შაქრის იმპორტი 31.2%-ით გაიზარდა, ექსპორტმა კი $4 მლნ შეადგინა

საქართველოს ბანკის საგანმანათლებლო პლატფორმა Businesscourse.ge მცირე და საშუალო ბიზნესებს სწორედ ამ მიმართულებით ეხმარება - პრაქტიკული, სრულად დაფინანსებული ონლაინ კურსებით, რომლებიც თანამედროვე ბიზნესის რეალურ საჭიროებებზეა მორგებული. თუ გსურს, რომ შენი ბიზნესი უფრო ორგანიზებული, კონკურენტუნარიანი და ციფრულად გამართული გახდეს, ეს 8 კურსი განსაკუთრებით დაგაინტერესებს.მონაცემებზე დაფუძნებული გადაწყვეტილებებიდღეს ბიზნესში ინტუიცია ხშირად აღარ არის საკმარისი - სწორი გადაწყვეტილებები მონაცემებზე დაყრდნობით მიიღება. ეს კურსი დაგეხმარება გაიგო, როგორ გამოიყენო მონაცემები სტრატეგიული გადაწყვეტილებების მისაღებად და როგორ ჩამოაყალიბო ორგანიზაციაში მონაცემებზე დაფუძნებული კულტურა. კურსს უძღვება ქრისტინე ლორთქიფანიძე, კვლევისა და საკონსულტაციო კომპანია „ანოვას“ თანადამფუძნებელი.პროდუქტის განვითარებაბიზნესში ბევრი კარგი იდეა იბადება, თუმცა მათი რეალობად ქცევა - დიდი გამოწვევაა ხოლმე. ამიტომაც, პროდუქტის განვითარების კურსზე გაეცნობი პრაქტიკულ მეთოდებს, რომლებიც დაგეხმარება იდეა რეალურ პროდუქტად აქციო, არსებული სერვისი გააუმჯობესო და თანამედროვე მიდგომები დანერგო. კურსს უძღვება ბრენდისა და პროდუქტის დიზაინერი ერეკლე ინაშვილი.Canva მცირე და საშუალო ბიზნესისთვისთუ გსურს, რომ შენი ბიზნესი სოციალურ მედიაში უფრო პროფესიონალურად გამოიყურებოდეს, Canva-ს კურსი ერთ-ერთი ყველაზე პრაქტიკული არჩევანია. აქ ისწავლი, როგორ შექმნა ვიზუალურად გამართული სოციალური მედიის პოსტები, ვიდეოები და მარკეტინგული მასალები, რომლებიც მომხმარებელზე შთაბეჭდილებას მოახდენს. კურსს ციფრული მარკეტერი ლაშა ხორგუაშვილი უძღვება.საჯარო გამოსვლის უნარებიგაიარეთ ბიზნესკურსი საჯარო გამოსვლის უნარების შესახებ და გახდით უკეთესი პრეზენტატორი. ამ კურსით გაიგებთ, რატომ არის აუცილებელი თქვენი ბიზნესის წარმატებისთვის საჯარო გამოსვლისა და დარწმუნების უნარები და როგორ შეგიძლიათ მისი განვითარება. კურსს უძღვება რუსუდან კვაჭანტირაძე,  ICF-ის მიერ სერთიფიცირებული PCC ქოუჩი.ელექტრონული კომერციაონლაინ გაყიდვები უკვე დიდი ხანია, ბიზნესის ზრდის ერთ-ერთ მთავარ მიმართულებად იქცა. ელექტრონული კომერციის კურსი გასწავლის, როგორ შექმნა ონლაინ მაღაზია, რომელი პლატფორმები გამოიყენო, როგორ დაგეხმარება ხელოვნური ინტელექტი და რა როლი აქვს ციფრულ მარკეტინგს წარმატებული eCommerce ბიზნესის განვითარებაში. მას ელკომერციის სპეციალისტი, თორნიკე აფხაზი უძღვება.MS Excel-ის გამოყენებაExcel დღემდე ერთ-ერთი ყველაზე მნიშვნელოვანი ინსტრუმენტია მცირე ბიზნესისთვის. კურსზე ისწავლი, როგორ შექმნა გამართული და მარტივად სამართავი ფაილები, როგორ დაამუშაო მონაცემები და გამოიყენო დაგროვილი ინფორმაცია ეფექტური ბიზნესგადაწყვეტილებების მისაღებად. კურსს უძღვება ელექტრონული აკადემიის დამფუძნებელი და MS Excel-ის ტრენერი გიორგი დათუკიშვილი.პროექტების მართვანებისმიერ ბიზნესში, სადაც რამდენიმე პროცესი ერთდროულად მიმდინარეობს, პროექტების მართვის უნარი აუცილებელი ხდება. ამ კურსზე გაიგებ, როგორ იგეგმება პროექტი, რა ეტაპებს გადის იდეიდან განხორციელებამდე და როგორია წარმატებული პროექტის მართვის მეთოდოლოგია. კურსს პროექტების მართვის სპეციალისტი ვანო ნადირაძე უძღვება.კონტენტის მენეჯმენტიდღეს მომხმარებელთან ურთიერთობის დიდი ნაწილი ციფრულ სივრცეში მიმდინარეობს. სწორედ ამიტომ, მნიშვნელოვანია იცოდე, როგორ წარადგინო შენი პროდუქტი ან მომსახურება სოციალურ მედიაში ისე, რომ სასურველ აუდიტორიამდე სწორად მიაღწიო. კონტენტის მენეჯმენტის კურსი ამ პროცესის უკეთ გააზრებაში დაგეხმარება. კურსს ესერტი კონტენტ სტუდიოს დამფუძნებელი, ლიანა მეტრეველი უძღვება.Businesscourse.ge-ის მთავარი უპირატესობა ისაა, რომ კურსები შეგიძლია საკუთარ ტემპში გაიარო, მაშინ, როცა შენთვის მოსახერხებელია. პლატფორმაზე განთავსებული მასალები ადგილობრივ, პრაქტიკულ გამოცდილებასა და თანამედროვე ბიზნეს ტენდენციებზეა დაფუძნებული, რაც მცირე და საშუალო ბიზნესებს რეალურ განვითარებაში ეხმარება.თუ გინდა, რომ შენი ბიზნესი უფრო ეფექტურად მართო, პროცესები გაამარტივო და თანამედროვე ციფრულ გარემოს უკეთ მოერგო - Businesscourse.ge-ზე შენთვის საჭირო ცოდნას აუცილებლად იპოვი.(R)

