რეგიონის გაციფრულებაში ჩვენი ქვეყანა მთავარ როლშია

დოკუმენტს ხელი გენადი არველაძემ და ვლადიმირ სიმონიაკმა მოაწერეს. საქართველოს ეკონომიკის მინისტრის მოადგილემ და სლოვაკეთის მინისტრმა.შეთანხმების თანახმად, მხარეები ხელს შეუწყობენ ორმხრივ აქტივობებს, მათ შორის, ბიზნეს წრეების დასაახლოებლად. შეთანხმება ითვალისწინებს ეკონომიკური თანამშრომლობის ერთობლივი კომისიის შექმნას.ხელმოწერამდე არველაძემ და სიმონიაკმა ეკონომიკური თანამშრომლობის მიმართულებები განიხილეს. მათ შორის პირდაპირი ფრენების დაწყება.მხარეებმა გამოთქვეს სურვილი, გაისად ჩატარდეს ეკონომიკური თანამშრომლობის კომისიის სხდომა.

1761149400

ეკონომიკის სამინისტროს ინფორმაციით, მოჰამედ ალი ალაბარმა, Emaar Properties-ის დამფუძნებელმა და მმართველმა დირექტორმა თბილისის აბრეშუმის გზის ფორუმის პანელურ დისკუსიაზე „საქართველო - ინვესტიციების გადაკვეთის წერტილი“ განაცხადა, რომ  საბოლოოდ, ყველაფერი უკავშირდება ქვეყნის ეკონომიკური ზრდის დადებით პარამეტრებს.მოჰამედ ალიმ აღნიშნა ჩვენი ქვეყნის ეკონომიკის 9%-იან ზრდის პოზიტივზე, როცა 7%-იანიც საუკეთესოდ მიიჩნევა .მან თავისი კომპანიის საინვესტიციო პორტფელზე ისაუბრა. პირად  განწყობებზე, ინტერესებზე, რაც შემდეგ ბიზნესიინტერესში გადაიზრდება ხოლმე, - .„20- ზე მეტ ქვეყანაში გვაქვს ინვესტიციები. ყველაფერი იწყება იმით, რომ ქუჩაში გავდივარ და ვსეირნობ, ვნახულობ, რამდენად კომფორტულია გარემო. ძალიან კარგი მიღება მქონდა საქართველოში. ჩვენი წვლილი, სხვა ინვესტორების მოტივირების თვალსაზრისით, ძალიან დიდია - ის გამოიწვევს დომინოს ეფექტს და ახალგაზრდა სახელმწიფოებში კონცენტრირდება ინვესტიციები.ალაბარი ბედნიერია, რომ საქართველოსთან ურთიერთობის დიდი პატივი ხვდა."ქვეყანამ მოიზიდა მდიდარი ადამიანი, რომელიც აქ ეძებს და პოულობს მშვიდობას, სტაბილურობას, კარგ ჯანდაცვას, განათლებას და ა.შ. ამიტომ ყველა უნდა გავერთიანდეთ და მხარი დავუჭიროთ ამ ძლიერ, გონივრულ ხელმძღვანელობას ქვეყანაში. ბედნიერი ვარ, რომ  საქართველომ „იგლ ჰილს საქართველოს“ პროექტი მანდო“, - აღნიშნა მოჰამედ ალი ალაბარმა.

