად 600 ქალი თანამშრომელია. ესენი არიან არა მხოლოდ მენეჯერები, არამედ ავტომექანიკოსები, ინჟინრები, სერვისის მრჩევლები. განსაკუთრებით შთამბეჭდავია ტრანსფორმაცია ტოპ-მენეჯმენტში, სადაც ქალთა წარმომადგენლობა 18%-დან 32.35%-მდე გაიზარდა.„დიდ ყურადღებას ვუთმობთ ქალთა პროფესიული განვითარების ხელშეწყობას. ამ მიმართულებით მნიშვნელოვანი როლი აქვს „თეგეტა აკადემიას“ - პროფესიული განათლების პლატფორმას, რომელიც ქალებს სთავაზობს ტექნიკურ პროფესიებში კვალიფიკაციის ამაღლების კურსებსა და დასაქმების პირდაპირ შესაძლებლობას. მაგალითად, გასული წლის მონაცემებით „თეგეტა აკადემიის“ სასწავლო პროცესში ჩართულთა 21% ქალია. ამასთანავე, კომპანიაში მოქმედებს მენტორობისა და ლიდერის თვისებების განვითარების პროგრამები, რომლებიც თანამშრომლებს კარიერულ წინსვლაში მხარდაჭერას სთავაზობს და ქალებში ლიდერის პოტენციალის გაძლიერებას უწყობს ხელს“, - ამბობს ეკატერინე ქავთარაძე.ქალთა ეკონომიკური გაძლიერების ფორუმზე „თეგეტას“ მთავარმა აღმასრულებელმა ოფიცერმა განმარტა, რომ კომპანიაში განსაკუთრებული აქცენტი ინკლუზიური და უსაფრთხო გარემოს შექმნაზე კეთდება.,,თეგეტა ჰოლდინგის” შესახებ: უმსხვილესი საავტომობილო კომპანია კავკასიასა და ცენტრალურ აზიაში მომხმარებელს საავტომობილო ეკოსისტემის სრულ სპექტრს სთავაზობს, რაც მსუბუქ, სატვირთო და სამშენებლო, ასევე კომერციულ, სამგზავრო და ინდუსტრიულ ტრანსპორტს მოიცავს. მთელი ქვეყნის მასშტაბით ,,თეგეტას” 28 სერვისცენტრი აქვს. „თეგეტა“ ექსკლუზიურად წარმოადგენს ცნობილ ბრენდებს Porsche, Lamborghini, Bentlye, Volvo, Toyota, Mazda, Geely, Zeekr. სატვირთო და სპეცტექნიკის მიმართულებით ჰოლდინგის პარტნიორები არიან ისეთი დიდი ბრენდები, როგორებიცაა: MAN, JCB, HINO, LIEBHERR, BOMAG და სხვები. ,,თეგეტა” მსოფლიოს 300-ზე მეტი წამყვანი საავტომობილო ბრენდის იმპორტიორია საქართველოში. ,,თეგეტა ჰოლდინგი”, 3000-მდე თანამშრომლით, დღეს საქართველოში ერთ-ერთი უმსხვილესი დამსაქმებელია.(R)

საქართველო 6 წელზე ძველი ავტომობილების იმპორტზე აკრძალვის ნაცვლად გაზრ...

მინისტრის განმარტებით, თავდაპირველი გეგმა, რომელიც მიმდინარე წლის 1-ელი აპრილიდან ძველი ავტომობილების იმპორტის აკრძალვას ითვალისწინებდა, ბიზნესსექტორთან კონსულტაციების საფუძველზე გადაიხედა.ძირითადი ცვლილებები: აკრძალვის გაუქმება: 6 წელზე უფროსი ავტომობილების რეგისტრაცია აღარ აიკრძალება ახალი ტარიფი: ამ კატეგორიის ავტომობილებისთვის დაწესდება ერთიანი განაკვეთი - 4.5 ლარი ძრავის მოცულობის ყოველ კუბურ სანტიმეტრზე (cm³) მიზანი: გადაწყვეტილება მიზნად ისახავს ბალანსის დაცვას ბიზნესის ინტერესებსა და ქვეყნის ეკოლოგიურ უსაფრთხოებას შორის „გადაწყვეტილება მიღებული იქნა ფართო კონსულტაციების შედეგად, რათა მაქსიმალურად დაცული იყოს ბიზნესის ინტერესები და ამავდროულად, ეკოლოგიური კუთხით, მაქსიმალურად იყოს დაცული საქართველოს მოსახლეობა,“ - განაცხადა ხუციშვილმა.თავდაპირველი ინიციატივა, რომელიც პარლამენტში 12 თებერვალს წარადგინეს, 6 წელზე უფროსი ავტომობილების იმპორტის სრულ აკრძალვას ითვალისწინებდა. მთავრობის განმარტებით, გადაწყვეტილების მიზანი ეკოლოგიური მდგომარეობის გაუმჯობესება, მოქალაქეების ჯანმრთელობის დაცვა და საგზაო მოძრაობის განტვირთვაა. პრემიერის მონაცემებით, 2012 წლიდან დღემდე საქართველოში რეგისტრირებული ავტომობილების რაოდენობა 864 ათასიდან 2 მილიონამდე გაიზარდა.