1786435757

სიახლის ფონზე, ავსტრალიის საფონდო ბირჟაზე Austal-ის აქციები 16%-ზე მეტით გაიზარდა, რაც მიმდინარე წლის თებერვლის შემდეგ ყველაზე მაღალი დღიური ზრდაა.Austal ავსტრალიის უდიდესი გემთმშენებელია, რომელიც ხომალდებს აშშ-ის სამხედრო-საზღვაო ძალებისა და სანაპირო დაცვისთვის აპროექტებს. კომპანიის ამერიკულმა ბიზნესმა 2025 ფინანსურ წელს ჯგუფის მოგების (108.5 მლნ ავსტრალიური დოლარი) 90% უზრუნველყო.Hanwha Defense USA-ის შეთავაზება მხოლოდ აშშ-ის ოპერაციებს ეხება და არ მოიცავს Austal-ის ძირითად აქტივებს ავსტრალიაში, ფილიპინებსა და ვიეტნამში, ან მის აქციებს სიდნეის ბირჟაზე. Austal დათანხმდა, სამხრეთკორეულ მხარეს 4-კვირიანი ვადა მისცეს დეტალური ფინანსური და სამართლებრივი აუდიტის (due diligence) ჩასატარებლად.ამასთან, Austal-ის განცხადებით, გემთმშენებლობის პროგრამებში გაზრდილი დანახარჯების გამო, მისმა ამერიკულმა ბიზნესმა 2026 წელს შესაძლოა 175 მლნ ავსტრალიური დოლარის საოპერაციო ზარალი დააფიქსიროს, რაც მთლიანად ჯგუფს 113 მილიონი ავსტრალიური დოლარის ზარალზე გაიყვანს.Hanwha Group აქტიურად ცდილობს ამერიკულ გემთმშენებლობაში საკუთარი წარმომადგენლობის გაფართოებას, რასაც 2024 წელს ფილადელფიაში Philly Shipyard-ის შესყიდვაც უძღოდა წინ. გასული წლის დეკემბერში ავსტრალიის მთავრობამ კორეულ მხარეს Austal-ში წილის 19.9%-მდე გაზრდის უფლებაც მისცა.