1761147600

მოსწავლეებისთვის, სტუდენტებისა და ახალგაზრდა პროფესიონალებისთვის საქართველოს ბანკის საგანმანათლებლო პროგრამებზე მიღება დაიწყო.თუ ხარ მოსწავლე, დარეგისტრირდი STEM ოლიმპიადაზემომავლის პროფესიების, ზუსტი და საბუნებისმეტყველო მეცნიერებების პოპულარიზაციის ხელშეწყობის მიზნით, საქართველოს ბანკმა და კომაროვის სკოლამ, სკოლის მოსწავლეებისთვის STEM ოლიმპიადის პროექტი შექმნა.STEM ოლიმპიადაზე რეგისტრაცია უკვე დაიწყო და 30 ნოემბრამდე გაგრძელდება. რეგისტრაციისთვის ეწვიეთ ბმულს.ოლიმპიადა ინფორმატიკის, ფიზიკისა და მათემატიკის მიმართულებით ჩატარდება და მასში მონაწილეობას VII-XI კლასის მოსწავლეებისგან დაკომპლექტებული გუნდები მიიღებენ.ოლიმპიადის შესახებ დეტალური ინფორმაციის მისაღებად, ეწვიეთ ვებგვერდს.თუ ხარ სტუდენტი, არ გამოგრჩეს შესაძლებლობა, მიიღო საქართველოს ბანკის სტიპენდია 21 ადგილობრივ უნივერსიტეტშისაქართველოს ბანკი ნიჭიერი და მიზანდასახული ახალგაზრდებისთვის განათლების შესაძლებლობების შექმნას განაგრძობს. სწორედ ამ მიზნით, ფინანსური ინსტიტუტი სტიპენდიების პროექტს ახორციელებს, რომლის ფარგლებშიც სტუდენტებს შესაძლებლობას აძლევს, მიიღონ სწავლის სრული ან ნაწილობრივი დაფინანსება 21 ადგილობრივ უნივერსიტეტში.საქართველოს ბანკის სასტიპენდიო პროგრამაზე მიღება დაიწყო და 30 ნოემბერს დასრულდება. განაცხადის შესავსებად და უნივერსიტეტების შესახებ დეტალური ინფორმაციის მისაღებად ეწვიეთ ვებგვერდს.ინფორმაციისთვის, საქართველოს ბანკის სტიპენდიატების რაოდენობა უკვე 350-ს აჭარბებს და მათი რაოდენობა ყოველწლიურად იზრდება.თუ გაინტერესებს ხელოვნური ინტელექტი, საქართველოს ბანკისა და UN Women-ის ინიციატივის ფარგლებში გაიარე კურსი ქალებისთვის, პროფესიულ აკადემიაშისაქართველოს ბანკი ნებისმიერ ქალს, ვისაც აინტერესებს ხელოვნური ინტელექტი (AI), აძლევს შესაძლებლობას, ახალი ინიციატივის ფარგლებში ჩაერთონ სასტიპენდიო პროგრამაში და მოიპოვონ 100%-იანი დაფინანსება საქართველოს ბანკის 6 პარტნიორ პროფესიულ აკადემიაში.AI სასტიპენდიო პროგრამაზე მიღება დაიწყო და 30 ნოემბერს დასრულდება.აღმოაჩინე შენზე მორგებული სასტიპენდიო პროგრამები ვებგვერდზე ganatleba.bog.ge და განათლების გზაზე არ გაჩერდე. 

1761140297

სტუდენტური AI კვლევითი კლუბი უნიკალური შესაძლებლობაა ბაკალავრიატის და მაგისტრატურის სტუდენტებისთვის, ასევე კურსდამთავრებულებისთვის, ჩაერთონ რეალურ კვლევით პროექტებში, გამოაქვეყნონ სამეცნიერო ნაშრომები და მოემზადონ საერთაშორისო კონფერენციებისა და წამყვანი სამაგისტრო და სადოქტორო პროგრამებისთვის.გუნდები იმუშავებენ კვლევის ხელმძღვანელებთან ერთად, სიღრმისეულად შეისწავლიან საკვლევ თემას, მასთან დაკავშირებულ ტექნოლოგიებს და მოამზადებენ სამეცნიერო ნაშრომს. საუკეთესო ნაშრომის ავტორები კი, ტექნოლოგიების მიმართულებით საერთაშორისო კონფერენციაზე/ექსპოზე გაემგზავრებიან.„სტუდენტური კლუბის მიზანი საქართველოში კვლევით დაინტერესებული ახალი თაობის პროფესიონალების ხელშეწყობა და ქვეყანაში AI კვლევის კულტურის ჩამოყალიბებაა. რეგიონში და მსოფლიოში კონკურენციისთვის საქართველოშიც უნდა არსებობდეს AI კვლევები, რისთვისაც ტალანტების განვითარება ყველაზე მთავარი გამოწვევაა. GAIA, თიბისის მხარდაჭერით და აკადემიურ სექტორთან თანამშრომლობით, სწორედ ამ მიზანს ისახავს”, - გიგი გიორგაძე, საქართველოს ხელოვნური ინტელექტის ასოციაციის დირექტორი.კლუბის მენტორები წამყვანი ქართველი AI მკვლევრები იქნებიან სხვადასხვა საერთაშორისო უნივერსიტეტებიდან და კომპანიებიდან.AI კლუბის შეხვედრები ჰიბრიდულ რეჟიმში წარიმართება. კლუბში მისაღებად რეგისტრაცია 2 ნოემბრამდე გაგრძელდება. დეტალური ინფორმაციისთვის და კლუბის წევრობისთვის გადადით ბმულზე.ხელოვნური ინტელექტის კვლევა მიმართულებაა, რომელიც მომავალს ქმნის - ცოდნის, ინოვაციისა და პროგრესის გზით. თიბისისთვის განსაკუთრებით მნიშვნელოვანია ისეთი ინიციატივების მხარდაჭერა, რომლებიც ახალ თაობას აძლევს შესაძლებლობას განვითარდნენ, იკვლიონ და შექმნან რეალური ცვლილება ტექნოლოგიების სამყაროში. 