1786431206

ფესტივალის უცვლელი პარტნიორი უკვე ათი წელია თიბისია. AD BLACK SEA-ის დაარსების პირველივე დღიდან, თიბისის სჯერა, რომ ძლიერი შემოქმედებითი ინდუსტრია ქვეყნის განვითარების, ინოვაციისა და ეკონომიკური პროგრესის მნიშვნელოვანი საფუძველია. სწორედ ამიტომ, თიბისი მუდმივად უჭერს მხარს იმ პლატფორმებს, სადაც ახალი იდეები იბადება, შემოქმედებითი აზროვნება ვითარდება და საერთაშორისო თანამშრომლობის შესაძლებლობები იქმნება.ფესტივალის ფარგლებში, ტრადიციულად, უკვე მეოთხედ, თიბისი Young Creative-ის ნომინაციას წარადგენს და წლის ყველაზე შემოქმედებით ახალგაზრდას საერთაშორისო პროფესიული განვითარების ახალ შესაძლებლობებს გაუხსნის. ნამუშევრების მიღება 27 აგვისტოს ჩათვლით გრძელდება. „უკვე ათი წელია, AD BLACK SEA-სთან ერთად ვქმნით სივრცეს, სადაც ახალი იდეები იბადება და პროფესიული საზოგადოება ერთმანეთს გამოცდილებას უზიარებს. გვჯერა შემოქმედების ძალის, რომელიც ცვლის ადამიანებს, ბიზნესებს და გარემოს უკეთესობისაკენ. სწორედ ამიტომ, ვუჭერთ მხარს მათ, ვინც ამ ტრანსფორმაციას ქმნის. Young Creative-ის კატეგორიაც ამ რწმენის გაგრძელებაა: გვსურს, ახალი თაობის ქართველ შემოქმედებს საერთაშორისო ასპარეზზე გზა გავუხსნათ და ხელი შევუწყოთ მათი პოტენციალის სრულად გამოვლენას“, - მაკუნა თავბერიძე, თიბისის მარკეტინგის და ბრენდის გამოცდილების ლიდერი.სამ დღიანი ფესტივალის ფარგლებში, ტრადიციულად, გაიმართება საერთაშორისო კონკურსიც. რეგიონის ყველაზე შემოქმედებითი კამპანიებსა და პროექტებს, 13 ძირითად კატეგორიაში, 20-ზე მეტი ქვეყნიდან მოწვეული, 30-ზე მეტი საერთაშორისო ჟიურის წევრი გამოავლენს.ფესტივალის წლევანდელი კონცეფცია „ON THE EDGE“ იმ გარდამავალ მდგომარეობას ასახავს, რომელშიც დღეს მსოფლიო, ქვეყნები, შემოქმედებითი ინდუსტრია და ადამიანები იმყოფებიან. „ზღვარზე ყოფნა“ არის სივრცე, სადაც ცვლილებები იწყება, გაურკვევლობა კი ახალი იდეებისა და ინოვაციების წყაროდ იქცევა. სწორედ ამ ზღვარზე იბადება ის, რაც გუშინ შეუძლებელი ჩანდა.AD BLACK SEA ფესტივალი ეს არის შესაძლებლობა, სფეროთი დაინტერესებული ადამიანები გაეცნონ შემოქმედებით ინდუსტრიაში არსებულ ტენდენციებს, გაიღრმაონ პროფესიული ცოდნა და გაიცნონ სფეროს წამყვანი პროფესიონალები.ფესტივალს 1 500-მდე ქართველი და უცხოელი დელეგატი დაესწრება. მონაწილეებს შესაძლებლობა ექნებათ მოუსმინონ მსოფლიოს შემოქმედებითი ინდუსტრიის გამორჩეულ ლიდერებს, მათ შორის დევიდ დროგას (Accenture), სინდი გელოპს (MakeLoveNotPorn), ნატაშა ჯენს (Pentagram New York), მიჰნია გეორგიუს (Le Pub), კატალინ დობრეს (McCann Worldgroup Romania) და იოჰანა იასკოვსკას – გაფართოებული რეალობისა და ციფრული ხელოვნების ერთ-ერთ პიონერს.AD BLACK SEA-ის მე-10 საიუბილეო გამოშვება კიდევ ერთხელ ადასტურებს, რომ საქართველო რეგიონში შემოქმედებითი ინდუსტრიის მნიშვნელოვანი ცენტრი ხდება, ხოლო თიბისი ამ ეკოსისტემის განვითარების ერთ-ერთი ყველაზე სტაბილური და გრძელვადიანი მხარდამჭერია.(R)

1786430138

ყაზახეთში დაიწყო ბეინეუ–საქსაულსკის საავტომობილო გზის მშენებლობა. ქვეყნის პრეზიდენტმა ყასიმ-ჟომართ თოყაევმა პროექტს ჩინეთსა და ევროპას შორის „ოქროს ხიდი“ უწოდა. ახალი გზა სასაზღვრო გამშვებ პუნქტებს აქთაუსა და კურიკის პორტებთან დააკავშირებს.პროექტის დასრულების შემდეგ სატრანსპორტო მარშრუტი დაახლოებით 1 000 კილომეტრით შემოკლდება, ხოლო ტვირთების მიწოდების დრო შესაძლოა სამ დღემდე შემცირდეს.ყაზახეთის ხელისუფლების ინფორმაციით, ბოლო შვიდი წლის განმავლობაში ქვეყანაში დაახლოებით $35 მილიარდი ჩაიდო სატრანსპორტო ინფრასტრუქტურაში. ინვესტიციები მოიცავს რკინიგზას, საავტომობილო გზებს, პორტებს, აეროპორტებსა და ციფრულ ლოგისტიკას.ყაზახეთი ამჟამად ჩინეთსა და ევროპას შორის სახმელეთო სატვირთო გადაზიდვების დაახლოებით 83%-ს უზრუნველყოფს.შუა დერეფნის ტვირთბრუნვა ხუთჯერ გაიზარდაბოლო შვიდი წლის განმავლობაში შუა დერეფნის გავლით ტვირთების გადაზიდვის მოცულობა ხუთჯერ გაიზარდა.2025 წელს მარშრუტზე 4,5 მილიონ ტონაზე მეტი ტვირთი გადაიზიდა, საკონტეინერო გადაზიდვების მოცულობამ კი დაახლოებით 77 ათასი TEU შეადგინა.მარშრუტის მონაწილე ქვეყნები 2029 წლისთვის გამტარუნარიანობის 300 ათას TEU-მდე წელიწადში გაზრდას გეგმავენ.ერთ-ერთ მნიშვნელოვან პროექტს წარმოადგენს დოსთიკი–მოინთის 836-კილომეტრიან მონაკვეთზე მეორე სარკინიგზო ხაზის მშენებლობა, რომელშიც დაახლოებით $1 მილიარდი ინვესტიცია განხორციელდა.პროექტის შედეგად მონაკვეთის გამტარუნარიანობა დღეში 12-დან 60 მატარებლამდე გაიზარდა, ხოლო სატვირთო მატარებლების საშუალო დღიური გამავლობა 800-დან 1 500 კილომეტრამდე გაიზარდა.გარდა ამისა, ალმათის რეგიონში დაახლოებით $300 მილიონად შეფასებული 75-კილომეტრიანი სარკინიგზო შემოვლითი ხაზი აშენდა. პროექტმა სარკინიგზო ქსელზე დატვირთვა შეამცირა და ტვირთების გადაზიდვის დრო 24 საათამდე შეამცირა.ყაზახეთი საქართველოს პორტებთან კავშირს აძლიერებსყაზახეთი საერთაშორისო გადაზიდვების დაჩქარებისთვის ციფრულ ტექნოლოგიებსაც იყენებს. ელექტრონულმა საბაჟო სისტემებმა და „ერთი ფანჯრის“ პრინციპმა საზღვრის გადაკვეთისთვის საჭირო დრო შეამცირა.ამჟამად დოსთიკიდან საქართველოს შავი ზღვის პორტებამდე კონტეინერების მიწოდება დაახლოებით 11–13 დღეშია შესაძლებელი.ეს მონაცემი განსაკუთრებით მნიშვნელოვანია საქართველოსთვის, რადგან შუა დერეფნის ერთ-ერთი მთავარი საზღვაო მონაკვეთი სწორედ საქართველოს პორტებსა და შავი ზღვის მიმართულებას უკავშირდება. ყაზახეთის სატრანსპორტო ინფრასტრუქტურაში განხორციელებული ინვესტიციები, შესაბამისად, ზრდის არა მხოლოდ ყაზახეთის, არამედ მთელი მარშრუტის, მათ შორის საქართველოს სატრანზიტო ფუნქციის მნიშვნელობას.ყაზახეთი ასევე ზრდის საჰაერო და საპორტო ინფრასტრუქტურის შესაძლებლობებს. 2025 წელს ქვეყნის აეროპორტები 15,4 მილიონ მგზავრს მოემსახურა, რაც 2024 წელთან შედარებით 4,8%-ით მეტია. მთლიანად ქვეყნის სამგზავრო ნაკადმა კი თითქმის 32 მილიონი ადამიანი შეადგინა.