1761137713

ხრამი–რუსთავის მაგისტრალური ქსელი წარმოადგენს ერთადერთ და უმნიშვნელოვანეს წყალსადენს, რომელის საშუალებითაც სათავე ნაგებობიდან ქალაქ რუსთავამდე სასმელი წყალის  ტრანსპორტირდება ხდება. აღნიშნული მაგისტრალური მილსადენის განახლება სტრატეგიული მნიშვნელობის პროექტია, რომელიც  სისტემის გამართულ ფუნქციონირებას და სტაბილურ წყალმომარაგებას უზრუნველყოფს.Gwp-ის ტექნიკური დირექტორი გიგა ნადირაძე, ქალაქ რუსთავის მერი ნინო ლაცაბიძე და მისი მოადგილე  ბესიკ ტოგონიძე, რუსთავის მაჟორიტარ დეპუტატ ირაკლი შატაკიშვილთან და  რუსთავის საკრებულოს თავმჯდომარის მოადგილე მამუკა რეხვიაშვილთან ერთად ხრამი რუსთავის მაგისტრალური ქსელის  სარეაბილიტაციო სამუშაოებს გაეცნენ.„ხრამი–რუსთავის მაგისტრალური მილსადენის სარეაბილიტაციო პროექტი, თავისი მასშტაბურობიდან გამომდინარე, სამ ეტაპად ხორციელდება და მისი ჯამური საინვესტიციო ღირებულება 14 მლნ ლარს შეადგენს. რეაბილიტაციის პირველი ეტაპი 2024 წელს დასრულდა და განახლდა 2.2 კმ სიგრძის წყალმომარაგების ქსელი, რაშიც ჯივიპიმ 6.7 მილიონი ლარის ინვესტიცია განახორციელა. ამჟამად პროექტის მეორე ეტაპი მიმდინარეობს, რომლის საინვესტიციო ღირებულება 4.7 მლნ ლარს შეადგენს. განხორციელებული სამუშაოების ფარგლებში მოეწყო 2.3 კმ სიგრძის ქსელი, დამონტაჟდა 17 ერთეული ჩამკეტ-მარეგულირებელი ურდული და 5 საკვანძო ჭა;  სარეაბილიტაციო პროექტის მესამე ეტაპი ფარგლებში დაგეგმილია დამატებით 3 კმ სიგრძის ქსელის განახლება, რისთვისაც კომპანია 2.5 მლნ ლარის ინვესტიციას განახორციელებს, ხოლო სამუშაოები 2026 წელს შესრულდება”, -  გიგა ნადირაძე, ტექნიკური დირექტორიახლადმოწყობილი ქსელის ექსპლუატაციაში გასაშვებად, ჯორჯიან უოთერ ენდ ფაუერი მაგისტრალურ ქსელზე გადაერთებითი სამუშაოებს ხვალ, 23 ოქტომბერს განახორციელებს.აღნიშნული სამუშაოების მიმდინარეობისას აუცილებელია მაგისტრალური ქსელის წყლისგან დაცლა, რის გამოც ხვალ, 23 ოქტომბერს, ღამის 03:00 საათიდან 24 ოქტომბრის დილის 10:00 საათამდე წყალმომარაგება შეეზღუდება ქალაქ რუსთავის მარჯვენა და მარცხენა სანაპიროებს,  ჭყონდიდელის დასახლებას და ქალაქ გარდაბანს.წყალმომარაგების შეზღუდვისა და აღდგენის შესახებ ინფორმაციას, ჯორჯიან უოთერ ენდ ფაუერი  აბონენტებს წინასწარ, SMS-შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის 0341 22 00 11 და ვებგვერდის მეშვეობით http://www.gwp.ge(R)