1786427041

თურქული წყაროების ცნობით, ხელოვნური ინტელექტი ადრეულ ეტაპზევე აფიქსირებს შეცდომებსა და საეჭვო ოპერაციებს. ერთი წლის განმავლობაში სისტემამ დაახლოებით 150 მილიონი საბუღალტრო ჩანაწერი, 18 მილიონი საგადახდო დავალება და 10 მილიონი ელექტრონული ინვოისი გააანალიზა.ფინანსების ციფრულმა მართვამ, სამინისტროს ინფორმაციით, ასევე მნიშვნელოვნად შეამცირა ქაღალდის გამოყენება — დაახლოებით 200 მილიონი ფურცლის დაზოგვა გახდა შესაძლებელი.

1786377829

G&T-ის მიმოხილვით, ამ დროისთვის ფასიანი ქაღალდების Z-სპრედი 172.8 bps-ია (საბაზისო პუნქტი – %პX100).ქვეყნის სუვერენულ ფასიან ქაღალდებზე მაღალი მოთხოვნა ნარჩუნდება. 5-წლიანი ბონდები წელს განთავდა, 5.125%-ად. ამით წინა ემისია რეფინანსირდა (2021 -ის აპრილში ქვეყნის სუვერენული 5-წლიანი ბონდები 2.75%-ად განთავსდა. რომლითა რისკის მდგენელი იყო 2.2%).

1786376640

აშშ-ის სახაზინო დეპარტამენტის უცხოური აქტივების კონტროლის ოფისის (OFAC) მიერ ვირტუალური აქტივების მომსახურების პროვაიდერის (vasp) სანქცირებაზე, სებ-ის ვიცე-პრეზიდენტი აღნიშნავს, რომ ზედამხედველის უფლებამოსილება და ფუნქციები მკაფიოდ განსაზღვრულია საქართველოს ორგანული კანონით.  სები ზედამხედველობს საბანკო და არასაბანკო საფინანსო ინსტიტუტებს, ასევე vasp-ებს. აღნიშნული საქმიანობა შესაძლებელია, თუ სუბიექტი რეგისტრირებულია ან ლიცენზირებულია ეროვნული ბანკის მიერ მისი შეფასებით, ნებისმიერი პირი, რომელსაც არ გააჩნია  შესაბამისი რეგისტრაცია, ლიცენზიის გარეშე ახორციელებს ასეთ საქმიანობა და  ეწევა უკანონო სამეწარმეო საქმიანობას  ბუნებრივია, ვერ მოექცევა ეროვნული ბანკის რეგულირებისა და ზედამხედველობის ქვეშ.,,ხაზგასმით მინდა აღვნიშნო, რომ ამერიკის შეერთებული შტატების სახაზინო დეპარტამენტის მიერ სანქცირებული სუბიექტი, ისევე როგორც მანამდე გაერთიანებული სამეფოსა და ევროკავშირის მიერ სანქცირებული  კომპანიები, საქართველოს ეროვნულ ბანკში არასოდეს ყოფილან დარეგისტრირებული. რეგულაცია მკაცრია. რეგისტრაციის პროცესი მოიცავს დეტალურ შემოწმებას: კომპანიის ბიზნეს მოდელის, ბენეფიციარი მესაკუთრეების, სახსრების წარმომავლობის, ტრანზაქციების მონიტორინგის სისტემების  და სხვა მოთხოვნების. სწორედ ამიტომ, აღნიშნული ჩარჩო წარმოადგენს მნიშვნელოვან პრევენციულ მექანიზმს და ეფექტიან ფილტრს იმ სუბიექტების მიმართ, რომლებიც შესაძლოა დაკავშირებული იყვნენ არალეგალურ საქმიანობასთან“, - აცხადებს ნინო ჯელაძე.მისივე თქმით, რეგისტრაციით ვალდებულებები არ სრულდება. ეროვნული ბანკის ზედამხედველობის ქვეშ მყოფ ყველა ვირტუალური აქტივების მომსახურების პროვაიდერს მოეთხოვება სრულ შესაბამისობაში იყოს აშშ-ის, გაერთიანებული სამეფოსა და ევროკავშირის ფინანსურ სანქციებთან. ამასთან,  რეგულაციის ერთ-ერთი მნიშვნელოვანი მოთხოვნაა  რომ საფინანსო სექტორის  წარმომადგენლებს უფლება არ აქვთ საქმიანი ურთიერთობა დაამყარონ ისეთ ვირტუალური აქტივის მომსახურების პროვაიდერთან ან ფინანსურ ინსტიტუტთან რომელიც, არ არის ეროვნული ბანკის მიერ ან უცხო ქვეყნის შესაბამისი უწყების მიერ  ლიცენზირებული.,,ასევე მნიშვნელოვანია აღინიშნოს, რომ საქართველო ერთ-ერთი პირველი ქვეყანა იყო რეგიონში, რომელმაც შექმნა ვირტუალური აქტივების მომსახურების პროვაიდერების რეგულირებისა და რეგისტრაციის სამართლებრივი ჩარჩო. ამ რეგულაციამ მნიშვნელოვნად გაზარდა სექტორის გამჭვირვალობა, სანდოობა და ანგარიშვალდებულება, ხოლო ბაზრის მონაწილეებისთვის შექმნა მკაფიო და პროგნოზირებადი სამართლებრივი გარემო. როგორც არაერთხელ აღვნიშნეთ, საქართველოს ეროვნული ბანკის მიერ შექმნილი მარეგულირებელი ჩარჩო სრულად ეფუძნება FATF-ის სტანდარტებსა და საუკეთესო საერთაშორისო პრაქტიკას. აღნიშნული მიდგომა საერთაშორისო დონეზეც არის აღიარებული. რაც აღნიშნა  ევროპის საბჭოს ექსპერტთა კომიტეტმა – MONEYVAL-მა – 2024 წლის შეფასების ანგარიშში“, - აცხადებს ნინო ჯელაძე.