1761137421

"ვფიქრობ, საქართველოში ინვესტირება ძალიან მნიშვნელოვანია; განსაკუთრებით, როცა საქმე ეხება ინფრასტრუქტურას, მათ შორის ენერგეტიკულ და კომუნალურ და, რა თქმა უნდა, ციფრულ ინფრასტრუქტურას", - განაცხადა Nokia-ს ევროპის მიმართულების ვიცე-პრეზიდენტმა.მისვე თქმით, Nokia ძალიან მოწადინებულია, რომ საქართველოში 4G და 5G ქსელის განვითარებაში მეტი ინვესტიცია ჩადოს, განსაკუთრებით, მობილური ინფრასტრუქტურისთვის."ვხედავთ შესანიშნავ შესაძლებლობებს, განსაკუთრებით საქართველოში, სადაც ახალგაზრდა მოსახლეობაა, რომლებიც განათლებისკენ მიისწრაფვიან, გაქვთ კარგი უნივერსიტეტები და მაღალკვალიფიციური ადამიანები, რომლებიც ადასტურებენ, რომ მომავალი ნამდვილად საქართველოშია.ჩვენ ციფრული ინფრასტრუქტურის ტექნოლოგიების პროვაიდერები ვართ, განსაკუთრებით მობილური ქსელებისთვის. მრავალი მომხმარებელი გვყავს აქ, საქართველოში, მობილური ოპერატორების სახით. ვემსახურებით მათ მობილური ინფრასტრუქტურის 4G, 5G და ერთ დღეს, შესაძლოა, 6G ქსელის განვითარებაში. ჩვენ არა მხოლოდ აქ ვართ, არამედ მთელ რეგიონში, ბევრ ქვეყანაში, მაგრამ საქართველო ჩვენთვის ძალიან მნიშვნელოვანი ბაზარია", - თქვა დოქტორ როლფ უერნერმა.„ნოკია“ (Nokia) — ფინური ტექნოლოგიური გიგანტი — საქართველოში ოფიციალურად ოპერირებით 2021 წელს დაინტერესდა. მაშინ ეკონომიკის სამინისტროსთან გაიმართა შეხვედრა, სადაც განხილული იყო კომპანიის გეგმები ციფრული ინფრასტრუქტურის, 5G ტექნოლოგიების, ხელოვნური ინტელექტისა და კიბერუსაფრთხოების მიმართულებებით.