1786366935

Kaspi.kz-მა ბანკის ბაზაზე უკვე გაუშვა საპილოტე სერვისი, რომელიც თურქული მარკეტფლეისის Hepsiburada-ს მომხმარებლებს შესყიდვების დასაფინანსებლად სესხებს სთავაზობს. კომპანია თურქეთში ფინტექ-პროდუქტების მასშტაბურ განვითარებას 2027 წელს გეგმავს.Kaspi.kz-მა ნიდერლანდური ჯგუფის Rabobank-ის თურქული შვილობილი კომპანიის შეძენის შესახებ 2025 წლის მარტში განაცხადა. გარიგების დასრულება რამდენჯერმე გადაიდო თურქეთის საბანკო რეგულირების და ზედამხედველობის სააგენტოს (BDDK) ნებართვის მოლოდინში.რეგულატორის თანხმობა კომპანიამ 2026 წლის 24 ივნისს მიიღო, ხოლო გარიგების დასრულების შესახებ 15 ივლისს განაცხადა.გარიგების ღირებულება არ გამჟღავნებულა. Kaspi.kz-ში მანამდე აცხადებდნენ, რომ ბანკის შეძენა კომპანიისთვის არსებითი გარიგება არ იყო. კომპანიის თანადამფუძნებლისა და CEO-ს მიხეილ ლომთაძის განცხადებით, ბანკის შეძენის შემდეგ Kaspi.kz თურქეთში ელექტრონული კომერციისა და ფინტექის განვითარებაში დაახლოებით $300 მლნ-ის ინვესტირებას გეგმავს.Rabobank A.Ş. Kaspi.kz-ის მეორე აქტივია თურქეთში. პირველი იყო Hepsiburada-ს საკონტროლო პაკეტი, რომელიც კომპანიამ 2025 წელს დაახლოებით $1.13 მლრდ-ად შეიძინა. მოგვიანებით ცნობილი გახდა, რომ Kaspi.kz თურქულ მარკეტფლეისში წილის გაზრდას აგრძელებდა.ამასთან, Kaspi.kz-ის დირექტორთა საბჭომ აქციონერებს დივიდენდების 18%-ით გაზრდა შესთავაზა – ერთ ADS-ზე 1 000 ტენგემდე, 2026 წლის პირველი კვარტალის 850 ტენგესთან შედარებით. გადაწყვეტილება აქციონერებმა უნდა დაამტკიცონ.2026 წლის 1 ივლისის მდგომარეობით, Kaspi.kz-ის უმსხვილეს აქციონერებს შორის იყვნენ დირექტორთა საბჭოს თავმჯდომარე ვიაჩესლავ კიმი 19.1%-იანი წილით, კომპანიის თანადამფუძნებელი და CEO მიხეილ ლომთაძე – 21.95%-ით, და საინვესტიციო ფონდი Baring Funds – 18.1%-ით.Kaspi.kz-ის შემოსავალმა 2026 წლის პირველ ნახევარში 23%-ით მოიმატა და 2.2 ტრილიონ ტენგეს მიაღწია. წმინდა მოგება კი გასული წლის ანალოგიურ პერიოდთან შედარებით თითქმის უცვლელი დარჩა და 510.8 მლრდ ტენგე შეადგინა.კომპანიის განცხადებით, ფინანსურ შედეგებზე გავლენა თურქეთში განხორციელებულმა ინვესტიციებმა და ყაზახეთში დაფინანსების მაღალმა ღირებულებამ მოახდინა.Kaspi.kz-მა ასევე დაადასტურა 2026 წლის ფინანსური პროგნოზი. კომპანია კვლავ ელოდება შემოსავლის დაახლოებით 15%-იან, საშუალო საკრედიტო პორტფელის დაახლოებით 20%-იან და კორექტირებული EBITDA-ის დაახლოებით 5%-იან ზრდას.

1786363971