1761129728

საანგარიშო პერიოდში, 56 კომპანიაში ჩატარდა საინსპექციო კონტროლი, რაც სერტიფიცირებისთვის წარდგენილი ალკოჰოლიანი სასმლის ნიმუშის ლოტთან შესაბამისობას ადგენს. აღებული 1091 ნიმუშიდან, დარღვევა აღმოჩნდა 6 კომპანიის 14 ნიმუშში.გაფორმების ეკონომიკურ ზონაში, ღვინის ეროვნული სააგენტოს კონტრაქტორი საერთაშორისო კომპანიების შპს Bureau Veritas და შპს SGS მიერ ინსპექტირება 98 კომპანიაში განხორციელდა; აღებული 365 ნიმუშიდან დარღვევა 1 კომპანიის 1 ნიმუშში აღმოჩნდა.საექსპორტო ალკოჰოლური სასმელების ორგანოლეპტიკური ტესტირების მიზნით, გასულ 9 თვეში, ჩატარდა 201 დეგუსტაცია. სადეგუსტაციოდ შემოსული 9643 ნიმუშიდან უარყოფითად 365, დანარჩენი 9278 ნიმუში კი, დადებითად შეფასდა.ნიმუშის ორგანოლეპტიკური ტესტირება ხდება ფერსა და გამჭვირვალობაზე, ტიპურობაზე, დაავადებების არსებობაზე, არომატზე, გემოსა და ჰარმონიულობაზე.მიმდინარე წელს, გასული წლის ანალოგიურ პერიოდთან შედარებით, დარღვევების რაოდენობა შემცირებულია.ღვინის ეროვნულ სააგენტოში აცხადებენ, რომ სახელმწიფოსთვის პრიორიტეტია, ქართული ღვინის ხარისხი საერთაშორისო სტანდარტებს აკმაყოფილებდეს ღვინის ეროვნული სააგენტოს შესაბამისი სამსახურები რეგულარულად ახორციელებენ ალკოჰოლიანი სასმელების ხარისხის მონიტორინგს, რათა ათეულ მილიონობით ლიტრი ქართული ღვინო და სხვა ალკოჰოლიანი სასმელი აკმაყოფილებდეს საერთაშორისო სტანდარტებს, იყოს კონკურენტუნარიანი და სულ უფრო მეტად მოთხოვნადი.

1761129311

სახაროვის პრემიის 2025 წლის ლაურეატები ევროპარლამენტის პრეზიდენტმა, რობერტა მეცოლამ 22 ოქტომბერს, სტრასბურგში, პარლამენტის პლენარულ სხდომაზე დაასახელა.წელს მზია ამაღლობელთან ერთად ეს ჯილდო გადაეცა ბელორუს პატიმარსა და ჟურნალისტს, ანდჟეი პოჩობუტისაც.სახაროვის პრემიის ფინალისტების სიაში ასევე იყვნენ ჟურნალისტები და ჰუმანიტარული დახმარების მუშაკები პალესტინასა და ყველა კონფლიქტურ ზონაში, რომლებსაც წარმოადგენენ პალესტინის ჟურნალისტთა სინდიკატს, წითელი ნახევარმთვარე და UNRWA და ასევე სერბი სტუდენტები.სახაროვის პრემია “აზრის თავისუფლებისთვის” 1988 წელს დაარსდა, რუსი მეცნიერისა და დისიდენტის, ანდრეი სახაროვის პატივსაცემად და შემდეგ ევროპარლამენტის საზოგადოებასთან ურთიერთობის ერთ-ერთ მთავარ ინსტრუმენტად იქცა.ამ ჯილდოს მიზანია დააჯილდოოს ადამიანები, ჯგუფები ან ორგანიზაციები, რომლებიც თავდაუზოგავად იბრძვიან ადამიანის უფლებების დაცვისა და აზრის თავისუფლებისთვის მთელ მსოფლიოში.ამასთანავე, სახაროვის პრემიის მიზანია, მსოფლიოს ყურადღება მიაპყროს პოლიტიკურ პატიმრებს, აქტივისტებსა და ორგანიზაციებს, რომლებიც იდევნებიან.სახაროვის პრემია სხვადასხვა დროს მიღებული აქვს ნელსონ მანდელას, აპარტეიდთან ბრძოლის ლიდერს, სამხრეთ აფრიკის რესპუბლიკის პირველ შავკანიან პრეზიდენტს (1988), მალალა უსუფზაის, პაკისტანელ ადამიანის უფლებათა აქტივისტს (2013), ალექსეი ნავალნის, რუს ოპოზიციონერს (2021), უკრაინის ხალხს (2022), ჯინა მაჰსა ამინის, 22 წლის ირანელ ქალს, რომელიც ირანის „ზნეობის პოლიციის“ დაკავების შემდეგ გარდაიცვალა (2023).2025 წლის ლაურეატების დაჯილდოების ცერემონია 16 დეკემბერს, სტრასბურგში გაიმართება. ლაურეატებისათვის დაწესებული ჯილდო 50 000 ევროს შეადგენს.

1761127748